Posts
 | yangonchronicle 2011 - (2) |
၁၁.၁၁.၂ဝ၁၁
ဘာသာပြန်သတင်းများ ( အပိုင်း - ၂)
- အိန္ဒိယ၏ Kudankulan နျူကလီးယားစက်ရုံ ပြီးစီးရန်နှောင့်နှေး
(10 Nov 2011 ရက်စွဲပါ BBC News မှ Commissioning of India Kudankulan nuclear plant delayed ကို ဘာသာပြန်သည်)
- မြန်မာအစိုးရ တစ်ချိုးထဲ ပြောင်းလဲ
(The Diplomat မှ 11 Nov 2011 ရက်စွဲပါ Burma government turns one သတင်းဆောင်းပါးကို ဘာသာပြန်ဆိုသည်)
**************************************************************************
ဘာသာပြန်သတင်းများ
အိန္ဒိယ၏ Kudankulan နျူကလီးယားစက်ရုံ ပြီးစီးရန်နှောင့်နှေး
(10 Nov 2011 ရက်စွဲပါ BBC News မှ Commissioning of India Kudankulan nuclear plant delayed ကို ဘာသာပြန်သည်)
အိန္ဒိယ၏ Tamil Nadu ပြည်နယ်ရှိ အငြင်ပွားဖွယ် နျူကလီးယား စက်ရုံမှ လုပ်ဆောင်ရန်ရှိသည်များ လအနည်းငယ်ခန့် နှောင့်နှေးလျက် ရှိကြောင်း တာဝန်ရှိသူများက BBC သို့ပြောကြားခဲ့သည်။
Kudankulam စက်ရုံအကြီးအကဲ Balaji က ပြောကြားရာတွင် ထိုသို့ နှောင့်နှေးရခြင်းမှာ လုပ်ငန်းခွင်နေရာတွင် လူထုဆန္ဒပြမှုကြောင့် ဆောက်လုပ်ရေးလုပ်ငန်းကို အနှောင့်အယှက်ဖြစ်ရကြောင်း ပြောခဲ့သည်။
အောက်တိုဘာလ (၁၃) ရက်နေ့ကတည်းက ဆန္ဒပြသူများက ပိတ်ဆို့ထားခြင်းဖြစ်ကြောင်း ၎င်းကပြောသည်။
ဆန္ဒပြသူများက ပြောကြားရာတွင် အဆောက်အဦးသည် လုံခြုံမှုမရှိကြောင်း၊ ငလျင်ဧရိယာတွင် ကျရောက်နေကြောင်း ပြောသည်။
၎င်းတို့သည် ဂျပန်နိုင်ငံ၏ ဖူကူရှီးမား စက်ရုံကဲ့သို့ ဖြစ်မည်ကို ကြောက်ရွံ့နေကြပါသည်။ သို့သော် တာဝန်ရှိ ပုဂ္ဂိုလ်များကမူ ထိုဒေသသည် ဆိုက်စမစ်လှုပ်ရှားမှု နိမ့်သောဒေသဖြစ်ကြောင်း ပြောကြသည်။
အဆိုပါ စက်ရုံသည် ဒေါ်လာ ၃ ဘီလီယံတန်ဖိုးရှိပြီး ဒီဇိုင်းဆွဲခြင်း၊ ဆောက်လုပ်ခြင်းမှာ ဆယ်စုနှစ် နှစ်ခုခန့် ရှိပြီဖြစ်ပြီး ရုရှားအကူအညီဖြင့် နျူကလီးယားစက်ရုံ(reactors) နှစ်ခုတပ်ဆင်ထားပါသည်။
“နှောင့်နှေးမှုတွေ ဖြစ်နေတာတော့ အသေအချာပါပဲ” ပာု Balaji က BBC သို့ ပြောကြားခဲ့ပါသည်။
“ကျွန်တော်တို့ သြဂုတ်လက အရေးပေါ် စမ်းသပ်လည်ပတ်မှုတွေ ပြီးဆုံးခဲ့ပါတယ်။ စစ်ဆေးရေးလုပ်ငန်းများ အပြီးသတ်ရန် ကြိုးစားနေချိန်မှာ၊ လူထုရဲ့ဒေါသ ဖြစ်မှုပာာ ကျွန်တော်တို့လုပ်ငန်းကို အနှောင့်ယှက်ဖြစ်စေပါတယ်။” ပာု ၎င်းကပြောပါသည်။
စက်ရုံ၏ ပထမအပိုင်းကို အပြီးသတ်ရန်ကိစ္စတွင် သုံးလေးလခန့် နှောင့်နှေးမှုရှိနေကြောင်း ထို့ကြောင့် ဒုတိယအပိုင်းသည်လည်း သတ်မှတ် ရက်ထက် နောက်ကျတော့မည်ဖြစ်ကြောင်း ၎င်းကပင်ပြောပါသည်။
လူထု၏ ဆန္ဒပြမှုများဆက်လက်ဖြစ်ပေါ်နေခြင်းကြောင့် စက်ရုံမှ ရုရှားပညာရှင်များ အိမ်ပြန်ရန် ပြင်ဆင်နေကြောင်း မီဒီယာများ၏ သတင်း ဖော်ပြချက်များကို Balaji က ပြင်းထန်စွာ ငြင်းဆိုခဲ့ပါသည်။
Balaji က လုံခြုံမှုရှိကြောင်း၊ ဓာတ်ရောင်ခြည်ယိုစိမ့်မှု လည်းမရှိကြောင်း သို့သော် နျူကလီးယား စွန့်ပစ်ပစ္စည်း များကို မည်သည့်နေရာတွင် သိုလှောင်မည်ကို မဆုံးဖြတ်ရသေးကြောင်း ၎င်းကဆိုပါသည်။ အစိုးရကမူ Kudankulam တွင် မည်သည့် စွန်ပစ်ပစ္စည်ှးမျှ ထားရှိမည်မပာုတ်ကြောင်း ပြောကြားခဲ့ပါသည်။
တနလာင်္နေ့က အိန္ဒိယသမ္မတလောင်း သိပ္ပံပညာရှင် APJ Abdul Kalam က အဆိုပါ စက်ရုံသို့ သွားရောက် လည်ပတ်စဉ်တွင် လုံခြုံမှု အပြည့်ရှိကြောင်း ပြောကြားခဲ့ပါသည်။
စက်ရုံတွင် အသေအချာစီမံထားသော လုံခြုံရေးအတွက် စိတ်ချရသော ကိရိယာများ တပ်ဆင်ထားခြင်းကြောင့် ကြောက်ရွှံ့ရန်မလိုကြောင်း Mr.Kalam က ပြောကြားခဲ့ပါသည်။
၎င်းသည် ကြားဝင် ညှိနှိုင်းပေးသူသော်လည်းကောင်း၊ အစိုးရ ကိုယ်စားလှယ်သော်လည်းကောင်း မပာုတ်ကြောင်း၊ ပညာရှင် တစ်ယောက်သာ ဖြစ်ကြောင်း Mr.Kalam က ပြောကြားခဲ့ပါသည်။
“နျူကလီးယားစွမ်းအင်သည် နေရောင်ခြည်စွမ်းအင်၊ နေစွမ်းအင် တို့ကဲ့သို့ပင် သန့်ရှင်းပြီး၊ ပတ်ဝန်းကျင်ထိခိုက်မှု ကာကွယ်မှုရှိသည့် စွမ်းအင် ဖြစ်ပါတယ်။ လျင်မြန်စွာတိုးတက်နေသော တိုင်းပြည်အတွက် အလွန် လိုအပ်နေပါတယ်” ပာု ၎င်းကပြောပါသည်။
သို့သော် ဆန္ဒပြသူများက Mr.Kalam ၏ စက်ရုံကို ထောက်ခံမှုအား စိတ်ပျက်ရကြောင်း ပြောကြားခဲ့ကြပါသည်။
*************************************************************************************
မြန်မာအစိုးရ တစ်ချိုးထဲ ပြောင်းလဲ
(The Diplomat မှ 11 Nov 2011 ရက်စွဲပါ Burma government turns one သတင်းဆောင်းပါးကို ဘာသာပြန်ဆိုသည်)
မြန်မာတပ်မတော်အစိုးရသည် ၁၉၆၂ ခုနှစ် အာဏာသိမ်းပြီးနောက်ပိုင်း ပထမဆုံးအရပ်ဖက်အစိုးရကို အာဏာရရှိစေသည့် ရွေးကောက်ပွဲ များကို လွန်ခဲ့သော ၁၂ လခန့်က ကျင်းပပေးခဲ့သည်။ ၎င်းရွေးကောက်ပွဲသည် အတုအယောင် ဟု ဝိုင်းဝန်းသတ်မှတ်ခံရသည့်အပြင် ယခုတိုင်များစွာ ရှုတ်ချခြင်း ခံနေရဆဲဖြစ်သော်လည်း ထိုကဲ့သို့သော အစိုးရအပြောင်းအလဲကပင် နိုင်ငံတကာက ကြိုဆိုသော လမ်းကြောင်းပေါ်သို့ မြန်မာနိုင်ငံကို တွန်းတင်ပေးလိုက်ပြီ ဖြစ်သည်။
သမ္မတသစ်ဦးသိန်းစိန်သည် နိုင်ငံရေးပါတီများဆိုင်ရာ ဥပဒေကို ပြင်ဆင်ပေးခြင်း၊ နိုင်ငံရေးအကျဉ်းသား ၃၀၀ ခန့်ကို လွှတ်ပေးခြင်း၊ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် သင့်မြတ်ရန် ကြိုးစားလာခြင်း၊ မြန်မာပြည်သူ တစ်ရပ်လုံး ကန့်ကွက်သော မြစ်ဆုံရေလှောင်တမံ စီမံကိန်းအား တရုတ်ကို အာခံဖျက်သိမ်းပေးခြင်း စသည်တို့ကို ပြုလုပ်ခဲ့သည်။
ထို့အပြင် အလုပ်သမားသမဂ္ဂများ ဖွဲ့စည်းခွင့်ပေးသည့်အပြင် မီဒီယာဆင်ဆာစည်းကမ်းများကိုလည်း လျှော့ပေါ့ပေးခဲ့သည်။ ဤအချက်များ ကို အားတက်စရာ လက္ခဏာများအဖြစ် အများစုက ရှုမြင်လျက်ရှိကြသည်။
ဒေါ်အောင်ဆန်းစုကြည်သည်လည်း ရန်ကုန်နယ်နမိတ်ကိုကျော်ကာ ခရီးသွား၍ သူမ၏ပရိသတ်များကို တွေ့ဆုံ နိုင်ခဲ့သည်။ ဒါရိုက်တာ Lue Besson ရိုက်ကူး၍ Mitchelle Yeoh ပါဝင်သရုပ်ဆောင်ထားသော သူမ၏ ဘဝဇာတ်ကြောင်း ရုပ်ရှင် The Lady ကိုလည်း ကမ္ဘာတစ်ဝှမ်း ရုံတင်ပြသ တော့မည်။ ထိုအတောအတွင်း ဦးသိန်းစိန်အစိုးရက သူမ၏ NLD ပါတီ တရားဝင်ပြန်လည် မှတ်ပုံတင်နိုင်ရန် တံခါးဖွင့်ပေးလိုက်ပြီဖြစ်သည်။
ဤကိစ္စသည် မကြုံစဖူးကမ်းလှမ်းမှုတစ်ခုဖြစ်၍ ရွေးကောက်ပွဲဥပဒေကို ပြင်ဆင်ပြီးပါက လာမည့် ရွေးကောက်ပွဲ များတွင် NLD ပါတီ ဝင်ပြိုင်နိုင်ကြောင်း ရည်ညွှန်းခြင်းဖြစ်သည်။ ၁၅ နှစ်ခန့်နေအိမ်တွင် အကျယ်ချုပ်ထိန်းသိမ်းခံခဲ့ရသော ဒေါ်အောင်ဆန်းစုကြည်ကလည်း “သမ္မတ ဦးသိန်းစိန်၏ ပြုပြင်ပြောင်းလဲလိုစိတ်သည် စစ်မှန်၍ ရိုးသားကြောင်း” သူမ ယုံကြည်သည်ဟုပြောဆိုခဲ့သည်။
မြန်မာနိုင်ငံကို အစဉ်တစိုက်ဝေဖန်ခဲ့ကြသည့် အနောက်နိုင်ငံများကလည်း အတော်အတန်အသိအမှတ် ပြုလာ ကြသည်။ လတ်တလော Sanctions များကို ဆက်၍ထားဦးမည်ဖြစ်သော်လည်း မြန်မာအစိုးရကသာ လူ့အခွင့်အရေး ညှဉ်းပန်းမှုများရပ်ဆိုင်းကာ စစ်မှန်စွာ ပြောင်းလဲမည် ဆိုပါက တရားသဖြင့် မျှတစွာတုန့်ပြန်မည်ဟု အမေရိကန် ပြည်ထောင်စုက ပြောကြားထားသည်။
မြန်မာအစိုးရနှင့် တပ်မတော်က အနောက်နိုင်ငံ Sanctions များ ရုတ်သိမ်းသွားမှုကို လိုလားနေသည့် အပြင် ၂၀၁၄ တွင် ဂုဏ်သတင်းမွှေး အာဆီယံဥက္ကဋ္ဌ တာဝန်ကိုယူရန် နေပြည်တော်က ပြင်ဆင်နေခြင်းကြောင့် ကုလသမဂ္ဂ အဖွဲ့အစည်းများ၊ ကယ်ဆယ်ရေးအဖွဲ့အစည်းများ၊ လူ့အခွင့်အရေး အုပ်စုများက မြန်မာနိုင်ငံကို ပို၍ ဂရုတစိုက် သတိပြုလာကြသည်။
သို့သော် အပြောင်းအလဲများသည် အားကောင်းမောင်းသန်ဖြစ်ရန် အလှမ်းဝေးနေဆဲဖြစ်နေသည်။ ကျယ်ကျယ် ပြန့်ပြန့် ပြုပြင်ပြောင်းလဲမှုများ ထွက်ပေါ်လာခြင်းမရှိသေးပေ။ နိုင်ငံရေးအကျဉ်းသား ၁၉၀၀ ခန့်မှာ အကျဉ်းထောင် သံတိုင်များနောက်တွင် ကျန်ရှိနေဆဲဖြစ်သည်။ မျှတမှုကို ပေါ်လွင် စေရန် ရွေးကောက်ပွဲဥပဒေ ပြင်ဆင်မှုအပါအဝင် များစွာပြုလုပ်ရန် လိုအပ်နေသည်ဟု ဒေါ်အောင်ဆန်းစုကြည်ကလည်း ထုတ်ဖော်ပြောဆိုထားသည်။
၂၀၀၈ အခြေခံဥပဒေအရ လွှတ်တော်အမတ်နေရာ လေးပုံတစ်ပုံကို တပ်မတော်အား ပေးအပ်ထားပြီးမှ ကျန်နေရာများအတွက် မနစ်က နိုဝင်ဘာတွင် ရွေးကောက်ပွဲ ပြုလုပ်ပေးခဲ့ရာ တပ်မတော်အစိုးရက တည်ထောင်ထားသော ကြံ့ခိုင်ဖွံ့ဖြိုးရေးပါတီက ၈၀ ရာခိုင်နှုန်း အနိုင်ရရှိ သွားခဲ့သည်။
ထိုကဲ့သို့ အရပ်ဖက်လူမှုစနစ်အတွင်း စစ်တပ် ပါဝင်စွက်ဖက်ခဲ့ခြင်း၏ တိုက်ရိုက်ရလဒ်အဖြစ် တစ်ချိန်က အညွှန့်လူခဲ့ဘူးသော မြန်မာ့ စီးပွားရေးမှာ ဒေသတွင်း အောက်ဆုံးသို့ ကျဆင်းမွဲတေသွားခဲ့လေသည်။ နိုင်ငံ၏ တိုင်းရင်းသားအုပ်စုများအကြားမှ ပဋိပက္ခသည်လည်း ယခင်အတိုင်း သွေးစွန်းမြဲဖြစ်သည့်အပြင် မြန်မာ့တပ်မ တော်၏ ခြိမ်းခြောက်အနိုင်ကျင့်နှိပ်စက်မှု သတင်းများမှာလည်း အရင်းအတိုင်းထွက်ပေါ်နေမြဲပင်ဖြစ်သည်။
မြန်မာနိုင်ငံအကြောင်း နောက်ထပ်ရုပ်ရှင်ဇာတ်ကားတစ်ခုသည်လည်း မြန်မာအစိုးရ၏ စိတ်ရှည်သည်းခံမှုကို စမ်းသပ်ရန် အဆင်သင့် ဖြစ်နေပါသည်။ Bringing Justice to Women ဟု အမည်ပေးထားသော မှတ်တမ်းရုပ်ရှင်ကားသည် မြန်မာပြည်တွင်းစစ်နယ်မြေတွင် အမျိုးသမီးများအား လိင်အကြမ်းဖက်ကျူးလွန်မှုကို စစ်ပွဲ၏ လက်နက်တစ်ခုအဖြစ် စနစ်တကျအသုံးပြုနေပုံကို ကချင်ပြည်နယ်၌ မေးမြန်းထားသည့် အင်တာဗျူး များစွာကို ရိုက်ကူးထားခြင်းဖြစ်သည်။
ယင်းမှတ်တမ်း ရုပ်ရှင်နှင့်အတူ Luc Besson ၏ The Lady ဇာတ်ကားတို့သည် မြန်မာအစိုးရဆင်ဆာကို ကျော်၍ မြန်မာနိုင်ငံအတွင်း ရုံတင်ပြရန် ဖြစ်နိုင်ချေမရှိသေးပါ။
ရွေးကောက်ပွဲများအပြီး တစ်နှစ်ခန့်အလွန် နေပြည်တော်မှ အသွင်သစ်၊ ဟန်ပန်သစ်ကို ကြိုဆိုရမည် ဖြစ်သော်လည်း နှစ်ပေါင်း ၅၀ စစ်အုပ်ချုပ်ရေး ကာလတစ်လျှောက် မွေးထုတ်ပေးခဲ့သော၊ ဘာတွေ တကယ်ပြောင်းသွားသလဲဟု မေးနေကြဆဲဖြစ်သော ဝေဖန်ဆန်းစစ်သူများစွာကို အနိုင်ယူနိုင်ရန်အတွက် မြန်မာ့တပ်မတော်နှင့် သမ္မတဦးသိန်းစိန်အစိုးရတို့အနေဖြင့် များစွာအချိန်ယူလုပ်ဆောင်ရဦးမည်ဖြစ်ပေသည်။
***************************************************************************************
Google Docs makes it easy to create, store and share online documents, spreadsheets and presentations.
