Posts
 | INTERNATIONAL MEDIA (1) |
နိုင်ငံတကာသတင်းများ
(27 March 29, 2013 ရက်စွဲပါ The Guardian မှ Kate Hodal ရေးသားသော Aung San Suu Kyi surprise spectator at Burma Armed Forces Day parade ကို ဘာသာပြန်ဆိုသည်)
(29 March 2013 ရက်စွဲပါ news.com.au မှ State involvement reports in Burma unrest ကို ဘာသာပြန်ဆိုသည်)
(VOA သတင်းဌာနမှ 29 March 2013 ရက်စွဲပါ UN official says muslims targeted in Burma ကိုဘာသာပြန်ဆိုသည်)
(26 March 28, 2013 ရက်စွဲပါ FBR သတင်းမှ Myanmar to resume rice exports to Japan in May ကို ဘာသာပြန်ဆိုသည်)
တပ်မတော်နေ့အခမ်းအနားတွင် ဒေါ်အောင်ဆန်းစုကြည် အံ့အားသင့်ဖွယ် တက်ရောက်လာခဲ့
(27 March 29, 2013 ရက်စွဲပါ The Guardian မှ Kate Hodal ရေးသားသော Aung San Suu Kyi surprise spectator at Burma Armed Forces Day parade ကို ဘာသာပြန်ဆိုသည်)
Photo credit by Nyein Chann Naing’s photo from Global Post
ဗုဒ္ဓဟူးနေ့က မြန်မာနိုင်ငံ၌ တပ်မတော်နေ့အခမ်းအနားတွင် ရဟတ်ယာဉ်များ၊ တိုက်လေယာဉ်များ၊ တင့်ကားများ ဖြင့်ကျင်းပနေရာ ရှေ့တန်းတွင်မမျှော်လင့်သော ဧည့်သည်တစ်ဦးထိုင်လျှက် အားပေးနေသည်ကို တွေ့ရှိရပါသည်။ ၎င်းသည် အတိုက်အခံခေါင်းဆောင် ဒေါ်အောင်ဆန်းစုကြည် ဖြစ်တော့သည်။
တချိန်က မြန်မာစစ်တပ်နှင့် ၎င်း၏ မလိုအပ်ဘဲနိုင်ငံရေးတွင် ပါဝင်နေမှုများကို စိတ်အားထက်သန်စွာ ဝေဖန်ခဲ့သူ ဒေါ်အောင်ဆန်းစုကြည်သည် သူ့အား အနှစ်နှစ်ဆယ်နီးပါး နေအိမ်အကျယ်ချုပ်ချခဲ့သော ဗိုလ်ချုပ်များအလယ်တွင် အခမ်း အနားတက်ရောက်ခဲ့ပါသည်။
စစ်ရေးပြအခမ်းအနားသို့ ဒေါ်အောင်ဆန်းစုကြည်တက်ရောက်လာခြင်းသည် သူကြိုးပမ်းလျှက်ရှိသော နိုင်ငံရေး အရ ပြန်လည်ပေါင်းစည်းရေးအတွက် ထင်ရှားသောလက္ခဏာတစ်ရပ် ဖြစ်သော်လည်း သူ့အားထောက်ခံသူများနှင့် ဝေဖန် သူများကို စိတ်အနှောက်အယှက်ဖြစ်စေပါသည်။ အများစုက သူ၏နိုင်ငံရေးအရ ရိုးသားမှုနှင့် နှစ်ပေါင်း ၅၀ ခန့် အစိုးရ ဆန့်ကျင်မှုများကို ရပ်ဆိုင်းသွားအောင်လုပ်ဆောင်ပြီး ရိုဟင်ဂျာမူဆလင်များအပေါ် လူမျိုးတုန်းအောင် ကျူးလွန်နေသည်ဟု စွပ်စွဲခံနေရသော အဖွဲ့နှင့် ပို၍ နီးကပ်စွာ ဆက်ဆံလာမှုအပေါ် မေးခွန်းထုတ်လျှက်ရှိပါသည်။
အဆိုပါ စစ်ရေးပြအခမ်းအနားသည် ၁၉၄၅ ခုနှစ်က ဂျပန်ကိုတော်လှန်သည့် အထိမ်းအမှတ်အဖြစ် နေပြည်တော် တွင်ကျင်းပရာ တပ်အင်အား ၆၀၀၀ ကျော်ပြသခဲ့ပြီး စစ်တပ်သည် နိုင်ငံရေးတွင် ဦးဆောင်ကဏ္ဍမှ ပါဝင်မည်ဟူသော ဗိုလ်ချုပ်မှူးကြီးမိန့်ခွန်းလည်း ပါဝင်သည်။
“ကျွန်တော်တို့သည် ပြည်သူများ ဆန္ဒရှိနေသော ဒီမိုကရေစီအုပ်ချုပ်ရေးလမ်းကြောင်းပေါ်တွင် ပိုမိုအားကောင်းစွာ ဆက်လက်ချီတက်သွားမှာ ဖြစ်ပါတယ်”ဟု ဗိုလ်ချုပ်မှူးကြီး မင်းအောင်လှိုင်က ဗိုလ်ချုပ်များ၊ စစ်တပ်များ၊ နိုင်ငံရေးသမားများ ပါဝင်သော ပရိသတ်ကြီးအား ပြောကြားခဲ့ပါသည်။
မြန်မာနိုင်ငံတွင် ၂၀၁၁ ခုနှစ်အမည်ခံ အရပ်သားအစိုးရတက်လာပြီးနောက် ကြီးမားသော ပြောင်းလဲမှုများ ရှိခဲ့သည် ဆိုသော်လည်း အနောက်ဘက် ရခိုင်ပြည်နယ်အစ မြောက်ဘက် ကချင်ပြည်နယ်အဆုံး အဓိကတိုင်းရင်းသားနှင့် ဘာသာရေး ဆိုင်ရာ ပြင်းထန်သောဖြစ်ရပ်များသည် ဦးသိန်းစိန်၏ ပြုပြင်ပြောင်းလဲရေး အစိုးရအပေါ် ကြီးစွာထိခိုက်နစ်နာ နေစေပါသည်။ ထို့ထက်ပို၍ မကြာသေးခင်က မြန်မာနိုင်ငံ အလယ်ပိုင်းတွင် ဗုဒ္ဓဘာသာနှင့် မူဆလင်များတွင် ပြင်းထန်သောဖြစ်ရပ်များ ဖြစ် ပွားခဲ့ရာ လူပေါင်း ၄၀ ခန့် သေဆုံးခဲ့ပြီး လူပေါင်း ၁၂၀၀၀ ခန့် အိုးမဲ့အိမ်မဲ့ဖြစ်ခဲ့ရပါသည်။
အစိုးရသည် မြို့နယ် သုံးခုတွင် အရေးပေါ်အခြေအနေကြေညာပြီး ကာဖျူးထုတ်ပြန်ခဲ့ပါသည်။ ထို့ကြောင့် အမေ ရိကန်သံရုံးသည် မန္တလေးတိုင်းနှင့် ရန်ကုန်ရှိမူဆလင်များနေထိုင်သည့် အရပ်များသို့ သွားရောက်ခြင်းကို သတိပေးချက် ထုတ်ပြန်ခဲ့သည်။
သို့သော် ယခုရန်ပွဲများသည် အနောက်နိုင်ငံများမှ မြန်မာစစ်တပ်များကို ထောက်ပံ့နေသည်များကိုမူ ရပ်တန့် မပစ်နိုင်ပေ။ မြန်မာစစ်တပ်သည် ယခုနှစ်တွင် ပထမဆုံးအကြိမ်အဖြစ် အမေရိကန်-ထိုင်းစစ်ရေးလေ့ကျင့်ရာသို့ တက်ရောက် ခဲ့ပြီး သြစတေးလျစစ်တပ်နှင့် ဆက်ဆံရေးပိုမိုပြုလုပ်ရန် အဆိုပြုမှုများ ရှိခဲ့ပါသည်။
ဒေါ်အောင်ဆန်းစုကြည်ကမူ ဗုဒ္ဓဟူးနေ့က နေပြည်တော်တွင် သတင်းထောက်များအား စကားပြောကြားခဲ့ခြင်း မရှိ ပေ။ သို့သော် သူ၏ အမျိုးသားဒီမိုကရေစီ အဖွဲ့ချုပ်သည် ၂၀၀၈ အခြေခံဥပဒေမှ ဒီမိုကရေစီစံများနှင့် ညီညွတ်မှုမရှိကြောင်း ထောက်ပြပြီး အခြေခံဥပဒေပြောင်းလဲရေးအတွက် စစ်တပ်ကို အားပေးရန်ယခုအခမ်းအနားကို အသုံးချခဲ့ပါသည်။
အဆိုပါ အခြေခံဥပဒေတွင် စစ်တပ်မှကိုယ်စားလှယ် ၂၅% အားလွှတ်တော်တွင် နေရာပေးထားပြီး ဒေါ်အောင်ဆန်း စုကြည်အားလည်း သမ္မတမဖြစ်ရန် တားဆီးထားပါသည်။
Human Rights Watch မှမကြာသေးမီက ထုတ်ပြန်သောသတိပေးချက်တွင် ရခိုင်ပြည်နယ်၌ လူသားချင်း စာနာမှု ဆိုင်ရာ ပဋိပက္ခများထပ်မံဖြစ်ပေါ်ဖွယ်ရှိနေရာ အများစုကမြန်မာနိုင်ငံဒီမိုကရေစီသို့ သွားရာလမ်းကြောင်းကို မေးခွန်းထုတ် လျှက်ရှိနေပြီး အချို့လှုပ်ရှားသူများက ရိုဟင်ဂျာများအပေါ် လူမျိုးတုန်းလုပ်ဆောင်နေမှုများနှင့် ပတ်သက်၍ အစိုးရအပေါ် စွပ် စွဲမှုများ ပြုလုပ်လျှက်ရှိပါသည်။
ဗိုလ်ချုပ်မှူးကြီး မင်းအောင်လှိုင်ကမူစစ်တပ်သည် လူမျိုးတုန်းသတ်ဖြတ်မှုများ လုပ်ဆောင်ခြင်းမရှိကြောင်း ငြင်းဆို သည့် အနေဖြင့် စစ်တပ်များသည်မည်သည့်တိုင်းရင်းသားကိုမဆို မုန်းတီးမှုမရှိကြောင်း ပြောဆိုခဲ့ပါသည်။ ရိုဟင်ဂျာများကို တိုင်းပြည်က အသိအမှတ်မပြုခြင်းကြောင့် အဆိုပါစကားနှင့်ပတ်သက်၍ ငြင်းချက်ထုတ်စရာများ ရှိလာသည်။
စစ်ရေးပြအခမ်းအနားတွင် ထိုင်ခုံနေရာစီစဉ်ထားမှုကို ကြည့်ပါဦး။ ဒေါ်အောင်ဆန်းစုကြည်နံဘေးတွင် နယ်စပ် စည်ပင်ဝန်ကြီးဌာန ဒုတိယဝန်ကြီး ဗိုလ်ချုပ်ဇော်ဝင်းကို နေရာချထားပါသည်။ ၎င်းသည် ဒီဇင်ဘာလ မိမိတို့ Guardian အဖွဲ့နှင့်အတူ ရခိုင်ပြည်နယ်သို့ လိုက်ပါလာခဲ့ဖူးသူ တစ်ဦးဖြစ်ပြီး အိုးအိမ်မဲ့ရိုဟင်ဂျာစခန်းတွင် မျက်ရည်ဝဲနေသော ရိုဟင်ဂျာ တစ်ဦးက “ကျွန်တော်တို့ကရိုဟင်ဂျာအစစ်တွေပါ။ ကျွန်တော်တို့ကို အသိအမှတ်ပြုပေးပါ”ဟု တောင်းပန်ရာတွင် ဟက်ဟက် ပက်ပက် ရီမောခဲ့သူဖြစ်ပါသည်။
မြန်မာနိုင်ငံမှ မငြိမ်သက်မှုများနှင့်ပတ်သက်၍ နိုင်ငံတော်မှ ပါဝင်ပတ်သက်နေကြောင်း သတင်းများ ထွက်ပေါ်
(29 March 2013 ရက်စွဲပါ news.com.au မှ State involvement reports in Burma unrest ကို ဘာသာပြန်ဆိုသည်)
မြန်မာနိုင်ငံတွင် မကြာသေးမီက ဗုဒဘာသာနှင့် မူဆလင်များအကြာ်း ဖြစ်ပွားသော ပြင်းထန်သည့်ဖြစ်ရပ်များ၏ အချို့ဖြစ်စဉ်များတွင် နိုင်ငံတော်မှ ပါဝင်ပတ်သက်နေကြောင်း သတင်းပေးပို့မှုများ လက်ခံရရှိထားကြောင်း ကုလသမဂ၏ မြန်မာနိုင်ငံလူ့အခွင့်အရေးအထူးကိုယ်စားလှယ်က ပြောကြားသည်။
“ယခု ပြင်းထန်တဲ့ဖြစ်ရပ်တွေရဲ့ အချို့ဖြစ်စဉ်တွေမှာ နိုင်ငံတော်ရဲ့ ပါဝင်ပတ်သက်မှုနဲ့ပတ်သက်ပြီး သတင်းပေးပို့ မှုတွေ ကျွန်တော်လက်ခံ ရရှိထားပါတယ်”ဟု Tomas Ojea Quintana က ကြာသာပတေးနေ့က ကြေညာချက်တွင် ဖော်ပြ ထားပါသည်။
၎င်းက အရပ်သားဥပဒေစိုးမိုးရေး အင်အားစုများနှင့် ရဲများ၊ စစ်တပ်များသည် ၎င်းတို့၏ရှေ့တွင် အသေအချာစီမံ ထားသော အစွန်းရောက် ဗုဒဘာသာလူအုပ်ကြီး၏ ဖျက်ဆီးမှုများ ပြုလုပ်နေသည်ကို ကြည့်ရှုနေခြင်းများကိုလည်း ထောက်ပြ ထားသည်။
“ဒါက အချို့ကဏ္ဍတွေ နိုင်ငံတော်က တိုက်ရိုက်ပါဝင် ပတ်သက်နိုင်တယ် သို့မဟုတ် ဒီလိုလှုပ်ရှားမှုတွေအတွက် ကူညီဖို့သွယ်ဝိုက်ပြီး သဘောတူညီချက်တွေလည်း ရှိနိုင်တယ်လို့ ညွှန်ပြနေပါတယ်”ဟု ၎င်းကပြောပါသည်။
ကြေညာချက်၌ ကင်တားနားက စစ်တပ်နှင့် ရဲသည် ဘာသာရေးနှင့် တိုင်းရင်းသားနောက်ခံအကြောင်း ရှိသူများကို မတရားထိန်းသိမ်းထားရန် ရှိကြောင်း သတင်းများ လက်ခံရရှိထားကြောင်း ဆိုပါသည်။
သမ္မတဦးသိန်းစိန်သည် ၎င်း၏မိန့်ခွန်း၌ ဘာသာရေးအစွန်းရောက်မှုများအပေါ် တင်းကြပ်စွာတုန့်ပြန်ရန် ကတိပြုထားပါသည်။ ယခုလူမျိုးရေးဖြစ်ရပ်များမှာ ပြီးခဲ့သည့်နှစ်ကရခိုင်ပြည်နယ်တွင် ဗုဒ္ဓဘာသာနှင့် မူဆလင်များကြားတွင် ဖြစ်ပွားသော ပြင်းထန်သည့်ဖြစ်ရပ်များ ပြီးကတည်းက အပြင်းထန်ဆုံးထပ်မံ ဖြစ်ပွားမှုများ ဖြစ်ပါသည်။
မြန်မာနိုင်ငံတွင် လူဦးရေ သန်း ၆၀ ရှိသည့်အနက် မူဆလင်များသည် ခန့်မှန်းခြေ ၄ %ခန့် ရှိပါသည်။
မြန်မာနိုင်ငံတွင် မွတ်စလင်များ ပစ်မှတ်ထားခံနေရဟု ကုလအရာရှိပြောကြား
(VOA သတင်းဌာနမှ 29 March 2013 ရက်စွဲပါ UN official says muslims targeted in Burma ကိုဘာသာပြန်ဆိုသည်)
Photo Credit by AP
ဗုဒ္ဓဘာသာဝင်အများစု နေထိုင်ရာ မြန်မာနိုင်ငံအလယ်ပိုင်းဒေသတွင် လတ်တလောဖြစ်ပေါ်လျက်ရှိသည့် ဂိုဏ်း ဂဏဆိုင်ရာ ဆူပူအုံကြွမှုများ၌ မွတ်စလင်များမှာ အဓိကပစ်မှတ်ထားခံနေရကြောင်း ကုလသမဂ္ဂထိပ်တန်း အရာရှိကြီး တစ်ဦးက အသိပေးပြောကြားသည်။
ကုလသမဂ္ဂ အထွေထွေအတွင်းရေးမှူး ဘန်ကီမွန်း၏ မြန်မာနိုင်ငံဆိုင်ရာ အထူးကိုယ်စားလှယ် ဗီဂျေနမ်ဘီယား သည် လတ်တလောဆူပူ အကြမ်းဖက်မှုများဖြစ်ပေါ်နေသည့် မြန်မာနိုင်ငံသို့ သွားရောက်လည်ပတ်ပြီးနောက် အထက်ပါ အတိုင်း ပြောဆိုခြင်းဖြစ်သည်။
မိမိအနေဖြင့် မြန်မာနိုင်ငံခရီးစဉ်အတွင်း အိုးအိမ်စွန့်ခွာခဲ့ရသူ ဒုက္ခသည် ၉၀၀၀ ခန့်ရှိရာ စခန်းများသို့ သွားရောက် ခဲ့ရာ အများစုမှာမွတ်စလင်များဖြစ်ကြောင်း၊ မြန်မာနိုင်ငံ အလယ်ပိုင်းဒေသရှိ မိတ္ထီလာမြို့တွင် ၎င်းမွတ်စလင်တို့၏ နေအိမ်များ မှာ မီးရှို့ဖျက်ဆီးခြင်းခံခဲ့ရပြီး လူပေါင်းဒါဇင်နှင့်ချီ၍ သေဆုံးခဲ့ကြောင်း မစ္စတာ ဗီဂျေနမ်ဘီးယားက အမေရိကန်ပြည်ထောင်စု၊ နယူးယောက်မြို့ရှိ သတင်းထောက်များကို ထိုင်းနိုင်ငံမှနေ၍ တယ်လီဖုန်းဖြင့် ပြောကြားသည်။
အကြမ်းဖက်တိုက်ခိုက်မှုများမှာ ရက်စက်ကြမ်းကြုတ်သည့် အနေအထားသို့ပင်ရောက်ရှိခဲ့သည်ဟု ၎င်းကဆိုသည်။
“ဒုက္ခသည်စခန်းတွေမှာ ခိုလှုံနေကြရတဲ့သူတွေဟာ စိတ်အနာတရဖြစ်နေကြတယ်။ ကျွန်တော်တစ်ခု သတိပြုမိတာ ကတော့ သူတို့(မွတ်စလင်တွေ)တွေဟာ ဗုဒ္ဓဘာသာဝင် အိမ်နီးနားချင်းတွေနဲ့ တစ်မြို့တည်းမှာ နှစ်ပေါင်းများစွာ အတူနေထိုင် ခဲ့ကြတာပါ။ အဲဒီလိုဖြစ်တော့ သူတို့လည်းအရမ်းကို အံ့အားသင့်ခဲ့ကြတယ်။ ဒီလိုဖြစ်ရပ်မျိုး ဘာကြောင့်ဖြစ်ရတယ်ဆိုတာကို သူတို့လည်း နားမလည်နိုင်ဘူးဖြစ်နေတယ်” ဟု မစ္စတာ ဗီဂျေနမ်ဘီးယားက ပြောသည်။
ဒုက္ခသည်အများစုမှာ ယခုအခါ ၎င်းနေအိမ်ရှိရာသို့ ပြန်သွားလိုလျက်ရှိကြောင်း၊ မြန်မာအစိုးရအရာရှိကြီးများနှင့် တွေ့ဆုံဆွေးနွေးမှုပြုလုပ်ရာတွင် ၎င်းတို့အနေဖြင့် အကြမ်းဖက်ခံရသူဒုက္ခသည်များကို လျော်ကြေးအချို့ပေးအပ်နိုင်ရေး အတွက် ကြိုးပမ်းမည်ဟု ပြောဆိုကြောင်း မစ္စတာနမ်ဘီးယားကဆိုသည်။
အဆိုပါအကြမ်းဖက်မှုမှာ မိတ္ထီလာမြို့ရှိ ရွှေဆိုင်တစ်ဆိုင်တွင် အရောင်းအဝယ်ပြုလုပ်ရာ၌ အချင်းများကြရာမှ ထွက်ပေါ်လာခြင်းဖြစ်သည်။ ရွှေဆိုင်ပိုင်ရှင်မှာ မွတ်စလင်ဖြစ်ပြီး ရွှေလာရောက်ရောင်းချသူ လင်မယားနှစ်ဦးမှာ ဗုဒဘာသာ ဝင်တို့ဖြစ်ကြသည်။
အကြမ်းဖက်မှုတွင် ပါဝင်ပတ်သက်နေသူများကို ဖမ်းဆီးပြီး အပြစ်ပေးရေးမှာ အထူးပင်အရေးကြီးသည်ဟု မစ္စတာ နမ်ဘီးယားက ဆိုသည်။
“လောလောဆယ်မှာတော့ လူ ၂၃ ယောက်ကို ဖမ်းမိထားတယ်လို့ အာဏာပိုင်တွေကဆိုပါတယ်။ အဲဒီလူတွေဟာ အကြမ်းဖက်မှု ဖြစ်စဉ်ထဲမှာပါဝင် ပတ်သက်ခဲ့တဲ့သူတွေပါ။ မနေ့က သမ္မတဦးသိန်းစိန်နဲ့ ကျွန်တော်တွေ့ဆုံဖြစ်တော့. အကြမ်း ဖက်မှုဖြစ်စဉ်တွေ ပျံ့နှံ့မသွားအောင် ခိုင်မာတဲ့လုပ်ဆောင်ချက်တွေလုပ်ပြီး အကြမ်းဖက်တဲ့သူတွေကို ပြင်းပြင်းထန်ထန် အရေးယူမယ်လို့ သူကအခိုင်အမာပြောဆိုပါတယ်”
မည်သို့ပင်ဆိုစေကာမူ မြန်မာနိုင်ငံရှိ အချို့သောမြို့များတွင် ထိုသို့ဂိုဏ်းဂဏဖွဲ့ တိုက်ခိုက်မှုများ ဖြစ်ပေါ်လျက် ရှိသည်ဟူသော သတင်းများထွက်ပေါ်လျက်ရှိကြောင်း မစ္စတာ နမ်ဘီးယားကဆိုသည်။
ကုလအထွေထွေအတွင်းရေးမှူး၏ လူမျိုးဖြုတ်သတ်ဖြတ်မှုကာကွယ်ရေးဆိုင်ရာ အထူးအကြံပေးပုဂ္ဂိုလ် Adama Dieng ကယခုကဲ့သို့ မြန်မာနိုင်ငံတွင် လူစုလူဝေးများဖြင့် အကြမ်းဖက်တိုက်ခိုက်မှုများ ဖြစ်ပေါ်နေမှုအပေါ် စိုးရိမ်ပူပန် မိသည်ဟုဆိုသည်။ မတ်လ ၂၈ ရက်နေ့ရက်စွဲဖြင့် ထုတ်ပြန်သော ကြေညာချက်တွင် “မြန်မာအစိုးရအနေဖြင့် လူ့အဖွဲ့အစည်း အတွင်း ပြန်လည်သင့်မြတ်ရေးအတွက် လုပ်ကိုင်ပေးရန်နှင့် အကြမ်းဖက်မှုများ ကာကွယ်ရေးအတွက် လိုအပ်သော ဆောင် ရွက်ချက်များ ပြုလုပ်ရန် တိုက်တွန်းအပ်သည်” ဟု ၎င်းကထည့်သွင်းရေးသားသည်။
မြန်မာသမ္မတဦးသိန်းစိန်သည် ဆူပူအကြမ်းဖက်မှုများဖြစ်ပေါ်ခဲ့သည့် မိတ္ထီလာမြို့တွင် အရေးပေါ်အခြေအနေ ကြေညာထားပြီး စစ်တပ်အနေဖြင့် အကြမ်းဖက်မှုများရပ်ဆိုင်းရေးအတွက် ပါဝင်ကူညီရန် ညွှန်ကြားထားသည်။
ယခုကဲ့သို့ မွတ်စလင်ဆန့်ကျင်ရေး အဓိကရုဏ်းများသည် ရခိုင်ပြည်နယ်၌ ယမန်နှစ်က အကြမ်းဖက်မှုကြီး ပေါ်ပေါက်ခဲ့ပြီးနောက် ဖြစ်ပေါ်လာခြင်းဖြစ်သည်။ ရခိုင်ဗုဒဘာသာဝင်များနှင့် မွတ်စလင်များအကြား တိုက်ခိုက်မှုများ၌ လူပေါင်း ၂၀၀ နီးပါးခန့် သေဆုံးခဲ့ကာ ၁၂၀၀၀၀ ကျော် အိုးအိမ်စွန့်ခွာခဲ့ကြရသည်။
မြန်မာမှ ဂျပန်နိုင်ငံသို့ ဆန်တင်ပို့မှု မေလတွင် ပြန်လည်စတင်
(26 March 28, 2013 ရက်စွဲပါ FBR သတင်းမှ Myanmar to resume rice exports to Japan in May ကို ဘာသာပြန်ဆိုသည်)
မြန်မာနိုင်ငံသည် ဂျပန်သို့ ဆန်တင်ပို့မှုကို ၄၅ နှစ်ကြာ ကန့်သတ်တားမြစ်ထားပြီးနောက် လာမည့်မေလတွင် ပြန်လည် စတင်မည်ဖြစ်သည်။
ယင်းတိုးတက်မှုသည် နှစ်နိုင်ငံအကြား ကုန်သွယ်ရာတွင် ပိုမိုခိုင်မာလာစေရန် မျှော်လင့်ပါသည်။ ပထမဆန် သင်္ဘောတင်ပို့မှုကို ဂျပန်ကုမ္ပဏီ မစ်ဆူအီမှ ကြီးကြပ်ဆောင်ရွက်မည်ဖြစ်သည်။ ဆန်တန်ချိန် ၅၀၀၀ တင်သင်္ဘော ရန်ကုန် ဆိပ်ကမ်းမှထွက်ခွာပြီး ဂျပန်နိုင်ငံ၊ နာဂိုရာမြို့သို့ ရောက်ရှိမည်ဖြစ်သည်ဟု Financial Times မှ ထုတ်ပြန်ကြေညာသည်။
ဂျပန်နိုင်ငံလယ်ယာစိုက်ပျိုးရေး ဝန်ကြီးဌာနက ဆန်မုန့်၊ ဘီယာနှင့် ဂျပန်အချိုရည်တစ်မျိုးဖြစ်သော Shochu ပြည်တွင်း ထုတ်လုပ်မှုများအတွက် ဆန်များကို အသုံးပြုလိမ့်မည်ဖြစ်သည်။ မြန်မာသည် ၁၉၃၄ ခုနှစ်က ဆန်တင်ပို့မှု အများဆုံးနိုင်ငံဖြစ်ခဲ့ပြီး နှစ်ပေါင်း ၅၀ စစ်အုပ်ချုပ်ရေးအောက်တွင် ဆန်တင်ပို့မှုလျော့ကျခဲ့သည်မှာ ၂၀၁၁ အထိဖြစ်ခဲ့သည်။
အမေရိကန်လယ်ယာစိုက်ပျိုးရေးဌာန၏ ထုတ်ပြန်ချက်အရ ၂၀၁၂ တွင် မြန်မာ့တင်ပို့ကုန်စုစုပေါင်း တန် ခြောက် သိန်းရှိပြီး ကမ္ဘာတွင် ဒဿမအကြီးဆုံး ထောက်ပံ့သူဖြစ်လာသည်။ အစိုးရက စုစုပေါင်းတင်ပို့မှုကို ငါးနှစ်အတွင်း တန်ချိန် ငါးသန်းအထိ တိုးမြှင့်ရန် စီစဉ်ဆောင်ရွက်လျှက်ရှိသည်။
| Google Drive: create, share, and keep all your stuff in one place. |  |
