Transparency Myanmar

အချို့ လေ့လာ စောင့်ကြည့် သူများက ယခု အပတ်တွင် ကျင်းပသော ပါလီမန် အသစ် စတင် ကျင်းပခြင်းအား မြန်မာ နိုင်ငံတွင် ဒီမိုကရေစီ ခေတ် တစ်ခု ဖြစ်နိုင်သည့် အလား အလာများ ရှိသည်ဟု ကောင်းချီး ပေးခဲ့ကြသည်။

ပါလီမန် အစည်းအဝေးကို ဗေဒင် ဆရာများ အကြံ ပေးမှု အရ ငွေကြေး ကုန်ကျမှု များစွာ အကုန်ခံ ဆောက်လုပ် ထားသော ဝေးလံသော အရပ်မှ မြို့တော် အသစ်တွင် ကျင်းပခြင်း ဖြစ်သည်။ မြို့တော်ကြီး၏ အဓိက လက္ခဏာ တစ်ရပ်မှာ မြို့တွင် လူများ နေထိုင်ခြင်း မရှိခြင်း ဖြစ်သည်။ ပါလီမန် စည်းမျဉ်းများမှာလည်း လူကြောက်ခြင်း ဟူသော ခံယူချက်နှင့် တစ်ထပ်တည်း ဖြစ်သည်။ ပါလီမန် အစည်း အဝေးသို့ သတင်းစာ ဆရာများ၊ ရိုးရိုး သာမန် ပြည်သူများပင် မလာနိုင်အောင် တားမြစ် ထားသည်။

ပါလီမန် အမတ်များကိုပင် ဆယ်လူလာ ဖုန်းများ၊ ကင်မရာများ၊ အသံဖမ်း နိုင်သော အရာများ ယူဆောင်ခွင့် မပြုပေ။ မေးခွန်း မေးလိုသော အမတ်များသည် ၁၀ ရက် ကြိုတင်၍ တင်ပြ ကြရမည် ဖြစ်ပြီး စစ်အစိုးရသည် ၎င်းအဆင် ပြေမည့် ပုံစံကိုသာ ရွေးချယ် ခဲ့ခြင်း ဖြစ်သည်။

ဆိုးဆိုး ဝါးဝါး မည်သည့် အရာမျှ မဖြစ်ခဲ့လျှင်ပင် စိတ်ချမ်းသာ ရမည် ဖြစ်သည်။ မြန်မာ ပြည်သူများသည် ၁၉၈၈ နှင့် ၂၀၀၇ တွင် ၎င်းတို့၏ ရဲရင့်မှုကို ပြသခဲ့ကြပြီး ဖြစ်သည်။ ပြည်သူ များသည် မိမိ တို့ အလိုကျ အုပ်ချုပ်ရန် စိတ်အား ထက်သန် ခဲ့ကြသည်။ သို့သော် ယခု အချိန်ထိ အီဂျစ် နှင့် မတူသော အချက်မှာ မြန်မာ စစ်တပ်သည် မိမိ အာဏာ တည်မြဲရေး အတွက် အရပ်သားများကို မည်မျှ ဖြစ်ဖြစ် သတ်ပစ် နိုင်သည်ဟု သက်သေ ပြခဲ့ပြီး ဖြစ်သည်။

ဗိုလ်ချုပ်မှူးကြီး သန်းရွှေ ခေါင်းဆောင်သော စစ်အစိုးရသည် ကမ္ဘာပေါ်တွင် အရက်စက် အကြမ်းကြုတ်ဆုံး အစိုးရများတွင် တစ်ခု အပါအဝင် ဖြစ်ပြီး လူဦးရေ သန်းငါးဆယ် ရှိသော တစ်ချိန်က အာရှ တိုက်၏ ချမ်းသာပြီး ပညာတတ်များ ပေါသော နိုင်ငံ ဖြစ်ခဲ့သော မြန်မာ နိုင်ငံအား အောက်သို့ မှန်မှန် ဆင်းသွား ရအောင် ပြုလုပ်ခဲ့သည်။

ယခု နောက်ဆုံး ကျင်းပခဲ့သော ခပ်ညံ့ညံ့ ဇာတ်လမ်း တစ်ခု ဖြစ်သည့် ချုပ်ကိုင် ထားသည့် ရွေးကောက်ပွဲမှ အစစ်အမှန် မဟုတ်သော ပါလီမန်သည် မည်သို့ ဆိုစေ မျှော်လင့်ချက် တစ်ခု အတွက် အဓိပ္ပာယ် ရှိနေသည်။ မြန်မာ စစ်ဗိုလ်ချုပ်များသည် အနည်းဆုံး အားဖြင့် ဒီမိုကရေစီ ရှိဟန် ဆောင်ပြီး ကမ္ဘာကြီး၏ အမြင်ကို အလေးထား ဂရုပြုခဲ့သည်ဟု ပြသ ခဲ့ခြင်း ဖြစ်သည်။ တစ်ဖက်မှ လှည့်တွေးပါက ပြည်ပ နိုင်ငံများသည် ၎င်းတို့၏ ဩဇာဖြင့် တစ်စုံ တစ်ခု ခိုင်း၍ ရနိုင်သေးကြောင်း အဓိပ္ပာယ် ကောက်ယူနိုင်သည်။

ဆက်ဆံရေးနှင့် ပစ်မှတ်ထားသော အရေးယူမှုများ ပါဝင်သည့် အိုဘားမား အစိုးရ၏ မူဝါဒသည် မအောင်မြင်ခဲ့ပေ။ လက်တွေ့တွင် ဆက်ဆံရေးမှာ စိတ်မပါသောကြောင့် ရလဒ် မရှိခဲ့ပေ။ စစ်အစိုးရကလည်း စိတ်ဝင်စားပုံ မရပေ။ အရေးယူမှုများသည်လည်း ခက်ခဲသော အခြေအနေများတွင် ဖြတ်သန်း နေရဆဲ ဖြစ်သည်။ မြန်မာ ဗိုလ်ချုပ်များသည် တရုတ်၊ ထိုင်း ကဲ့သို့သော နိုင်ငံများမှ ကုမ္ပဏီများနှင့် ဒေါ်လာ သန်းချီတန်သော သဘော တူညီချက်များ လက်မှတ် ရေးထိုးလျက် ရှိရာ အိုဘားမား အစိုးရသည် ၎င်း၏ ဘဏ္ဍာရေး ဌာန မြန်မာ နိုင်ငံ အရေးယူမှု စာရင်းတွင် မြန်မာနှင့် စီးပွားရေး ပြုလုပ်သည့် ပုဂ္ဂိုလ် အမည် သို့မဟုတ် ဘဏ်၏ အမည်ကို ထည့်သွင်းခြင်း မရှိသေးပေ။

Sanction များသည် အုပ်ချုပ်သူ လူတန်းစားထက်စာလျှင် သာမန် ပြည်သူများကို ထိခိုက်ခြင်း ရှိ မရှိ ရိုးသားစွာ ငြင်းခုံသော ဆွေးနွေးပွဲများ ရှိသင့်ပါသည်။ သို့သော် အစိုးရနှင့် ၎င်း၏ အပေါင်းပါများကို ချိန်ရွယ်သော အရေးယူမှုများအတွက် ကြိုးပမ်းရာတွင် သာမန် ပြည်သူများ အတွက် လူသားချင်း စာနာသော အကူ အညီများ ပိုမို ပေးနိုင်ရေး အတွက်မူ လမ်းဖွင့် ပေးထားသင့်သည်။ ယခုမူ အစိုးရသည် ကမ္ဘာပေါ်တွင် အဆိုးဆုံး ဖြစ်နေသည်။ လုပ်ဆောင်ချက်များသည် ဩဇာ လွှမ်းမိုး နိုင်သော လုပ်ရပ်များ မဟုတ်ပေ။ ပြည်သူ လူထု အတွက်လည်း အကူ အညီ မရပေ။

အခြား ငြင်းခုံ ရမည့် အချက် တစ်ခုမှာ မြန်မာ နိုင်ငံ၏ ဒီမိုကရေစီ ခေါင်းဆောင် ဒေါ်အောင်ဆန်း စုကြည် အပေါ် အမေရိကန် အစိုးရ၏ အင်အား အပြည့်ဖြင့် စွမ်းဆောင် ပေးမှု လျော့နည်းခြင်းကို အပြစ် တင်ရမည် ဖြစ်သည်။ Sanction များနှင့် ပတ်သက်၍ သူမထံမှ ရှင်းလင်းသော ကြေညာချက်ကို စောင့်သင့်သည် ဆိုသည့် အချက်ကိုလည်း ငြင်းချက် ထုတ်သင့်သည်။ ဒေါ်အောင်ဆန်းစုကြည်သည် မကြာမီကမှ နေအိမ် အကျယ်ချုပ်မှ လွတ်ခဲ့သော်လည်း အလွယ် တကူ သက်သောင့်သက်သာ နေနိုင်သော အခြေအနေတွင် မရှိပါ။ အကယ်၍ သူမကသာ Sanction များ ပိုမို ချမှတ် သင့်သည်ဟု ရိုးရိုးသားသား တိုက်ရိုက် ပြောဆိုခဲ့ပါက နိုင်ငံပိုင် သတင်းစာများတွင် သူမအား ဆိုးဆိုး ဝါးဝါး ရေးသား ကြပေလိမ့်မည်။ ဒီမိုကရေစီ လှုပ်ရှားမှုများ အပေါ် အနောက်နိုင်ငံများမှ အကြီးဆုံး ကူညီ နိုင်မှုမှာ အုပ်ချုပ်သူ များနှင့် ၎င်းတို့၏ ဆွေမျိုးများ၏ ဘဏ်စာရင်းများကို ပိတ်ထားခြင်းဖြင့် ၎င်းတို့ တိုင်းပြည်၏ အမွေ အနှစ်များကို မခိုးယူ နိုင်အောင် ပြုလုပ် ပေးနိုင်ပါသည်။ ဒေါ်အောင်ဆန်းစုကြည် လုပ်ကိုင်ရ လွယ်ကူမှု အတွက် တောင်းဆို နိုင်စေရန်လည်း ဖြစ်စေသင့်ပါသည်။ စစ်ဗိုလ်ကြီးများ ကြီးစိုးသော ပါလီမန်သည် ပါလီမန် တစ်ရပ်အဖြစ် အဆင့်အတန်းကား မဝင်ပေ။

--
Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။

The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.

{Yangon Chronicle 2010:2751} အမေရိကန်က ကုန်သွယ်ရေးကတိများ စောင့်ထိန်းရန် တရုတ်ကို ဖိအားပေး

Posted by Transparency Myanmar 2010

comments (0)

(Reuters မှ 2 February 2011 ရက်စွဲပါ Walter Brandimarte နှင့် Doug Palmer တို့ ရေးသားသော "US Presses China to Honor Trade Promises" ကို ဘာသာ ပြန်ဆိုသည်)

တရုတ် နိုင်ငံသည် ၎င်း၏ ဈေးကွက်ကို ဖွင့်ပေးမည်ဟု ကတိ ပြုချက်ကို လိုက်နာရန် ပျက်ကွက်ကြောင်း အမေရိကန် ကူးသန်း ရောင်းဝယ်ရေး ဝန်ကြီး Gary Locke က ဗုဒ္ဓဟူးနေ့က ဝေဖန် ပြောကြားခဲ့ပြီး အမေရိကန် ပြည်ထောင်စု အနေဖြင့် ၂၀၁၁ တွင် ရလဒ်ကောင်းများ ထွက်ပေါ်လာရေး အတွက် ဘေဂျင်းအား ဆက်လက် ဖိအားပေး သွားမည် ဖြစ်ကြောင်း ပြောခဲ့သည်။

"ရိုးရိုးလေး ပြောရရင် ဒီလို အပြုအမူ မျိုးတွေကို ပြောင်းလဲ ပစ်ရပါမယ်" ဟု Locke က ပြင်းထန်သော စကားလုံးများ သုံး၍ မိန့်ခွန်း ပြောကြားရာတွင် ထည့်သွင်း ပြောကြား ခဲ့သည်။ ထိုသို့ ပြောကြား ခဲ့ခြင်းမှာ တရုတ် သမ္မတ ဟူကျင်းတောင်သည် အမေရိကန် သမ္မတ အိုဘားမားနှင့် ကွန်ဂရက် အဖွဲ့ဝင်များကို ဝါရှင်တန်တွင် တွေ့ဆုံ အပြီး နှစ်ပတ် အကြာတွင် ပြောခဲ့ခြင်း ဖြစ်သည်။

Locke က ပြောကြား ရာတွင် အမေရိကန် ကုမ္ပဏီများသည် တရုတ် ကုန်သွယ်ရေး နှင့် ပတ်သက်၍ လုပ်ဆောင်နေမှု များကို စိုးရိမ် ပူပန် နေကြောင်း၊ အခြေခံ ကျသော ပြဿနာမှာ တရုတ် အစိုးရ၏ ကတိ ကဝတ်များနှင့် ၎င်း၏ လုပ်ဆောင်ချက် များအကြား ကွာဟမှုပင် ဖြစ်ကြောင်း ပြောကြား ခဲ့သည်။

တရုတ် နိုင်ငံတွင် စီးပွားရေး အခြေအနေနှင့် ပတ်သက်၍ အမေရိကန် ကုမ္ပဏီများသည် တိုး၍ စိတ် မသက် မသာ ဖြစ်လျက် ရှိရာ ထိုကိစ္စ အတွက် အဓိပ္ပာယ် ရှိသော ရလဒ်များ အောင်မြင်စွာ ရရှိရေး အတွက် အိုဘားမား အစိုးရမှာ ဖိအားများ ဖြစ်ပေါ်လျက် ရှိရာ အထက်ပါ ပြင်းထန်သော ပြောဆိုမှုများသည် အဆိုပါ အချက်ကို ထင်ဟင်လျက် ရှိသည်။

အမေရိကန် အစိုးရ တာဝန် ရှိသူက ပြောကြားရာတွင် ဟူကျင်းတောင်သည် ၎င်း၏ ဇန်နဝါရီလ ခရီးစဉ်တွင် ကတိ အချို့ ပေးခဲ့ကြောင်း၊ တရုတ် နိုင်ငံ အနေဖြင့် ငွေ အမြောက် အမြား ရရှိနိုင်သည့် အစိုးရ ပစ္စည်း ဝယ်ယူရေး စာချုပ်များ ချုပ်ဆိုရာတွင် နိုင်ငံခြား နည်းပညာသုံး ပစ္စည်းများကို ခွဲခြားခြင်း မပြုပါ ဟူသော ကတိလည်း ပါဝင်ကြောင်း ပြောခဲ့သည်။

တရုတ် အစိုးရ ပစ္စည်း ဝယ်ယူရေးတွင် ပြည်တွင်း နည်းပညာ တီထွင်မှုကို အားပေးရန် ဦးစား ပေးထားရာ ၎င်းတို့သည် နည်းပညာကို လွှဲပြောင်း ရယူ၍ ပြည်တွင်း ဈေးကွက်တွင် အသာ ရနိုင်ရေး ပြုလုပ်ခြင်းကို အမေရိကန် ကုမ္ပဏီများက စိုးရိမ်နေသည်။

Locke က မီးမောင်းထိုး ဖော်ပြသော အချက်မှာ ပြီးခဲ့သည့် ဒီဇင်ဘာလက တရုတ် အစိုးရ တာဝန်ရှိသူများသည် အမေရိကန် စီးပွားရေး ဆော့ဝဲများအား အစိုးရ အေဂျင်စီများက ခိုးထားသော Pirate Copy များအား အသုံး ပြုခြင်းအား တိုက်ဖျက်၍ နိုင်ငံပိုင် ကော်ပိုရေးရှင်းကြီးများက တရားဝင် ဆော့ဝဲများ အသုံးပြုရေး စီစဉ် ခဲ့သည်ဟူသော အချက် ဖြစ်သည်။

"အမှန်တကယ်ပါပဲ၊ ၂၀၀၆ ခုနှစ်က ဒီကိစ္စ ဖြေရှင်း ခဲ့စဉ်ကလည်း ပြဿနာနဲ့ ကြုံခဲ့ရတယ်၊ အဲဒီ အချိန်က တရုတ်က အစိုးရ ဝန်ကြီးဌာနတွေ တရားဝင် လိုင်စင်ပါ ဆော့ဝဲပါတဲ့ ကွန်ပျူတာတွေ ဝယ်ဖို့ စည်းမျဉ်း ထုတ်ပြန်ခဲ့ပါတယ်၊ သူတို့က ကတိ ပေးပြီးရင် နောက်က ငွေ ဘယ်တော့မှ မလိုက်ဘူး" ဟု နယူးယောက်တွင် Bloomberg News က ကြီးမှူး ကျင်းပသော ကွန်ဖရင့်တွင် Locke က ပြောကြားခဲ့သည်။

Locke ကလည်း ပြီးခဲ့သည့် အပတ်က State of the Union တွင် အိုဘားမား မိန့်ခွန်း ပြောခဲ့သည့် အတိုင်း အမေရိကန် ပြည်ထောင်စုသည် တရုတ်က ပြန်လည် ဖိအားပေးမှုကို တုံ့ပြန်ရန် ပိုမို လုပ်ဆောင်ရန် လိုအပ်သည်ဟု ဆိုခဲ့သည်။

"တရုတ် ဘာလုပ်တယ် ဆိုတာ ကြည့်ကြည့်ပါ၊ သူတို့ ကျောက်မီးသွေး လုပ်ငန်းမှာ ဘယ်လို အာရုံ ပြုပြီး လုပ်တယ် ဆိုတာ ကြည့်ပါ၊ သူတို့ မူဝါဒရော၊ ငွေရေး ကြေးရေး ရော ဒီလုပ်ငန်းထဲမှာ ထည့်ပြီး လုပ်တော့ ရလဒ်ကောင်းတွေ ထွက်လာ ပါတယ်" ဟု ၎င်းက ပြောသည်။

"ကျွန်တော်တို့ အဲဒီလို ဗျူဟာမျိုးကို အမေရိကန်မှာ ပညာရေး မူဝါဒ၊ သန့်ရှင်းတဲ့ စွမ်းအင် ကဏ္ဍ၊ သယ်ယူ ပို့ဆောင်ရေး တို့မှာ သုံးသင့်ပါတယ်" ဟု Locke က ဆိုသည်။

တရုတ်က ဝါရှင်တန်တွင် မကြာသေးမီက သတင်းထောက်များနှင့် တွေ့ဆုံရာတွင် ပေးခဲ့သော ကုန်သွယ်ရေး ဆိုင်ရာ ကတိပြုချက်များကို တင်းကြပ်စွာ စောင့်ကြည့်ရန် လိုအပ်သည်ဟု အမေရိကန် ကုန်သွယ်ရေး ဆိုင်ရာ အကြီးတန်း တာဝန် ရှိသူ နှစ်ဦးက ပြောကြား ခဲ့သည်။

ဟူကျင်းတောင်၏ ဝါရှင်တန် ခရီးစဉ်သည် တစ်နှစ်ခန့် ခရီး ပေါက်ခဲ့သော တရုတ်၏ ပြည်တွင်း နည်းပညာ ဦးစားပေး မူဝါဒ အတွက် အကန့် အသတ် ဖြစ်ခဲ့ကြောင်း၊ ထိုမူဝါဒကို တရုတ် အစိုးရက အမေရိကန် ကုမ္ပဏီများသည် တန်ဖိုး ရှိသော နည်းပညာများ လွှဲပြောင်း ပေးရန် သဘော တူညီမှု မရှိဘဲ ချမှတ် အသုံး ပြုခဲ့ခြင်း ဖြစ်ကြောင်း၊ မူဝါဒကြောင့် တရုတ် အစိုးရ၏ ကြီးမားသော ပစ္စည်း ဝယ်ယူမှု ဈေးကွက်တွင် အမေရိကန် ကုမ္ပဏီများ မပါဝင် နိုင်အောင် ခြိမ်းခြောက်ကြောင်း အမေရိကန် ဒုတိယ ကုန်သွယ်ရေး ကိုယ်စားလှယ် Demetrios Marantis က ပြောကြားခဲ့သည်။

၂၀၁၁ ခုနှစ်တွင် အဓိက စိန်ခေါ်မှုမှာ တရုတ်သည် ၎င်း၏ ကတိ အတိုင်း လိုက်နာ စောင့်ထိန်းလျက် နိုင်ငံခြား တိုင်းပြည်များနှင့် အမေရိကန်တို့ ငွေကုန် ကြေးကျ ခံထားသော နည်းပညာများကို တရုတ် ကုမ္ပဏီ အမည် တပ်၍ အစိုးရက ဗဟို အစိုးရ ပြည်နယ်များ၊ မြူနီစပယ် အဆင့်တွင် ပစ္စည်း ဝယ်ယူရာ၌ ဦးစား ပေးမှုကို ရပ်ဆိုင်း သွားမှု ရှိ မရှိ ပင် ဖြစ်သည်ဟု ၎င်းက ပြောသည်။

အမေရိကန် ပြည်ထောင်စုကလည်း တရုတ်က ကတိ အတိုင်း တရားဝင် ဆော့ဝဲများ ပိုမို အသုံး ပြု မပြု၊ 3G နှင့် 4G ဆက်သွယ်ရေး ပစ္စည်း အတွက် ဈေးကွက် ဖွင့်ပေး မပေး၊ အင်တာနက် မူပိုင်ခွင့် ချိုးဖောက်ခြင်း ရှိ မရှိ တို့ကို အနီးကပ် စောင့်ကြည့်ရမည် ဖြစ်ကြောင်း တရုတ် နိုင်ငံ အတွက် အမေရိကန် လက်ထောက် ကုန်သွယ်ရေး ကိုယ်စားလှယ် Claire Reade က ပြောကြားခဲ့သည်။

{Yangon Chronicle 2010:2750} နှစ်စဉ် သစ်တော ဧရိယာ ဟတ်တာ သုံးသိန်း အိန္ဒိယ တိုးချဲ့

Posted by Transparency Myanmar 2010

comments (0)

(FAO report news မှ 3 February 2011 ရက်စွဲပါ "India Adding 300,000 Hectares of Forests Every Year" ကို ဘာသာ ပြန်ဆိုသည်)

အိန္ဒိယ နိုင်ငံသည် တရုတ်၊ ဩစတြေးလျ၊ အင်ဒိုနီးရှား၊ မြန်မာ နိုင်ငံ တို့နှင့် အတူ ကမ္ဘာ့သစ်တော ဧရိယာ ၇၄ ရာခိုင်နှုန်း ခန့်ကို ပိုင်ဆိုင် ထားသည့် တိုင်အောင် နှစ်စဉ် သစ်တော ဧရိယာ ဟတ်တာ သုံးသိန်း တိုးချဲ့ စိုက်ပျိုးနေသည်ဟု ကုလ သမဂ္ဂ အစီရင်ခံစာ အရ သိရှိရသည်။

"နိုင်ငံတကာ သစ်တောများနှစ်" တွင် ကမ္ဘာ့သစ်တော ဖုံးလွှမ်းဧရိယာ တိုးတက် လာသည့် အတွက် ဂုဏ်ပြုရခြင်း ဖြစ်သည်ဟု ကုလသမဂ္ဂ စားနပ် ရိက္ခာနှင့် စိုက်ပျိုးရေး အဖွဲ့ (FAO) က ၂ နှစ် တစ်ကြိမ် ထုတ်ဝေသော "State of the World Forest" အစီရင်ခံစာက ဆိုသည်။

ကမ္ဘာပေါ်တွင် အကြီးမားဆုံး သစ်တော ဖုံးလွှမ်း ဧရိယာကို ပိုင်ဆိုင်ထားသည့် အဆိုပါ ငါးနိုင်ငံ အနက် တရုတ်နှင့် ဩစတြေးလျ နှစ်နိုင်ငံတည်းကပင် အာရှ-ပစိဖိတ် ဒေသ၏ သစ်တော ဧရိယာ ထက်ဝက်ခန့်ကို ပိုင်ဆိုင် ထားသည်ဟုလည်း အစီရင်ခံစာတွင် ဖော်ပြခဲ့သည်။

အာရှတိုက်သည် ကမ္ဘာ့သစ်တော ပြန့်ပွားရေး လှုပ်ရှားမှုတွင် သိသိ သာသာ ပါဝင် ဆောင်ရွက်ခြင်းဖြင့် ဦးဆောင် နေသည်ဟု FAO ၏ သစ်တော ဒါရိုက်တာ အက်ဒူရာဒို ရိုဂျာစ် ဘရာလက်စ်က ဗုဒ္ဓဟူးနေ့တွင် ပြောကြားခဲ့သည်။

"အရေးကြီးတဲ့ အပင် အရေအတွက် တိုးချဲ့ရေးကို ဆောင်ရွက်နေတဲ့ အိန္ဒိယကို ချီးကျူး လိုပါတယ်၊ အိန္ဒိယရဲ့ သစ်တော ဧရိယာဟာ တစ်နှစ်ကို ဟတ်တာ သုံးသိန်း စိုက်ပျိုး တိုးချဲ့ နေပါတယ်" ဟု ၎င်းက ဆိုသည်။

၁၉၉၀ ခုနှစ်များ အတွင်းက တစ်နှစ်လျှင် ပျမ်းမျှ သစ်တော ဧရိယာ ဟတ်တာ ၀.၇ သန်း ဆုံးရှုံးခဲ့သည့် အာရှ- ပစိဖိတ် ဒေသသည် ထို အနေအထားကို ပြောင်းပြန် လှန်ပစ် နိုင်ခဲ့သည်ဟု ယူဆ ရပြီး ၂၀၀၀-၂၀၁၀ ကာလ အတွင်း နှစ်စဉ် သစ်တော ဧရိယာ ဟတ်တာ ၁.၄ သန်း တိုးပွား လာခဲ့သည်ဟု သိရှိရသည်။

{Yangon Chronicle 2010:2748} ဒုက္ခသည်များအား ထပ်မံ ရက်စက်မည့် အဘီဆစ်အစိုးရ

Posted by Transparency Myanmar 2010

comments (0)

(Thai Political Prisoners.wordpress.com မှ 2 February 2011 ရက်စွဲပါ "Abhisit Regime Again Targets Refugees" ကို ဘာသာ ပြန်ဆိုသည်)

မြန်မာ နိုင်ငံတွင် ကြမ်းကြုတ်သော ရက်စက် ညှဉ်းပမ်းမှု အန္တရာယ်နှင့် ကြုံတွေ့ ရဖွယ် ရှိနေသော အထိန်းသိမ်းခံ ရိုဟင်ဂျာ လှေစီး ဒုက္ခသည် ၂၀၀ ကျော်ကို ကုလ သမဂ္ဂ ဒုက္ခသည် အေဂျင်စီက တွေ့ဆုံလိုခြင်းကို အရေး တကြီး ခွင့်ပြုရန် Human Rights Watch က ထိုင်းအစိုးရအား တောင်းဆိုထားသည်။

ယခု လတ်တလော ထိုင်းနိုင်ငံတွင် ထိန်းသိမ်း ထားသည့် ရိုဟင်ဂျာ ၂၂၆ ဦးကို မြန်မာ နိုင်ငံသို့ ပြန်ပို့ရန် စီစဉ်နေပြီ ဖြစ်ရာ "ဒုတိယ အကြိမ် အဓမ္မ ပြန်မောင်းထုတ်မှု" ဟု ဆိုရမည် ဖြစ်သည်။

အထက်ပါ အထိန်းသိမ်းခံ ဒုက္ခသည်များအား ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး (UNHCR) က တွေ့ဆုံ လိုခြင်းကို ထိုင်းနိုင်ငံက အကြိမ်ကြိမ် ငြင်းပယ် ခဲ့သည်ဟု HRW က ပြောကြားသည်။ အနေအထား မည်သို့ ရှိစေ အစိုးရ၏ မူဝါဒသာ ဖြစ်သည်ဟု ထိုင်းတို့က ပြောဆိုခဲ့သည်။

{Yangon Chronicle 2010:2749} ဒဏ်ချက်များကို ဖာထေးနေသည့် ထိုင်းနိုင်ငံက အိုဘားမားကို ဖိတ်ကြား

Posted by Transparency Myanmar 2010

comments (0)

(The Straits Times မှ 3 Feb 2011 ရက်စွဲပါ Thailand invites Obama to patch up" သတင်းကို ဘာသာ ပြန်ဆိုသည်။

အမေရိကန် ပြည်ထောင်စုက အရှေ့တောင် အာရှ အပေါ် အာရုံ ထားမှုကို အရှိန်မြှင့်လျက် ရှိပေရာ ရှေးကပင် ဝါရှင်တန်၏ မဟာမိတ် ဖြစ်ခဲ့သော ထိုင်းနိုင်ငံက ယခင်နှစ် နိုင်ငံရေး အကြမ်းဖက်မှု ပုံရိပ်များကို ခွာချရန် ကြိုးစားသည့် အနေဖြင့် သမ္မတ ဘားရက် အိုဘားမားကို လာရောက် လည်ပတ်ရန် ဖိတ်ကြားလိုက်သည်။

ထိုင်းနိုင်ငံ အနေဖြင့် တည်ငြိမ်မှုဆီ ပြန်လည် ဦးလှည့်နေပြီ ဖြစ်ပြီး ထစ်ကနဲရှိ လမ်းပေါ် ရောက်လာသော ထိုင်းနိုင်ငံ အရေးကို မဲပုံးများဆီသို့ ပြန်ပို့ရန် ဆုံးဖြတ်ထားကြောင်း အမေရိကန် လွှတ်တော် အမတ်များအား စည်းရုံးရန် အတွက် ဝန်ကြီးချုပ် အဘီဆစ် ဂျာဂျီဗားက ဝါရှင်တန်သို့ ယခု တစ်ပတ်တွင် အထူး ကိုယ်စားလှယ် အဖွဲ့ စေလွှတ်ခဲ့ပြီး ဖြစ်သည်။

ထိုင်းအစိုးရ အဖွဲ့၏ ယာယီ ပြောရေးဆိုခွင့် ရှိသူ အဖြစ် ဆောင်ရွက်နေသော အထူး ကိုယ်စားလှယ် ပန်နီတန် ဝပ်တာနရာဂုံက "ကျွန်တော်တို့ တာဝန် ကတော့ ကျွန်တော်တို့ စီးပွားရေး ဖက်ကို ပြန်လှည့်နေပြီလို့ သူတို့ကို ပြောဖို့ လိုပါတယ်" ပာု ဗုဒ္ဓပာူးနေ့တွင် AFP သို့ ပြောကြားသည်။

ဝါရှင်တန်၏ အရှေ့ အလယ်ပိုင်းနှင့် အာဖဂန် နစ္စတန် ကိစ္စရပ်များကြောင့် အမေရိကန် ပြည်ထောင်စုနှင့် အရင်းနှီးဆုံး ဖြစ်သည့် အပြင် အရှိန် အပာုန် ကောင်းသော ဒေသကို လျစ်လျူ ရှုသလို ဖြစ်ခဲ့သည်ပာု ယူဆထားသည့် သမ္မတ အိုဘားမား အစိုးရက အရှေ့တောင် အာရှ ဒေသနှင့် ဆက်ဆံရေး တည်ဆောက်မှုကို ဦးစားပေး လုပ်ဆောင်လျက် ရှိသည်။

အင်ဒိုနီးရှား အပန်းဖြေကျွန်း ဘာလီတွင် အောက်တိုဘာလ၌ ကျင်းပရန် အကြမ်းဖျင်း သတ်မှတ်ထားသော အရှေ့အာရှ ထိပ်သီး ဆွေးနွေးပွဲကို တက်ရောက်မည် ဖြစ်ကြောင်း အိုဘားမားက ကတိပြုထားပြီး ထိုမှ နောက်တစ်လ အကြာတွင် သမ္မတ အိုဘားမား က ၎င်း၏ ဇာတိ ပာာဝိုင်ရီတွင် နှစ်ပတ်လည် ထိပ်သီး ဆွေးနွေးပွဲ တက်ရောက်လာကြမည့် အာရှ ပစိဖိတ် ခေါင်းဆောင်များကို ကြိုဆိုမည် ဖြစ်သည်။

ကြီးမား ကျယ်ပြန့်ပြီး သဘောထား ပျော့ပြောင်းသော မွတ်ဆလင် နိုင်ငံ ဖြစ်ကာ ဒီမိုကရေစီ စနစ်သို့ လျှင်မြန်စွာ ကူးပြောင်း နိုင်ခဲ့ခြင်းကြောင့် "စံပြ မိတ်ဖက်" အဖြစ် အိုဘားမား အစိုးရက ရှုမြင်ထားသော အင်ဒိုနီးရှား နိုင်ငံနှင့် အမေရိကန် ပြည်ထောင်စုတို့၏ နွေးထွေးသော ဆက်ဆံရေးကို ထိုင်းနိုင်ငံက ကြိုဆိုမည်ပာု အထူး ကိုယ်စားလှယ် ပန်နီတန်က ဆက်လက် ပြောကြားခဲ့သည်။

{Yangon Chronicle 2010:2747} မူဘာရတ် နုတ်ထွက်ကတိပေး အပြီး ၎င်းအား ထောက်ခံသော ချီတက်ပွဲများ အံ့အားသင့်ဖွယ် ထွက်ပေါ်

Posted by Transparency Myanmar 2010

comments (0)

(AFP သတင်းဌာနမှ 2 Feb 2011 ရက်စွဲပါ Pro-Mubarak rallies spring up after exit pledge သတင်းကို ဘာသာ ပြန်ဆိုသည်။)

စက်တင်ဘာလတွင် နုတ်ထွက် ပေးမည်ဟု အီဂျစ်သမ္မတ မူဘာရတ် ကတိပြု ခဲ့ပြီးနောက် တစ်ရက် အကြာ ဗုဒ္ဓဟူးနေ့တွင် မူဘာရတ်အား ထောက်ခံသော ဆန္ဒပြ ချီတက်မှုများ ကိုင်ရို မြို့တော်တွင် အံ့အားသင့်ဖွယ် ထွက်ပေါ် လာခဲ့သော်လည်း ၎င်း၏ အစိုးရကို ဆန့်ကျင်သည့် ဆန္ဒပြ ပွဲကြီးများ၏ အောက်တွင် တိမ်မြုပ်သွားသည်။

ဗုဒ္ဓဟူးနေ့တွင် ၉ ရက်မြောက် အဖြစ် ဆက်လက် လှုပ်ရှားခဲ့သည့် ဆန္ဒပြပွဲများ၏ ဗဟိုစုရပ် ဖြစ်သော တာရစ် ရင်ပြင်တွင် ညလုံးပေါက် အချိန် ဖြုန်းကာ ညမထွက်ရ ကာဖျူး အမိန့်ကို ထပ်မံ အာခံခဲ့ကြသည့် ထောင်နှင့် ချီသော လူအုပ်ကြီးက စစ်မှုထမ်းဟောင်း ခေါင်းဆောင်၏ အင်္ဂါနေ့ နှောင်းပိုင်း ကြေညာချက်ကို လှောင်ပြောင် ဆဲဆိုခဲ့ကြသည်ဟု သိရသည်။

သို့သော်လည်း အညံ့မခံသည့် ခေါင်းဆောင်အပေါ် သစ္စာ စောင့်သိမှုကို ဗုဒ္ဓဟူးနေ့ မနက်ခင်းတွင် ပြသခဲ့သည့် ခပ်ကျဲကျဲ လူစု လူအုပ်လေးများက မူဘာရတ်သည် မလုံခြုံမှု ကြီးထွား လာသည့် ကြားမှပင် တည်ငြိမ်မှုကို ကိုယ်စား ပြုနေကြောင်း ပြောကြားခဲ့ပြီး မူဘာရတ် ချက်ချင်း ဆင်းပေးသည်ကို မြင်လိုသူများအား သစ္စာဖောက်များဟု ခေါ်ဝေါ်ခဲ့ကြသည်။

တာရစ် ရင်ပြင်နှင့် တစ် ကီလိုမီတာခန့် ကွာဝေးသည့် နိုင်ငံပိုင် ရုပ်သံ ဌာနချုပ် အနီးတွင် စုဝေးခဲ့သည့် လူ ၅၀၀ အုပ်စုလေးက "မူဘာရတ်ကို ထောက်ခံသည်၊ တည်ငြိမ်မှုကို ကာကွယ်မည်" ဟု ကြွေးကြော်ခဲ့သည်။

အဆိုပါ လူစုက မူဘာရတ် ဆန့်ကျင်ရေး ဆန္ဒပြသူများကို မောင်းထုတ်ရန် ရည်ရွယ်ကာ ချီတက်ခြင်း ဖြစ်ကြောင်း ထုတ်ဖော် ပြောဆိုနေချိန်တွင် အထက်ပါ မူဘာရတ် ထောက်ခံ ချီတက်ပွဲတွင် ပါဝင်သူများအား စည်းရုံး လှုပ်ရှားသူများက အီဂျစ်ပေါင် ၁၀၀ ( စင်ကာပူ ဒေါ်လာ ၂၂) စီ ပေးနေသည်ဟု မျက်မြင် သက်သေများက ပြောကြသည်။

အခြား မူဘာရတ် ထောက်ခံ ချီတက်ပွဲများသည်လည်း မိုဟန်ဆင်း လူဂုဏ်ထံ ရပ်ကွက်နှင့် အနီး အနားရှိ ရမ်ဆက် ရင်ပြင်တွင် ထွက်ပေါ်လာခဲ့ပြီး တာရစ် ရင်ပြင်သို့ ဦးတည်နေသည့် ပြည်သူများကို အနှောင့် အယှက် ပြုခဲ့သည်ဟု သိရှိရသည်။

{Yangon Chronicle 2010:2746} မြန်မာ အပေါ် ဖိအား လျှော့ရန် အချိန်မတန်သေးဟု အမေရိကန် ပြော

Posted by Transparency Myanmar 2010

Thursday, February 3, 2011

comments (0)

(AFP သတင်းဌာနမှ 3 February 2011 ရက်စွဲပါ "US says no to easing pressure in Myanmar" ကို ဘာသာ ပြန်ဆိုသည်)

မြန်မာ နိုင်ငံ အပေါ် အရေးယူ ဒဏ်ခတ်မှု များအပေါ် ဖြေလျော့ ပေးရန် အချိန် မကျသေးဟု အမေရိကန် ပြည်ထောင်စုက ဗုဒ္ဓဟူးနေ့တွင် ပြောကြားခဲ့ပြီး အငြင်းပွားဖွယ် ရွေးကောက်ပွဲ နောက်ဆက်တွဲ အဖြစ် ခေါင်းဆောင်ပိုင်း ပြန်လည် ဖွဲ့စည်း ပြင်ဆင်နေသော မြန်မာ အစိုးရကို ပိုမို မှန်ကန် ခိုင်မာသော ဆောင်ရွက်ချက်များ ပြုလုပ်ရန် တိုက်တွန်း လိုက်သည်။

အရှေ့အာရှ ပစိဖိတ် ဆိုင်ရာ အမေရိကန် လက်ထောက် နိုင်ငံခြားရေး ဝန်ကြီး Kurt Campbell က အရှေ့တောင် အာရှ နိုင်ငံများနှင့် တိုင်ပင် ညှိနှိုင်းရန် ခရီး လှည့်လည် ခဲ့ပြီးနောက် "အမေရိကန် ပြည်ထောင်စု အနေဖြင့် မြန်မာ နိုင်ငံနှင့် ပတ်သက်၍ များစွာ စိတ်ပျက် လက်ပျက် ဖြစ်ရသော်လည်း တွေ့ဆုံ ညှိနှိုင်းမှုကိုမူ ဆက်လက် ပြုလုပ် သွားမည်" ဟု ပြောကြား ခဲ့သည်။

"အရှေ့တောင် အာရှ နိုင်ငံ တော်တော် များများက အရေးယူမှု အစီအစဉ်တွေကို ရုတ်သိမ်းဖို့ အချိန်တန်ပြီလို့ ထုတ်ပြောလာပါတယ်၊ အချိန် မကျသေးတာကို ထင်သာ မြင်သာ တွေ့နေရတယ်လို့ ကျွန်တော်တို့ ယူဆတဲ့ အကြောင်း ရှင်းရှင်းလင်းလင်း ပြန်ပြောခဲ့ပါတယ်" ဟု Campbell က သတင်းထောက်များကို ပြောကြားသည်။

"သူတို့က ကိစ္စမျိုးစုံနဲ့ ပတ်သက်တဲ့ အစိုးရသစ် မူဝါဒကို ပုံဖော်နေတာ ဖြစ်လို့ ဒီအစိုးရသစ်က မှန်ကန် ခိုင်မာတဲ့ ပြုပြင် ဆောင်ရွက်မှုတွေ ပြုလုပ်လာတာကို ကျွန်တော်တို့ စောင့်ကြည့်နေပါတယ်" ဟု ယင်းက ပြောဆိုခဲ့သည်။

ကမ္ဘာတွင် Burma ဟုသာ လူသိများသည့် မြန်မာ နိုင်ငံတွင် ယခု သီတင်းပတ်၌ တပ်မတော် ဩဇာခံ လွှတ်တော်ကို ခေါ်ယူ စည်းဝေးလျက် ရှိရာ ဒီမိုကရေစီ လမ်းညွှန် မြေပုံဟု ခေါ်သော လုပ်ငန်းစဉ်၏ အရေးကြီးဆုံး အဆင့်ဟု မြန်မာ အစိုးရက ပြောဆိုနေသည်။

သို့သော်လည်း အနောက် နိုင်ငံများနှင့် အတိုက် အခံ အုပ်စုများက "ဒိုင်ညစ်သည်" ဟု ဝိုင်းဝန်း ဝေဖန် ခဲ့ကြသည့် ယခင်နှစ်က ရွေးကောက်ပွဲများသည် ဒီမိုကရေစီ အင်အားစု များနှင့် တိုင်းရင်းသား လူမျိုးစုများကို ဘေးဖယ် ထုတ်ရန် ကြံစည် လှည့်ဖြား ထားသော သိက္ခာမဲ့ ညစ်ညမ်းမှု အဖြစ် စွပ်စွဲ အပြစ် တင်ခဲ့ကြသည်။

"လက်ရှိ အစိုးရ အနေဖြင့် ၎င်းတို့၏ ရည်ရွယ် ကြံစည်မှုများကို ရှင်းရှင်းလင်းလင်း ပြောကြားရန် အတိုက်အခံ ခေါင်းဆောင် ဒေါ်အောင်ဆန်းစုကြည်က တောင်းဆိုထားခြင်းကို အမေရိကန် ပြည်ထောင်စုက ပံ့ပိုး ရပ်တည်သွားမည်" ဟု Campbell က ဆိုသည်။

၁၉၉၀ ခုနှစ်က နောက်ဆုံး ရွေးကောက်ပွဲများတွင် ဒေါ်အောင်ဆန်းစုကြည်၏ NLD ပါတီ အနိုင် ရရှိခဲ့သော်လည်း စစ်ဖက် အုပ်ချုပ်သူများက အသိ အမှတ်ပြု အာဏာ လွှဲပြောင်းပေးခြင်း မရှိခဲ့ပါ။ နိုဘယ် ဆုရှင် လူထု ခေါင်းဆောင်ကို နှစ်ပေါင်း များစွာ အကျယ်ချုပ် ထိန်းသိမ်း ထားခဲ့ပြီးနောက် ပြီးခဲ့သော နိုဝင်ဘာလတွင် အစိုးရက လွှတ်ပေးခဲ့သော်လည်း ရွေးကောက်ပွဲများ အပြီး တစ်ပတ်ကြာမှသာ လွှတ်ပေးခဲ့ခြင်း ဖြစ်သည်။

အမေရိကန် ပြည်ထောင်စုကို ဆန့်ကျင်သော နိုင်ငံများနှင့် ဆက်ဆံ ညှိနှိုင်းရန် သမ္မတ အိုဘားမား အစိုးရ၏ ကြိုးပမ်းမှု အစီအစဉ် တစ်ရပ် အဖြစ် ၂၀၀၉ ခုနှစ်တွင် Campbell က မြန်မာ အစိုးရနှင့် တွေ့ဆုံ ညှိနှိုင်းမှုကို စတင် ပြုလုပ် ခဲ့သည်။

"ဖြစ်စဉ် တစ်ခုလုံးကို အခြေခံ ကျကျ သုံးသပ်ရမယ် ဆိုရင် ကျွန်တော်တို့ စိတ်ပျက် လက်ပျက် ဖြစ်ရပါတယ်" ဟု ပြောကြားခဲ့သော Kurt Campbell က အမေရိကန် ပြည်ထောင်စုသည် တွေ့ဆုံ ဆွေးနွေးမှု ရလဒ်ကို ပိုမို ဈေးခေါ်ရန် လုံးဝ ကြိုးစားခဲ့ခြင်း မရှိဟု အခိုင်အမာ ပြောလိုက်သည်။

"ဒီကိစ္စမှာ ဘယ်လိုပဲ ဖြစ်ဖြစ် တွေ့ဆုံ ဆွေးနွေးမှု အတိုင်းအတာ ဒီဂရီဟာ အမေရိကန် ပြည်ထောင်စုရဲ့ အကောင်းဆုံး စိတ်ကူးတွေနဲ့ ကျွန်တော်တို့ရဲ့ ဒေသတွင်း မူဝါဒတွေကို လုပ်ဆောင် ပေးနိုင်တယ်လို့ ကျွန်တော်တို့ ယုံကြည်ပါတယ်" ဟု Campbell က ပြောကြားခဲ့သည်။

{Yangon Chronicle 2010:2745} ကုလားတန် စီမံကိန်းလွန် ကာလ လုံခြုံရေး ပြဿနာများအတွက် မီဇိုရမ် စိုးရိမ်

Posted by Transparency Myanmar 2010

comments (0)

(Hindustan Times သတင်းဌာနမှ 2 February 2011 ရက်စွဲပါ "Mizoram Anticipating Security Problems Post-Kaladan" ကို ဘာသာ ပြန်ဆိုသည်)

အိန္ဒိယ အရှေ့မြောက်ရှိ ငြိမ်းချမ်းသော နယ်မြေ (Island of Peace) မီဇိုရမ်သည် ကုလားတန် သယ်ယူ ပို့ဆောင်ရေး ဘက်စုံသုံး စီမံကိန်း စတင် လည်ပတ်သည့် အချိန်မှ စ၍ လုံခြုံရေး ပြဿနာကို စိုးရိမ် လာရသည်။

နယူးဒေလီနှင့် ရန်ကုန်တို့သည် ၂၀၀၈ ခုနှစ် ဧပြီလက အိန္ဒိယ အစိုးရက ငွေကြေး ထောက်ပံ့မည့် ဒေါ်လာသန်း ၁၂၀ တန် ကုလားတန် စီမံကိန်း အတွက် သဘော တူညီချက် လက်မှတ် ရေးထိုးခဲ့ပြီး အဆိုပါ စီမံကိန်းကြောင့် အနာဂတ်တွင် ကုလားတန် မြစ်တလျှောက် အိန္ဒိယနှင့် မြန်မာ ကူးသန်းရောင်းဝယ်ရေး လမ်းကြောင်း ဖွံ့ဖြိုး တိုးတက်လာမည် ဖြစ်သည်။

ကုလားတန် မြစ်သည် မီဇိုရမ်မှ စတင် စီးဆင်းပြီး ဘင်္ဂလား ပင်လယ်အော်သို့ မြန်မာ နိုင်ငံ စစ်တွေတွင် စီးဝင်သည်။ စစ်တွေတွင် ဆိပ်ကမ်း ဆောက်လုပ် ခြင်းအား အိန္ဒိယမှ ကူညီလျက် ရှိသည်။ သို့သော် ၎င်းသည် မီဇိုရမ်နှင့် နယ်စပ်ချင်း ထိနေသော မြန်မာ နိုင်ငံမှ စက်ပစ်ပြင် (Setpyitpyin) အထိ ရေကြောင်းမှ သွားလာနိုင်ပြီး ထိုဒေသအထိ အိန္ဒိယ အရှေ့မြောက်မှ ကုန်ပစ္စည်းများ ကုန်းလမ်းမှ သယ်ပို့နိုင်သည်။

"လိုအပ်တဲ့ ကုန်ပစ္စည်း၊ ဝန်ဆောင်မှု တွေနဲ့ အတူ မလိုလားတဲ့ အရာတွေလည်း ဝင်လာမှာ၊ ထွက်သွားမှာကို မျှော်လင့် ထားပါတယ်၊ ဒီတော့ ဖြစ်လာနိုင်တဲ့ အရာတွေကို လက်ခံ ကိုင်တွယ်ဖို့ ထိရောက်တဲ့ မဟာဗျူဟာ တဖြည်းဖြည်း ချမှတ်ဖို့ အချိန် ရောက်နေပါပြီ၊ ဘာကြောင့်လဲ ဆိုတော့ ကာကွယ်ခြင်းက ကုသခြင်းထက် ပိုကောင်းပါတယ်" ဟု မီဇိုရမ် ပြည်နယ် ဝန်ကြီးချုပ် Lal Thanhawla က နယူးဒေလီတွင် ပြည်နယ် ဝန်ကြီးချုပ်များ ကွန်ဖရင့်၌ ပြောကြားခဲ့သည်။

၎င်းက ဖြည့်စွက် ပြောကြား ရာတွင် ပြည်နယ်များ လုံခြုံရေး အသုံး စရိတ် အတွက် လက်ရှိ ကျင့်သုံးနေသော လိုအပ်ချက် အရသာ ရွေးချယ်၍ ဗဟိုမှ ထောက်ပံ့သော စနစ်ကို ပြန်လည် ပြုပြင် သင့်ကြောင်း ဆိုသည်။ "မီဇိုရမ် ဆိုရင် နှစ်ပေါင်းများစွာ အနှောင့် အယှက်တွေ ရှိရာကနေ ငြိမ်းချမ်းရေး ပြန်ရလာပြီ ဖြစ်ပေမဲ့ ငြိမ်းချမ်းရေးကိုလည်း ထိန်းသိမ်း ထားရပါမယ်၊ ငြိမ်းချမ်းရေး ရပြီ ဆိုပြီး အခြား ပြည်နယ်တွေနဲ့ ခွဲခြား ဆက်ဆံဖို့ မသင့်ပါဘူး" ဟု ၎င်းက ပြောသည်။

ထိုကိစ္စနှင့် ပတ်သက်၍ ငြိမ်းချမ်းရေးကို ထိန်းသိမ်း ထားနိုင်ရေး အတွက် မက်လုံး ပေးသည့် အနေဖြင့် ပြည်နယ် လုံခြုံရေးကို ထိန်းသိမ်း စရိတ် ကာမိအောင် ဗဟိုက အထောက် အပံ့ ပေးသင့်ကြောင်း Thanhawla က ပြောသည်။ "ကျွန်တော်တို့ ငြိမ်းချမ်းရေး အတွက် တန်ဖိုး ကြီးကြီး ပေးခဲ့ရပြီးပါပြီ၊ ငြိမ်းချမ်းရေးကို ထိန်းသိမ်း နိုင်ဖို့ကိုလည်း တန်ဖိုး တစ်ခု ပေးရမှာပဲ" ဟု ၎င်းက ဆိုသည်။

မီဇိုရမ် ပြည်နယ် ဝန်ကြီးချုပ်က ပြည်နယ် လုံခြုံရေး ထိန်းသိမ်း ထားနိုင်ရေး အတွက် လူမျိုးစုများ ရှိရာ အရပ်တွင် ရိုးရာ ဒေသဆိုင်ရာ အဖွဲ့ အစည်းများ ဖွဲ့စည်း နိုင်ရေး လိုအပ်ချက်ကို အလေးပေး ပြောကြားခဲ့သည်။

"ဥပမာ အားဖြင့် မီဇိုရမ်မှာ ကျေးရွာ ကောင်စီ ဒါမှ မဟုတ် နာဂမြေမှာ ကျေးရွာ ဖွံ့ဖြိုးရေး ဘုတ်အဖွဲ့ တွေဟာ ကိုယ့် ဒေသမှာ ငြိမ်းချမ်းရေး ထိန်းသိမ်းရာမှာ ထိရောက်တဲ့ ကဏ္ဍက ပါဝင်နိုင်ပြီး ငြိမ်းချမ်းရေး ပျက်ပြား စေမယ့် ပြင်ပက လှုပ်ရှားမှုတွေကို ကာကွယ် တားဆီးနိုင်မှာ ဖြစ်ပါတယ်" ဟု ၎င်းက ပြောသည်။

ယင်းက ပြည်ထဲရေး ဝန်ကြီးဌာနအား ပြည်နယ်များနှင့် တိုင်ပင်၍ အဆိုပါ ကိစ္စအား အမျိုးသား အဆင့် စီမံကိန်း ရေးဆွဲရန် တိုက်တွန်း ခဲ့သည်။

{Yangon Chronicle 2010:2744} အန်ဒမန်ကျွန်းစုတွင် အင်အား ၅.၆ အဆင့် ငလျင်လှုပ်

Posted by Transparency Myanmar 2010

comments (0)

(AFP သတင်းဌာနမှ 3 February 2011 ရက်စွဲပါ "Moderate 5.6 Quate Hits off India's Andamans" ကို ဘာသာ ပြန်ဆိုသည်)

အိန္ဒိယ အန်ဒမန် ကျွန်းစုများ၏ ကမ်းရိုးတန်းတွင် အင်္ဂါနေ့က အင်အား ၅.၆ မဂ္ဂနီကျုရှိ ငလျင် တစ်ခု လှုပ်သွားသည်ဟု အမေရိကန် ဘူမိဗေဒ တိုင်းတာရေး ဌာန (USGS) က ပြောကြား သော်လည်း လတ်တလော ပျက်စီးမှု သတင်းများနှင့် ဆူနာမီ သတိ ပေးချက်များ ထုတ်ပြန်ခြင်း မရှိဟု သိရသည်။

အန်ဒမန် ကျွန်းစု ပို့ဘလဲ ဆိပ်ကမ်း၏ အရှေ့တောင်ဘက် ၁၉၂ ကီလိုမီတာ အကွာ ရေအောက် အနက် ၂၅ ကီလိုမီတာတွင် ပင်လယ် ရေအောက် ငလျင် လှုပ်သွားသော နေရာသည် ဘင်္ဂလား ပင်လယ်အော်တွင် တည်ရှိပြီး အချိန်မှာ ဒေသ စံတော်ချိန် ည ၇:၃၉ တွင် ဖြစ်သည်ဟု USGS က ပြောကြားသည်။

ဟာဝိုင်ယီ အခြေစိုက် ပစိဖိတ် ဆူနာမီ သတိပေး စင်တာကမူ မည်သည့် အကြောင်း ကြားမှုမျှ မရရှိခဲ့ဟု ဆိုသည်။

အန်ဒမန် ကျွန်းစုများ၏ မြောက်ဘက်တွင် မြန်မာ နိုင်ငံ၊ တောင်ဘက်တွင် အင်ဒိုနီးရှား နိုင်ငံနှင့် အနောက်မြောက်ဘက် ၂၅၀၀ ကီလိုမီတာ အကွာတွင် နယူးဒေလီတို့ တည်ရှိသည်။

အင်ဒိုနီးရှား ဆူမားတြား ကျွန်းစု ငလျင်မှ အစပြု လိုက်သော ပင်လယ် ရေလှိုင်းကြီးများက အိန္ဒိယ သမုဒ္ဒရာ ပတ်လည် နိုင်ငံများကို တိုက်ချ သွားခဲ့သည့် ၂၀၀၄ အာရှ ဆူနာမီကြောင့် အန်ဒမန် ကျွန်းစုတွင် ဆိုးဝါးစွာ ထိခိုက် ပျက်စီးခဲ့ဖူးသည်။

အန်ဒမန် ပြတ်ရွေ့ကြော တစ်လျှောက်ရှိ အိန္ဒိယ မြေလွှာနှင့် မြန်မာ မြေလွှာငယ်တို့ ဆုံတွေ့မှု ကြောင့် မကြာခဏ ဖြစ်ပေါ်သော မြေငလျင်များကို အန်ဒမန် ပင်လယ် တဝိုက်တွင် အမြဲ စောင့်ကြည့် လေ့လာ နေရသည်ဟု သိရှိရသည်။

{Yangon Chronicle 2010:2743} ပြည်သူတို့၏ တောင်းဆိုမှုများ တရားဝင်သည်ဟု အီဂျစ် တပ်မတော် ကြေညာ

Posted by Transparency Myanmar 2010

comments (0)

(AFP သတင်းဌာနမှ 1 February 2011 ရက်စွဲပါ "Military Calls Egyptian People's Demand Legitimate"ကို ဘာသာ ပြန်ဆိုသည်)

အီဂျစ် ပြည်သူတို့၏ တောင်းဆိုမှုများသည် တရားဝင်ကြောင်း အီဂျစ် ဩဇာကြီး တပ်မတော်က တနင်္လာနေ့တွင် ပြောကြားလိုက်ပြီး အင်္ဂါနေ့တွင် စီစဉ် ထားကြသော အစိုးရ ဆန့်ကျင်ရေး ဆန္ဒ ပြပွဲကြီးများကို နှိမ်နင်းမည် မဟုတ်ဟု အခိုင် အမာ ပြောဆိုခဲ့သည်။

"ကြီးမြတ်သော အီဂျစ် ပြည်သူများ ခင်ဗျာ၊ သင်တို့ရဲ့ လက်နက်ကိုင် တပ်မတော်ဟာ ပြည်သူ တွေရဲ့ တရားဝင် အခွင့်အရေးတွေကို အသိအမှတ် ပြုပါတယ်၊ အီဂျစ် ပြည်သူ တွေ အပေါ် အင်အား သုံးပြီး နှိမ်နင်း ခဲ့ခြင်း မရှိ သလို နောင်ကိုလည်း အင်အား သုံးမှာ မဟုတ်ပါဘူး" ဟု အီဂျစ် တပ်မတော်က ကြေညာချက် ထုတ်ပြန်ခဲ့သည်။

"ငြိမ်းချမ်းသော လွတ်လပ်စွာ ပြောဆိုခွင့်ကို လူတိုင်း အတွက် ခွင့်ပြုထားသည်" ဟု တပ်မတော် ပြောရေးဆိုခွင့် ရှိသူက ပြောကြားခဲ့သည့် အတိုင်း အီဂျစ် နိုင်ငံပိုင် ရုပ်သံနှင့် နိုင်ငံပိုင် MENA သတင်း ဌာနက ထုတ်လွှင့် ဖော်ပြ ခဲ့သည်။

သမ္မတ ဟော့စနီ မူဘာရက်၏ အနှစ် သုံးဆယ် အာဏာ ချုပ်ကိုင်မှု အပေါ် မကြုံစဖူး ကြီးမားစွာ စိန်ခေါ်ခဲ့သည့် ဆန္ဒ ပြပွဲများသည် တနင်္လာနေ့တွင် ၇ ရက် မြောက် အဖြစ် ကိုင်ရို မြို့တွင်း ပြည့်လျှံ သွားခဲ့ပြီး မူဘာရက် လက်အောက်မှ အစိုးရ အဖွဲ့သစ်ကို ပယ်ချခဲ့ကြသည်။

အနည်းဆုံး ၁၂၅ ဦး သေဆုံးကာ ထောင်နှင့် ချီ၍ ဒဏ်ရာ ရရှိခဲ့ကြသော တစ်ပတ်ကြာ ဆန္ဒပြ တော်လှန်မှု အပြီး အင်္ဂါနေ့တွင် မြို့တော် ကိုင်ရို၌ လူပေါင်း တစ်သန်း ချီတက် ဆန္ဒ ပြမည်ဟု စည်းရုံး လှုပ်ရှား သူများက ကတိ ပြုထားသည်။

Transparency Myanmar