Posts
 | CURRENT NEWS |
ပြည်တွင်း နိုင်ငံရေး၊ စီးပွားရေး သတင်းစဉ်
- အမျိုးဘာသာ၊ သာသနာထိန်းသိမ်းစောင့်ရှောက်ရေး သြဝါဒခံယူပွဲကျင်းပ
- နှစ် ၅၀ ကျော်အတွင်း အမေရိကန်-မြန်မာစီးပွားရေး ပူးပေါင်းဆောင်ရွက်ရန် ပထမဆုံး လက်မှတ်ထိုး
- မြန်မာနိုင်ငံ ဆက်သွယ်ရေးဝန်ဆောင်မှု လုပ်ငန်းတင်ဒါ Telenor နှင့် Ooredoo ရရှိ
အမျိုးဘာသာ၊ သာသနာထိန်းသိမ်းစောင့်ရှောက်ရေး သြဝါဒခံယူပွဲကျင်းပ
အမျိုးသားဘာသာ သာသနာထိန်းသိမ်းစောင့်ရှောက်ရေး သြဝါဒခံယူပွဲကို ရန်ကုန်တိုင်း ဒေသကြီး အင်းစိန်မြို့နယ် အောင်ဆန်းတောရတပ်ဦးကျောင်းတိုက်တွင် ဇွန်လ ၂၇ ရက်နေ့က ကျင်းပခဲ့ပြီး တက်ရောက်လာကြသော သံဃာတော်ကိုယ် စားလှယ် အရှင်သူ မြတ် ၁၅၃၀ ပါးကျော်တို့မှ မျိုးစောင့်ဥပဒေပြဋ္ဌာန်းရန်အတွက် အတည်ပြုထောက်ခံခဲ့ပြီး သီတဂူဆရာ တော်ကြီး ဒေါက်တာအရှင်ဥာဏိဿရက အမျက်ထွက်ခြင်းနှင့် ခံစားနာ ကြည်းခြင်းများသည် လုပ်ငန်းများ၏ အတားအဆီး အနှောက်အယှက်ဖြစ်တက်သော ကြောင့် သည်းခံခွင့်လွှတ်ရန် မိန့်ကြားခဲ့ကြောင်း သိရှိရသည်။
အမျိုးဘာသာ သာသနာထိန်းသိမ်းစောင့်ရှောက်ရေးအတွက် မြန်မာနိုင်ငံတွင်း အကြမ်း ဖက်မှုပဋိပက္ခများ မဖြစ်ပွား စေရေး အသိပညာပေးရေး တားဆီးကာကွယ်ရန်၊ နိုင်ငံသား တိုင်းရင်းသားလူမျိုးများ ညီညွတ်မှု၊ စည်းကမ်းရှိမှုဖြင့် ဘာသာ ပေါင်းစုံ ငြိမ်းချမ်းစွာ နေထိုင်နိုင်ရေး စည်းရုံးရန်၊ အမျိုးဘာသာ သာသနာ တိုင်းပြည်နှင့် လူမျိုးအား တရားဥပဒေဖြင့် ကာကွယ် ထိန်းသိမ်းစောင့်ရှောက်ရန် ရည်ရွယ်ကျင်းပခဲ့ခြင်းဖြစ် ကြောင်း သိရှိရသည်။
“အမျိုးဘာသာ သာသနာအမည်တပ်ပြီးတော့ အဖွဲ့အစည်းတစ်ခု ဖွဲ့စည်းရမယ်၊ ဒီကနေ့ ဘယ်ဘာသာကပဲ ပြော ပြော၊ TIME မဂ္ဂဇင်းကဘဲဖြစ်ဖြစ် ဘာပြောပြော သည်းခံတော်မူကြပါ၊ သည်းမခံနိုင်ရင် တပည့်တော်တို့ လုပ်ငန်းတစ်ခု လုံးမှာ အန္တရာယ် ရှိနိုင်တယ်။ သည်းခံတဲ့အကျင့်ကို လိုက်နာကျင့်သုံးပါလို့ ရှေးဦးစွာတောင်းပန်ပါရစေ၊ သို့သော်မဟုတ်ရင် မဟုတ် ဘူးလို့ ရှင်းရမယ် ဒါကလူ့အခွင့်အရေးဘဲ၊ ဟုတ်ရင်လည်း ဟုတ်တာကို ဝန်ခံရမယ်”ဟု သီတဂူဆရာတော် ကမိန့်ကြားခဲ့သည်။
ထို့အပြင် လက်ရှိမျိုးစောင့်ဥပဒေနှင့် ပတ်သက်၍ သတင်းထုတ်ပြန်ခြင်း တစ်စုံတစ်ရာ မရှိသေးဘဲ ပြင်ပတွင် ယင်းဥပဒေသည် မြန်မာအမျိုးသမီးများအား ဘာသာခြားများနှင့် လက်ထပ်ခွင့် မပြုခြင်းသည် လူ့အခွင့်ချိုးဖောက်သည်ဟု ပြောဆိုချက်များ၊ သံဃာ တော်များသည် ဘာသာရေးအလုပ်ကိုမလုပ်ဘဲ လူမှုရေးအလုပ်ကိုလုပ်နေသည်ဟူ သောစွပ်စွဲချက် များ၊ သံဃာတော်များသည် လူ့အခွင့်အရေးကို မလေးစားမလိုက်နာဟူ သောစွပ်စွဲချက်များဖြင့် သံဃာတော်များ၏ ဂုဏ်သိက္ခာ ကျဆင်းအောင် ပြောဆိုပုတ် ခတ်ရေးသားခြင်း၊ သံဃာတော်များ၏ အမျိုးဘာသာ သာသနာတော်အပေါ်ထားရှိသော ကောင်းမြတ်သောစေတနာနှင့် မေတ္တာတရားကို ကိုးကွယ်သူ ဒါယကာ ဒါယိကာမများ အားအထင်မှား အမြင်မှားဖြစ်အောင် လှုံ့ဆော်ပေးခြင်း စသော အကြောင်းတရား များကို ဖန်တီးနေသူများဟု ပြောဆိုခြင်းသည် တရားမျှတစွာပြောဆိုရာ မရောက် ကြောင်း သီတဂူဆရာတော်မှ ဆက်လက်မိန့်ကြားခဲ့သည်။
ဥပဒေစာတမ်းပါ အကြောင်းအရာများကို ခြုံငုံပြောလျှင် အမျိုးသမီးအခွင့်အရေးများ တားဆီးပိတ်ပင်မှုကို ဆွေးနွေး ထားခြင်းမဟုတ်ဘဲ အစည်းအဝေးရည်ရွက်ချက်အတိုင်း ဥပဒေကို ပီပီပြင်ပြင်ဥပဒေအဖြစ် ပြဋ္ဌာန်းထားခြင်းမရှိသေးဘဲ မြန်မာ့ ဓလေ့ထုံးတမ်းဥ ပဒေဖြင့် ရပ်တည်နေရသော မြန်မာအမျိုးသမီးများ၏ အခွင့်အရေးများ ဆုံးရှုံးနေပါသ ဖြင့် နိုင်ငံတော်သို့ ဥပဒေပြုနိုင်ရန် တင်သွင်းခြင်းသာဖြစ်ပြီး ယင်းဥပဒေရေးဆွဲရန် သံဃာတော်များမှ အကြုံခြင်းကိုသာ လုပ်ဆောင်ခြင်းဖြစ်သည် ဟု ဆရာတော်မှ မိန့်ကြားခဲ့ကြောင်း သိရသည်။
နှစ် ၅၀ ကျော်အတွင်း အမေရိကန်-မြန်မာစီးပွားရေး ပူးပေါင်းဆောင်ရွက်ရန် ပထမဆုံး လက်မှတ်ထိုး
မြန်မာနိုင်ငံနှင့် ယခုနှစ်ပိုင်းမှစ၍ သံတမန်ဆက်ဆံရေး ပြန်လည်ထူထောင်ခဲ့သော အမေရိကန်ပြည်ထောင်စု သည် နှစ်နိုင်ငံ စီးပွားရေးပူးပေါင်းဆောင်ရွက်မှု ဆိုင်ရာ သဘောတူစာချုပ်ကို နှစ်ပေါင်း ၅၀ ကျော်အတွင်း ပထမဆုံးအကြိမ်အဖြစ် သဘောတူလက်မှတ် ပြန်လည်ရေးထိုးလိုက်ကြောင်း မြန်မာနိုင်ငံဆိုင်ရာ အမေရိကန် သံရုံးမှ တာဝန်ရှိသူတစ်ဦးက ပြောကြား သည်။
မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရစ်မစ်ချဲလ်နှင့် အမျိုးသားစီမံကိန်းနှင့် စီးပွားရေးဖွံ့ဖြိုး တိုးတက်မှု ၀န်ကြီးဌာန ဒုတိယ၀န်ကြီး ဦးဆက်အောင်တို့သည် ဇွန် ၂၇ ရက်တွင် စီးပွားရေး ပူးပေါင်းဆောင် ရွက်မှု အတွက် နေပြည်တော် တွင် တွေ့ဆုံဆွေးနွေးကာ နှစ်ဦးနှစ်ဖက် သဘောတူစာချုပ်တွင် လက်မှတ်ရေး ထိုးခဲ့ကြခြင်း ဖြစ်သည်။ အမေရိကန်သမ္မတ ဘားရက်အိုဘားမား၏ ခရီးစဉ်အတွင်း မြန်မာနိုင်ငံ ဒီမိုကရေစီ အသွင်ကူးပြောင်းရေး လုပ်ငန်းစဉ်များတွင် အထောက်အကူ ပြုနိုင်ရန် အမေရိကန်ဒေါ်လာ သန်း ၁၇၀ ကို အမေရိကန် အပြည်ပြည်ဆိုင်ရာ ဖွံ့ဖြိုးရေးအေဂျင်စီမှ တစ်ဆင့် ထောက်ပံ့ မည်ဟူသော ကြေညာချက်သည် လည်း အဆိုပါ နှစ်နိုင်ငံ သဘောတူညီချက် စာချုပ် လက်မှတ်ရေးထိုးသည့်အချိန်မှ စ၍ တရားဝင်ဖြစ်ပြီ ဖြစ်ကြောင်း အမေရိကန်သံရုံး၏ ထုတ်ပြန်ကြေညာချက် အရ သိရှိရသည်။
“လွန်ခဲ့တဲ့ နှစ်နှစ်အတွင်းက မြန်မာနိုင်ငံမှာ ဒီမိုကရေစီ ပြုပြင်ပြောင်းလဲမှုတွေ တိုးတက်ပြောင်းလဲလာ တာ တွေ့ရမှာပါ။ ပြုပြင်ပြောင်းလဲမှုတွေက ကောင်းမွန်တဲ့ တိုးတက်မှုတွေ ရရှိဖို့အတွက် အခွင့်အလမ်းကောင်း တွေ ပေါ်ပေါက် စေသလို စိန်ခေါ်မှုအသစ်တွေလည်း ဖြစ်ပေါ်စေမှာပါ။ အခု ချုပ်ဆိုခဲ့တဲ့ သဘောတူညီချက်ဟာ ပြုပြင်ပြောင်းလဲမှု အပေါ်မှာ ထားရှိတဲ့ အမေရိကန်ပြည်ထောင်စုနဲ့ မြန်မာနိုင်ငံရဲ့ အားပေးထောက်ခံမှုကို အထောက်အပံ့ဖြစ်စေမှာပါ” ဟု သံအမတ်ကြီး ဒဲရစ်မစ်ချဲလ် က သတင်းကြေညာချက်တစ်ခုတွင် ထည့်သွင်း ပြောဆိုခဲ့သည်။
အမေရိကန် အပြည်ပြည်ဆိုင်ရာ ဖွံ့ဖြိုးရေးအေဂျင်စီ (USAID) သည် ဒီမိုကရေစီ၊ လူ့အခွင့်အရေး၊ တရား ဥပဒေစိုးမိုး ရေး၊ ငြိမ်းချမ်းရေးနှင့် အမျိုးသား ရင်ကြားစေ့ရေး၊ အစားအသောက်များတွင် အန္တရာယ် ကင်းရှင်း ရေးနှင့် ကျန်းမားရေး လုပ်ငန်း များကို ကမ္ဘာ့အနှံ့ လုပ်ဆောင်ပေးနေသည့် အမေရိကန်ပြည်ထောင်စု၏ အစိုးရ အဖွဲ့အစည်းတစ်ခုဖြစ်ကာ ယခုချုပ်ဆိုလိုက် သော သဘောတူညီချက်သည် အထူးသဖြင့် (USAID) ၏ လုပ် ဆောင်မှုများအတွက် ဖြစ်သည်။
မြန်မာနိုင်ငံသည် အမေရိကန်ပြည်ထောင်စုနှင့် ပထမဆုံးသော အမေရိကန်-မြန်မာ စီးပွားရေး ပူးပေါင်းဆောင်ရွက်မှု ဆိုင်ရာ သဘောတူညီချက်စာချုပ် ကို ၁၉၅၀ ခုနှစ်က ရေးထိုးခဲ့ကြပြီး အမေရိကန်အစိုးရမှ အမေရိကန် အပြည်ပြည်ဆိုင် ရာ ဖွံ့ဖြိုးမှုအေဂျင်စီမှ တစ်ဆင့် နည်းပညာဝန်ဆောင်မှု၊ စိုက်ပျိုးရေးကဏ္ဍသုံး ပစ္စည်းများနှင့် အခြားသော အထောက်အပံ့များ ပေးအပ်ခဲ့သည်။ သို့သော် တပ်မတော်အစိုးရ လက်ထက်တွင် လူ့အခွင့်အရေး ချိုးဖောက်မှုများကြောင့် ၁၉၉၈ ခုနှစ် နောက် ပိုင်းတွင် အမေရိကန် အပြည်ပြည်ဆိုင်ရာ ဖွံ့ဖြိုးရေး အေဂျင်စီ သည် မြန်မာနိုင်ငံမှ အပြီးအပိုင် ထွက်ခွာသွားခဲ့သည်။
အမေရိကန်နိုင်ငံသည် ၂၀၀၈ ခုနှစ် နာဂစ်မုန်တိုင်း တိုက်ခတ်ပြီးသည့်အချိန်မှ စ၍ ကျန်းမာရေးဆိုင်ရာ အစီအစဉ် အချို့ဖြင့် မြန်မာနိုင်ငံသို့ ပြန်လည်ဝင်ရောက်လာခဲ့သည်။ USAID ဆိုသည်မှာလည်း ၂၀၁၂ ခုနှစ် နှစ်ကုန်ပိုင်း၌ ယခင် အမေရိကန် နိုင်ငံခြားရေးဝန်ကြီး မစ္စဟီလာရီကလင်တန် မြန်မာနိုင်ငံသို့ လာရောက်စဉ်အတွင်း မြန်မာနိုင်ငံအတွက် အထောက် အပံ့များ ပေးအပ်မည်ဟု ကြေညာချက်ထုတ်ပြန်ပြီး ပြန်လည်ဖွင့်လှစ် ခဲ့သော အဖွဲ့အစည်းတစ်ခုပင်ဖြစ်သည်။
မြန်မာနိုင်ငံ ဆက်သွယ်ရေးဝန်ဆောင်မှု လုပ်ငန်းတင်ဒါ Telenor နှင့် Ooredoo ရရှိ
ဖွံ့ဖြိုးမှု နောက်ကျနေသော မြန်မာနိုင်ငံဆက်သွယ်ရေး လုပ်ငန်းကဏ္ဍဖွံ့ဖြိုးတိုးတက်စေရန် အတွက် ပြည်ပ လုပ်ငန်း ရှင်များအား တင်ဒါခေါ်ယူခဲ့ရာတွင် နောက်ဆုံးအဆင့်အနေဖြင့် ကာတာအခြေစိုက် Oreedoo (Qtell) ကုမ္ပဏီနှင့် နော်ဝေနိုင်ငံ အခြေစိုက် Telenor ကုမ္ပဏီတို့မှ တင်ဒါအောင်မြင်သွားခဲ့ကြောင်း တယ်လီကွန်း အော်ပရေတာ တင်ဒါအကဲဖြတ်ရေးနှင့် ရွေးချယ်ရေးကော်မတီ၏ ဇွန်လ ၂၇ ရက်နေ့သတင်းထုတ်ပြန် ချက်အရ သိရသည်။
အဆိုပါ ဆက်သွယ်ရေးလုပ်ငန်းဝန်ဆောင်မှု တင်ဒါအောင်မြင်သွားသော ဆက်သွယ်ရေးကုမဏီနှစ်ခုတို့မှာ ပြည်တွင်း ဈေးကွက်တွင် တယ်လီဖုန်းအော်ပရေတာ ၀န်ဆောင်မှုလုပ်ငန်းများကို ၂၀၁၄ ခုနှစ် မေလနောက် ပိုင်းတွင်စတင်မည်ဖြစ် ကြောင်း ယင်းကုမ္ပဏီများမှ ထုတ်ပြန်ကြေငြာခဲ့သည်။ ထို့အပြင် အကြောင်းအမျိုးမျိုး ကြောင့် တင်ဒါအောင်မြင်သော်ကုမ္ပဏီ များ လုပ်ဆောင်ခြင်းမပြုနိုင်ပါက အရံအနေဖြင့် ပြင်သစ်အခြေစိုက် Orange နှင့် Marubeni ကော်ပိုရေးရှင်းပူးတွဲ်ကုမ္ပဏီကို အရန်အဖြစ် ရွေးချယ်ထားကြောင်း တင်ဒါအကဲဖြတ်ရေးနှင့် ရွေးချယ်ရေး ကော်မတီ၏ ထုတ်ပြန်ချက်တွင် ပါရှိ သည်။ ထို့ပြင် ဆက်သွယ်ရေးဆိုင်ရာ ဥပဒေများကို လွှတ်တော်တွင် အတည်ပြုမှသာ အဆိုပါဆက်သွယ်ရေးလိုင်စင်ရ ကုမ္ပဏီများကို လိုင်စင် များ တရားဝင်ချပေးမည် ဖြစ်ကြောင်းလည်း သိရသည်။
တင်ဒါအောင်မြင်သွားသော Telenor Group သည် နော်ဝေအစိုးရမှ ၅၄ ရာခိုင်နှုန်းပိုင်ဆိုင်ခြင်းဖြစ်ပြီး လက်ရှိအချိန် တွင် ထိုင်း၊ အိန္ဒိယ၊ ပါကစ်စ္စတန်၊ ဘင်္ဂါလားဒေ့ရှ်၊ မလေးရှား၊ နော်ဝေ၊ ဆွီဒင်၊ မွန်တီနီဂရို၊ ဒိန်းမတ်၊ ဟန် ဂေရီ၊ ဆားဘီးယား အစရှိသောနိုင်ငံများတွင် ဆက်သွယ်ရေးဝန်ဆောင်မှုများ ပေးလျက်ရှိပြီး ယင်းဝန်ဆောင်မှု ကို သုံးစွဲသူအရေ အတွက် ၂၁၄ သန်းရှိပြီး ကမ္ဘာပေါ်တွင် ကိုးခုမြောက် အကြီးဆုံးဆက်သွယ်ရေး ကုမဏီဖြစ် ကြောင်း သိရသည်။ အဆိုပါ Telenor အနေဖြင့် မြန်မာ့ ဆက်သွယ်ရေးကဏ္ဍကို ကမ္ဘာ့အဆင့်မီဖြစ်စေရန် HSPA နှင့်LTE နည်းပညာများဖြင့် ငါးနှစ်အတွင်း မိုဘိုင်းကွန်ရက်ကို တစ်နိုင်ငံလုံး ဖြန့်ကြက်နိုင်ရန် စီစဉ်ထားကြောင်း သိရသည်။
“မြန်မာနုိုင်ငံရဲ့ ဆက်သွယ်ကဏ္ဍ ဖွံ့ဖြိုးတိုးတက်ဖို့ အစွမ်းကုန် ထောက်ပံ့ဖို့ ရှိပါတယ်။ ကျွန်တော်တို့ဟာ အာရှဈေး ကွက်ငါးခုမှာ ဦးဆောင်နေရပြီး ဒီကနေ့ ထုတ်ပြန်ချက်ကတော့ အာရှ ဒေသတလျှောက် Telenor ရဲ့ စဉ်ဆက်မပြတ်အောင်မြင် နေတဲ့ လွယ်ကူချောမွေ့တဲ့ မိုဘိုင်းဆက်သွယ်ရေး ဝန်ဆောင်မှု မဟာဗျူဟာကို မီးမောင်း ထိုးပြလုိုက်ခြင်းလည်းဖြစ်ပါတယ်။ ကျွန်တော်တို့ ဟာ အစိုးရအပါအဝင်၊ မြန်မာနုိုင်ငံရဲ့ လူမှုစီးပွားဖွံ့ဖြိုးတိုးတက်မှုမှာ အဓိက အခန်းကဏ္ဍမှာ ပါဝင်နေတဲ့ ဆက် သွယ်ရေးကဏ္ဍ ဖွံ့ဖြိုးတိုးတက်ရေးမှာ မြန်မာပြည်သူများနဲ့ပါ လက်တွဲလုပ်ဆောင်သွားမှာ ဖြစ်ပါတယ်” ဟုTelenor Group ၏ အာရှရေးရာ အကြီးအကဲလည်းဖြစ်၊ ဒုဥက္ကဋ္ဌလည်းဖြစ်သည့် Jon Fredrik Bakaas က မြန်မာနိုင်ငံ၏ ဆက်သွယ်ရေး ကဏ္ဍ တွင် လုပ်ကိုင်ခွင့် လိုင်စင်ရရှိခဲ့ခြင်း အပေါ်ပြောကြားသွားခဲ့သည်။
ထို့အတူ မြန်မာနိုင်ငံဆက်သွယ်ရေးလုပ်ငန်းလိုင်စင်ရရှိခဲ့သော ကာတာနိုင်ငံ အခြေစိုက် Ooredoo မှာလည်း လက်ရှိ အချိန်တွင် ကာတာ၊ အိုမန်၊ အင်ဒိုနီးရှား၊ အီရတ်၊ ကူဝိတ်၊ အယ်ဂျီးရီးယား၊တူနီးရှား အစရှိသော နိုင်ငံများ၏ ဆက်သွယ်ရေး အော်ပရေတာ လုပ်ငန်းများတွင် ၀န်ဆောင်မှုပေးလျက်ရှိပြီး အသုံးပြုသူ ၉၁ သန်းရှိ နေကြောင်း သိရသည်။ Ooredoo အနေဖြင့် တင်ဒါမကြေညာခင်က အခြားကုမဏီများကဲ့သို့ရှေ့ဆက်လုပ်ကိုင်မည့် လမ်းစဉ်များကို ရှင်းလင်းပြောကြားခြင်းမရှိ သော်လည်း ၎င်းတို့တင်ဒါအောင်မြင်ကြောင်း ကြေငြာချက် ထွက်ရှိပြီး နာရီပိုင်းအတွင်း ၎င်းတို့ Ooredoo အနေဖြင့် အလုပ် အကိုင် အခွင့်အလမ်းများစွာဖန်တီးပေးမည်ဖြစ်သည့် အပြင် ၎င်းနှင့်ဆက်စပ်နေသော အရောင်းမြှင့်တင်ရေး၊ ကုန်ပစ္စည်းဖြန့်ချီ ရေး၊ ၀န်ဆောင်မှုလုပ်ငန်း စသော နယ်ပယ်များတွင်လည်း အလုပ်အကိုင်အခွင့်အလမ်းများစွာ ဖန်တီးပေးမည်ဖြစ်ကြောင်း ကြေငြာချက်ထုတ်ပြန်ခဲ့သည်။
“Ooredoo အနေနဲ့ မြန်မာနိုင်ငံရဲ့ ဆက်သွယ်ရေးကွန်ရက် ပိုမိုကောင်းမွန်စေဖို့အတွက် အာဆီယံဒေသအတွင်းမှာ ရရှိခဲ့တဲ့ အတွေ့အကြုံတွေကို ယူဆောင်လာမှာပါ။ Ooredoo ဟာဆက်သွယ်ရေး ကွန်ရက်တွေကို အသုံးပြုရလွယ်ကူအောင်၊ အသုံးပြုသူတွေ အဆင်ပြေအောင် လူသားတွေရဲ့လူမှု ဘ၀တွေကို တိုးတက်မြင့်မားအောင်း ဆောင်ရွက်ပေးမှာဖြစ်လို့ မြန်မာ နိုင်ငံဟာ Ooredoo ရဲ့အဓိကဈေးကွက် ဖြစ်လာမယ် လို့ အကြွင်းမဲ့ယုံကြည်ပါတယ်” ဟု Ooredoo ၏ ဥက္ကဋ္ဌ Mr.Sheikh Abdullah Bin Mohammed Bin Saud Al- Thani မှ ပြောသည်။
မြန်မာ့ဆက်သွယ်ရေးလုပ်ငန်းမှ ၂၀၁၃ ခုနှစ်မှ ၂၀၁၆ ခုနှစ်အတွင်း မိုဘိုင်းလ်ဖုန်းလိုင်း သုံးဆယ့်ကိုးသန်း ငါးသိန်းကို ချပေးရမည်ဖြစ်ကြောင်း ညွှန်ကြားထားပြီး ၂၀၁၃-၁၄ တွင်လိုင်း ၁၀ သန်း၊ ၂၀၁၄-၁၅ တွင် လိုင်း ၁၄ သန်း၊ ၂၀၁၅-၁၆ တွင် ၁၅ ဒဿမ ၅ သန်းအထိ ပြည့်မီအောင်ဆောင်ရွက်ရန် စီမံချက်ရှိသောကြောင့် ယခုလိုင်စင်ရရှိသော ပြည်ပကုမဏီနှစ်ခုအပါအ၀င် ပြည်တွင်းရှိ Myanmar Telecom နှင့် ရတနာပုံဆက်သွယ်ရေးကုမဏီတို့မှ အဆိုပါ ရည်မှန်းချက်များနှင့် ပြည့်မီအောင် ဆောင်ရွက်ရမည်ဖြစ်ကြောင်း သိရသည်။
| Google Drive: create, share, and keep all your stuff in one place. |  |