Posts
 | yangonchronicle 2011 - (2) |
၂၁.၆.၂ဝ၁၂
ဘာသာပြန်သတင်းများ အပိုင်း(၂)
- ဘင်္ဂလားဒေ့ရှ်၏ငြင်းပယ်ပိုင်ခွင့်
(19 June 2012 ရက်စွဲပါ New York Times တွင် Dan Morrism ရေးသားသော Bangladdesh's right to refusal ကိုဘာသာပြန်သည်။)
- လန်ဒန်တွင် ဒလိုင်လားမားနှင့် ဒေါ်အောင်ဆန်းစုကြည်တွေ့ဆုံဆွေးနွေး
(The Washington Post မှ 20 June 2012 ရက်စွဲပါ “Dalai Lama and Myanmar`s Aung San Suu Kyi meet for talks during visits to London” သတင်းကိုဘာသာပြန်ဆိုသည်။)
- မြန်မာနိုင်ငံ၌ နိုင်ငံခြားသားများအား လုပ်ငန်းပိုင်ဆိုင်ခွင့်ပြုတော့မည်
(AFP သတင်းမှ 20 June 2012 ရက်စွဲပါ “Myanmar to allow foreign ownership of firms:Minister” သတင်းကို ဘာသာပြန်ဆိုသည်။)
****************************************************************
ဘာသာပြန်သတင်းများ
ဘင်္ဂလားဒေ့ရှ်၏ငြင်းပယ်ပိုင်ခွင့်
(19 June 2012 ရက်စွဲပါ New York Times တွင် Dan Morrism ရေးသားသော Bangladdesh's right to refusal ကိုဘာသာပြန်သည်။)
(ရိုဟင်ဂျာကိစ္စနှင့်ပတ်သက်၍ နိုင်ငံတကာမီဒီယာများ၏ ရပ်တည်ချက်ကို သိစေလို၍ ဘာသာပြန်ဆိုသည်။)
မြန်မာနိုင်ငံမှ ရိုဟင်ဂျာများသည် အရိုင်းစိုင်းဆုံးလူများ ဖြစ်ပုံရသည်။ ၎င်းတို့သည် သေရမည်ကို ငြင်းဆန်လျက် ရှိသည်။
ရိုဟင်ဂျာများသည် မြန်မာဗုဒ္ဓဘာသာများ၊ ဘင်္ဂါလီလူမျိုးများနှင့် အာရပ်သင်္ဘောသားများမှ ဆင်းသက်လာသော မွတ်ဆလင်များဖြစ်ပြီး ၎င်းတို့၏ ဇာတိမြေတွင် ဥပဒေမလိုက်နာခြင်းများ၊ အများ၏ မနှစ်သက်မှုများ ရှိသည်။ ဒုက္ခသည်များအဖြစ်လည်း မည်သူမျှလက်မခံလိုကြပေ။
ပြီးခဲ့သည့်အပတ်ကတည်းက ဘင်္ဂလားဒေ့ရှ် အာဏာပိုင်များသည် မြန်မာနိုင်ငံရခိုင်ပြည်နယ်မှ ဗုဒ္ဓဘာသာဝင်များ၏ တိုက်ခိုက်မှုကြောင့် လှေများ ဖြင့် ထွက်ပြေးလာကြသော ရိုဟင်ဂျာ(၈၀၀)ခန့်အား ပြန်လည်နှင်ထုတ်ခဲ့သည်။ ဘင်္ဂလားဒေ့ရ်ှသည် ရိုဟင်ဂျာသုံးသိန်းခန့်ကို လက်သင့်မခံလိုပေ။ ယခု ထပ်မံရောက်လာသူများအား ခွင့်ပြုရန် ဝါရှင်တန်နှင့် အခြားအစိုးရများ၏ မေတ္တာရပ်ခံမှုကို လက်မခံခဲ့ပေ။
ဘင်္ဂလားဒေ့ရ်ှက အဆိုပါ မျှော်လင့်ချက်ကင်းမဲ့နေသော မိသားစုများကို အကူအညီပေးရန် ငြင်းဆန်ခဲ့မှုသည် နိုင်ငံတကာ ကတိကဝတ်များကို ချိုးဖောက်သည့်သဘောရှိသည်။ ဘင်္ဂလားဒေ့ရ်ှကမူ ထိုသို့မဟုတ်ကြောင်း ငြင်းဆန်သည်။
ယနေ့အထိမူ ဘင်္ဂလားဒေ့ရ်ှသည် ဒုက္ခသည်များအား ငြင်းဆိုမှုနှင့်ပတ်သက်၍ ဥပဒေနှင့်ကိုင်၍ အေးဆေးပြောဆိုလျက်ရှိသည်။ "ဘင်္ဂလားဒေ့ရ်ှဟာ ဒုက္ခသည်များနေရာပေးရေးနှင့် ပတ်သက်ပြီး နိုင်ငံတကာ ဥပဒေ၊ ကွန်ဗင့်ရှင်း စသည်များကို လက်မှတ်ရေးထိုးထားခြင်း မရှိပါဘူး။ ဒါကြောင့် ရိုဟင်ဂျာတွေကို ခိုလှုံစရာပေးဖို့ တာဝန်မရှိပါဘူး"ဟု နိုင်ငံခြားရေးဝန်ကြီး Dipu Moni က ပြီးခဲ့သည့်အပတ်က ပြောသည်။
ယခုကိစ္စနှင့် ပတ်သက်၍ ဘင်္ဂလားဒေ့ရ်ှတာဝန်ရှိသူများ အကောင်းဆုံးလုပ်ကိုင်မှုမှာ ရက်စက်သောဖြစ်ရပ်များကို ကန့်ကွက်ဆန့်ကျင်ကြောင်း ပြောဆိုမှုပင်ဖြစ်မည်။ ဘင်္ဂလားဒေ့ရ်ှနိုင်ငံသည် ကမ္ဘာပေါ်တွင် အဆင်းရဲဆုံးနှင့် လူဦးရေအထူထပ်ဆုံးနိုင်ငံဖြစ်ကြောင်း၊ မြန်မာနိုင်ငံတွင် ၁၉၇၈ နှင့် ၁၉၉၁ ခုနှစ်တို့တွင် ရိုဟင်ဂျာများ ရှင်းထုတ်မှုကြောင့် ဘင်္ဂလားဒေ့ရ်ှက နေရာပေးထားခဲ့ဘူးကြောင်း၊ ၎င်းတို့၏ သန်း(၁၆၀)သောလူဦးရေတို့၏ လိုလားချက်များ ပြည့်မီရေးကိုပင် ရုန်းကန်နေရလျက်ရှိပြီး၊ နောက်ထပ်ရောက်လာမည့် ဒုက္ခသည်များ၏ အရေးကိုထည့်သွင်းမစဉ်းစားနိုင်ကြောင်း ဘင်္ဂလားဒေ့ရှ် တာဝန်ရှိသူများက ပြောသည်။
Moni ၏ကြေညာချက်သည် ကမ္ဘာတစ်လွှားတွင် ရိုဟင်ဂျာများ ဒုက္ခခံစားနေရသည့် ပုံရိပ်များ ပလူပျံနေချိန်တွင် သူတစ်ပါး၏ ဒုက္ခနှင့် ခံစားမှုများကို ဂရုမပြုပဲ ထွက်ပေါ်လာခြင်းဖြစ်သည်။
ရိုဟင်ဂျာများသည် မြန်မာနိုင်ငံတွင်းတွင် အများ၏အမုန်းတရားကို များစွာကြုံတွေ့နေရသည်။ အခြားတိုင်းရင်းသားအုပ်စုများကို နိုင်ငံသား တစ်ပိုင်းပုံစံ ခွင့်ပြုသော်လည်း၊ လူဦးရေ(၈)သိန်းမျှရှိသော ရိုဟင်ဂျာများမှာ နိုင်ငံသားဖြစ်ခွင့်မရပဲ တရားဝင်နိုင်ငံမဲ့များ ဖြစ်လျက်ရှိသည်။
ဘင်္ဂလားဒေ့ရ်ှနိုင်ငံ စစ်တကောင်းနယ်တွင် ရိုဟင်ဂျာသုံးသိန်းခန့် နေထိုင်လျက်ရှိရာ အနိမ့်ဆုံးအဆင့်ဖြင့်သာ ဆက်ဆံပြီး အခြေအနေမှာ အနည်းငယ်သာရုံသာရှိသည်။ လူသားချင်းစာနာသော အကူအညီများမရအောင် တားဆီးထားသည်။ အချို့မှာ အလွန်တရာပင်ပန်းပြီး လုပ်ခအနည်းငယ် သာရသော အလုပ်များရကြပြီး၊ ၎င်းတို့၏ မိန်းမများ၊ သမီးများမှာ သားကောင်များဖြစ်ကြရသည်။ မကြာသေးမီက စာရေးသူ၏မိတ်ဆွေ ဘင်္ဂလားဒေ့ရှ် သတင်းဆရာတစ်ဦးသည် ရိုဟင်ဂျာအမျိုးသမီးများကို အရေးယူခံရခြင်းမရှိပဲ အဓမ္မပြုကျင့်ကြောင်း စွပ်စွဲခံရသူ ဒေသခံကောင်စီလူကြီးတစ်ဦးနှင့် တွေ့ဆုံခဲ့သည်။ "သူက ငြင်းပါတယ်၊ ဒါပေမယ့် နောက်တော့ပြောတာက ဘယ်ဘင်္ဂလားဒေ့ရ်ှလူမျိုးမဆို ရိုဟင်ဂျာအမျိုးသမီးတွေကို အဓမ္မပြုကျင့်ရင် ဘာမှဖြစ်စရာ အကြောင်းမရှိဘူး"ဟု ၎င်းက ပြောသည်ဟု ဆိုသည်။
စစ်အာဏာရှင်စနစ် အောက်တွင် ကာလကြာရှည်ဖိနှိပ်ခံခဲ့ရသော မြန်မာလူမျိုးများအနေဖြင့် ယခုကဲ့သို့သော လူမျိုးရေးခွဲခြားဆက်ဆံရေးမျိုးကို အချိန်အကြာကြီး မွေးမြူထားခြင်းမှာ စဉ်းစားလျှင်ပင် ရှက်ဖို့ကောင်းလှသည်။ အတိုက်အခံခေါင်းဆောင်နှင့် နိုဘယ်ဆုရှင် ဒေါ်အောင်ဆန်းစုကြည်သည် ပင်လျှင် ရိုဟင်ဂျာများကို ထောက်ခံရန် ရှောင်ရှားလျက်ရှိသည်။
၁၉၇၁ ခုနှစ်ကမှ လွတ်လပ်ရေးရပြီး ဒုက္ခသည်ပြဿနာများ ကြီးစွာခံစားရသော ဘင်္ဂလားဒေ့ရ်ှသည် ကူညီရန် စိတ်အားထက်သန်မှုမရှိခြင်းမှာ ဖြစ်သင့်ပြီး သနားဖွယ်ကောင်းသည်။
သို့ဆိုလျှင် မည်သို့လုပ်ကြမည်နည်း။
ဘင်္ဂလားဒေ့ရ်ှအနေဖြင့် အခြေအနေများ ငြိမ်သက်သွားပါက ပြန်ပို့မည်ဟူသော ခိုင်မာသော နားလည်မှုယူ၍ ဒုက္ခသည်အသစ်များကို လက်ခံ သင့်သည်။ အကယ်၍ မြန်မာနိုင်ငံသည် ၎င်း၏လူများကို ပြန်လည် လက်မခံခဲ့ပါက ချမ်းသာသော တတိယနိုင်ငံတစ်ခုက ၎င်းတို့ကိုလက်သင့်ခံသင့်သည်။
ဘင်္ဂလားဒေ့ရ်ှသည် ၎င်း၏ ကိုယ်ပိုင်ပြဿနာများနှင့် ပြည့်နှက်နေပြီးဖြစ်သည်။ အခြားတိုင်းပြည်တစ်ခု၏ အမုန်းတရားများကြောင့် ဖြစ်လာသော အကျိုးဆက်များအတွက် ဝန်ထုပ်ဝန်ပိုးမဖြစ်စေသင့်ပေ။
****************************************
လန်ဒန်တွင် ဒလိုင်လားမားနှင့် ဒေါ်အောင်ဆန်းစုကြည်တွေ့ဆုံဆွေးနွေး
(The Washington Post မှ 20 June 2012 ရက်စွဲပါ “Dalai Lama and Myanmar`s Aung San Suu Kyi meet for talks during visits to London” သတင်းကိုဘာသာပြန်ဆိုသည်။)
ပြည်ပရောက် ဘာသာရေးခေါင်းဆောင် ဒလိုင်းလားမားက မြန်မာအတိုက်အခံခေါင်းဆောင် ဒေါ်အောင်ဆန်းစုကြည်နှင့် လန်ဒန်မြို့တွင် တွေ့ဆုံ ဆွေးနွေးခဲ့သည်ဟု ပြောကြားလိုက်သည်။
ဗုဒ္ဓဟူးနေ့က ၎င်း၏ ဝက်ဘ်ဆိုဒ်တွင်တင်ထားသော သတင်းလွှာတွင် ဘုန်းတော်ကြီး ဒလိုင်လားမားက “နိုဗယ်ဆုရှင်နှစ်ဦးသည် အင်္ဂါနေ့က နာရီဝက်ခန့် သီးသန့်တွေ့ဆုံ ဆွေးနွေးခဲ့သည်”ဟု ဖော်ပြထားသည်။
ဒလိုင်လားမားက ၎င်းအနေဖြင့် သူမ၏ ရဲရင့်မှုကို အမှန်တကယ်လေးစားကြောင်းနှင့် သူမသည် လူသားတို့အပေါ် ကြီးကြီးမားမား ပေးဆပ်သူ တစ်ဦးဟု ယုံကြည်ကြောင်းကို ဒေါ်အောင်ဆန်းစုကြည်အား ပြောကြားခဲ့သည်ဟု ဆိုသည်။
၂၄ နှစ်တာကာလအတွင်း ပထမဆုံးဥရောပခရီးထွက်လာသော ဒေါ်အောင်ဆန်းစုကြည်၏ ၆၇ နှစ်မြောက်မွေးနေ့တွင် အထက်ပါတွေ့ဆုံမှုကို ပြုလုပ်ခဲ့ခြင်းဖြစ်သည်။ ကမ္ဘာကျော် မြန်မာဒီမိုကရေစီခေါင်းဆောင် အမျိုးသမီးသည် ၂၀၁၀ခုနှစ် နိုဝင်ဘာလတွင် ယခင်မြန်မာအစိုးရ အကြီးအကဲဟောင်း ၏အမိန့်ဖြင့် နေအိမ်အကျယ်ချုပ်မှ လွတ်မြောက်လာခဲ့သည်။
တရုတ်နိုင်ငံလက်အောက်မှ တိဗက်ပြည်လွတ်မြောက်ရေးအတွက် ကြိုးပမ်းနေသော အသက် ၆၇ နှစ်အရွယ် ဘုန်းတော်ကြီး ဒလိုင်လားမား သည်လည်း အလားတူ ဥရောပခရီးစဉ်လှည့်လည်နေသည်ဟု သိရှိရသည်။
***************************************
မြန်မာနိုင်ငံ၌ နိုင်ငံခြားသားများအား လုပ်ငန်းပိုင်ဆိုင်ခွင့်ပြုတော့မည်
(AFP သတင်းမှ 20 June 2012 ရက်စွဲပါ “Myanmar to allow foreign ownership of firms:Minister” သတင်းကို ဘာသာပြန်ဆိုသည်။)
မြန်မာနိုင်ငံတွင် မကြာမီလွှတ်တော်က အတည်ပြုမည်ဟုမျှော်လင့်ရသော ရင်းနှီးမြှုပ်နှံမှုဥပဒေသစ်အရ ပြည်တွင်းကုမ္ပဏီလုပ်ငန်းများကို နိုင်ငံခြားသားများ အပြည့်အဝပိုင်ဆိုင်ခွင့် ပြုတော့မည်ဟု အကြီးတန်းတာဝန်ရှိသူ တစ်ဦးက ဗုဒ္ဓဟူးနေ့တွင် ပြောကြားသည်။
ပြည်တွင်းလုပ်ငန်းတွေမှာ ၃၅ ရာခိုင်နှုန်းကနေ ၁၀၀ ရာခိုင်နှုန်းအထိရင်းနှီးမြှုပ်နှံဖို့ နိုင်ငံခြားကုမ္ပဏီတွေကို ခွင့်ပြုတော့မှာပါဟု အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှုဝန်ကြီးဌာန ဒုတိယဝန်ကြီးဦးခန့်ဇော်က ပြောကြားခြင်းဖြစ်သည်။
“၁၀၀ ရာခိုင်နှုန်းရင်းနှီးမြှုပ်နှံချင်တဲ့သူတွေကို ကျွန်တော်တို့ သေသေချာချာ စစ်ဆေးခွင့်ပြုသွားမှာပါ”ဟု ရန်ကုန်မြို့တွင် ကျင်းပသော ရင်းနှီးမြှုပ်နှံမှုဖိုရမ်၏ အဝန်းအဝိုင်းတွင် ဒုဝန်ကြီးက သတင်းထောက်များအား ပြောကြားခဲ့သည်။ နိုင်ငံခြားရင်းနှီးမြှုပ်နှံသူများကိုဆွဲဆောင်ရန် ရည်မှန်း ထားပုံရသော မြန်မာနိုင်ငံ၏ ပြုပြင်ပြောင်းလဲရေးဝါဒီ သမ္မတဦးသိန်းစိန်က ပြုပြင်ပြောင်းလဲမှု နောက်အဆင့်၏ အဓိကဦးစားပေးမှာ စီးပွားရေးဖွံ့ဖြိုး တိုးတက်မှု ဖြစ်လိမ့်မည်ဟု အင်္ဂါနေ့က ရုပ်သံမိန့်ခွန်းတွင် ပြောကြားသွားခဲ့သည်။
“နိုင်ငံခြားရင်းနှီးမြှုပ်နှံသူတွေအနေနဲ့ သူတို့ကို ဥပဒေတွေနဲ့ ကာကွယ်ပေးမှသာ လာရောက် ရင်းနှီးမြှုပ်နှံကြမှာဖြစ်တဲ့အတွက်ကြောင့် ဥပဒေ စည်းမျဉ်း၊ စည်းကမ်းတွေဟာ အလွန်အရေးကြီးတဲ့အပြင် ရင်းနှီးမြှုပ်နှံသူတွေအတွက် လှုပ်သာလှည့်သာရှိဖို့လိုအပ်ပါတယ်”ဟု ယခင် ဗိုလ်ချုပ်ကြီးဟောင်း တစ်ဦးဖြစ်သူ လက်ရှိသမ္မတကပြောကြားသည်။
****************************************************************************************************
Google Docs makes it easy to create, store and share online documents, spreadsheets and presentations.
