Posts
 | yangonchronicle 2011- (1) |
၂၂.၃.၂ဝ၁၂
ဘာသာပြန်သတင်းများ အပိုင်း (၂)
- အာရှဆက်သွယ်ရေးကုမ္ပဏီများ မြန်မာဈေးကွက်ကို မျက်စိကျ
(Channel News Asia မှ 21 March 2012 ရက်စွဲပါ Asian telecos eyes Myanmar market သတင်းကို ဘာသာ ပြန်ဆိုသည်)
- ရင်းနှီးမြှုပ်နှံသူများအတွက် ခွင်သစ်တစ်ခုသည် မြန်မာပြည်လော
(NASDAR မှ 21 March 2012 ရက်စွဲပါ Myanmar: the coming investor paradise သတင်းဆောင်းပါးကို ဘာသာ ပြန်ဆိုသည်)
****************************************************************
အာရှဆက်သွယ်ရေးကုမ္ပဏီများ မြန်မာဈေးကွက်ကို မျက်စိကျ
(Channel News Asia မှ 21 March 2012 ရက်စွဲပါ Asian telecos eyes Myanmar market သတင်းကို ဘာသာ ပြန်ဆိုသည်)
အာရှတယ်လီဖုန်း ဆက်သွယ်ရေး ကုမ္ပဏီများသည် မြန်မာနိုင်ငံတွင် ခေတ်နောက်ကျနေသော ဖွံ့ဖြိုးမှုကို အားပေးမြှင့်တင်ရန်အတွက် မြန်မာတို့၏ မတို့မထိရသေးသော ဈေးကွက်တွင် ဝေစုရရှိရန် မျှော်မှန်းလျက်ရှိသည်။
အာရှ၏ လုပ်သက်ရင့် ဈေးကွက်များတွင် လူပြည့်နေပြီ ဖြစ်သောကြောင့် အာရှ တယ်လီဖုန်း ကုမ္ပဏီများအနေဖြင့် မြန်မာနိုင်ငံ၌ စွန့်စားရမည့် အန္တရာယ် ရှိနေသည့်တိုင်အောင် ဈေးကွက်ဝေစု ရရှိရန် တိုက်ပွဲဝင်ကြလိမ့်မည်ဟု အကဲခတ် လေ့လာသူများက မျှော်လင့်ထားကြသည်။
မြန်မာအစိုးရက တယ်လီဖုန်း ဆက်သွယ်ရေးကဏ္ဍကို နိုင်ငံခြား ရင်းနှီးမြှုပ်နှံသူများအား ဖွင့်ပေးရန် အစီအစဉ်များကို စဉ်းစားနေသည်ဟူသော သတင်းသည် မြုပ်လုဆဲဆဲ အနေအထားမှ ကိုယ်ဖော့ရန် လိုအပ်နေသော အာရှဆက်သွယ်ရေး ကုမ္ပဏီများနှင့် ကွက်တိအံဝင်ခွင်ကျ ဖြစ်နေပြီး အထူးသဖြင့် တယ်လီဖုန်း ဆက်သွယ်ခွင့် အတွက် ငွေပိုပေးရန် ဝန်မလေးသော မြန်မာနိုင်ငံသားတို့၏ သဘာဝမှာ စိတ်ဝင်စားစရာ ဖြစ်နေသည်။
ISEAS မှ အကြီးတန်း ဧည့်သုတေသနပညာရှင် ဦးတင်မောင်သန်းက "ပိုက်ဆံတတ်နိုင်တဲ့ လူတန်းစားတွေနဲ့ စီးပွားရေးသမားတွေက တယ်လီဖုန်း ပစ္စည်းတွေကို အလွန်အကျွံ ဈေးကြီးကြီးပေးပြီး ဝယ်နေရပါတယ်။ လွန်ခဲ့တဲ့ ဆယ်နှစ်လောက်က ကျပ် ၂၅ သိန်းပေးဝယ်ခဲ့ရတဲ့ ဆင်းမ်ကတ် တစ်ခုဟာ အခုတော့ ကျပ် ၅ သိန်း ပေးဝယ်နေရပါတယ်။ ဒါကြောင့် အခု ကျပ် ၁ သိန်း (ဒေါ်လာ ၁ဝဝ ဝန်းကျင်) နဲ့ရောင်းမယ်ဆိုရင်တောင် တယ်လီဖုန်း ကုမ္ပဏီတွေ အမြတ်ထွက်နေကြဦးမှာပါ" ဟု ရှင်းလင်း ပြောကြားသည်။
လက်ရှိ ကာလအထိ မြန်မာနိုင်ငံ၏ ဆက်သွယ်ရေးကဏ္ဍကို နိုင်ငံပိုင် မြန်မာ့စာတိုက်နှင့် ကြေးနန်းဆက်သွယ်ရေး လုပ်ငန်း (MPT) က တစ်ဦးတည်း လက်ဝါးကြီးအုပ် ချုပ်ကိုင်ထားသည်။
IDC သုတေသနအဖွဲ့က အင်တာနက်နှင့် Broadband ထိုးဖောက် ပျံ့နှံ့မှုသည် အလွန်နှေးကွေးကာ ယမန်နှစ်က ၁.၂% မျှသာ ရှိခဲ့သည်ဟု ပြောကြားသည်။ ပြီးခဲ့သော ၃ နှစ်အတွင်း အစိုးရထံမှ မိုဘိုင်းဖုန်း ငှားရမ်း သုံးစွဲမှုသည် ၁၄ဝ% မြင့်တက်လာခဲ့သော်လည်း ရန်ကုန်နှင့် မန္တလေးကဲ့သို့သော မြို့ကြီးများ၌သာ အခြေခံ အဆောက်အဦ ကွန်ရက်ကို ဦးစားပေး တည်ဆောက်ထားသည်။ (သို့တိုင်အောင် မြန်မာ့ ဆက်သွယ်ရေး လုပ်ငန်း MPT ၏ ဝန်ဆောင်မှု အရည်အသွေး ညံ့ဖျင်းနေခြင်းကို အထင်အရှား သက်သေပြနေသော အချက်မှာ တယ်လီဖုန်း ဆက်လျှင် အမြဲတမ်း မပါမဖြစ် ပြောဆိုနေရသော "ကြားရလား။ ကြားရလား" ဟူသော စကားပင် ဖြစ်သည်။)
ထိုကဲ့သို့ ထူးထူးခြားခြား ခေတ်နောက်ကျနေသော နိုင်ငံတွင် ဖွံ့ဖြိုးရန် အခွင့်အလမ်းများ ရှိနေသည်ကို အကဲခတ် လေ့လာသူ အများစုက သဘော တူညီထားကြသည်။ Gartner Research သုတေသနဌာနမှ ဒုတိယ ဥက္ကဋ္ဌ Bertrand Bidaud က "Sing Tel လို စင်ကာပူ ကုမ္ပဏီတွေအတွက်တော့ မြန်မာနိုင်ငံဟာ အလားအလာ ကောင်းတဲ့ ဈေးကွက် ဖြစ်ပါတယ်။ ဘာကြောင့်လဲဆိုရင် အာဆီယံဒေသဟာ စင်ကာပူကုမ္ပဏီတွေအတွက် အနီးဆုံး ပင်လယ်ရပ်ခြား ဖြစ်ပြီး ကြီးမားတဲ့ ခွင်သစ်တစ်ခု ဖြစ်နေလို့ပါ" ဟု ပြောကြားသည်။
ဒေသတွင်း တယ်လီဖုန်းကုမ္ပဏီများ အနေဖြင့် ဒေသတွင်း လုပ်ငန်း တိုးချဲ့ရန် ကျွမ်းကျင်မှုနှင့် ငွေရင်းငွေနှီး ရှိကြသည်ဟု Gartner Research က မျှော်မှန်းထားသော်လည်း မြန်မာကဲ့သို့ ဈေးကွက်သစ်များတွင် အန္တရာယ်များ ရှိနေဆဲ ဖြစ်သည်။
TMT (Asia Pacific) with Fitch Ratings အကြီးအကဲ Steve Durose က "ကျွန်တော် ပြောချင်တဲ့ စကားတစ်ခွန်းကတော့ မြန်မာနိုင်ငံကို ဈေးကွက်သစ်၊ နယ်မြေသစ်မှာ အလုံးအရင်းလိုက် ရင်းနှီးမြှုပ်နှံမယ့် ကုမ္ပဏီတိုင်းဟာ ဒီနိုင်ငံရဲ့ ယုံကြည်စိတ်ချရမှု အားနည်းခြင်းကို ကြုံတွေ့ရလိမ့်မယ် ဆိုတာပါပဲ" ဟု သတိပေး ပြောဆိုသည်။
မြန်မာဈေးကွက်သည် အလားအလာကောင်းသော်လည်း မလွဲမသွေ ကြုံရမည့် အန္တရာယ်များကို ရှောင်ရှားရန်အတွက် ရင်းနှီးမြှုပ်နှံမှုကို တစ်ဆင့်ပြီး တစ်ဆင့် ပြုလုပ်သွားသင့်သည်ဟု အကဲခတ် လေ့လာသူများက အကြံပြုထားသည်။
****************************************************
ရင်းနှီးမြှုပ်နှံသူများအတွက် ခွင်သစ်တစ်ခုသည် မြန်မာပြည်လော
(NASDAR မှ 21 March 2012 ရက်စွဲပါ Myanmar: the coming investor paradise သတင်းဆောင်းပါးကို ဘာသာ ပြန်ဆိုသည်)
မြန်မာနိုင်ငံမှ အာဏာရ တပ်မတော်အစိုးရသည် ဆယ်စုနှစ်များစွာ အညှာအတာ ကင်းမဲ့စွာ ဖိနှိပ် အုပ်ချုပ်ခဲ့ပြီးနောက်တွင် ပြည်သူလူထုနှင့် စီးပွားရေးကို ကိုင်တွယ်သည့် ဥပဒေများ ခေတ်မီအောင် ပြုပြင်ပြောင်းလဲရေးကို ရုတ်တရက် စိတ်အားထက်သန်လာခဲ့သည်။
ပြီးခဲ့သောနှစ်အတွင်း နိုင်ငံရေးအကျဉ်းသားများကို လွှတ်ပေးခြင်း၊ ကမ္ဘာကျော် ဒီမိုကရေစီ လှုပ်ရှားသူ ဒေါ်အောင်ဆန်းစုကြည်ကို အကျယ်ချုပ် ထိန်းသိမ်းထားမှု အဆုံးသတ်ကာ တွေ့ဆုံ ညှိနှိုင်းခြင်းတို့ အပါအဝင် ပြုပြင်ပြောင်းလဲမှု များစွာကို သမ္မတ ဦးသိန်းစိန်အစိုးရက ပြုလုပ်ပြသခဲ့သည်။
ယင်းကဲ့သို့ ပြုပြင်ပြောင်းလဲမှုများသည် နိုင်ငံရေး နယ်ပယ်ကိုသာမက မြန်မာနိုင်ငံ၏ ရပ်တန့်နေသော ဖွံ့ဖြိုးမှုကိုလည်း အားဖြည့် တွန်းအား ပေးနိုင်မည် ဖြစ်သည်။ ယခု နောက်ဆုံး စီးပွားရေး ပြုပြင် ပြောင်းလဲမှုများတွင် မြန်မာနိုင်ငံ၌ နိုင်ငံခြား ကုမ္ပဏီများအနေဖြင့် ယခင်ကကဲ့သို့ ဒေသခံ စီးပွားဖက် မလိုအပ်တော့ဘဲ စီးပွားရေးလုပ်ခွင့် ရလာခြင်း၊ ပြည်သူပိုင် မသိမ်းပါဟု အစိုးရက အာမခံချက်ပေးခြင်း၊ ပုဂ္ဂလိကမြေ အသုံးပြုမှုနှင့် အမြတ်ငွေ ပြန်ပို့မှုဆိုင်ရာ တားမြစ်ချက်များကို ဖြေလျှော့ပေးခြင်း၊ နိုင်ငံခြား ကုမ္ပဏီများအား ၅ နှစ် အခွန်သက်သာခွင့် ပေးခြင်းတို့ ပါဝင်သည်ဟု Financial Times သတင်းစာက ရေးသားဖော်ပြထားသည်။
ထို့ပြင် ပြဿနာကြုံနေရသော ပြည်တွင်းသုံးကျပ်ငွေကို ထိန်းချုပ်ရန်နှင့် နိုင်ငံခြားရင်းနှီးမြှုပ်နှံသူများ၏ ယုံကြည်စိတ်ချမှုကို ရရှိစေရန်အတွက် မြန်မာကျပ်ငွေ နှုန်းရှင်မျှောခြင်းကို ဧပြီ ၁ ရက်တွင် စတင်မည်ဟု ဆိုသည်။
ထိုကဲ့သို့ နိုင်ငံတိုးတက်ပြောင်းလဲရေး ကြိုးပမ်းမှုများသည် ယခင်က မည်သည်မျှ ဖြစ်မလာသော လေလုံးထွား ဖွံ့ဖြိုးရေး ကြွေးကြော်သံများကဲ့သို့ မဟုတ်ဘဲ အမှန်တကယ် ဖြစ်ကြောင်း သက်သေပြလျက် ရှိသည်။ သမ္မတ ဦးသိန်းစိန်၏ လစ်ဘရယ် ပြောင်းလဲမှုကို နိုင်ငံတကာ သံတမန် အသိုင်းအဝိုင်း ကလည်း ခိုင်ခိုင်မာမာ ထောက်ခံခဲ့ကြပြီး နှစ်ပေါင်း ၅ဝ အတွင်း ပထမဆုံး အမေရိကန် အဆင့်မြင့် တာဝန်ရှိသူ တစ်ဦး၏ မြန်မာခရီးစဉ် အဖြစ် နိုင်ငံခြားရေး ဝန်ကြီး ဟီလာရီကလင်တန်သည် နေပြည်တော်သို့ ရောက်ရှိလာခဲ့သည်။
အမေရိကန် ရင်းနှီးမြှုပ်နှံသူများ မြန်မာနိုင်ငံသို့ ရောက်ရှိလာစေရန်အတွက် အရေးကြီးသော အချက်မှာ သံတမန်ဆိုင်ရာ ဆက်ဆံရေးပင် ဖြစ်ပြီး အမေရိကန် အစိုးရအနေဖြင့် အမေရိကန် ရင်းနှီးမြှုပ်နှံသူများ မြန်မာနိုင်ငံ၌ စီးပွားရေးအသစ် ထူထောင်ခြင်းကို တားမြစ်ထားသော ဥပဒေများကို ပထမဦးစွာ ပြန်လည် ရုတ်သိမ်းရမည် ဖြစ်သည်။ နော်ဝေအစိုးရက ရင်းနှီးမြှုပ်နှံမှု ဆိုင်ရာ တားမြစ်ချက်များကို ဇန်နဝါရီတွင် ရုတ်သိမ်းပေးခဲ့ပြီး အီးယူကလည်း စီးပွားရေး ပိတ်ဆို့ထားမှုများကို ရုတ်သိမ်းရန် အလေးအနက် စဉ်းစားနေပြီ ဖြစ်ရာ အမေရိကန် အစိုးရကလည်း ထိုသို့ ရုတ်သိမ်းပေးရန် စဉ်းစားလာခြင်းမှာ ကျိုးကြောင်း မှန်ကန်ပေသည်။
ဖော်ပြပါ အရေးယူမှုများကြောင့် မြန်မာနိုင်ငံ၏ ဖွံ့ဖြိုးမှုသည် အိမ်နီးချင်း အိန္ဒိယ၊ တရုတ်၊ ထိုင်း တို့၏ နောက်တွင် ဝေးလံစွာ ပြတ်ကျန်ရစ် ခဲ့သော်လည်း ၂၁ ရာစု အာရှ အင်အားကြီးနိုင်ငံများ အကြားတွင် ခွထိုင်နေသော အနေအထားကြောင့် ဖွံ့ဖြိုးမည့် အလားအလာများ ကြီးမားနေသည်ကို တွေ့ရသည်။
ထို့ပြင် မက်မောဖွယ် သယံဇာတများနှင့် မပျက်စီးသေးသော တောတောင်ရေမြေကို ပိုင်ဆိုင်ထားသော မြန်မာနိုင်ငံသည် ရေနံ၊ ဓာတ်ငွေ့ လုပ်ငန်း ဗဟိုချက်၊ ပို့ဆောင်ရေးနှင့် ခရီးသွားလုပ်ငန်း ဗဟိုချက်နှင့် ရင်းနှီး မြှုပ်နှံသူများအတွက် နယ်မြေသစ် ဖြစ်လာနိုင်ပေသည်။
မြန်မာ့ အပြောင်းအလဲမှ အကျိုးအမြတ် ရကြမည့် အရှေ့တောင်အာရှ အိမ်နီးချင်းနိုင်ငံများမှ ရင်းနှီးမြှုပ်နှံသူများသည် ဗီယက်နမ်၊ ထိုင်းတို့ နည်းတူ မြန်မာနိုင်ငံ၏ သီးခြား စီးပွားရေးအခွင့်အလမ်းများကို လေ့လာ ရှာဖွေလျက် ရှိသည်။
*************************************************
Google Docs makes it easy to create, store and share online documents, spreadsheets and presentations.
