Posts
 | yangonchronicle 2011- (1) |
၂၄.၉.၂၀၁၂
ဘာသာပြန်သတင်းများ
- ဒေါ်အောင်ဆန်းစုကြည် နိုင်ငံရေးအတွေ့အကြုံလိုအပ်ဟု လေ့လာသူများပြောကြား
(Channel News Asiaမှ 23 September 2012ရက်စွဲပါ“ Suu Kyi an icon larking political experience: analysts ”သတင်းဆောင်းပါးကို ဘာသာပြန်သည်)
- မြန်မာသမ္မတ၏ သမိုင်းဝင် အမေရိကန်ခရီးစဉ် စတင်
(CNA သတင်းဌာနမှ 24 September 2012 ရက်စွဲပါ Myanmar President to embark on landmark US visit ကိုဘာသာပြန်ဆိုသည်)
************************************************************
ဘာသာပြန်သတင်းများ
ဒေါ်အောင်ဆန်းစုကြည် နိုင်ငံရေး အတွေ့အကြုံ လိုအပ်ဟု လေ့လာသူများပြောကြား
(Channel News Asiaမှ 23 September 2012ရက်စွဲပါ“ Suu Kyi an icon larking political experience: analysts ”သတင်းဆောင်းပါးကို ဘာသာပြန်သည်)
ဒေါ်အောင်ဆန်းစုကြည်သည် ကမ္ဘာ့အကျော်ကြားဆုံး နိုင်ငံရေး ခေါင်းဆောင်တစ်ဦး ဖြစ်ဖွယ်ရှိသော်လည်း စီးပွားရေး ပြိုလဲနေသော မြန်မာနိုင်ငံကို ပြန်လည် ထူထောင်ရန် လုပ်ဆောင်ရာတွင်မူ အတိုက်အခံ ခေါင်းဆောင်အနေဖြင့် အကူအညီ လိုအပ်လိမ့်မည်ဟု အကဲခတ် လေ့လ သူများက ဆိုကြသည်။
ငြိမ်းချမ်းရေး နိုဗယ်ဆုရှင်သည် မြန်မာနိုင်ငံနှင့်ပြည်သူများ၏ ဒီမိုကရေစီလွတ်လပ်ခွင့်အတွက် ၁၅နှစ်နီးပါး အကျယ်ချုပ်ကျခံ၍ စွန့်လွှတ်အနစ်နာ ခံခဲ့ခြင်းကြောင့် ယခုတစ်ပတ် အမေရိကန် ခရီးတွင် ကြိုဆိုခဲ့ရသည့်အတိုင်း ပြည်တွင်းပြည်ပတွင် အလွန်အမင်း လေးစားကြခြင်းကို လက်ခံရရှိခဲ့သည်။
သို့သော်လည်း အောက်စဖို့ကျောင်းဆင်း ဒီမိုကရေစီခေါင်းဆောင်သည် နှစ်ပေါင်းများစွာ သီးခြားထိန်းသိမ်း ခံခဲ့ရခြင်းကြောင့် ၂၀၁၀ ရွေးကောက် ပွဲ အပြီး မကြုံစဖူး ပြောင်းလဲလာခဲ့သော မြန်မာနိုင်ငံ၏ စိမ်ခေါ်မှုတစ်ပုံတစ်ပင်ကို ကိုင်တွယ်ရန်အတွက် လိုအပ်သော နိုင်ငံရေး အတွေ့အကြုံ ချို့တဲ့နေ သည်ဟု လေ့လာသူများက ပြောကြားသည်။
သူမ၏ပါတီမှ အကြီးတန်းခေါင်းဆောင် အများစုမှာလည်း အကျဉ်းထောင်ထဲတွင် နှစ်ပေါင်းများစွာ အချိန်ကုန် ခဲ့ရသူများ ဖြစ်ကြသည်။ “ဒေါ်အောင် ဆန်းစုကြည်၏ NLDပါတီသည် နာမည်ကျော် ခေါင်းဆောင်နှင့် ကြီးမားသော အားပေးထောက်ခံမှုတိုိ့ကို ရရှိထားသော်လည်း ထိုအရာနှစ်ခု အကြားတွင် ဘာ မှမရှိပါ”ဟု နိုင်ငံခြား သံတမန်တစ်ဦးက ပြောကြားသည်။
“NLDပါတီဟာ ရေပေါ်ဆီ အီလစ်တွေရဲ့ ပါတီမဟုတ်သလို လူအများစုရဲ့ ပါတီလည်း မဟုတ်ပါဘူး။ ဘာကြောင့်လဲဆိုရင် မူဝါဒ မရှိလို့ပါ။ ၂၀၁၅ ခုနှစ် ရွေးကောက်ပွဲမှာ NLDပါတီ အနိုင်ရစေမယ့် အခွင့်အလမ်းတွေ ပြည့်နေပေမယ့် ကြီးကျယ်တဲ့ တော်လှန်ရေးနေ့ ဖြစ်လာမှာ မဟုတ်ပါဘူး”ဟု ၎င်းသံ တမန်က ဆိုသည်။
မြန်မာ့အတိုက်အခံ ခေါင်းဆောင်သည် ရင့်ကျက်ပြောင်းလဲမှု ဖြစ်စဉ်ကို ကျော်ဖြတ်ခဲ့ပြီဟူသော အချက်ကို လေ့လာသူများက သံသယ အနည်း ငယ် ရှိနေကြသည်။
သူမသည် တပ်မတော် အစိုးရ (အထူးသဖြင့် ယခင်အကြီးအကဲဟောင်း၏) ရန်သူသဖွယ်ဖြစ်ခဲ့ဘူးသော်လည်း တရားဝင်လွှတ်တော်နိုင်ငံရေးသို့ ဝင်ရောက်ခဲ့ခြင်းသည် မနှစ်က အာဏာရလာသော ပြုပြင်ပြောင်းလဲရေးသမား ဗိုလ်ချုပ်ဟောင်းကြီးများနှင့် အတူတကွအလုပ်လုပ်ရန် သဘောတူ လိုက်ခြင်း ဟု ရှုမြင်ကြသည်။
သို့သော်လည်း အောက်လွှတ်တော်ရောက် ဒေါ်အောင်ဆန်းစုကြည်နှင့် NLDအမတ် ၄၁ဦးတို့သည် မြန်မာနိုင်ငံကို ဆင်းရဲတွင်းမှ ဆွဲတင်ရာတွင် အရေးကြီးသည့် နိုင်ငံခြား ရင်းနှီးမြှပ်နှံမှုဥပဒေ အပါအဝင် လက်ရှိစီးပွားရေးရာ ငြင်းခုန်စရာ ကိစ္စရပ်များတွင် အနည်းငယ်သာ ပြောဆိုနိုင်ကြသည်။
“သူတို့မှာ စီးပွားရေး အတွေ့အကြုံမရှိဘူး”ဟု ရိုးမဘဏ်ဥက္ကဋ္ဌ ဦးမြတ်သင်းအောင်က ပြောကြားသည်။ အရင်အစိုးရလက်ထက် အတိုက်အခံ နိုင်ငံရေးသမားတွေ ထောင်ကျနေတဲ့ အချိန်မှာ အစိုးရအာဏာရ ပါတီထဲက ပြိုင်ဘက်တွေက စီးပွားရှာခဲ့ ကြတဲ့အတွက် အခုအချိန်မှာ စီးပွားရေး ကိစ္စတွေနဲ့ ပတ်သက်လို့ အတွေ့အကြုံ ပိုရှိကြပါတယ်”ဟု ဦးမြတ်သင်းအောင်က ဆိုသည်။
“သူတို့မှာ စီးပွားရေး အမြင်မရှိဘူး၊ နားထောင်နေကြပေမယ့် လုပ်ငန်းစဉ် တစ်ခုလုံးကို နားမလည်ကြဘူး”ဟု UMFCCIအဖွဲ့ဝင် တစ်ဦးဖြစ်သူ ဦးမြတ်သင်းအောင်က ပြောကြားသည်။
ဒေါ်အောင်ဆန်းစုကြည်ကို အလွန်ရိုသေ လေးစားကြသော အတိုက်အခံ အသိုင်းအ၀ိုင်းထဲ၌ပင် နာတာရှည် ဒုက္ခရောက် ပြည်သူများ၏ မျှော်လင့် ချက် တစ်ပုံတစ်ပင်ကို NLDပါတီက ဘယ်လိုဖြည့်ဆည်း ပေးမလဲဟု စိုးရိမ်ပူပန်နေကြ သည်။ NLDပါတီ၏ ထိပ်ပိုင်းကော်မတီ များကိုလည်း ပါတီကို နှစ်ပေါင်း၂၀ ဦးစီးခဲ့သူ များကသာ လွှမ်းမိုးထားကြသည်။
ပါတီ၏ အသက်၈၀ကျော် သက်ကြားအို ခေါင်းဆောင်များသည် သူတို့၏ ဒီမိုကရေစီ ခရီးရှည် တိုက်ပွဲအတွက် ချီးကျူးခံ နေရသော်ငြားလည်း လက်ရှိနိူင်ငံ ဖွံ့ဖြိုးရေးကို ပိုမိုထိန်းကျောင်းနိူင်မည့် မျိုးဆက်သစ်များ ထွက်ပေါ်ရေးအပေါ် အဟန့်အတား ဖြစ်နေသည်ဟု အကဲခတ်များက မှတ်ချက်ပေးကြ သည်။
NLD လွှတ်တော်အမတ်များက ၄င်းတို့အနေဖြင့် စီးပွားရေး၊ နိူင်ငံရေးဆိုင်ရာ ကိစ္စရပ်များကို ကိုင်တွယ်ရန် လုံလောက်သော ကျွမ်းကျင်မှုရှိသည်ဟု အခိုင်အမာ ပြောကြားကြသော်လည်း၊ ဒေါ်အောင်ဆန်းစုကြည်က ပါတီဝင် ဒီမိုကရေစီ လက်ဟောင်းကြီးများ၏ စွမ်းရည်ကို ယုံကြည်စိတ်ချသည်ဟု ထုတ် ဖော် ပြောဆိုထားသည်။
မည်သို့ပင်ဖြစ်စေ၊ သူမကိုယ်တိုင် အသက်၆၇နှစ်အရွယ် ရှိနေပြီဖြစ်သော ဒေါ်အောင်ဆန်းစုကြည် နိူင်ငံရေးဇာတ်ခုံမှ အနားယူချိန်တွင် မျိုးဆက် သစ် ပါတီဝင်များအား ပုခုံးပြောင်း တာဝန်ယူရန် လိုလားမည့် အချက်ကို သံသယရှိစရာ မလိုပါ။
သမ္မတ ဦးသိန်းစိန်၏ ကြိမ်ဖန်များစွာ လွတ်ငြိမ်းချမ်းသာ ခွင့်များအတွင်း ဇန်န၀ါရီလတွင် ဇော်သက်ထွေးက “NLD ပါတီကိုယ်တိုင် လူငယ်တွေကို နိူင်ငံရေး လုပ်ငန်းစဉ်မှာ ပါဝင်ခွင့် ပေးခြင်းအားဖြင့် ပြုပြင်ပြောင်းလဲ ရမှာဖြစ်တယ်”ဟု ပြောကြားသည်။
“ဒေါ်အောင်ဆန်းစုကြည်ရဲ့ ကွယ်လွန်သူ ခင်ပွန်းနဲ့ သားနှစ်ဦးဟာ မြန်မာနိူင်ငံသား မဟုတ်လို့ အခြေခံဥပဒေက သူမ အစိုးရ အကြီးအကဲနေရာ မရအောင် တားမြစ်ထားပါတယ်။ ဒါကြောင့်မျိုးဆက်သစ်တွေ နေရာပေးဖို့ကိစ္စဟာ အလျင်စလို အရေးကြီး နေပါပြီ”ဟု ကိုဇော်သက်ထွေးက ဆက်လက်ပြော ကြားသည်။
“အခြေခံဥပဒေအရ ဒေါ်အောင်ဆန်းစုကြည် သမ္မတ မဖြစ်နိူင်တော့ဘူး၊ ဒီအိုင်ဒီယာကို ကျွန်တော်တို့ စွန့်လွှတ်ရ လိမ့်မယ်။ ဒီကိစ္စ မဖြစ်နိူင် တော့ ဘူး”ဟု ၄င်းကAFPသို့ ပြောကြားခဲ့သည်။
သြစတြေးလျ နိူင်ငံသား ခံယူထားသူ သားတစ်ဦး ရှိသောကြောင့် ဦးမြင့်ဆွေကို ဒုတိယသမ္မတလောင်း အမည်စာရင်းမှ ပယ်ဖျက်ပြခဲ့ခြင်းသည် ၂၀၁၅တွင် ဒေါ်အောင်ဆန်းစုကြည်ကို သမ္မတလောင်းစာရင်းသို့ အမည်တင်သွင်းခွင့်ပေးမည် မဟုတ်ကြောင်း ဦးသန်းရွှေက သွယ်ဝိုက်၍ အရိပ်အမြွက် ပြ လိုက်ခြင်း ဖြစ်သည်ဟု ပြည်တွင်းမှ နိူင်ငံရေး အကဲခတ်များက သုံးသပ်ကြသည်။
ယခုအခါ ဒီမိုကရေစီ ခေါင်းဆောင်အနေဖြင့် နိူင်ငံရေး ကျွမ်းကျင်မှု အတွေ့အကြုံ နည်းပါးခြင်းကို သတိပြု၍ ပြင်ဆင်ရန် အရေးကြီးနေပြီဟု လေ့ လာသူများက ယုံကြည်နေကြသည်။
မြန်မာ့နိူင်ငံရေး ခရီးတွင်လာမည့် အဓိက မှတ်တိုင်မှာ ၂၀၁၅ရွေးကောက်ပွဲ ဖြစ်သော်လည်း ထို့နောက်ပိုင်းတွင် စစ်ပြန် ဒီမိုကရေစီ ပြောင်းလဲရေး သမားများထံမှ ပုခုံးပြောင်း တာဝန်လွှဲပြောင်းယူမည့် နိူင်ငံရေး ဟဲဗီးဝိတ် ခေါင်းဆောင်သစ်များ ပေါ်ထွက်လာရန် လိုအပ်ပါသည်။
ရန်ကုန်မှ နာမည်ကျော်ပညာရှင် ဦးအောင်ထွန်းသက်က “၂၀၂၀၊ ၂၀၃၀စသည်ဖြင့် ရှေ့ကိုကျော်ကြည့်ကြဖို့ လိုပါတယ်။ နှစ်တွေကြာလာတဲ့အခါ အဓိက မဏ္ဍိုင်ဟောင်းကြီးတွေလည်း မှေးမှိန်ပျောက်ကွယ် သွားမှာပါ။ ဒါဆိုရင် အတူတကွ လက်တွဲလုပ်ကိုင် နိူင်ကြမယ့် မျိုးဆက်သစ်တွေ ပေါ်ပေါက်လာ အောင် ဘယ်လိုလုပ်ကြမလဲဆိုတဲ့ မေးခွန်းပဲကျန်ပါတော့တယ်”ဟု ရှင်းလင်းပြောကြားသွားသည်။
--------------------------------------------------------------------------------------------------------------------------------
မြန်မာသမ္မတ၏ သမိုင်းဝင် အမေရိကန်ခရီးစဉ် စတင်
(CNA သတင်းဌာနမှ 24 September 2012 ရက်စွဲပါ Myanmar President to embark on landmark US visit ကိုဘာသာပြန်ဆိုသည်)
မြန်မာသမ္မတ ဦးသိန်းစိန်သည် စက်တင်ဘာလ ၂၄ (တနင်္လာနေ့) တွင် အမေရိကန် ပြည်ထောင်စုသို့ သမိုင်းဝင် ခရီးသွားရောက် တော့မည် ဖြစ်သည်။ ယင်းခရီးစဉ်သည် အတိုက်အခံ ခေါင်းဆောင် ဒေါ်အောင်ဆန်းစုကြည်၏ အမေရိကန် ခရီးစဉ်နှင့်လည်း တိုက်ဆိုင်လျက်ရှိသည်။
ဦးသိန်းစိန်သည် ကုလသမဂ္ဂ အထွေထွေညီလာခံသို့ တက်ရောက်ရန် အမေရိကန် ပြည်ထောင်စုသို့ သွားရောက်ခြင်းဖြစ်ပြီး ၎င်းအနေဖြင့် ယမန်နှစ် အာဏာ ရရှိလိုက်သည့် အချိန်မှစ၍ မြန်မာနိုင်ငံအတွက် ဖွံ့ဖြိုးရေးဆိုင်ရာ အစီအစဉ်များကို အသိပေးထုတ်ဖော် သွားလိမ့်မည်ဟု ယူဆရသည်။
"သမ္မတကြီးက ကုလသမဂ္ဂအထွေထွေညီလာခံတက်ရောက်ပြီး အဲဒီမှာ မိန့်ခွန်းပြောမှာပါ" ဟု သမ္မတရုံး ဝန်ကြီးဌာနမှ ဦးဇော်ဌေးက ပြောသည်။
ယခင် ဗိုလ်ချုပ်ကြီးဟောင်းဖြစ်သူ သမ္မတ ဦးသိန်းစိန်သည် လွန်ခဲ့သည့် သတင်းပတ်အတွင်း နိုင်ငံရေး အကျဉ်းသား ဒါဇင်ပေါင်း များစွာကို လွတ်ငြိမ်းချမ်း သာခွင့် ပြုပေးခဲ့သည်။ ဦးသိန်းစိန်နှင့် ဒေါ်အောင်ဆန်းစုကြည်တို့သည် ယခုခရီးစဉ်အတွင်း အများ၏ အထူးစိတ်ဝင်တစား လေ့လာစောင့်ကြည့်ခြင်း ခံကြရ မည်လည်းဖြစ်သည်။ ဒေါ်အောင်ဆန်းစုကြည်မှာမူ ခရီးစဉ်အတွင်း အမေရိကန် ကွန်ဂရက်၏ အမြင့်ဆုံးသော ရွှေတံဆိပ်ဆု လက်ခံရယူခဲ့ပြီး ဖြစ်သလို အမေ ရိကန် သမ္မတ အိုဘားမားနှင့်လည်း အိမ်ဖြူတော်၌ တွေ့ဆုံခဲ့ပြီးဖြစ်သည်။
သို့သော် ဒေါ်အောင်ဆန်းစုကြည်၏ ခရီးစဉ်ကြောင့် သမ္မတ ဦးသိန်းစိန်၏ သမိုင်းဝင်ခရီးစဉ် မှေးမှိန်သွားခြင်း မရှိနိုင်စေရေးအတွက် အမေရိကန် အရာရှိကြီးများက ပင်ပန်းတကြီး ကြိုးပမ်းလျက် ရှိကြသည်။ နှစ်ပေါင်းများစွာ စစ်အာဏာရှင်အောက် ရောက်ရှိခဲ့သော မြန်မာနိုင်ငံအတွက် တစ်နှစ်ခွဲတာ ကာလအတွင်း သိသာထင်ရှားသော ပြုပြင်ပြောင်းလဲမှုများကို မရပ်မနား လုပ်ကိုင်ခဲ့သည့် သမ္မတ ဦးသိန်းစိန်သည် ချီးမွမ်းဂုဏ်ပြုမှုနှင့် ထိုက်တန်သည်ဟု အ မေရိကန် အရာရှိကြီးများက ဆိုကြသည်။
အမေရိကန်-မြန်မာ ဆက်ဆံရေး တင်းမာမှုများ အရည်ပျော်ကျလာသည့် နောက်ဆုံးအရိပ်လက္ခဏာ တစ်ရပ်မှာ ပြီးခဲ့သည့် ရက်သတ္တပတ်အတွင်း ဦးသိန်းစိန်နှင့် ပြည်သူ့လွှတ်တော် ဥက္ကဌ သူရဦးရွှေမန်းတို့အား ကန့်သတ်ပိတ်ပင် ခံထားရသည့် စာရင်းမှ ပယ်ဖျက်ပေးလိုက်ခြင်းပင် ဖြစ်သည်။
စစ်တပ် ကျောထောက်နောက်ခံ မြန်မာအစိုးရလက်ထက် သိသာထင်ရှားသော ပြုပြင်ပြောင်းလဲမှုများတွင် ဒေါ်အောင်ဆန်းစုကြည် ပြည်သူ့ လွှတ် တော် ကိုယ်စားလှယ် တစ်ဦးအဖြစ် လွှတ်တော်၌ ပါဝင်ခွင့်ရလာခြင်း၊ တိုင်းရင်းသား လက်နက်ကိုင် အုပ်စုအများစုနှင့် အပစ်အခတ် ရပ်စဲရေး သဘောတူညီ ချက် ရယူနိုင်ခြင်းတို့မှာ လွန်စွာအရေးကြီးသော အပြောင်းအလဲများ ဖြစ်သည်။
သို့အတွက်ကြောင့် နိုင်ငံတကာ အသိုင်းအဝိုင်းက မြန်မာအပေါ် ကန့်သတ်ပိတ်ပင်မှုများကို ဖယ်ရှားပေးလာသည်။ အမေရိကန် ပြည်ထောင်စု ဆို လျှင် ပြီးခဲ့သည့် ဇူလိုင်လအတွင်း မြန်မာပြည်၌ အမေရိကန် ကုမ္ပဏီများအား ရင်းနှီးမြှုပ်နှံခွင့် ပြုခဲ့သည်။
ယခုနောက်ဆုံးအကြိမ် နိုင်ငံရေး အကျဉ်းသားများ လွတ်ငြိမ်းချမ်းသာခွင့် ပေးခြင်းသည် သမ္မတ ဦးသိန်းစိန်၏ အမေရိကန် ပြည်ထောင်စုခရီးစဉ်နှင့် တိုက်တိုက်ဆိုင်ဆိုင် ပေါ်ထွက်လာခြင်းဖြစ်ပြီး နည်းဗျူဟာပါသော လုပ်ရပ်တစ်ခုဖြစ်ကြောင်း ထိုင်းအခြေစိုက် ဗဟုအဖွဲ့မှ ဦးအောင်နိုင်ဦးက ပြောသည်။ မြန်မာ အစိုးရသည် တက်ကြွစွာ လှုပ်ရှားသူ နိုင်ငံရေးသမားများ၊ နိုင်ငံရေး အကျဉ်းသားများအပေါ် များစွာလိုက်လျောမှု ပေးလာသည်ဖြစ်သည့် အတွက် ကြောင့် ယခုအမေရိကန် ပြည်ထောင်စု ခရီးစဉ်အတွင်း ဒေါ်အောင်ဆန်းစုကြည် အနေဖြင့် သမ္မတ ဦးသိန်းစိန်နှင့် တင်းမာမှုများ ဖြစ်အောင် လုပ်ဆောင်လို ဖွယ် မရှိကြောင်း ၎င်းကဆိုသည်။ ဒေါ်အောင်ဆန်းစုကြည်သည် ယခု အမေရိကန် ခရီးစဉ်အတွင်း မြန်မာအပေါ်ဆက်လက် ပြဋ္ဌာန်းထားသည့် ပိတ်ဆို့အရေး ယူမှုများ ဖယ်ရှားရေးကို ထောက်ခံကြောင်း ထုတ်ဖော်ပြောဆိုခဲ့သည်။
******************************************************************************************
Google Drive: create, share, and keep all your stuff in one place.
