Posts
 | yangonchronicle 2011- (1) |
၃ဝ.၃.၂ဝ၁၂
ဘာသာပြန်သတင်းများ
- ငွေကြေးလဲလှယ်မှုနှုန်းထားသစ်ကြောင့် အစိုးရလုပ်ငန်းများ ထိခိုက်မည်ဟု ဗဟိုဘဏ်တာဝန်ရှိသူပြော
(Reuters မှ 29 March 2012 ရက်စွဲပါ Myanmar to help state firms hurt by new FX rate- C bank ကို ဘာသာ ပြန်ဆိုသည်)
- ရွေးကောက်ပွဲတောင်ပံများကို ဖြန့်ကာ ပျံတက်တော့မည့် မြန်မာ့စီးပွားရေး
(Bloomberg news မှ 30 March 2012 ရက်စွဲပါ Myanmar economy poised to take flight as voters head to polls သတင်းကို ဘာသာ ပြန်ဆိုသည်)
**********************************************************
ငွေကြေးလဲလှယ်မှုနှုန်းထားသစ်ကြောင့် အစိုးရလုပ်ငန်းများ ထိခိုက်မည်ဟု ဗဟိုဘဏ်တာဝန်ရှိသူပြော
(Reuters မှ 29 March 2012 ရက်စွဲပါ Myanmar to help state firms hurt by new FX rate- C bank ကို ဘာသာ ပြန်ဆိုသည်)
မြန်မာနိုင်ငံတွင် လာမည့်အပတ်၌ စတင်အသက်ဝင်မည့် ငွေလဲလှယ်မှုနှုန်းထားသစ်ကြောင့် ထိခိုက်မှု ရှိမည်ဟု မျှော်လင့်ရသော နိုင်ငံပိုင် လုပ်ငန်းများအပေါ် အစိုးရအနေဖြင့် ထောက်ပံ့မှုများနှင့် ငွေချေးမှုများ ပြုလုပ်ရန် လိုအပ်ကောင်း လိုအပ်မည် ဖြစ်ကြောင်း ဗဟိုဘဏ်ဒုဥက္ကဋ္ဌ ဦးမောင်မောင်ဝင်းက ကြာသပတေးနေ့က ပြောကြားလိုက်သည်။
ယခုကဲ့သို့ ငွေကြေးလဲလှယ်မှုနှုန်း တစ်ခုတည်း ဖြစ်အောင် ပေါင်းစည်းမှုကြောင့် စီးပွားရေးကို ထိခိုက်မှုမှာ အကန့်အသတ်ဖြင့်သာ ရှိမည်ဟု မျှော်လင့်ရကြောင်း၊ အဘယ်ကြောင့်ဆိုသော် နိုင်ငံပိုင်လုပ်ငန်းများသည် စီးပွားရေး၏ ၁ဝ% သာ ရှိခြင်းကြောင့် ဖြစ်သည် ဟု ယင်းက Reuters သို့ ပြောသည်။ တစ်ဒေါ်လာလျှင် တရားဝင် ငွေလဲလှယ်နှုန်း ၆.၄ ကျပ်သာ ရှိသော လက်ရှိငွေလဲလှယ်နှုန်းကြောင့် အဓိက အကျိုးဖြစ်ထွန်းသူများမှာ နိုင်ငံပိုင်လုပ်ငန်းများ ဖြစ်သည်။ စီးပွားရေးလုပ်ငန်း အများစု အသုံးပြုနေရသော တရားမဝင် ငွေလဲလှယ်မှုနှုန်းမှာ ပြီးခဲ့သည့်လများအတွင်း ၈ဝဝ-၈၂ဝ ကျပ်လျှင် တစ်ဒေါ်လာ ဖြစ်သည်။
ယခု ထွက်ပေါ်လာမည့် စီမံထားသည့် နှုန်းရှင်စနစ်သည် ထိုနှုန်းဝန်းကျင်တွင်ပင် ရှိလိမ့်မည်ဟု ဘဏ်လုပ်ငန်းရှင်များက ခန့်မှန်းထားသည်။ "အစိုးရလုပ်ငန်းတွေက အရှုံးခံပေးရပါမယ်၊ အစိုးရကတော့ ငွေချေးပေးတာမျိုး ဆောင်ရွက်ပေးရပါလိမ့်မယ်" ဟု ဗဟိုဘဏ် တာဝန်ရှိသူက ကမ္ဘောဒီးယား နိုင်ငံ၊ ဖနွမ်းပင်တွင် ပြုလုပ်သော အစည်းအဝေးအပြီးတွင် ပြောကြားခဲ့သည်။
ငွေလဲလှယ်နှုန်းကြောင့် ငွေဖောင်းပွမှုအပေါ် သက်ရောက်မှုနည်းပါးနိုင်ကြောင်းလည်း ယင်းက ဖြည့်စွက် ပြောသည်။ မြန်မာနိုင်ငံတွင် ယခု ဖြစ်ပေါ်နေသော ငွေကြေး လဲလှယ်မှုနှုန်း အမျိုးမျိုး ဖြစ်ပေါ်နေခြင်းအား နှုန်းတစ်ခုတည်း သတ်မှတ်ရန် ၂ နှစ် ၃ နှစ်ခန့် အချိန်ယူရမည် ဖြစ်ကြောင်း ယင်းကပင် ပြောကြားသွားသည်။
*****************************************
ရွေးကောက်ပွဲတောင်ပံများကို ဖြန့်ကာ ပျံတက်တော့မည့် မြန်မာ့စီးပွားရေး
(Bloomberg news မှ 30 March 2012 ရက်စွဲပါ Myanmar economy poised to take flight as voters head to polls သတင်းကို ဘာသာ ပြန်ဆိုသည်)
မြန်မာနိုင်ငံတွင် အနောက်နှင့် စီးပွားရေးဆက်ဆံမှု အလားအလာကောင်းလာခြင်းက အစိုးရ၏ ထိန်းချုပ်မှုများကို အထိုက်အလျောက် ပြေလျော့ စေခြင်းကြောင့် ၁၉၉ဝ ခုနှစ်က အတိုက်အခံတို့၏ အောင်ပွဲကို ငြင်းပယ်ခဲ့ပြီးနောက်ပိုင်း ပထမဆုံး ကျယ်ကျယ်ပြန့်ပြန့် ပါဝင်သော ရွေးကောက်ပွဲများကို လာမည့်အပတ်တွင် ကျင်းပတော့မည် ဖြစ်သည်။
သမ္မတဦးသိန်းစိန် အစိုးရအဖွဲ့ထဲသို့ ရောက်ရှိသွားသော လွှတ်တော်အမတ်များ၏ လစ်လပ်နေရာများ အတွက် ကျင်းပမည့် ကြားဖြတ် ရွေးကောက်ပွဲများကို ဒေါ်အောင်ဆန်းစုကြည် ဦးဆောင်သော အဓိက အတိုက်အခံပါတီ ကလည်း ၁၉၉ဝ နိုင်ငံရေးပဋိပက္ခနောက်ပိုင်း ပထမဆုံးအကြိမ် ပါဝင် ယှဉ်ပြိုင်ရန် ပြင်ဆင်လျက် ရှိသည်။
တရုတ်နှင့် အိန္ဒိယအကြားတွင် တည်ရှိပြီး လူဦးရေ ၆၄ သန်းနေထိုင်သော မြန်မာနိုင်ငံမှ ဒီမိုကရေစီ အလားအလာများသည် အမေရိကန်တို့ Sanctions များ ရုတ်သိမ်းရေး စဉ်းစားအောင် တိုက်တွန်းအားပေးလျက် ရှိသောကြောင့် အမေရိကန် General Electronic နှင့် ဗြိတိန် Standard Chartered Plc ဘဏ်တို့ ပါဝင်သော အနောက် ကုမ္ပဏီများစွာတို့ကလည်း ထိုနိုင်ငံ၌ ရင်းနှီးမြှုပ်နှံရန် အခွင့်အလမ်းများကို စောင့်စားနေကြပြီ ဖြစ်သည်။ မြန်မာနိုင်ငံကို အိမ်နီးချင်း ထိုင်း GDP ၏ ၁၄% မျှသာ ရှိသောအဆင့်သို့တိုင် ကျဆင်းသွားစေသည့် နှစ်ပေါင်း ၅ဝ အထီးကျန်မှုဆိုးမွေကို ပြောင်းလဲရန် ပြင်ဆင်ရခြင်းသည် သမ္မတဦးသိန်းစိန်အတွက် မဟာစွန့်စားခန်းတစ်ခုပင် ဖြစ်သည်။
ပထမဆုံး အာရှသား ကုလအကြီးအကဲ ဦးသန့်၏ မြေးဖြစ်ပြီး မြန်မာနိုင်ငံအကြောင်း စာအုပ် ၂ အုပ် ရေးသားထားသူ သမိုင်းပညာရှင် ဦးသန့်မြင့်ဦးက "မြန်မာ့စီးပွားရေးဟာ နှစ်ပေါင်းများစွာ မပြုပြင်ဘဲ ထားခဲ့ပြီး အခု ပျံတက်တော့မယ့် လေယာဉ်ငယ်လေးတစ်စီးနဲ့ တူနေပါတယ်။ စီးပွားရေးနဲ့ ဘဏ္ဍာရေး ပိတ်ဆို့မှုတွေကတော့ ဆန့်ကျင်ဖက်အရပ်က တိုက်ခတ်နေတဲ့ အပြင်းစားလေပွေတွေပေါ့။" ဟု ဥပမာပေး တင်စားပြောသည်။
အတိုက်အခံမှန်သမျှကို တိုက်ခိုက် ချေမှုန်းသည့် တပ်မတော်အစိုးရ၏ အာဏာစီမံကိန်းကြောင့် ၁၅ နှစ် အကျယ်ချုပ် ထိန်းသိမ်းခံရပြီးနောက် လွတ်မြောက်လာသော ဒေါ်အောင်ဆန်းစုကြည်သည် ယခုအခါ လွှတ်တော် နိုင်ငံရေးလောကသို့ ဝင်ရန် ပြင်ဆင်နေပြီ ဖြစ်သည်။ မြန်မာ့လွတ်လပ်ရေး ဗိသုကာ ဗိုလ်ချုပ်အောင်ဆန်း၏ သမီးဖြစ်သူ ဒေါ်အောင်ဆန်းစုကြည်သည် ၁၉၉၁ တွင် ငြိမ်းချမ်းရေး နိုဘယ်ဆု ရရှိခဲ့ပြီး နိုင်ငံတကာ အသိုင်းအဝိုင်းက ဝိုင်းဝန်း ထောက်ခံ အားပေးခြင်းခံရသော နိုင်ငံရေး ခေါင်းဆောင်တစ်ဦး ဖြစ်လာသည်။
"ဒီရွေးကောက်ပွဲတွေဟာ အာဏာချိန်ခွင်လျှာကို အခြေခံကျကျ ပြောင်းလဲစေမှာမဟုတ်ပေမဲ့ ဒေါ်အောင်ဆန်းစုကြည်နဲ့ အစိုးရအကြား သမိုင်းဝင် စေ့စပ်မှုကို ကိုယ်စားပြုနေတဲ့အတွက် များစွာ အရေးပါနေပါတယ်။ ဒါ့ပြင် မြန်မာ့သမိုင်းရဲ့ ရှည်လျားလွန်းတဲ့ အခန်းတစ်ခုကို အဆုံးသတ်ပေးမှာလည်း ဖြစ်ပါတယ်" ဟု ဦးသန့်မြင့်ဦးက ပြောကြားသည်။
ဒေါ်အောင်ဆန်းစုကြည်သည် ပြည်ပတွင် နှစ်ပေါင်းများစွာ နေထိုင်ခဲ့ပြီးနောက် မကျန်းမာသော မိခင်ကို ပြုစုရန် ရန်ကုန်သို့ ခေတ္တပြန်လာချိန်တွင် မြန်မာ့ နိုင်ငံရေး စင်မြင့်၌ ထွက်ပေါ်လာခဲ့ခြင်း ဖြစ်သည်။ သူမသည် ၁၉၉ဝ ခုနှစ်က NLD ပါတီ အနိုင်ရခဲ့သော ရွေးကောက်ပွဲ မတိုင်မီ အာဏာပိုင်များ၏ အကျယ်ချုပ် ထိန်းသိမ်းမှုကို ခံခဲ့ရသည်။
တပ်မတော်အစိုးရ ရေးဆွဲသော ၂ဝဝ၈ အခြေခံဥပဒေကို ငြင်းပယ်ခဲ့သော ဒေါ်အောင်ဆန်းစုကြည်သည် ဦးသိန်းစိန်၏ ပြည်ခိုင်ဖြိုးပါတီ အများစု အနိုင် ရရှိခဲ့သော ၂ဝ၁ဝ ရွေးကောက်ပွဲများကိုလည်း သပိတ်မှောက် ကန့်ကွက်ခဲ့သည်။ ထိုနောက်ပိုင်း ထွက်ပေါ်လာသော သမ္မတကြီးနှင့် သူမအကြား တွေ့ဆုံမှုကြောင့် NLD ပါတီအနေဖြင့် နိုင်ငံရေးနယ်ပယ်သို့ တရားဝင် ပြန်လည် ဝင်ရောက်လာခဲ့သည်။
ကြားဖြတ် ရွေးကောက်ပွဲနှင့် ပတ်သက်၍ သမ္မတဦးသိန်းစိန်က "ရွေးကောက်ပွဲရလဒ်ကို ပြည်သူအားလုံး လက်ခံနိုင်စေဖို့ ကျွန်တော်တို့ အားလုံး အတူတကွ လုပ်ဆောင်သွားကြဖို့ လိုပါတယ်။ ပြည်သူတွေရဲ့ ဆုံးဖြတ်မှုဟာ အဓိကကျတယ်ဆိုတာကို နိုင်ငံရေးပါတီတွေအားလုံး နားလည် သဘောပေါက် ကြဖို့လည်း လိုပါတယ်" ဟု မတ်လ ၂၄ ရက်က ပြောကြားခဲ့သည်ဟု နိုင်ငံပိုင် New Light of Myanmar သတင်းစာတွင် ဖော်ပြခဲ့သည်။
နိုင်ငံရေး ပိုမိုပွင့်လင်းမှုသို့ ဦးတည်ကူးပြောင်းခြင်းသည် ကုန်သွယ်မှုတိုးတက်ရန်အတွက် ရင်းနှီးမြှုပ်နှံမှုဥပဒေ ပြန်လည်ရေးဆွဲခြင်း၊ ငွေလဲနှုန်း စနစ် ပြင်ဆင်ခြင်း စသည့် ကြိုးပမ်းမှုများနှင့်အတူ အပြိုင် ရွေ့လျက် ရှိသည်။ စီးပွားရေး ခေတ်မီအောင် ဆောင်ရွက်မှုတစ်ခုအဖြစ် ၃၅ နှစ်ကြာ ပုံသေ ငွေလဲနှုန်းကို ဖျက်သိမ်းကာ ဧပြီ ၁ ရက်မှ စ၍ မြန်မာကျပ်ငွေကို နှုန်းရှင် မျှောတော့မည်ဟု ဗဟိုဘဏ်က မတ်လ ၂၈ တွင် ထုတ်ပြန် ကြေညာထားသည်။
သဘာဝဓာတ်ငွေ့၊ ရွှေနှင့် ကျောက်မျက်ရတနာများ ကြွယ်ဝမှုနှင့်အတူ အာရှတိုက်၏ အရာမယွင်းသေးသော ဈေးကွက်သစ်တစ်ခုအဖြစ် ထွက်ပေါ်လာသော မြန်မာနိုင်ငံသည် Rogers Holdings ကုမ္ပဏီ ဥက္ကဋ္ဌ ဂျင်မ်ရော်ဂျာ ကဲ့သို့သော ရင်းနှီးမြှုပ်နှံသူများကို ဆွဲဆောင်လျက် ရှိသည်။ Bank of America Corp မှ Merrill Lynch က "မြန်မာနိုင်ငံရဲ့ တံခါးဖွင့် ပွင့်လင်းလာမှုဟာ ကစားပွဲ အလှည့်အပြောင်းပါပဲ" ဟု မှတ်ချက်ပေးသည်။
"အခုလို တံခါးဖွင့်လာခြင်းဟာ ပြင်ပ ရင်းနှီးမြှုပ်နှံမှုတွေကို လက်ခံဖို့ အဆင်သင့်ဖြစ်နေပြီလို့ တစ်ကမ္ဘာလုံးကို အချက်ပြလိုက်တာပါပဲ။ သဘာဝ သယံဇာတတွေနဲ့ ပတ်သက်လို့ လုံးဝ တံခါးဖွင့်ပေးနေတာပါ။ တကယ်ကို ကြီးမားတဲ့ အခွင့်အလမ်းပါပဲ" ဟု ထိုင်း PTTEP ရေနံကုမ္ပဏီ၏ CEO အာနွန် ဆီရီဆန်တပ်ဆင်က မတ်လ ၂၇ ရက် အင်တာဗျူးတွင် ပြောကြားသည်။
အမေရိကန်နှင့် အီးယူတို့၏ ပိတ်ဆို့ဒဏ်ခတ်မှုများက မြန်မာနိုင်ငံတွင် ရင်းနှီးမြှုပ်နှံခြင်း၊ မြန်မာ့ထွက်ကုန် ဝယ်ယူတင်သွင်းခြင်းနှင့် မြန်မာထွက် ကျောက်မျက် ရတနာများကို ပစ်မှတ်ထား တားမြစ်ထားပြီး မြန်မာနိုင်ငံသို့ လက်နက် ရောင်းချခြင်းကိုလည်း ပိတ်ပင်ထားသည်။ ထို့ပြင် မြန်မာအစိုးရ အသိုင်းအဝိုင်း၏ ပိုင်ဆိုင်မှုများကိုလည်း မလွှဲပြောင်းနိုင်အောင် ထိန်းချုပ်ထားသည်။
ယခုအခါ မြန်မာနိုင်ငံအပေါ် ပျော့ပျောင်းသည့် မူဝါဒ ပြောင်းလဲကျင့်သုံးနေသော အမေရိကန်အစိုးရ၏ မြန်မာနိုင်ငံဆိုင်ရာ အထူး ကိုယ်စားလှယ် ဒဲရက်မစ်ချယ်က "ဒီကြားဖြတ် ရွေးကောက်ပွဲတွေဟာ ပြုပြင် ပြောင်းလဲရေး လမ်းကြောင်းပေါ်က ထင်သာမြင်သာတဲ့ ခြေလှမ်းတစ်ခုပါ။ ဇန်နဝါရီလက နိုင်ငံရေး အကျဉ်းသားတွေကို လွှတ်ပေးတာနဲ့ အတူတူပါပဲ။ တကယ်လို့ လွတ်လပ်မျှတပြီး ပွင့်လင်းမြင်သာအောင် ကျင်းပပေးခဲ့တယ်လို့ ကျွန်တော်တို့ ယုံကြည်တယ် ဆိုရင် ရွေးကောက်ပွဲအပြီးမှာ ကျွန်တော်တို့ဘက်ကလည်း အသိအမှတ်ပြု တုံ့ပြန် ကူညီ အားပေးသွားမှာ ဖြစ်ပါတယ်" ဟု မတ်လ ၁၅ ရက်က သတင်းထောက်များကို ရှင်းလင်း ပြောကြားခဲ့သည်။
မြန်မာအာဏာပိုင်များက အမေရိကန်၊ အီးယူနှင့် အိမ်နီးချင်း အာဆီယံနိုင်ငံများမှ ရွေးကောက်ပွဲ လေ့လာသူများနှင့် သတင်းထောက်များကို ကန့်သတ် ရွေးချယ် ဖိတ်ကြားထားသည်။ အောက်လွှတ်တော်တွင် ၃၇ နေရာ၊ အထက်လွှတ်တော်တွင် ၆ နေရာ၊ တိုင်းနှင့် ဒေသကြီးလွှတ်တော်တွင် ၂ နေရာ လစ်လပ်နေခြင်းကို ဖြည့်တင်းရန် ကျင်းပသော ကြားဖြတ်ရွေးကောက်ပွဲတွင် နိုင်ငံရေးပါတီ ၁၇ ခုနှင့် တစ်သီးပုဂ္ဂလအမတ်လောင်း ၇ ဦးတို့ကို မဲဆန္ဒရှင်များက ရွေးချယ်ကြရမည်ဟု ယူကေအခြေစိုက် Network Myanmar အဖွဲ့က ဆိုသည်။
တိုင်းရင်းသားသူပုန်များနှင့် တိုက်ပွဲဖြစ်ပွားနေသော ကချင်ပြည်နယ်မှ မဲဆန္ဒနယ် ၃ ခုတွင်မူ လုံခြုံရေးကြောင့် ရွေးကောက်ပွဲများကို ဆိုင်းငံ့ထားမည် ဟု ဆိုသည်။ နိုင်ငံရေးပြိုင်ဘက် ရန်သူများနှင့် ငြိမ်းချမ်းရေး ရလိုသော သမ္မတဦးသိန်းစိန်အတွက် ခက်ခဲသည့် စိန်ခေါ်မှုများကို ရေတွက် ဖော်ပြထားသော နယူးယောက်အခြေစိုက် HRW ၏ မတ်လ ၂ဝ ရက်နေ့ အစီရင်ခံစာတွင် တရုတ်နယ်စပ် တလျှောက် ဇွန်လတွင် စတင်ဖြစ်ပွားခဲ့သော မြန်မာ့ တပ်မတော် ထိုးစစ်ကြောင့် ဒေသခံ ကချင်တိုင်းရင်းသား ခုနစ်သောင်းခွဲခန့် အိမ်ယာစွန့်ပစ်ကာ ထွက်ပြေးနေရသည်ဟု တင်ပြထားသည်။
"တည်တည်ငြိမ်ငြိမ်နဲ့ နောက်ပြန်မလှည့်စတမ်း အသွင်ကူးပြောင်းနေတဲ့ မြန်မာနိုင်ငံဟာ အခြားနိုင်ငံတွေ အတွက် နမူနာပုံစံသစ်တစ်ခု ဖြစ်လာမှာပါ။ အခု ၂ဝ၁၂ ကြားဖြတ် ရွေးကောက်ပွဲတွေဟာ အများကြီး ပိုပြီး လွတ်လပ်မှုရှိပါတယ်"ဟု သမ္မတ၏ အရပ်ဖက်အကြံပေး ၉ ဦးထဲမှ တစ်ဦး ဖြစ်သူ ဦးနေဇင်လတ်က ပြောသည်။
ယခင် နိုင်ငံတော် အကြီးအကဲ မိသားစု၏ အမျက်ဒေါသ သင့်ခြင်းကို ခံခဲ့ရသူ ဒေါ်အောင်ဆန်းစုကြည်သည် ယခုအခါ နိုင်ငံပိုင် ရုပ်သံ၌ အတော် အတန် လွတ်လပ်စွာ ဟောပြောခွင့် ရခဲ့သည့်အပြင် မဲဆွယ်စည်းရုံးသည့် ကာလအတွင်း နိုင်ငံအဝှမ်း ထိထိရောက်ရောက် ခရီးလှည့်လည်နိုင်ခဲ့သည်။ သူမ ကိုယ်စားပြု ယှဉ်ပြိုင်မည့် ရန်ကုန် တောင်ဖက် ကော့မှူးမဲဆန္ဒနယ်တွင် ပြုလုပ်သော ဟောပြောပွဲသို့ နဖူးစည်း စာတမ်းများ၊ အလံများ ကိုင်ဆောင် ဝှေ့ယမ်းနေသော ပြည်သူများ အရေအတွက် ထောင်ပေါင်းများစွာ တက်ရောက်ခဲ့သည်။
ယခုအခါ ထိုင်းသို့ ထွက်ပြေးသွားပြီး မြန်မာနိုင်ငံတွင် နိုင်ငံရေးပြစ်မှု များစွာနှင့် ရင်ဆိုင်နေရဆဲ ဖြစ်သူ ညိုအုန်းမြင့်က "ပြီးခဲ့တဲ့ နှစ်ပေါင်း ၂ဝ လုံးလုံး သူမကော NLD ပါတီကော ထိပ်တိုက်ရင်ဆိုင်မှုတွေ၊ ပြင်းထန်တဲ့ တုံ့ပြန် ရန်လိုမှုတွေကိုသာ ကြုံတွေ့ ခံစားခဲ့ကြရပါတယ်။ အခုအချိန်မှာတော့ နောက်ပြန် လှည့်ကြည့်ပြီး တစ်ဖက်နဲ့တစ်ဖက် အပြစ်မတင်နိုင်တော့ပါဘူး။ ကျွန်တော်တို့ ဘာကြောင့် ရှေ့ကို မရွေ့နိုင်ရမှာလဲ" ဟု ဆိုသည်။ ယင်းသည် ဒေါ်အောင်ဆန်းစုကြည်၏ ကိုယ်ရံတော်ဟောင်းတစ်ဦးလည်း ဖြစ်သည်။
*********************************************
Google Docs makes it easy to create, store and share online documents, spreadsheets and presentations.
