ဒီအချိန်ကြီးမှာတော့ ရေမလောင်းတန်ဘူးလို့ ယူဆပေမယ့် သူစက်ဘီး အနားအရောက်မှာ ရေပုံးကိုယူပြီး အားနဲ့လှမ်းလောင်းလိုက် ပါတော့တယ်။ မအေးအေးခိုင် အနေနဲ့စိတ်တော်တော်လေး ဆိုးပြီး ဒီအချိန်ကြီးမှာ ရေလောင်းရသလား၊ ညနေ ၆နာရီကျော်နေပြီ မသိဘူးလားလို့ ပြောတဲ့အခါမှာ အဆိုပါ လူငယ်အုပ်က ရင့်သီးတဲ့ စကားလုံး၊ ရန်စတဲ့စကားလုံးတွေနဲ့ ပြန်ပြောပါတယ်။ သူအနေနဲ့ ရင်ဆိုင်ပြီး ဆက်စကားများနေရင် တဘက်က လူငယ်အုပ်က အလျော့ပေးမယ့်ပုံ မပေါ်တာလို့ အခြေအနေကို သဘောပေါက်ပြီး ရှေ့ဆက်မသွားတော့ပဲ အိမ်ကိုသာ ပြန်လှည့်လာပါတော့တယ်။

သူ့အဖြစ်ကို အိမ်မှာပြန်ပြောပြတဲ့အခါ အိမ်သူအိမ်သားတွေက နေ့ခင်းကလည်း မိန်းကလေးတဦး စက်ဘီးစီးလာတာကို ရေပုံးနဲ့ မျက်နှာကိုလှမ်းပက်တာကြောင့် စက်ဘီးလဲပြီး မိန်းကလေးခမျာ ကတ္တရာလမ်းပေါ် လဲကျသွားတယ်လို့ ပြောပြကြပါတယ်။

အခုအဖြစ်ဟာ ရန်ကုန်မြို့မှာရော အခြားသော မြို့ကြီးတွေမှာပါ ယခုနောက်ပိုင်း ကြုံတွေ့နေရတဲ့ အခြေအနေပါ။ သင်္ကြန် အကျနေ့ နေ့ခင်းမှာပဲ ရန်ကုန်မြို့ ဦးချစ်မောင်လမ်းနဲ့ ဂွတ္တလစ်ဈေးဆုံတဲ့ မီးပွိုင့်ဒေါင့်မှာ နာရေး ပို့ဖို့ရာအတွက်သွားကြမယ့် ကားတန်းဟာ သင်္ကြန်ရေပက်ခံမဏ္ဍပ်ရှေ့ ပိတ်နေတဲ့ကားတွေကြောင့် ရှေ့မတိုးနိုင်ပါဘူး။ ယာဉ်ထိန်းရဲတွေလည်း ဘယ်လိုမှ ရှင်းလင်းလို့ မရတာကြောင့် ဒီအတိုင်း ရပ်ကြည့်နေလိုက် ကြပါတယ်။ ကားတန်းထဲမှ ဆလွန်းကားတစ်စီးမှာ နာရေးအတွက်သွားမယ့် သံဃာတော်နဲ့ နာရေးပို့သူတွေ စီးနင်းလာကြပါတယ်။ လမ်းပိတ်လို့ စောင့်နေရတဲ့  အဆိုပါဆလွန်းကား ဘေးမှန်တွေကို ပိတ်ထားပေမယ့် ဘေးမဏ္ဍပ်မှ ရေပက်သူတွေ မီးသတ်ပိုက်နဲ့မှန်ကို အတင်းထိုးနေကြပါတယ်။ ကားမှန်ဟာ မီးသတ်ပိုက်ကြောင့် ခါရမ်းနေပါတယ်။ ကားထဲမှာ သံဃာပါသလား၊ ရေပက်ခံကားလား၊ အခြားသော ကိစ္စနဲ့လာတဲ့ကားလား ဆိုတာကို ရေပိုက်နဲ့ထိုးသူတွေ သိသလား မသိလားတော့ မပြောတတ်ပါ။ အချိ်န်အတန်ကြာမှ အဆိုပါလူအုပ်ထဲမှ တဦးက မြင်ပြီးရေပိုက်ထိုးသူတွေကို လှမ်းတားခဲ့ပါတယ်။

မြန်မာပြည်ရဲ့ သင်္ကြန်ဟာ သင်္ကြန်ရေကစားသူတွေကိုသာ ရေပက်တာမဟုတ်တော့ပဲ  ရေမကစားပဲ အခြားသော ကိစ္စနဲ့ မသွားမဖြစ်သွားလာသူတွေကိုပါ နာကျင်အောင်၊ ကသိကအောင့်ဖြစ်အောင် ချောင်ပိတ်ပြီး ရေပက်နေကြတဲ့ အဖြစ်ရောက်နေကြပြီလားလို့ အခုလိုအဖြစ်ကို ကြုံတွေ့ရသူတွေက မေးခွန်းထုတ်လာကြ ပါတယ်။

ရန်ကုန်မှာ သင်္ကြန်အကြို မတိုင်မီ တရက်အလိုလောက် ကတည်းက ဘတ်စကား စပါယ်ယာအချို့က ဖြတ်သွားတဲ့ အခြားဘတ်စကားပေါ်မှ ခရီးသည်ကို ရေဗူးတွေနဲ့ လှမ်းပက်သွားတာလည်း တွေ့မြင်ခဲ့ရပါသေးတယ်။ သင်္ကြန်ကာလ မရောက်သေးလို့ မမျှော်လင့်ထားတဲ့ ခရီးသွားသူတွေရေစိုပြီး ဒုက္ခရောက်ကြ ရပါတယ်။

အထက်ပါ အဖြစ်တွေဟာ ယခုနှစ်ပိုင်း သင်္ကြန်တွေမှာ ကြုံတွေ့နေကြရတဲ့ ပုံရိပ်တွေလိုဖြစ်နေပါပြီ။ သင်္ကြန်တွင်းမှာ ရေမကစားလိုပေမယ့် အကြောင်းကိစ္စ တခုခုရှိလို့ သွားလာချင်သူတွေအတွက် ရေမပက်အောင် တောင်းပန်လို့လည်း မရ၊ တဦးနဲ့တဦး အနေခက်အောင်၊ ကသိကအောင့်ဖြစ်အောင် လုပ်ကြတာက သင်္ကြန်လားလို့ မေးရမယ့်သဘောဆောင်လာပါတယ်။

အတိတ်ကသင်္ကြန်

ဒီလို ပုံရိပ်မျိုးဖြစ်ပေါ်နေတဲ့ ယနေ့ မြန်မာ့ရိုးရာသင်္ကြန်နဲ့ လွန်ခဲ့တဲ့ ၁၅နှစ် အနှစ် ၂၀ ဟိုဘက်က သင်္ကြန်ဘယ်လိုကွာခြား သလဲဆိုတာကို အရင်သင်္ကြန်လည်းမှီ ယခုသင်္ကြန်လည်း ကြုံတွေ့နေကြတဲ့ လူလတ်ပိုင်းအရွယ် တချို့ကိုမေးမြန်းကြည့်ပါတယ်။

အသက် ၄၀ အရွယ် ရန်ကုန်မှာကြီးပြင်းပြီး တက္ကသိုလ်ဘွဲ့ရတဲ့သူ တယောက်က ``အရင်တုန်းက သင်္ကြန်က အလှပြကားတွေ၊ သင်္ကြန်သံချပ်တွေ၊ ရေကစားမဏ္ဍပ်တွေ ပိုများတယ်။ ၀တ်ပုံစားပုံ သိပ်မပြောင်းသေးဘူး၊ လုံချည်၊ ပုဆိုး ရှပ်အကျီနဲ့ ရေလည်ခံကြတယ်။ အဲဒီတုန်းက ဆုပေးမဏ္ဍပ်တွေမှာ သင်္ကြန်သံချပ်ပြိုင်တာ အကပြိုင်တာကို လိုက်ကြည့်ကြတယ်။ နောက်ဆုံးဆုပေးတဲ့ညဆို ညလုံးပေါက်နီးပါး ဖြေဖျော်ယှဉ်ပြိုင်ကြတာ၊ အလှပြယာဉ်နာမည် တွေထဲက မှတ်မိသလောက်ဆို အမေ့သား၊ ကျွန်ုပ်တို့သည်တို့၊ ဆူးကြားမှ ဗူးခါး ၊ အကြိုက်ဆုံးက သံချပ်ထိုးတာတွေပါပဲ။ အဲဒါတွေကို နှမြောတယ်။ တစ်နှစ်လုံးရဲ့ လူမှု မကျေနပ်ချက်တွေ မညီမျှတာတွေကို ထင်ဟပ်တာ သံချပ်တွေပဲ´´လို့အရင်တုန်းက သင်္ကြန်ကို ပုံဖေါ်ပြပါတယ်။

အစိုးရ၀န်ထမ်းဟောင်း တဦးဖြစ်ပြီး အသက်၄၀ ကျော် အမျိုးသားတဦးကလည်း ဟိုတုန်းကသင်္ကြန်ရဲ့ အနှစ်သာရနဲ့ အခုသင်္ကြန်ရဲ့ အနှစ်သာရကို ပိုင်းခြားစိတ်ဖြာပြီး အခုလို``ဟိုတုန်းက မန္တလေး သင်္ကြန်မှာဆို မြို့မငြိမ်းသီချင်း၊ မြို့မကိုပေါ သီချင်းတွေနဲ့ ရှေးမြန်မာခေတ်က လိုသပြေခက်နဲ့ ရေပက်တာမျိုးမဟုတ်ပေမယ့် သင်္ကြန်ရေကစားတာ အခုလောက် ကြမ်းတမ်းတာမတွေ့ရဘူး။ အကတွေ၊ ယိမ်းတွေနဲ့ မဏ္ဍပ်တွေမှာ ဖြေဖျော်ရင်းရေကစားကြတာ။

အခုမနေ့တနေ့ ကန်တော်ကြီးပတ်လမ်းက မဏ္ဍပ်တခုကို ကျွန်တော်ရောက်တယ်။ အဲဒီမှာ ဘောင်းဘီကျပ်ကျပ်နဲ့ ဆေးဆိုးဆံပင်နီနီ ကျားကျားနဲ့ သီချင်းက ဟစ်ဟော့တွေ၊ ရော့ခ်တွေနဲ့ ဒေးကလပ်၊ နိုက်ကလပ်လို ကနေကြတာပဲ တွေ့ခဲ့ရတယ်။ အတုယူလွဲကြတာလို့ ထင်တယ်။ ၀တ်စားဆင်ယင်မှုမှာလည်း မိန်းကလေးတွေက စွပ်ကျယ်တွေနဲ့ ၊ အရင်တုန်းက သင်္ကြန်ဟာ လေမှုတ်တူရိယာနဲ့ သင်္ကြန်၊ အခုသင်္ကြန်ကတော့ အနောက်တိုင်း တေးဂီတနဲ့ ဒစ်စကိုကလပ် လိုသင်္ကြန်ဖြစ်နေပြီ။

အရင်က စိတ်ထွက်ပေါက်အနေနဲ့ သံချပ်ထိုးကြတယ်။ သမ၀ါယမဆိုင်က အဖြစ်အပျက်တွေ၊ ဌါနဆိုင်ရာနဲ့ ပတ်သက်တဲ့ ပြုပြင်စရာတွေ ပျက်ကြတော့ နားခံသာတယ်။ အခုသံချပ်မရှိတော့ သင်္ကြန်ရဲ့ ပုံစံဟာ ရယ်စရာ၊ ဖြေလျော့စရာ အသက်ကင်းမဲ့သွားသလိုပဲ၊ အစိုးရကလည်း မဏ္ဍပ်အချို့မှာ ယိမ်းတို့ အကတို့ကို ပေါ်လစီတရပ်နဲ့ ကသလိုကခိုင်း၊ သက်ကြီးရွယ်အို ခေါင်းလျှော် ခြေသည်းလက်သည်း ညှပ်တာကို ပေါ်လစီအနေနဲ့ လုပ်သလိုလုပ်ခိုင်းတာ မျိုးတော့တွေ့ရတယ်´´လို့ ပြောပါတယ်။

အစိုးရ ပုံဖေါ်တဲ့သင်္ကြန်နဲ့ အစိုးရရဲ့ ကိုင်တွယ်ပုံ

တရားဝင် ထုတ်ပြန်ထားတဲ့ စည်းကမ်းတွေ ဥပဒေတွေအရ အထက်ကလို ည ၆နာရီ ကျော်မှ ရေလောင်းတာမျိုး ခွင့်ပြုမထားသလို၊ တဖက်သား မခံနိုင်အောင် ရေဘော်လုံး၊ ရေခဲထုပ်၊ ဆပ်ပြာရည်ဂက်စ်ဘူးတို့နဲ့ ရေကစားက ထောင်ဒဏ် ၃နှစ် ချမှတ်နိုင်တယ်၊ သရုပ်ပျက် ယဉ်ကျေးမှုကိုရှောင် ကြဉ်ပါ စသဖြင့်သတင်းစာတွေမှာ နေ့စဉ်ကြေငြာ သတိပေးတာ တွေ့ရပါတယ်။

သို့ပေမယ့် အရေးယူတာမျိုးတော့ မတွေ့ရသလောက် ရှားပါးပါတယ်။ ရန်မဖြစ်ပွားအောင် ထိန်းသိမ်းတာမျိုးထက် ရန်ဖြစ်ပြီးမှသာ ဖမ်းဆီးတာမျိုးလုပ်ပါတယ်။ မဏ္ဍပ်တွေမှာ သရုပ်ပျက် ၀တ်ဆင်ပြီး ရေမကစားရလို့ အမိန့်ထုတ်ပေမယ့်လည်း အဲဒီလို ကစားတဲ့ မဏ္ဍပ်များထဲမှာ စစ်တပ်အရာရှိကြီး သားသမီး၊ လူကြီးသားသမီးနဲ့ လုပ်ငန်းရှင်ကြီးတွေရဲ့ သားသမီးတွေလည်း ပါဝင်နေလို့ ဥပဒေကို လိုက်နာအောင် ဘယ်တုန်းကမှ လုပ်ဆောင်ခဲ့တာ မတွေ့ရပါဘူး။

သတင်းစာတွေမှာ တီဗီတွေမှာ ပုံဖေါ်တဲ့ သင်္ကြန်ဆိုတာဟာ ယိမ်းအက၊ မြန်မာအဆိုအကနဲ့ မြို့တော်ဝန်မဏ္ဍပ်၊ ဌါနဆိုင်ရာမဏ္ဍပ်တွေ၊ ကုမ္ပဏီကြီးအချို့ရဲ့ မဏ္ဍပ်များသာ ဖြစ်ပါတယ်။ အများစု ဆင်နွဲနေတဲ့ သင်္ကြန်ရုပ်ပုံတွေကို တီဗီတွေ အစိုးရသတင်းစာတွေမှာ မမြင်တွေ့နိုင်ပါဘူး။ လမ်းမှာ တဦးကိုတဦး မခံချင်အောင် နောက်ပြောင်တာ၊ နိုင်ထက်ကလူ ပြုတာမျိုးတွေကို တိုင်ကြားလို့ ဘယ်ရဲ ဘယ်လုံခြုံရေးကမှ အရေးယူဆောင်ရွက်ပေးတာမျိုး မတွေ့ရပါ။

သင်္ကြန် သံချပ်ရဲ့ နိဂုံး

န၀တ အစိုးရတက်ပြီးတဲ့နောက်မှာ သင်္ကြန်သံချပ်တွေကို တဖြည်းဖြည်းနဲ့ ပိတ်ပင်လာပါတယ်။ ၁၉၈၈ ခုနှစ်နောက်ပိုင်း လူတွေရဲ့ နိုင်ငံရေး နိုးကြားမှု အရှိန်မြင့်လာတာနဲ့ အမျှ သင်္ကြန်သံချပ်မှာလည်း နိုင်ငံရေး အကြောင်းက ပိုမိုလွှမ်းမိုးလာပါတယ်။ အန်အယ်လ်ဒီ ပါတီ ပေါ်ထွက်လာပြီးနောက် အန်အယ်လ်ဒီက သင်္ကြန်သံချပ်ထိုးတာ အစိုးရကို သရော်တာ၊ နိုင်ငံရေးအရ သံချပ်နဲ့ ဝေဖန်တာတွေ ဖြစ်လာတဲ့နောက်မှာ န၀တ အစိုးရအနေနဲ့ သင်္ကြန်သံချပ်တွေကို ပိတ်ပင်ခဲ့တာပါ။

လူတွေရဲ့ စားဝတ်နေရေး ဒုက္ခ၊ ပတ်ဝန်းကျင်မှာ ကြုံတွေ့နေရတဲ့ မမျှတတာတွေကို ဖြေလျော့ပေးနိုင်မယ့်  သင်္ကြန်သံချပ်တွေကို န၀တ အစိုးရက နိုင်ငံရေး ရှုထောင့်တခုထည်းကနေ ကြည့်ပြီး လုံးဝပိတ်ပင်ခဲ့တာပါ။ အဲဒီဟာရဲ့ ဘေးထွက်ဆိုးကျိုးအနေနဲ့ လူတွေရဲ့ ထွက်ပေါက်ဟာ လူအချင်းချင်း မခံချင်အောင် နောက်ပြောင်ခြင်း၊ ၊ အရက်သေစာ ပိုမိုသောက်စားလာခြင်း ရန်ဖြစ်ပွားခြင်းတွေ လို့ အရင်သင်္ကြန်ရော ယခုသင်္ကြန်ကိုပါ ကြုံဖူးသူတွေကကောက်ချက်ချကြပါတယ်။

သင်္ကြန်ဟာ ဘောလုံးပွဲလို မကျေနပ်ချက်တွေကို ဖွင့်ထုတ်ရာနေရာ တခု၊ ကာလတခုဖြစ်နေပြီလား လို့ထင်မှတ်စရာပါ။

သင်္ကြန်ကာလမှာ ဖြစ်ပျက်တဲ့ အချင်းချင်း ရန်ဖြစ်တာ၊ တယောက်ယောက်ကို မခံနိုင်လောက်အောင် ရေပက်ခြင်းဖြင့်  ပျော်ရွှင်ကျေနပ်နေကြတာတွေဟာ သာမန်အချိန်မှာ မြင်တွေ့ရလေ့မရှိတဲ့ မြင်ကွင်းတွေပါ။ အဲဒီအချက်နဲ့ ပတ်သက်ပြီး အသက် ၄၀ အရွယ်ရှိ ရန်ကုန်မြို့ခံ တဦးက``တခါတလေ စဉ်းစားမိတယ်။ တနှစ်လုံးမကျေနပ်မှုချက်တွေကို သင်္ကြန်မှာ ဖေါ်ထုတ်နေသလားလို့ ထင်မိတယ်´´လို့ကောက်ချက်ချပါတယ်။

ဆယ်စုနှစ် နှစ်ခုဝန်းကျင် အတွင်း အခုလို ပြောင်းလဲလာတာဟာ ဘယ်လို အကြောင်းတွေကြောင့်လဲ ဆိုတာ ဆန်းစစ်လေ့လာ သင့်ပါတယ်။ သားနှစ်ယောက်ရဲ့ ဖခင်ဖြစ်သူ ၄၈နှစ် အရွယ် ကိုဝင်းငြိမ်းကတော့ ``အရင်တုန်းက သံချပ်တွေရှိတယ်။ အခုမရှိတော့ဘူး၊ သံချပ်ကလူတွေရဲ့ ထွက်ပေါက်တခု လို့ထင်တယ်။ အခုက အခြားနည်းနဲ့ ထွက်ပေါက်ရှာကြတာပေါ့´´လို့ သူ့အမြင်ကို ပြောပါတယ်။ 
(Photos - Internet, Daylife Pictures)

ဒီမိုကရေစီနဲ့ အကြမ်းဖက်မှု

မြန်မာလူမျိုးများ အတွက် သင်္ကြန်ဆိုတာ နှစ်ဟောင်းက စိတ်ညစ်စရာများ၊ ဒုက္ခသုက္ခများ၊ မကောင်းမှုဒုစရိုက်များကို အတာရေနဲ့ ဆေးကြောကြ၊ ကောင်းမှုအသစ်များ ပွားများကြတဲ့ပွဲ၊ သင်္ကြန်ရေနဲ့ ပျော်ပျော်ပါးပါး ချစ်ချစ်ခင်ခင် အပြန်အလှန် ရေကစားကြတဲ့ပွဲ ဖြစ်ပါတယ်။ သင်္ကြန်ဟာ ဗုဒ္ဓဘာသာဝင်များ အတွက် သာမဟုတ် ကျန်တဲ့ ဘာသာဝင် အားလုံးကပါ ပျော်ပျော်ရွှင်ရွှင် ဆင်နွဲကြတဲ့ ပွဲလည်း ဖြစ်ပါတယ်။ အခုတစ်ခါတော့ ဒီပွဲတော်ဟာ သွေးစွန်းခဲ့ပါပြီ။ ငယ်ငယ်တုံးက သင်္ကြန် အကြိုနေ့မှာ ပြည်ပြေးလို့ခေါ်တဲ့ ဦးနုရဲ့ ပါလီမန် ဒီမိုကရေစီပါတီက သမ္မတ ရုပ်ရှင်ရုံနားမှာ လက်ပစ်ဗုံးခွဲတာ ကြုံခဲ့ဘူးပါတယ်။ အဲဒီတုံးကတော့ ဘေးကလူတွေ ၀ိုင်းလိုက်ပြီး ဖမ်းလိုက်တာ မှတ်မိပါတယ်။ အဲဒီ ကာလတုံးကလည်း ရုပ်ရှင်ရုံတွေ၊ ဈေးတွေမှာ ဗုံးခွဲလွန်းလို့ မသွားရဲ၊ မလာရဲ ဖြစ်ခဲ့ရတာ ဗုံးခွဲတဲ့လူ ဆေးရုံကြီးထဲ ၀င်ပြေးရင်း လိုက်ဖမ်းတဲ့ ရဲတွေကို လက်ပစ်ဗုံးနဲ့ ပြန်ပစ်တာမျိုး ရှိခဲ့တာလည်း မှတ်မိပါသေးတယ်။

ဒါပေမယ့် အခုတစ်ခါ ကတော့ သင်္ကြန်ကာလ အပျော်ဆုံး၊ လူအစည်ကားဆုံး အချိန်၊ အကြတ်နေ့မှာ ခွဲလိုက်တာ ဖြစ်လို့ အတော်ရက်စက်တဲ့ လုပ်ရပ် ဖြစ်တယ်လို့ ခံစားမိပါတယ်။ ဒီလိုလုပ်ရပ်တွေကို ဒီမိုကရေစီ ထွန်းကားတာကို မြင်ချင်ပါတယ် ဆိုတဲ့ ကျွန်တော်တို့ တစ်တွေ ဘယ်လို သဘောထားကြမလဲ။ တကယ်တော့ ၂၀၀၈ နောက်ပိုင်းက စပြီး ပြည်တွင်းမှာ ဗုံးခွဲမှုတွေ အတော်များများ ဖြစ်လာတာကို တွေ့ရပါတယ်။ တစ်ခါတစ်လေမှာ ဗုံးထောင်သူ ကိုယ်တိုင် လက်ထဲမှာ ဗုံးကွဲပြီး သေဆုံးတာလည်း တွေ့ရပါတယ်။ တစ်ချို့ ဗုံးဖောက်ခွဲမှုတွေကို သူတို့ လုပ်ပါတယ်လို့ ကြေညာတာရှိသလို တစ်ချို့ ဗုံးကွဲမှုတွေ ကတော့ လက်သည်မပေါ်ဘဲ ရှိတာကိုလည်း တွေ့ပါတယ်။ အစိုးရဘက်က ဖမ်းဆီးရမိတဲ့ ဖြစ်စဉ်တွေမှာတော့ သတင်းစာ ရှင်းလင်းပွဲ လုပ်ပြီး တရားခံတွေကို ဖော်ပြတာလည်း တွေ့ရပါတယ်။

သို့သော် ပြည်တွင်းမှာ နိုင်ငံရေး လှုပ်ရှားနေတဲ့ ပါတီများ၊ ပြည်ပမှာ လှုပ်ရှားနေတဲ့ အတိုက်အခံ အဖွဲ့အစည်းများ အနေနဲ့ အခုလို အကြမ်းဖက် တိုက်ခိုက်မှုတွေ အပေါ် ပြတ်သားတဲ့ ရပ်တည်ချက် မရှိတာကို စိတ်မကောင်းစရာ တွေ့ရပါတယ်။ တကယ်တော့ အပြစ်မဲ့တဲ့ ပြည်သူတွေ အပေါ် အစိုးရဘက်က အကြမ်းဖက်တာပဲ ဖြစ်ဖြစ်၊ အတိုက်အခံများ ဘက်က အကြမ်းဖက်တာပဲ ဖြစ်ဖြစ် ဆန့်ကျင်သင့်တယ်လို့ ရိုးသားစွာပဲ မြင်မိပါတယ်။ နယ်စပ်ဒေသ တိုင်းရင်းသား လက်နက်ကိုင် တွေရဲ့ ဒေသတွေ မှာနေထိုင်တဲ့ ပြည်သူများသာ မဟုတ် အစိုးရအုပ်ချုပ်တဲ့ မြို့ကြီးများမှာ နေထိုင်တဲ့ ပြည်သူများ ဟာလည်း လူ့အခွင့်အရေး ရှိပါတယ်။ ငြိမ်းချမ်းစွာ အသွင်ကူးပြောင်းရေး မဖြစ်နိုင်လို့ လက်နက်ကိုင် တိုက်ပွဲဆင်နွဲ ရပါတယ် ဆိုရင်လည်း အစိုးရ၊ တပ်မတော်တို့ကိုပဲ ပစ်မှတ်ထား တိုက်သင့်တာပေါ့။ ရေကစားနေတဲ့ ပြည်သူတွေကို ပစ်မှတ် မထားသင့်ပါဘူး။ အခုနောက်ပိုင်း ဖြစ်ပေါ်ခဲ့တဲ့ ဗုံးခွဲမှု အားလုံးဟာ ဘူတာ၊ ပန်းခြံ၊ ကားဂိတ်၊ ဘူတာရုံ၊ စက်မှုဇုံများကို ပစ်မှတ်ထား လုပ်လာတာ တွေ့နိုင်ပါတယ်။ ဒါဟာ အပြစ်မဲ့ ပြည်သူတွေ အပေါ် အကြမ်းဖက်မှုပဲ ဖြစ်ပါတယ်။ ဘယ်အဖွဲ့အစည်းက လုပ်လုပ် ဒီလိုအကြမ်းဖက်မှု ကို လက်ခံလို့ မသိချင်ယောင် ဆောင်နေလို့ မရပါဘူး။

တစ်ခါတစ်လေ ဒီဗုံးဖောက်ခွဲမှုကို အစိုးရကပဲ လုပ်သလိုလို မျက်နှာလွဲခဲပစ် ပြောလိုက်တဲ့ အပြောတွေလည်း တွေ့ရပါတယ်။ ဒီသီအိုရီဟာ ၉/၁၁ ကမ္ဘာ့ကုန်သွယ်ရေး အဆောက်အအုံ တိုက်ခိုက်မှုကို စီအိုင်အေနဲ့ မော့ဆက် ပေါင်းလုပ်တယ် ဆိုတဲ့ အယူအဆမျိုးထက် မပိုပါဘူး။ ဒီအတိုင်းဆိုရင် ထိုင်းတောင်ပိုင်း၊ အင်ဒိုနီးရှား၊ ဖိလစ်ပိုင်၊ အာဖဂန်၊ ပါကစ္စတန်နဲ့ အီရတ်မှာ ဖြစ်နေတဲ့၊ ရုရှားနဲ့ ဗဟိုအာရှ ဒေသမှာ ဖြစ်နေတဲ့ ဗုံးခွဲမှုတွေ၊ အစ္စရေး နိုင်ငံထဲမှာ ဖြစ်နေတဲ့ ဗုံးပေါက်ကွဲမှု တွေဟာ သက်ဆိုင်ရာ အစိုးရတွေက လုပ်နေတာလို့ ပြောရမလို ဖြစ်နေပါပြီ။ တကယ်တော့ ဘယ်နိုင်ငံမှာ ဖြစ်ဖြစ် အကြမ်းဖက် အဖွဲ့အစည်းများဟာ Soft Target လို့ခေါ်တဲ့ အရပ်သား ပစ်မှတ်တွေကို အဓိကထားပြီး တိုက်ပါတယ်။ ဘာလို့ ဒီလိုလုပ်ရ သလဲဆိုတော့

၁။ စစ်ဘက် ပစ်မှတ်တွေထက် စာရင် အကာအကွယ် နည်းတယ်။ တိုက်ရလွယ်တယ်။

၂။ ပြည်သူလူထု အနေနဲ့ လက်ရှိအစိုးရရဲ့ အာဏာ ခိုင်မြဲမှု၊ လူထုကို အကာအကွယ် ပေးနိုင်မှု အပေါ် သံသယတွေ ဖြစ်ပေါ် စေတယ်။

၃။ ရေရှည် တိုက်ခိုက်မှုတွေ လုပ်လာတာ နဲ့အမျှ အောက်ခြေလူထု အနေနဲ့ အကြမ်းဖက် အဖွဲ့အစည်းများရဲ့ အာဏာစက်ကို အသိအမှတ်ပြုလာတယ်။ နောင်မှာ အစိုးရ အုပ်ချုပ်ရေး ယန္တရားနဲ့ အပြိုင် ဖြစ်လာနိုင်တယ်။

၎။ အစိုးရက လုံခြုံရေးအတွက် တင်းတင်းကျပ်ကျပ် စစ်ဆေးမှုများ၊ ကန့်သတ်မှုများ လုပ်လာတဲ့အခါ ဒါကို အကြောင်းပြပြီး လူထုနဲ့ ထိပ်တိုက်တွေ့အောင် လှုံ့ဆော်နိုင်တယ်။

၅။ အစိုးရကို သိက္ခာကျအောင် လုပ်နိုင်တယ်။ လူထုထဲမှာ ကျီးလန့်စာစား ဖြစ်လာမယ်။ ကောလဟာလတွေ၊ ကြောက်လန့်မှုတွေ ဖြစ်လာမယ်။

၆။ အစိုးရ ကိုယ်တိုင်က မိမိရဲ့ လုံခြုံရေး စွမ်းအား အပေါ် သံသယ ဖြစ်လာတယ်။ အစိုးရ ရပ်တည်ရေးမှာ အဓိက ဒေါက်တိုင်ဖြစ်တဲ့ လုံခြုံရေး ဒေါက်တိုင်ကို ယိမ်းယိုင် သွားစေနိုင်တယ်။

ဒါဟာ မြို့ပေါ် ပြောက်ကျားစစ်ကို ဆင်နွဲနေတဲ့ အဖွဲ့အစည်း အားလုံးရဲ့ မဟာဗျူဟာ ရည်မှန်းချက်ပဲ ဖြစ်တယ်။ ဒီနေ့ ပြည်တွင်းမှာ ဗုံးဖောက်ခွဲမှုများ ပြုလုပ်နေတဲ့ အဖွဲ့အစည်းများ ဟာလည်း ဒီရည်ရွယ်ချက်နဲ့ပဲ လုပ်နေတာ ဖြစ်ပါတယ်။ အထူးသဖြင့် စစ်အစိုးရများရဲ့ အားနဲ့ ဂုဏ်သိက္ခာဟာ အခြေအနေ အားလုံးကို သူတို့ ထိန်းထားနိုင်တယ်။ လုံခြုံမှုနဲ့ တည်ငြိမ်မှု အပြည့်အ၀ ရအောင် လုပ်နိုင်တယ် ဆိုတဲ့ အချက် အပေါ်မှာ မူတည်ပါတယ်။ ဒီလို ဗုံးကွဲမှုတွေ ဖြစ်တိုင်း၊ ဖြစ်တိုင်း အစိုးရသိက္ခာ ကျဖို့ပဲ ရှိပါတယ်။ ဒါ့ကြောင့် အစိုးရက ဗုံးခွဲတာပါလို့ ပြောဆိုချက်များဟာ အဖြစ်မှန်နဲ့ ကွဲလွဲနေတယ် လို့ပဲ ယုံကြည်ပါတယ်။

နောက်တစ်ခါ အစိုးရကို ဆန့်ကျင် လှုပ်ရှားနေတဲ့ အဖွဲ့အစည်းများ အနေနဲ့လည်း ငါ့ရန်သူရဲ့ ရန်သူဟာ ငါ့မိတ်ဆွေ ဖြစ်တယ်၊ ဒီအချိ်န်ဟာ အစိုးရကို ဆန့်ကျင်နေသူတွေ အချင်းချင်းကြားမှာ တစ်ယောက်နဲ့ တစ်ယောက် ဝေဖန်တိုက်ခိုက် ရမယ့် အချိန် မဟုတ်ဘူး လို့လည်း ယူဆထားတာ ဖြစ်ပါတယ်။ ဒါ့ကြောင့်လည်း အခုလို့ အကြမ်းဖက်မှုမျိုး သာမက ဒီနေ့ ဖြစ်ပေါ်နေတဲ့ အတွင်း ပြဿနာများနဲ့ ပတ်သက်ရင် တစ်ဦးနဲ့ တစ်ဦး ဝေဖန် ထောက်ပြတာ မရှိသလောက် ဖြစ်နေတာကို တွေ့နိုင်ပါတယ်။ ယုတ်စွအဆုံး အတိုက်အခံများ ထူထောင်ထားတဲ့ မီဒီယာတွေ တောင်မှာ လွတ်လပ်သော မီဒီယာ ဆိုတာ အစိုးရကို ဝေဖန်ဖို့သာ ဖြစ်တယ်၊ အချင်းချင်း အတွက် အချိန် မကျသေးဘူးလို့ အယူအဆ ရှိနေတာပါ။

သာမန် မူဝါဒဆိုင်ရာ သဘောထား ကွဲလွဲမှုတွေနဲ့ ပတ်သက်ရင် အထက်ပါ ရပ်တည်ချက်ကို နားလည် ပေးနိုင်ပေမယ့် အကြမ်းဖက်မှု အပေါ်မှာ အဲဒီမူဝါဒ ဆိုင်ရာ သဘော ကွဲလွဲမှုတွေ၊ ပုဂ္ဂိုလ်ရေး အားနည်းချက်တွေလို သဘောမထား သင့်ဘူး လို့ထင်ပါတယ်။ အကြမ်းဖက်မှုဟာ ဘယ်နေရာမှာ လုပ်လုပ်၊ ဘယ်သူ့ဘက်က လုပ်လုပ် အကြမ်းဖက်မှုပဲ ဖြစ်ပါတယ်။ ဒါကို Double Standard ထားပြီး ခွင့်လွှတ်လို့ မရပါဘူး။ ကုလသမဂ္ဂ အထွေထွေ ညီလာခံကတော့ ၁၉၉၄ ခုနှစ်က စပြီး အကြမ်းဖက် ၀ါဒကို အခုလို အဓိပ္ပါယ် ဖွင့်ထားပါတယ်

"Criminal acts intended or calculated to provoke a state of terror in the general public, a group of persons or particular persons for political purposes are in any circumstance unjustifiable, whatever the considerations of a political, philosophical, ideological, racial, ethnic, religious or any other nature that may be invoked to justify them."

ဒီဖွင့်ဆိုချက် အရ ပြည်သူလူထု အပေါ် ကျူးလွန်တဲ့ အကြမ်းဖက်မှုကို နိုင်ငံရေးကြောင့်၊ အယူဝါဒကြောင့်၊ လူမျိုးရေး၊ ဘာသာရေးကြောင့် စသည်ဖြင့် ဘာအကြောင်းနဲ့မှ တရားပါတယ် ဆိုပြီး ဆင်ခြေပေးလို့ မရဘူးဆိုတာ တွေ့နိုင်ပါတယ်။ ဒါ့ကြောင့် ငြိမ်းချမ်းစွာ ဒီမိုကရေစီ စနစ်ကို ဖော်ဆောင်ချင်ပါတယ်၊ အကြမ်းဖက်မှုကို မလိုလားပါဘူးလို့ ခံယူထားတဲ့ အဖွဲ့အစည်းများ အနေနဲ့ ဒီလို အကြမ်းဖက်မှု တွေကို ၀ိုင်းဝန်းရှုံ့ချ၊ ကာကွယ် တားဆီးဖို့က လွဲပြီး အခြားနည်းလမ်း မရှိဘူး၊ လက်မ မကောင်း လက်မ၊ ခြေမ မကောင်း ခြေမဆိုသလို ကိုယ့်ထဲက ပါနေရင်လည်း ဖော်ထုတ်ဖို့ လိုနေပြီလို့ ဆိုချင်ပါတယ်။