Posts
 | yangonchronicle 2011 |
၂၄.၈.၂၀၁၁
ပြည်တွင်းသတင်းများ
- ပို့ကုန်လုပ်ငန်းများ အခွန်ကင်းလွတ်ခွင့်ရသော်လည်း နိုင်ငံခြားငွေဈေးကြောင့် ခက်ခဲဆဲဖြစ်
- မလေးရှားနိုင်ငံသို့ အလုပ်သမား ပို့ဆောင်နေမှုများယာယီရပ်ဆိုင်း
- မြန်မာ-ထိုင်း ပူးပေါင်း၍ မှောင်ခိုကုန်ပစ္စည်းတင်ပို့မှု တားဆီးမည်
×××××××××××××××××××××××××××××××××××××××××××××××××××××××××××××××××
ပြည်တွင်းပါတီနှင့် နိုင်ငံရေးသတင်းများ
- လူ့အခွင့်ရေးကိစ္စ တိုးတက်မှု မြန်ဆန်မည်ဟု ဒေါ်အောင်ဆန်းစုကြည် မျှော်လင့်
- တိုင်းရင်းသားပြဿနာ ညီနောင်တိုင်းရင်းသားငါးပါတီ အဆိုတင်မည်
- အခွန်ဥပဒေသစ် လွှတ်တော်တွင်တင်မည်
- နိုင်ငံပိုင်စီးပွားရေးလုပ်ငန်း လုံးဝမရှိစေရန် လုပ်ဆောင်မည်ဟု ပြည်ထောင်စုဝန်ကြီးပြောကြား
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
×××××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
အစိုးရသစ်နှင့် မီဒီယာလွတ်လပ်ခွင့်
×××××××××××××××××××××××××××××××××××××××××××××××××××××××××××××××××
ပြည်တွင်းသတင်းများ
ပို့ကုန်လုပ်ငန်းများ အခွန်ကင်းလွတ်ခွင့်ရသော်လည်း နိုင်ငံခြားငွေဈေးကြောင့် ခက်ခဲဆဲဖြစ်
၂၀၁၁ ခုနှစ် သြဂုတ်လ ၁၁ ရက်နေ့တွင် ပစ္စည်းခြောက်မျိုးကို အခွန် ၆ လ ကင်းလွတ်ခွင့် ရခဲ့သော်လည်း နိုင်ငံခြား ငွေလဲလှယ် နှုန်းထားများ ကျဆင်းနေသည့်အတွက် ပို့ကုန်လုပ်ငန်းရှင်များမှာ အခက်အခဲဖြစ်နေဆဲဖြစ်ကြောင်း သိရသည်။
နိုင်ငံတော် အစိုးရသစ်မှ နိုင်ငံရှိ ပို့ကုန်လုပ်ငန်းရှင်များ လုပ်သာကိုင်သာရှိနိုင်စေရန် ပို့ကုန်အခွန်နှုန်းထားများ လျှော့ချပေးခဲ့သော်လည်း ဆက်တိုက်ကျဆင်းလျက်ရှိသည့် အမေရိကန်ဒေါ်လာဈေးကြောင့် ပို့ကုန်လုပ်ငန်းရှင်များမှာ အခွန်ကင်းလွတ်ခွင့် အကျိုးအရသာကို ခံစားရခြင်း မရှိသေးကြောင်း သိရသည်။
ထိုသို့ နိုင်ငံခြားငွေလဲနှုန်းဆက်တိုက်ကျဆင်းနေသည့်အတွက် ပြည်တွင်းရှိ ပို့ကုန်လုပ်ငန်းရှင်များမှာ နိုင်ငံခြားငွေဈေး ဆက်လက်ကျဆင်းနိုင်မည့် အပေါ် ခန့်မှန်း၍ ကုန်ပစ္စည်း ဝယ်ယူလျက်ရှိကြောင်း သိရသည်။
ထို့ပြင် ပြည်တွင်းလေကြောင်းလိုင်းများတွင်လည်း နိုင်ငံခြား ငွေလဲနှုန်းထားများ ကျဆင်းနေသည့်အတွက် ပြည်တွင်းလေကြောင်းလိုင်းများမှ နိုင်ငံခြားသားများအတွက် လက်မှတ်ခ ၁၀ ဒေါ်လာခန့် တိုးမြှင့်ရောင်းချသွားရန် စီစဉ်လျက်ရှိကြောင်း သိရသည်။ ပြည်ပနိုင်ငံများသို့ သွားရောက် အလုပ်လုပ်ကိုင် လိုကြသည့် ပြည်တွင်းအလုပ်သမား အများစုမှာလည်း ဒေါ်လာဈေးကျဆင်းနေသည့်အတွက် သွားရောက်မှု လျော့ကျသွားကြောင်း သိရသည်။
ယခုနှစ်တွင် ငွေလဲနှုန်းထားများ ကျဆင်းမှုကြောင့် ခရီးသွားလုပ်ငန်းရှင်များနှင့် ပို့ကုန်လုပ်ငန်းရှင်များတွင် ထိခိုက်နစ်နာမှုများဖြစ်ပေါ်လျက်ရှိပြီး လက်ရှိတွင် ကန်ဒေါ်လာသည် ကန်ဒေါ်လာအစိုးရသတ်မှတ်နှုန်း၊ အပြင်ပေါက်ဈေးနှုန်း၊ MFTB, MICB ဘဏ်ဈေးနှုန်း၊ ပို့ကုန်ဝင်ငွေကန်ဒေါ်လာဈေးနှုန်း၊ FEC ဈေးနှုန်းပာူ၍ ခြောက်မျိုးခန့်ဖြစ်ပေါ်လျက်ရှိသည်။ ကန်ဒေါ်လာဈေး တစ်မျိုးတည်း သတ်မှတ်ရေးအတွက် အစိုးရကိုကူညီရန် နိုင်ငံတကာငွေကြေး ရန်ပုံငွေအဖွဲ့(IMF) က နိုဝင်ဘာတွင်လာရောက်မည်ဖြစ်ကြောင်း သြဂုတ်လ ၂၅ ရက်နေ့ထုတ် ပေါ်ပြူလာ သတင်းဂျာနယ်တွင်ဖော်ပြထားရှိခဲ့သည်။
ပြီးခဲ့သည့် မေလ အတွင်းကလည်း နိုင်ငံခြားငွေလဲလှယ်နှုန်းများမှာ ဆက်တိုက်ကျဆင်းခဲ့ပြီး ပြည်တွင်းရှိ ပို့ကုန်လုပ်ငန်းရှင်များမှာ အရှုံးပေါ်ခဲ့ရကြောင်း သိရသည်။ ထို့ပြင် သြဂုတ်လ အတွင်းတွင် နိုင်ငံတော်အစိုးရမှ အခွန်အခ နှုန်းထားများလျှော့ချပေးခဲ့သည့်အပြင် ကုန်ပစ္စည်း ခြောက်မျိုးအား အခွန် ၆ လ ကင်းလွတ်ခွင့်ပြုခဲ့သော်လည်း နိုင်ငံခြားငွေလဲလှယ်နှုန်းထားများမှာ ဆက်တိုက်ကျဆင်းခဲ့သည့်အတွက် ပို့ကုန်လုပ်ငန်းရှင် များမှာ အကျပ်အတည်း များစွာနှင့် ရင်ဆိုင်ရလျက်ပင်ရှိနေသေးကြောင်း သိရသည်။ လက်ရှိအချိန်၌ နိုင်ငံခြားငွေ လဲလှယ်နှုန်းထားများမှာ ၆၅၀ နှင့် ၇၀၀ ကြားတွင်ရှိကြောင်း သိရသည်။
Y.C
--------------------------------------------------------------------------------------------------------------------------------
မလေးရှားနိုင်ငံသို့ အလုပ်သမား ပို့ဆောင်နေမှုများယာယီရပ်ဆိုင်း
မလေးရှားနိုင်ငံ၌ နိုင်ငံခြားသားအလုပ်သမားများအတွက် အာမခံကြေး ပေးသွင်းရမှု အခက်အခဲ၊ လစာနှုန်းထား နည်းပါးမှု အခက်အခဲများကြောင့် မြန်မာနိုင်ငံရှိ ပြည်ပ အလုပ်အကိုင် အေဂျင်စီ အများစုမှာ မလေးရှားနိုင်ငံသို့ အလုပ်သမား ပို့ဆောင်နေမှုများကို ယာယီရပ်ဆိုင်းထားရကြောင်း သိရသည်။
မလေးရှားနိုင်ငံရှိ အလုပ်သမားဝန်ကြီးဌာနမှာလည်း တရားမဝင် နိုင်ငံခြားသား အလုပ်သမားများနှင့် ပတ်သက်၍ ဆွေးနွေးညှိနှိုင်းမှုများ ရှိနေသည့် အတွက် မလေးရှားနိုင်ငံသို့ အလုပ်သမားပို့ဆောင်နေမှုကို ယာယီရပ်ဆိုင်းထားခြင်း ဖြစ်ကြောင်း သိရသည်။
ပြည်ပ အလုပ်အကိုင် အေဂျင်စီ အများစုမှာ မလေးရှားနိုင်ငံသို့ အလုပ်သမား ပို့ဆောင်နေမှုများ ရပ်ဆိုင်းထားသော်လည်း နိုင်ငံရှိ ပြည်ပ အလုပ်အကိုင် ရှာဖွေသူများမှာ စင်္ကာပူနိုင်ငံနှင့် ကိုရီးယားနိုင်ငံများသို့ အလုပ်သွားရောက်လုပ်ကိုင်ရန် စိတ်ဝင်စားလျက်ရှိကြောင်း သိရသည်။
လက်ရှိအချိန်၌ ကိုရီးယားနိုင်ငံမှ အလုပ်သမားခေါ်ဆိုမှု မြင့်တတ်လျက်ရှိပြီး ပြည်တွင်းမှ သွားရောက် အလုပ်လုပ်ကိုင်လိုသူ များပြားလျက်ရှိကြောင်း သိရသည်။
ပြည်တွင်းမှ ပြည်ပ သို့ သွားရောက်အလုပ်လုပ်ကိုင်သူ အလုပ်သမားအများစုမှာ လစာနှုန်းထားနှင့် နိုင်ငံအနေအထားကို ကြည့်၍ သွားရောက် အလုပ်လုပ် ကိုင်လေ့ရှိကြောင်း သိရသည်။
Ref: Envoy
--------------------------------------------------------------------------------------------------------------------------------
မြန်မာ-ထိုင်း ပူးပေါင်း၍ မှောင်ခိုကုန်ပစ္စည်းတင်ပို့မှု တားဆီးမည်
မြန်မာ-ထိုင်း နယ်စပ်၌ လုပ်ကိုင်လျက်ရှိသော တရားမဝင် ကုန်ပစ္စည်းနှင့် လက်နက် မှောင်ခို ရောင်းဝယ်နေမှုများအား တားဆီးနိုင်ရန် မြန်မာနိုင်ငံရဲတပ်ဖွဲ့နှင့် ထိုင်းနိုင်ငံတော်ဝင် ရဲတပ်ဖွဲ့တို့မှ ပူးပေါင်း၍ ဆောင်ရွက်သွားမည်ဖြစ်ကြောင်း သိရသည်။
ထိုသို့ နယ်စပ်ဒေသမှောင်ခိုရောင်းဝယ်မှု တိုက်ဖျက်ရေးအတွက် မြန်မာ-ထိုင်း ပူးပေါင်းဆောင်ရွက်နိုင်ရန် မြန်မာနိုင်ငံရဲတပ်ဖွဲ့မှ ရဲချုပ် ကျော်ကျော်ထွန်းနှင့် ထိုင်းနိုင်ငံ တော်ဝင်ရဲတပ်ဖွဲ့ ရဲချုပ် Mr.Wichean Potephosree တို့မှ သြဂုတ်လ ၁၃ ရက်နေ့တွင် တွေ့ဆုံဆွေးနွေးညှိနှိုင်းခဲ့ကြောင်း သိရသည်။
ထိုင်းနိုင်ငံသည် မြန်မာနိုင်ငံ၏ ဒုတိယအကြီးဆုံး ကုန်သွယ်ဖက်နိုင်ငံ ဖြစ်ပြီး ထိုင်းနိုင်ငံမှ ထုတ်ကုန်များကို မြန်မာကုန်သည်များက ပြည်တွင်းသို့ တရားဝင် တိုက်ရိုက် တင်သွင်းသော်လည်း နယ်စပ်ဒေသ မှောင်ခိုဈေးကွက် ရှိနေသည့်အတွက် မြန်မာနိုင်ငံမှ လုပ်ငန်းရှင်များမှာ နစ်နာလျက်ရှိကြောင်း သိရသည်။
ဈေးကွက်စီးပွားရေးစနစ်ကို တိကျလျင်မြန်စွာ ဖော်ဆောင်နိုင်ရေးအတွက် မြန်မာ-ထိုင်း တိုက်ရိုက်ကုန်သွယ်နိုင်ရေးသည် အရေးပါအရာရောက် ကြောင်းသိရသည်။
တာချီလိတ်၊ မြဝတီ၊ ကော့သောင်း နယ်စပ် ဒေသ၌ နယ်စပ်ဖြတ်ကျော်ခြင်းကိစ္စရပ်များ၊ ပြစ်မှုကျုးလွန်၍ ထွက်ပြေးတိမ်းရှောင်မှုများ၊ မူးယစ်ဆေးဝါး ကူးသန်းရောင်းဝယ်မှုများ၊ လူကုန်ကူးမှုများကို မြန်မာ-ထိုင်း နှစ်နိုင်ငံပူးပေါင်း ဆောင်ရွက်၍ ထိရောက်စွာ အရေးယူဆောင်ရွက်သွားမည်ဖြစ်ကြောင်း သိရသည်။
Ref: Popular News၊ Yangon Time
×××××××××××××××××××××××××××××××××××××××××××××××××××××××××××××××××
ပြည်တွင်းပါတီနှင့် နိုင်ငံရေးသတင်းများ
လူ့အခွင့်ရေးကိစ္စ တိုးတက်မှု မြန်ဆန်မည်ဟု ဒေါ်အောင်ဆန်းစုကြည် မျှော်လင့်
မြန်မာနိုင်ငံ၌လူ့အခွင့်ရေးပိုမိုရရှိလာစေရန် မစ္စတာ ကင်တားနားနှင့်ဒေါ်အောင်ဆန်းစုကြည် တွေ့ဆုံပြီးနောက် လူ့အခွင့်ရေးကိစ္စနှင့် ပတ်သက်၍ မြန်ဆန်စွာ တိုးတက်လာလိမ့်မည်ဟုမျှော်လင့်ကြောင်း ဒေါ်အောင်ဆန်းစုကြည်က ပြောကြားလိုက်သည်။
ကုလသမဂ္ဂ လူ့အခွင့်အရေး အထူးစုံစမ်းစစ်ဆေးရေးမှူး မစ္စတာ သောမတ် အိုဟေး ကင်တားနားသည် ဒေါ်အောင်ဆန်းစုကြည်ကို ရန်ကုန်မြို့ တက္ကသိုလ်ရိပ်သာလမ်းရှိ နေအိမ်တွင် ယနေ့ ညနေ ၃ နာရီခွဲက ၁ နာရီကျော်ကြာ သွားရောက် တွေ့ဆုံခဲ့ကြောင်း သိရသည်။
အဆိုပါတွေ့ဆုံမှုနှင့် ပတ်သက်၍ ဒေါ်အောင်ဆန်းစုကြည်က “ အင်မတန်ကြေနပ်မှုရှိပါတယ် ” ဟုဆိုသည်။ မြန်မာနိုင်ငံတွင် လူ့အခွင့်ရေး အပြည့်အဝ ရရှိရန်အတွက်လိုအပ်ကြောင်း၊ ယင်းအတွက်ဆက်ပြီး လုပ်ဆောင်သွားရန် လိုအပ်ကြောင်း ၎င်းကပြောကြားသည်။
“လူတစ်ယောက်ကြောင့်ပြောင်းလဲမှုတော့ မဟုတ်ပါဘူး။မြန်မာသူမြန်မာသားတွေကြောင့် ပြောင်းလဲမှာပါ” ဟု၎င်းကဆက်လက်ပြောဆိုသည်။
တွေ့ဆုံမှု၏ အသေးစိတ်ကိုမူ မစ္စတာကင်တားနားက အပြန်ခရီးစဉ် ရန်ကုန်အပြည်ပြည်ဆိုင်ရာလေဆိပ်တွင် သတင်းစာရှင်းလင်းပွဲ ပြုလုပ်ပေးသွားမည်ဖြစ်ကြောင်း မစ္စတာကင်တားနားကပြောကြားသည်။
မစ္စတာ ကင်တားနားသည် အမျိုးသား ဒီမိုကရေစီ အဖွဲ့ချုပ် ခေါင်းဆောင်များနှင့်လည်း တွေ့ဆုံဆွေးနွေးခဲ့ပြီး နံနက်ပိုင်းတွင် အင်းစိန် အကျဉ်းထောင်သို့ သွားရောက်ခဲ့ ကြောင်း၊ စက်တင်ဘာလတွင် ပြုလုပ်မည့် ကမ္ဘာ့ကုလသမဂ္ဂ အထွေထွေ ညီလာခံတွင် မြန်မာနိုင်ငံ၏ လူ့အခွင့်အရေးနှင့် ပတ်သက်သော အစီရင်ခံစာကို တင်သွင်းသွားမည် ဖြစ်ကြောင်းသိရသည်။
Peace Press
--------------------------------------------------------------------------------------------------------------------------------
တိုင်းရင်းသားပြဿနာ ညီနောင်တိုင်းရင်းသားငါးပါတီ အဆိုတင်မည်
ရွေးကောက်ပွဲအနိုင်ရ ညီနောင် တိုင်းရင်းသားငါးပါတီမှ တိုင်းရင်းသား ပြဿနာ အရေးကိစ္စများဖြေရှင်းနိုင်ရန် ၂၀၁၁ ခုနှစ် သြဂုတ်လ ၂၂ ရက်နေ့၌ ကျင်းပမည့် ဒုတိယအကြိမ်လွှတ်တော်ပုံမှန်အစည်းအဝေးတွင် အဆိုတင်သွင်းသွားမည်ဖြစ်ကြောင်း သိရသည်။
ထိုသို့ အဆိုတင်သွင်းရာတွင် ညီနောင်တိုင်းရင်းသားငါးပါတီ၏ ငြိမ်းချမ်းရေး လုပ်ငန်းစဉ်များအတွက် ပထမအဆင့်အနေဖြင့် သတင်း ထုတ်ပြန်ချက်တစ်စောင် ထုတ်ပြန်ပေးသွားမှာဖြစ်ကြောင်း သိရသည်။
ညီနောင်တိုင်းရင်းသားငါးပါတီတွင် ပါဝင်သည့် ပါတီတစ်ခုဖြစ်သည့် ဖလုံစဝေါ်ပါတီမှ တာဝန်ရှိသူတစ်ဦးက “ တိုင်းရင်းသားဒေသတွေ ဖြစ်တဲ့ ကချင်၊ ကယား၊ ကရင်ပြည်နယ်တွေမှာ စစ်ရေးပဋိပက္ခတွေဖြစ်နေလို့ ပြည်တွင်းငြိမ်းချမ်းရေကော်မရှင် ဖွဲ့စည်းရန် အဆိုပြုမှာပါ။” ပာု ပြောကြားခဲ့သည်။
ထို့ပြင် လာမည့် ဒုတိယအကြိမ်လွှတ်တော် ပုံမှန်အစည်းအဝေးတွင် ညီနောင်ငါးပါတီမှ တစ်နိုင်ငံလုံးနှင့် သက်ဆိုင်သည့် အဆိုများကို ထပ်မံ တင်သွင်း သွားဦးမည် ဖြစ်ကြောင်း သိရသည်။
ညီနောင် တိုင်းရင်းသားငါးပါတီမှာ ချင်းအမျိုးသားပါတီ၊ ဖလုံစဝေါ် ဒီမိုကရက်တစ်ပါတီ၊ ရှမ်းအမျိုးသား ဒီမိုကရက်တစ်ပါတီ၊ ရခိုင်အမျိုးသား ဖွံ့ဖြိုးတိုးတက်ရေး ပါတီနှင့် မွန်ဒေသလုံးဆိုင်ရာ ဒီမိုကရက်တစ်ပါတီတို့ ဖြစ်ကြောင်း သိရသည်။
ပြည်ထောင်စုသမ္မတမြန်မာနိုင်ငံတော် ပြည်ထောင်စုအစိုးရအဖွဲ့သည် ကြေညာချက်အမှတ်(၁/၂၀၁၁) ကို သြဂုတ်လ (၁၈) ရက်နေ့ ရက်စွဲဖြင့် ထုတ်ပြန်၍ ငြိမ်းချမ်းရေးဆွေးနွေးရန် တိုင်းရင်းသားလက်နက်ကိုင် အဖွဲ့အစည်းများကို ဖိတ်ခေါ်ထားကြောင်း သိရသည်။
Ref: Popular News၊ News Week
-----------------------------------------------------------------------------------------------------------------------------------
အခွန်ဥပဒေသစ် လွှတ်တော်တွင်တင်မည်
ခေတ်ကာလနှင့် လိုက်လျောညီထွေမှု မရှိသည့်အတွက် ငါးနှစ်ခန့် အချိန်ယူ ရေးဆွဲခဲ့ရသော အခွန်ဥပဒေသစ်ကို သြဂုတ်လ ၂၂ ရက်နေ့၌ ကျင်းပမည့် ဒုတိယအကြိမ်လွှတ်တော်ပုံမှန်အစည်းအဝေးတွင် အတည်ပြုချက်ရရှိရေး တင်ပြသွားမည် ဖြစ်ကြောင်း သိရသည်။
လွှတ်တော်၌ တင်ပြမည့် အခွန်ဥပဒေသစ်ကို ပြည်တွင်းအခွန်ဦးစီးဌာန မှ အသစ်ပြန်လည်ရေးဆွဲထားခြင်းဖြစ်ပြီး အခွန်ဥပဒေနှင့် ပတ်သက်၍ ပိုမိုကောင်းမွန်သည့် အကြံပြုချက်များရှိပါကလည်း ဖြည့်စွက်၍ ရေးဆွဲသွားမည်ဖြစ်ကြောင်း ပြည်တွင်းအခွန်များဦးစီးဌာနမှ တာဝန်ရှိသူတစ်ဦးက ပြောကြားခဲ့သည်။
အခွန်ဆိုသည်မှာ နိုင်ငံဖွံ့ဖြိုးတိုးတက်မှုအတွက် အဓိကကျသော အချက်ဖြစ်သည့်အတွက် နိုင်ငံတော်မှ အခွန်ကောက်ခံရာတွင် ပြည်သူများ လိုက်နာပေးဆောင်နိုင်သည့် အခွန်ဖြစ်ရန်မှာ အရေးကြီးသော ကိစ္စရပ်တစ်ခုပင် ဖြစ်သည်။
နိုင်ငံတော်အစိုးရသစ်လက်ထက်မှစတင်၍ ပြည်တွင်းရှိ ပို့ကုန်လုပ်ငန်းရှင်များ အဆင်ပြေနိုင်စေရန် ၂၀၁၁ ခုနှစ် ဇူလိုင်လ အတွင်း၌ ကုန်သွယ်လုပ်ငန်းခွန် ၈ ရာခိုင်နှုန်းမှ ၅ ရာခိုင်နှုန်းသို့ လျှော့ချပေးခဲ့ပြီး သြဂုတ်လ ၁၁ ရက်နေ့တွင် ပစ္စည်းခြောက်မျိုးကို အခွန် ၆ လ ကင်းလွတ်ခွင့် ပြုခဲ့ကြောင်း သိရသည်။
ထို့ပြင် သြဂုတ်လ ၁၉ ရက်နေ့တွင် ပုဂ္ဂလိကလက်ခစား လုပ်ငန်း(စီအမ်ပီ) စနစ်ဖြင့် ဆောင်ရွက်သောလုပ်ငန်းမှ ဝင်ငွေခွန် ၁၀ ရာခိုင်နှုန်းအစား ၂ ရာခိုင်နှုန်းသို့ ပြောင်းလဲ ပြင်ဆင်သတ်မှတ်ပေးခဲ့ပြီး ၎င်းနေ့ရက်တွင်ပင် ဘဏ္ဍာရေး နှင့်အခွန်ဝန်ကြီးဌာနမှ အမိန့်ကြော်ငြာစာအမှတ် (၁၅၇/၂၀၁၁) ဖြင့် ပြည်တွင်းနေ နိုင်ငံသားနှင့် ပြည်ပနေနိုင်ငံသားများထံမှ နိုင်ငံခြားငွေဖြင့် ရရှိသည့် လစာငွေအပေါ် ပေးဆောင်ရသည့် ဝင်ငွေခွန်ကို ၁၀ ရာခိုင်နှုန်းအစား ၂ ရာခိုင်နှုန်းသို့ ၆ လ လျှော့ချသတ်မှတ်ပေးခဲ့ကြောင်း သိရသည်။
Ref: Popular News
-----------------------------------------------------------------------------------------------------------------------------------
နိုင်ငံပိုင်စီးပွားရေးလုပ်ငန်း လုံးဝမရှိစေရန် လုပ်ဆောင်မည်ဟု ပြည်ထောင်စုဝန်ကြီးပြောကြား
၂၀၁၁ ခုနှစ် သြဂုတ်လ ၁၉ ရက်နေ့တွင် ပြုလုပ်ခဲ့သည့် နိုင်ငံတော်၏ စီးပွားရေးဖွံ့ဖြိုး တိုးတက်ရေးအတွက် ပြုပြင် ပြောင်းလဲရေးဆိုင်ရာ အမျိုးသား အဆင့်အလုပ်ရုံဆွေးနွေးပွဲ၌ ပြည်ထောင်စုဝန်ကြီး ဦးစိုးသိန်းက အနာဂါတ်၌ နိုင်ငံပိုင်စီးပွားရေးလုပ်ငန်းများ လုံးဝ မရှိစေရန် ဆောင်ရွက်သွားမည် ဖြစ်ကြောင်း ပြောကြားခဲ့သည်။
အစိုးရသစ်လက်ထက်ရောက်ရှိသည့်တိုင် နိုင်ငံတော်ကပင် ဆက်လက် လုပ်ကိုင် လျက်ရှိနေသေးသည့် နိုင်ငံပိုင် စက်ရုံ၊ အလုပ်ရုံများကို ခေတ်ကာလနှင့် လျော်ညီမှုရှိစေရန် ပြုပြင်ပြောင်းလဲမှုများလုပ်ဆောင်၍ ပုဂ္ဂလိကပိုင်အဖြစ်သို့ လွှဲပြောင်းပေးသွားရန် အစီအစဉ်ရှိကြောင်း အမှတ်(၁)၊(၂) စက်မှုဝန်ကြီးဌာန ပြည်ထောင်စုဝန်ကြီး ဦးစိုးသိန်းက ပြောကြားခဲ့သည်။
လက်ရှိအချိန်မှစတင်၍ ပထမငါးနှစ်ကာလအတွင်း အစိုးရပိုင်ဆိုင်မှု နည်းပါးသွားစေရန် ဆောင်ရွက်သွားမည် ဖြစ်ပြီး ပုဂ္ဂလိကလုပ်ငန်းရှင်များ ပိုင်ဆိုင်မှု ပိုမိုများပြားလာနိုင်စေရန် လုပ်ဆောင်သွားမည်ဖြစ်ကြောင်း သိရသည်။ နောက်ပိုင်း ကာလများတွင် အစိုးရ၏ ပိုင်ဆိုင်မှု လုံးဝမရှိစေရန် စီစဉ်ဆောင်ရွက်သွားမည်ဖြစ်ကြောင်း ၎င်းက ဆက်လက်ပြောကြားခဲ့သည်။
ကမ္ဘာပေါ်ရှိ ဖွံ့ဖြိုးပြီး နိုင်ငံအများစုတွင် ပြည်တွင်း အသားတင် ထုတ်လုပ်မှုတန်ဖိုး (GDP) တွင် စက်မှုလက်မှုကဏ္ဍ ပါဝင်မှုအချိုးမှာ ၄၀ ရာခိုင်နှုန်းမှ ၅၀ ရာခိုင်နှုန်းအတွင်းရှိပြီး ဖွံ့ဖြိုးဆဲနိုင်ငံဖြစ်သည့် မြန်မာနိုင်ငံတွင်မူ ၂၆ ရာခိုင်နှုန်းခန့်သာရှိကြောင်း သိရသည်။
လက်ရှိ မြန်မာနိုင်ငံတစ်နိုင်ငံလုံးတွင် ပုဂ္ဂလိကစက်ရုံ၊ အလုပ်ရုံပေါင်း ၉၄၂၁ ရုံရှိကြောင်း သိရသည်။
Ref: 7Day News
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
“ကျွန်တော့်အနေနဲ့ကတော့ တိုင်းပြည်မှာ စီးပွားရေးအဓိကလို့ ခံယူထားတယ်။ စီးပွားရေးက အခြေခံအဆောက် အအုံလို့ဆိုတဲ့ စကားရှိတယ်။ ကျန်တဲ့လူမှုရေး၊ နိုင်ငံရေး၊ ယဉ်ကျေးမှုဆိုတာ အပေါ်ထပ်အဆောက်အအုံတွေ ဖြစ်တယ်။ ဒါတွေအားလုံးက စီးပွားရေးအကြောင်းခံ၊ အကြောင်းဖန် ကိစ္စရပ်တွေဖြစ်တယ်။ အဲဒီတော့ ကျွန်တော်က စီးပွားရေးနဲ့ ပတ်သက်တဲ့ကိစ္စတွေလွှတ်တော်ထဲမှာ အဓိကထားပြီးတော့ ဆွေးနွေးသွားမယ်။ ဒီကနေ့ အနေအထားနဲ့ ပြောရရင် ကျွန်တော်က ကုန်ဈေးနှုန်း ကြီးမြင့်တဲ့အတွက်ကြောင့် လူတွေရဲ့ ဝင်ငွေက လိုက်လို့ မမီဘူးဖြစ်နေတယ်။ အဲဒါကို ဝင်ငွေ တိုးတက်ရေးဆိုတဲ့ မူနဲ့ ဟိုတစ်ကွက် ဒီတစ်ကွက် လုပ်နေတယ်ဆိုရင် ငွေကြေးဖောင်းပွမှု အန္တရာယ်ရှိနိုင်တယ်။ အဲဒီတော့ ဒီမူဝါဒကို သုံးမယ်ဆိုရင်တောင်မှ သုံးလိုက်တဲ့ငွေကြေးတွေကို ဘယ်လိုပြန်ပြီးတော့ ဘယ်လိုပြန်ဖြည့်မလဲဆိုတဲ့ နည်းလမ်းတွေသုံးသင့်တယ်။ ဒါကျွန်တော့်အမြင်ပေါ့။ ဒီလို ကိစ္စအကြောင်း အရာတွေကို ကျွန်တော်က လွှတ်တော်မှာ ဆွေးနွေးမယ်။ ကုန်ဈေးနှုန်းကျဆင်းရေးက အဓိက ပေါ့။ ကုန်ဈေးနှုန်းကျဆင်းဖို့အတွက်ဆိုရင် ကျွန်တော့်အမြင် အရပေါ့ စားနပ်ရိက္ခာ၊ လောင်စာ၊ ကုန်ကြမ်းတွေ ပြည်တွင်းမှာ ပေါများစေတဲ့မူဝါဒကို ကျင့်သုံးစေချင်တယ်။ အဲဒီ မူဝါဒကို အခုတရုတ် က ပြောင်းလဲ ကျင့်သုံးနေမိ တယ်။ တခြားနိုင်ငံတွေမှာလည်းပြောင်းလဲကျင့်သုံးနေကြတယ်။ ဒါတွေက ကုန်ဈေးနှုန်းကျဆင်းရေးရဲ့ အခြေခံ တွေပေါ့။
သြဂုတ် ၂၅ ထုတ် ENVOY အတွဲ (၂) အမှတ် (၁၈) တွင်ပါသည့် ဦးကြည်မြင့်(လသာ) နှင့်အင်တာဗျူး ကောက်နှုတ်ချက်
-----------------------------------------------------------------------------------------------------------------------------------
“ကျွန်မတို့ ဆူးလေမှာ အချက်ပြစနစ်ရှိတဲ့ လူကူးမျဉ်းကြားတစ်ခုရှိတယ်၊ ဒါပေမယ့် အဲ့ဒီအချက်ပြစနစ်တွေ သုံးမရတာကြာနေပြီ၊ အချက်ပြစနစ် ကောင်းနေတုန်း ကတော့ လမ်းကူးရတာ အဆင်ပြေတယ်။ ကားတွေကလည်း ရပ်ပေးတယ်။ အခုတော့ ဒီလိုမဟုတ်တော့ဘူး။ အဆင်ပြေသလို ကူးနေရတာပေါ့။ ဖြစ်နိုင်ရင်တော့ မျဉ်း ကြားတိုင်းမှာ အချက်ပြစနစ်တွေရှိနေစေချင်တယ်”
သဂုတ် ၂၅ ထုတ် ENVOY အတွဲ (၂) အမှတ် (၁၈) တွင်ပါသည့် “လူကူးမျဉ်းကြားကို ယုံကြည်မှုနည်းပါး ကူးချင်သလိုကူး၊ မောင်းချင်သလိုမောင်း” သတင်းမှ အီလက်ထရောနစ်ကုမ္ပဏီကြီးတစ်ခုတွင် အလုပ်လုပ်ကိုင်နေသော စာရင်းကိုင်တစ်ဦး၏ ပြောကြားချက် အပေါ် ကောက်နှုတ်ချက်
-----------------------------------------------------------------------------------------------------------------------------------
“ကျွန်မတို့အတွက် ငါးဈေးကတင်းခံပြီး အမြင့်မှာရှိတယ်။ ဒေါ်လာဈေးက ကျနေတယ်။ ဒီအတွက် ကျွန်မတို့ရဲ့ ကင်းလွတ်ခွင့်ရတဲ့ ၈ ရာခိုင်နှုန်းဟာ ဘယ်ကို ရောက်သွားလဲဆိုတော့ ဒေါ်လာဈေးကျတဲ့အထဲကို ရောက်သွား တယ်။ ဒီအတွက် ကျွန်မတို့အကျိုးအမြတ်ကမရတော့ဘူး”
သြဂုတ် ၂၅ ထုတ် Popular New အတွဲ (၃) အမှတ် (၃၃) တွင်ပါသည့် “အခွန်ကင်းလွတ်ခွင့်အ ရသာ ဒေါ်လာ ဈေးကြောင့် ရေလုပ်ငန်းရှင်တို့ မခံစားရသေး” သတင်းမှ ရေထွက်ပို့ကုန်လုပ်ငန်းရှင် ဒေါ်တိုးနန္ဒာတင်၏ ပြော ကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
ရန်ကုန်တိုင်းဒေသကြီးအတွင်းရှိ လမ်းတံတားအခွန်အခများကိုလည်း သတ်မှတ်နှုန်းထက်ပိုကောက်ပါက လုပ်ကိုင်ခွင့် ပိတ်သိမ်းကာသက်ဆိုင်ရာ တိုင်းဒေသကြီး ဆောက်လုပ်ရေးဝန်ကြီးဌာနမှပင် တာဝန်ယူဆောင် ရွက်မည်ဖြစ်ကြောင်း ထုတ်ပြန်ချက်များအရ သိရသည်။
“တံတားကြေးတွေကတော့ ပိုပေးနေရတုန်းပဲ။ ပဲခူးမှာရော ရန်ကုန်တိုင်းဒေသကြီးမှာရောရှိနေတယ်။ ပုသိမ်က အချို့တံတားတွေဆိုရင် စီမံကိန်းဝင် တံတားထက်ကို ပိုပေးနေရတယ်” ဟု ဘုရင့်နောင်မှ အဝေးပြေး ကုန်စည်ပို့ဆောင်ရေး လုပ်ငန်းရှင်တစ်ဦးကပြောသည်။
သြဂုတ် ၂၅ ထုတ် Popular New အတွဲ (၃) အမှတ် (၃၃) တွင်ပါသည့် “လမ်းတံတားကြေး ပိုကောက်ပါက လေလံသိမ်းသည်အထိ အရေးယူမည်” သတင်းမှ ကောက်နှုတ်ချက်
×××××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
အစိုးရသစ်နှင့် မီဒီယာလွတ်လပ်ခွင့်
အစိုးရသစ် စတင်တာဝန်ယူယူခြင်း နိုင်ငံတော် သမ္မတဦးသိန်းစိန် တိုင်းပြည်သို့ ပြောကြားသည့် မိန့်ခွန်းတွင် မီဒီယာလွတ်လပ်ခွင့် ဟူသော စတုတ္ထမဏ္ဍိုင် အကြောင်းကို ထည့်သွင်းပြောကြားသွားခဲ့သည်ကို တွေ့ရပြီး အစိုးရသစ်မဖွဲ့စည်းမှီ ရွေးကောက်ပွဲ အကြိုကာလကပင် သတင်း လွတ်လပ်ခွင့်နှင့် ပတ်သက်သည့် ဖြေလျော့မှုအချို့ကို လည်းတွေ့ခဲ့ရပြီးဖြစ်သည်။ ထို့ကြောင့် အစိုးရသစ်လက်ထက်တွင် မီဒီယာလွတ်လပ်မှု ပိုမိုရရှိလာမည်ဟု မျှော်လင့်ခဲ့ကြပြီး အမှန်တကယ်လည်း မီဒီယာ လွတ်လပ်ခွင့်မှာ လွန်ခဲ့သည့် ဆယ်စုနှစ်များနှင့် လုံးဝကွဲပြားစွာရရှိခဲ့ပြီဟု ဆိုရမည်ဖြစ်သည်။ သို့ရာတွင် လွတ်လပ်စွာရေးသား ဖော်ထုတ်ခွင့်ဟူသော သစ်သီးကို အာသာငမ်းငမ်းတပ်မက်လာခဲ့သည့် မြန်မာ့မီဒီယာလောကသည် အစိုးရမှ ဖြေလျော့တန်သမျှ ဖြေလျော့နေသည့်တိုင် အာသာ မပြေနိုင် သေးဟုဆိုရ မည်ဖြစ်ပြီး ထိုအချက်ကို အပြစ်မတင်သင့်ပါ။ အဘယ့်ကြောင့်ဆိုသော် မြန်မာပြည်သူလူထုအတွင်း၌ နှစ်ပေါင်းများစွာ ပြန်လှန်မပြောဝံ့ဘဲ ကြိတ်မှိတ်ခံစားခဲ့ရသော ဒုက္ခများ၊ ဝေဒနာများအတွက် ရင်ဖွင့် စရာများ၊ ဟစ်ကြွေးစရာများမှာ ပြော၍မကုန်နိုင်အောင်ပင် ရှိနေကြရာ လွတ်လပ်စွာထုတ်ဖော်ပြောဆိုခွင့်ဟူသော မျှော်လင့်ချက် ရောင်ခြည်လေးသန်းလာချိန်တွင် မျိုသိပ်ထားရသမျှ စိတ်လွတ်ကိုယ်လွတ် အားပါးတရ ရင်ဖွင့်လိုကြ၊ ဒီမိုကရေစီ အစိုးရဆိုသူ အား တိုင်တည်လိုကြသည်။ ဤတွင် ပြည်သူ့အသံကို ကိုယ်စားပြုရသည့် မီဒီယာသည် ပြည်သူတို့၏ ထောင်သောင်းချီသော အသံပေါင်းစုံကို အားကြိုးမာန်တက်ရေးသားတင်ပြလိုသည်မှာ အပြစ်တင်ရမည့် ကိစ္စမဟုတ်တော့ပေ။ သို့ရာတွင် ဒီမိုကရေစီရပြီ ဟုဆိုတိုင်း၊ အရပ်သားအစိုးရတက်လာပြီဆိုတိုင်း မိမိတို့သည် အမှန်တရားကို ထုတ်ဖော်ခြင်းဖြစ်၍ ရေးချင်ရာရေး၍ ရပြီဟု မယူဆအပ်ပေ။ ဤသည်မှာ အစိုးရကို ဖော်လံဖား လုပ်ခြင်းမဟုတ်၊ မရှိတာထက် မသိတာခက်ဆိုသကဲ့သို့ပင် မိမိတိုင်းပြည်၏ အခြေအနေကို သဘောပေါက် နားလည်သင့်သည့် အခြေအနေလည်းဖြစ်သည်။
တိုင်းပြည်ကား စစ်အစိုးရမှ ပုဂ္ဂိုလ်များ ၊ တနည်းအားဖြင့် မီဒီယာလွတ်လပ်ခွင့်ကို နားခါးခဲ့ကြသူများ၏ ဦးဆောင်မှုဖြင့် ဒီမိုကရေစီစနစ်ကို စတင်ကူးပြောင်းခဲ့ရခြင်းဖြစ်သည့်အားလျော်စွာ ထိုပုဂ္ဂိုလ်ကြီးများအနေဖြင့်လည်း ရင်တထိတ်ထိတ်ဖြင့် ခွင့်ပြု ခဲ့ရခြင်းဖြစ်သည်။ ထို့ပြင် စစ်သားဘဝမှ သမ္မတဘဝသို့ ကူးပြောင်းခဲ့သည့် အနှီပုဂ္ဂိုလ်ကြီးများကို ဒီမိုကရေစီ ဒေါင်ဒေါင်မြည် နိုင်ငံကြီးများမှ သမ္မတကြီးများ၊ အစိုးရဝန်ကြီးများကို ဝေဖန်သကဲ့သို့ပြောင်ပြောင်တင်းတင်းဝေဖန်နိုင်သည့် အခြေအနေကို မမျှော်လင့်သင့်သေးသည့် အခြေအနေလည်း ဖြစ်သည်။ ယခင်က မည်သူ့ကိုမျှ မဝေဖန်ရဟူသော နေရာတွင် မင်းတုန်းမင်းကြီး၏ “ နန်းတွင်းအရာရှိများမကောင်းလျှင် ယင်းတို့ကိုရေး၊ ငါမကောင်းလျှင်၊ ငါ့ကိုရေး၊ မိဖုးရားမကောင်းလျှင် မိဖုရားကိုရေး” ဟူသကဲ့သို့ သတင်းလွတ်လပ်ခွင့်မျိုး မရသေးသည့်တိုင် အစိုးရသစ်အနေဖြင့် “ နိုင်ငံတော်ဝန်ထမ်းများမကောင်းလျှင် ယဉ်ယဉ်ကျေးကျေး နှင့် သက်သက်ညှာညှာ သက်သေသက္ကာယ ခိုင်လုံစွာရေး၊ ငါတို့မကောင်းလျှင် မရေးနှင့်ဦး တိုးတိုးတိတ်တိတ် လာပြော၊ နောက်တော့ပြင်ပါ့မယ် ” ဆိုသည့် အခြေအနေတစ်ရပ်ကိုတော့ လက်ခံသည့် အခြေအနေတော့ ရှိလာသည်ဟုဆိုရမည်။ မည်သို့ပင်ဆိုစေကာမူ သတင်းမီဒီယာအနေဖြင့် အစိုးရနှင့် အစိုးရအဖွဲ့၏ မူဝါဒများအပေါ် လွတ်လပ်စွာ ဝေဖန်ခွင့်ရှိပါသည်။ သို့ရာတွင် ငါ့စကား ငါ့နွားရရ ပြောဆိုခြင်းထက် အကျိုးအကြောင်းခိုင်လုံစွာ ရေးသားတင်ပြနိုင်လျှင် ပိုကောင်းသည်။ ဒီမိုကရေစီ ဆိုသည်မှာ အစိုးရကို ဆဲဆိုခွင့်၊ ရိုင်းပျစွာရေးသားခွင့်မဟုတ်သည်ကို သတိချပ်ရာသည်။
သမ္မတဦးသိန်းစိန် အစိုးရ၏ မူဝါဒများကို ဝေဖန်ရာတွင် အမေရိကန်သမ္မတ အိုဘားမား၏ အစိုးရအဖွဲ့နှင့် ခိုင်းနှိုင်း ဝေဖန်လျှင် မတရားရာ ကျမည်။ အိုဘားမားနှင့် အမေရိကန်မီဒီယာ တနည်းအားဖြင့် ယင်းအစိုးရနှင့် ယင်းနိုင်ငံ၏ မီဒီယာတို့ကား ဒီမိုကရေစီစနစ်ကို နှစ်ပေါင်းသုံးရာကျော်ဖြတ်သန်းခဲ့ရသော လူ့အဖွဲ့အစည်းကြီးတွင် ကျင်လည်ခဲ့ရခြင်းဖြစ်ရာ အစိုးရမှ မီဒီယာ၏ ဝေဖန်မှုကို လက်ခံနိုင်စွမ်းရှိမှုနှင့် မီဒီယာ၏ မျှတသော ဝေဖန်မှုဟူတည်း ဟူသော အပေးအယူနှစ်ခုမှာ ညီညွတ်မျှတ နေခဲ့ပြီးဖြစ်သည်။ ထို့ကြောင့် မြန်မာ့မီဒီယာလောကသည် ဒီမိုကရေစီ ဒေါင်ဒေါင်မြည်နိုင်ငံကြီးများကဲ့သို့ လွတ်လပ်စွာ မရေသေး ပါဟုဆိုလျှင် မြန်မာ့ဒီမိုကရေစီစနစ်သည် လသားမျှပင် ရှိသေးသည့် အချက်ကိုလည်း ထည့်သွင်းစဉ်းစားရာသည်။ မြန်မာ့ မီဒီယာလွတ် လပ်ခွင့်ကား အခြားဒီမိုကရေစီ နိုင်ငံများနှင့်ယှဉ်လျှက် ကကြီးကခွေးသာ ရှိသေးသည်ဟု ဆိုငြားအံ့၊ မြန်မာ့ဒီမိုကရေစီ သည်လည်း စလုံးရေ စပင်ရှိပါသေးသည်ဟု ဆိုရမည်သာ။
နိုင်ငံတွင် အဆင်သင့် မဖြစ်သေးသည့် မူဝါဒတစ်ရပ်ကို ဝေဖန်နေလျှင် ရေးသားထောက်ပြနေလျှင် အစိုးရအတွက် အခက်အခဲဖြစ်ပေမည်။ ယခုအချိန်သည် တိုင်းပြည်ကို ပြန်လည်တည်ဆောက်နေရသေးချိန်ဖြစ်ရာ အစိုးရကို ထိန်းကျောင်းတည့်မတ်ဖို့ထက် လမ်းလျှောက်သင်ကာစ အစိုးရကို ကူညီဖေးမသည့် အရေးအသားမျိုးဖြစ်သင့်သည်။ အဂတိလိုက်စားမှု မကောင်း ဆိုသည်မှာ လူတိုင်းသိသော အရာတစ်ခုဖြစ်သည်။ ထိုကိစ္စကို အထောက်အထားနှင့်တကွ တိုင်ကြားလျှင် အရေးယူပါမည်ဟု လည်းအစိုးရက ကြေညာထားပြီးဖြစ်သည်။ ထိုကဲ့သို့ အဂတိ လိုက်စားမှု အကြောင်းသာ ရေးသားရလျှင် မြန်မာပြည်တွင် ထုတ်သည့် ဂျာနယ်အားလုံး၏ စာမျက်နှာအားလုံးတွင် တစ်နှစ်လောက် နေရာယူသွားဖွယ်ရှိသည်။ အမှန်တရားကို ရေးသား ခြင်းဖြစ်သော်လည်း အဂတိလိုက်စားမှုဖြင့် အစိုးရက အရေးယူလျှင် တစ်တိုင်းပြည်လုံးရှိ ဝန်ထမ်းမှန်သမျှ ထုတ်ပယ်ရန်သာ ရှိတော့သည်။ ထိုသို့ထုတ်ပယ်ခဲ့လျှင် ဗျူရိုကရေစီ ယန္တရား ပြိုသွားမည်၊ သာမန်လဘက်ရည်ဖိုးဖြင့် ပြီးနိုင်သည့် ရုံးလုပ်ငန်းတစ်ခု သည် လေးငါးရက်ခန့်ကြာသွားသည့် ကြိုးနီစနစ် မျိုးပြန်ဖြစ်သွားနိုင်သည်။ ထို့ကြောင့် မီဒီယာအနေဖြင့် ထောက်ပြပြောဆိုသင့် သည်မှာ ဝန်ထမ်းများ အဂတိလိုက်စားခြင်း၏ အဓိက အကြောင်းအရင်းဖြစ်သည့် လစာငွေမလုံလောက်မှု၊ ပြည်သူ့အုပ်ချုပ်ရေး ပညာရပ်များ ခေတ်နှင့်လျော်ညီစွာမရှိမှု စသည်တို့ကို ထောက်ပြပြောဆို၍ လစာငွေမြှင့်တင်ပေးရေး၊ အစိုးရဝန်ထမ်းများ အရည်အသွေးတိုးတက်မြင့်မားရေး၊ ကြိုးနီစနစ်တွင် မလိုလားအပ်သည့် ဥပဒေများ လျော့ချရေးနှင့် ဗဟိုဝန်ထမ်း တက္ကသိုလ် များကို ခေတ်နှင့်အညီ ပြုပြင်ပြောင်းလဲရေးများကို ရေးသား အကြံပြုရမည်။ ထိုသို့ တစ်ဖက်ကလည်း အဂတိ လိုက်စားမှု လျော့ချနိုင်ရန် အကြံပြုရေးသားသလို အစိုးရမှ အဂတိလိုက်စားသည့် ဝန်ထမ်းကို အရေးယူသည့် သတင်းများကို အသိအမှတ် ပြုဖော်ပြသင့်သည်။ အဂတိ လိုက်စားမှုကို မီဒီယာလွတ်လပ်ခွင့် ဟူသော အယူအဆစွဲကိုင်၍ ရေးကောင်းတိုင်းရေးနေလျှင် တစ်နိုင်ငံလုံးရှိ ဝန်ထမ်းများ မနည်းမနော အလုပ်ပြုတ်သည့် သတင်းများသည် ဂုဏ်ယူစရာမဟုတ်၊ စာစောင်ရောင်းအားတက် သော်လည်း တစ်နိုင်ငံလုံး သူခိုးချည်းဟူ၍ နိုင်ငံ၏ ဂုဏ်သိက္ခာ ကျဆင်းဖွယ်ရာသာ ဖြစ်ပေလိမ့်မည်။
သြဂုတ်လ ၂၂ရက်နေ့က ကျင်းပခဲ့သော ပြည်သူ့လွှတ်တော် အစည်းအဝေးတွင် လွှတ်တော်ဥက္ကဋ္ဌ သူရဦးရွှေမန်းက မီဒီယာများ၏ ဝေဖန်အကြံပြုမှုကို ခံယူသွားမည်ဟု ကတိပေးခဲ့သည်။ ပြုပြင်ပြောင်းလဲမှုကို လိုလားသည့် သမ္မတနှင့် လွှတ်တော်ဥက္ကဋ္ဌလည်း ရှိနေချိန်တွင် ပြည်ပန်းညို ချိုပါလျှက် ဆားကဖျက်ဟူသော ပြန်ကြားရေးဝန်ကြီး ဦးကျော်ဆန်းကဲ့သို့ ပုဂ္ဂိုလ်မျိုးလည်းရှိနေသေးသည်ကို သတိပြုရဦးမည်။ အနှီပုဂ္ဂိုလ်ကြီးကြား ပြည်သူ့လွှတ်တော် ဥက္ကဋ္ဌကြီး၏ မိန့်ခွန်းကိုပင် ကန့်သတ်ဆင်ဆာဖြတ်နိုင်သည့် အခွင့်အာဏာရှိပြန်ရာ သတင်းသမားတို့ လွတ်လပ်စွာ ထုတ်ဖော်ပြောဆိုခွင့် မရသည့်အချက်မှာ ဝမ်းနည်းစရာတော့ မဟုတ်ပေ။ မီဒီယာကို မီဒီယာနှင့် ပြန်တိုက်ရမည်ဟု ကြွေးကြော် ထားသည့် ဦးကျော်ဆန်း၏ အစိုးရသစ်လက်ထက် သတင်းစာရှင်းလင်းပွဲများကို အသေအချာ လေ့လာကြည့်ပါက ယခင် အစိုးရဟောင်းလက် ထက်နှင့် ထူးမခြားနားဖြစ်သည်ကို သတိပြုမိပေလိမ့်မည်။ သမ္မတနှင့် လွှတ်တော်ဥက္ကဋ္ဌတို့ ယခင်အစိုးရဟောင်းမှ လေသံများကို စွန့်လွှတ်၍ အပြုသဘောဆောင်သည့် မိန့်ခွန်းများ ပြောဆိုလာကြချိန်တွင် ပြန်ကြားရေးဝန်ကြီးမှာ အပြောင်းအလဲမရှိဟု ဆိုရမည်ဖြစ်ပြီး ထိုသို့ အပြောင်း အလဲမရှိခြင်းမှာလည်း တမင်တကာပင် လုပ်ယူထားခြင်းဖြစ်သည်ကို သတိပြုရမည်။ ဦးကျော်ဆန်းကား အပြောင်းအလဲ ပြုလုပ်လိုသူမဟုတ်။ ပြည်သူ၏ အမြင်တွင် အစိုးရသစ်မှာ အပြောင်းအလဲမရှိ၊ ယခင်စစ်ဗိုလ်ချုပ်ဟောင်းများသား ဆက်လက်အုပ်ချုပ်မည်၊ စစ်အစိုးရနှင့် ဘာမှ မထူးဟူသော မက်ဆေ့ကို တမင်တကာပေးနေသည်။ အကြောင်းမှာ ဒီမိုကရေစီ ပန်းတိုင်သို့ ချီတက်နေကြသူများကို လက်လျော့အားပျက် သွားစေရန်ဖြစ်သည်။ အပြောင်းအလဲမရှိဟု ယူဆသူများပြားလေလေ ဒီမိုကရေစီ အခြေခံအုတ်မြစ် တည်ဆောက်နိုင်မှု အားပျော့လေဖြစ်ရာ ထိုသို့ ဒီမိုကရေစီ စံနှုန်းများ အားပျော့လာသည်နှင့်အမျှ လွတ်လပ်စွာ ထုတ်ဖော်ပြောဆိုခွင့် အတွက် စံနှုန်းများတည်ဆောက်နိုင်မှုလည်း အားလျော့သွားပေလိမ့်မည်။ ထို့ကြောင့် မြန်မာ့မီဒီယာအနေဖြင့် ပြန်ကြားရေးဝန်ကြီး၏ ပရိယာယ်အတွင်း မသက်ဆင်းမိရန်လိုအပ်ပြီး လက်ရှိ အခြေအနေကို စိတ်ပျက်အားလျော့ခြင်းမပြုဘဲ တိကျမှန်ကန်သော သတင်းများကို လိမ်မာပါးနပ်စွာ ထုတ်ပြန်နိုင်ရန် ကြိုးပမ်းရမည်ဖြစ်သည်။
နိဂုံးချုပ်ဆိုရပါမူ လက်ရှိအခြေအနေကား နိုင်ငံတော်မှာ ဒီမိုကရေစီ ဒေါင်ဒါင်မြည်မဖြစ်သေး။ ဒီမိုကရက်တစ် စံနှုန်းများတည်ဆောက်နေသေးချိန် ပင်ဖြစ်ရာ အခြားတိုင်းပြည်များနှင့် မနှိုင်းယှဉ်အပ်ပေ။ မီဒီယာလွတ်လပ်ခွင့်၊ လွတ်လပ်စွာ ဖော်ထုတ်ရေးသားပိုင်ခွင့် ဟူသော ဆန္ဒကို အသာမြိုသိပ်၍ နိုင်ငံတည်ဆောက်ရေးအတွက် တစ်နည်းအားဖြင့် နိုင်ငံတည်ဆောက်ရေးအတွက် အစိုးရနှင့်သာမက ပဉ္စမမဏ္ဍိုင်ဖြစ်သော ပြည်သူလူထုကြီးနှင့် လက်တွဲဆောင်ရွက်နေသည့် စတုတ္ထမဏ္ဍိုင်အဖြစ် ခံယူထားရမည့် အခြေအနေပင်ဖြစ်သည်။
×××××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
