Posts
 | Yangon Chronicle(Quotes & Comments) |
|
|
၂၆.၂.၂၀၁၃
သတင်းနှင့်ဆောင်းပါးကောက်နှုတ်ချက်များ
“အောက်ခြေအဆင့်တွေက အထင်အမြင်လွဲမှားတာပါ။ မနေ့ကတော့တိုက်ပွဲတွေရပ်သွားပါပြီ။ ဒီနေ့တော့မရှိတော့ပါဘူး။ အောက်မှာရှိတဲ့ တပ်တွေက ဖြစ်လေ့ဖြစ်ထရှိပါတယ်။ တစ်ခြားနိုင်ငံတွေလည်း လိုက်လေ့လာ ဖို့လိုပါတယ်။ တစ်ခြားနိုင်ငံတွေမှာလည်း အောက်ခြေမှာတော့ ဖြစ်နေကြတာပါပဲ။ ဒါက ငြိမ်းချမ်းရေးဆွေးနွေးပွဲ ကို မပျက်နိုင်ပါဘူး”
ဖေဖော်ဝါရီလ ၂၈ ရက်နေ့ထုတ် Venus News Journal အတွဲ (၄) အမှတ် (၃၂) တွင်ပါရှိသော “ငြိမ်းချမ်းရေး ဆွေးနွေးပြီး ၁၉ ရက်အတွင်း ကချင်ပြည်နယ်တွင် တိုက်ပွဲပြန်ဖြစ်” သတင်းမှ ပြည်ထောင်စုဝန်ကြီး ဦးအောင်မင်း၏ပြောကြားချက်အား ကောက်နှုတ်ချက်။
----------------------------------------------------------------------------------
“ဒီစာချုပ်ကြီးဟာ တရားဝင်တယ်၊ မဝင်တယ်ဆိုတာ ကျွန်မတို့မသိရဘူး၊ စာချုပ်ထဲမှာ ဘာတွေပါတယ်၊ မပါဘူးဆိုတဲ့ စာချုပ်ရဲ့အချက်အလက်တွေကို ကျွန်မအနေနဲ့ မသိရဘူး ဒါတွေကို တစ်ကယ်တမ်း သိပြီး၊ တစ်ကယ်ကိုင်တွယ်တာက ကျွန်မတို့ရဲ့ ဥက္ကဋ္ဌကိုယ်တိုင်ဖြစ်တယ်”
ဖေဖော်ဝါရီလ ၂၈ ရက်နေ့ထုတ် Venus News Journal အတွဲ (၄) အမှတ် (၃၂) တွင်ပါရှိသော “လက်ပံတောင်းတောင် လုပ်ငန်း သဘောတူစာချုပ် ကြည့်ရှုခွင့်မရဟု စုံစမ်းရေးအဖွဲ့ဝင်တစ်ဦးပြော” သတင်းမှ ဒေါ်ခင်စန်းလှိုင်၏ပြောကြားချက်အား ကောက်နှုတ်ချက်။
------------------------------------------------------------------------------------------
“နေ့စဉ်သတင်းစာထွက်လာပြီဆိုတာနဲ့ သတင်းအားပြုတဲ့အပတ်စဉ် ထုတ်သတင်းဂျာနယ်တွေ ပွဲပြီးသွားပြီ။ သတင်းစာက နေ့စဉ်သတင်းကို ဖတ်တဲ့သူက အပတ်စဉ်သတင်းကို မဖတ်တော့ဘူး။ အပတ်စဉ်သတင်းက သိုးသွားပြီ။ ဒီကိစ္စကရှင်းတယ်။ သူ့နယ်ပယ်နဲ့သူ ထုတ်တဲ့ဟာတွေကတော့ ကျန်ခဲ့မှာပါ။ ကျန်ခဲ့တယ် ဆိုပေမယ့်လည်း နေ့စဉ်သတင်းစာဝယ်ဖတ်တဲ့သူနဲ့ ယှဉ်ရင်လည်းခံမှာပဲလေ။ နေ့စဉ်သတင်းစာ ထဲမှာလည်း ဒါတွေကပါမှာပဲ။ နေ့စဉ်သတင်းစာ ထွက်ရှိလာပြီဆိုတာနဲ့ အပတ်စဉ်ထုတ်တဲ့ဟာတွေက သေကိုသေသွားမှာပါ”
ဖေဖော်ဝါရီလ ၂၄ ရက်နေ့ထုတ် Monitor Journal အတွဲ (၂) အမှတ် (၄၄) တွင်ပါရှိသော “နေ့စဉ်သတင်းစာ များထွက်ရှိလာလျှင် သတင်းအားပြုသတင်းဂျာနယ်များ ပွဲပြီးသွားပြီဟု The Voice သတင်းဂျာနယ် အယ်ဒီတာချုပ်ကို ကျော်မင်းဆွေပြောဆို” သတင်းမှ ဦးကျော်မင်းဆွေ၏ ပြောကြားချက်အားကောက် နှုတ်ချက်။
-------------------------------------------------------------------------------------
“အခုလို အလှည့်အပြောင်းဖြစ်လာပြီး ကော်မတီဖွဲ့တယ်။ စုံစမ်းတယ်ဆိုတာ အင်မတန်ကောင်းပါတယ်။ ထောင်ထဲမှာ နိုင်ငံရေးပုဒ်မတပ်ထားတဲ့ (၁၉၅၀) ပြည့် အရေးပေါ်စီမံမှု ဥပဒေအရ ပြစ်ဒဏ်ချခံရသူတွေရှိတယ်။ အဲဒါတွေကို နိုင်ငံရေးအကျဉ်းသားလို့ခေါ်မှာပေါ့။ ကျွန်တော်ပြောနေတာက ကျောင်းသားတွေချည်း ပြောနေတာ မဟုတ်ဘူး။ တိုင်းရင်းသားတွေအတွက်လည်းပါတယ်။ တပ်မတော် အရာရှိဟောင်းတွေလည်းပါတယ်။ သမ္မတရုံးက ဦးစိုးသိန်းတို့ အဖွဲ့ကို ကျွန်တော်အနေနဲ့ ခင်ဗျားတို့ကတဆင့်အကြံပေးချင်တယ်အိန္ဒိယနိုင်ငံမှာ နိုင်ငံရေးအကျဉ်းသားနဲ့ပတ်သက်ပြီး အဘိဓါန် ဖွင့်ထားတယ်။ အစိုးရတစ်ရပ်၏ မူဝါဒကို ပြောင်းလဲအောင်လုပ် တာ အစိုးရကို ပြုတ်ကျအောင်လုပ်တာ အဲဒါအားလုံးအကျုံးဝင်သူတွေကို နိုင်ငံရေးအကျဉ်းသမားလို့ အိန္ဒိယ ပညာရှင်တွေက အဘိဓါန်ဖွင့်ထားတာရှိတယ်။ အဲဒါတွေကိုလေ့လာပြီး အမြောက်အများ လွှတ်ပေးပါလို့ဆန္ဒပြု ချင်ပါတယ်”
ဖေဖော်ဝါရီလ ၂၄ ရက်နေ့ထုတ် Monitor Journal အတွဲ (၂) အမှတ် (၄၄) တွင်ပါရှိသော “နိုင်ငံရေးအကျဉ်သားနဲ့ ပတ်သက်ပြီး ကော်မတီဖွဲ့တယ် စုံစမ်းတယ်ဆိုတာ အင်မတန်ကောင်းပါတယ် လို့ ပြည်သူ့လွှတ်တော်ကိုယ်စားလှယ် ဦးသိန်းညွန့်ကပြောကြား” သတင်း မှ ပြည်သူ့လွှတ်တော်ကိုယ်စားလှယ် ဦးသိန်းညွန့်၏ ပြောကြားချက်အားကောက် နှုတ်ချက်။
----------------------------------------------------------------------------------
“ကော်မရှင်ဟာ မျှတဖို့လိုပါတယ်။ ပြည်တွင်းလုပ်ငန်းရှင်တွေအတွက် ထိခိုက်မှုမရှိဘဲ နိုင်ငံခြားရင်းနှီးမြှုပ်နှံမှု တွေကို လက်ခံဖို့အတွက် ကော်မရှင်က ဆုံးဖြတ်ချက်မှန်ကန်ရပါမယ်။ နိုင်ငံခြားရင်းနှီးမြှုပ်နှံဥပဒေနဲ့ နည်းဥပဒေမှာ ကော်မရှင်ရဲ့ အဆုံးအဖြတ်ကို အဓိကထားတာကို တွေ့ရတဲ့အတွက် ကော်မရှင်မှ ပါဝင်မယ့်အဖွဲ့ဝင်တွေဟာလဲ အရေးပါပါတယ်”
ဖေဖော်ဝါရီလ ၂၆ ရက်နေ့ထုတ် ကုမုဒြာဂျာနယ် အတွဲ (၂) အမှတ် (၄၉) တွင်ပါရှိသော “နိုင်ငံခြားရင်းနှီးမြှုပ်နှံ မှုကော်မရှင် ဆုံးဖြတ်ခွင့် အပေါ် ဝေဖန်မှုများရှိနေ” သတင်းမှ စီးပွားရေးပညာရှင် ဦးခင်မောင်လွင်၏ ပြောကြားချက်အားကောက်နှုတ်ချက်။
********************************************************
| Google Drive: create, share, and keep all your stuff in one place. |  |