Posts
 | yangonchronicle2011 Op-Ed |
၇.၉.၂၀၁၂
ဆောင်းပါးကဏ္ဍ
- သန့်ရှင်းသောအစိုးရဖြစ်ဖို့ လိပ်ပြာသန့်ပါစေ
*****************************************
ဆောင်းပါးကဏ္ဍ
သန့်ရှင်းသောအစိုးရဖြစ်ဖို့ လိပ်ပြာသန့်ပါစေ
ထက်မြက်
စက်တင်ဘာ ၆ရက်ထုတ် Popular Newsဂျာနယ် အတွဲ(၄) အမှတ်(၃၅)တွင် ပါရှိသည့် ဆောင်းပါးကို ထုတ်ယူ ဖော်ပြချက်
Clear Conscience ဆိုသည်မှာ လိပ်ပြာလုံခြင်း၊ လိပ်ပြာသန့်ခြင်းဟု အဓိပ္ပာယ်ရသည်။ ဆိုလိုသည်မှာ မိမိ၏စိတ်ဓာတ် သန့်စင်နေဖို့ပင် ဖြစ်သည်။ မိမိစိတ်သန့်နေဖို့ပင် ဖြစ်သည်။ မိမိစိတ် သန့်စင်နေလျှင် မည်သည့်အရာကိုမှ ကြောက်နေစရာ မလိုပေ။ မိမိလိပ်ပြာ မိမိသန့်ရဲ့လားဟု လူတိုင်း ဆန်းစစ်နိုင်လျှင် ကောင်းမွန်တရားမျှတသော လူ့အဖွဲ့အစည်းတစ်ခုကို တည်ဆောက်နိုင်မည် ဖြစ်ပေသည်။ လိပ်ပြာသန့် စိတ်ရှိဖို့ဆိုသည်မှာ လွယ်ကူသော အလုပ်တော့မဟုတ်ပေ။ အဘယ့်ကြောင့်ဆိုသော် ဒေါသမောဟများနှင့် တစ်ချိန်လုံး လွှမ်းမိုးခံနေရသော လူသားသည် မကောင်းသော လုပ်ရပ်များ၊ လိမ်ညာသော စိတ်ဓာတ်များဖြင့် ဘဝရပ်တည်ရေးနှင့် ကြီးပွားချမ်းသာရေးအတွက် လုပ်ဆောင်နေရသောကြောင့် အကုသိုလ်စိတ်များ အမြဲလိုလို ဖုံးလွှမ်း နေခြင်း ဖြစ်သည်။ အကုသိုလ်အလုပ်များကိုမလုပ် မှားယွင်းသောလုပ်ရပ်များကို မကျူးလွန်ဟု စိတ်ထဲတွင် ပိုင်းဖြတ်ထားပြီး လက်တွေ့တွင်လည်း လုပ်ဆောင်နိုင်သူသည် မိမိလိပ်ပြာမိမိလုံသူဖြစ်၏။ စိတ်သည်လည်းသန့်ရှင်းနေပါသည်။ ရန်စမရှိသူသည် ရန်ဖြစ်လိုစိတ်မရှိသူဖြစ်၏။ မိမိက သူတစ်ပါးကို လိပ်ပြာသန့်စွာဖြင့် ရန်လိုစိတ်မရှိလျှင် မိမိအတွက်လည်းအနည်းနှင့်အများ ဆိုသလို ရန်စိတ်ကင်းဝေးနေတတ်သည်။
သမ္မာအာဇီဝအလုပ်သည် လူအတွက် လိပ်ပြာသန့်သောအလုပ်ဖြစ်သည်။ ဒီမိုကရေစီနိုင်ငံများ၌ အစိုးရအရာရှိများ၊ ဝန်ကြီးများ၊ ဝန်ကြီးချုပ်များ၊ သမ္မတများကို မိမိတို့ ပိုင်ဆိုင်သည့် ဓနဥစ္စာစာရင်း အတိအကျတင်ပြရန် လာဘ်ပေးလာဘ်ယူမှု နှိမ်နင်းရေးအဖွဲ့များက တောင်းဆိုကြ၏။ လာဘ်ပေး လာဘ်ယူမှုများသော နိုင်ငံများ၌ ထိုသို့ ဥစ္စာဓနစာရင်း အတိအကျတောင်းဆိုမှုသည် ထိုအာဏာပိုင်များကို စစ်ဆေးခြင်းလည်းဖြစ်ပါသည်။ လိပ်ပြာလုံ သူများက မိမိတို့ ပိုင်ဆိုင်သမျှ ဓနဥစ္စာများကို တိတိကျကျ တင်ပြရသည်။ မိရိုးဖလာကြွယ်ဝချမ်းသာမှုများလည်းရှိသည်။ အစိုးရတာဝန်ယူခြင်း ခြစ်ကုတ် စုဆောင်း ထိုက်သလောက် အိုစာမင်းစာ ချန်ရစ်ထားကြသူများလည်း ရှိသည်။ Under-table ‘စားပွဲအောက်မှ’ လူမသိ၊သူမသိ လက်သိပ်ထိုး လာဘ်ယူ သူများလည်း ရှိသည်။ လူသိသူသိပေါ်ပေါ်ထင်ထင် အကျင့်ပျက်ခြစားမှုများ လည်းရှိသည်။ ခထိုသူများထဲတွင် ရိုးသားဖောင့်မတ်သော သူများသည် လိပ်ပြာလုံကြသည်။ မိမိတို့အလုပ်အပေါ် လိပ်ပြာသန့်ကြ၏။ မည်သည့်စစ်ဆေးမှုများကိုမဆို ရင်ဆိုင်နိုင်သည်။ လုပ်ကြံဖန်တီး ဖမ်းဆီးစစ်ဆေးမှုကိုလည်း ရင်ဆိုင်နိုင်ကြလေသည်။ ဆိုလိုသည်မှာ မိမိစိတ်ထဲ၌ မိမိလုပ်ရပ်ကို လိပ်ပြာသန့်သန့် ရှိနေခြင်း ဖြစ်ပါသည်။
လွန်ခဲ့သောနှစ်အစိတ်ခန့်က ကျွန်တော်သည် မသမာသူ အမျိုးသမီးသတင်ပေး တစ်ယောက်၏ လိမ်ညာလှည့်ဖျားပြီး အပြစ်ကျူးလွန်သည်ဟု သတင်းပေးသောကြောင့် အဖမ်းခံခဲ့ရဖူးပါသည်။ ထိုအချိန်က ကျွန်တော်မည်ကဲ့သို့သော ပြစ်မှုမျိုးကိုမျှ ဖော်ဖျက်ခြင်း မရှိသောကြောင့် ခေါ်ဆောင်သည့် နောက်သို့ လိပ်ပြာသန့်သန့် ရဲရဲရင့်ရင့်ဖြင့် လိုက်ပါသွားသည်။ သို့သော် သတင်းပေးသူကလည်း ထိုပုံကြီးချဲ့ သတင်းပေးသောကြောင့် စစ်ဆေးသူများက လည်း ထိုပုံကြီးချဲ့သတင်းကို အခြေခံစစ်မေးကြလေသည်။ ဥပမာ-ကျွန်တော်က ထိုအမျိုးသမီးကို “ကျွန်တော်သည် မက်စ်ဝါဒီတစ်ဦး ဖြစ်သည်။ ထိုကဲ့ သို့သော ယုံကြည်မှုကြောင့် ကျွန်တော့် ကျွန်တော့်ကို ပြစ်ဒဏ်ပေးမည်ဆိုကလည်း ကျွန်တော်သည် ယုံကြည်ချက်ကို သစ္စာမဖောက်ဘဲ ပြစ်ဒဏ်ကို ရဲရဲဝံ့ဝံ့ ခံယူမည်ဖြစ်သည်။ ရောမခေတ်က ခရစ်ယာန်ဘာသာကိုးကွယ်သူများအား မိမိတို့၏ ယုံကြည်မှုကို စွန့်လျှင် အသက်ရှင်ခွင့်ပေးမည်ဖြစ်ပြီး မစွန့်လွှတ်ပါက ခြင်္သေ့စာ ကျွေးမည်ဟု အကြပ်ကိုင်သည်။ ခရစ်ယာန်များက သူတို့၏ ယုံကြည်မှုကို မစွန့်လွှတ်သောကြောင့် ခြင်္သေ့များ လွှတ်လေသည်။ ခရစ်ယာန် ဘာသာဝင်များမှာ ဘုရားသခင်ကို ဆုတောင်းပြီး ခြင်္သေ့စားခံကြလေသည်။ ထိုသို့ယုံကြည်မှုကိုမစွန့်လွှတ်သူများ ကိုကျွန်တော်အလွန်လေးစားပါသည်ဟု ပြောကြားသည်ကို သတင်းပေးကာ ကျွန်တော့်ကို ဒုက္ခရောက်စေပါသည်။သို့သော် ကျွန်တော်သည် ကျွန်တော့်စ်ိတ်ကျွန်တော် လိပ်ပြာသန့်သောကြောင့် မည်သို့သော အပြစ်ဒဏ်မှ မပေးနိုင်ခဲ့ပါ။
တစ်နှစ်ကျော်၊ နှစ်နှစ်ခန့် ကြာသောအခါ ကျွန်တော်သည် ဖမ်းဆီးချုပ်နှောင်ခံထားရခြင်းမှ လွတ်မြောက်လာသည်။ ထိုအမျိုးသမီးမှာ ကြွယ်ဝ သော သူဋ္ဌေးမတစ်ယောက် ဖြစ်နေပေသည်။ သို့သော် သူမ၏ လုပ်ရပ်ကို ပြန်စဉ်းစားမည်ဆိုလျှင် လိပ်ပြာလုံစရာမရှိပေ။ တစ်ဖက်သားကို မတရား သတင်းပေးပြီး သူချမ်းသာရေးအတွက် ခုတုံးလုပ်သွားသည့် အတွက်သေသည်အထိ စိတ်ရှင်းရှင်းလင်းဖြင့် ဘဝကူးရမည်မဟုတ်ပေ။ ကျွန်တော့်မှာမူ ဆင်းရဲချင်ဆင်းရဲမည်ဖြစ်သော်လည်း ရာဇဝတ်မှုမှာလည်း မကျူးလွန်၊ အမှားလည်း မလုပ်သောကြောင့် ဘဝတွင် လိပ်ပြာသန့်သန့်ဖြင့် ပျော်ရွှင်စွာ နေထိုင်ခဲ့ပါသည်။
အရေးကြီးသည်မှာ လူသည်မိမိ၏ စိတ်သန့်နေသည်မှာ လူသည် မိမိစိတ်သန့်နေဖို့ လိုသည်။ ထိုသို့ စိတ်သန့်နေဖို့မှာ မိမိဘဝသန့်စင်နေဖို့ အရေးကြီးသည်။ ရာဇဝတ်မှုနွံတောထဲတွင် နစ်မြုပ်နေခဲ့သူ၊ အကုသိုလ်လုပ်ရပ်များဖြင့် ဘဝကို ဖြတ်သန်းနေသူအဖို့ စိတ်သန့်စင်နေစရာ အကြောင်း မရှိပေ။ ကုသိုလ်စိတ်ဖြင့် မိမိကိုယ်မိမိ ပြန်ဆန်းစစ်သလို အကုသိုလ်များပြီး အနိုင်အထက်ပြုခဲ့သူများအဖို့ မိမိစိတ်ထဲလိပ်ပြာသန့်စရာအကြောင်းမရှိ။ ထိုသူများမှာမည်သို့မျှ လိပ်ပြာလုံမည်မဟုတ်ပေ။
ဆရာပါရဂူက “တိုက်တစ်တိုက်ထဲတွင် သူတို့၏ အလုပ်ရုံးရှိသော လူနှစ်ယောက်ရှိသည်။ နေ့စဉ်နေ့တိုင်း ရုံးလာကြသောအခါ ဓာတ်လှေကားဖြင့် သူတို့ရုံးခန်းများသို့ သွားကြသည်။ ထိုသူနှစ်ယောက်ဓာတ်လှေကား အတူစီးသွားကြသည်။ ပထမလူက ၁၂ထပ်၌ရှိသော သူ၏ရုံးခန်းသို့ ရောက်သွားသောအခါ ဓာတ်လှေကားထဲက အပြင်ထွက်သွားသည်။ ပထမလူသည် ဓာတ်လှေကားတံခါးက ထွက်လျက် တစ်ဖန်ဓာတ်လှေကားထဲ လှည့်ကြည့်ပြီး ဒုတိယ လူကို တံတွေးနှင့်ထွေးသွားပြီးမှ သွားလိုသည့်နေရာကို သွားသည်။”
ဒုတိယလူက မည်သို့မှမပြောဘဲ လက်ကိုင်ပုဝါထုတ်ပြီး သူ့မျက်နှာကိုသုတ်သည်။ လည်စည်းကိုသုတ်သည်။ အကျီင်္ ကိုသုတ်သည်။ သူဆင်းရမည့် အထပ်မှာ ၁၅ထပ် သို့မဟုတ် အထပ်၂၀၌ရှိသော ရုံးခန်းဖြစ်သည်။
ပထမလူက ဒုတိယလူ၏ မျက်နှာကို တံတွေးထွေးသွားသည်မှာ တစ်ရက်တည်းမဟုတ်၊ နှစ်ရက်လည်းမဟုတ် ဆက်တိုက်ဖြစ်လေသည်။ နေ့စဉ် ရက်ဆက်ကဲ့သို့ တွေ့နေရသော ဓာတ်လှေကား စက်မောင်းသူသည် တစ်နေ့မနေနိုင်တော့ဘဲ ဒုတိယလူကိုမေးသည်။
“ဟိုလူက ခင်ဗျားကို ဘာလို့ တံတွေထွေးသွားတာလဲ”ဓာတ်လှေကားမောင်းသူက ယင်းသို့မေးသောအခါ ဒုတိယလူက ပြန်ပြောသည်။
“အဲဒါ ကျုပ်နဲ့မဆိုင်ဘူး။ ကျုပ်ပြဿနာ မဟုတ်ဘူး။ သူ့ပြဿနာ၊ သူ့ကိုမေးပါ။ သူရူးများ၊ ရူးနေသလား မသိဘူး။ ကျုပ်အတွက်ဘာမှ ထိခိုက်စရာ မဟုတ်ဘူး။ လက်ကိုင်ပုါနဲ့ သုတ်လိုက်ရင် အဆင်ပြေသွားတယ်။ သူ့အကြောင်းကို စဉ်စားကြည့်ပါ။ တံတွေနဲ့မထွေးခင် ချိန်၊ တံတွေးနဲ့ ထွေးပြီးရင်လည်း သူ ခံစားနေရတဲ့ ခိုးလိုးခုလု ပျောက်သွားမှာ မဟုတ်ဘူး။ ဘာ့ကြောင့်လဲဆိုတော့ သူပြဿနာဖြစ်လို့ပဲ။ သူဖန်တီးနေတဲ့ ပြဿနာဖြစ်တယ်။ ကျုပ်ကဘာမှ မဟုတ်ဘူး။ ပွဲကြည့်ပရိတ်သတ် တစ်ဦးသာ ဖြစ်တယ်”
ဘဝကို ယင်းကဲ့သို့ သုံးသပ်ရှုမြင်ကြည့်သည့် အတတ်ပညာမျိုးရှိလာလျှင် သင်တို့ကို မည်သူ့မှ ဒုက္ခပေးနိုင်လိမ့်မည် မဟုတ်ပေ။ အကယ်၍ သူတစ်ပါးက ဒုက္ခပေးလိုသည် ဆိုလျှင်လည်း သူ့ပြဿနာသာ ဖြစ်သည်။ရန်ကို ရန်ဖြင့်ပယ်ဖျောက်၍ ရမည်ဟူ၍ မည်သည့်အခါမှ မအောက်မေ့ပါနှင့်။ ရန်ကိုချစ်ခြင်းဖြင့် ပယ်ဖျောက်ရသည်။ဒေါသကို ကရုဏာဖြင့် ပယ်ဖျက်ရသည်။
ဆရာဒဂုန်တာရာ၏ ရန်သူမရှိ၊ မိတ်ဆွေသာရှိ၊ မုန်းသူမရှိ၊ ချစ်သူသာရှိဆိုသော သဘောတရားသည် ရန်ကိုရန်နှင့် မတုန့်နှင်းနှင့်ဟူသော သဘောတရားဖြစ်ပါသည်။ မိမိတို့သည် စိတ်ဓာတ်ဖြူစင်ပြီး လိပ်ပြာလုံလျှင် ရန်ကိုရန်နှင့် တုန့်နှင်းသော ပြဿနာမျိုးမရှိတော့ပေ။ လောဘ၊ ဒေါသ၊ မောဟ ရှိနေသော လူ့လောကကြီး၌ ရန်အပေါင်းကင်းစင် ပပျောက်ရန် မဖြစ်နိုင်သော်လည်း ရန်ကိုလက်အောက်ခံအဖြစ် ထားနိုင်လျှင် ပြဿနာများကို ရန်ဖြင့် မဖြေရှင်းဘဲ တွေ့ဆုံညှိနှိုင်း၍ ငြိမ်းချမ်းရေးဖြင့် ဖြေရှင်းလျှင် လောကကြီးအဖို့ သာယာစည်ပင်နေပေလိမ့်မည်။
ထို့ကြောင့်လူအများအဖို့ လိပ်ပြာသန့်ရန်အရေးကြီးပါသည်။ အကုသိုလ်လုပ်လျှင် အကုသိုလ်၏ အကျိုးဆက်၊ ကုသိုလ်လုပ်လျှင် ကုသိုလ်၏ အကျိုးဆက်၊ အမှားလုပ်လျှင် အမှား၏အကျိုးဖက်၊ အမှန်လုပ်လျှင် အမှန်၏ အကျိုးဆက်များဖြင့် မိမိဘဝတစ်လျှောက် လိပ်ပြာလုံအောင် နေထိုင်ရပေလိမ့် မည်။ အကျင့်ပျက်ခြစားမှုများ၊ တံစိုးလက်ဆောင်ယူသူများ၊ မသမာလုပ်မှုများမှာ နိုင်ငံတိုင်းရှိ အာဏာလက်ဝယ်ရှိသူများတွင် အနည်းနှင့်အများဆိုသလို ရှိတတ်ကြလေသည်။ ဒီမိုကရေစီနှင့် လူ့အခွင့်အရေးကို ဦးထိပ်ပန်ပါသည်ဆိုသော နိုင်ငံကြီးများ၌ပင် ထိုပြဿနာရှိကြပါသည်။ သွေးစုပ်ခြယ်လှယ်မှုများ၊ အမြတ်ကြီးစားမှုများ ရှိနေသေးသ၍ အလုပ်လက်မဲ့များ၊ ဆင်းရဲမွဲတေမှုများ၊ အလုပ်သမား ဆင်းရဲသားများ ရှိနေသေးသ၍ မညီမျှမှုများ ရှိနေသေးသ၍ ကမ္ဘာလောကကြီးတွင် လိပ်ပြာသန့်သူများ နည်းပါးနေလိမ့်ဦးမည်။ မည်သို့ပင်ဖြစ်စေ မိမိလိပ်ပြာကို မိမိလုံဖို့အရေးကြီးသည်။ မိမိအလုပ်ကို လိပ်ပြာ သန့်သန့်ဖြင့် ဆောင်ရက်နိုင်ဖို့သာ အရေးကြီးပေသည်။
*****************************************
Google Drive: create, share, and keep all your stuff in one place.
