Posts
 | yangonchronicle2011 Op-Ed |
၂၀.၁.၂၀၁၂
ဆောင်းပါးကဏ္ဍ
- Change အကောင်းတွေ ပိုမြန်နိုင်ကြပါမှ
****************************************
ဆောင်းပါးကဏ္ဍ
Change အကောင်းတွေ ပိုမြန်နိုင်ကြပါမှ
မင်းတင်
(ဇန်နဝါရီ ၁၉ ထုတ် ပြည်သူ့ခေတ်ဂျာနယ် အတွဲ (၂) အမှတ် (၇၈) မှ ထုတ်ယူဖော်ပြသည်)
နိုင်ငံရေး၊ နိုင်ငံရေးရာ စီးပွားရေး (Political Economy)နှင့် စီးပွားရေးတည်ငြိမ်မှ နိုင်ငံနှင့် နိုင်ငံသားတို့၏ ဘဝဖွံ့ ဖြိုး တိုးတက် အေးချမ်းပါမည်။ ဒါက ငြင်းမရသော လောက နိယာမတစ်ရပ်လည်းဖြစ်၏။ ယနေ့တိုင် ဆွေးနွေးနေကြဆဲ အကြောင်းများထဲမှတစ်ရပ်မှာ ပိုကောင်းမွန်သော လူမှုဘဝများဖြင် လူ့အဖွဲ့အစည်းအဖြစ် မည်သို့ တည်ဆောက်ကြမည်လဲဆိုသည့် အချက်အပေါ် ဖြစ်သည်။
ကမ္ဘာ့ဖွံ့ဖြိုးပြီး နိုင်ငံကြီးတိုင်း ဒီမိုကရေစီကို အခြေခံထားကြကြောင်း ယနေ့ ကမ္ဘာက မျက်ဝါးထင်ထင်ပြနေ၏။ ထိုနိုင်ငံကြီးများအကြောင်း၊ ဒီမို ကရေစီနှင့် လူ့အခွင့်အရေးအကြောင်း၊ ပညာရှင်များစွာက ရေးသားခဲ့၊ ရေသားနေကြဆဲဖြစ်သည်။ ဆက်၍လည်း ရေးကြရဦးမည်အမှန်။ အကြွင်းမဲ့ပြီး ပြည့်စုံသော Absolute perfe ct ကတော့ လောကီနယ်ပယ်၌ မရှိနိုင်။ သို့ငြား မိမိနှင့် မိမိလူ့အဖွဲ့အစည်း ကောင်းကျိုးအတွက် အတ္တ-ပရ မျှတစွာ ကြိုးစားကြံဆောင်လုပ်ကိုင် ကြရမည်ဆိုခြင်း ကတော့ လောကနီတိစင်စစ်ဖြစ်ပါသည်။ အတ္တပရ မျှခြေညီဖို့ ဆိုသည့်အချက်က အလွန်အရေးကြီးပါသည်။
စီတဲ့ရေ၊ ဆည်တဲ့ကန်သင်း
ယခုရက်ပိုင်းများ၌ မြန်မာနိုင်ငံသို့ ဝင်လာမှုများကို ကြည့်လျှင် Change ကို ရှေ့ဆက်စေဖို့ စီးပွားရေး ကမ်းလှမ်းချက်များဟု ယေဘုယျ ပြောနိုင်သည်။ မြန်မာ Change ဆိုသည်မှာ တစ်နှစ်နီးပါးအားလုံးပြောလာခဲ့ ကြပြီးဖြစ်သော ဒီမိုကရေစီရေး ပြောင်းလဲမှုဖြစ်သည်။ Reform ဆိုသည်မှာ လမ်းကြောင်းပြောင်းလဲ လာသည့်အလျောက် ပြုပြင်ပြောင်းလဲတည်ဆောက်ရေး ဖြစ်သည်။ ယနေ့ Change ဟု ပြောလာသာ၊ တချို့လုပ်လာသော မြန်မာကို လမ်းကြောင်းပေါ် ရောက်စေရန်၊ တစ်ဆင့်တက် Reform မြန်မြန်လုပ်နိုင်ရန် ပြည်တွင်းရော နိုင်ငံတကာကပါ ဝိုင်းဝန်းနေကြချိန်ဟု မြင်ပါသည်။
ပြန်ကောက်လျှင် ဗြိတိန်နိုင်ငံခြားရေး ဝန်ကြီး ဝီလီယံဟိတ်ဂ်၏ အသေးစားချေးငွေ (Microfinance)ကိစ္စ။ ၄ နှစ်တွင်း ဒေါ်လာသန်း ၂၉၀ (ပေါင် စတာလင် ၁၈၅သန်း) ကို ဗြိတိန်မှ ထောက်ပံ့ကူညီသွားရန် (ယမန်နှစ်ကတည်းက ကမ်းလှမ်းထားပြီး) အတည်ပြုသွားခဲ့သည်။ ဗြိတိန်၏ နိုင်ငံတကာ ဖွံ့ဖြိုးရေးဌာန (DFID) ၏ ရန်ကုန်ရုံးခွဲမှ ကိုင်တွယ် စီမံသွားမည်။ ငွေစုငွေချေးသမဝါယမများ၊ ပုဂ္ဂလိက လုပ်ငန်းရှင်များနှင့် ဆွေးနွေးဆောင်ရွက်မည်။
ပညာရှင်များ၏ တွက်ချက်မှုအရ မြန်မာပြည်သူများ တကယ်လိုအပ်သော အသေးစားချေးငွေ ပမာဏ မှာ တစ်နှစ်လျှင် ဒေါ်လာသန်း ၆၉၀ ဖြစ်ပြီး တစ်ဦးချင်းစီ လက်ထဲ တိုက်ရိုက်ရောက်ဖို့လိုကြောင်း၊ မသမာမှုများ ပိုနည်းပါးစေရန် (ဥပမာ ငွေချေးပြီး ပြန်မဆပ်သူများကဲ့သို့) ဥပဒေ၊ နည်းဥပဒေများလည်း ကောင်းမွန်စွာ ရှိဖို့လို ကြောင်း Financial Times သတင်းစာ၌ ဖော်ပြထားသည်။
ဂျပန်စီးပွားရေး ကုန်သွယ်ရေးနှင့် စက်မှုဝန်ကြီး ယူကီအိုအီဒါနိုနှင့် အဖွဲ့လည်း ယခုဆို ရောက်နှင့်နေခဲ့ လောက်ပြီ၊ ဟီတာချီ၊ တိုရှီဘာ၊ မစ်ဆူအီ၊ မာရှုဘီနီတို့လို ကမ္ဘာ့ထိပ်သီးကုမ္ပဏီကြီးများမှ အဆင့်မြင့် ကိုယ်စားလှယ်များစွာနှင့်အတူ ရင်းနှီးမြုပ်နှံမှုနှင့် ကုန်သွယ်ရေးတိုးမြှင့်ရန် ဖြစ်သည်။ ဂျပန်နိုင်ငံခြားရေး ဝန်ကြီး မစ္စတာ ဂမ်ဘာ၏ ခရီးစဉ် နောက်ဆက်တွဲဖြစ်ပြီး ထိုစဉ်ကတည်းက ပြည်သူ့ခေတ်ဂျာနယ်၌ အတော်တို့ထိပြထားခဲ့ပြီးဖြစ် ပါသည်။ သီလဝါ စက်မှုဇုန်နှင့် (အဓိက) ဆိပ်ကမ်းကို နိုင်ငံတကာအဆင့်မြှင့်ရန် တောင်ကိုရီးယားမှ HANA ကုမ္ပဏီ၏ ဒေါ်လာ ၅ ဘီလျံစီမံကိန်းလည်း ရှိနေသည်။ လွန်ခဲ့သည့် အောက်တိုဘာကတည်းက ကြေညာထားခဲ့ပြီး အတည်ပြုချက်ကိုတော့ မသိရသေးဟု ဆင်ဟွာသတင်းတစ်ပုဒ်၌ ယခု နာရီပိုင်းလေးကပဲ ဖတ်လိုက်ရသည်။ စင်ကာပူ FM ကလည်း ရင်းနှီးမြှုပ်နှံမှုနှင့် ကုန်သွယ်မှု တိုးမြှင့်ရေး ခပ်မြန်မြန် ရှေ့ဆက်လုပ်သွားမည်ဟု ကတိပေးထား၏။
ထိုထို စီးဝင်လာမည့် ရေများကို မိမိတို့ဘက်မှ ထိန်းသိမ်းပြန့်ပွားအောင် လုပ်နိုင်ကြရဖို့ လိုအပ်မည်ဖြစ်ပါသည်။
Sanctions ကိစ္စ အာဆီယံပြောပြီ
ဇန်နဝါရီ ၁၁၊ ဗုဒ္ဓဟူးနေ့ အာဆီယံနိုင်ငံခြားရေးဝန်ကြီးများ အစည်းအဝေး၌ အလှည့်ကျ ဥက္ကဋ္ဌသစ်အဖြစ်ကမ္ဘာဒီယား FM မှ ကိုယ်စားပြု ပြောဆိုလိုက်ခြင်း ဖြစ်သည်။ အနောက်နိုင်ငံများမှ မြန်မာနိုင်ငံအပေါ် ချမှတ်ထားသော Sanction အားလုံး ရုပ်သိမ်းပေးဖို့ အာဆီယံအဖွဲ့ဝင်နိုင်ငံအားလုံးမှ တညီတညွတ်တည်း တောင်းဆိုကြောင်းဖြစ်ပြီး ယမန်နှစ် (အင်ဒိုနီးရှား) ကလည်း တောင်းဆိုဖူးသည်။ အာဆီယံ စိတ်ဓာတ်ဟု ဆိုရ မည်ထင်၏။ ဒေသတွင်း၊ အဖွဲ့တွင်းနိုင်ငံတစ်နိုင်ငံမှ ပြည်သူများ နိမ့်ပါးနေ သည်ကို မြင်လိုစိတ်ရှိကြပုံမရ။ Sanction ကိစ္စကို အနောက်နိုင်ငံကြီးများကတော့ မြန်မာဘယ်လောက် မြန်မြန် Change မှာလဲ။ ဒီအပေါ်သာ မူတည်သည်ဟု ပြောထားဆဖြစ်ပြီး ဥပဒေကြောင်းဖြစ်၍ လွှတ် တော်အဆင့်ဆင့် သဘောတူညီမှု ရယူဖို့လည်းရှိပါသည်။ အိုဘားမားပင် တစ်ဦးတည်းသဘောဖြင့် လုပ်ယူ၍ မရပါ။
ထားဝယ်ရေနက်ဆိပ်ကမ်း၊ ထိုင်းနှင့်မြန်မာ
ဇန်နဝါရီ ၁၂၊ ကြာသာပတေးနေ့ထုတ် နိုင်ငံပိုင်သတင်းစားများတွင် ဖတ်ရှုကြရပြီးဖြစ်ပါလိမ့်မည်။ ထိုင်းဝန်ကြီးချုပ် မြန်မာနိုင်ငံသို့ လာရောက်ခဲ့စဉ် တုန်းကလည်း ဤကိစ္စ အတန်အသင့်ရေးခဲ့ပြီး ဖြစ်ပါသည်။ ဒါက နှစ်နိုင်ငံလုံး၏ ‘ဘုံ’ အကျိုးစီးပွား လည်းဖြစ်သည်။ တကယ်လုပ်ကြလျှင် အဟုတ်ဖြစ်ကြမည့် စီမံ ကိန်းတစ်ရပ်၊ နိုင်ငံချင်းသာမက ဆက်စပ်လုပ်ငန်းရှင်များနှင့် အများပြည်သူ ဘဝများကိုပါ ကောင်းစေ နိုင်သော ကိစ္စဟု ယူဆမိပါသည်။
ထူးခြားသည်မှာ တပ်မတော်ကာကွယ်ရေးဦးစီးချုပ်မှာ မြန်မာနိုင်ငံတွင် အစိုးရသစ်အနေဖြင့် ဖြေလျှော့မှုများစွာဖြင့် ဒီမိုကရေစီစနစ် အောင်မြင်အောင် ဖော်ဆောင်လျက်၇ှိပါကြောင်း၊ နောက်ကြောင်းပြန်လှည့်ရန် မရှိပါကြောင်း၊ ထို့အပြင် နယ်စပ်ဒေသငြိမ်းချမ်းရေးနှင့် ဖွံ့ဖြိုးတိုးတက်ရေးတို့တွင် နှစ်နိုင်ငံ တပ်မတော် နှစ်ရပ်အကြားညှိနှိုင်း၍ ပူးပေါင်းဆောင်ရွက်သွားမည် ဖြစ်ပါကြောင်း ပြောကြားသွားခြင်းပင်ဖြစ်ပါသည်။ မြန်မာ့ဒီမိုကရေစီရေး၌ တပ်မတော်မှ ပထမဆုံး တရားဝင်ထုတ်ပြန် ပြောဆိုခြင်းဟု ထင်မြင်မိပါသည်။
ဤနေ့၌ပင် နှစ် ၆၀ ကျော် အပြန်အလှန် တိုက်ခိုက်လာခဲ့ကြသော KNU အဖွဲ့နှင့် ပြည်နယ်အဆင့် ပဏာမသဘောတူညီချက် ၁၁ ချက် လက်မှတ် ရေးထိုးနိုင်ခဲ့ကြောင်း သိခဲ့ရသည်။ စစ်မှန်သော ငြိမ်းချမ်းရေး အစပျိုးပေလား။ သံသ ယမြူမှုန်များအောက် အန္တရာယ်များ ရှိနေတတ်သဖြင့် စိုးရိမ်စွာ စောင့်ကြည့်ဖို့ပဲရှိနေပါသည်။
တစ်ရက်တည်း သတင်းကောင်း ၂ ပုဒ်
နိုင်ငံတော်သမ္မတ အမိန့်ဖြင့် နိုင်ငံအတွက် ပါဝင်ဆောင်ရွက်နိုင်မည့် အကျဉ်းသား ၆၅၁ ဦးအား လွတ်ငြိမ်းချမ်းသာခွင့်ပေးလိုက်ကြောင်း သတင်း ဖြစ်ပါသည်။ အများမျှော်လင့်နေကြသော ယုံကြည်ချက်ဖြင့် အလုပ်လုပ်ရင်း ထောင်ကျခဲ့ကြရသူများ၊ နိုင်ငံကို တကယ်ပြန်ကြည့်မည့်သူများ ပမာဏ ပိုများပါစေ ဟုသာ တောင့်တနေမိသည်။
ယခုဆောင်းပါရေးနေချိန်အထိ သိရှိရသမျှ ယုံကြည်ချက် အကျဉ်းသားများ လွတ်မြောက်လာသမျှမှာ- မြင်းခြံ ထောင်မှ ၁၃ ဦး (အားလုံး)၊ တောင်ကြီး ထောင်မှ ၁၁ဦးတွင် ၁၀ဦး၊ ဘူးသီးတောင်ထောင်မှ ၁၀ဦးတွင် ၉ဦး၊ သာယာဝတီထောင်မှ ၁၀ဦး (အားလုံး)၊ ဗန်းမော်ထောင်မှ အားလုံး (အရေအတွက် မသိရသေး)၊ ကျောက်ဖြူထောင်မှ ၉ဦး၊ သရက်ထောင်မှ ၁၈ဦးတွင် ၉ဦး (၉ဦးကျန်)၊ ဘားအံထောင်မှအားလုံး (အရေအတွက်မသိရသေး) တို့ဖြစ်ကြသည်။ ကျန် လွတ်မြောက်လာသူများနှင့် ထောင်စာရင်းတို့ကို အတိအကျ ဖော်ပြပေးနိုင်ရန် ပြည်သူ့ခေတ် အဖွဲ့သားများ လုံးပန်းနေကြ၏။
သိပြီးရသမျှထဲ ယုံကြည်ချက်အကျဉ်းသား ၈၈မျိုးဆက်မှ ကိုမင်းကိုနိုင်၊ ကိုကိုကြီး၊ ကိုဌေးကြွယ်၊ ကိုဂျင်မိ၊ မမီးမီး၊ ကိုလှမျိုးနောင်၊ ကိုအံ့ဘွယ်ကျော်၊ ကိုမြအေး၊ ကိုဉာဏ်လင်း၊ ကိုပြုံးချို စသူများပါဝင်၏။ တိုင်းရင်းသားထဲမှ ဦးစွန်းထွန်းဦး၊ ဦးစိုင်းညွန့်လွင်နှင့် စောနေထူး(ကရင်)တို့ပါ၏။ နောက်ပြီး တပ်မတော် ထောက်လှမ်းရေမှူးချုပ်(ဟောင်း)၊ ဝန်ကြီးချုပ်(ဟောင်း)၊ ဗိုလ်ချုပ်ကြီး(ဟောင်း) ဦးခင်ညွန့်၊ ဒုတိယဗိုလ်မှူးကြီး(ဟောင်း) စိုးညွန့်တို့ ပါဝင်၏။ ဦးဂမ္ဘီရလည်း ပါလာသည်။ တောင့်တမှု တချို့တော့ ပြည်လာပြီ၊ ဆက်ကြည့်ရပါဦးမည်။
ဒဲရစ်မစ်ချဲလ်၊ လူးဝစ္စဘာကာနှင့် ဂျိုးဇက်ခရောင်လေ
ဒဲရစ်မစ်ချဲလ်၏ တရားဝင်ရာထူးမှာ မြန်မာနိုင်ငံဆိုင်ရာ အမေရိကန်ပြည်ထောင်စု အထူးကိုယ်စားလှယ်နှင့် မူဝါဒရေးရာ ညှိနှိုင်းဆောင်ရွက်ရေးမှူး၊ သံအမတ်ကြီးဖြစ်သည်။ ယမန်နှစ် သြဂုတ်လမှစ၍ မကြာခဏ ရောက်လာသူဖြစ်သောကြောင့် မြန်မာတို့နှင့် မစိမ်းလှတော့။ ယခု စတုတ္ထအကြိမ် ၄ ရက်ခရီးစဉ်၌ ဒုတိယသမ္မတ သီဟသူရ ဦးတင်အောင်မြင့်ဦး၊ ဒေါ်အောင်ဆန်းစုကြည်တို့နှင့်တွေ့သည်။ Change ကိစ္စများ ဆက်လက်ညှိနှိုင်းသည်။ ပုဂံသို့ သွားသည်။ အသေးစား ချေးငွေကိစ္စ၊ ဖွံ့ဖြိုးမှုဆိုင်ရာ ကိစ္စများ လေ့လာသည်။
ဤ Microfinance ကိစ္စက ပုဂံဒေသတစ်ခုတည်းမဟုတ်။ တစ်နိုင်ငံလုံးတောင်သူလယ်လုပ်၊ ထင်းခုတ်မကျန် လိုအပ်နေသော ကိစ္စဖြစ်ကြောင်း အထက်၌ ဖော်ပြပြီးဖြစ်၏။ ယခု သူလာပြောချိန်၊ အာဂျင်ဒါထဲ၌ တစ်ခုပါသော ယုံကြည်ချက်အကျဉ်းသားကိစ္စကား မနက်ဖြန်၊ သန်ဘက်ခါ သိရပါမည်။ ယခု စာဖတ်နေကြချိန်၌ သိကြရလောက်ပြီ။
လူးဝစ္စဘာကာကတော့ US နိုင်ငံခြားရေးဌာန၏ လူကုန်ကူးမှုဆိုင်ရာ သံအမတ်ကြီးဖြစ်သည်။ အမျိုးသား လူ့အခွင့်အရေး ကော်မရှင်ဥက္ကဋ္ဌ ဦးဝင်မြ၊ NGOများ၊ အရပ်ဘက်အဖွဲ့အစည်းများနှင့် လိင်ကျွန်၊ ကလေးစစ်သား၊ အဓမ္မ လုပ်အားပေးခိုင်းစေမှုတို့အပေါ် လာရောက်လေ့လာခြင်းဖြစ်ပြီး အတော် ဆွေးနွေး သွားနိုင်ကြောင်း၊ ILO ရောက် အမှုအခင်းများ ကိစ္စလည်း ပါဝင်ကြောင်း၊ မြန်မာနိုင်ငံ၏ လက်ရှိ (၂၀၁၁ ရီပို့အရ) လူကုန်ကူးမှုမှာ တတိယအဆင့် ဖြစ်ပြီး ဆိုးဝါး နေကြောင်း AP သတင်းအရသိရှိရပါသည်။
ဂျိုးဇက် ခရောင်လေ (Joseph Crowley) ကတော့ ဟီလာရီကလင်တန်ခရီးစဉ်အပြီး အဆင့်အမြင့်ဆုံးသူဟု ဆိုရမည်။ US Congress အမတ်အဖြစ် မြန်မာ Sanction ကိစ္စ၌ အတော် ‘စွာ’ သူဟု သတင်းကြီးသည်။ အခြားသော ဥပဒေပြုရေးရာများ၌လည်း Congress အတွင်း လက်သံပြောင်သူဟု လူသိများပြီး ယခုဆောင်းပါးရေးချိန်၌ ရောက်ရှိခါစဖြစ်၍ ဘာတွေဆွေးနွေးမည်လဲ၊ မည်သူတို့နှင့်တွေ့မည်လည်း မသိရသေးပါ။ ဝါရှင်တန်မှ ထွက်လာခါ နီး၌တော့ အစိုးရ ထိပ်ပိုင်း ခေါင်းဆောင်များ၊ ဒေါ်အောင်ဆန်းစုကြည်၊ တိုင်းရင်းသားကိုယ်စားပြုသူများနှင့် တွေ့မည်။ ဟီလာရီခရီးစဉ်က မြန်မာကို ကမ္ဘာက အာရုံစိုက်သလို ဖြစ်လာစေခဲ့ပြီး ယခုသူ့ခရီးစဉ်က မြန်မာကို ကမ္ဘာက အာရုံစိုက်သလို ဖြစ်လာစေခဲ့ပြီး ယခုသူ့ခရီးစဉ်ကလည်း မြန်မာအနေဖြင့် Change အပေါ် မည်မျှ မြန်စေရန် ဆန္ဒရှိ သလဲ လာလေ့လာ၍ လက်များထပ်မံကမ်းပေးလိုခြင်း သဘောဆောင်သည်ဟု မီဒီယာများကို ထုတ်ပြေထားပါ၏။
မြန်မာ Change ကားနေတစ်ပေါက် မိုးတစ်ပေါက်လို ဖြစ်နေသကဲ့သို့ မြင်ရပါသည်။ မြန်ဖို့၊ ကောင်းဖို့၊ ထိုထက်ပို၍ ပြည်သူအများ ဝမ်းဝ၊ ခါးလှ ကြသည်ဟု ကမ္ဘာ့အလယ် ဂုဏ်ပြန်ထည်ဖို့က လတ်တလောအရေးကြီးနေသည်ဟုလည်း လူထုကိုကြည့်၍ တွေ့နေရပါသည်။ သို့မှသာ ဖော်ဆောင်လိုကြသည့် ဒီမိုကရေစီရေးလမ်းကြောင်းနှင့် Reform များ ဆက်လက် ဖြစ်ပေါ် တိုးတက်နိုင်ပါလိမ့်မည်။
***************************************************************************************
Google Docs makes it easy to create, store and share online documents, spreadsheets and presentations.
