Posts
 | yangonchronicle 2011- (1) |
၁၃.၁.၂၀၁၃
ဘာသာပြန်သတင်းများ
- ရခိုင်နှင့် ရိုဟင်ဂျာတို့ ယုံကြည်မှုပြန်လည်တည်ဆောက်ရန်လိုအပ်ဟု အင်ဒိုနီးရှားနိုင်ငံခြားရေး ဝန်ကြီးပြော
(Channel News Asia မှ 9 Jan 2012 ရက်စွဲပါ Rohingya, Rakhines need to rebuild trust, says Indonesia foreign minister ကိုဘာသာပြန်ဆိုသည်)
- ကချင်ပဋိပက္ခတွင် တပ်မတော်၏ ကဏ္ဍအပေါ် သမ္မတချီးကျူး
(11 january 2013 ရက်စွဲပါ Channel News Asia မှ Myanmar’s Leader Lauds army role in Kachin conflict ကို ဘာသာပြန်ပါသည်)
- မြန်မာနယ်စပ်သို့ တရုတ်နိုင်ငံက တပ်ဖွဲ့များစေလွှတ်
(VOA News မှ 11 Jan 2013 ရက်စွဲပါ “China sends troops to Burmese border” သတင်းကို ဘာသာပြန်ဆိုသည်)
**************************************************************************************
ဘာသာပြန်သတင်းများ
ရခိုင်နှင့် ရိုဟင်ဂျာတို့ ယုံကြည်မှုပြန်လည်တည်ဆောက်ရန်လိုအပ်ဟု အင်ဒိုနီးရှားနိုင်ငံခြားရေး ဝန်ကြီးပြော
(Channel News Asia မှ 9 Jan 2012 ရက်စွဲပါ Rohingya, Rakhines need to rebuild trust, says Indonesia foreign minister ကိုဘာသာပြန်ဆိုသည်)
အင်ဒိုနီးရှား နိုင်ငံခြားရေးဝန်ကြီး Marty Natalegawa သည်လူမျိုးရေးဂိုဏ်းဂဏဆိုင်ရာ ဆူပူအကြမ်းဖက်မှုများ ကြောင့် ပြဿနာတက်နေသော ရခိုင်ပြည်နယ်သို့သွားရောက်လည်ပတ်သည်။
၎င်းသည် မြန်မာအစိုးရ၏ ဖိတ်ကြားချက်ဖြင့် သွားရောက်လည်ပတ်ခြင်းဖြစ်ပြီး ရခိုင်ပြည်နယ်တွင်း ကိုယ်တိုင်မြင် တွေ့ခဲ့ရသည်များကို မှတ်ချက် ပေးပြောဆိုမည်ဖြစ်သည်။
ရခိုင်ပြည်နယ်တွင် ပြီးခဲ့သည့်နှစ်ဇွန်လက စတင်ဖြစ်ပွားခဲ့သောလူအုပ်စုအချင်းချင်း တိုက်ခိုက်မှုများနှင့် အကြမ်း ဖက်မှုများကြောင့် လူပေါင်း တစ်သိန်းခန့်မှာ အိုးပစ်အိမ်ပစ်ထွက်ပြေးခဲ့ကြရပြီး ယခုအခါဒုက္ခသည်စခန်းများတွင် နေထိုင် လျက်ရှိသည်။
ယင်းဒုက္ခသည်များအတွက် လူသားချင်းစာနာထောက်ထားသောအကူအညီအဖြစ် ဒေါ်လာ ၁ သန်း ပေးအပ်မည် ဟုအင်ဒိုနီးရှားနိုင်ငံက ကတိ ကဝတ်ပြုထားပြီးဖြစ်သည်။ ခရီးစဉ်ပြီးဆုံးပြီးနောက် နိုင်ငံခြားရေးဝန်ကြီး Natalegawa က သဘောထားအမြင်များကို မျှဝေပြောဆိုသည်။
ရခိုင်ပြည်နယ်တွင် ရိုဟင်ဂျာလူမျိုးများနှင့် ရခိုင်တိုင်းရင်းသားတို့အကြား ယုံကြည်မှုတည်ဆောက်ရေးသည် လွန်စွာအဓိကကျသည်ဟု ၎င်းကသုံးသပ်သည်။
“မနေ့က ရခိုင်ပြည်နယ်ကို တခဏတာ သွားရောက်ခဲ့စဉ် ကျွန်တော့်အနေနဲ့ ထူးထူးခြားခြား သတိပြုမိခဲ့တာကတော့ လတ်တလော အကြမ်းဖက်မှု တွေကြောင့် ရုပ်ပိုင်းဆိုင်ရာ ထိခိုက်ပျက်စီးမှုတွေ ပြန်လည်တည်ဆောက်ရေးတစ်ခုတည်းသာ အဓိကကျတာမဟုတ်ဘဲ မတူညီတဲ့အသိုင်းအဝိုင်းတွေ၊ အုပ်စုတွေကြားမှာ ပြန်လည်သင့်မြတ်ရေးနဲ့ ယုံကြည်စိတ်ချမှု တည်ဆောက်ရေးကိုလည်း ကျွန်တော်တို့ပြန်လည်ပြုစုပျိုးထောင်ပေးဖို့လိုတယ်ဆိုတာပါပဲ” ဟု နိုင်ငံခြားရေးဝန်ကြီး Natalegawa ကပြောကြားသည်။
“နှစ်ဖက်စလုံးမှာ အယုံအကြည် ကင်းမဲ့မှုတွေ ဒုနဲ့ဒေးနဲ့ရှိနေပါတယ်။ ကျွန်တော်တို့အနေနဲ့ ယခင်တုန်းကရှိခဲ့တဲ့ သဟဇာတ ဖြစ်မှုမျိုးပြန်လည်ရရှိ အောင်မဖြစ်မနေ လုပ်ကိုင်ပေးကြရမှာပါ။ သူတို့ကို အသိုင်းအဝိုင်းတစ်ခုထဲမှာ ခုလိုခွဲခြား ထားတာမျိုးမလုပ်သင့်ပါဘူး။ သူတို့တတွေပြန်လည်သင့်မြတ် ကြရမှာဖြစ်ပါတယ်။ သူတို့ကိုအတူတကွနေထိုင်နိုင်အောင် လုပ်ပေးရမှာဖြစ်ပါတယ်” ဟု၎င်းကဆက်လက်ပြောဆိုသည်။
“မဖြစ်မနေလုပ်ဆောင်ရမယ့် ကြိုးပမ်းအားထုတ်မှုတွေဟာ ရေရှည်တည်တံ့ခိုင်မြဲရမယ်ဆိုတဲ့အချက်ကို နောက် ဆုံးမှာကျွန်တော်တို့ယုံကြရပါတော့ တယ်” လူသားချင်းစာနာထောက်ထားမှုဆိုင်ရာ တုံ့ပြန်မှုများထက်သာလွန်သော တုံ့ပြန် မှုမျိုး ပြုလုပ်ရန်လိုအပ်ကြောင်းလည်း ၎င်းကထပ်မံပြောကြားသည်။
“စီးပွားရေးအခွင့်အလမ်းတွေရှိဖို့ အင်မတန်အရေးကြီးပါတယ်။ လူသားချင်းစာနာထောက်ထားမှုဆိုင်ရာ အရေး ပေါ်တုံ့ပြန်မှုဆိုတာထက် သာလွန် အောင်မဖြစ်မနေလုပ်ကိုင်ကြရမှာပါ။ ဒါပေမဲ့စီးပွားရေးအခွင့်အလမ်း တွေကိုဖြစ်ပေါ်လာ အောင်ကျွန်တော်တို့ထောက်ပံ့ပေးကြရပါမယ်။ စိန်ခေါ်မှုပမာဏ ဟာသိသိသာသာ ရှိနေတယ်လို့ပဲ ကျွန်တော်ပြောပါ့မယ်။
ဒါပေမဲ့ အင်ဒိုနီးရှားနိုင်ငံအနေနဲ့ မြန်မာအတွက် ထောက်ပံ့မှုတွေ ဆက်လက်ပေးသွားမှာဖြစ်ပါတယ်။ ဘာဖြစ်လို့လဲ ဆိုတော့ဒါဟာ မြန်မာ့ဒီမို ကရေစီ ဖော်ဆောင်ရေးကြိုးပမ်းချက် တစ်စိတ်တစ်ပိုင်းဖြစ်နေလို့ပါပဲ” ရခိုင်ပြည်နယ်တွင်း ပဋိပက္ခ များအတွက်အဖြေရှာရန် အင်ဒိုနီးရှား၏ ကြိုးပမ်း ဆောင်ရွက်မှု များကို မြန်မာအစိုးရက လက်သင့်ခံသည်ကို တွေ့ရကြောင်း ၎င်းကပြောဆိုသည်။ “ရခိုင်ပြည်နယ်တွင်း အခြေအနေကိုကောင်းစွာ နားလည် သဘောပေါက် အောင်အင်ဒိုနီးရှားရဲ့ကြိုးပမ်း အားထုတ်မှုကို မြန်မာအာဏာပိုင်တွေက ဓမ္မဒိဋ္ဌာန်ကျကျ ယုံကြည်စိတ်ချမှုရှိတယ်လို့ ကျွန်တော်ထင်ပါတယ်”
လတ်တလောအနေအထားတွင် ကုလသမဂ္ဂလူသားချင်းစာနာထောက်ထားသော အကူအညီများပေးရေးအဖွဲ့က ရခိုင်ပြည်နယ်တွင် မိုးရာသီထဲ သို့ဝင်ရောက်လာတော့မည်ဖြစ်ရာ ဒုက္ခသည်များအတွက် ခိုလှုံစရာများပေးရန်မဖြစ်မနေ လိုအပ်နေပြီဖြစ်ကြောင်း ပြောဆိုထားသည်။
*************************************************************
ကချင်ပဋိပက္ခတွင် တပ်မတော်၏ ကဏ္ဍအပေါ် သမ္မတချီးကျူး
(11 january 2013 ရက်စွဲပါ Channel News Asia မှ Myanmar’s Leader Lauds army role in Kachin conflict ကို ဘာသာပြန်ပါသည်)
ကချင်ပြည်နယ်တွင် တိုက်ပွဲများပိုမိုပြင်းထန်လာခြင်းသည် ငြိမ်းချမ်းရေးလုပ်ငန်းစဉ်များကို မှေးမှိန်စေ သော်လည်း ကချင်သူပုန်များအပေါ် မြန်မာ စစ်တပ်၏ တုန့်ပြန်မှုအပေါ် မြန်မာသမ္မတက ကာကွယ်ပြောဆိုခဲ့မှု ကို နိုင်ငံပိုင်မီဒီယာတွင် သောကြာနေ့က သတင်းဖော်ပြခဲ့ပါသည်။
ကချင်များပြောကြားရာတွင် မြန်မာစစ်တပ်သည် ၎င်းတို့၏ဌာနချုပ် လိုင်ဇာဆီသို့ ထိုးစစ်ဆင်လာနေ ကြောင်း ဆိုပါသည်။ ပြီးခဲ့သည့် အပတ်က ကုလသမဂ္ဂနှင့် အမေရိကန်တို့သည် မြန်မာစစ်တပ်က လေကြောင်း မှ တိုက်ခိုက်မှုကိုကန့်ကွက်ခဲ့ကြပါသည်။
သမ္မတဦးသိန်းစိန်သည် တပ်မတော်၏ ချွေး၊သွေး ဖြင့်စွန့်လွှတ်အနစ်နာခံမှုကို ချီးကျူးခဲ့ပြီး ငြိမ်းချမ်းရေး လုပ်ငန်းစဉ်အတွက် အပေါင်းလက္ခဏာ ဆောင်သော လုပ်ဆောင်မှုများ လုပ်ဆောင်ခဲ့ပုံကိုလည်း ထည့်သွင်း ပြောကြား သွားခဲ့ပါသည်။
အချို့ပညာရှင်များက ဦးသိန်းစိန်၏ ချုပ်ကိုင်မှုအဆင့်ကို သံသယရှိနေကြပါတယ်။ ၂၀၁၁ ခုနှစ် ဒီဇင်ဘာလက ကချင်အပေါ်စစ်တပ်က ထိုးစစ် ဆင်မှုရပ်ဆိုင်းရန် ညွှန်ကြားထားခြင်းအပေါ် လစ်လျူရှုသည့် သဘောရှိသည်ဟု ဆိုကြပါသည်။
ကချင်သူပုန်များအတွက် အပစ်အခတ်ရပ်စဲရေး ဆွေးနွေးရန် အမြဲတံခါးဖွင့်ထားကြောင်း ဦးသိန်းစိန်က ပြောခဲ့သည်ဟု News Light Of Myanmar မှဖော်ပြထားသော ကျေညာချက်အရသိရှိရပါသည်။
မြန်မာနိုင်ငံသည် အခြားအဓိကကျစေသောသူပုန်အုပ်စုများနှင့် ယာယီအပစ်အခတ်ရပ်စဲရေးများ လက်မှတ်ရေးထိုး နိုင်ခဲ့ပါသည်။ သို့သော် ကချင် အုပ်စုနှင့်ဆွေးနွေးမှုများ ပြုလုပ်ခဲ့သော်လည်း သိသာသော တိုးတက်မှုမရရှိခဲ့ပေ။
ကချင်လွတ်မြောက်ရေးတပ်မတော် (KIA) နှင့် ၁၇ နှစ်ကြာအပစ်အခတ်ရပ်စဲရေးသည် ၂၀၁၁ ခုနှစ်ဇွန်လတွင် တိုက်ပွဲစတင်ဖြစ်ပွားပြီး ပျက်စီး သွားခဲ့ရာ ထောင်ပေါင်းများစွာသော လူများ အိုးမဲ့ အိမ်မဲ့ ဖြစ်ကြရပြီး သေဆုံးရသော ဦးရေကိုမူ မသိနိုင်ပေ။
ကချင်သူပုန်များက အစိုးရအား အပစ်အခတ်ရပ်စဲရေးနှင့် တပ်များနောက်ဆုတ်ရေးကို အခြေခံသော ဆွေးနွေးမှုကိုသာရှေးရှုနေပြီး ကာလ ကြာရှည်ကတောင်းဆိုနေသော နိုင်ငံရေးအရ ရပိုင်ခွင့် ပိုမိုပေးရေးကိစ္စ မပါဝင်ကြောင်း စွပ်စွဲခဲ့ပါသည်။
လွတ်လပ်ရေးသုံးသပ်မှု Mael Raynaud ကပြောကြားရာတွင် ဒေသဆိုင်ရာ စစ်တိုင်းမှုးများသည် အာဏာ၏အရသာကို သိပြီးထားသောကြောင့် အစိုးရက၎င်းတို့အပေါ် လွှမ်းမိုးခြင်းကို ခက်ခဲစေရန် လုပ်ဆောင်နေခြင်းကြောင့် အခြေအနေမှာ ရှုပ်ထွေးလျှက်ရှိသည်ဟု ဆိုပါသည်။
တချိန်တည်းမှာပင် သမ္မတသည်လည်း လက်ရှိပြုပြင်ပြောင်းလဲမှု လုပ်ငန်းစဉ်များကို စစ်တပ်ထောက်ခံ မှုရရန် လိုအပ်နေပါသည်။ ထိုသို့ရရှိရန် စစ်တပ်က ဆက်လက်ထိန်းသိမ်းထားလိုသည့် အာဏာအခြေပြုမှု (Power base) ကို ဖယ်ရှားခြင်းမပြုမှသာ ဖြစ်နိုင်လိမ့်မည် ဖြစ်ပါသည်။
ရခိုင်ပြည်နယ်မှ မငြိမ်သက်မှုများနှင့်အတူ ကချင်သူပုန်များနှင့်တိုက်ပွဲများ ပိုမိုပြင်းထန်လာခြင်းများသည် မြန်မာနိုင်ငံ၏ နိုင်ငံရေးအရပြောင်းလဲမှု များအား အကောင်းမြင်ခြင်းများအပေါ် တိမ်မည်းများဆင်နေခြင်း ပင်ဖြစ်တော့သည်။
********************************************************
မြန်မာနယ်စပ်သို့ တရုတ်နိုင်ငံက တပ်ဖွဲ့များစေလွှတ်
(VOA News မှ 11 Jan 2013 ရက်စွဲပါ “China sends troops to Burmese border” သတင်းကို ဘာသာပြန်ဆိုသည်)
မြန်မာအစိုးရတပ်များနှင့် ကချင်လက်နက်ကိုင်များအကြားမှ ပြင်းထန်နေသော တိုက်ပွဲလျှံထွက်လာ မည်ကို စိုးရိမ်ရသောကြောင့် မြန်မာနှင့် နယ်စပ်သို့ တရုတ်နိုင်ငံက တပ်သားများစေလွှတ်ထားသည်ဟု တရုတ်နိုင်ငံပိုင်သတင်းစာက သောကြာနေ့တွင် သတင်းဖော်ပြသည်။
တိုက်ပွဲအခြေအနေကိုသိရှိရန်အတွက် ယူနန်ပြည်နယ်နှင့် ကချင်ပြည်နယ်အကြား နယ်စပ်ဒေသသို့ တပ်ဖွဲ့များစေလွှတ်ထားကြောင်း The Global Times သတင်းစာက ရေးသားထားသော်လည်း တပ်ဖွဲ့ဝင် အမျိုးအစားနှင့် အရေအတွက်ကို အသေးစိတ်ဖော်ပြထားခြင်းမရှိပါ။
“၉ ရက်နေ့ညပိုင်းတွင် ကချင်ပြည်နယ်ဖက်ခြမ်း၌ အမြောက်ကျည်ဆံများ ပေါက်ကွဲမှုကြောင့် ထိုနယ်မြေမှ ဒေသခံများ တရုတ်နိုင်ငံဖက်သို့ လျှင်မြန်စွာ ပြေးဝင်လာကြသည်။” ဟု သတင်းတွင် ဖော်ပြထားသည်။ ယူနန်ပြည်နယ်သည်လည်း ကချင်တိုင်းရင်းသားများနေထိုင်ရာ ဒေသတစ်ခုဖြစ် သည်။
တရုတ်ကွန်မြူနစ်ပါတီအာဘော် သတင်းစာ People’s Daily ကလည်း မြန်မာနိုင်ငံနှင့် ထိစပ်နေသော ယူနန်ပြည်နယ် ယင်ဂျီးယန်းစီရင်စုဒေသရှိ တောင်ပေါ်သို့ အမြောက်ဆံများကျရောက် ပေါက်ကွဲသည်ဟု သတင်းဖော်ပြထားသည်။
အဆိုပါ စီရင်စုကို အုပ်ချုပ်သော ဒီဟောင်းခရိုင်အစိုးရတာဝန်ရှိသူများကမူ သောကြာနေ့က မှတ်ချက် ပေးရန် ငြင်းဆိုခဲ့ကြသည်။
မြန်မာနိုင်ငံတွင် ကြားဖြတ်ရွေးကောက်ပွဲ၊ မီဒီယာ၊ အရပ်ဖက်အဖွဲ့အစည်း အပါအဝင် နယ်ပယ်ပေါင်းစုံ ၌ပြုပြင်ပြောင်းလဲမှုများ ပြုလုပ်ကာ နာမည်ရနေသော ဗိုလ်ချုပ်ဟောင်းများခေါင်းဆောင်သည့် အစိုးရ၏ ရည်ရွယ်ချက်များနှင့် ပတ်သက်၍ ယခုကချင်စစ်ပွဲအရှိန်မြှင့်မှုကြောင့် သံသယများ ဖြစ်ပေါ်စေပါသည်။
ဒီဇင်ဘာ ၂၈ ရက်နောက်ပိုင်းတွင် အစိုးရတပ်များက လေယာဉ်ဖြင့်ဗုံးကြဲခြင်း လက်နက်ကြီး ပစ်ခတ်ခြင်းတို့အပြင် ဓာတုလက်နက်များကိုပင် သုံးစွဲခဲ့သည်ဟု ကေအိုင်အေတပ်ဖွဲ့ဖက်မှ သတင်း ထုတ်ပြန်ပါသည်။ မြန်မာအစိုးရကမူ လေကြောင်းထိုးစစ်ဆင်ခြင်း မဟုတ်ကြောင်း အစိုးရတပ်များအား သူပုန် များက တိုက်ခိုက်ခြင်းကို K8 လေ့ကျင့်ရေး ဂျက်လေယာဉ်များက ကာကွယ်ပစ်ခတ်ပေးခြင်းသာ ဖြစ်ကြောင်း တုန့်ပြန်ရှင်းလင်းသည်။
ကချင်ပြည်နယ်မှ ၁၈ လကြာ စစ်ပွဲသည် မြန်မာအစိုးရ၏ ပြုပြင်ပြောင်းလဲရေးစိတ်ရင်းအပေါ် အကြီးမားဆုံး စမ်းသပ်မှုတစ်ခုဖြစ်ပြီး ယခု လေကြောင်းထိုးစစ်ကြောင့် အစိုးရအဖွဲ့ဝင်ဗိုလ်ချုပ်ဟောင်းများက ၎င်းတို့၏မိုက်ဂုဏ်ပြသော နည်းလမ်းဟောင်းများကို စွန့်လွှတ်ပြောင်းလဲရဲ့လား ဟူသော သံသယများ ထွက်ပေါ်လာစေပါသည်။
မြန်မာနိုင်ငံနှင့် ခိုင်မာသော ကုန်သွယ်ရေး၊ စီးပွားရေး ဆက်ဆံမှုများရှိထားသော တရုတ်နိုင်ငံကလည်း ၎င်း၏ မတည်ငြိမ်သောတောင်ဖက် အိမ်နီးချင်း မြန်မာနိုင်ငံ၏ မငြိမ်သက်မှုများနှင့် နွမ်းပါးမှုများကို ယခင်ကပင် စိုးရိမ်စွာစောင့်ကြည့်နေခဲ့ပြီး ယခုအခါနယ်စပ်ဒေသများ၏ တည်ငြိမ်မှုကိုအာမခံ ရန်အကြိမ်ကြိမ်တောင်းဆို လျှက်ရှိသည်။
တရုတ်နိုင်ငံသည် ၎င်း၏ပိုင်နက်ထဲသို့ပြေးဝင်လာကြသော ကချင်စစ်ပြေးဒုက္ခသည်များကို အတင်း အကျပ်ပြန်ပို့ခဲ့သည်ဟု လူ့အခွင့်အရေးအုပ်စု များက မနှစ်က ပြစ်တင်ဝေဖန်ခဲ့ကြသည်။
မြန်မာ့ရေးရာ အကဲခတ်လေ့လာသူများကမူ လက်ရှိမြန်မာအစိုးရနှင့် တပ်မတော်ခေါင်းဆောင်များ အနေဖြင့် အာစရိဟောင်း ဦးသန်းရွှေ ရိုက်သွင်း ပေးထားသော အတွေးအခေါ် အယူအဆဟောင်းများကို စွန့်လွှတ်ပြောင်းလဲရန် အရေးပေါ်လိုအပ်နေသည်ဟု သုံးသပ်ပြောဆိုထားကြသည်။
*******************************************************************************************
| Google Drive: create, share, and keep all your stuff in one place. |  |