Posts
 | yangonchronicle 2011 |
၂၅.၇.၂၀၁၁
ဘာသာပြန်သတင်းများ
ဒေါ်အောင်ဆန်းစုကြည်နှင့် မြန်မာအစိုးရ ဝန်ကြီးတစ်ဦး တွေ့ဆုံမည်
(AFP သတင်း မှ 23 July 2011 ရက်စွဲပါ “ Suu Kyi to meet Myanmar minister” သတင်းကို ဘာသာ ပြန်ဆိုသည်)
မြန်မာဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် မြန်မာနိုင်ငံ၏ အရပ်ဖက်အစိုးရသစ်နှင့် ပထမဆုံး အကြိမ် တွေ့ဆုံဆွေးနွေးသည့် အနေဖြင့် တနင်္လာနေ့တွင် အစိုးရဝန်ကြီး တစ်ဦးနှင့် တွေ့ဆုံမည်ဟု အစိုးရတာဝန်ရှိသူ တစ်ဦးက AFP သို့ စနေနေ့တွင် ပြောကြားသည်။
မဲလိမ်မှုများ၊ ခြိမ်းခြောက်မှုများနှင့် အဓိက အတိုက်အခံပါတီ NLD ကို ဖယ်ထုတ်ထားမှုတို့ကြောင့် နာမည်ပျက်ခဲ့ရသည့် မနှစ်က နိုဝင်ဘာ ရွေးကောက်ပွဲများအပြီး ရက်ပိုင်းအတွင်း လွတ်မြောက်လာပြီးနောက်ပိုင်း ဒေါ်အောင်ဆန်းစုကြည်က အစိုးရနှင့် တွေ့ဆုံဆွေးနွေးရေးကို မကြာခဏ တောင်းဆိုခဲ့သည်။
ဒေါ်အောင်ဆန်းစုကြည်နှင့် ဝန်ကြီး ဦးအောင်ကြည်တို့သည် တနင်္လာနေ့ မွန်းလွဲပိုင်းတွင် စိမ်းလဲ့ကန်သာ အစိုးရ ဧည့်ဂေဟာ၌ တွေ့ဆုံကြမည် ဖြစ်ပြီး ယခုတွေ့ဆုံမှုသည် မြန်မာနိုင်ငံတွင် အစိုးရသစ် ဖွဲ့စည်းပြီး နောက်ပိုင်း ပထမဆုံး အကြိမ်ဖြစ်လာမည် ဟု AFP သို့ ပြောကြားသော အစိုးရ တာဝန်ရှိပုဂ္ဂိုလ်က အသေးစိတ် ရှင်းလင်းပြောဆိုခြင်း မပြုပါ။
လက်ရှိအစိုးရ၏ အလုပ်သမားဝန်ကြီး ဖြစ်သူ ဦးအောင်ကြည်သည် ယခင်အစိုးရလက်ထက်တွင် ဒေါ်အောင်ဆန်းစုကြည် နှင့် တပ်မတော်အစိုးရ အကြား ဆက်ဆံရေး ကိစ္စများကို ကြီးကြပ်ခဲ့သူ ဖြစ်သည်။ ၂၀၀၉ ခုနှစ် က ဒေါ်အောင်ဆန်းစုကြည် နေအိမ် အကျယ်ချုပ် ကျခံနေရဆဲ အချိန်တွင် ၎င်းတို့ နှစ်ဦးသည် ကိစ္စရပ်ပေါင်း များစွာနှင့် ပတ်သက်၍ အကြိမ်ကြိမ် တွေ့ဆုံခဲ့ကြပြီး ဖြစ်သည်။
တနင်္လာနေ့ တွေ့ဆုံမည့် အစီအစဉ်ကို ဒေါ်အောင်ဆန်းစုကြည်၏ NLD ပါတီက စနေနေ့ကအထိ အတည်ပြုနိုင်ခြင်း မရှိပါ။ အခုထိ ကျွန်တော်တို့ ဘာမှ မပြောသေးပါဘူး ဟု ပါတီ ပြောရေးဆိုခွင့်ရှိသူ ဦးဥာဏ်ဝင်းက AFP သို့ ပြောကြားခဲ့သည်။
တနင်္လာနေ့ တွေ့ဆုံမှု၏ အချို့ အစီအစဉ်များကို သတင်းယူရန်အတွက် သတင်းထောက်များကို ဖိတ်ကြားသော်လည်း ဆွေးနွေးမှု ပြုလုပ်နေစဉ် အတွင်း တက်ရောက်ခွင့် ရှိမည် မဟုတ်ပါ။
မြန်မာနိုင်ငံ ပြုပြင်ပြောင်းလဲရေး အတွက် နိုင်ငံတကာ အသိုင်းအဝိုင်းက တောင်းဆိုထားမှုများ နှင့် ကိုက်ညီမည့် ခိုင်မာမြင်သာသော ပြောင်းလဲ တိုးတက်မှုကို ပြုလုပ်ရန် မြန်မာအုပ်ချုပ်သူများကို အမေရိကန် နိုင်ငံခြားရေးဝန်ကြီး ဟီလာရီကလင်တန်က တိုက်တွန်းခဲ့သည့်နေ့တွင်ပင် တနင်္လာနေ့ တွေ့ဆုံမည့် သတင်းများပေါ်ထွက်လာခြင်း ဖြစ်သည်။
အင်ဒိုနီးရှား ဘာလီကျွန်းတွင် ပြုလုပ်သည့် အာဆီယံ လုံခြုံရေး ဖိုရမ်တွင် နိုင်ငံခြားရေးဝန်ကြီးများကို ဆွေးနွေး ပြောဆိုရာ၌ မစ္စစ် ကလင်တန်က မြန်မာအစိုးရ ပထမဆုံးလုပ်ဆောင်ရမည့် လုပ်ငန်းများတွင် အတိုက်အခံများ အားလုံးပါဝင်သည့် စစ်မှန်သော ဆွေးနွေးမှု ပြုလုပ်ခြင်းနှင့် နိုင်ငံရေး အကျဉ်းသား ၂၀၀၀ ကျော်ကို လွှတ်ပေးခြင်းတို့ ပါဝင်သင့်သည်ဟု ပြောကြားခဲ့သည်။
မြန်မာအစိုးရ၏ လူ့အခွင့်အရေး ချိုးဖောက်မှုများနှင့် ဒီမိုကရေစီ ပြုပြင်ပြောင်းလဲမှု ကို လက်ခံရန် ပျက်ကွက်မှု တို့ကို တုန့်ပြန်သည့်အနေဖြင့် ၂၀၀၃ ခုနှစ်က ပထမဆုံးအကြိမ် ပြဌာန်းထားသည့် မြန်မာအစိုးရအပေါ် အရေးယူ ဒဏ်ခတ်မှု အစီအစဉ်များကို ထပ်မံ သက်တမ်းတိုးရန် အမေရိကန် လွှတ်တော်က ဗုဒ္ဓဟူးနေ့ တွင် အတည်ပြုခဲ့သည်။
၁၉၉၀ ခုနှစ်က ရွေးကောက်ပွဲတွင် အနိုင်ရခဲ့သော်လည်း တပ်မတော်အစိုးရ၏ ငြင်းပယ်ခြင်းကို ခံခဲ့ရသည့် ဒေါ်အောင်ဆန်းစုကြည်၏ NLD ပါတီသည် မနှစ်က နောက်ဆုံး ရွေးကောက်ပွဲတွင် ဥပဒေများမျှတခြင်းမရှိဟု ပြောကြားကာ သပိတ်မှောက်ခဲ့သဖြင့် တပ်မတော် အစိုးရက NLD ကို တရားမဝင် ဖျက်သိမ်းပစ်ခဲ့သည်။
*******************************************************************
အိန္ဒိယက ဒေါ်အောင်ဆန်းစုကြည်အား နယူးဒေလီသို့ လာရောက် လည်ပတ်ရန် ဖိတ်ကြား
(23 July 2011 ရက်စွဲပါ Decean herald မှ India invites Suu Kyi to visit New Delhi ကို ဘာသာ ပြန်သည်)
ပြီးခဲ့သည့်လက အိန္ဒိယနိုင်ငံခြားရေးဝန်ကြီးဌာန အတွင်းဝန် Nirupama Rao သည် ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် တွေ့ဆုံစဉ်က နယူးဒေလီသို့ လာရောက် လည်ပတ်ရန် ဖိတ်ကြားခဲ့သည်။
ဒေါ်အောင်ဆန်းစုကြည်က အိန္ဒိယနိုင်ငံ နယူးဒေလီတွင် နေထိုင်ခဲ့သော ဘဝများအား ပြန်လည် သတိရကြောင်း ပြောကြားစဉ်တွင် Rao က အလွတ်သဘော ဖိတ်ကြားခဲ့ခြင်း ဖြစ်ကြောင်း သတင်းများက ဆိုသည်။ သို့သော် နိုဘယ်ဆုရှင် က သူမသည် မြန်မာပြည်သူများ သာယာဝပြောရေး ကိုသာ ပထမဦးစားပေး ရှေးရှုကြောင်း ပြောကြားခဲ့သည်။
ဒေါ်အောင်ဆန်းစုကြည်အား နယူးဒေလီက အလွတ်သဘော ဖိတ်ကြားခဲ့ခြင်းသည် အိန္ဒိယက အိမ်နီးချင်း မြန်မာနိုင်ငံအပေါ် ဆက်ဆံရေး ကဏ္ဍနှင့် ပတ်သက်ပြီး ဒီမိုကရေစီလှုပ်ရှားသူများက သံသယဖြစ်နေမှုများကို လျော့နည်းသွားစေလိုကြောင်း ပြသလိုက်ခြင်းပင် ဖြစ်သည်။
နိုင်ငံခြားရေးအတွင်းဝန်သည် ဒေါ်အောင်ဆန်းစုကြည်အား သူမ၏ နေအိမ်တွင် သူမ၏ (၆၆) နှစ်မြောက် မွေးနေ့ အပြီး နောက်တစ်ရက် ဇွန်လ (၂၁) ရက်နေ့တွင် တွေ့ဆုံခဲ့သည်။
Rao သည် ဇွန်လ ၂၀- ၂၁ ရက်နေ့များတွင် မြန်မာနိုင်ငံ မြို့တော်သို့ သွားရောက်ခဲ့ရာ ပြည်ပရေးရာဝန်ကြီး SM Krishna လည်း ပါဝင်ခဲ့သည်။ သို့သော် Krishna မှာမူ ဒေါ်အောင်ဆန်းစုကြည်အား တွေ့ဆုံခဲ့ခြင်း မရှိပေ။ အကြောင်းမှာ မြန်မာအစိုးရသစ် နှင့် ဆက်ဆံရေး ထိခိုက်မည်ကို ရှောင်ရှားခဲ့ခြင်း ဖြစ်ပုံရသည်။
Rao သည် ဒေါ်အောင်ဆန်းစုကြည်နှင့် တွေ့ဆုံသော နယူးဒေလီမှ ပထမဆုံး အဆင့်မြင့် တာဝန်ရှိသူတစ်ဦး ဖြစ်သည်။
ဒေါ်အောင်ဆန်းစုကြည်သည် ရန်ကုန်၌ သူမ၏ နေအိမ်အကျယ်ချုပ်မှ လွတ်မြောက်ပြီး မကြာမီတွင် ပြောကြားခဲ့ရာ၌ အိန္ဒိယ အနေဖြင့် မြန်မာနိုင်ငံနှင့် ပတ်သက်၍ ကုန်သွယ်ရေးနှင့် မဟာဗျူဟာ အကျိုးစီးပွားများကိုသာ ရှေ့တန်းမတင်ပဲ ဒီမိုကရေစီ လှုပ်ရှားမှုများကို ပိုမို ကူညီပံ့ပိုး သင့်ကြောင်း ပြောကြားခဲ့သည်။
****************************************************
မြန်မာနိုင်ငံမှ ဓါတ်အားစီမံကိန်းကို စွန့်လွှတ်ရန် Egat ကို တိုက်တွန်း
(The Wation သတင်းမှ 22 July, 2011 ရက်စွဲပါ “Egat Urged to scrap Burma Project” သတင်းကို ဘာသာ ပြန်ဆိုသည်)
ချင်းမိုင် အခြေစိုက် ပတ်ဝန်းကျင် ထိန်းသိမ်းရေးသမားများ ကွန်ယက်နှင့် ကျေးရွာသူ ကျေးရွာသားများက မြန်မာနိုင်ငံတွင်းမှ လျှပ်စစ်ဓါတ်အား စီမံကိန်းကို ကန့်ကွက်ရန် စည်းရုံးလှုပ်ရှားနေကြပြီး ဖက်စပ် အကောင်အထည် ဖော်နေသော ထိုင်းနိုင်ငံ လျှပ်စစ်ဓါတ်အား ထုတ်လုပ်ရေး အာဏာပိုင် အဖွဲ့အား ယင်းစီမံကိန်းကို စွန့်လွှတ်ရန် တောင်းဆို လိုက်ကြသည်။
လောင်စာသုံး ဓါတ်အားပေးစက်ရုံ ပါဝင်သည့် ဘတ်ငွေ ၂၇၀ ဘီလျံ ကုန်ကျမည့် စီမံကိန်းသည် ဒေသခံရွာပေါင်း ၂၀ ကျော်မှ လူပေါင်း ၃၀၀၀ ကျော်ကို အတင်းအကျပ် ဖယ်ရှားခဲ့ပြီး ပြိုင်ဖက် တိုင်းရင်းသား အုပ်စုများ၏ ညှင်းပန်း နှိပ်စက်မှု အန္တရာယ်နှင့် ရင်ဆိုင်ရအောင် တွန်းပို့လျက် ရှိသည်ဟု မြန်မာ နိုင်ငံမှ တောင်ပေါ်လူမျိုးစု ကိုယ်စားလှယ်များက မနေ့က အစည်းအ၀းတွင် ပြောကြားခဲ့သည်။
အစည်းအဝေးတက်ရောက်လာသော အုပ်စုများကိ ထိုင်းနိုင်ငံလျှပ်စစ်ဓါတ်အား အာဏာပိုင်အဖွဲ့ Egat အနေဖြင့် မြန်မာနိုင်ငံတွင် ဖက်စပ် အကောင်အထည်ဖော်နေသော ပဲကောက်စီမံကိန်းနှင့် ထိုစီမံကိန်းမှ ထွက်ရှိလာမည့် လျှပ်စစ်ဓါတ်အားကို ၁၅ နှစ် ၀ယ်ယူရန် အစီအစဉ်တို့ကိ စွန့်လွှတ်ရန် တောင်းဆိုခဲ့ကြသည်။ လျှပ်စစ်ဓါတ်အား ၂၅ နှစ် ၀ယ်ယူခွင့်ရမည့် မြန်မာနိုင်ငံမှ နောက်ထပ်စီမံကိန်းတစ်ခုကိုလည်း ပူးတွဲ အကောင်အထည် ဖော်ရန် Egat က စီစဉ်နေသည်ဟု အထက်ပါအုပ်စုများက ပြောကြားခဲ့ကြသည်။
အဆိုပါဓါတ်အားပေးစက်ရုံများသည် အဆိပ်သင့် မီးခိုးငွေ့များကို ထုတ်လွှတ်ဖွယ်ရှိပြီး အန္တရာယ်ရှိသော ဓါတုဘေးထွက်ပစ္စည်းများကို စွန့်ပစ် လိမ့်မည်ဟု ပတ်ဝန်းကျင်ထိန်းသိမ်းရေး လှုပ်ရှားသူ မွန်ထရီဂျန်သာဝေါင်က ပြောကြားသည်။ ယင်းစီမံကိန်းတွင် ပါဝင်ပတ်သက်နေသည့် ထိုင်းကျောက်မီးသွေးမိုင်း ကုမ္ပဏီထံမှ သတင်းအချက် အလက်များ တောင်းခံခဲ့သော်လည်း ပြန်လည်ဖြေကြားမှုကို လက်ခံရရှိခြင်းမရှိပါဟု ဂျန်သာဝေါင်က ဆိုသည်။
*********************************************
မြန်မာအစိုးရ နှင့် ဆက်ဆံမှု စတင်ကြောင်း ကနေဒါ နိုင်ငံခြားရေး ၀န်ကြီး ပြောကြား
(Huffington Post မှ 23 July, 2011 ရက်စွဲပါ “Canada begins engagement with Myanmar: Foreign Affairs Minister John Baird” သတင်းကို ဘာသာ ပြန်ဆိုသည်)
ကနေဒါနိုင်ငံသည် မြန်မာနိုင်ငံနှင့် သံအမတ်ကြီးများ အပြန်အလှန် စေလွှတ်ရေး အပါအ၀င် မဟာဗျူဟာမြောက် တွေ့ထိဆက်ဆံမှုကို စတင် ပြုလုပ်ခဲ့သည်ဟု နိုင်ငံခြားရေးရာဝန်ကြီး John Baird က ပြောကြားလိုက်သည်။
ထောင်ဂဏန်းရှိသော နိုင်ငံရေးအကျဉ်းသားများကို အကျဉ်းထောင်မှ လွှတ်ပေးရန် နေပြည်တော်အစိုးရကို အော့တ၀ါက တိုက်တွန်းနေခြင်း နှင့် လူ့အခွင့်အရေးကိစ္စရပ်များအပေါ် သီးသန့်ချိန်ရွယ်ကာ အကန့်အသတ်နှင့် တွေ့ထိ ဆက်ဆံခြင်း ဖြစ်သည်ဟု John Baird က ဆိုသည်။ သို့သော် လည်း ကမ္ဘာက Burma ဟုသာ ခေါ်ဝေါ်ကြသော မြန်မာနိုင်ငံအပေါ် ၂၀၀၇ ခုနှစ်က ချမှတ်ထားခဲ့သည့် စီးပွားရေး အရေးယူဒဏ်ခတ်မှုများကို စောစော စီးစီး ဖယ်ရှားရန် မဖြစ်နိုင်ပါဟု John Baird က ပြောကြားခဲ့သည်။
ကနေဒါ နိုင်ငံခြားရေးဝန်ကြီးသည် ၄င်းတက်ရောက်နေသော ယခုသီတင်းပတ် အာဆီယံလုံခြုံရေး ဖိုရမ် ကျင်းပရာနေရာဖြစ်သည့် အင်ဒိုနီးရှား နိုင်ငံ ဘာလီကျွန်းမှ ပြောဆိုခဲ့ခြင်းဖြစ်သည်။
မြန်မာနိုင်ငံနိုင်ငံခြားရေးဝန်ကြီးနှင့် တွေ့ဆုံသည့် အချိန်တွင် လူ့အခွင့်အရေးကိစ္စများကို ထုတ်ဖော် ဆွေးနွေးမည်ဟု ၀န်ကြီးက ဆိုသည်။ မြန်မာနိုင်ငံတွင် ရာစုနှစ်ထက်ဝက်မျှ တပ်မတော် ခေါ် စစ်ဖက်က အုပ်ချုပ်ခဲ့ပြီးနောက် မနှစ်က နှစ်ကုန်ပိုင်းတွင် ရွေးကောက်ပွဲများ ကျင်းပပေးကာ ပြီးခဲ့သော မတ်လ၌ အရပ်ဖက်အစိုးရထံ တရားဝင်အာဏာ လွှဲပြောင်းပေးထားသည်။
***********************************************************
တရုတ်-မြန်မာ အနီးကပ်ဆက်ဆံရေးကြောင့် အိန္ဒိယအရှေ့မြောက်ဒေသ မတည်ငြိမ်မှုများဖြစ်ပေါ်လာဖွယ်
(Asia Tribune မှ ဆောင်းပါးကို ဆီလျော်အောင်ဘာသာပြန်ဆိုသည်)
ဂူဝါဟေတီ။ ဇူလိုင်-၂၀
အိမ်နီးချင်းမြန်မာနိုင်ငံအပေါ် တရုတ်နိုင်ငံ၏ သြဇာလွှမ်းမိုးမှုကြီးထွားလာမှုနှင့် စေ့စပ်ဆွေးနွေးမှုမလိုလားသော အိန္ဒိယခွဲထွက်ရေးလက်နက်ကိုင် သူပန်အုပ်စုများ မြန်မာနိုင်ငံတွင်းအခြေချနေထိုင်မှု နှစ်ရပ်စလုံးက အိန္ဒိယနိုင်ငံ အရှေ့မြောက်ပိုင်း ဒေသတွင် မကြာမီကာလများအတွင်း ဆိုးရွားသော ဂယက်ရိုက်ခတ်မှုများထွက်ပေါ်လာဖွယ်ရှိရာ အိန္ဒိယပြည်နယ် အသီးသီးရှိ ရဲတပ်ဖွဲ့ဝင်များနှင့် လုံခြုံရေးတပ်ဖွဲ့ဝင်များအနေဖြင့် စုပေါင်းညှိနှိုင်း ဆောင်ရွက်မှု များ ပြုလုပ်ရန် များစွာလိုအပ်နေပြီဖြစ်သည်။
ထောက်လှမ်းရေးသတင်းများကို ကိုးကားပြီး အိန္ဒိယအရာရှိကြီးများက Asia Tribune အွန်လိုင်းသို့ပြောဆိုရာတွင် တရုတ်နိုင်ငံသည် လက်နက်ကိုင် အုပ်စု တစ်ခုချင်းစီကိုထောက်ပံ့နေခြင်းထက် ခွဲထွက်ရေးသူပုန်အုပ်စုများအားလုံး တစ်ပေါင်းတစ်စည်းတည်းဖြစ်မှသာ အကူအညီ ပေးလိုသည့်ဆန္ဒရှိနေကြောင်း၊ မြန်မာနိုင်ငံတွင် အခြေစိုက်သော စစ်သွေးကြွများအနေဖြင့် တရုတ်နိုင်ငံမှ အကူအညီရယူနိုင်သည်ဟူသောအချက်ကို သိရှိအောင် အရိပ်အမြွက်ပေး ပြောဆိုထားပြီး ဖြစ်ကြောင်း ပြောကြားသည်။
သတင်းရင်းမြစ်များအရ သဘောထားတင်းမားပြီး အိန္ဒိယအစိုးရနှင့်စေ့စပ်ညှိနှိုင်းမှုများမပြုလုပ်လိုသော သူပုန်အုပ်စုများသည် ယခုအခါ မြန်မာနိုင်ငံနယ်စပ်ဒေသ Taga မြို့နယ်တွင် တွေ့ဆုံမှုများပြုလုပ်ခဲ့ပြီး စစ်ဆင်ရေး ဆောင်ရွက်ချက်များ လက်တွဲလုပ်ဆောင်ရန် ညှိနှိုင်းထားပုံ ရကြောင်းသိရသည်။ အာသံပြည်နယ် လွတ်မြောက်ရေး တပ်ဦး (ULFA)မှ စစ်ဦးချုပ် Paresh Baruah သည် PLA အဖွဲ့မှ အကူအညီများရယူပြီး အာသံပြည်နယ်တွင်း အကြမ်းဖက်လုပ်ဆောင်ချက်များပြုလုပ်ရန် စည်းရုံးလျက်ရှိကြောင်း၊ အကယ်၍ လက်နက်ကိုင်အုပ်စုများအားလုံး ပူးပေါင်းသွားမည် ဆိုပါက တရုတ်နိုင်ငံမှအကူအညီများစတင်ရရှိလိမ့်မည်ဖြစ်ကြောင်း၊ သို့အတွက်ကြောင့် မြန်မာနှင့် အိန္ဒိယနယ်စပ်ဒေသ တရားဥပေဒစိုးမိုးရေးနှင့် တည်ငြိမ် အေးချမ်းရေးဆိုင်ရာ ပြဿနာများစွာ ဖြစ်ပေါ်လာတော့မည် ဖြစ်ကြောင်း တိကျခိုင်မာသော သတင်းများကဆိုသည်။
မဏိပူရပြည်နယ်မှ စစ်သွေးကြွအုပ်စုများဖြစ်သော PLA၊ UNLF၊ PREPAK နှင့် KYKL တို့သည် ယခုအခါ နားလည်မှု ကိုယ်စီရရှိထားပြီ ဖြစ်သည်။ အစိုးရနှင့် စေ့စပ်ညှိနှိုင်းမှုဆန့်ကျင်ရေးအုပ်စုဖြစ်သော ULFA သည် Taga မြို့နယ်ဒေသတစ်ဝိုက်တွင် NSKN(K) အပါအဝင် မဏိပူရပြည်နယ် အခြေစိုက် စစ်သွေးကြွအုပ်စုများနှင့် အဆက်အသွယ်များ ပြုလုပ်လျက်ရှိသည်ဟု ထောက်လှမ်းရေးသတင်းများကဆိုသည်။
မော်ဝါဒီသူပုန်အုပ်စုများသည် မဏိပူရပြည်နယ်မှ PLA အဖွဲ့နှင့် သဘောတူညီမှုစာချုပ်လက်မှတ်ရေးထိုးနိုင်သည့် အဆင့်သို့ ရောက်ရှိသွားပြီ ဖြစ်ရာ ၎င်းတို့သာ မြန်မာပြည်တွင်းမှ အခြားကျန်ရှိသော သူပုန်အုပ်စုများနှင့် လက်တွဲသွားမည် ဆိုပါက အခြေအနေမှာပိုမိုဆိုးရွားလာဖွယ်သာရှိသည်။
အိန္ဒိယပြည်နယ်အရှေ့မြောက်ပိုင်းဒေသမှ လက်နက်ကိုင်စစ်သွေးကြွများသည် တရုတ်နိုင်ငံ Norinko စစ်လက်နက်ပစ္စည်း ထုတ်လုပ်ရေးစက်ရုံမှ လက်နက်များအသုံးပြုလျက်ရှိသည်ဟူသော သတင်းပေးပို့မှုများ အစောပိုင်းကာလတွင် ထွက်ပေါ်ခဲ့သေးသည်။ သို့သော် လက်ရှိအနေအထားအထိ အဆိုပါ စစ်သွေးကြွများကို တရုတ်အရာရှိ ကြီးများက စစ်လက်နက်ကူညီထောက်ပံ့မှုပေးနေသည်ဟူသော သတင်းပေးပို့မှုမျိုးမရှိသေးပေ။ မည်သို့ပင် ဆိုစေ Tinsukia မြို့တွင် တရုတ်နိုင်ငံထုတ် အဝေးထိန်းစနစ်သုံးဖောက်ခွဲရေးပစ္စည်းများကို အိန္ဒိယစစ်တပ်က ဖမ်းဆီးရမိလိုက်သည်။
****************************************************
မြန်မာတွင် နျူကလီးယားလက်နက်တပ်ဆင်နေခြင်းမရှိဟု အာဆီယံရှုမြင်
(Jakarta Post မှသတင်းဆောင်းပါးကို ဆီလျော်အောင် ဘာသာပြန်ဆိုသည်)
မြန်မာနိုင်ငံသည် လျှို့ဝှက်စွာဖြင့် နျူကလီးယားလက်နက်တပ်ဆင်ထုတ်လုပ်လျက်ရှိသည် ဟူသော စွပ်စွဲချက်များရှိနေသည့်တိုင် အရှေ့တောင်အာရှနိုင်ငံများအဖွဲ့(အာဆီယံ)က ယင်းစွပ်စွဲချက်များ မှန်ကန်မှု ရှိ၊မရှိဟူသောအချက်ကို သိရှိရန်ကြိုးပမ်းမှုမပြုဘဲ မြန်မာအပေါ် ဆက်လက် ယုံကြည်မှုထားရှိမည့် အနေအထားမျိုး တွေ့ရသည်။
"မြန်မာပြည်မှာ နျူကလီးယားလက်နက်ရှိတယ်ဆိုတဲ့ကိစ္စနဲ့ပတ်သက်ပြီး ကျွန်တော်တို့မှာ ပြီးပြည့်စုံတဲ့ ဒါမှမဟုတ် ခိုင်လုံတိကျတဲ့ သတင်း အချက် မရှိပါဘူး။ အဲဒီနျူကလီးယားကိစ္စအပေါ်ဆွေးနွေးပြောဆိုမှုတွေမှာ ပါဝင်ပတ်သက်တဲ့သူတွေ ကလည်း အချို့သောထင်မြင်ယူဆချက်တွေ ဒါမှမဟုတ် မပြည့်စုံတဲ့သတင်းအချက်အလက်တွေ ကိုသာအခြေခံပြီး ပြောဆိုနေကြတယ်လို့ ကျွန်တော်ထင်ပါတယ်" ဟု အာဆီယံ အထွေထွေ အတွင်းရေးမှူး မစ္စတာ ဆူရင်ပစ်ဆူဝမ်က ဇူလိုင်လ ၂၀ရက်နေ့က အင်တာဗျူးတစ်ရပ်တွင်ပြောကြားသည်။
"မြန်မာနျူကလီးယားကိစ္စကို အကဲဖြတ်ချက်ပြုလုပ်နိုင်ဖို့အတွက် ကျွန်တော်တို့မှာ တိကျခိုင်မာတဲ့အချက်အလက် မရှိပါဘူး" ဟု ၎င်းကဆို သည်။ အင်ဒိုနီးရှားနိုင်ငံခြားရေးဝန်ကြီးဌာန၊ အာရှပစိဖိတ်နှင့် အာဖရိကရေးရာညွှန်ကြားရေးမှူးချုပ် Hamzah Thayeb က အာဆီယံ၏လက်ရှိ ဥက္ကဋ္ဌရာထူးနေရာရယူထားသော အင်ဒိုနီးရှားအနေဖြင့် မြန်မာနိုင်ငံတွင် နျူကလီးယားလက်နက် တပ်ဆင်ထုတ်လုပ်နေသည်ဟူသော စွပ်စွဲချက်များကို အတည်ပြု ပြောဆိုရန် ဖြစ်နိုင်ခြေမရှိကြောင်း ပြောကြားသည်။ "ဒါဟာ အာဆီယံရဲ့မူဝါဒဖြစ်တဲ့ အဖွဲ့ဝင်နိုင်ငံတွေရဲ့ပြည်တွင်းရေးကို ဝင်ရောက် စွက်ဖက်မှု မပြုရေးဆိုတဲ့အချက်ကို ချိုးဖောက်ရာ ရောက်ပါလိမ့်မယ်" ဟု ၎င်းကဆိုသည်။
မြန်မာအပါအဝင် အာဆီယံအဖွဲ့ဝင်နိုင်ငံများအားလုံးအနေဖြင့် အရှေ့တောင်အာရှဒေသ နျူကလီးယားလက်နက် ကင်းစင်ရေးဇုန် သဘော တူညီချက်နှင့် ပြုမူနေထိုင်ကြခြင်းဖြစ်သည်ဟု လည်းဆိုသည်။ "ဒါဟာ ဒေသတစ်ခုလုံးကို သက်ရောက်မှုရှိတဲ့သဘောတူညီချက်ပါ။ အဲဒီသဘော တူညီချက်ဆိုတဲ့ ထီးရိပ်အောက်မှာ အားလုံးအတူတကွ နေထိုင်နေကြတာပါ။ နောက်ပြီးတော့ ကျွန်တော်တို့က အာဆီယံပြင်ပ အင်အားကြီးနိုင်ငံတွေ ကိုတောင် အဲဒီ သဘော တူညီချက်မှာ ပါဝင်လက်မှတ်ရေး ထိုးလာနိုင်ဖို့ကြိုးစားနေကြပါတယ်။ အဲဒီတော့ အာဆီယံအဖွဲ့ဝင်နိုင်ငံတွေအားလုံးမှာ အဲဒီ သဘောတူညီချက်အတူနေထိုင်ရမယ်ဆိုတဲ့ ဥပဒေကျင့်သုံးမှုတစ်ရပ်ရှိနေပါတယ်လို့ပြောချင်ပါတယ်" ဟု ၎င်းက ရှင်းပြသည်။
အာဆီယံအဖွဲ့သည် ဇူလိုင်လ ၁၈ ရက်နေ့တွင် ၂၀၀၇-၂၀၁၂ ခုနှစ် လုပ်ကိုင်ဆောင်ရွက်မှု အစီအစဉ်အတွက် ဆွေးနွေးညှိနှိုင်းမှု လေးရပ်ကို အဆုံးသတ်နိုင်ခဲ့သည်။ အဆိုပါအစီအစဉ်တွင် နျူကလီးယားနိုင်ငံများဖြစ်သည့် အမေရိကန်၊ ဗြိတိန်၊ ရုရှား၊ ပြင်သစ်နှင့် တရုတ်တို့နှင့် အနာဂတ် ကာလတွင်တိုင်ပင်ညှိနှိုင်းနိုင်ရေးအတွက် အာဆီယံနိုင်ငံများ၏ တူညီသောရည်ညွှန်းချက်များလည်း ပါဝင်သည်။
Jakata Post သတင်းစာကစုံစမ်းသိရှိရသလောက်ဆိုပါက ယင်းနျူကလီးယားနိုင်ငံများက အာဆီယံ နျူကလီးယားကင်းစင်ရေး သဘော တူညီချက်ကို လက်မှတ်ရေးထိုးရန် ငြင်းဆန်ထားသည်။ အကြောင်းမှာ မတူညီသော လုံခြုံရေးဆိုင်ရာအကြောင်းပြချက်များနှင့် နယ်နိမိတ်ဆိုင်ရာ ပြဋ္ဌာန်းချက်များနှင့် ပတ်သက်ပြီး အမေရိကန်ပြည်ထောင်စုနှင့် ပြင်သစ်နိုင်ငံတို့က ငြင်းပယ်ခဲ့သောကြောင့်ဖြစ်သည်။ နယ်နိမိတ်ဆိုင်ရာပြဌာန်းချက်များ တွင် သီးခြားစီးပွားရေးဇုန်များ လည်း ပါဝင်သည်။
အင်ဒိုနီးရှားနိုင်ငံခြားရေးဝန်ကြီးဌာနမှ သတင်းရင်းမြစ်တစ်ခုအဆိုအရ နျူကလီးယားနိုင်ငံများက(အထူးသဖြင့် အမေရိကန်ပြည်ထောင်စုက) အာဆီယံနိုင်ငံများ၏ အထူးစီးပွားရေးဇုန်များအတွင်းသို့ နျူကလီးယားပစ္စည်များ သို့မဟုတ် နျူ လက်နက်သယ်ဆောင်သည့် သင်္ဘောများဝင်ရောက်မှုကို ဟန့်တားပိတ်ပင်သည့် အာဆီယံ သဘောတူညီချက်ကို လက်သင့်မခံကြောင်းသိရသည်။ ယင်းသို့ပိတ်ပင်မှုသည် ပင်လယ်ပြင်ဥပဒေဆိုင်ရာ ကုလသမဂ္ဂ သဘောတူညီချက်ကို ချိုးဖောက်ရာရောက်သည် ဟု အမေရိကန်ပြည်ထောင်စုက အကြောင်းပြပြောဆိုခြင်းဖြစ်သည်။
ပြီးခဲ့သည့် မေလ ၂၆ ရက်နေ့တွင် အမေရိကန်ရေတပ်မှ ဖျက်သင်္ဘောဖြစ်သည့် USS McCampbell က မြန်မာနိုင်ငံသို့ ဒုံးကျည်လက်နက် နည်းပညာဆိုင်ရာပစ္စည်းများသယ်ဆောင်လာသည်ဟု သံသယရှိသော မြောက်ကိုရီးယား ကုန်တင်သင်္ဘော MV Light သင်္ဘောကိုတွေ့ရှိခဲ့ကြောင်း နယူးယောက်တိုင်းမ်စ် သတင်းစာကဆိုသည်။ မြောက်ကိုရီးယားက အဆိုပါကိစ္စကိုငြင်းပယ်ခဲ့ပြီး အမေရိကန်ပြည်ထောင်စုကလည်း သံသယဖြစ်မှု အပေါ် အတည်ပြု ပြောဆိုနိုင်ခြင်းမရှိခဲ့ပေ။
၂၀၁၀ ပြည့်နှစ်၊ စက်တင်ဘာလက ဗီယင်နာမြို့တွင်ကျင်းပသွားသော ၅၄ ကြိမ်မြောက် IAEA နှစ်ပတ်လည် အစည်းအဝေးတွင် မြန်မာနိုင်ငံက ကြေညာချက်တစ်စောင်ထုတ်ပြန်ခဲ့သည်။ မြန်မာနိုင်ငံအစိုးရကယင်းကြေညာချက်တွင် "နျူကလီးယားလက်နက်နှင့် ပတ်သက်သော စွပ်စွဲချက်များသည် အခြေအမြစ်မရှိကြောင်း၊ အကြောင်းမှာ မိမိတို့သည် နျူကလီးယားသိပ္ပံနည်းပညာကို ငြိမ်းချမ်းရေးနှင့် ဖွံ့ဖြိုးရေးဟူသည့် ဦးတည်ချက်ဖြင့် စမ်းသပ်လေ့လာ ဆောင်ရွက်ခြင်းသာ ရှိပြီး နျူကလီးယားလက်နက်ပြန့်ပွားမည့်လုပ်ဆောင်ချက်မျိုးမည်သည့်အခါကမျှလုပ်ကိုင်ခြင်းမရှိခဲ့၍ဖြစ်ကြောင်း" ရေးသား ဖော်ပြထားသည်။
*********************************************
အရှေ့တောင်အာရှသည် ဝပ်၍ချောင်းနေသောကျားလော၊ အိပ်ပျော်နေသောနဂါးလော
(11 July 2011 ရက်စွဲပါ Seeking Alpha မှ Southeast Asia: Crouching Tiger or Hidden Dragon? ကို ဘာသာပြန်ဆိုသည်)
အာရှဟုဖော်ပြလိုက်သည်နှင့် လူအများစုက ကမ္ဘာ့စီးပွားရေး၏ အင်အာကြီးနှစ်နိုင်ငံဖြစ်သော တရုတ်နှင့်အိန္ဒိယ ကိုသာ ချက်ချင်းပြေး၍ စဉ်းစားမိကြမည်ဖြစ်သည်။ သို့သော်အရှေ့တောင်အာရှသည် ဆယ်နိုင်ငံ၏ဒေသဖြစ်ပြီး အဆိုပါ အင်အာကြီးအိမ်နီးချင်းနှစ်နိုင်ငံ၏ အရိပ်တွင် တည်ရှိနေကာ ကုန်သွယ်ရေးနှင့်စီးပွားရေးဗဟိုဌာနဖြစ်ရန် ကြိုးစားလျက် ရှိသည်။
ပထမတွင်မူ အရှေ့တောင်အာရှနိုင်ငံများတွင် ဒေသဆိုင်ရာ ကုန်သွယ်မှုများနှင့် နိုင်ငံရေးအရ သဘောတူညီမှုများ များပြားစွာလုပ်ဆောင်ရန် ရှိနေသဖြင့် ပေါင်းစည်း၍ ဖြစ်နိုင်မည့်သဘောကို မတွေ့ရပေ။ နောက်ဆုံးတွင်မူ ဒေသတွင်းတွင် သေးငယ်ပြီး ချမ်းသာသော ရေနံသူဋ္ဌေး ဘုရင့်နိုင်ငံဘရူနိုင်း၊ ပဋိပက္ခလွန် လူ့အဖွဲ့အစည်းဖြစ်သည့် ကမ္ဘောဒီးယား၊ ချမ်းသာပြီးကုန်ပစ္စည်းများ တစ်ဆင့်ခံရောင်းချသော ဆိပ်ကမ်းနိုင်ငံ စင်ကာပူ၊ ၁၉၆၂ ခုနှစ်ကတည်းက စစ်တပ်က အုပ်ချုပ်သော အာဏာရှင်နိုင်ငံဖြစ်သော မြန်မာနိုင်ငံ၊ ဆင်းရဲပြီးကုန်းတွင်းပိတ် ရေအား လျှပ်စစ်နှင့် သယံဇာတကိုမှီ၍ စီးပွားရှာသော လာအိုနိုင်ငံ၊ လူဦးရေထူထပ်ပြီး ဖွံ့ဖြိုးကြီးထွားမှုနှုန်းတွင် တရုတ်နှင့်ပြိုင်နေ သော ဗီယက်နမ်နိုင်ငံ၊ တိုးတက်သောနိုင်ငံများအဆင့်ဝင်ရန် ကြိုးစားနေသော အလယ်အလတ် ဝင်ငွေရှိ စီးပွားရေးရှိသော အသွင်မတူသည့် လေးနိုင်ငံဖြစ်သည့် အင်ဒိုနီးရှား၊ မလေးရှား၊ ဖိလစ်ပိုင်နှင့် ထိုင်းနိုင်ငံတို့သည် ဒေသတွင်းတွင် ပေါင်းစည်း ခဲ့ကြသည်။ တီမောလက်စတီနိုင်ငံနှင့် ပါပူဝါနယူးဂီနီနိုင်ငံများသည် ကျွန်ုပ်တို့ အဓိပ္ပာယ်ဖွင့်ဆိုသော အရှေ့တောင်အာရှ တွင် ပါဝင်ခြင်းမရှိပေ။
မည်သို့ပင်ဆိုစေ အဆိုပါနိုင်ငံများသည် မဟာဗျူဟာကျသော နေရာတွင်ရှိကြပြီး ပေါများသော သယံဇာတများကို လည်း ပိုင်ဆိုင်ထားကြသည်။ ထို့အပြင် နိုင်ငံများ၏ အသွင်မတူခြားနားမှုများနှင့် ပိုမိုစုစည်းလာမှုများကလည်း ဒေသတွင်း လျင်မြန်ပြီး အမြန်ပြန်လည် သန်စွမ်းလာသော စီးပွားရေးတိုးတက်မှုတွင် အရေးပါသောကဏ္ဍတွင် ပါဝင်လာသည်။ ကမ္ဘာလုံးဆိုင်ရာ ပါဝါချိန်ညှိရေးကို လျင်မြန်စွာပြန်လည်ပုံဖော်နေသော ကမ္ဘာကြီးတွင် ဒေသကြီးသည် နိုင်ငံရေးအရ တည်ငြိမ်သော အစိတ်အပိုင်းတွင် ပါဝင်နေပေသည်။ ရလဒ်အားဖြင့် ဒေသကြီး၏ အဆက်မပြတ်ဖွံ့ဖြိုးတိုးတက်နေမှုသည် ကမ္ဘာကြီးတစ်ခုလုံးအတွက် အရေးကြီးပါသည်။ ဒေသကြီးအဆက်မပြတ်ဖွံ့ဖြိုးရေးသည် အခြေခံအဆောက်အဦနှင့် ပညာရေးတွင် ရင်းနှီးမြှုပ်နှံမှုနှင့် စီးပွားရေးဆိုင်ရာ ရာသီဥတုအခြေအနေတိုးတက်မှုတို့အပေါ်တွင် မူတည်နေသည်။
စီးပွားရေးဆိုင်ရာအာမခံချက်
အရှေ့တောင်အာရှဆယ်နိုင်ငံ စုစည်းထားမှု၏ GDP သည် ဒေါ်လာ ၁.၉ ထရီလီယံရှိပြီး အိန္ဒိယထက် သာလွန်သည်။ ဒေသကြီး၏ စုစုပေါင်း လူဦးရေသည် သန်း(၆၀၀)ရှိရာ အမေရိကန်ပြည်ထောင်စုထက် နှစ်ဆနီးပါးများ ပါသည်။ ဒေသကြီး၏ ပျမ်းမျှတစ်ဦးချင်းဝင်ငွေသည် တရုတ်နှင့် နီးပါးတူနေသည်။ ပြီးခဲ့သည့် ဆယ်စုနှစ်အတွင်း ဒေသတွင်း နိုင်ငံများသည် ပျမ်းမျှတိုးတက်မှုနှုန်း တစ်နှစ်လျှင် ၅%ကျော်ရှိသည်။ အကယ်၍ အရှေ့တောင်အာရှအား တစ်နိုင်ငံတည်းအဖြစ် မှတ်ယူမည်ဆိုပါက ကမ္ဘာ့အကြီးဆုံးစီးပွားရေးတွင် နံပါတ် (၉)နေရာ၌ ရှိပါသည်။ ဒေသကြီးသည် ကုန်သွယ်မှုအပေါ်တွင် အများစုမှီခိုသည့်သဘောရှိပြီး ကုန်သွယ်ရေးနှင့် GDP အချိုး (Trade to GDP ratio) သည် ၁၅၀% ကျော်ပြီး ကမ္ဘာပေါ်တွင် ပုံမှန်လုပ်ဆောင်နိုင်စွမ်းရှိသော ဒေသကြီးဖြစ်သည်။
၁၉၇၀ ခုနှစ်များဆီက ဒေသတွင်း တိုင်းပြည်အချို့သည် ၄င်းတို့၏ စီးပွားရေးအာမခံချက် ရှိရေးအတွက် ဦးစားပေး ရွေးချယ် လုပ်ဆောင်ခဲ့ကြသည်။ စင်္ကာပူသည် ကိုရီးယား၊ ဟောင်ကောင်နှင့် ထိုင်ဝမ်တို့နှင့်အတူ အာရှကျားဖြစ်ရန် ရည်မှန်းခဲ့ပြီး အင်ဒိုနီးရှား၊ မလေးရှား၊ ဖိလစ်ပိုင်နှင့် ထိုင်းတို့က “ကျားပေါက်” အဖြစ် အမည်တပ်ခဲ့ ပါသည်။ ယနေ့အချိန်အခါတွင် စင်္ကာပူနိုင်ငံသည် ၀င်ငွေမြင့်မားသော စီးပွားရေးဖြစ်နေပြီး ကျန်ကျားပေါက်လေးနိုင်ငံမှာ အလယ်အလတ်ဝင်ငွေရှိ စီးပွားရေးဖြစ်လာခဲ့သည်။ အလယ်အလတ်ဝင်ငွေရှိသော အုပ်စုထဲသို့ဝင်လာသော နောက်ဆုံး နိုင်ငံမှာ ဗီယက်နမ်ဖြစ်ပြီး ၄င်းသည် တရုတ်၏စီးပွားရေးပုံစံကို အတုယူကာ မြင့်မားသောတိုးတက်မှုကို ရရှိနေသည်။
၁၉၉၇-၉၈ အာရှငွေကြေးပြသနာသည် ၄င်းတို့၏ မှန်မှန်တိုးတက်မှုနှုန်းကို ရပ်တန့်သွားစေသော်လည်း ၄င်းတို့သည် ၂၀၀၀ ပြည့်နှစ်မှစ၍ စိတ်ကျေနပ်ဖွယ် နှစ်စဉ်ပျမ်းမျှ တိုးတက်မှုနှုန်း ၇%ရှိလာခဲ့သည်။ ယခုနောက်ဆုံး ကမ္ဘာ့ငွေကြေးကပ်ဆိုက်မှုတွင်လည်း အဆိုပါအလယ်အလတ်ဝင်ငွေရှိ တိုင်းပြည်များသည် ၂၀၁၀ တွင် စမတ်ကျကျ ပြန်လည် နိုးထလာနိုင်ခဲ့သည်။ ဒေသတွင်းနိုင်ငံများသည် တိုးတက်မှုနှုန်း ၈% ထိရှိခဲ့ရာ မြန်ဆန်သော မူဝါဒ ပြန်လည်ညိနှိုင်းပေးနိုင်မှုက ငွေကြေးကပ်ဆိုက်မှု၏ ဒဏ်ခံရမှုကို သက်သာစေပြီး ကမ္ဘာကြီးတစ်ခုလုံး ပြန်လည်နိုးထ လာစေရေးတွင် များစွာ အထောက်အကူဖြစ်ပေသည်။
မဟာဗျူဟာကျသောတည်နေရာ၊ ကြွယ်ဝသောသယံဇာတ
အရှေ့တောင်အာရှသည် ပထဝီအနေအထားအရ အောင်မြင်နိုင်သော အနေအထားတွင် ရှိနေသည်မှာလည်း တစ်စိတ်တစ်ပိုင်းဖြစ်သည်။ ဒေသတွင်းရှိ နိုင်ငံများသည် မလက္ကာရေလက်ကြားကို ခွ၍ကိုင်ထားသကဲ့သို့ ရှိနေသည်။ ယင်းသည် အင်္ဂလိပ်ရေလက်ကြားပြီးလျှင် ကမ္ဘာပေါ်တံင် သင်္ဘောများ ဖြတ်သန်းသွားလာမှု ဒုတိယအများဆုံး လမ်းကြောင်းဖြစ်ပြီး Hormuz ရေလက်ကြားပြီးလျှင် ဒုတိယပေါ်ပြူလာအဖြစ်ဆုံး ရေနံတင် သင်္ဘောများသွားရာ လမ်းကြောင်းဖြစ်သည်။ တစ်နှစ်တစ်နှစ်လျှင် ကမ္ဘာပေါ်ရှိ ကုန်သွယ်သော သင်္ဘောတစ်ဝက်ကျော်သည် ဤလမ်းကြောင်းကို အသုံးပြု နေခြင်းကြောင့် အဆိုပါရေလက်ကြားအား ပိတ်လိုက်ပါက ပြဿနာကြီးစွာဖြစ်နိုင်ပြီး ကမ္ဘာ့ ကုန်သွယ်ရေးကိုပင် ထိခိုက်နိုင်ပေသည်။
ဒေသတွင်းအခြားနိုင်ငံများသည်လည်း သဘာဝအရ ရေနံများပေါများခြင်း၊ ရေအားလျှပ်စစ်များထုတ်လုပ်နိုင်ခြင်း၊ သတ္တုမျိုးစုံ၊ သစ်၊ ဆန်၊ စားအုန်းဆီ၊ ကိုကိုး၊ ကော်ဖီ စသည်ဖြင့် များစွာကြွယ်ဝသောနိုင်ငံများဖြစ်သည်။ ရာစုနှစ်ပေါင်းများစွာကပင် အဆိုပါ သယံဇာတများသည် ကုန်သည်များ ကိုလိုနီပြုမည့်သူများကို ဆွဲဆောင်နိုင်ခဲ့ပြီး ယခု နောက်ဆုံးနိုင်ငံခြားရင်းနှီးမြှုပ်နှံသူများကို ဆွဲဆောင်ခဲ့သည်။ အဆိုပါသယံဇာတများသည် ဒေသကြီးကို ကုန်ပစ္စည်း ရောင်းဝယ်ခြင်းဖြင့် ဒေသတွင်းတိုင်းပြည်များကို ကမ္ဘာပေါ်တွင် ကုန်သွယ်မှုမှ GDP အချိုးအမြင့်ဆုံးကို ရောက်စေသည်။ မြန်မာနိုင်ငံ ကဲ့သို့သော အာဏာရှင်နိုင်ငံဖြစ်ပြီး အနောက်နိုင်ငံများက အရေးယူမှုကို ခံနေရသော တိုင်းပြည်သည်ပင်လျှင် ၄၀% နီးပါး အချိုးရှိသည်။ ထို့အတွက် ယင်းသည် တရုတ်၊ အိန္ဒိယ၊ ထိုင်းနိုင်ငံတို့ဖြင့် နယ်စပ်ချင်းထိစပ်နေသည်ကို ကျေးဇူးတင်ရမည်ဖြစ်သည်။
အရှေ့တောင်အာရှတွင် သဘာဝသယံဇာတများ ပေါများခြင်းသည် ၁၉၇၀ ပြည့်နှစ်နှင့် ၁၉၈၀ ပြည့်နှစ်များဆီက အထူးသဖြင့် “ကျားပေါက်” နိုင်ငံများတွင် စက်မှုလုပ်ငန်းထွန်းကားလာခြင်းကို များစွာ အထောက်အကူပြုပေသည်။ အဆိုပါ တိုင်းပြည်များသည် မြောက်ဖက်မှ ဂျပန်၊ ကိုရီးယားနှင့် တရုတ်နိုင်ငံများ၏ ထုတ်ကုန်ဦးစားပေးမူဝါဒကို အတုယူကာ စီးပွားရေးတွင်ရှေ့ရောက်နေသော နိုင်ငံများမှ ကုန်သွယ်ရေး၊ ငွေရေးကြေးရေးနှင့် နိုင်ငံခြားတိုက်ရိုက်ရင်းနှီး မြှုပ်နှံမှုများ၏ အကူအညီကို ရယူခဲ့သည်။ ထို့အပြင် အဆိုပါနိုင်ငံများသည် မက်ခရိုစီးပွားရေးစီးပွားရေး စီမံခန့်ခွဲမှုကို သေချာစွာပြုလုပ်ခြင်း၊ ကုန်သွယ်မှုစနစ်ကို ဖွင့်ပေးခြင်း၊ ငွေစုနှုန်းမြင့်မားစေခြင်း၊ ငယ်ရွယ်သောလုပ်သားအင်အားစုများကို မြင့်မားသော ရင်းနှီးမြှုပ်နှံမှုပြုလုပ်ရန်ခွင့်ပြုခြင်း၊ လျင်မြန်စွာတိုးတက်ခြင်းစသည်တို့ကို ဆယ်စုနှစ်သုံးခုခန့် လုပ်ဆောင်ခဲ့သည်။ ဗီယက်နမ်၏ စက်မှုထွန်းကားရေး လုပ်ငန်းစဉ်မှာ နောက်ကျပြီး ၁၉၉၀ ခုနှစ်များရောက်မှ ပြုလုပ်ခဲ့ခြင်း ဖြစ်သည်။ ယနေ့အချိန်တွင်မူ အဆိုပါနိုင်ငံစီးပွားရေးများသည် တရုတ်နှင့်အတူ အရှေ့အာရှထုတ်လုပ်မှု ကွန်ရက်တွင် ကြီးမားစွာ ပြိုင်ဆိုင်နိုင်ပြီး နာမည်ရလျက်ရှိသည်။
အရှေ့တောင်အာရှ၏ သဘာဝသယံဇာတများသည် ယင်း၏ ဝန်ဆောင်မှုကဏ္ဍအား အထောက်အကူပြုပေ သည်။ စင်ကာပူသည် မလက္ကာ ရေလက်ကြားတွင် တည်ရှိနေမှုကြောင့် ကမ္ဘာပေါ်တွင် အကြီးဆုံးကုန်ပစ္စည်းများ ရွှေ့ပြောင်းတင်ဆောင်ရာ ဆိပ်ကမ်းဖြစ်လာပြီး ယင်း၏ သယ်ယူ ပို့ဆောင်ရေး၊ ငွေရေးကြေးရေးနှင့် စီးပွားရေးလုပ်ငန်းများ ကို တောင့်တင်းစေသည်။ တစ်ချိန်တည်းမှာပင် ကျားပေါက်လေးနိုင်ငံကလည်း ကမ္ဘာလှည့် ခရီးသွားကဏ္ဍ ဖွံ့ဖြိုးအောင် လုပ်ဆောင်နိုင်ခဲ့ပြီး ၂၀၁၀ ခုနှစ်တွင် ဧည့်သည် (၆၇) သန်းလာရောက်ပြီး တရုတ်ပြည်တွင် (၅၆)သန်း လာရောက်ခြင်းထက် သာလွန်ခဲ့သည်။ မကြာသေးမီက စိတ်လှုပ်ရှားဖွယ် လုပ်ငန်းသစ်များပေါ်ထွက်လာရာ စင်ကာပူသည် ကမ္ဘာလုံးဆိုင်ရာဇီဝဆေးသိပ္ပံပညာ(Biomedical Science) ဗဟိုဌာန ဖြစ်အောင် တွန်းအားပေးလျက် ရှိပြီး မလေးရှား မြို့တော်ကွာလာလမ်ပူကလည်း ကမ္ဘာလုံးဆိုင်ရာ အစ္စလာမ် ငွေကြေးဗဟိုဌာန ဖြစ်အောင် လုပ်ဆောင်လျက် ရှိနေသည်။
အာဆီယံ၏ အခန်းကဏ္ဍ
အရှေ့တောင်အာရှ (၁၀) နိုင်ငံပါဝင်သော အာဆီယံအသင်းကြီးသည် (၄၅) နှစ် သက်တမ်းရှိ ဒေသတွင်းအဖွဲ့ကြီး ဖြစ်ပြီး စီးပွားရေးအရ စုစည်းခဲ့ခြင်းဖြစ်ကာ ကုန်ပစ္စည်းများ၊ ဝန်ဆောင်မှုများ၊ ရင်းနှီးမြှုပ်နှံမှုများနှင့် ကျွမ်းကျင်လုပ်သားများကို ၂၀၁၅ တွင် ဈေးကွက်တစ်ခုတည်း ဖြစ်အောင် စီးပွားရေးအသိုင်းအဝိုင်းတစ်ခုအဖြစ် ဖန်တီးလျက် ရှိသည်။ စောင့်ကြည့်လေ့လာသူများက အဆိုပါ ၂၀၁၅ အတွက် ဖြစ်နိုင်ခြေရှိမရှိ မေးခွန်းထုတ်လျက် ရှိချိန်တွင် အာဆီယံသည် ကုန်သွယ်ရေးနှင့် ပတ်သက်သော အခွန်အကောက်များ လျှော့ချလျက် ရှိပြီး အဖွဲ့ဝင်များကြား လွတ်လပ်သော ကုန်သွယ်မှု ဧရိယာ (FTA) များထူထောင်လျက် ရှိသည်။ အာဆီယံအတွင်း ကုန်သွယ်မှုသည် အာဆီယံ- တရုတ် ကုန်သွယ်မှုလောက် လျင်မြန်စွာ တိုးတက်မှုမရှိပေ။ အာဆီယံ-တရုတ်တို့၏လွတ်လပ်သော ကုန်သွယ်မှုသဘော တူညီချက် (FTA) သည် ၂၀၁၀ အစပိုင်းကပင် အသက်ဝင်ခဲ့သည်။
ပို၍ အရေးကြီးသောအချက်မှာ အာဆီယံသည် ဒေသတွင်းရော၊ ကမ္ဘာပေါ်တွင်ရော တည်ငြိမ်စွာ ရပ်တည်နိုင်ခဲ့ သဖြင့် ၁၉၆၇ ခုနှစ် အာဆီယံ စတင်တည်ထောင်စဉ်ကတည်းက အဖွဲ့ကြီးမကြာခင်ပျက်သွားမည်ဟု မကြာမကြာ ဝေဖန်ခဲ့သော ဝေဖန်သူများအား အံ့အားသင့်စေခဲ့သည်။ စတင် တည်ထောင်စဉ်ကတည်းက အဖွဲ့ဝင်နိုင်ငံများကြား စစ်ပွဲများမဖြစ်ခဲ့ဘဲ အဖွဲ့ကြီးက ကြားဝင်ညှိနှိုင်းပေးနိုင်ခဲ့သည်။ အဖွဲ့ကြီးသည် တရုတ်၊ တိုင်ဝမ်၊ ဗီယက်နမ်၊ ဖိလစ်ပိုင်၊ မလေးရှားနှင့် ဘရူနိုင်းတို့ပိုင်ဆိုင်ရန် ကြိုးစားနေသော သယံဇာတကြွယ်ဝသည့် စပရက်တလေကျွန်းများကိစ္စကိုလည်း အဖြေရှာရန် လုပ်ကိုင်လျက်ရှိသည်။
အာဆီယံ၏ စီးပွားရေးနှင့် နိုင်ငံရးအရအသုံးဝင်မှုသည် အခြားတိုင်းပြည်များ ပါဝင်လာအောင်လည်း ဆွဲဆောင်နေသည်။ ၁၉၉၉ ခုနှစ်တွင် တရုတ်၊ ဂျပန်နှင့် ကိုရီးယားတို့သည် အာဆီယံနှင့် ပါတနာရှစ်ပြုလုပ်ရာတွင် ASEAN+3 မှတစ်ဆင့် ဥပဒေများ ရေးဆွဲထူထောင်ခဲ့သည်။ အဆိုပါ တိုးချဲ့ဖွဲ့စည်းခဲ့သော အဖွဲ့၏ အောင်မြင်မှုများတွင် ကမ္ဘာ့ငွေကြေးကပ်ဆိုက်မှုတွင် ငွေဖော်ရလွယ်သော ပစ္စည်းများ ပံ့ပိုးပေးသော ယန္တရားသစ်ကို လုပ်ဆောင်နိုင်ခဲ့ရာ အာရှငွေကြေးပြဿနာဖြစ်စဉ်က IMF က မစာနာစွာ မည်သည်ကိုမျှ မလုပ်ပေးနိုင်ခြင်းနှင့်စာလျှင် များစွာ သာလွန်ပေသည်။ ၂၀၁၁ နိုင်ငံတကာ စားနပ်ရိက္ခာပြဿနာပြီးလျှင် ဒေသတွင်းဆန် ၇၂၀၀၀၀ တန် အရန်ထားရှိရန် စီစဉ်လျက်လည်း ရှိသည်။ အဆိုပါ လုပ်ဆောင်ချက်နှစ်ခုစလုံးသည် ဒေသတွင်းနိုင်ငံငယ်များအတွက် စီးပွားရေးအရ တည်ငြိမ်မှုကို အထောက်အကူဖြစ်စေသည်။ ASEAN+3 တွင် ဂျပန်နှင့် တရုတ်ပါဝင်နေခြင်းကြောင့် အဆိုပါ နှစ်နိုင်ငံကြား တင်းမာမှုလျော့ပါးစေရန်လည်း အထောက်အကူဖြစ်စေသည်။
အာဆီယံသည် အရှေ့အာရှ ထိပ်သီး အစည်းအဝေး (EAS) မှတစ်ဆင့် အခြားတိုင်းပြည်များနှင့်လည်း ဆက်ဆံလျက် ရှိသည်။ EAS ကို ၂၀၀၅ ခုနှစ်တွင် ပထမဆုံးအကြိမ် စတင်ကျင်းပခဲ့ပြီး ASEAN+3 အပြင် ဩစတြေးလျ၊ အိန္ဒိယနှင့် နယူးဇီလန်တို့ကိုပါ အတူတကွပါဝင်စေသည်။ အဆိုပါအုပ်စုသည် ထင်ရှားသော လုပ်ဆောင်မှုများ မပြနိုင်သေး၍ အောင်မြင်မှုများသိပ်မရသေးဟု ဆိုနိုင်သော်လည်း လာမည့် အောက်တိုဘာ ထိပ်သီးအစည်းအဝေးတွင် အမေရိကန်နှင့် ရုရှားတို့က တက်ရောက်ရန် အပြင်းအထန် ညှိနှိုင်းလျက် ရှိသည်။ အုပ်စု၏ အလားအလာကောင်းများ အတွက် သက်သေများရှိနေသောကြောင့် ဖြစ်သည်။ အမေရိကန်ပြည်ထောင်စုသည် အရှေ့တောင်အာရှအပေါ် စိတ်ဝင်စားနေပြီး အရှေ့တောင်အာရှကလည်း တရုတ်ကို ထိန်းညှိရန် အိန္ဒိယသမုဒ္ဒရာတွင် အမေရိကန်ရှိနေရန် အလားအလာကောင်းများအား အကူအညီပေးလိုသည်။ နောက်ထပ် အကြောင်းပြချက်များ အနေဖြင့် ဒေသတွင်းနိုင်ငံများ အတွက် အမေရိကန်၏ အခြားဈေးကွက်နှင့်ရင်းနှီးမြှုပ်နှံသူများ၏ ကဏ္ဍနှင့် အကြမ်းဖက်မှုအပေါ် ကမ္ဘာကြီးက စစ်ပွဲဆင်နွှဲရာတွင် အင်ဒိုနီးရှား၏ အရေးပါသော ကဏ္ဍမှ ပါဝင်မှုဖြစ်သည်။
အိုဘားမားအစိုးရတက်လာကတည်းကပင် အမေရိကန်ပြည်ထောင်စုသည် အရှေ့တောင်အာရှနှင့် တက်ကြွစွာ ပြန်လည်ဆက်ဆံခဲ့ရာ ဒေသတွင်းတရုတ်၏ ဩဇာလွှမ်းမိုးမှုကို တုန့်ပြန်ရန်နှင့် အငြင်းပွားနေသော စပရက်တလေကျွန်းများကိစ္စနှင့်ပတ်သက်၍ အမေရိကန်တို့ အိန္ဒိယ သမုဒ္ဒရာတွင် ပါဝင်ရေးနှင့်ပတ်သက်၍ အနှောင့်အယှက်ဖြစ်မည်ကို စိုးရိမ်သဖြင့် ဖြစ်သည်။ အရှေ့တောင်အာရှနိုင်ငံများကလည်း အမေရိကန်၏ ပြန်လည် ဆက်ဆံရေးကို အကြောင်းအမျိုးမျိုးကြောင့် ကြိုဆိုခဲ့ကြသည်။ အချို့က တရုတ်နှင့် ချိန်ခွင်လျှာညှိရန်ဟု မြင်ကြသည်။ အချို့က အမေရိကန်၏ တရားဝင်အကျိုးစီးပွားတည်ငြိမ်ရေးကို အသိအမှတ်ပြုကြသည်။ အမေရိကန်သည် ဒေသတွင်း နိုင်ငံများ၏ အကြီးဆုံးဈေးကွက်နှင့် အကြီးဆုံးနိုင်ငံခြား ရင်းနှီးမြှုပ်နှံသူ ဖြစ်သည်။
အမေရိကန်ပြည်ထောင်စုက အရှေ့တောင်အာရှအပေါ် စိတ်ဝင်စားရခြင်းအကြောင်းမှာ အင်ဒိုနီးရှားကြောင့် လည်း ဖြစ်သည်။ အင်ဒိုနီးရှားသည် ကမ္ဘာ့အကြီးဆုံးမွတ်စလင်နိုင်ငံဖြစ်ပြီး အချို့အကြမ်းဖက် တိုက်ခိုက်မှုများအတွက် စီမံရာနေရာဖြစ်သည်။ အချို့မှာ အမေရိကန်အကျိုးစီးပွားကို တိုက်ခိုက်ရန် ရည်ရွယ်ပြုလုပ်ခဲ့သည်။ ကမ္ဘာကြီး၏ အကြမ်းဖက်တိုက်ဖျက်ရေးဖြစ်စဉ်တွင် အင်ဒိုနီးရှားသည် အမေရိကန်နှင့်ဥရောပ၏ အရေးကြီးသော မဟာမိတ်ဖြစ်သည်. အင်ဒိုနီးရှား၏ စစ်မှန်သော ဒီမိုကရေစီနှင့် ဒီမိုကရက်တစ်အစိုးရအတွက် ကြိုးပမ်းမှုများသည် စီးပွားရေးဖွံ့ဖြိုးတိုးတက်မှု၊ တရားမျှတမှုနှင့် လွတ်လပ်ခြင်းတို့ကို ဖြစ်ပေါ်စေမည်ဖြစ်သည်။ အင်ဒိုနီးရှား၏ မကြာသေးမီက ဂျီဟတ်အုပ်စုများအပေါ် အောင်နိုင်ခဲ့ခြင်းသည် အကြမ်းဖက် စကေးကို လျှော့ချနိုင်ခဲ့သော်လည်း အကြမ်းဖက်ရက်စက်မှုရေချိန်ကိုမူ မလျှော့ချနိုင်ခဲ့ပေ။ အဆိုပါရက်စက်မှုများသည် မလေးရှားနှင့် ထိုင်းနိုင်ငံ တောင်ပိုင်း အဓိက နေရာများကို တိုက်ခိုက်လာနိုင်သည်။
စိန်ခေါ်မှုများ
စိန်ခေါ်မှုများနှင့် အန္တရာယ်ကြီးမှုများ မရှိသော ဒေသဟူ၍ ရှိလိမ့်မည်မဟုတ်ပေ။ အရှေ့တောင်အာရှအတွက်မူ လာမည့် ဆယ်စုနှစ် နှစ်ခုအတွင်း တရုတ်နိုင်ငံက ကမ္ဘာပေါ်တွင် အကြီးဆုံးစီးပွားရေးနိုင်ငံအဖြစ် ပေါ်ထွက်လာမှုသည် အငြင်းပွားဖွယ်အကြီးဆုံး စိန်ခေါ်မှုပင် ဖြစ်သည်။ အဆိုပါကိစ္စသည် ကြီးမားသောအခွင့်အလမ်းများကို သယ်ဆောင် လာသည့်နည်းတူ ထပ်တူအရေးကြီးသည့် အန္တရာယ်များလည်း ပါဝင်လာသည်။ တရုတ်သည် စီးပွားရေး၊ လူမှုရေး၊ ပတ်ဝန်းကျင်ဆိုင်ရာနှင့် နိုင်ငံတကာစိန်ခေါ်မှုများကို ကြုံတွေ့နေရသည်နှင့်အမျှ အရှေ့တောင်အာရှတွင် မတည်ငြိမ်မှု အချို့ အသေအချာ ပေါ်ပေါက်လာနိုင်ပေသည်။ ထပ်တူထပ်မျှ အရေးကြီးသောအချက်မှာ အရှေ့တောင်အာရှမှ မူဝါဒချမှတ်သူများသည် ဒေသတွင်း တရုတ်၏ လွှမ်းမိုးမှု သည် လုံခြုံရေးအရ အန္တရာယ်များ ဖြစ်လာနိုင်သည်ဟု ထင်မြင် ထားသည်။ မကြာသေးမီက စပရက်တလေကျွန်းများ ကိစ္စသည် အဆိုပါကိစ္စ စိုးရိမ် ပူပန်မှုကို မီးမောင်းထိုးပြလိုက်သည်နှင့် တူသည်။
ကျားပေါက်များ၏ စီးပွားရေးဖွံ့ဖြိုးတိုးတက်မှုကလည်း နောက်ထပ် စိုးရိမ်ပူပန်မှုကို ဖြစ်ပေါ်စေသည်။ ပြီးခဲ့သည့် ရာစုနှစ်ဝက်တွင် နိုင်ငံ အနည်းငယ်သည် ယင်းတို့၏ ထုတ်လုပ်မှုနှင့် ဝန်ဆောင်မှုအားကို ယူ၍ အလယ်အလတ်အဆင့်မှ မြင့်မားသော ဝင်ငွေအဆင့်ထိရောက်အောင် အသွင် ကူးပြောင်းရေးကာလ လုပ်ဆောင်နိုင်ခဲ့သည်။ ယင်းတို့သည် တန်ဖိုး အဆင့်ဆင့် (Value Chain) ကို ပြောင်းပစ်ရမည်ဖြစ်သည်။ သို့သော် ရှေ့သို့ ရောက်နေသော စီးပွားရေးများနှင့် ပြိုင်ဆိုင် ရာတွင် ကြိုတင်လုပ်ဆောင်ထားမှုများ လိုအပ်ပေသည်။ အဆင့်မြင့်ပညာတတ်ပြီး တီထွင်ဖန်တီးနိုင်သော လုပ်အားစုများ၊ အလွန်ကောင်းရမည်ဟူသော ယဉ်ကျေးမှု၊ လုပ်ငန်းရှင်ဖြစ်ရေး ကျွမ်းကျင်မှုများ၊ ငွေရေးကြေးရေးနှင့် အခြေခံအဆောက် အဦများ (အင်ဒိုနီးရှားနှင့် ဖိလစ်ပိုင်တွင် အထူးသဖြင့် လိုအပ်သည်) နှင့် ပြိုင်ဆိုင်နိုင်မည့် စီးပွားရေးဝန်းကျင်တို့ကို ကြိုတင် လုပ်ဆောင်ထားရမည်ဖြစ်သည်။ အရှေ့တောင်အာရှ၏ အလယ်အလတ်ဝင်ငွေရှိ စီးပွားရေးနိုင်ငံများသည် ထိုအရာများကို တဖြည်းဖြည်း လုပ်ဆောင်ခဲ့ပြီးဖြစ်သည်။ သို့သော်စစ်မှန်သော တိုးတက်မှုကို ရလိုလျှင် ပို၍ အားထုတ်ရန်နှင့် ဟန်ချက်ညီ စုစည်းရန် လိုအပ်ပါသည်။
ရှေ့သို့လှမ်းမျှော်ကြည့်ခြင်း
လာမည့် တစ်နှစ် နှစ်နှစ်အတွင်း အရှေ့တောင်အာရှ၏ စီးပွားရေးသည် ခရီးကြမ်းဖြတ်သန်းရဖွယ် ရှိပြီး တစ်နှစ်လျှင် ၅% တိုးတက်ရန် ထိန်းသိမ်းထားနိုင်ရေး မနည်းကြိုးစားရမည်ဖြစ်သည်။ အကြောင်းမှာ ကမ္ဘာ့စီးပွားရေးဝန်းကျင်ကလည်း ပိုမိုနှေးကွေးလာသည့်အပြင် ဒေသတွင်း အချို့နိုင်ငံများတွင် ငွေကြေးဖောင်းပွမှုဖိအား ကြောင့် မက်ခရိုစီးပွားရေးမူဝါဒများ ပိုမိုတင်းကြပ်ရခြင်းနှင့် ကုန်ပစ္စည်းဈေးနှုန်းများက ရုတ်တရက် ပိုမို ပြောင်းလဲလာခြင်း များကြောင့် ဖြစ်သည်။
အရေးကြီးသောအချက်တစ်ခုမှ ထိုင်းနိုင်ငံနှင့် မလေးရှားနိုင်ငံတို့တွင် နိုင်ငံရေးအရတင်းမာမှုများ ဆက်လက် ရှိနေဦးမည်ဟု မျှော်လင့်ရသည်။ ပြီးခဲ့သည့် ရက်သတ္တပတ်အကုန်က ထိုင်းနိုင်ငံရွေးကောက်ပွဲတွင် ဖြူးထိုင်းပါတီက အနိုင်ရခဲ့ခြင်းသည် ထိုင်းနိုင်ငံ၌ မရေရာ မသေချာမှုအတွက် အဆင့်သစ်တစ်ခုကို ဖွင့်ပေးလိုက်သည့်သဘောဖြစ်သည်။ ယခုတစ်နှစ်အတွင်း ကျင်းပမည်ဟု မျှော်လင့်ရသော မလေးရှားနိုင်ငံရွေးကောက်ပွဲသည်လည်း တိုင်းရင်းသားနှင့် နိုင်ငံရေး တင်းမာမှုများ ပြန်လည်ဖြစ်ပေါ်လာနိုင်သည်။
သို့သော် အရှေ့တောင်အာရှတစ်ခုလုံး၏ ရေရှည်စီးပွားရေး အလားအလာများမှာ တောက်ပနေဆဲ ဖြစ်သည်။ အတိတ်ကာလက ဖွံ့ဖြိုးကြီးထွားမှု အတွက် လောင်စာဖြစ်သော အင်အားစုများ ဖြစ်သည့်သင့်တော်သော မက်ခရို စီးပွားရေး စီမံခန့်ခွဲမှု၊ ကုန်သွယ်မှုစနစ်များ ပွင့်လင်းခြင်း၊ သင့်လျော်သော လူမှုဝန်းကျင်၊ မြင့်မားသော စုဆောင်းမှုနှုန်း စသည်များ ပြန်လည် ပေါ်ထွက်လာပါလိမ့်မည်။ မှန်မှန်တိုးတက်ကြီးထွားမှု လျင်မြန်စွာ ဖြစ်လာနေသော အိန္ဒိယနှင့် တရုတ်တို့ကလည်း ကူညီလိမ့်မည်ဖြစ်သည်။ ဒေသတွင်း အချို့နိုင်ငံငယ်များကလည်း စွမ်းအင်ဖြည့်ဆည်းပေးသည့် မရှိမဖြစ် အရင်းအမြစ်များဖြစ်ပြီး ကုန်ကြမ်းများ ဖြည့်ဆည်းပေးခြင်း၊ တရုတ်နိုင်ငံ၏ လျင်မြန်စွာ တိုးတက်နေသော ထုတ်လုပ်မှုကဏ္ဍအတွက် အစိတ်အပိုင်း ဖြစ်ခြင်း၊ ယင်း၏ အိန္ဒိယနှင့် ထုတ်လုပ်မှု ဆက်သွယ်မှုကလည်း လျင်စွာ တိုးတက်မှု ရှိခြင်းများဖြစ်နေသည်။
အရေးအကြီးဆုံးမှာ ဒေသတွင်း အလယ်အလတ်ဝင်ငွေရှိ စီးပွားရေးများသည် တန်ဖိုးထားမှု အဆင့်ဆင့်(Value Chain) ၊ ယင်းတို့၏ စီးပွားရေး အလားအလာများ အတွက် ပြောင်းလဲပစ်ရမည်ဖြစ်သည်။ ထိုအရာကို အောင်မြင်စွာ လုပ်ဆောင်နိုင်မည်ဆိုပါက အရှေ့တောင်အာရှသည် ယခု အိမ်နီးချင်း နိုင်ငံကြီးနှစ်နိုင်ငံ၏ လောင်းရိပ်မိနေရာမှ ကျားများ၊ နဂါးများ ပြည့်ပြည့်ဝဝ ဖြစ်လာနိုင်ကြမည်ဖြစ်သည်။
********************************************
Google Docs makes it easy to create, store and share online documents, spreadsheets and presentations.
