Posts
 | yangonchronicle 2011- (1) |
၃၀.၅.၂၀၁၂
ဘာသာပြန်သတင်းများ
- ·စစ်ဗိုလ်ချုပ်ကြီးတစ်ဖြစ်လဲ ပြုပြင်ပြောင်းလဲရေးသမား (သို့) မြန်မာသမ္မတ ဦးသိန်းစိန်
(IANS သတင်းဌာနမှ၊ 28 May 2012 ရက်စွဲပါ Myanmar President Thein Sein: Tough army man turned reformist ကိုဘာသာပြန်ဆိုသည်)
- ထိုင်းအာဏာပိုင်များ ဒေါ်စုအား ကြိုဆိုရန်ပြင်
(28 May 2012 ရက်စွဲပါ Bernama Thailand prepares to receive Suu Kyi ကိုဘာသာပြန်ဆိုသည်)
- မြန်မာနှင့် ထိုင်းသို့ ကားမောင်းသွားနိုင်မည့် စူပါဟိုင်းဝေး ဖွင့်လှစ်ရန် အိန္ဒိယစီစဉ်
(Daily Telegraph မှ 29 May 2012 ရက်စွဲပါ"India to open super highway to Burma and Thailand"သတင်းကို ဘာသာပြန်ဆိုသည်။)
***************************
ဘာသာပြန်သတင်းများ
စစ်ဗိုလ်ချုပ်ကြီးတစ်ဖြစ်လဲ ပြုပြင်ပြောင်းလဲရေးသမား (သို့) မြန်မာသမ္မတ ဦးသိန်းစိန်
(IANS သတင်းဌာနမှ၊ 28 May 2012 ရက်စွဲပါ Myanmar President Thein Sein:
Tough army man turned reformist ကိုဘာသာပြန်ဆိုသည်)
အိန္ဒိယဝန်ကြီးချုပ် မန်မိုဟန်ဆင်းနှင့် တွေ့ဆုံခဲ့သူ မြန်မာနိုင်ငံသမ္မတ ဦးသိန်းစိန်သည် စစ်ဗိုလ်ချုပ်ကြီးဟောင်းတစ်ဦးဖြစ်ပြီး တစ်ချိန်တစ်ခါက စစ်အာဏာရှင်စနစ် လက်အောက်သို့ ရောက်ရှိခဲ့သော နိုင်ငံတစ်နိုင်ငံကို ဒီမိုကရေစီလမ်းကြောင်းပေါ်သို့ ရောက်ရှိအောင် ပြုပြင်ပြောင်းလဲရေးလုပ်ငန်းစဉ်များ လုပ်ကိုင်ခဲ့သူလည်းဖြစ်သည်။
ဖိနှိပ်ချုပ်ခြယ်သော အာဏာရှင်စနစ်ကြောင့် နိုင်ငံတကာအသိုင်းအဝိုင်းတွင် အထီးကျန်အပယ်ခံဖြစ်ခဲ့သော မြန်မာနိုင်ငံ၌ အကောင်အထည်ဖော် လုပ်ဆောင်လျက်ရှိသော ပြုပြင်ပြောင်းလဲရေး လုပ်ငန်းစဉ်များအတွက် တာဝန်ရှိသူမှာ ဦးသိန်းစိန်ဆိုလျှင်လည်း မှားမည်မဟုတ်ပေ။ မြန်မာနိုင်ငံတွင် ဒီမိုကရေစီစနစ် ရှင်သန် ပေါက်ဖွားလာအောင် လုပ်ဆောင်ပြီး အိန္ဒိယတွင် ပညာသင်ကြားခဲ့ဖူးသူ ဒေါ်အောင်ဆန်းစုကြည် ပါလီမန်အမတ် ဖြစ်လာသည့်နောက် ဦးသိန်းစိန်ကို ကမ္ဘာတစ်ဝန်းက ပို၍သတိထား အာရုံစိုက်လာကြသည်။
ဦးသိန်းစိန်သည် စစ်ယူနီဖောင်းချွတ်ကာ စစ်တပ်မှ အငြိမ်းစားယူလိုက်ပြီးနောက် စစ်တပ်ကျောထောက်နောက်ခံ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ(USDP)တွင် အရေးပါသည့် ပုဂ္ဂိုလ်တစ်ဦးဖြစ်လာသည်။ ယင်းပါတီသည် နှစ်ပေါင်း ၂၀ အတွင်း ပထမဆုံးအကြိမ် ကျင်းပသည့် ဒီမိုကရေစီရွေးကောက်ပွဲတွင် အနိုင်ရရှိခဲ့ပြီး ပါလီမန် လွှတ်တော်ကိုယ်စားလှယ် နေရာအတော်များများကို လွှမ်းမိုးထားနိုင်သည်။ ဦးသိန်းစိန်သည် စစ်တက္ကသိုလ်တွင် ဘွဲ့ရရှိခဲ့ပြီး သြဇာအာဏာကြီးထွားလှသည့် မြန်မာစစ်တပ်မှ အရေးပါသည့် နေရာအတော်များများတွင် တာဝန်ထမ်းဆောင်ခဲ့ဖူးသည်။ သူသည် အဂတိလိုက်စားမှုများ၊ အလွဲသုံးစားမှုများ ကင်းရှင်းခဲ့ခြင်းကြောင့် ၂၀၀၇ ခုနှစ်၊ ယခင်စစ်အစိုးရလက်ထက်တွင် ဝန်ကြီးချုပ်ရာထူးကို ရရှိခဲ့ပြီး နောက်ဆုံးတွင် မြန်မာသမ္မတရာထူးကိုပါ ရရှိခဲ့သည်။
Foreign Policy မဂ္ဂဇင်းက စစ်ဘက်အရာရှိကြီးတစ်ဦး၏ ပြောကြားချက်ကို ကိုးကားဖော်ပြရာတွင် "ဦးသိန်းစိန်က အင်မတန် ယဉ်ကျေးသိမ်မွေ့တယ်။ ထင်ထင်ပေါ်ပေါ် ဖြစ်တဲ့သူမျိုးမဟုတ်ဘူး"ဟု ဆိုသည်။ "အဲဒီလိုဖြစ်တာ နာမည်ကျော်ကြားလာပြီးမှ မဟုတ်ပါဘူး။ အရင်တုန်းကတည်းကပါ။ သူဟာ မီဒီယာတွေနဲ့ တွေ့ဆုံရမယ့်ကိစ္စမျိုးမှာလည်း ရှက်တတ်တယ်။ ပြောရရင် သူဟာ နာမည်ကျော်လူကြိုက်များတဲ့ နိုင်ငံရေးသမားတစ်ယောက်ရဲ့ဘဝမျိုးနဲ့ မကိုက်ညီပါဘူး။ ဒါပေမဲ့ သူဟာ ရိုးသားဖြူစင်မှုရှိတယ်။ သူ့ရဲ့ရိုးသားဖြူစင်မှုက အများပြည်သူရဲ့ စာနာထောက်ထားမှုကို ရရှိစေခဲ့တာဖြစ်ပါတယ်"ပာု ၎င်းက ဆိုသည်။
သူသည် မည်မျှပင် ယဉ်ကျေးသိမ်မွေ့နေသော်ငြား လုပ်သင့်၊ လုပ်ထိုက်စရာရှိလျှင် အချိန်ဆွဲနေတတ်သူတော့ မဟုတ်ပေ။ ယမန်နှစ်အတွင်း တရုတ်ကျောထောက်နောက်ခံ မြစ်ဆုံစီမံကိန်းကြီးကို ရပ်ဆိုင်းပစ်ခဲ့မှုကို ကြည့်လျှင် သူ၏ အစွမ်းအစကို ကောင်းစွာ မြင်တွေ့နိုင်ပေသည်။ သူ၏ လုပ်ရပ်က တရုတ်ပြည်ကို များစွာအံ့အားသင့်စေခဲ့သည်။ သူရပ်ဆိုင်းခဲ့သော မြစ်ဆုံစီမံကိန်းသည် ဧရာဝတီမြစ်ဖျားပိုင်းတွင်တည်ရှိပြီး မြန်မာစစ်တပ်နှင့် ကချင်တိုင်းရင်းသား လက်နက်ကိုင်များအကြား ပဋိပက္ခနှင့် တိုက်ပွဲများကို ဖြစ်ပေါ်စေခဲ့သည်။
ဦးသိန်းစိန်သည် ယခုအခါ အသက် ၇၀ နီးပြီဖြစ်ပြီး နှလုံးရောဂါကြောင့် နှလုံး အလုပ်လုပ်စက် တပ်ဆင်ထားရကြောင်း သိရသည်။
***************************
ထိုင်းအာဏာပိုင်များ ဒေါ်စုအား ကြိုဆိုရန်ပြင်
(28 May 2012 ရက်စွဲပါ Bernama Thailand prepares to receive Suu Kyi ကိုဘာသာပြန်သည်)
ထိုင်းနိုင်ငံ အနောက်မြောက်ဘက်ရှိ တပ်ခ့်ခရိုင်မှ အာဏာပိုင်များသည် ယင်းခရိုင်ရှိ ကရင်ဒုက္ခသည်စခန်းသို့ လာရောက်မည်။ မြန်မာအတိုက်အခံခေါင်းဆောင် ဒေါ်အောင်ဆန်းစုကြည်ကို ကြိုဆိုရန် ပြင်ဆင်နေကြသည်။ ဒေါ်အောင်ဆန်းစုကြည်သည် ယခုအပတ်အကုန်တွင် ဘန်ကောက်၌ ကျင်းပမည့် ၂၀၁၂ အရှေ့အာရှအတွက် ကမ္ဘာ့စီးပွါးရေးဖိုရမ်(WEF) ကိုတက်ရောက်မည် ဖြစ်သည်။
ထိုင်းသတင်းအေဂျင်စီ(TNA)၏ အဆိုအရ သူမ၏ခရီးစဉ်မှာ ၁၉၈၈ ပြီးကတည်းက ပထမဆုံးခရီးစဉ်ဖြစ်ကြောင်း သိရှိရသည်။ သူသည် ဘန်ကောက်ရှန်ဂရီလာဟိုတယ်တွင် မေလ(၃၁)မှ ဇွန်လ (၁) ရက်ထိကျင်းပမည့် ကမ္ဘာ့စီးပွါးရေးဖိုရမ်တွင် အစိုးရအကြီးတန်းပုဂ္ဂိုလ်များ၊ အရှေ့အာရှ၏ စီးပွါးရေးဦးဆောင်ပုဂ္ဂိုလ်များနှင့်အတူ တက်ရောက်မည် ဖြစ်သည်။
သူသည် ဗုဒ္ဓဟူးနေ့တွင် ဘန်ကောက် ဆင်ခြေဖုံး Samut Sakhan နယ်ရှိ နိုင်ငံသားစီစစ်ရေးဗဟိုဌာနတွင် မြန်မာနိုင်ငံသားများထံ သွားရောက်လည်ပတ်မည်ဖြစ်ပြီး Rama II လမ်းမရှိ ပုဇွန်ဈေးကိုလည်း သွားရောက်မည် ဖြစ်သည်။
***************************
မြန်မာနှင့် ထိုင်းသို့ ကားမောင်းသွားနိုင်မည့် စူပါဟိုင်းဝေး ဖွင့်လှစ်ရန် အိန္ဒိယစီစဉ်
(Daily Telegraph မှ 29 May 2012 ရက်စွဲပါ"India to open super highway to Burma and Thailand"သတင်းကို ဘာသာပြန်ဆိုသည်။)
အိန္ဒိယနိုင်ငံသည် လက်ဖက်ထုတ်လုပ်သော အရှေ့ပိုင်း အာသံပြည်နယ်မှ မြန်မာနိုင်ငံနှင့် ထိုင်းနိုင်ငံသို့ ထိုမှတစ်ဆင့် ကမ္ဘောဒီးယား၊ ဗီယက်နမ်အထိ ကုန်စည်များ၊ Tourists များသွားလာနိုင်မည့် လေးလမ်းသွား အဝေးပြေးကားလမ်းသစ်ကို ဖွင့်လှစ်ရန် စီစဉ်နေသည်။
အဆိုပါ ၃ နိုင်ငံအဝေးပြေးကားလမ်းသစ် ဖွင့်လှစ်နိုင်ရန် စီစဉ်ရခြင်းမှာ ဘင်္ဂလားပင်လယ်အော်ကမ်းခြေ ကာလကတ္တားမှသည် တောင်တရုတ်ပင်လယ်ကမ်းခြေ ဟိုချီမင်းအထိ ကျယ်ပြန့်သည့် စီးပွားရေးဇုန်အသစ်တစ်ခု ဖန်တီးရန် ရည်ရွယ်ခြင်းဖြစ်သည်။
စီမံကိန်းပထမအဆင့်ကို ဝန်ကြီးချုပ်မန်မိုဟန်ဆင်း၏ ယခုအပတ် မြန်မာခရီးစဉ်တွင် သဘောတူညီမှုရရှိခဲ့ပြီး အာသံပြည်နယ်၊ ဇူဝါဟာတီမှစတင်၍ မန္တလေးနှင့် ရန်ကုန်ကို ဖြတ်သန်းကာ မြန်မာ၊ ထိုင်းနယ်စပ်သို့ချိတ်ဆက်မည့် စူပါဟိုင်းဝေးလမ်းသစ်ကို ၂၀၁၆ တွင် အပြီးသတ်ရန် ခေါင်းဆောင်နှစ်ဦးက ဆုံးဖြတ်ခဲ့သည်ဟု ဆိုသည်။
ကမ္ဘာ့ဒုတိယ အမြန်ဆုံးကြီးထွားနေသော အိန္ဒိယဈေးကွက်နှင့် အင်ဒိုချိုင်းနားကြားနိုင်ငံများ၏ ဈေးကွက်ကို ဆက်စပ်မည့် မဲခေါင်-အိန္ဒ်ိယ စင်္ကြန်လမ်းဖွင့်လှစ်ရာတွင် ယခုအဝေးပြေးလမ်းက အဓိကနေရာမှ ပါဝင်သည်ဟု စီးပွားရေးအကဲခတ်များက ဆိုသည်။ ကမ္ဘာ့အမြန်ဆုံး ကြီးထွားနေသော စီးပွားရေးပါဝါ တရုတ်နိုင်ငံကို ရှောင်ကွင်းသွားမည့် စီးပွားရေးဇုန်သစ် ဖွင့်လှစ်မည့် အစီအစဉ်များမှာ ယခင် မြန်မာအစိုးရအပေါ် အရေးယူချမှတ်ထားသော Sanctions ကြောင့်ယခုတိုင်အောင် နှောင့်နှေးကြန့်ကြာနေရခြင်း ဖြစ်သည်။
သို့သော် သမ္မတဦးသိန်းစိန်အစိုးရက ၂၀၁၁ ခုနှစ် ဩဂုတ်လမှစတင်၍ ဒီမိုကရေစီအပြောင်းအလဲများ ပြုလုပ်ခဲ့ပြီးနောက်ပိုင်း အနောက်အုပ်စုက Sanctions ကိုဖြေးဖြေးချင်း လျှော့ပေးနေသောကြောင့် အတားအဆီးများ ရှင်းလင်းလာနေပြီ ဖြစ်သည်။ အိန္ဒိယနိုင်ငံအတွက်လည်း မြန်မာကမ်းလွန်မှ ရေနံဓါတ်ငွေ့အခွင့်အလမ်းများ ရရှိရန် တံခါးဖွင့်သွားမည်ဖြစ်ပြီး ထိုင်းနိုင်ငံလုပ် ဂျပန်ပစ္စည်းများကိုပါရယူရန် ပိုမိုလွယ်ကူသွားမည် ဖြစ်သည်။
ထို့အပြင် နယ်မြေမအေးချမ်းမှုကြောင့် ဖွံ့ဖြိုးမှုနောက်ကျနေသော အရှေ့မြောက်ပိုင်း မဏိပူရနှင့် နာဂါလန် ပြည်နယ်များကိုလည်း ဖွံ့ဖြိုးတိုးတက်လာစေမည် ဖြစ်သည်။
ထိုမျှမကသေးဘဲ ဒုတိယကမ္ဘာစစ်အပြီး ဗြိတိန်ထံမှ လွတ်လပ်ရေးရခဲ့ကြသော အိန္ဒိယနှင့် မြန်မာနိုင်ငံအကြားမှ သမိုင်းဝင် ဆက်ဆံရေးကောင်းများကိုလည်း ပြန်လည် ဖော်ထုတ်နိုင်ပေလိမ့်မည်။
ကိုလိုနီခေတ်ဦး မြန်မာနိုင်ငံကို ဗြိတိန်သျှလက်အောက်ခံအိန္ဒိယ၏ ပြည်နယ်တစ်ခုအဖြစ် ကာလကတ္တားနှင့် နောက်ပိုင်းတွင် နယူးဒေလီတို့က အုပ်ချုပ်ခဲ့ခြင်းဖြစ်သည်။ အခြား မြန်မာအထက်လွှာသား၊ သမီးများကဲ့သို့ပင် ဒေါ်အောင်ဆန်းစုကြည်သည်လည်း အိန္ဒိယနိုင်ငံတွင် ကျောင်းတက်ခဲ့သည်။ နယူးဒေလီအခြေစိုက် Centre for Policy Alternatives မှ မိုဟန်းရူရူဆွမ်မိက"အိန္ဒိယနယ်စပ်မှ မန္တလေးသို့ ၃၇၅ မိုင်နှစ်လမ်းသွားဟိုင်းဝေးကို ဖောက်လုပ်ပြီးစီးပြီဖြစ်၍ နောက်တစ်ဆင့်တွင် လေးလမ်းသွားတိုးချဲ့ကာ ရန်ကုန်အထိ နောက်ထပ် ၃၇၅ မိုင်ဖောက်လုပ်သွားမည်"ဟု ပြောကြားသည်။
“ဒီအိုင်ဒီယာက ရူဝါဟာတီကနေ ဘန်ကောက်အထိ ကားနဲ့သွားနိုင်ဖို့ ဖြစ်ပါတယ်၊ မြန်မာနိုင်ငံဟာ အတားအဆီးတစ်ခု ဖြစ်ခဲ့ပေမဲ့ အခုတော့ ပွင့်သွားပါပြီ။ ဒီအတွက် အမေရိကန်တွေကို ကျေးဇူးတင်ပါတယ်"ဟု ရူရူဆွမ်မိက ပြောကြားလိုက်သည်။
********************************************************************************
Google Docs makes it easy to create, store and share online documents, spreadsheets and presentations.
