Posts
 | Yangon Chronicle(Quotes & Comments) |
|
|
၁၉.၂.၂၀၁၃
သတင်းနှင့်ဆောင်းပါးကောက်နှုတ်ချက်များ
“လက်ပံတောင်းတောင် ကြေးနီစီမံကိန်းနဲ့ပတ်သက်ပြီးဦးပိုင်နဲ့ ဝမ်ပေါင်တို့ ချုပ်ဆိုထားတဲ့စာချုပ်တွေကို အများပြည်သူသိရှိအောင် ထုတ်ပြန်ထားတာမရှိတဲ့အတွက် လက်ပံတောင်းတောင်ကိစ္စက တရားမျှတမှုရှိ၊ မရှိ ကို ကျွန်တော်တို့ရှေ့နေများကွန်ယက်ကလည်း မသုံးသပ်နိုင်ဘူး”
ဖေဖော်ဝါရီလ ၂၀ ရက်နေ့ထုတ် Express Time Journal အတွဲ (၂) အမှတ် (၄၉) တွင်ပါရှိသော “ဦးပိုင်နှင့် ဝမ်ပေါင်ချုပ်ဆိုထားသည့် စာချုပ်များ မသိရှိသဖြင့် လက်ပံတောင်းအရေးဖြေရှင်းရန် ခက်ခဲဟုဆို” သတင်းမှ ရှေ့နေများကွန်ယက်မှ တရားလွှတ်တော်ရှေ့နေ ဦးအောင်သိန်း၏ ပြောကြားချက်အားကောက်နှုတ်ချက်။
----------------------------------------------------------------------------------------
“ဒီလိုနှစ်ကာလကြာအောင် ရေးဆွဲထားခဲ့တဲ့ ဥပဒေမှာ နိုင်ငံသားတိုင်းရသင့်ရထိုက်တဲ့ အခွင့်အရေးပါတယ်။ ဒါပေမယ့် ဒီအခွင့်အရေးတွေဟာ လုံးဝကိုပျောက်ဆုံးနေတယ်။ ဒီ ဥပဒေဟာ အကြောင်းတစ်စုံတစ်ရာမရှိဘဲနဲ့ သမ္မတတောင် ငြင်းပယ်ခွင့်မရှိဘူး။ ဒါပေမယ့် မြို့နယ်ရဲမှူးတွေဆီမှာတော့ ငြင်းပယ်ခွင့်ပေးထားတာဟာ ဒီဥပဒေရဲ့အပေါ်မှာ ရောက်နေသလို ဖြစ်နေပါတယ်။ သူ့တာဝန်ဟာ လုံခြုံရေးနဲ့ တရားဥပဒေစိုးမိုးရေးရှုထောင့် က ကြည့်မှာဖြစ်တဲ့အတွက်သူ့ဆီမှာ လျှောက်ထားရတာ မဆီလျှော်ပါဘူး”
ဖေဖော်ဝါရီလ ၂၀ ရက်နေ့ထုတ် မြန်မာပို့စ်ဂျာနယ် အတွဲ (၅) အမှတ် (၈) တွင်ပါရှိသော “ဖွဲ့စည်းပုံ အခြေခံ ဥပဒေသည် မြို့နယ်ရဲမှူးများ၏ အာဏာအောက်တွင် ပျောက်ဆုံးနေကြောင်း တရားလွှတ်တော်ရှေ့နေတစ်ဦး သုံးသပ်” သတင်းမှ ရှေ့နေများကွန်ယက်မှ တရားလွှတ်တော်ရှေ့နေ ဦးသိန်းသန်းဦး၏ ပြောကြားချက် အားကောက်နှုတ်ချက်။
------------------------------------------------------------------------------------------------
“ထားဝယ်ဖွံ့ဖြိုးရေးစီမံကိန်းဟာ ဒီဒေသကြီးတစ်ခုလုံးအတွက် အဓိက ဗဟိုချက်မ တစ်ခု ဖြစ်လာနိုင်ပါတယ်။ မြန်မာနိုင်ငံအတွက် သာမက ဒေသတွင်းနိုင်ငံ အားလုံး အတွက် စီးပွားရေး ဖွံ့ဖြိုးတိုးတက်လာစေဖို့ လမ်းဖွင့်ပေးလိုက်တာပါပဲ။ ဒီဆိပ်ကမ်းသစ်ကြောင့် မလက္ကာရေလက်ကြားကို ဖြတ်သန်းရမယ့် အချိန်နဲ့ ကုန်ကျစရိတ်ကို လျှော့ချနိုင်စေမှာ ဖြစ်တာကြောင့် အိန္ဒိယ၊ တရုတ်၊ အရှေ့အလယ်ပိုင်း၊ ဥရောပ နဲ့ အာဖရိက တို့အတွက် အားထားရမယ့် ဆိပ်ကမ်းတစ်ခု ဖြစ်လာမှာပါ”
ဖေဖော်ဝါရီလ ၂၀ ရက်နေ့ထုတ် မြန်မာပို့စ်ဂျာနယ် အတွဲ (၅) အမှတ် (၈) တွင်ပါရှိသော “ထားဝယ်စီမံကိန်းအတွက် Mott Mac Donald ကုမ္ပဏီမှ နည်းပညာပိုင်းသုံးသပ် အကြံပေးမှု ပြီးစီး” သတင်းမှ Mott Mac Donald ၏ စီမံကိန်းမန်နေဂျာ ကီရာတီဆက်ဆရီ၏ ပြောကြားချက် အားကောက်နှုတ်ချက်။
----------------------------------------------------------------------------------------------------------------
“ကေအိုင်အေ သဘောထားကြေညာချက်ကတော့ ကျွန်တော့်အမြင်မှာ အပြုသဘောဆောင်တယ်လို့ မြင်တယ်။ အခုသွားနေတဲ့ ငြိမ်းချမ်းရေးဖြစ်စဉ်ကို သူတို့အနေနဲ့လည်း ဝင်ပြီးတော့ ပါမယ်။ အပစ်အခတ်ရပ်စဲ ရေးကိုလည်း ဝိုင်းပြီးလုပ်ကြမယ်။ မကြာခင်မှာ စမယ့် နိုင်ငံရေးကိစ္စဆွေးနွေးပွဲတွေမှာလည်း သူတို့အနေနဲ့ ပါမယ် ပြောတော့ အလားအလာကောင်းတဲ့ သဘောဆောင်တယ်လို့ မြင်ပါတယ်။”
ဖေဖော်ဝါရီလ ၂၁ ရက်နေ့ထုတ် Envoy Journal အတွဲ (၃) အမှတ် (၄၀) တွင်ပါရှိသော “ကေအိုင်အို ထုတ်ပြန်ချက်အား အပြုသဘောဆောင်သော ထုတ်ပြန်ချက်ဟု သုံးသပ်” သတင်းမှ ဒေါက်တာ မင်းဇော်ဦး၏ ပြောကြားချက်အားကောက်နှုတ်ချက် အားကောက်နှုတ်ချက်။
------------------------------------------------------------------------------------------------------------------------
“ဒီ ဥပဒေမှာ အဓိကကတော့ နိုင်ငံတကာစံနှုန်းတွေနဲ့အညီ ရေးဆွဲထားပါတယ်။ လာဘ်ပေး၊လာဘ်ယူ ကော်မရှင်ကို ဖွဲ့ပြီးတော့ စုံစမ်းစစ်ဆေးမှုတွေ ဘယ်နယ်ပယ်ကမဆို ပါတီတွေ ဝန်ထမ်းနယ်ပယ်တွေမှာ ပါတယ်။ နောက်ဆုံး နိုင်ငံတော်သမ္မတထိ လာဘ်ပေး လာဘ်ယူရှိခဲ့ရင် ဥပဒေကြောင်းအရ အရေးယူ လို့မရတာတွေပါတယ်။”
ဖေဖော်ဝါရီလ ၂၁ ရက်နေ့ထုတ် Envoy Journal အတွဲ (၃) အမှတ် (၄၀) တွင်ပါရှိသော “သမ္မတကိုပါစစ်ဆေးနိုင်သည့် လာဘ်ပေးလာဘ်ယူ ပပျောက်ရေးဥပဒေကို သမ္မတဦးသိန်းစိန်က တစ်စုံတစ်ရာမှတ်ချက်မပေးသေး” သတင်းမှ ဒေါက်တာမြတ်ဥာဏစိုး၏ ပြောကြားချက် အားကောက်နှုတ်ချက်။
********************************************************
| Google Drive: create, share, and keep all your stuff in one place. |  |