Posts
 | yangonchronicle 2011- (1) |
၃၁.၈.၂၀၁၂
ဘာသာပြန်သတင်းများ
- ခန့်မှန်းရခက်နေဆဲ မြန်မာစစ်တပ်
(29 August 2012ရက်စွဲပါ The Straits TimesမှBuce Galeရေးသားသော “Military still the wild card in Myanmar” ကိုဘာသာပြန်ဆိုသည်။)
- ကိုယ်ကျိုးစီးပွားကာကွယ်ထားသော မြန်မာဥပဒေသည် ရင်းနှီးမြှုပ်နှံမှု ကိုအခက်တွေ့စေနိုင်
(The Asahi Shimbum မှ 29 August 2012 ရက်စွဲပါ “Protestionist Myanmar Bill could cripple foreign investment”သတင်းကို ဘသာပြန်ဆိုသည်။)
*****************************************
ဘာသာပြန်သတင်းများ
ခန့်မှန်းရခက်နေဆဲ မြန်မာစစ်တပ်
(29 August 2012ရက်စွဲပါ The Straits TimesမှBuce Galeရေးသားသော “Military still the wild card in Myanmar” ကိုဘာသာပြန်ဆိုသည်။)
မြန်မာနိုင်ငံပြုပြင်ပြောင်းလဲရေး လုပ်ငန်းစဉ်များ ကောင်းမွန်စွာလုပ်ဆောင်နေစဉ်တွင် ပို၍သက်သေပြနိုင်မှုများ လိုအပ်သည်ဖြစ်ရာ ပြီးခဲ့သည့် အပတ်က ပြန်ကြားရေးဝန်ကြီးဌာနသည် မီဒီယာဆင်ဆာများ တိုက်ရိုက်ပြုလုပ်နေမှုကို ဖယ်ရှားပေးခဲ့ကြောင်း ကြေညာခဲ့ခြင်းကြောင့် စောင့်ကြည့်လေ့လာ သူများက သြဘာပေးခဲ့ကြသည်။
ယခုအခါအနောက်နိုင်ငံ အရေးယူပိတ်ဆို့မှုများကလည်း ဖြေလျော့သွားခဲ့ပြီး စီးပွားရေးကိုလည်း တံခါးဖွင့်ပေးခဲ့သည်။ နိုင်ငံခြား ရင်းနှီးမြှုပ်နှံသူများ သည် စီးပွားရေး အခွင့်အလမ်းများ လက်ဦးမှုရရှိနိုင်ရေးအတွက် မြန်မာနိုင်ငံသို့ အပြေးအလွှား ဝင်ရောက်လာသည်မှာ အံ့သြဖွယ်တော့ မဟုတ်ပေ။
မြန်မာနိုင်ငံ၏ အိပ်ပျော်နေသော ဗျူရိုကရေစီ ယန္တရားနှင့် ဟောင်းနွမ်းနေသော အခြေခံ အဆောက်အအုံတို့သည် အလုံးအရင်း ဝင်ရောက် လာ သော ရင်းနှီးမြှုပ်နှံမှုများကို ကိုင်တွယ်နိုင်ပါမည်လော။ သြဂုတ်လ၂၀ရက်နေ့က အာရှဖွံ့ဖြိုးရေးဘဏ်မှ ထုတ်ပြန်သော အစီရင်ခံစာတွင် စာရင်းပြုစုထားရာ၌ အဓိကစွန့်စားရမည့်အန္တရာယ်မှာ မြန်မာနိုင်ငံ၏အားနည်းသော မက်ကရိုစီးပွားရေး စီမံခန့်ခွဲမှုနှင့် အခွန်ရရှိမှု နည်းပါးခြင်းများဖြစ်ကြောင်း ဖော်ပြထားသည်။
သို့သော် ADB က အားလုံးခြုံ၍ ဖော်ပြထားရာတွင် ဆယ်စုနှစ်ငါးစုခန့် စီးပွားရေးအရ အထီးကျန်ဖြစ်နေပြီး နောက်၊တိုင်းပြည်၏ စီးပွားရေး အလား အလာများကို အကောင်းမြင်ရေးသားထားသည်။ မြန်မာနိုင်ငံသည် အာရှ၏ ထွန်းတောက်လာမည့် ကြယ်တစ်ပွင့်အဖြစ် အားယူနေကြောင်း ဖော်ပြထား သည်။ ပျော်ရွှင်မှုအပြည့်အဝ မရနိုင်သေးသည်ကို နားလည်နိုင်သည်။ ယနေ့ပတ်ဝန်းကျင်တွင် အထူးသဖြင့်အမေရိကန်ပြည်ထောင်စုနှင့် ဥရောပ၌ စီးပွားရေး တိုးတက်မှု သိပ်မရှိလှပေ။ တရုတ်၊ဂျပန်၊အိန္ဒိယတို့ကလည်း စတင်နှေးကွေးနေပြီဖြစ်သည်။ သို့မဟုတ်လျှင် မြန်မာနိုင်ငံသည် ယခုထက် ပို၍ ဆွဲဆောင်အားကောင်းနိုင်သည်။
သို့သော်အများစု မေ့နေသည်ဟု ထင်ရသောအချက်မှာ မြန်မာနိုင်ငံသည် စစ်အာဏာရှင် စနစ်ထက် အနည်းငယ်သာ ပိုကောင်းသော အခြေအနေ ရောက်လာသည်မှာ နှစ်နှစ်ပင် မရှိသေးဟူသော အချက်ဖြစ်ပြီး စစ်တပ်ကလည်း အစိုးရအပေါ် အားကောင်းစွာ သြဇာလွှမ်းမိုး ထားသည်ဟူသော အချက်ဖြစ် သည်။
သမိုင်းကြောင်းအရ စစ်အစိုးရသည် လွယ်လွယ်နှင့်အာဏာစွန့်လိမ့်မည်ဆိုသည်ကို သိရှိနိုင်သည်။ အကယ်၍ အာဏာစွန့် ခံရလျှင်လည်း ၎င်းတို့ အကျိုးစီးပွားကို ကာကွယ်ပေးမည်ဟု ယုံကြည်ရသူ ဗိုလ်ချုပ်များ လက်ထဲသို့သာ လွှဲပေးမည်သာဖြစ်သည်။
စစ်တပ်သည် ၎င်း၏အကျိုးစီးပွားကို ခြိမ်းခြောက်လာမည်ဟု ဆုံးဖြတ်ပါက ယခုဖြစ်ပေါ်နေသော နိုင်ငံရေးနှင့် စီးပွားရေးဖွံ့ဖြိုးတိုးတက်မှု များသည် ခက်ခက်ခဲခဲနှင့် နောက်ပြန်လှည့်သွားနိုင်ပြီး အလုံးအရင်း ဝင်ရောက်လာသော ရင်းနှီးမြှုပ်နှံသူများအတွက် ဆိုရွားသော အကျိုးဆက်များ ခံစားရဖွယ်ရှိသည်။
အကောင်းမြင် ဝါဒီများကမူ ယခုလအစောပိုင်းက လွှတ်တော်မှ တပ်မတော်သားအမတ်များသည် နိုင်ငံရေးအရ အလယ်အလတ်သဘောထားရှိသူ ရေတပ်စစ်ဦးစီးချုပ်ကို ဒုတိယသမ္မတ အဖြစ်ခန့်အပ်ရန် ထောက်ခံခဲ့ခြင်းအပေါ်ညွှန်ပြကြလိမ့်မည် ဖြစ်သည်။
သို့သော်ဤကိစ္စကို ရှုမြင်ရန် လိုအပ်သောရှုထောင့်မှာ လွှတ်တော်သည် အဆိုပါဆုံးဖြတ်ချက်အတွက် တစ်လခန့်အချိန်ယူခဲ့ရသည်ဟူသော အချက်ဖြစ်သည်။ တပ်မတော်သားကိုယ်စားလှယ်များသည် အစပထမ၌ ယခင်အာဏာရှင်ဦးသိန်းစိန်နှင့်ရင်းနှီးသော သဘောထား တင်းမာသူ အငြိမ်းစား ဗိုလ်ချုပ်ဟောင်း ဦးမြင့်ဆွေကို အဆိုပြုခဲ့သည်။ သို့သော် ဒေါ်အောင်ဆန်းစုကြည်အား ရာထူးမရနိုင်ရန် ရေးဆွဲထားသည့် အချက်ဖြင့် ငြိစွန်းခြင်းကြောင့် ဦးမြင့်ဆွေမှာ သတ်မှတ်ချက်နှင့် မကိုက်ညီပဲ ၎င်းတို့လက်လျှော့သွားခဲ့သည်။
ပြီးခဲ့သော ဇူလိုင်လ၂၅ရက်နေ့က အာဏာရပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ လွှတ်တော်ကိုယ်စားလှယ် ဦးဌေးဦးက ထောက်ခံကြောင်း ပြောကြားခဲ့သည်။ “ကျွန်တော်တို့ ရွေးချယ်စရာ သူတစ်ယောက်ထဲပဲရှိပါတယ်”ဟု ၎င်းကAngence France Presseသို့ ပြောကြားခဲ့သည်။
စစ်တပ်မှ ဗိုလ်ချုပ်များသည် ရေတပ်ကို အယုံအကြည်မရှိလှပေ။ ၁၉၈၈ခုနှစ် ဆန္ဒပြပွဲများတွင် ရေတပ်မှ စစ်သားများ ပါဝင်ခဲ့ကြသည်ကို ၎င်းတို့မေ့ လိမ့်ဦးမည် မဟုတ်ပါ။
ထို့ကြောင့် ဦးဥာဏ်ထွန်းသည် ၎င်းတို့အနေဖြင့် စစ်တပ်၏ အကျိုးစီးပွားကို ကာကွယ်စောင့်ရှောက်ရန် စိတ်အားထက်သန်မှု ရှိကြောင်း ဗိုလ်ချုပ်များ ယုံကြည်လာအောင် ခက်ခက်ခဲခဲ လုပ်ဆောင်ရလိမ့်မည်ဟု ယူဆရသည်။
သမ္မတဦးသ်ိန်းစိန် ပြုပြင်ပြောင်းလဲရေးအတွက် ကတိကဝတ်များမှာ အစစ်အမှန် ဖြစ်ဖွယ်ရှိသည်။ သို့သော်၎င်း၏ စစ်သားဘဝ ကာလတစ် လျှောက်သည် ခြေလျင်တပ်များတွင် တာဝန်ထမ်းဆောင်ခြင်း ထက်စစ်ရုံးတွင်သာ ကုန်ဆုံးခဲ့သည် အချိန်များခြင်းကြောင့် လက်ရှိ တာဝန်ထမ်းဆောင်နေ သော ဗိုလ်ချုပ်များအပေါ် သြဇာလွှမ်းမိုးမှုမှာ အကန့်အသတ်ဖြင့်သာ ရှိနေသည်။ ထို့ပြင်၎င်းသည် နှလုံးရောဂါရှိ ပြီးစက်တပ်ဆင် ထားရသည်။ ကြာရှည်မှ ခံနိုင်ရည်ရှိပါမည်လား၊ သူမရှိတော့လျှင် ပြုပြင်ပြောင်းလဲရေးများ ဆက်လက်လုပ်ဆောင် နိုင်ပါဦးမည်လော။
အချို့ စောင့်ကြည့်လေ့လာသူများက လက်ရှိအဓိကကျသော စစ်တပ်မှ ဗိုလ်ချုပ်များသည် စစ်မှန်သော ပြုပြင်ပြောင်းလဲမှုများအပေါ် စိတ်ဝင်စားမှု အနည်းငယ်သာ ရှိလိမ့်မည်ဟု ယုံကြည်နေသည်။ ဗိုလ်ချုပ်များက ပြုပြင်ပြောင်းလဲရေးများကို ထောက်ခံနေခြင်း အကြောင်းမှာ ပြောင်းလဲမှုများမှာ တရုတ် အပေါ် မှီခိုရမှုကို လျော့ချနိုင်ရန် တံခါးဖွင့်ပေးခြင်းကြောင့်သာ ဖြစ်သည်။
တစ်ချိန်တည်းမှာပင် များစွာလိုအပ်လျက်ရှိသော နိုင်ငံခြား ရင်းနှီးမြှုပ်နှံမှု ဥပဒေမှာလည်း ကြန့်ကြာလျက်ရှိသည်။ အကြောင်းမှာ စစ်တပ်နှင့်နီးစပ် သော ပြည်တွင်းစီးပွားရေး လုပ်ငန်းရှင်များက နိုင်ငံခြားကုမ္ပဏီများ ဝင်လာပါက ၎င်းတို့ဘေးရောက်သွားမည်ကို စိုးရိမ်နေကြသောကြောင့် ဖြစ်သည်။
တနည်းအားဖြင့် လက်ရှိအသွင်ကူးပြောင်းရေးကို ဂရုတစိုက် ကိုင်တွယ်နိုင်ခြင်း မရှိပါက ပြုပြင်ပြောင်းလဲရေးကို ဆန့်ကျင်သူများ လျင်မြန်စွာ ကြီး ထွား လာစေနိုင်သည်။
ရင်းနှီးမြှုပ်နှံသူများသည် သတိဖြင့် ဝင်ရောက်သင့်သည်။ မြန်မာစစ်တပ်သည် တိုင်းပြည်၏ အားနည်းသော အခြေခံ အဆောက်အဦ မဟုတ်ပဲခန့် မှန်းရခက်သော အဖွဲ့အစည်း အဖြစ်ရှိနေဆဲဖြစ်သည်။
---------------------------------------------------------------------------------------------------------------------
ကိုယ်ကျိုးစီးပွားကာကွယ်ထားသော မြန်မာဥပဒေသည် ရင်းနှီးမြှုပ်နှံမှု ကိုအခက်တွေ့စေနိုင်
(The Asahi Shimbum မှ 29 August 2012 ရက်စွဲပါ “Protestionist Myanmar Bill could cripple foreign investment”သတင်းကို ဘသာပြန်ဆိုသည်။)
မြန်မာလွှတ်တော်သည် ပြည်ွင်းကုမ္ပဏီများကို အကာအကွယ်ပေးထားသည့် ရင်းနှီးမြှုပ်နှံမှု ဥပဒေကို ရေးဆွဲနေပြီဖြစ်၍ စီးပွားရေးနိမ့်ကျပြီး လုပ်အားခ ဈေးချိုသော ၎င်းနိုင်ငံသို့ ဝင်ရောက်နိုင်ရန် စိတ်ဝင်စားနေသော နိုင်ငံခြား ကုမ္ပဏီများအတွက် ထိုးနှက်မှုတစ်ခု ဖြစ်လာဖွယ်ရှိသည်။
မြန်မာနိုင်ငံ၏ လုပ်အားအသုံးပြုသော စီးပွားရေး နယ်ပယ်သို့ ဝင်ရန်ပြင်ဆင်နေကြသော ဂျပန် ကုမ္ပဏီများ အပေါ် သက်ရောက်နိုင်မှုကို သုံးသပ်ပြောကြားသော ဂျပန်ပြည်ပ ကုန်သွယ်ရေးအဖွဲ့၏ Institution of Developing Economies မှအကြီးတန်း သုတေသနပညာရှင် တိုရှီဟီရို ကူဒိုက “ဥပဒေ အရမ်းတင်းကျပ်တယ်” ဆိုသည်။
အဆာဟီရှီဘွန်းက သြဂုတ်၂၈ရက်တွင် ရရှိသော ဥပဒေမူကြမ်း အသေးစိတ်အချက်များအရ စိုက်ပျိုးရေး၊ ငါးလုပ်ငန်းနှင့် တိရိစ္ဆာန် မွေးမြူရေး လုပ်ငန်းများ အပါအဝင် ကဏ္ဍ၁၃ခု တွင် နိုင်ငံခြား ရင်းနှီးမြှုပ်နှံမှုကို ထိန်းချုပ်ဟန့်တား ထားသည်။ သို့သော်၎င်းကဏ္ဍ များအနက်မှ တစ်ခုမှာ ပြည်တွင်း အသေးစား အလတ်စား ကုမ္ပဏီများစွာ လုပ်ကိုင်နေကြသော ကဏ္ဍတစ်ခု ဖြစ်သည်ဟု မသဲမကွဲ သတ်မှတ်ထားသည်။
ယင်းဥပဒေသည် ဂျပန်ကုမ္ပဏီများနှင့် လက်တွေ့စိတ်ဝင်စားနေသော အထည်ချုပ်၊ အစားအသောက်နှင့် အခြားပေါ့ပေါ့ပါးပါး ကုန်ထုတ်လုပ်ငန်း များကိုပါ ပါသက်ရောက်နိုင်သည်ဟု အကဲခတ်လေ့လာသူ များက ပြောကြားသည်။
ထို့အပြင် မြန်မာနိုင်ငံ၏ နယ်စပ်တစ်လျှောက် ရင်းနှီးမြှုပ်နှံခြင်းကဲ့သို့သော စီးပွားရေး လုပ်ကိုင်မှုကိုလည်း ဥပဒေက တားမြစ်ထားသည်။ မြန်မာနိုင်ငံ တွင် လုပ်ကိုင်နေသော ဂျပန်ကုမ္ပဏီများက ယင်းဥပဒေကြောင့် စ်ိတ်ပျက်လက်ပျက် ဖြစ်ရသည်ဟု ထုတ်ဖော်ပြောဆိုကြသည်။
ယခင်ကRangoonဟု လူသိများသော ရန်ကုန်မြို့တော်တွင် လုပ်ငန်းထူထောင်ထားသော ဂျပန်လူမျိုးတစ်ဦးက “ဒီဥပဒေဟာ နိုင်ငံခြား ရင်းနှီးမြှုပ် နှံမှုတွေကို ပိတ်ဆို့ထားသလို ဖြစ်နေပါတယ်။ မြန်မာနိုင်ငံမှာ ရင်းနှီးမြှုပ်နှံဖို့ စိတ်ဝင်စားကြောင်း ပြသထားကြတဲ့ နိုင်ငံခြား ကုမ္ပဏီတွေရဲ့ စိတ်အားထက် သန်မှုတွေကတော့ တစ်ချက်ထဲနဲ့ လန်ထွက်သွားတော့မှာပါ”ဟုမှတ်ချက်ပေးသည်။
ရန်ကုန်မြို့ရှိ ဂျပန်ကုန်သည်ကြီးများအသင်းက ပိုမိုတင်းကြပ်သော ရင်းနှီးမြှုပ်နှံမှု ဥပဒေအပေါ် တုန့်ပြန်သဘော ထားကို သြဂုတ် လ၂၉ရက် အစည်းအဝေး တွင်ဆွေးနွေးကြမည်ဟု မျှော်လင့်ရသည်။
အကြီးစားစီမံကိန်းများအတွက် အနည်းဆုံး မတည်ရင်းနှီးမြှုပ်နှံငွေ ဒေါ်လာ၅သန်းနှင့် လွှတ်တော်ခွင့် ပြုချက် လိုအပသည်ဟုဆိုသည်။ ထို့အပြင်မ နိုင်ငံခြားဖက်စပ်လုပ်ငန်း များတွင် ပြည်တွင်းကုမ္ပဏီ ကရှယ်ယာထက်ဝက်ကျော် (ဥပမာ-၅၁ရာခိုင်နှုန်း) ပိုင်ဆိုင်ရမည် ဟုဆိုသည်။
ပြည်တွင်းကုမ္ပဏီများအတွက ထိုစည်းကမ်းများ ကိုက်ညီနိုင်ရန် ခဲယဉ်လိမ့်မည် ဟု ရန်ကုန်မြို့ ဂျပန်သံရုံး သတင်းရပ်ကွက် ကမှတ်ချက်ပေးသည်။ နိုင်ငံခြား ကုမ္ပဏီများနှင့် ဖက်စပ်လုပ်ကိုင်မည့် ကုမ္ပဏီများ မှာတပ်မတော်ပိုင် မြန်မာ့စီးပွားရေး ဦးပိုင်လီမိတက် နှင့် မြန်မာ့စီးပွားရေးကော်ပိုရေးရှင်းမှ ကုမ္ပဏီခွဲများ ခရိုနီကုမ္ပဏီများ အိမ်နီးချင်း နိုင်ငံအချို့နှင့် ငွေကြေးအဆက်အသွယ်ရှိသော ကုမ္ပဏီများသာ ဖြစ်လိမ့်မည်ဟု ပြည်တွင်းမှ စီးပွားရေးလုပ်ငန်း အကဲခတ်သူများက ပြောကြားကသည်။
ယခင်စစ်အုပ်ချုပ်ရေး ကြောင့်စီးပွားရေး ပြိုလဲသွားခဲ့သော မြန်မာနိုင်ငံတွင် စီးပွားရေး မူဝါဒများကို ပြင်ဆင်ပြောင်းလဲနေသော ဦးသိန်းစိန် အစိုးရ သစ်က လက်ရှိရင်းနှီးမြုပ်နှံမှု ဥပဒေကို အစားထိုးရန် ဥပဒေသစ်ကို ရေးဆွဲလျက်ရှိသည်။
ပြည်သူ့လွှတ်တော် ဥက္ကဋ္ဌနှင့် အခြားတာဝန်ရှိသူများက ဇွန်၊ဇူလိုင်များတွင် ပြည်တွင်းဦးဆောင် စီးပွားရေး လုပ်ငန်းရှင်များ၏ သဘောထားကို ကြား နာစစ်ဆေးခံရာတွင် လုပ်ငန်းရှင်အများစုက ပြည်တွင်း လုပ်ငန်းများကို အကာအကွယ် ပေးနိုင်ရန်အတွက် နိုင်ငံခြား ရင်းနှီးမြှုပ်နှံမှုကို တင်းကြပ်ရန် တောင်း ဆိုထားကြသည်ဟု ပြည်တွင်းမီဒီယာများက သတင်းဖော်ပြခဲ့သည်။
ပြည်တွင်းလုပ်ငန်းရှင်များနှင့် တာဝန်ရှိသူများ၏ သဘောထားများကို ထည့်သွင်းကာ အကြိမ်ကြိမ် ပြင်ဆင်တည်းဖြတ်ထားသော ဥပဒေကို အထက် လွှတ်တော်က အတည်ပြုလိုက်ပါက သမ္မတအနေဖြင့် ထိုဥပဒေအပေါ် ဗီတိုအာဏာသုံး၍ မရနိုင်တော့ပါ။
************************************************************
Google Drive: create, share, and keep all your stuff in one place.
