Posts
ဘာသာပြန်သတင်းများ (၂)
မြန်မာကို အနောက်အုပ်စုမကူနိုင်ဟု တရုတ်က ဆိုပေမယ့် ဘယ်ပြိုင်ဖက်ကို ကြောက်သင့်သလဲ
(International Business Times မှ 18 Dec 2013 ရက်စွဲပါ “ China says West can’t afford to help Myanmar, But which rival should it be fear ? သတင်းဆောင်းပါးကို ဘာသာပြန်ဆိုသည်။)
အနောက်နိုင်ငံများသည် မြန်မာနိုင်ငံကို ဆင်းရဲတွင်းမှ ဆွဲတင်ရန် ကူညီနိုင်ကြမည်မဟုတ်ကြောင်း တရုတ်နိုင်ငံ က ပြောကြားသော်လည်း မြန်မာနိုင်ငံတွင် တရုတ်သြဇာလွှမ်းမှု နေရာပျောက်နိုင်သော ကိစ္စနှင့် ပတ်သက်၍ တရုတ်က စိုးရိမ်ရမည့် သူမှာ အမေရိကန်ပြည်ထောင်စု မဖြစ်နိုင်ပါ။
တရုတ်ကွန်မြူနစ်ပါတီ အာဘော် Global Times သတင်းစာက “ ဝါရှင်တန်သည် တရုတ် - မြန်မာ စီးပွားရေး ဆက်ဆံမှု ထိခိုက်အောင် ချက်ကြိုးဖြတ်ရန်အတွက် မွှေနှောက်ဖို့ ကြိုးစားလိမ့်မည်” ဟု ထိုးနှက်ရေးသားထားကြောင်း ဧရာဝတီ သတင်းဌာနက အင်္ဂါနေ့က ဖော်ပြသည်။
“မည်သို့ပင်ဖြစ်စေ၊ မြန်မာနိုင်ငံသည် အမေရိကန်ပြည်ထောင်စု၏ ရင်ခွင်သို့ လုံးလုံးလျားလျား ခိုဝင်မည့် အလား အလာမရှိကြောင်း၊ ငွေကြေးပြဿနာရင်ဆိုင်နေရသော အနောက်အုပ်စု နိုင်ငံများသည် မြန်မာနိုင်ငံအား စီးပွားရေး အကူအညီ များများစားစားပေးရန် မတက်နိုင်ကြကြောင်း၊ ထို့အပြင် ရင်းနှီးမြှုပ်နှံမှုပတ်ဝန်းကျင် မကောင်း သည့်အပြင် နိုင်ငံရေးအခြေအနေ မတည်ငြိမ်သည့် နေရာမျိုးတွင် ရင်းနှီးမြှုပ်နှံရန် အမေရိကန်နှင့် ဥရောပကုမ္ပဏီများက မလိုလား ကြောင်း” တရုတ် Global Times သတင်းဆောင်းပါးက ဆိုပါသည်။
မြန်မာနိုင်ငံသည် ၂၀၁၁ တွင်အရပ်ဖက်အစိုးရ အာဏာရလာပြီးနောက် ယခင်က သံချေးကိုက်အောင် ပိတ်ပင်ထားခဲ့သော တံခါးကို ဖွင့်၍ နိုင်ငံတကာအသိုင်းအဝိုင်းနှင့် ထိတွေ့ဆက်ဆံလာခဲ့ရာ၊ တရုတ်နိုင်ငံသည် ဆင်းရဲ မွဲတေသော အိမ်နီးချင်း မြန်မာနိုင်ငံထက် ၎င်းကပိုမိုအမြတ်ထွက်သော သတ္တုတွင်းများနှင့် အခြားရင်းနှီးမြှုပ်နှံမှု စီမံကိန်းများ လုပ်ကိုင်နေမှုအတွက် အကြိမ်ပေါင်းများစွာ ထပ်ကာထပ်ကာ ဝေဖန်ပြစ်တင်ခံနေရပါသည်။
ထိုအတောအတွင်း တရုတ်နှင့် ကွဲပြားခြားနားစွာပင် ဂျပန်နိုင်ငံသည် မြန်မာနိုင်ငံ၏ ခေတ်နောက်ကျနေသော စက်မှု စီးပွားအခြေခံအဆောက်အဦးစနစ် တိုးတက်လာအောင် ကူညီရန်အတွက် ချေးငွေများ ထပ်ကာထပ်ကာ ပေးခဲ့ သည်။ ယခင်ပြန်ဆပ်ရန် ကျန်သော ကြွေးဟောင်းများကို လျှော်ပစ်ခဲ့သည့်အပြင် ယခုလအတွင်း မကြာသေးမှီက ချေးငွေသစ် ဒေါ်လာသန်း ၅၈၀ ကူညီနိုင်မည်ဟု ကတိပေးခဲ့သည်။
ဝန်ကြီးချုပ်ရှင်ဇိုအာဘေး အစိုးရလက်ထက်တွင် အရင်ကကူညီထားသော အမေရိကန်ဒေါ်လာ ၁.၄၅ ဘီလီယံ အပြင် ယခုနောက်ဆုံးကတိပြုလိုက်သည့် ချေးငွေသည် လုံးလုံးလျားလျားစီးပွားရေးအကူအညီဖြစ်အောင် တွန်းအားပေး လိမ့် မည်ဟု ဂျပန် Kyodo သတင်းဌာနက ဆိုပါသည်။
ထို့အပြင် တရုတ်အပါအဝင် အခြားတိုင်းပြည်များနှင့် ထိစပ်နေသော မြန်မာနိုင်ငံနယ်စပ် ဒေသများတွင် နေထိုင်ကြ သော တိုင်းရင်းသားလူမျိုးများ၏ လူနေမှုအဆင့်ကို မြှုင့်တင်ပေးရန်အတွက် ကျန်းမာရေး၊ စိုက်ပျိုးရေးနှင့် အခြားကဏ္ဍ များကိုလည်း ဝန်ကြီးချုပ်ရှင်ဇိုအာဘေးက အကူအညီပေးလိမ့်မည်ဟု မျှော်လင့်ရကြောင်း ဂျပန်သတင်း ဌာနက ဆက်လက်ဖော်ပြထားသည်။
သို့ရာတွင် ဂျပန်အပါအဝင် အခြားနိုင်ငံခြားတိုင်းပြည်များသည် မြန်မာနိုင်ငံနှင့် စီးပွားရေးဆက်ဆံခြင်းနှင့် မြန်မာနိုင်ငံ အပေါ်သြဇာညောင်းခြင်း ကိစ္စများတွင် တရုတ်ပြည်ကို လိုက်မှီနိုင်ရန် နှစ်ပေါင်းအတော်အတန်ကြာပေ လိမ့်ဦးမည်။ ၁၉၈၈ နောက်ပိုင်း မြန်မာနိုင်ငံကလက်ခံရရှိထားသော နိုင်ငံခြားရင်းနှီးမြှုပ်နှံမှု ပမာဏ ဒေါ်လာ ၄၄ ဘီလီယံတွင် တရုတ်နိုင်ငံက ဒေါ်လာ ၁၄.၁၉ သန်း (သို့) ၀.၆၃ ရာခိုင်နှုန်းဖြင့် နံပါတ် (၁၁)နေရာတွင် ရောက်နေပြီး၊ အမေရိကန် ပြည်ထောင်စုကမူ ဒေါ်လာ ၂၄၃ သန်းဖြင့် ဂျပန်၏ နောက်သို့ပင် ရောက်နေသည်။
ရန်ကုန်မြို့မှ စောင့်ကြည့်လေ့လာသူများကမူ “ မြန်မာအာဏာပိုင်တွေဟာ တရုတ်ရဲ့ရင်ခွင်ကို လုံးလုံးလျား လျား ခိုဝင်ဖို့ အရင်အစိုးရလက်ထက် ကတည်းက အစီစဉ်မရှိပါဘူး။ တရုတ်ရဲ့ ခြောက်လုံး၊ လှန့်လုံးတွေကို ကြောက်ချင် ယောင်ဆောင်ပြတာပါ။ ဒါကြောင့် ဒီကိစ္စကို ပြည်သူတွေ စိုးရိမ်စရာမလိုပါဘူး။ အခြေအနေအရ ကျွံဝင်သွားခဲ့တဲ့ အရှုပ်အထွေး တွေကိုတော့ ရှင်းဖို့လိုတာပေါ့” ဟုမှတ်ချက်ပေးပြောကြားသည်။
| Google Drive: create, share, and keep all your stuff in one place. |  |