Posts
 | CURRENT AFFAIR |
ပြည်တွင်း နိုင်ငံရေး၊ စီးပွားရေးသတင်းများ
ပုံနှိပ်ထုတ်ဝေ ဥပဒေကြမ်း လွှတ်တော်က ဆိုင်းငံ့သင့်
ပြည်တွင်းစာနယ်ဇင်းသမားများအားလုံး တညီတညွတ်တည်း ကန့်ကွက်နေသော ပြန်ကြားရေးဝန်ကြီး ဌာန ၏ ပုံနှိပ်ခြင်းနှင့် ထုတ်ဝေခြင်း ဥပဒေကြမ်းတွင် ပြည်သူ့လွှတ်တော်တွင် ဆွေးနွေးခြင်း မပြုသေးဘဲ ဆိုင်းငံ့ထားရန် ကြိုးစားမည်ဖြစ်ကြောင်း ပြည်သူ့လွှတ်တော် အားကစား၊ ယဉ်ကျေးမှုနှင့် ပြည်သူ့ဆက်ဆံရေးကော်မတီ ဥက္ကဋ္ဌ သူရ ဦးအေးမြင့်က ပြောကြားခဲ့သည်။
ရန်ကုန်မြို့၊ ရှစ်မိုင်လမ်းဆုံရှိ ဟိုတယ် ရန်ကုန်တွင် ပြုလုပ်သော ပြည်သူ့လွှတ်တော် အားကစား၊ ယဉ်ကျေး မှုနှင့် ပြည်သူ့ဆက်ဆံရေးကော်မတီ နှင့်သတင်းမီဒီယာများတွေ့ဆုံပွဲတွင် သူရဦးအေးမြင့်က မြန်မာနိုင်ငံ စာနယ်ဇင်း ကောင်စီ(ယာယီ) က ရေးဆွဲပြီး ပေါ်ပေါက်လာမည့် ပုံနှိပ်နှင့် မီဒီယာဥပဒေနှင့် ပြန်ကြားရေးဝန်ကြီးဌာနက ရေးဆွဲ ထားသော ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကြမ်းအကြား ပဋိပက္ခများ ဖြစ်ပွား စေနိုင်သည်ဟု ထင်မြင်မိ သောကြောင့် ပြန်ကြားရေးဝန်ကြီးဌာနက ရေးဆွဲထားသော ပုံနှိပ်ခြင်းနှင့် ထုတ်ဝေ ခြင်း လုပ်ငန်းဥပဒေကြမ်းကို လွှတ်တော်တွင် ဆိုင်းငံ့ထားမည်ဖြစ်ပြီး မြန်မာနိုင်ငံ စာနယ်ဇင်း ကောင်စီ (ယာယီ)က ရေးဆွဲနေသော မီဒီယာဥပဒေ ကြမ်းပေါ်ထွက်လာမှသာလျှင် ပြန်လည်ဆွေးနွေးမည်ဖြစ်ပြီး စာနယ်ဇင်းကောင်စီ၏ မီဒီယာဥပဒေကြမ်းက ပြည့်စုံ လျှင် ပြန်ကြားရေးဝန်ကြီးဌာန၏ ဥပဒေကြမ်းကို ပယ်ဖျက်နိုင်ကြောင်း ပြောကြားခဲ့ သည်။
၁၉၆၂ ခုနှစ်မှစတင်ပြီး ၀ိဝါဒ ကွဲပြားမှုများကြောင့် နိုင်ငံနှင့်ပြည်သူများ ဆုံးရှုံးမှုများကြုံတွေ့ခဲ့ရပြီး လတ်တ လော ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေကြမ်းကို ဆိုင်းငံ့ထားခြင်းကသာ စည်းလုံးညီညွတ်မှု မပြိုကွဲစေသော အဖြေတစ်ခုဖြစ်လိမ့်မည်ဟု သူရဦးအေးမြင့်က ထပ်မံပြောကြားခဲ့သည်။
လူငယ်သတင်းသမား အများစုပါဝင်နေသော သတင်းလွတ်လပ်ခွင့်ကော်မတီက လာမည့် ရက်အနည်းငယ် အတွင်း အစိုးရ ပုံနှိပ်ဥပဒေကြမ်းကို ဆန့်ကျင်ကန့်ကွက်သည့် လှုပ်ရှားမှုများ တနိုင်ငံလုံး အတိုင်းအတာဖြင့် လုပ် ဆောင်သွားမည်ဖြစ်ကြောင်း သတင်းထုတ်ပြန်ခဲ့သည်။
ပုံနှိပ်ခြင်းနှင့်ထုတ်ဝေခြင်းလုပ်ငန်း ဥပဒေကြမ်းနှင့်ပတ်သက်သော သတင်းမီဒီယာများ၏ အလုပ်ရုံ ဆွေးနွေး ပွဲတရပ်ကို ဒဂုံမြို့နယ်ရှိ ယုဇနဂါးဒင်း ဟိုတယ်တွင် မတ်လ ၁၂ ရက်နေ့ ၁ နာရီမှ ၄ နာရီအထိ ကျင်းပ ပြုလုပ်သွား မည်ဖြစ်ကြောင်း သိရှိရသည်။
YC
________________________________________________________________________________
ဘင်္ဂလားပင်လယ်အော်အတွင်း အိန္ဒိယ-မြန်မာရေတပ်များ ပူးတွဲစစ်ရေးလေ့ကျင့်မည်
မြန်မာနှင့်အိန္ဒိယနှစ်နိုင်ငံသည် စစ်ရေးပူးပေါင်းဆောင်ရွက်မှု တိုးမြှင့်သည့်အနေဖြင့် ဘင်္ဂလားပင်လယ်အော် အတွင်း ပူးတွဲ ကင်းလှည့်ရေးနှင့် စစ်ရေးလေ့ကျင့်ခန်းများပြုလုပ်ရေးကို ဆောင်ရွက်သွားတော့မည်ဖြစ်ကြောင်း သိရ သည်။
အိန္ဒိယကာကွယ်ရေးဝန်ကြီးဌာန၏ အဆိုအရ မြန်မာ့ရေတပ်မှ ဖရီးဂိတ်စစ်သင်္ဘောတစ်စီးနှင့် အငယ်စား စစ်သင်္ဘောတစ်စီး တို့သည် အိန္ဒိယမှ ဗီဆက်ခါ ပတ်ထနမ်ဆိပ်ကမ်းသို့ ယခုရက်ပိုင်းအတွင်း ဆိုက်ရောက်မည် ဖြစ် ကာ ထိုနောက်ရက်အနည်းငယ် အတွင်း ပူးတွဲစစ်ရေးလေ့ကျင့်မှုများ စတင်မည် ဟုဆိုသည်။
မြန်မာနှင့် အိန္ဒိယတို့ သည် မကြာမီကပင် စစ်ရေး၊ စီးပွားရေး ဆက်ဆံမှုများ တိုးမြှင့်လာခဲ့ပြီး ၂၀၁၂ နိုဝင်ဘာ နှင့် ဒီဇင်ဘာလ အတွင်း နိုင်ငံခြား ရေးဝန်ကြီး ဆယ်လ်မန် ခါရှစ်၊ လေတပ်ဦးစီး ချုပ် အန်၊ အေ၊ကေ ဘရောင်းတို့ လည်း လာရောက်လည်ပတ်ခဲ့ကြသည်။
ယင်းနောက် အိန္ဒိယသည် မြန်မာတပ်မတော် စွမ်းရည်မြှင့်တင်ရေး အတွက် မြန်မာလေတပ် ပိုင်းလော့များ အား အိန္ဒိယသို့ခေါ်ယူကာ ရုရှားလုပ် Mi-35 တိုက်ခိုက်ရေး ရဟတ်ယဉ်များနှင့် လေ့ကျင့်ပေးရေး ကိုလည်းသဘော တူခဲ့သည်။
အိန္ဒိယသည် မြန်မာသို့ စစ်သုံးလက်နက်များကိုလည်း ရောင်းချပေးနေပြီး ယင်းတွင် ကုန်းတွင်းပိုင်းသုံး ရေ တပ် ကင်းလှည့်လေယဉ်များ၊ ရေ တပ်သုံး စက်သေနတ်တင် မော်တော်ဘုတ်များ၊ ၁၀၅ မီလီမီတာ အပေါ့စား သေ နတ်များ၊ မော်တာစိန်ပြောင်းများ၊ လောင်ချာများနှင့် ရိုင်ဖယ် သေနတ်များလည်းပါဝင်သည်။
ထို့ပြင် မြန်မာသည် ၎င်း၏ရေတပ်သင်္ဘောများအတွက် Bharat Electronics Ltd ကထုတ်လုပ်သော ရေဒါ
စနစ်များကိုလည်း ဝယ်ယူထားကြောင်း သိရသည်။
YC
_________________________________________________________________________________
ဂျပန် နှင့် မြန်မာနိုင်ငံတောင်သူသမဂ္ဂများ စိုက်ပျိုးရေး ပူးပေါင်းဆောင်ရွက်မည်
ဂျပန်နိုင်ငံတောင်သူသမဂ္ဂနှင့် မြန်မာနိုင်ငံတောင်သူသမဂ္ဂများ ပူးပေါင်း၍ စိုက်ပျိုးရေးနည်းပညာနှင့် လိုအပ် သောအထောက်အပံ့များကို ကူညီဆောင်ရွက်ပေးနိုင်ရန်အတွက် ပူးပေါင်းဆောင်ရွက်သွားမည်ဟု အပြည်ပြည်ဆိုင် ရာ အလုပ်သမားသမဂ္ဂဒါရိုက်တာ Mr. Nagashamasan က ဒဂုံမြို့သစ်ဆိပ်ကမ်းမြို့နယ် မတားစု ကျေးရွာတွင် ပြောကြားခဲ့ သည်။
မြန်မာနိုင်ငံသည် လက်မှုလယ်ယာမှ စက်မှုလယ်ယာသို့ ကူးပြောင်းချိန်ကာလဖြစ်၍ လက်ရှိဖြစ်ပေါ်နေသော လယ်သမားများ၏ အခြေအနေကိုကြည့်ပြီး သက်ဆိုင်ရာအစိုးရမှ သင့်တော်သောစနစ်တစ်ခုကို ချမှတ်သင့်သကဲ့သို့ နိုင်ငံတကာတွင် ကျင့်သုံးနေသော အစိုးရ၊ အလုပ်ရှင်၊ အလုပ်သမား၊ လယ်သမားအဖွဲ့အစည်းများ ပါဝင်သော စနစ် တစ်ခုကို အကောင်အထည်ဖော် ဆောက်ရွက်သင့်သည်။ အဆိုပါစနစ်သည် တစ်ဦးနှင့်တစ်ဦး အပြန်အလှန် ထိန်း ကျောင်းသောစနစ်ဖြစ်၍ နိုင်ငံတကာတွင် လက်ခံ ကျင့်သုံးလျှက်ရှိပြီး လယ်သမား၊ အလုပ်သမားကိုယ်စားပြု သမဂ္ဂများအဖွဲ့များကို တစ်နိုင်ငံလုံး အတိုင်းအတာဖြင့် ဖွဲ့စည်းသင့်ကြောင်း Mr. Nagashamasan က ပြောကြား ခဲ့သည်။
မြန်မာနိုင်ငံ လူဦးရေ၏ ၇၀ ရာခိုင်နှုန်းသည် ကျေးလက်နေ တောင်သူလယ်သမားများ ဖြစ်သောကြောင့် ၎င်းတို့၏ အခက်ခဲများကို အစိုးရမှ မဖြေရှင်းပေးနိုင်ပါက တိုင်းပြည်တိုးတက်နိုင်မည်မဟုတ်ကြောင်း အဆိုပါပွဲသို့ တက်ရောက်ခဲ့သူ ဒေါက်တာမင်းညိုမှ ပြောကြားခဲ့သည်။
ထို့အပြင် ဧရာဝတီတိုင်းဒေသကြီးတွင် သမဂ္ဂဖွဲ့သော တောင်သူများကို သက်ဆိုင်ရာမှ အကြောင်းအမျိုးမျိုး ပြကာ ဖမ်းဆီးအရေးယူခြင်းများ ရှိနေပြီး တောင်သူများက ဥပဒေတွင်ပါရှိသော မိမိတို့၏အခွင့်ရေးများကို တောင်းဆို နိုင်ရန်အတွက် မိမိတို့၏ ကိုယ်စားပြုအဖွဲ့စည်းများကို ဖွဲ့စည်းရန်လိုအပ်ကြောင်း မြန်မာဘဝလူမှုဖွံ့ဖြိုးရေးကွန်ရက်မှ ဦးနေမျိုးဇင်ကပြောကြားခဲ့သည်။
အဆိုပါ မြန်မာနိုင်ငံလုံးဆိုင်ရာ တောင်သူလယ်သမားနေ့ကို ဒဂုံမြို့သစ်ဆိပ်ကမ်းမြို့နယ် မတားစုကျေးရွာ တွင် ပြုလုပ်ခဲ့ပြီး ခရမ်း၊ သုံးခွ၊ သန်လျင်၊ ကျောက်တန်း တို့မှ ကိုယ်စာပြုသမဂ္ဂများနှင့် ဒေသခံတောင်သူ ၆၀၀ ကျော် ခန့်တက်ရောက်ခဲ့ကြောင်းသိရသည်။
YC
| Google Drive: create, share, and keep all your stuff in one place. |  |