Posts
 | yangonchronicle 2011 |
၂၆.၉.၂ဝ၁၁
ဘာသာပြန်သတင်းများ
- မြန်မာစစ်ရာဇဝတ်မှုများ စုံစမ်းစစ်ဆေးရေး အမေရိကန်အား တိုက်တွန်းစာတင်
(27 Sept 2011 ရက်စွဲပါ AFP ၏ “Petition urges US to press Myanmar war probe” ကို ဘာသာ ပြန်ဆိုသည်)
- ဒီမိုကရေစီလှုပ်ရှားသူများ၏ ဆန္ဒပြစမ်းသပ်မှုကို ဖမ်းဆီးခြင်း မရှိ
(Associated Press မှ 26 Sept 2011 ရက်စွဲပါ “ Myanmar : activists rally without arrests ” သတင်းကို ဘာသာ ပြန်ဆိုသည်)
- မြန်မာနိုင်ငံ အမှောင်ညမှ လွတ်မြောက်ခဲ့ပြီလော
(The Strait Times မှ 23 Sept 2011 ရက်စွဲပါ “Myanmar sees the light?” ကို ဘာသာပြန်ဆိုသည်)
- မြန်မာသမ္မတ အကြံပေးအဖွဲ့ AIPMC၊ အင်ဒိုနီးရှား ပါလီမန်အဖွဲ့ဝင်များနှင့် ယနေ့ တွေ့ဆုံမည်
(27 Sept 2011 ရက်စွဲပါ Asiatribune မှ Myanmar President’s advisors delegation to meet the AIPMC members Indonesian Parliament ကို ဘာသာပြန်ဆိုသည် )
- မြောက်ကိုရီးယားဝန်ကြီးချုပ် တရုတ်သို့သွား
(27 Sept 2011 ရက်စွဲပါ AFP သတင်းဌာနမှ N.Korea premier leaves for China ကို ဘာသာ ပြန်ဆိုသည်)
*********************************************************************************************************************
မြန်မာစစ်ရာဇဝတ်မှုများ စုံစမ်းစစ်ဆေးရေး အမေရိကန်အား တိုက်တွန်းစာတင်
(27 September 2011 ရက်စွဲပါ AFP ၏ “Petition urges US to press Myanmar war probe” ကို ဘာသာ ပြန်ဆိုသည်)
တနင်္လာနေ့က ထောင်ပေါင်းများစွာသော အမေရိကန်လူမျိုးများ လက်မှတ်ရေးထိုး၍ မြန်မာနိုင်ငံရှိ စွပ်စွဲထားသော လူသားချင်းမစာနာသည့် ရာဇဝတ်မှုများ စုံစမ်းစစ်ဆေးရန် ကုလသမဂ္ဂစုံစမ်းရေး အဖွဲ့အတွက် ဖိအား ပေးရန် အမေရိကန်ပြည်ထောင်စုအား တိုက်တွန်းခဲ့သည်။ အမေရိကန် အနေဖြင့် ရှေ့ဆက်တာဝန်ယူ လုပ်ဆောင်ရမည်ဟု ဆိုသည်။
US Campaign for Burma က ပြောကြားရာတွင် အဆိုပါ တိုက်တွန်းတောင်းဆိုစာတွင် အမေရိကန်လူမျိုး (13000) ခန့် လက်မှတ်ရေးထိုးရာ အများစုမှာ U2 ဖျော်ဖြေပွဲတွင် ဖြစ်သည်။ U2 အဖွဲ့မှ Bono သည် အတိုက်အခံ ခေါင်းဆောင် ဒေါ်အောင်ဆန်းစုကြည်အား ကာလရှည်ကြာကပင် ထောက်ခံခဲ့သူဖြစ်သည်။
US Campaign for Burma မှ အမှုဆောင်ဒါရိုက်တာ အောင်ဒင်က အဆိုပါတောင်းဆိုစာအား အမေရိကန် နိုင်ငံခြားရေးဌာနမှ စစ်ရာဇဝတ်မှု များအတွက် အထူးတာဝန်ယူထားသော သံအမတ်ကြီး စတီဖင်ရက်ပ် (Stephen Rapp) ထံသို့ ပေးအပ်ခဲ့သည်။ မြန်မာနိုင်ငံတွင် သွေးထွက်သံယို နှိမ်နင်းခံရသော ဘုန်းတော်ကြီး အရေးအခင်း လေးနှစ်မြောက်နေ့တွင် ပေးအပ်ခဲ့ခြင်းဖြစ်သည်။
နိုင်ငံခြားရေးဝန်ကြီးဌာနနှင့် လူ့အခွင့်အရေးအုပ်စုများက ပြောကြားရာတွင် မြန်မာစစ်တပ်သည် ရွာများကို ဖျက်ဆီးခြင်း၊ ရွာသားများအား အလုပ်သမားများအဖြစ် အတင်းစေခိုင်းခြင်းနှင့် တိုင်းရင်းသားသူပုန်များနှင့် တိုက်ခိုက်ရာတွင် အမျိုးသမီးများအား အဓမ္မပြုကျင့်ခြင်းအား စစ်လက်နက် သဖွယ် ကျင့်သုံးခဲ့သည်ဟု ဆိုသည်။
“မည်သည့်နိုင်ငံတွင်မဆို အမျိုးသားပြန်လည်ပေါင်းစည်းရေးအတွက် တရားမျှတရေးသည် အရေးပါသော အစိတ်အပိုင်းဖြစ်သည်။ တိုက်ပွဲများ မရပ်မချင်း တရားဥပဒေစိုးမိုးမှုမရှိမချင်း မြန်မာနိုင်ငံအနေဖြင့် ရှေ့ဆက်နိုင်မည် မဟုတ်ပေ။” ဟု အောင်ဒင်က အဆိုပါစာတွင် Burma ဟု သုံးနှုန်း၍ ရေးသား ထားသည်။
“လွန်ခဲ့သော လေးနှစ်က ဘုန်းတော်ကြီးများ အသတ်ခံခဲ့ရသည်။ အဆိုပါ ပြစ်မှုကျူးလွန်သူများမှာ ယနေ့ထိ အရေးယူမခံရသေးပေ။ အိုဘားမား အစိုးရအနေဖြင့် တရားမျှတရေးကို ကူညီရန် အရေးယူဆောင်ရွက်ရေးအား မည်မျှ ကြာကြာ စောင့်နေမည်နည်း” ဟု ယင်းက ပြောသည်။ အမေရိကန်ပြည်ထောင်စုအနေဖြင့် ကုလသမဂ္ဂစုံစမ်းရေး ကော်မရှင်အတွက် လူသိရှင်ကြား ထောက်ခံခဲ့ပြီး ဖြစ်သော်လည်း အမှန်တကယ် ပေါ်ပေါက်လာရေးအတွက် အနည်းငယ်သာ လုပ်ဆောင်နိုင်ခဲ့သည်။ တာဝန်ရှိသူများက အာရှနိုင်ငံများ အနေဖြင့် ကန့်ကွက်မည်ဟု ယုံကြည်နေသည်။
သမ္မတအိုဘားမား၏ အစိုးရအဖွဲ့သည် မြန်မာအစိုးရအား အထီးကျန်ပြုထားရေးဝါဒသည် မအောင်မြင်ကြောင်း သုံးသပ်၍ ၂ဝဝ၉ ခုနှစ်တွင် မြန်မာနိုင်ငံနှင့် တွေ့ဆုံဆွေးနွေးမှုများ စတင်ခဲ့သည်။ အမေရိကန် တာဝန်ရှိသူများက ယင်းတို့မြင်ရသော ကောင်းမွန်သည့် လက္ခဏာများကို ပြောခဲ့ကြ ပြီး ပိုမို လုပ်ဆောင်ရန် လိုအပ်နေသေးကြောင်း ဆိုသည်။
ပြီးခဲ့သည့်မေလက စစ်အစိုးရသည် အမည်ခံအရပ်သားအစိုးရသို့ အာဏာလွှဲပေးခဲ့သည်။ သို့သော် အဆိုပါ ပြောင်းလဲမှုသည် အပေါ်ယံသာ ဖြစ်ပြီး စစ်တပ်ကသာ ခိုင်မြဲစွာ အုပ်ချုပ်နေဆဲဖြစ်ကြောင်း အတိုက်အခံက ပြောသည်။
မကြာသေးမီက AFP နှင့် အင်တာဗျူးတွင် ဒေါ်အောင်ဆန်းစုကြည်က ကုလသမဂ္ဂစုံစမ်းစစ်ဆေးမှုသည် လက်စားချေမှုနှင့် မသက်ဆိုင်ဘဲ အနာဂတ်တွင် ငြိမ်းချမ်းရေးနှင့် ခွင့်လွှတ်နိုင်ရေးအတွက် အထောက်အကူပြုမည် ဖြစ်ကြောင်း ပြောကြားခဲ့သည်။
သို့သော် International Crisis Group ၏ မကြာသေးမီက အစီရင်ခံစာတွင် အဆိုပါ ကော်မရှင်ကြောင့် မြန်မာအစိုးရသည် ပြုပြင်ပြောင်းလဲရေး လုပ်ငန်းစဉ်များမှ နောက်ဆုတ်သွားစေနိုင်ကြောင်း သတိပေးခဲ့သည်။
**********************************************************************
ဒီမိုကရေစီလှုပ်ရှားသူများ၏ ဆန္ဒပြစမ်းသပ်မှုကို ဖမ်းဆီးခြင်း မရှိ
(Associated Press မှ 26 September 2011 ရက်စွဲပါ “ Myanmar : activists rally without arrests ” သတင်းကို ဘာသာ ပြန်ဆိုသည်)
မြန်မာနိုင်ငံမှ ဒီမိုကရေစီ လှုပ်ရှားသူများသည် ရန်ကုန်မြို့လယ် အထင်ကရနေရာတွင် တနင်္လာနေ့က ငြိမ်းချမ်းစွာ စုဝေးခြင်းဖြင့် သဘောကွဲလွဲ ဆန့်ကျင်မှုများကို သည်းခံမည့် မြန်မာအစိုးရ၏ ကတိကဝတ်ကို စမ်းသပ်လိုက်ကြသည်။
တနင်္လာနေ့က မြို့လယ်ခေါင် ဆူးလေဘုရားတွင် ဒီမိုကရေစီ လှုပ်ရှားသူ ၆၀ ခန့်က ငြိမ်းချမ်းစွာ ဝတ်ပြုဆုတောင်းပွဲ ပြုလုပ်ခဲ့ကြရာ ထရပ်ကား ၄ စီးက အဓိကရုဏ်း နှိမ်နှင်းရေးရဲများနှင့် အချုပ်ကား ၂ စီးတို့ ဆူးလေစေတီ အနီးတစ်ဝိုက်တွင် စောင့်ကြပ်ခဲ့သော်လည်း ရဲတပ်ဖွဲ့က အနှောင့်အယှက် ပေးခြင်း မရှိဟု သိရှိရသည်။
သို့သော်လည်း မြို့တော်၏ အခြားနေရာများသို့ ချီတက်ခြင်းမပြုရန် ရဲတပ်ဖွဲ့က တားမြစ်ခဲ့သည်။ ဆန္ဒပြသူများက နိုင်ငံရေး အကျဉ်းသား များအား လွှတ်ပေးရန်နှင့် ဧရာဝတီမြစ်ပေါ်မှ ရေလှောင်တမံတည်ဆောက်မှုကို ရပ်ဆိုင်းရန် တောင်းဆိုခဲ့ကြသည်။
**********************************************
မြန်မာနိုင်ငံ အမှောင်ညမှ လွတ်မြောက်ခဲ့ပြီလော
(The Strait Times မှ 23 Sept 2011 ရက်စွဲပါ “Myanmar sees the light?” ကို ဘာသာပြန်ဆိုသည်)
အကယ်၍ အမှတ်သင်္ကေတများသည် တစ်စုံတစ်ရာကို အဓိပ္ပာယ်ဖော်ဆောင်သည်ဆိုပါကပြီးခဲ့သည့် သြဂုတ်လသည် မြန်မာ့နိုင်ငံရေး အခင်းအကျင်း အတွက် ကောင်းမွန်မှုများ ဆောင်ကြဉ်းပေးနိုင်မည့် အပြောင်းအလဲ တစ်ခုကို ကိုယ်စားပြုသော အမှတ်သင်္ကေတတစ်ခုဟုပင်ဆိုရမည်။ အဆိုပါ သြဂုတ်လတွင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့်သမ္မတဦးသိန်းစိန်တို့ ပထမဆုံးအကြိမ်အဖြစ် တံခါးပိတ်တွေ့ဆုံ ဆွေးနွေးမှု ပြုလုပ်ခဲ့ကြသည်။
ဒေါ်အောင်ဆန်းစုကြည်အနေဖြင့် ယခင် စစ်အစိုးရဝန်ကြီးချုပ်ဟောင်းလည်းဖြစ်ပြီး ဗိုလ်ချုပ်ကြီးဟောင်း တစ်ဦးလည်း ဖြစ်သူ ဦးသိန်းစိန်နှင့် တွေ့ဆုံဆွေးနွေးမှုပြုလုပ်နိုင်ခဲ့ခြင်း၊ ထို့နောက် မြန်မာ့လွတ်လပ်ရေးဖခင်ကြီး ဗိုလ်ချုပ်အောင်ဆန်း၏ ဓာတ်ပုံရှေ့မှောက်တွင် ၎င်းတို့နှစ်ဦး ရိုက်ကူးခဲ့ သော ဓာတ်ပုံကို နိုင်ငံပိုင်မီဒီယာ မျက်နှာဖုံးတွင်ဖော်ပြခဲ့ခြင်း အစရှိသည်တို့သည် မျှော်လင့်ချက်များစွာ ဖန်တီးပေးသော အရိပ်လက္ခဏာများပင် ဖြစ်သည်။
ထိုမျှမကသေးပေ။ တစ်ချိန်က ပိတ်ပင်ထားခဲ့သော Reuters၊ The Bangkok Post၊ The Nation နှင့် The Straits Times အပါအဝင် ပြည်ပြေးမီဒီယာဝက်ဘ်ဆိုက်များစွာကို အစိုးရက ဖွင့်ပေးခဲ့သည်။ ယခုလ အစောပိုင်းကလည်း အလုပ်သမားများအနေဖြင့် အစည်းအရုံးနှင့် သမဂ္ဂများ ဖွဲ့စည်း ထူထောင်ခွင့်ရှိမည့် ဥပဒေတစ်ရပ်ကို ပြည်သူ့လွှတ်တော်က အတည်ပြုပေးခဲ့သည်။ အဆိုပါဖြစ်ရပ်များအားလုံးကို အပြုသဘော ဆောင်သည့် ဖွံ့ဖြိုးမှုများ အဖြစ် ဒေါ်အောင်ဆန်းစုကြည်က သတ်မှတ်ပြောဆိုပြီး ခရီးရှည်ကြီးနှင်ရဦးမည်ဟုသုံးသပ်သည်။
ယခုကဲ့သို့သော အပြောင်းအလဲများက စစ်မှန်သော ပြောင်းလဲမှုများဖြစ်ရန် အချိန်ကာလကြာမြင့်စွာ ပင်ပန်းတကြီး စောင့်ဆိုင်းခဲ့ကြရသော မြန်မာ့အရေး စောင့်ကြည့် လေ့လာခဲ့သူများအား ဝေခွဲ၍ မရနိုင်လောက်အောင် ဖြစ်စေလိမ့်မည်။ ပြီးခဲ့သည့် နိုဝင်ဘာလ ၇ ရက်နေ့တွင် ကျင်းပခဲ့သော ရွေးကောက်ပွဲကို မြန်မာ့အရေး စောင့်ကြည့်လေ့လာသူများက စစ်တပ်ကျောထောက်နောက်ခံ ပုဂ္ဂိုလ်များကို အပြသဘောဖြင့် အာဏာလွှဲပြောင်းရန် စီစဉ်မှု တစ်ရပ်အဖြစ် ပြစ်တင်ရှုတ်ချခဲ့ကြသည်။ လက်ရှိအနေအထားတွင် လေ့လာစောင့်ကြည့်နေသူများအကြား အငြင်းအခုန်ဖြစ်နေသည့် ကိစ္စမှာ အရပ်သားအစိုးရထံသို့ အကန့်အသတ်ဖြင့် အာဏာလွှဲပြောင်းပေးမှုက စစ်မှန်သော အပြောင်းအလဲ၏ ရှေ့ပြေးနိမိတ်ဖြစ်၊ မဖြစ် ဟူသောကိစ္စပင် ဖြစ်သည်။ ဒီမိုကရေစီခေါင်းဆောင် ဒေါ်အောင်ဆန်းစုကြည် သည်ပင် မြန်မာစစ်အစိုးရခေါင်းဆောင်များနှင့် ဆက်ဆံနေသည့်ကိစ္စများနှင့်ပတ်သက်၍ ဝေဖန် ပြောဆိုမှုများ ခံနေရသည်။ အချို့က သူမသည် စစ်တပ်နှင့် ဆက်ဆံရာတွင် သဘောထားပျော့ပြောင်းမှုရှိသည်ဟု ဆိုကြပြီး အချို့ကမူ ပျော့ပြောင်းမှု မရှိဟု ဝေဖန်ကြသည်။ မည်သို့ဆိုစေကာမူ ဒေါ်အောင်ဆန်းစုကြည်သည် မြန်မာနိုင်ငံ ရေရှည် အကျိုးစီးပွားအတွက် အရေးပါသူ တစ်ဦး ဖြစ်သည်ဟူသောအချက်ကို မည်သူတစ်ဦးတစ်ယောက်ကမျှ သံသယ မရှိကြပေ။
AFP သတင်းဌာနနှင့် တွေ့ဆုံမေးမြန်းမှုပြုလုပ်ရာ၌ ဒေါ်အောင်ဆန်းစုကြည်က သူမသည် အာရပ်ကမ္ဘာတွင် ဖြစ်ပေါ်နေသော အာဏာရှင် ဖြုတ်ချမှု တော်လှန်ရေးမျိုးမြန်မာနိုင်ငံတွင်ဖြစ်ပေါ်လာအောင် လှုံ့ဆော် စည်းရုံးနေခြင်း မရှိကြောင်း၊ အာရပ်ကမ္ဘာပုံစံ တော်လှန်ရေးမျိုးဖြင့် တိုင်းပြည်၏ ပြဿနာများကို ဖြေရှင်းနိုင်မည်မဟုတ်ကြောင်း ပြောဆိုသည်။
ဒေါ်အောင်ဆန်းစုကြည်သည် အာရပ်ကမ္ဘာတော်လှန်ရေးမျိုး မြန်မာနိုင်ငံတွင်ဖြစ်ပေါ်လာပါက သဘောထား တင်းမာသော စစ်ဗိုလ်ချုပ်ကြီးများ ထံမှ ဆိုးရွားသည့်တုံ့ပြန်မှုမျိုးထွက်ပေါ်လာမည်ကို စိုးရိမ်သောကြောင့် သူမ၏ အနေအထား ပိုမိုအားကောင်းလာစေရန် ကြိုးပမ်းနေခြင်းဖြစ်ကြောင်း၊ ထိုမှတစ်ဆင့်မဟာဗျူဟာ ရလဒ်မျိုးထွက်ပေါ်ရန် လုပ်ကိုင်သွားမည်ဖြစ်ကြောင်း အချို့သော လေ့လာစောင့်ကြည့်သူများက ဝေဖန်ကြသည်။ အချို့ လည်း လတ်တလော မြန်မာနိုင်ငံတွင် ဖြစ်ပေါ်နေသော အပြောင်းအလဲများမှာ မည်ကာမတ်တ သဘောမျှသာဖြစ်ပြီး ခိုင်မာမှုရှိမည် မဟုတ်ကြောင်း ပြောဆိုကြသည်။
ထိုသို့ ပြောဆိုဝေဖန်ရန်လည်း သင့်သင့်လျောက်ပတ်သော သက်သေအထောက်များက အပြည့်ရှိနေသည်။ ဒေါ်အောင်ဆန်းစုကြည် ကိုယ်တိုင်ပင် နှစ်ပေါင်း ၂၁ နှစ်တာကာလအတွင်း ၁၅ နှစ်ခန့်မျှ နေအိမ်အကျယ်ချုပ်ဖြင့် ဖမ်းဆီးထိန်းသိမ်းခံခဲ့ရသည် မဟုတ်ပါလော။ မကြာသေးခင် ကာလကပင် မြန်မာအစိုးရက ပြည်ပမီဒီယာတစ်ခုဖြစ်သော ဒီမိုကရက်တစ်မြန်မာ့အသံ(DVB) မှ ဂျာနယ်လစ်တစ်ဦးအား ထောင်ဒဏ် ၁၀ နှစ် ထပ်မံ တိုးမြှင့်ချမှတ်လိုက်သည်။ ၎င်းသည် မူလက ထောင်ဒဏ်ရှစ်နှစ်ဖြင့် ဖမ်းဆီးအကျဉ်းချခံခဲ့ရာမှ ထောင်ဒဏ် ၁၀ နှစ် ထပ်မံ တိုးမြှင့်ခံလိုက်ရခြင်း ဖြစ် သည်။ ဝေဖန်သုံးသပ်သူများကမူ လတ်တလောဖြစ်ပေါ်နေသော အပြောင်းအလဲများသည် အများပြည်သူလူထု အပါအဝင် နိုင်ငံတကာနှင့် ဆက်ဆံရေး ကောင်းမွန်ရန်အလို့ငှာ အပေါ်ယံသဘော ကြိုးပမ်းမှုများပင်ဖြစ်သည်ဟု ဆိုသည်။ မြန်မာနိုင်ငံသည် လာမည့် ၂၀၁၄ ခုနှစ်တွင် အလှည့်ကျ အာဆီယံ ဥက္ကဋ္ဌ ရာထူးရယူရမည်ဖြစ်ရာ အစိုးရသစ်က နိုင်ငံတကာဆက်ဆံရေး၊ အထူးသဖြင့် အာဆီယံအဖွဲ့ဝင်များနှင့်ဆက်ဆံရေး ပြေပြစ်ကောင်းမွန်အောင် ကြိုးပမ်း လျက် ရှိသည်။
ဒေါ်အောင်ဆန်းစုကြည် မှတ်ချက်ပေးသည့်အတိုင်းဆိုပါက မြန်မာနိုင်ငံသည် ပြောင်းလဲမှုများဖြစ်ပေါ်မည့် အချိန်ကာလသို့ ရောက်ရှိနေပြီ ဖြစ်သည်ဟုပင် ဆိုရမည်။ သို့သော်သတိပြုရမည့်အချက်မှာ ယင်းသို့ပြောင်းလဲမည့် အချိန်ကာလသို့ ရောက်ရှိနေခြင်းသည် အပြောင်းအလဲဖြစ်သွားပြီဟု ဆိုလိုခြင်းမဟုတ်ပေ။ မျှော်လင့်ချက်ရောင်နီတော့ သန်းစပြုပြီ၊ သို့သော် စိတ်ရှည်လက်ရှည်နှင့် စောင့်ရန်လိုသည်ဟုပင်ဆိုရမည် ဖြစ်သည်။
************************************************************************
မြန်မာသမ္မတ အကြံပေးအဖွဲ့ AIPMC၊ အင်ဒိုနီးရှား ပါလီမန်အဖွဲ့ဝင်များနှင့် ယနေ့ တွေ့ဆုံမည်
(27 Sept 2011 ရက်စွဲပါ Asiatribune မှ Myanmar President’s advisors delegation to meet the AIPMC members Indonesian Parliament ကို ဘာသာပြန်ဆိုသည် )
AIPMC နှင့် အင်ဒိုနီးရှားပါလီမန် အဖွဲ့ဝင်များသည် မြန်မာသမ္မတ၏ အကြံပေးများနှင့် အင်ဒိုနီးရှားပါလီမန် အဆောက်အအုံတွင် ယနေ့ တွေ့ဆုံမည်ဖြစ်သည်။ အစည်းအဝေးမှာ တံခါးပိတ်အစည်းအဝေးဖြစ်ပြီး “အင်ဒိုနီးရှား ဒီမိုကရေစီအသွင်ကူးပြောင်းရေး အတွေ့အကြုံများအပေါ် ဆွေးနွေးသတင်းဖလှယ်ရေး အစီအစဉ်” အောက်မှ ဂျာမန် နိုင်ငံရေးဖောင်ဒေးရှင်းဖြစ်သော Friedrich Ehbert Stiftung က ကြီးမှူးကျင်းပခြင်းဖြစ်သည်။
အင်ဒိုနီးရှားတွင် ၁၉၉၈ ခုနှစ်က ငြိမ်းချမ်းသော နိုင်ငံရေးအရ အသွင်ကူးပြောင်းမှုကို အောင်မြင်စွာ လုပ်ဆောင်နိုင်ခဲ့သည်ဟု နိုင်ငံတကာက လက်ခံထားခဲ့သည်။ ယခုအခါ မြန်မာအစိုးရသစ်သည် ကဏ္ဍပေါင်းစုံ ပြုပြင် ပြောင်းလဲရေးနှင့် ပတ်သက်သော စိန်ခေါ်မှုများကို ရင်ဆိုင်နေရသည်။ ဒီမိုကရေစီနိုင်ငံပြုလုပ်ရေးအတွက် စိန်ခေါ်မှုများကို ရှာဖွေ၍ အသေအချာရင်ဆိုင်ဖြေရှင်းရန်နှင့် ပြောင်းလဲမှုများကို မည်သို့စတင်၍ မည်သို့ စီမံခန့်ခွဲမည် ဆိုသည့် အဓိက မေးခွန်းကို အဖြေပေးနိုင်ရန်ဖြစ်သည်။
AIPMC သည် ၂ဝဝ၄ ခုနှစ်ကတည်းက မြန်မာနိုင်ငံတွင် ဒီမိုကရေစီပြောင်းလဲရေးနှင့် လူ့အခွင့်အရေး အကာအကွယ်ပေးရေး လုပ်ငန်းများကို အစဉ်တစိုက် လုပ်ဆောင်ခဲ့သည်။ AIPMC ၏ လက်ရှိဥက္ကဋ္ဌမှာ အင်ဒိုနီးရှားမှ Eva Sundari ဖြစ်ပြီး ယခင်က ထိုင်းနိုင်ငံမှ Kraisak Choonhavan နှင့် မလေးရှားမှ Zaid Ibrahim တို့ တာဝန်ထမ်းဆောင် ခဲ့ဖူးသည်။ AIPMC နှင့် မြန်မာကိုယ်စားလှယ်အဖွဲ့ တွေ့ဆုံဆွေးနွေးခြင်း၏ ရည်ရွယ်ချက်မှာ ဥပဒေပြုရေး လုပ်ငန်း အဆင့်ဆင့်နှင့် ပတ်သက်သော အကြောင်းအရာများ၊ ဥပဒေပြုရေးတွင် ပညာရှင်များနှင့် လူထုအခြေပြုအဖွဲ့အစည်းများ၏ အခန်း ကဏ္ဍ၊ ပါလီမန်အာဏာရှိရေး မဟာဗျူဟာများ အကြောင်း ဖြစ်သည်။
တွေ့ဆုံကြမည့် မြန်မာသမ္မတ၏ အကြံပေးကိုယ်စားလှယ်အဖွဲ့တွင် နိုင်ငံရေးအကြံပေး ခေါင်းဆောင် ဦးကိုကိုလှိုင်၊ နိုင်ငံရေး အကြံပေး ဒေါက်တာနေဇင်လတ်၊ စီးပွားရေးအကြံပေး ဝင်စတန်ဆက်အောင်နှင့် ဥပဒေအကြံပေး ဒေါ်ခင်မျိုးမြင့်တို့ ပါဝင်ကြသည်။
**************************************************************************
မြောက်ကိုရီးယားဝန်ကြီးချုပ် တရုတ်သို့သွား
(27 Sept 2011 ရက်စွဲပါ AFP သတင်းဌာနမှ N.Korea premier leaves for China ကို ဘာသာ ပြန်ဆိုသည်)
မြောက်ကိုရီးယား ခေါင်းဆောင်ကြီး ကင်ဂျုံအီလ် တရုတ်ပြည်သို့ သွားရောက်လည်ပတ်ပြီးနောက် ရက်သတ္တပတ် အနည်းငယ်ခန့်အကြာတွင် ဝန်ကြီးချုပ် ချိုယောင်ရင်မ်လည်း ဘေဂျင်းသို့ အလည်အပတ်ခရီးစဉ်အဖြစ် စတင်ထွက်ခွာသွားကြောင်း ပြုံယမ်းအစိုးရအာဘော် သတင်းဌာနက ရေးသား ဖော်ပြသည်။
မြောက်ကိုရီးယားဝန်ကြီးချုပ် ချိုယောင်ရင်မ်သည် တရုတ်ဝန်ကြီးချုပ် ဝမ်ကျားပေါင်၏ ဖိတ်ကြားချက်အရ တရုတ်ပြည်သို့ စက်တင်ဘာလ ၂၆ ရက်နေ့တွင် တရားဝင်ချစ်ကြည်ရေးခရီးစဉ်အဖြစ် ထွက်ခွာသွားကြောင်း KCNA သတင်းဌာနကဆိုသည်။ သို့သော် ခရီးစဉ်အသေးစိတ်အစီအစဉ်ကိုမူ ဖော်ပြခြင်းမပြုပေ။ မစ္စတာ ချိုယောင်ရင်မ်သည် အာဏာရကွန်မြူနစ်ပါတီ၏ ပြုံယမ်းဌာနခွဲအကြီးအကဲအဖြစ် ယခင်ကတာဝန်ထမ်းဆောင်ခဲ့ဖူးပြီး ၂၀၁၀ ပြည်နှစ်တွင် ဝန်ကြီးချုပ်ဖြစ်လာသည်။ ၎င်းသည် ခေါင်းဆောင်ကြီး ကင်ဂျုံအီလ်၏သားဖြစ်သူ ကင်ဂျွန်အန်နှင့် နီးစပ်သူဟု ယူဆရကြောင်း၊ ကင်ဂျွန်အန် သည် ဖခင်ဖြစ်သူ၏အရိုက်အရာကိုဆက်ခံမည့်သူအဖြစ် သတ်မှတ်ပြောဆိုခံထားရသူ ဖြစ်ကြောင်း AFP သတင်းကဆိုသည်။
ဝန်ကြီးချုပ် ချိုသည် ပြီးခဲ့သည့် နိုဝင်ဘာလတွင်လည်း တရုတ်ပြည်အရှေ့မြောက်က်ပိုင်းဒေသသို့ သွားရောက် လည်ပတ်ခဲ့ဖူးကြောင်း၊ ယင်း ခရီးစဉ်အတွင်း တရုတ်လျှပ်စစ်နှင့် ဆေးဝါးကုမ္ပဏီကြီးများသို့ သွားရောက်ကြည့်ရှုခဲ့ကြောင်း သိရသည်။ မြောက်ကိုရီးယားခေါင်းဆောင်ကြီး ကင်ဂျုံအီလ် သည်လည်း ပြီးခဲ့သည့် သြဂုတ်လတွင် တရုတ်နိုင်ငံသို့ သွားရောက်ခဲ့သည်။ ၎င်းသည် မြောက်ကိုရီးယား၏ အဓိက ကုန်သွယ်ဖက်နှင့် မိတ်ဘက်နိုင်ငံ ဖြစ်သော တရုတ်ပြည်သို့ လပေါင်း ၁၆ လအတွင်း စတုတ္ထအကြိမ်အဖြစ်သွားရောက်ခဲ့ခြင်းဖြစ်သည်။
မြောက်ကိုရီးယားသည် တောင်ကိုရီးယားက အဆက်အသွယ်အမြောက်အမြား ဖြတ်တောက်ခြင်း ခံလိုက်ရပြီး နောက် ယခုလများအတွင်း တရုတ်ပြည်နှင့် စီးပွားရေးပူးပေါင်းဆောင်ရွက်မှုများကို တိုးမြှင့်လုပ်ဆောင်လာရသည်။ ပြီးခဲ့သည့် သြဂုတ်လတွင် တောင်-မြောက်ကိုရီးယားနှစ်နိုင်ငံမှ နျူကလီးယားဆိုင်ရာ သံတမန်များ တွေ့ဆုံပြီး ရပ်ဆိုင်းထားသော ခြောက်နိုင်ငံဆွေးနွေးပွဲ ပြန်လည်စတင်နိုင်ရန် ဆွေးနွေးခဲ့ကြသည်။
*************************************************************************************************************************
Google Docs makes it easy to create, store and share online documents, spreadsheets and presentations.
