Posts
 | yangonchronicle 2011- (1) |
၂ဝ.၂.၂ဝ၁၂
ဘာသာပြန်သတင်းများအပိုင်း(၂)
- ပြုပြင်ပြောင်းလဲမှုသည် ပြည်သူတို့၏ လိုအပ်ချက်နှင့် ကိုက်ညီရန်လိုဟု ကုလကိုယ်စားလှယ်ပြော
(AFP News မှ 18 Feb 2012 ရက်စွဲပါ “Myanmar reforms must reach the needy: UN envoy” သတင်းကို ဘာသာ ပြန်ဆိုသည်)
- မြန်မာဒုက္ခသည်များကိစ္စ ဂျပန်၏ ရည်မှန်းချက် မပြည့်မီ
(The Asahi Shimbun မှ 17 Feb 2012 ရက်စွဲပါ “Japan unlikely to reach goal for Myanmar refugees” သတင်းကို ဘာသာပြန်သည်)
- ဘိန်းကိုအရူးအမူးဖြစ်နေသော ဆွေမျိုးများ
(Reuters မှ 19 February, 2012 ရက်စွဲပါ Opium's crazy cousin ကို ဘာသာပြန်ဆိုသည်)
- မြန်မာ့ပြုပြင်ပြောင်းလဲမှုများအပေါ် ဒေါ်အောင်ဆန်းစုကြည် လောင်းကြေးထပ်
(NPR မှ 15 Feb 2012 ရက်စွဲပါ Opposition Leader Bets On Myanmar Reforms ကိုဘာသာပြန်ဆိုသည်)
*****************************************************************************************************
ပြုပြင်ပြောင်းလဲမှုသည် ပြည်သူတို့၏ လိုအပ်ချက်နှင့် ကိုက်ညီရန်လိုဟု ကုလကိုယ်စားလှယ်ပြော
(AFP News မှ 18 Feb 2012 ရက်စွဲပါ “Myanmar reforms must reach the needy: UN envoy” သတင်းကို ဘာသာ ပြန်ဆိုသည်)
ဖွံ့ဖြိုးမှုနိမ့်ကျနေသော မြန်မာနိုင်ငံမှ အသစ်ပြုပြင်ပြောင်းလဲမှုသည် ကျန်းမာရေးစောင့်ရှောက်မှုနှင့် ပညာရေး ကဲ့သို့သော နယ်ပယ်များတွင် နိုင်ငံသားများအကျိုးခံစားခွင့်ရှိအောင် ပြုလုပ်ပေးနိုင်ရမည်ဟု ကုလသမဂ္ဂ ထိပ်တန်း တာဝန်ရှိသူက မြန်မာအစိုးရကို တိုက်တွန်း ပြောကြားလိုက်သည်။ ကုလသမဂ္ဂ အကြီးအကဲ၏ မြန်မာနိုင်ငံဆိုင်ရာ အထူးအကြံပေး ဗီဂျေးနမ်ဘီယာက သမ္မတဦးသိန်းစိန်၊ အတိုက်အခံပါတီခေါင်းဆောင် ဒေါ်အောင်ဆန်းစုကြည် စသော သော့ချက်ပုဂ္ဂိုလ်များနှင့် တွေ့ဆုံဆွေးနွေးခဲ့သော ၅ ရက်ကြာ မြန်မာနိုင်ငံခရီးစဉ်အပြီးတွင် အထက်ပါအတိုင်း မေတ္တာရပ်ခံ တောင်းဆိုခဲ့ခြင်း ဖြစ်သည်။
မြန်မာနိုင်ငံ၌ နှစ်ပေါင်းများစွာ စစ်အုပ်ချုပ်ရေး ကျင့်သုံးခဲ့သော တပ်မတော်အစိုးရက အရပ်သားတစ်ပိုင်း အစိုးရသစ်ထံ အာဏာလွှဲပြောင်းပေးပြီး တစ်နှစ်နီးပါးအကြာတွင် မကြုံစဖူး တိုးတက်မှုအဆင့်သို့ ရောက်ရှိခဲ့သော ပြုလုပ်နေဆဲ အပြောင်းအလဲများကို မစ္စတာနမ်ဘီယာက ချီးကျူး ပြောဆိုခဲ့သည်ဟု ကုလသမဂ္ဂသတင်းထုတ်ပြန်ချက်တွင် ဖော်ပြထားသည်။ မြန်မာနိုင်ငံခရီးစဉ်အတွင်း ဧပြီလ ကြားဖြတ်ရွေးကောက်ပွဲများ ယုံကြည် စိတ်ချစရာ သိက္ခာရှိရေး၊ တိုင်းရင်းသား လက်နက်ကိုင်အုပ်စုများနှင့် ငြိမ်းချမ်းမှုရရှိရေး၊ ပြည်သူတို့၏ လိုအပ်ချက်များကို အသိအမှတ်ပြု ဝန်ခံ ဖြည့်ဆည်းပေးရး စသော ဦးစားပေးကိစ္စရပ်များကို မီးမောင်းထိုးပြသခဲ့သည့် ဗီဂျေးနမ်ဘီယာက “ဒီလိုမှသာ အခုအချိန်ထိ ပြုလုပ်ခဲ့သမျှ အပြောင်းအလဲ ကနေ ပြည်သူတွေ စတင်အကျိုးခံစားနိုင်မှာပါ” ဟု ပြောကြားသည်။
"နိုင်ငံရဲ့ တိုးတက်ရေးနဲ့ ဖွံ့ဖြိုးရေးမှာ အင်တိုက်အားတိုက်၊ ညီတူတန်းတူ ပါဝင်လာအောင် ပြည်သူတွေကို တွန်းအား ပေးဖို့အတွက် ဗဟိုအစိုးရနဲ့ ဒေသခံတွေက ကျန်းမာရေး၊ ပညာရေး၊ အလုပ်အကိုင်ဖန်တီးပေးရေးကိစ္စရပ်တွေကို အဓိက တုန့်ပြန်ဆောင်ရွက်ပေးဖို့ လိုအပ်နေတုန်းပါပဲ" ဟု ကုလသမဂ္ဂ အထူးအကြံပေး ကိုယ်စားလှယ်က ကြေညာချက်တွင် ထည့်သွင်းပြောဆိုခဲ့သည်။ မှန်ကန်သော မူဝါဒများရှိမှသာလျှင် ယခုပြုပြင်ပြောင်းလဲမှုများက မြန်မာပြည်သူတစ်ရပ်လုံး၏ အကျိုးစီးပွားကို အရှိန်မြှင့်တင်ပေးနိုင်လိမ့်မည်ဟု ဗီဂျေးနမ်ဘီယာက သုံးသပ်ပြောကြားထားသည်။
***************************************************
မြန်မာဒုက္ခသည်များကိစ္စ ဂျပန်၏ ရည်မှန်းချက် မပြည့်မီ
(The Asahi Shimbun မှ 17 Feb 2012 ရက်စွဲပါ “Japan unlikely to reach goal for Myanmar refugees” သတင်းကို ဘာသာပြန်သည်)
ထိုင်းနိုင်ငံရောက် မြန်မာဒုက္ခသည် ၉၀ ခန့်ကို တတိယနိုင်ငံအဖြစ် လက်ခံထားသော တိုကျိုအစိုးရ၏ ရည်ရွယ်ချက် ပြည့်ဝမည့် အလားအလာ မရှိဘဲ ဂျပန်နိုင်ငံတွင် နေထိုင်မှုခက်ခဲသည့် ဇာတ်လမ်းများကြောင့် လျှောက်လွှာတင်သူများ စိုးရိမ်ကြောက်ရွံ့လာကြပုံရသည်ဟု သိရှိရသည်။
ဂျပန်နိုင်ငံ၌ သွားရောက်နေထိုင်ရန်ပြင်ဆင်ထားမှုကို မေးမြန်းခဲ့သည့် ဖေဖော်ဝါရီ ၁၅ ရက်နေ့က အင်တာဗျူးများတွင် ထိုင်းဒုက္ခသည် စခန်းရောက် မိသားစုနှစ်စုမှ လူကိုးဦးတို့ကသာ လျှောက်ထားခဲ့ကြသည်။ ယခုနှစ်သည် ဂျပန်နိုင်ငံ “တတိယနိုင်ငံ အခြေချခွင့်ပေးခြင်း ၃ နှစ်စီမံချက်” ၏ နောက်ဆုံးနှစ် ဖြစ်သည်။ အဆိုပါအစီအစဉ်အရ မိသားစု ၉ စုမှ ဒုက္ခသည် ၄၅ ဦး ဂျပန်နိုင်ငံ၌ အခြေချနေထိုင်လျက်ရှိသည်။ အကယ်၍ ယခု နောက်ဆုံး အင်တာဗျူးများမှ လျှောက်ထားသူအားလုံးကို လက်ခံခဲ့သည့်တိုင်အောင် ဂျပန်အစိုးရ ရည်မှန်းထားသော အရေအတွက်၏ ၆၀ ရာခိုင်နှုန်းမျှသာ ရှိမည်ဟုဆိုသည်။ ဂျပန်နိုင်ငံရောက် ဒုက္ခသည်များက ဂျပန်ယဉ်ကျေးမှုနှင့် အသားကျရန် ခက်ခဲကြောင်းကို ဒုက္ခသည်စခန်းတွင် ကျန်ခဲ့သော ဆွေမျိုးများအား ပြန်လည် ပြောဆိုကြသည်ဟုလည်း ဒုက္ခသည်ကော်မတီဥက္ကဋ္ဌ ဦးထွန်းထွန်းက ပြောကြားသည်။ ဂျပန်နိုင်ငံထက် စော၍ အလားတူ အစီအစဉ်ကို စတင်ခဲ့သော အမေရိကန်ပြည်ထောင်စုတွင်မူ ကွဲပြားခြားနားစွာပင် ထိုင်းနိုင်ငံဒုက္ခသည်စခန်းများမှ ဒုက္ခသည် ၅၀၀၀၀ ခန့် သွားရောက် အခြေချ နေထိုင်လျက်ရှိသည်ဟု သိရသည်။
ယင်းကဲ့သို့ ပထမဦးစားပေးနေရာအဖြစ် ဂျပန်နိုင်ငံကို လူကြိုက်မများခြင်းမှာ ယင်းနိုင်ငံတွင် ဒုက္ခသည်များ၏ ဆွေမျိုးမိတ်ဆွေ အသိအကျွမ်း နည်းပါးမှုကြောင့်ဖြစ်သည်ဟု အခြေချအစီအစဉ်နှင့် ကျွမ်းဝင်သော သတင်းရပ်ကွက်က ဆိုသည်။ ထို့အပြင် မြန်မာနိုင်ငံ၏ နောက်ဆုံး အပြောင်းအလဲများက ဒုက္ခသည်များကို စိတ်ပြောင်းသွားစေသည်ဟုလည်း သိရသည်။ ဇန်နဝါရီလတွင် သမ္မတဦးသိန်းစိန်အစိုးရနှင့် ကရင် လက်နက်ကိုင်များ အပစ်ရပ် သဘောတူခဲ့ပြီးနောက်တွင် ကုလသမဂ္ဂ ဒုက္ခသည်ဆိုင်ရာ မဟာမင်းကြီးရုံး၏ မြန်မာနိုင်ငံသို့ ဒုက္ခသည်များ ပြန်လည် ပို့ဆောင်ရေး အစီအစဉ်ကို ဆက်လက် ရှေ့တိုးဆောင်ရွက်လျက်ရှိသည်။
ထိုင်းနိုင်ငံစခန်းများရှိ ဒုက္ခသည်အများစုမှာ ကရင်များသာဖြစ်ပြီး ယခုအခါ မြန်မာနိုင်ငံတွင်း (ကရင်ပြည်နယ်) သို့ ပြန်လည်အခြေချရန် ပြင်ဆင်သူ အရေအတွက် တိုးပွားလာနေသည်။ သို့သော် အချို့ဒုက္ခသည်များကမူ ဂျပန်နိုင်ငံ၏ အခြေချ နေထိုင်ခွင့်ပေးမှုစီမံချက်ကို သက်တမ်းတိုးရန် တောင်းဆိုနေကြသည်။ ထိုင်းနိုင်ငံသို့ မြန်မာနိုင်ငံမှ ဒုက္ခသည် ၁၃ဝဝဝဝ ခန့် ရောက်ရှိနေသော်လည်း ၄ဝ ရာခိုင်နှုန်းမှာ တရားဝင် မှတ်ပုံတင်ထားခြင်း မရှိပေ။ ဒုက္ခသည်မှတ်ပုံတင်ခြင်းသည် တတိယနိုင်ငံတစ်ခုသို့ သွားရန်လိုအပ်သော စည်းကမ်းချက် တစ်ခုဖြစ်သောကြောင့် ဒုက္ခသည်များ ပိုမို ဝင်ရောက်လာမည်ကို စိုးရိမ်သော ထိုင်းနိုင်ငံက ဒုက္ခသည် မှတ်ပုံတင်ခြင်း အစီအစဉ်ကို ၂၀၀၅ ခုနှစ်ကစ၍ ရပ်ဆိုင်းထားခဲ့သည်။
**************************************************************
ဘိန်းကိုအရူးအမူးဖြစ်နေသော ဆွေမျိုးများ
(Reuters မှ 19 February, 2012 ရက်စွဲပါ Opium's crazy cousin ကို ဘာသာပြန်ဆိုသည်)
ထိုင်းနိုင်ငံ မူးယစ်ဆေးဝါးသုံးစွဲသူများ ပြန်လည်ထူထောင်ရေး ဗဟိုဋ္ဌာနများတွင် ရောက်ရှိနေသူအများစုမှာ မူးယစ်ဆေးသုံးစွဲမှုကြောင့် ဖြစ်သည်။ ဂျပန်တွင် ဖမ်းမိသော မူးယစ်ဆေးဝါးများမှာ ၎င်းနှင့် ပတ်သက်နေပြီး ကုလသမဂ္ဂက ပြောကြားရာတွင် ၎င်း၏နောက်ထပ်ဈေးကွက်ကြီးမှာ ဗီယက်နမ် ဖြစ်သည်ဟု ဆိုသည်။ ယနေ့အချိန်တွင် မက်သာဖက်တမင်းသည် အာရှတိုက်၏ နိုင်ငံအတော်များများတွင် ထိပ်တန်းမူးယစ်ဆေးဝါး ဖြစ်နေသည်။ ၎င်းသည် စီးပွားရေးနှင့် လူမှုရေးနယ်ပယ်တွင် လျင်မြန်စွာ နေရာယူ လာလျက်ရှိသည်။ ၎င်းမှာ ဆေးပြား (pill) အသွင်ရှိပြီး ခရစ်စတယ် ပုံစံဖြင့် ရေခဲကဲ့သို့ (ice) အသွင်သဏ္ဍာန်ရှိသည်။ ထိုင်းနိုင်ငံက ရာဘ (xa ba-အရူးအမူး ဖြစ်စေသောဆေး) ဟု ခေါ်ဆိုကြသည်။ ၎င်းသည် ဈေးပေါသည်ဟု ဆိုနိုင်ပြီး ဆေးစွဲလည်းလွယ်သည်။ ၎င်းကို ယခင်ဘိန်းစိုက်သော မြန်မာနိုင်ငံ ရှမ်းပြည်နယ်မှ ထုတ်လုပ်သည်ဟု သိရသည်။
အရှေ့တောင်အာရှတွင် ရာဘဆေးပြားဖမ်းမိသည့်နှုန်းမှာ လေးဆခန့်တက်လာခဲ့သည်။ ၂၀၀၈ ခုနှစ်တွင် ဆေးပြား 32 သန်းဖမ်းမိခဲ့ရာမှ ၂၀၁၀ တွင် ဆေးပြား ၁၃၃ သန်းရှိလာပါသည်။ ထိုသို့ တိုး၍ ဖမ်းမိခြင်းမှာ ပိုမို ထုတ်လုပ်ခြင်းကြောင့်ဖြစ်သည်ဟု ကုလသမဂ္ဂ မူးယစ်ဆေးဝါးနှင့် ရာဇဝတ်မှု ဆိုင်ရာရုံး (UNODC) က ပြောသည်။
မြန်မာနိုင်ငံတွင် ၂၀၁၀ ၌ဖမ်းဆီးရမိသော ဆေးပြားမှာ ၂ သန်းသာရှိခြင်းကြောင့် ထိရောက်မှုမရှိဘဲ တာဝန်ရှိသူများက ဆေးပြားထုတ်လုပ်ရာတွင် အဓိကပါဝင်သော အီဖီဒရင်း (ephedrine) နှင့် ဆူဒိုအီဖီဒရင်း (pseudoephedrine) တို့ကို ရောင်းချပေးနေသော အိန္ဒိယနှင့် တရုတ်ကုမ္ပဏီတို့ကို အပြစ်တင်လျက် ရှိသည်။ ဆေးပြားအများစုကို မြန်မာနိုင်ငံအတွင်း ကိုယ်ပိုင်အုပ်ချုပ်ခွင့်ရဒေသကဲ့သို့ဖြစ်နေသော ယခင်ဘိန်းများစွာ စိုက်ခဲ့သော တရုတ်နယ်စပ်ရှိ အထူးဒေသ (၂) မှ ထုတ်လုပ်သည်။ ထိုဒေသကို အပစ်အခတ်ရပ်ထားသည့် လက်နက်အင်အားကောင်းသော တိုင်းရင်းသား လက်နက်ကိုင်အဖွဲ့ ညီညွတ်သော 'ဝ' ပြည်ထောင်စု တပ်မတော် (UWSA) က ထိန်းချုပ်ထားသည်။ အမေရိကန်ပြည်ထောင်စု၏ Drug Enforcement Administration က အရှေ့အာရှတွင် ဟီးရိုးအင်းနှင့် မက်သာဖတမင်း ရောင်းဝယ်ရာတွင် အဓိကအဖွဲ့ကြီးမှာ UWSA ဖြစ်ကြောင်း ဖော်ပြခဲ့သည်။ မြန်မာနိုင်ငံ၏ မက်သာဖတမင်း အများစုကို အခြားအာရှနိုင်ငံများသို့ ရောင်းချသေးသည်။ သို့သော် မြန်မာနိုင်ငံတွင်းတွင်လည်း ဈေးကွက်ကြီးလာရာ ဘိန်းနှင့်ဟီးရိုးအင်းကိုပင် မသုံးကြတော့ဟု UNODC က သည်။
**************************************************************************
မြန်မာ့ပြုပြင်ပြောင်းလဲမှုများအပေါ် ဒေါ်အောင်ဆန်းစုကြည် လောင်းကြေးထပ်
(NPR မှ 15 Feb 2012 ရက်စွဲပါ Opposition Leader Bets On Myanmar Reforms ကိုဘာသာပြန်ဆိုသည်)
ယခုအခါ စစ်တပ်ကျောထောက်နောက်ခံ မြန်မာအစိုးရသည် နိုင်ငံရေးအကျဉ်းသားများ လွတ်ငြိမ်းချမ်းသာခွင့် ပြုခြင်း၊ မီဒီယာဆင်ဆာ တည်းဖြတ်မှုများ ဖြေလျှော့ပေးခြင်း၊ တိုင်းရင်းသားလက်နက်ကိုင် တပ်ဖွဲ့များနှင့် ငြိမ်းချမ်းရေး ဖော်ဆောင်ခြင်း အစရှိသည့် နိုင်ငံရေးပြုပြင်ပြောင်းလဲမှုများ လုပ်ဆောင်ပြီး ၎င်းအပေါ် သံသယဖြစ်ကာ အယုံအကြည်မရှိသူ အတော်များများကို အံ့အားသင့်စေခဲ့ပြီးဖြစ်သည်။ သို့သော် ယင်းပြုပြင်ပြောင်းလဲမှုများမှာ အတိုက်အခံ ခေါင်းဆောင် ဒေါ်အောင်ဆန်းစုကြည်နှင့် စေ့စပ်ညှိနှိုင်းမှုများ ပြုလုပ်သည့်ကိစ္စလောက် ချီးမွမ်းပြောဆိုမှုမရရှိခဲ့ပေ။ ဒေါ်အောင်ဆန်းစုကြည်သည် နှစ်ပေါင်း ၂၀ နီးပါး နေအိမ်အကျယ်ချုပ် ဖမ်းဆီးထိန်းသိမ်းခံခဲ့ရပြီးနောက် မြန်မာ့နိုင်ငံရေးစနစ်အတွင်းမှနေ၍ ယခုအခါ ဒီမိုကရေစီရေး အတွက် ဦးတည်လျက်ရှိသည်။ ပါလီမန်လွှတ်တော်တွင်နေရာတစ်နေရာရရှိရေးအတွက် လာမည့်ဧပြီလ ၁ ရက်နေ့တွင်ကျင်းပမည့် ကြားဖြတ် ရွေးကောက်ပွဲတွင် သူမအနေဖြင့် ဝင်ရောက်ယှဉ်ပြိုင်တော့မည်ဖြစ်၏။ သို့အတွက်ကြောင့် နောက်ဆုံးတွင် ရွေးကောက်ပွဲ မဲဆွယ်စည်းရုံးမှုများ ပြုလုပ်လာသည်။ မဲဆွယ်စည်းရုံးရေးအတွက် ခရီးထွက်ရာတွင် သူမ၏ SUV ကား Sunroof မှ မတ်တပ်ရပ်ကာ ထောက်ခံကြိုဆိုသူများကို လက်ဝှေ့ယမ်း နှုတ်ဆက်ပြီး သူမကို ချစ်ခင်သူ၊ ထောက်ခံသူများက ကော့မှူးမြို့နယ်မှ ဖုံထူထပ်သည့်လမ်းဘေးဝဲ၊ ယာတစ်ဖက်တစ်ချက်စီတွင်ရပ်ကာ ပန်းစည်းများဖြင့် ကြိုဆိုကြသည်။ အဆိုပါမြို့နယ်မှာ ကျေးလက်ဒေသတစ်ခုဖြစ်ပြီး သူမဝင်ရောက်ယှဉ်ပြိုင်မည့် မဲဆန္ဒနယ် တစ်ခုလည်းဖြစ်သည်။
ကော့မှူးမြို့နယ်သို့ ဒေါ်အောင်ဆန်းစုကြည်သွားရောက်ရာတွင် မြို့အဝင်ဝကတည်းက ကရင်တိုင်းရင်းသား လူမျိုးများက ၎င်းတို့၏ ရိုးရာဓလေ့ဖြင့် ကြိုဆိုနှုတ်ဆက်ကြသည်။ ကွမ်းယာများ တမြုံ့မြုံ့ဝါးနေသော လယ်သမားများက ကွမ်းဂျိုးကပ်နေသည့် သွားများပေါ်လွင်သည်အထိ ပြုံးရွှင်စွာ ကြိုဆိုကြသည်ကိုတွေ့ရသည်။ ပါးပြင်ပေါ်တွင် သနပ်ခါး လိမ်းကျံထားသော ကရင်အမျိုးသမီးများလည်းပါသည်။ ကော့မှူးမှာ ဝေးလံ ခေါင်သီသော ကျေးလက်မြို့လေးတစ်မြို့ ဖြစ်ပြီး ရန်ကုန်မြို့မှ မော်တော်ကားနှင့်သွားပါက လေးနာရီလောက်မောင်းရသည်။ ဒေါ်အောင်ဆန်းစုကြည်က အဆိုပါမြို့နယ်မှ ဝင်ရောက်ယှဉ်ပြိုင်ရန် ဆုံးဖြတ်ခဲ့ခြင်းမှာ မတူကွဲပြားသော တိုင်းရင်းသားများရှိသောကြောင့်ဖြစ်သည်ဟု ဆိုသည်။
ယင်းမြို့နယ်ဒေသသည် ပြီးခဲ့သည့် ၂၀၀၈ ခုနှစ်အတွင်း နာဂစ်ဆိုက်ကလုန်းမုန်တိုင်းဒဏ် ဆိုးဆိုးရွားရွား ခံစားခဲ့ရသည်။ နာဂစ်ကယ်ဆယ်ရေးနှင့် ပြန်လည်နေရာချရေးလုပ်ငန်းစဉ်များလုပ်ကိုင်ရာတွင် နှေးကွေးပြီး ထိရောက်မှု မရှိသောကြောင့် ဒေသခံအတော်များများသည် အစိုးရအပေါ်အလွန်အမင်း မကျေမနပ်ဖြစ်လျက်ရှိသည်။ ခရီးစဉ်အတွင်း ဒေါ်အောင်ဆန်းစုကြည်က ကော့မှူးမှ ကျေးရွာသူရွာသားများအား သူမကို ထောက်ခံမဲပေးရန် ပြောဆိုသည်။ ၎င်းတို့မှာ နေခြစ်ခြစ်တောက် ပူနေသော လယ်ကွင်းထဲတွင်ထိုင်ကာ ဒေါ်အောင်ဆန်းစုကြည်၏ မဲဆွယ်စည်းရုံးမှုကို နားထောင်ကြသည်။ ထောက်ခံမဲ ရရှိရေးအတွက် ကတိကဝတ်ပြုရာတွင် ဒေါ်အောင်ဆန်းစုကြည်က သတိထား၍ ပြောသည်။ ဖွံ့ဖြိုးတိုးတက်မှုရှိသော မြန်မာနိုင်ငံသစ်ဆီသို့ သွားရမည့် လမ်းမှာ လွယ်ကူချောမွေ့လိမ့်မည်မဟုတ်ဟု သူမကဆိုသည်။
လတ်တလော အစိုးရသစ်ကအကောင်အထည်ဖော်လျက်ရှိသော နိုင်ငံရေးပြုပြင်ပြောင်းလဲမှုများသည် ကော့မှူးမြို့နယ် ဒေသကို ပြောင်းလဲပေးနိုင်ခြင်း မရှိသေးပေ။ အဆိုပါ မြို့နယ်တွင် စက်မှုလုပ်ငန်း များများစားစားမရှိသလို အလုပ်အကိုင်လည်းမရှိပေ။ “ကျွန်တော်နဲ့ ကျွန်တော်တို့ ဒေသခံတွေကတော့ ဒေါ်အောင်ဆန်းစုကြည်ကို မဲပေးချင်ကြပါတယ်။ ကျွန်တော်နိုင်ငံရေးဆိုတာကိုကောင်းကောင်းနားမလည်ပါဘူး။ ဒါပေမဲ့ ပြည်သူတွေရဲ့ အကျိုးရှိအောင် အစွမ်းကုန် လုပ်ဆောင်ပေးမယ့်သူကိုတော့ ကျွန်တော်ရွေးချယ်ချင်ပါတယ်” ဟု အသက် ၂၅ နှစ် အရွယ် လယ်သမား တစ်ဦး ဖြစ်သော ကိုစထွန်းလင်းကပြောကြားသည်။ ဒေါ်အောင်ဆန်းစုကြည်သည် ၁၉၈၈ ခုနှစ်မတိုင်မီ ကာလများအထိ နိုင်ငံရေးလောကထဲသို့ ဝင်ရောက်ခဲ့ခြင်း မရှိဘဲ ထိုနှစ်နောက်ပိုင်းတွင်မူ နှစ်ပေါင်းများစွာ နေအိမ် အကျယ်ချုပ်ဖြင့် ဖမ်းဆီးထိန်းသိမ်းခံခဲ့ရသည်။
ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်ပါတီ(NLD) သည် ၂၀၁၀ ပြည့်နှစ်ရွေးကောက်ပွဲကို မျှတမှုမရှိ ဟုဆိုကာ သပိတ် မှောက်ခဲ့သည်။ သို့သော်ပြီးခဲ့သည့် ဒီဇင်ဘာလတွင် ဒေါ်အောင်ဆန်းစုကြည်၏ စိတ်သဘောထား ပြောင်းလဲခဲ့ကာလာမည့်ကြားဖြတ်ရွေးကောက်ပွဲသို့ ဝင်ရောက်ယှဉ်ပြိုင်ရန် ဆုံးဖြတ်ခဲ့သည်။ NLD မှ အသက် ၈၂ နှစ်အရွယ် ပါတီပူးတွဲတည်ထောင်သူ ဦးတင်ဦးအပါအဝင် သူမ၏လုပ်ဖော်ကိုင်ဖက် အတော်များများက ဒေါ်အောင်ဆန်းစုကြည်ကို အကောင်းမြင်လွန်းသူတစ်ဦးအဖြစ် ထင်မှတ်လျက်ရှိကြသည်။ “ဒီအစိုးရ ဒါမှမဟုတ် ဒီသမ္မတနဲ့ တခြားပုဂ္ဂိုလ်တွေအပေါ် ခင်ဗျားယုံကြည်လို့ရ၊ မရဆိုတဲ့ကိစ္စကို ကျွန်တော်မသိပါဘူး။ ခင်ဗျားအနေနဲ့စစ်တပ်ကို လွယ်လွယ်နဲ့ ယုံလို့မရနိုင်ဘူး။ အဲဒီဖွဲ့စည်းအုပ်ချုပ်ပုံ အခြေခံဥပဒေအရ စစ်တပ်က အချိန်မရွေး အာဏာ ပြန်သိမ်းနိုင်တယ်လေ” ဟု နှစ်ပေါင်း ၂၀ တာကာလမျှ ဖမ်းဆီးချုပ်နှောင်ခြင်း ခံခဲ့ရသော သတင်းစာဆရာကြီး ဦးဝင်းတင်ကပြောသည်။ သို့သော် ဒေါ်အောင်ဆန်းစုကြည်သည် အရည်အချင်းနှင့် ပြည့်စုံသော အမျိုးသမီးတစ်ဦးဖြစ်ပြီး မြန်မာ့ဒီမိုကရေစီလှုပ်ရှားမှုများကို ဦးဆောင်နိုင်သူတစ်ဦးဖြစ်သည်ကို ယုံကြည်ကြောင်း၎င်းကဆိုသည်။ “အချို့သော အရေးကိစ္စတွေနဲ့ပတ်သက်ပြီး ကျွန်တော်တို့ သဘောထားချင်းမတူတာတွေရှိပါတယ်။ ဒါပေမဲ့ ဘယ်လိုပဲဖြစ်ဖြစ်ပါ..၊ ကျွန်တော်ဒေါ်အောင်ဆန်းစုကြည်ဘေးကရပ်မှာပါ။ သူ့ကိုထောက်ခံသွားမှာပါ” ဟု ၎င်းက ဆက်လက်ပြောဆိုသည်။ အကယ်၍ မိမိသာ လွှတ်တော်ကိုယ်စားလှယ်အဖြစ် ရွေးကောက်တင်မြှောက်ခံရမည် ဆိုပါက စစ်တပ်၏ အာဏာကို စောင်းပေးထားသည့် ဖွဲ့စည်းပုံအခြေခံဥပဒေကို ပြန်လည်ပြင်ဆင်ရေးဆွဲမည်ဖြစ်သည်ဟု ဒေါ်အောင်ဆန်းစုကြည်က ဆိုထားသည်။ သို့သော်လည်း လာမည့်ကြားဖြတ်ရွေးကောက်ပွဲတွင် သူမအနိုင်ရရှိခဲ့လျှင်သော်လည်း စစ်တပ်နှင့် အာဏာရပါတီ အနေဖြင့် လွှတ်တော်ကို ဆက်လက်သြဇာလွှမ်းမိုးထားနိုင်မည်သာဖြစ်သည်။ ဖွဲ့စည်းပုံအခြေခံဥပဒေ ပြင်ဆင်ရေးဆွဲမှုကဲ့သို့သော အရေးကြီးသည့်လုပ်ငန်းစဉ်များကိုလုပ်ကိုင်ရေးမှာ လွယ်ကူမည်မဟုတ်ပေ။ မကြာသေးခင်က NLD ရုံးချုပ်၌ အဆိုပါအရေးကိစ္စနှင့်ပတ်သက်၍ မိန့်ခွန်းပြောကြားရာတွင် “မိမိအနေဖြင့် စစ်တပ်အာဏာ စွန့်လွှတ်လာအောင် ကြိုးပမ်းနေခြင်းမဟုတ်ကြောင်း” ဒေါ်အောင်ဆန်းစုကြည်က သံတမန်ဆန်ဆန် ပြောဆိုသည်။
“မြန်မာနိုင်ငံဒီမိုကရေစီထူထောင်ရာမှာ တပ်မတော်အနေနဲ့ ကျွန်မတို့နဲ့အတူ လက်တွဲလုပ်ကိုင်စေချင်ပါတယ်။ ဒါဟာ ဘာတစ်ခုမှ စွန့်လွှတ်ဖို့ မဟုတ်ပါဘူး။ ကျွန်မတို့ရဲ့ကြိုးပမ်းမှုတွေမှာ ပူးပေါင်းပါဝင်ဖို့ သက်သက်ပါ” ဟု သူမက ဆိုသည်။ မြန်မာအစိုးရသစ်သည် ဒီမိုကရေစီ ပြုပြင်ပြောင်းလဲရေးအတွက် အလေးအနက်ထားရှိနေပါသည် ဟူသော ကိစ္စအပေါ် ဒေါ်အောင်ဆန်းစုကြည်တစ်ယောက် လောင်းကြေးထပ်နေပုံရသည်။ ထို့အတူ မြန်မာအစိုးရကလည်း အနောက်တိုင်းပိတ်ဆို့အရေးယူမှုများ ဖယ်ရှားလာအောင် ဒေါ်အောင်ဆန်းစုကြည်လုပ်ဆောင်လိမ့်မည်ဟု လောင်းကြေး ထပ်ကာ သူမကို ပွေ့ဖက်ကြိုဆိုနေခြင်းဖြစ်သည်။ အစိုးရအရာရှိကြီးများကလည်း ဒေါ်အောင်ဆန်းစုကြည်သာ လွှတ်တော်ထဲသို့ ရောက်ရှိသွားမည်ဆိုပါက ဥပဒေပြုသမားမှသည် ကက်ဘိနက်ဝန်ကြီးရာထူးအထိ ရရှိအောင် လုပ်ဆောင်နိုင်မည်ဖြစ်ကြောင်း ပြောဆိုထားကြသည်။ မည်သို့ပင်ဆိုစေကာမူ ဒေါ်အောင်ဆန်းစုကြည်နှင့် သူမ၏ ပါတီ အမှန်တကယ် အာဏာရရှိနိုင်ခြင်း ရှိ၊မရှိဟူသောကိစ္စကို လာမည့် ၂၀၁၅ ခုနှစ် အထွေထွေရွေးကောက်ပွဲ မတိုင်မီ ကာလအထိ စောင့်ကြည့်ရမည်ဖြစ်သည်။
*****************************************************************
Google Docs makes it easy to create, store and share online documents, spreadsheets and presentations.
