Posts
 | INTERNATIONAL MEDIA (1) |
ဘာသာပြန်သတင်းများ
(AFP မှ 27 May 2013 ရက်စွဲပါ “ Myanmar reaffirms two-child rule for Rohingyas : Official” သတင်းကို ဘာသာပြန်ဆိုသည်။)
(25 May 2013 ရက်စွဲပါ The Economist မှ Myanmar and America: The Ultimate endorsement ကို ဘာသာပြန်ဆိုသည်)
ရိုဟင်ဂျာများအတွက် ကလေးနှစ်ဦးဥပဒေကို အာဏာပိုင်များထပ်မံကျင့်သုံး
(AFP မှ 27 May 2013 ရက်စွဲပါ “ Myanmar reaffirms two-child rule for Rohingyas : Official” သတင်းကို ဘာသာပြန်ဆိုသည်။)
အငြင်းပွားဖွယ်ဥပဒေကို ရှားရှားပါးပါး အသိအမှတ်ပြုသည့်အနေဖြင့် ရိုဟင်ဂျာများအား ကလေးနှစ်ဦး ထက် ပိုမယူ ရန်တားမြစ်ထားသော ယခင်ဥပဒေကို ထပ်မံအတည်ပြုကြောင်း ရခိုင်ပြည်နယ်မှ အာဏာပိုင်များက မနေ့ကပြောကြား ပါသည်။
လူ့အခွင့်အရေးလှုပ်ရှားသူများက စက်ဆုပ်စရာဟုသမုတ်ကြသော စစ်အစိုးရခေတ်မူဝါဒကို ရခိုင်ပြည် နယ်အတွင်း မြို့နယ်နှစ်ခု၌ကျင့်သုံးရန် ထပ်မံအတည်ပြုသည်ဟု ရခိုင်ပြည်နယ်အစိုးရ ပြောရေးဆိုခွင့်ရှိသူ ဦးဝင်းမြိုင်၏အဆိုအရသိရှိ ရသည်။
“ဒီဒေသမှာ မွေးဖွားနှုန်းက သိပ်မြင့်နေလို့ပါ။ အရင်ကတည်းက ကလေးနှစ်ဦးထက်ပိုမယူဖို့ ခရိုင်ဥပဒေ ထုတ်ပြန် ထားပြီးသားပါ။ ပြီးခဲ့တဲ့အပတ်က ပြန်လည်အတည်ပြုတာ ဖြစ်ပါတယ်” ဟု ၎င်းကပြောကြားသည်။
မနှစ်ကသွေးစွန်းသောအဓိကရုဏ်းကြောင့် ရိုဟင်ဂျာအများစုဖြစ်သော ဒုက္ခသည် ၁၄၀,၀၀၀ ခန့် အိုးမဲ့ အိမ်မဲ့ဖြစ်ခဲ့ ရသည့် ရခိုင်ပြည်နယ်တွင် နှစ်ဖက်အသိုင်းအဝိုင်းများကြား ပဋိပက္ခများ ဖြစ်ပွားနိုင်ခြေကို စိုးရိမ်ရသောကြောင့် ထိုမူဝါဒကို ယခင်ကတည်းကချမှတ်ထားခြင်းဖြစ်သည်ဟု ဦးဝင်းမြိုင်ကဆိုပါသည်။
မနှစ်ကလူ ၂၀၀ ခန့် သေဆုံးကာ ရွာလုံးကျွတ်ပျက်စီးမှုများဖြစ်ပွါးခဲ့သော အဓိကရုဏ်းနှင့်ပတ်သက်၍ အာဏာပိုင် များသည် လူမျိုးတုံးသန့်စင်မှု ပြုလုပ်သူများဖြစ်နေကြောင်း Human Rights Watch အုပ်စုက ပြစ်တင်စွပ်စွဲထားသည်။
ပဋိပက္ခတရားဝင်စုံစမ်းရေးကော်မရှင်၏ ဧပြီလက အစီရင်ခံစာတွင် ရိုဟင်ဂျာမွေးဖွားနှုန်းမြင့်မားနေခြင်းသည် တင်းမာမှုများကိုလှုံ့ဆော်နေကြောင်းနှင့် အသိုင်းအဝိုင်းနှစ်ခုကိုယာယီခွဲခြားထားသင့်ကြောင်း အကြံပြု ထားသည်။
စုံစမ်းရေးကော်မရှင်၏အကြံပြုမှုကြောင့် ရိုဟင်ဂျာလူဦးရေများသော မြို့နယ်များမှာ အာဏာပိုင်များက ကလေး နှစ်ဦးမူဝါဒကို အကောင်အထည်ဖော်ရန်ကြိုးစားနေသည်ဟု ဦးဝင်းမြိုင်က ဆိုပါသည်။
လူ့အခွင့်အရေးစံနှုန်းနှင့် လုံးဝဆန့်ကျင်နေသော စက်ဆုပ်ဖွယ်မူဝါဒကို သိက္ခာတင်ရန်အတွက် စုံစမ်းရေးကော်မ ရှင်၏ အစီရင်ခံစာကို ရခိုင်ဒေသအာဏာပိုင်များက ဆွဲယူအသုံးချလိုက်ပုံရသည် ဟု Human Rights Watch က မှတ်ချက် ပေးထားသည်။
HRW ၏ အာရှရေးရာလက်ထောက်ဒါရိုက်တာ ဖီလ်ရောဘတ်ဆန်က “ဒါဟာ အဆုံးစွန်ဖိနှိပ်မှုတစ်ခုပါ။ လုံးဝကို လမ်းကြောင်းလွဲနေပါပြီ “ ဟု ပြောကြားပါသည်။
မြန်မာနှင့် အမေရိကန်- နောက်ဆုံးထောက်ခံချက်
(25 May 2013 ရက်စွဲပါ The Economist မှ Myanmar and America: The Ultimate endorsement ကို ဘာသာပြန်ဆိုသည်)
ဦးသိန်းစိန်အား ၎င်း၏ လုပ်ဖော်ကိုင်ဖက်ဗိုလ်ချုပ်များက လွန်ခဲ့သောနှစ်နှစ်ကျော်က မြန်မာနိုင်ငံကို ခေါင်းဆောင် ရန် ရွေးချယ်ခဲ့စဉ်က မြန်မာနိုင်ငံသည် အထီးကျန်နိုင်ငံဖြစ်ပြီး အနောက်က ကျဉ်ထားခြင်း၊ အာရှ၏ကြီးပွား တိုးတက်မှု လမ်းကြောင်းတွင် မဝင်နိုင်အောင် ပိတ်ထားခြင်း၊ သွေးထွက်သံယိုနှိပ်စက်ခြင်းများ၊ စစ်တပ်၏အဂတိလိုက်စားခြင်းနှင့် ဘာမျှ မတက်နိုင်ပဲ အုပ်ချုပ်မှုကိုခံရသော တိုင်းပြည်တစ်ခုဖြစ်ခဲ့ပါသည်။ သို့သော် ယခုအပတ်တွင်မူ ဦးသိန်းစိန်မှာ အိမ်ဖြူ တော်၏ ကြိုဆိုမှုကိုခံရပြီး သမ္မတ Barck Obama နှင့် စကားပြောခဲ့ပြီး၊ မြန်မာနိုင်ငံ၏ ထင်ရှားပြီး လျင်မြန်စွာ ဖြစ်ပေါ်နေသည့် ပြုပြင်ပြောင်းလဲရေးများအပေါ် အမေရိကန်သမ္မတ၏ ချီးကျူးမှုကို လက်ခံရရှိခဲ့ပါသည်။
ကျွန်ုပ်တို့ ယခုအပတ် အထူးစီရင်ခံစာတွင် မြန်မာနိုင်ငံသည် ထူးခြားသည့် အသွင်ပြောင်းမှု ကို ဖြတ်သန်းနေပြီဟု ပြဆိုပါသည်။ တိုင်းပြည်ကို ဗိုလ်ချုပ်များ အုပ်ချုပ်စဉ်က မြန်မာနိုင်ငံမှာ လစ်ဟာနေသော နိုင်ငံတစ်ခု ဖြစ်ခဲ့ပါသည်။ ယခုမူ ၎င်းကိုနေရာမှန်ရှာတွေ့ခဲ့ပြီး တရုတ်၊ အိန္ဒိယ၊ အရှေ့တောင်အာရှတို့အကြား ရှုတ်ထွေးနေသည့် ဆက်ဆံရေးများ ရှိလာပါ သည်။ အိမ်နီးချင်းများသည် လမ်းစီမံကိန်းများ၊ ဆိပ်ကမ်းစီမံကိန်းများဖြင့် အပြေးအလွှားဝင်ရောက်လာပြီး မြန်မာနိုင်ငံနှင့် ပြန်လည်ချိတ်ဆက်လာကြပါသည်။ အမေရိကန်နှင့် ဥရောပသမဂ္ဂတို့သည် အရေးယူမှုအားလုံးနီးပါးကို ရုတ်သိမ်းပေးခဲ့ပြီး လူဦးရေ (၆၄) သန်း ရှိပြီး သယံဇာတကြွယ်ဝ၍ ဈေးကွက်အလားအလာကောင်းများရှိခြင်းအတွက် အကဲဖြတ်ကာ စိတ်လှုပ် ရှားနေကြပါသည်။ ရန်ကုန်ရှိ အခန်းလွတ်များဖြင့်ရှိနေသော ဟိုတယ်များမှာ ရုတ်တရက်တည်းခိုစရာ နေရာမရလောက် အောင်ပြည့်နေပါပြီ။
ဤသို့ဖြစ်မလာမီ ဦးသိန်းစိန်လက်ထက်၌ မြန်မာနိုင်ငံ၏ နိုင်ငံရေးမှာ ကြီးစွာပြောင်းလဲမှုများရှိခဲ့ပါသည်။ ၂၀၁၀ နှောင်းပိုင်းတွင် ဒေါ်အောင်ဆန်းစုကြည်ပြန်လွတ်လာပြီး၊ အခြားထောင်ပေါင်းများစွာ သော နိုင်ငံရေးအကျဉ်းသားများလည်း လွတ်မြောက်လာခဲ့ပါသည်။ ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်မှ ပုဂ္ဂိုလ်များလည်း လွှတ်တော်သို့ဝင် ရောက်နိုင်ခဲ့ပါသည်။ တချိန်က ဖိနှိပ်ခံခဲ့ရသော စာနယ်ဇင်းများမှာလည်း ပြောရေးဆိုခွင့်ရလာကာ ကာလရှည်ကြာ မစားကောင်းသောအသီးပမာဖြစ်ခဲ့ရသည်။ နိုင်ငံရေးမှာလည်း ပြောရိုးပြောစဉ်တစ်ခုဖြစ်လာပါသည်။ နောက်ဆုံးတွင် သာမန် ပြည်သူများသည် ပိုမိုကောင်းမွန်သော အနာဂတ် အတွက် ဆန္ဒပြင်းပြလာခဲ့ပြီး ဒေါ်အောင်ဆန်းစုကြည်မှာလည်း ၂၀၁၅ တွင် သမ္မတဖြစ်ရန်ဖြစ်နိုင်ချေရှိလာပါသည်။
မြန်မာနိုင်ငံမှ တော်လှန်ရေးမှာ ထိပ်ပိုင်းမှ အောက်သို့စီမံသောဖြစ်ရပ်ဖြစ်ပြီး၊ ထိုသို့လုပ်ဆောင်ရသည့် ရည်ရွယ်ချက် အများစုကိုသဲသဲကွဲကွဲ မသိနိုင်ပေ။ သို့သော် ဦးသိန်းစိန်နှင့် ၎င်း၏မဟာမိတ်များသည် အနည်းဆုံးတော့ဖြင့် ၎င်းတို့၏ တိုင်းပြည်ကို တစ်ဖက်ပိတ်မရဏလမ်းသို့ ပို့ဆောင်ခဲ့သော အတိတ်ကိုလွမ်းဆွတ်နေကြဦး မည်ဖြစ်ပါသည်။ ပထမအားဖြင့် စစ်တပ်မှဦးဆောင်သော ဆိုရှယ်လစ်စနစ်ဖြစ်ပြီး၊ ဒုတိယအားဖြင့် သန်းရွှေလက်ထက်တွင် တိုင်းပြည်၏ ကြွယ်ဝမှုများကို စစ်တပ်ခရိုနီများက ခိုးယူသွားကြသည့် စနစ်ဖြစ်ပါသည်။ ကြွယ်ဝသော အိမ်နီးချင်းတိုင်းပြည်များနှင့် ဒေသတွင်းအစည်း အဝေးများတွင် တွေ့ဆုံသည့်အခါတိုင်း မြန်မာနိုင်ငံ၏ ခေတ်နောက်ပြန်ဆွဲမှုမှာ အရှက်ရစေမှုကိုသာ ပိုမိုတိုးပွားစေခဲ့ရ ပါသည်။ အားလုံးကိုခြုံ၍ ဆိုရလျှင် အထီးကျန်ပြုခံရမှုသည် တရုတ်ကစီးပွားရေးအရလွှမ်းမိုးရန်ဖြစ်လာရပြီး ထိုကိစ္စကို အများက ခါးခါးသီးသီး စိတ်ဆိုးကြပါသည်။
ဦးသိန်းစိန်၏ အရဲရင့်ဆုံးလုပ်ရပ်မှာ ဦးသန်းရွှေလက်ကိုင်ထားခဲ့သော “စည်းကမ်းပြည့်ဝသော ဒီမိုကရေစီ” ကို ခက်ခက်ခဲခဲရင်ဆိုင်ခဲ့ခြင်းဖြစ်ပါသည်။ တင်းကြပ်စွာခွဲတမ်းဖြင့်ပေးမည့်လွတ်လပ်မှုသည် မည်သို့မျှ အရာမရောက်နိုင်ပေ။ သူတို့သည် ပြည်တွင်း ပြည်ပ တွင်လွှမ်းမိုးနိုင်သော စိတ်ဓါတ်အင်အားရှိသည့် ဒေါ်အောင်ဆန်းစုကြည် နှင့်တိုက်ရိုက် စကားပြောရန် အစီအစဉ်မရှိပေ။ သို့သော် ဒေါ်အောင်ဆန်းစုကြည်၏ သဘောတူညီမှုမရပါက အနောက်ကမ္ဘာကလည်း ၎င်းတို့၏ ထိရောက်မှုမရှိသည့် အရေးယူမှုများကို ရုတ်သိမ်းပေးလိမ့်မည်မဟုတ်ပေ။ ထို့ကြောင့် ၂၀၁၁ သြဂုတ်လတွင် မည်သည့်အကြောင်းအရာ ဆွေးနွေးသည်ဟုနှစ်ဖက်စလုံးမှ နှုတ်လုံခဲ့သည့် ဦးသိန်းစိန်နှင့် ဒေါ်အောင်ဆန်းစုကြည်တို့၏ တွေ့ ဆုံမှုတွင် နှစ်ဦးနှစ်ဖက်ယုံကြည်မှုတည်ဆောက်နိုင်ခဲ့ကြပါသည်။ ပြောင်းလဲမှုနှုန်းမှာ ၎င်းတို့နှစ်ဦးမှာတွေ့ဆုံအပြီးတွင် အရှိန်မြင့်လာခြင်း ဖြစ်ပါသည်။ ၎င်းတို့နှစ်ဦးမှာ အများ၏ အမှတ်ပေးမှုကို ထိုက်တန်ကြပါသည်။ ထို့နည်းတူ အမေရိကန်၏ ဒီပလိုမေစီအား မြန်မာနိုင်ငံမှ အုပ်ချုပ်သူများကို အပယ်ခံဘဝမှ တစ်ဖြည်းဖြည်း သတ်မှတ်ချက်များဖြင့် ဖြေလျော့ခွင့်ပြု မှုများဖြင့် ဆွဲထုတ်လာရာ အမှတ်ပေးရမည်ဖြစ်ပြီး၊ ယခုအပတ် ဦးသိန်းစိန်အား ဝါရှင်တန်သို့လာရောက်မှုဖြင့် အဆုံးသတ်စေ ခဲ့ပါသည်။
သို့သော် ဦးသိန်းစိန်နှင့်ဒေါ်အောင်ဆန်းစုကြည်အဖို့ များစွာလုပ်ဆောင်ရန် ကျန်ရှိနေပါသေးသည်။ တိုင်းရင်းသား အုပ်စုများအပေါ် စစ်တပ်ကတိုက်ခိုက်နေခြင်းများ၊ ဗုဒဘာသာလူအုပ်ကြီးက မူဆလင်ရိုဟင်ဂျာများအပေါ် အကြမ်းဖက်နေ မှုများ ကဲ့သို့သော လူမျိုးရေးမငြိမ်သက်မှုများသည် မြန်မာနိုင်ငံရှိခဲ့သော ငြိမ်းချမ်းရေးနှင့် ဒီမိုကရေစီအောင်မြင်မှုများတွင် အနုတ်လက္ခဏာများပင်ဖြစ်ပါသည်။ ယခုအချိန်အထိ မြန်မာအများစုနေထိုင်သော ပြည်မကြီးတွင် ကြီးမားသော ပြောင်းလဲမှု များရှိသော်လည်း၊ တိုင်းပြည်၏ လူဦးရေး၏ ငါးပုံတစ်ပုံရှိသော တိုင်းရင်းသားဒေသများတွင်မူ အနည်းငယ်သာ ပြောင်းလဲမှုရှိ ပါသည်။ ယခု မြန်မာနိုင်ငံသည် ကာလကြာရှည်က ဖြစ်နေသော ပြည်တွင်းစစ်ပဋိပက္ခ ငြိမ်းချမ်းသော နည်းဖြင့်ရပ်တန့်နိုင်အောင် လုပ်ဆောင်ရတော့မည်ဖြစ်ပါသည်။ ဖက်ဒရယ်တိုင်းပြည်အဖြစ် ဖန်တီးပြီး ၊ ရိုဟင်ဂျာများအပါအဝင် အားလုံးကို တူညီသော ရပိုင်ခွင့်များ အာမခံချက်ရှိမည့် အခြေခံဥပဒေသစ်လိုအပ်နေပါပြီ။ အဆိုပါကိစ္စများ သက်ဝင်လာမှုမရှိပါက လက်ရှိ ရရှိထားသော အောင်မြင်မှုများသည် အန္တရာယ်ရှိသည့် အခြေအနေတွင်ရှိပါသည်။
| Google Drive: create, share, and keep all your stuff in one place. |  |