Posts
 | Q & C |
သတင်းဆောင်းပါးမှ ကောက်နှုတ်ချက်များ
“လူ့အခွင့်အရေးချိုးဖောက်ခံရတာနဲ့ပတ်သက်ပြီး တိုင်ကြားတယ်ဆိုတဲ့ ကိစ္စတွေဟာ လွန်ခဲ့တဲ့နှစ်ပေါင်း ၄၀၊ ၅၀ လောက်က စပြီး မရှိခဲ့ဘဲ အခုမှဆိုတော့ တိုင်ကြားမှုတွေကို ချက်ခြင်းကြီး အဖြေပေးလို့မရပါဘူး။ ဝန်ကြီးဌာန တွေမှာ ပြန်စီစစ်မှာဖြစ် တယ်။ ဒီလုပ်ထုံးလုပ်နည်းက ကျွန်တော်တို့နိုင်ငံမှာ အခုမှစခဲ့တာဆိုတော့ အဓိက ကျွန်တော် ပြောချင်တာက လူ့အခွင့်အရေး ချိုးဖောက်ခံရတယ်ဆိုပြီး တိုင်ကြားလာရင် လျစ်လျူရှုထားလို့ မရတော့ဘူး။ ဒါ အရေးကြီးတယ်လို့တော့ မြင်ပါတယ်။ လူ့အခွင့်အရေး ချိုးဖောက်ခံရတယ်လို့ တိုင်ကြားပါ။ ဒါဆိုရင် ကျွန်တော်တို့တက်နိုင်သမျှ ဂရုစိုက်နားထောင် ပေးမယ်။ စီစစ် ပေးမယ်။ တကယ်ဖောက်ဖျက်ခဲ့တာ မှန်တယ်ဆိုရင် သက်ဆိုင်ရာကို အလေးပေးတင်ပြပြီး အရေးယူနိုင်အောင် ဆောင်ရွက် ပေးပါမယ်။”
စက်တင်ဘာလ ၁၉ ရက်နေ့ထုတ် Daily Eleven နေ့စဉ်ထုတ်သတင်းစာတွင်ပါရှိသော “လယ်ယာမြေသိမ်း ဆည်းခံရမှုနှင့် ဆေးမှားယွင်း ကုသသည့်ဆရာဝန်များအား တိုင်ကြားသည့်စာများအပါအဝင် တိုင်ကြားစာပေါင်း ၄၀၀၀ နီးပါး လူ့အခွင့်အရေးကော်မရှင်သို့ရောက်ရှိ” သတင်းမှ မြန်မာနိုင်ငံအမျိုးသားလူ့အခွင့်အရေး ကော်မရှင်ဥက္ကဋ္ဌ ဦးဝင်းမရ ၏ပြောကြားချက်အားကောက်နှုတ်ချက်။
“ငြင်းခုံတယ်ဆိုတာ အပြုသဘောဆောင်တဲ့ ငြင်းခုံမှုမျိုးဆိုရင် လက်ခံရမယ်လေ။ ငြင်းခုံရာကနေ ရလဒ်ကောင်း တွေထွက်လာတက်တာပဲ။ ရလဒ်ကောင်းတွေ ထွက်လာရင် ကောင်းတဲ့ငြင်းခုံမှု ဖြစ်တာပဲလေ။ လွှတ်တော်မှာ ငြင်းခုံတယ်ဆို တာကလည်း ပြည်သူတွေတော့ ရည်စူးပြီးတော့လုပ်တဲ့ ငြင်းခုံမှုမျိုးဆိုရင် အကျိုးရှိနိုင်တဲ့အတွက် လက်သင့်ခံ ရမှာပါ။ လက်သင့်မခံဘူးဆိုရင်တော့ ဒီမိုကရေစီယဉ်ကျေးမှုအရ မဖြစ်သင့်ဘူးပေါ့။”
စက်တင်ဘာလ ၁၉ ရက်နေ့ထုတ် စံတော်ချိန် နေ့စဉ်ထုတ်သတင်းစာ တွင်ပါရှိသော “လွှတ်တော်တွင် အချေ အတင် မပြောရန် ရန်ကုန်တိုင်းလွှတ်တော်ဥက္ကဋ္ဌ ပြောကြား”သတင်းမှ သင်္ဃန်းကျွန်းမြို့နယ် မဲဆန္ဒနယ် အမှတ် (၁)မှ လွှတ်တော်ကိုယ်စားလှယ် ဦးကျော် ၏ ပြောကြားချက်အားကောက်နှုတ်ချက်။
“ဆွေးနွေးပွဲမှာ နှစ်ဖက်စလုံးက နည်းပညာခေါင်းဆောင်တွေ တက်ရောက်ကြတယ်။ မြန်မာအစိုးရက လာမယ့် အောက်တိုဘာ လအတွင်း လက်နက်ကိုင်အဖွဲ့အားလုံးနဲ့ ပြည်ထောင်စုအဆင့်ဆွေးနွေးပွဲကို တစ်နိုင်ငံလုံး အတိုင်းအတာနဲ့ ကျင်းပမှာ ဖြစ်ပါ တယ်။ အခု ဆွေးနွေးပွဲက အဲဒီအတွက် အထောက်အပံ့ ဖြစ်စေမယ်လို့ ယူဆပါတယ်။”
စက်တင်ဘာလ ၁၉ ရက်နေ့ထုတ် ရန်ကုန်တိုင်းမ် နေ့စဉ်ထုတ်သတင်းစာတွင် ပါရှိသော “KIO နှင့် အစိုးရ ပြည်ထောင်စုအဆင့် အောက်တိုဘာလဆန်းတွင် တွေ့မည်” သတင်းမှ ကချင်ငြိမ်းချမ်းရေးအကျိုးတော်ဆောင် ဦးဆန်အောင် ၏ ပြောကြားချက်အားကောက်နှုတ်ချက်။
“ကျွန်တော်တို့ကတော့ အခုလိုကာလမျိုးမှာ စစ်တပ်ကနေပြီးတော့ တပ်အင်အားတိုးချဲ့တာဟာ ဒေသခံ လယ်သမားတွေဆီ ကနေပြီးတော့ လယ်မြေတွေ သိမ်းဆည်းတာဖြစ်နေတယ်။ မလုပ်သင့်မလုပ်ထိုက်တဲ့ အလုပ် ဖြစ်တယ်။ ဒါကြောင့် ကျွန်တော် တို့ ကန့်ကွက်တယ်။ ကျွန်တော်တို့ကတော့ ငြိမ်းချမ်းရေးလို့ ပြောနေကြတဲ့ အချိန်မှာ ပြည်ပ အန္တရာယ်မရှိဘဲနဲ့ စစ်တပ်တွေကို တစ်ခုပြီးတစ်ခုတိုးချဲ့နေတာ မလုပ်သင့်တဲ့ ကိစ္စတစ်ခု ဖြစ်တယ်။ တိုင်းပြည်ရဲ့ ငြိမ်းချမ်းရေးလုပ်ငန်းစဉ်နဲ့ တိုင်းပြည်ရဲ့ ဖွံ့ဖြိုးတိုးတက်ရေး လုပ်ငန်းစဉ်တွေမှာ ထိခိုက်တယ်လို့ မြင်တယ်။”
စက်တင်ဘာလ ၂၀ ရက်နေ့ထုတ် မြန်မာပို့စ် ဂလိုဘယ် ဂျာနယ် အမှတ် (၁၂၇) တွင်ပါရှိသော “အစိုးရစစ်တပ် ၏ စစ်လေ့ကျင့်ရေးကျောင်း တည်ဆောက်ခြင်းကို ကယားပြည်နယ်နိုင်ငံရေးပါတီများနှင့် လက်နက်ကိုင် အဖွဲ့ အစည်းများ ကန့်ကွက်” သတင်းမှ ကယန်းပြည်သစ်ပါတီမှ အတွင်းရေးမှူး ဗိုလ်မှူးကြီးစောလွင် ၏ ပြောကြား ချက်အားကောက်နှုတ်ချက်။
မေး- ကရင်ပြည်ရဲ့ ငြိမ်းချမ်းရေးအခြေအနေ သိချင်ပါတယ်။
ဖြေ- အပစ်အခတ်ရပ်စဲပြီးတဲ့ ကရင်လက်နက်ကိုင်အဖွဲ့အားလုံးဟာ KNU ကနေ ဆင်းသက်လာတဲ့ အဖွဲ့အစည်း တွေချည်းပဲ။ အဲဒီအဖွဲ့တွေအားလုံးဟာ မြေပေါ်ရောက်လာပြီပေါ့။ KNU ကတော့ မလာသေးဘူး။ KNU မလာသေးတဲ့အတွက် ငြိမ်းချမ်း ပြီလို့ ပြောလို့မရသေးဘူး။ နောက်တစ်ခုက အပစ်အခတ်ရပ်စဲရုံနဲ့ ငြိမ်းချမ်းရေး ရပြီလို့ ပြောလို့မရသေးဘူး။ အခြား စဉ်းစား စရာတွေ အများကြီးရှိသေးတယ်။ အပစ်အခတ်ရပ်စဲထားတဲ့ လက်နက်ကိုင် တပ်ဖွဲ့တွေရဲ့ စားဝတ်နေရေးအတွက် ဆက်ကြေး ကောက်တာတို့၊ အခွန်အကောက်တို့ လုပ်လာတယ်လို့ သိရတယ်။ အဲဒီလို ဆိုရင် ငြိမ်းချမ်းရေးဟာ ဘယ်လိုရနိုင်မလဲ။ ပြည်သူတွေက အရင်ခံစား ရတဲ့ဟာကိုပဲ ပြန်ခံစားရဦးမှာပေါ့။ တကယ့် ငြိမ်းချမ်း ရေးက မရနိုင်သေးဘူး။ ဒါကိုလဲ ပြင်ဆင်ရ ဦးမယ်။
စက်တင်ဘာလ ၁၉ ရက်နေ့ထုတ် ပြည်ထောင်စုနေ့စဉ် နေ့စဉ်ထုတ်သတင်းစာတွင် ပါရှိသော “အပစ်အခတ် ရပ်စဲရုံနှင့် ငြိမ်းချမ်းရေးရပြီဟု မပြောနိုင်သေး ကရင်ပြည်နယ်၌ ဆက်ကြေးကောက်ခံမှုများရှိနေသေးသည်ဟု ဆို” အင်တာဗျူးမှ ဖလုံ-စဝေါ် ဒီမိုကရက်တစ်ပါတီ ဒုတိယဥက္ကဌ ဦးမန်းအောင်ပြည်စိုး ၏ပြောကြားချက် အားကောက်နှုတ်ချက်။
| Google Drive: create, share, and keep all your stuff in one place. |  |
