Posts
မြန်မာနိုင်ငံတွင်း ဒီမိုကရေစီ စနစ် ဖြစ်ထွန်းရေးနှင့် ဖမ်းဆီး ထိန်းသိမ်း ခံထားရသော နိုင်ငံရေး အကျဉ်းသားများ လွတ်မြောက်ရေး အတွက် အမေရိကန် ပြည်ထောင်စု အနေဖြင့် မြန်မာ စစ်အစိုးရနှင့် စေ့စပ် ညှိနှိုင်းသွားရန် ရည်ရွယ်ထားကြောင်း ပြောရေးဆိုခွင့် ရှိသူ တစ်ဦးက ဒီဇင်ဘာလ ၃၀ ရက်နေ့တွင် ထုတ်ဖော် ပြောဆိုသည်။
မြန်မာနိုင်ငံတွင် ပြီးခဲ့သည့် နိုဝင်ဘာလ ၇ ရက်နေ့က ရွေးကောက်ပွဲ ကျင်းပခဲ့ပြီး အဆိုပါ ရွေးကောက်ပွဲသည် ဒီမိုကရေစီ အစိုးရ တစ်ရပ် ပေါ်ပေါက်ရေး အတွက် အဆင့် တစ်ဆင့် ဖြစ်ကြောင်း စစ်အစိုးရက ပြောခဲ့သည်။ နိုင်ငံတကာမှ စောင့်ကြည့် လေ့လာသူများက စစ်အစိုးရ ကျောထောက် နောက်ခံပေးမှုကို ရထားသော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး ပါတီ (USDP) သာ အနိုင် ရရှိခဲ့သဖြင့် ရွေးကောက်ပွဲသည် သံသယ ဖြစ်စရာ ရှိကြောင်း ဝေဖန် ပြောကြားသည်။
အတိုက်အခံ ခေါင်းဆောင် ဒေါ်အောင်ဆန်းစုကြည်သည် အဆိုပါ ရွေးကောက်ပွဲ ကျင်းပပြီး ရက်ပိုင်းမျှတွင် နေအိမ် အကျယ်ချုပ်မှ ပြန်လည် လွတ်မြောက်ခဲ့သည်။ အမေရိကန် နိုင်ငံခြားရေး ဝန်ကြီးဌာနမှ ဒုတိယ ပြောရေးဆိုခွင့် ရှိသူ အရာရှိ Mark Toner က ၂၀၁၁ ခုနှစ်တွင် အမေရိကန် အစိုးရ အနေဖြင့် ဒေါ်အောင်ဆန်းစုကြည် အပါအဝင် စစ်အစိုးရ ခေါင်းဆောင်များနှင့် စေ့စပ် ညှိနှိုင်းသွားမည်ဟု မျှော်လင့်ထားကြောင်း ဆိုသည်။
"မြန်မာ အစိုးရနဲ့ နည်းလမ်းတကျ စေ့စပ်ညှိနှိုင်းမှု ပြုလုပ်နိုင်မယ့် လမ်းကြောင်း တစ်ခုကို ကျွန်တော်တို့ ရှာခဲ့ကြပါတယ်။ ဒါပေမဲ့ ကျွန်တော်တို့ အနေနဲ့ ကြီးမားတဲ့ အောင်မြင်မှု မရရှိခဲ့ပါဘူး" ဟု ၎င်းက ပြောသည်။ ဒေါ်အောင်ဆန်းစုကြည်ကို မြန်မာ စစ်အစိုးရက နေအိမ် အကျယ်ချုပ်မှ လွှတ်ပေးခဲ့သော်လည်း နိုင်ငံရေး အကျဉ်းသား ၂၀၀၀ ကျော်အား ဆက်လက် ဖမ်းဆီး ထိန်းသိမ်းထားမှုနှင့် ပတ်သက်၍ စိုးရိမ်မကင်း ဖြစ်မိကြောင်း နိုင်ငံတကာ အသိုင်းအဝိုင်းက ဆိုသည်။
"အတိအကျ ပြောရရင် ကျွန်တော်တို့က မြန်မာ့ နိုင်ငံရေး အကျဉ်းသားတွေ အားလုံးကို လွတ်မြောက်ခွင့် ပေးဖို့ တောင်းဆိုထားပါတယ်။ ဒေါ်အောင်ဆန်းစုကြည်နဲ့ အတိုက်အခံ အင်အားစုတွေနဲ့ အနီးကပ် လုပ်ကိုင် သွားနိုင်မယ် လို့လည်း မျှော်လင့်ထားပါတယ်" ဟု မစ္စတာ Mark Toner က ဖြည့်စွက် ပြောကြားသည်။
၂၀၁၀ ပြည့်နှစ်၊ ဒီဇင်ဘာ လလယ်ပိုင်း အတွင်း ဂျာမန် သတင်းဌာန တစ်ခု ဖြစ်သော Deutsche Welle နှင့် ပြုလုပ်သော တွေ့ဆုံ မေးမြန်းခန်းတွင် အတိုက်အခံ ခေါင်းဆောင် ဒေါ်အောင်ဆန်းစုကြည်က "တကယ်လို့ ဥရောပကသာ သူလုပ်နိုင်တဲ့ အပိုင်းကနေ ဝင်ပြီး မြန်မာ နိုင်ငံတွင်း ပြုပြင်ပြောင်းလဲမှု ဖြစ်ပေါ်ဖို့ လုပ်မယ် ဆိုရင်တော့ ကြီးမားတဲ့ အောင်မြင်မှု တစ်ခု ဖြစ်လာနိုင်ပါတယ်" ဟု ဆိုသည်။
UPI သတင်းကို ဘာသာ ပြန်ဆိုသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.