Posts
By Wai Moe
23 - Oct - 2009 / Irrawaddy
သောကြာနေ့က ကျင်းပသည့် ၁၅ကြိမ်မြောက် အာဆီယံညီလာခံတွင် အာဆီယံနိုင်ငံ ခေါင်းဆောင်များ၏ ပုံမှန်အစည်းအဝေးသို့တက်ရောက်မည့် အဖွဲ့ဝင် ငါးနိုင်ငံမှ Civil Society Organizations (CSO) ကိုယ်စားလှယ်ငါးယောက်ကို အာဆီယံက တားမြစ်ခဲ့သည်။
ယခုအပတ် အစောပိုင်းက Asean People Forum မှ ရွေးချယ်ခဲ့သော မြန်မာနိုင်ငံရေး လှုပ်ရှားသူ ခင်ဥမ္မာနှင့် အခြား ၄ နိုင်ငံမှ ကိုယ်စားလှယ်များကို တားမြစ်ပိတ်ပင်လိုက်ခြင်း ဖြစ်သည်ဟု ဆိုပါသည်။
မြန်မာနိုင်ငံ၊ ကမ္ဘောဒီးယား၊ လာအို၊ ဖိလစ်ပိုင်နှင့် စင်္ကာပူနိုင်ငံများမှ အရပ်ဖက် လူမူအဖွဲ့ အစည်း ကိုယ်စားလှယ်များအား အစည်းအဝေးသို့ တက်ရောက်ရန်ခွင့်မပြုကြောင်း ထိုင်းနိုင်ငံခြား ရေး ၀န်ကြီးဌာနက သောကြာနေ့ညတွင် အကြောင်းကြားခဲ့သည်ဟု Altenative Asean Network ညှိနှိုင်းရေးမှူး Debbie Stothard က သောကြာနေ့က ပြောပါသည်။
အာဆီယံ လူ့အခွင့်အရေးဆိုင်ရာအဖွဲ့နှင့် အာဆီယံပဋိညာဉ် (Asean Charter) တို့၏ နောက်ပြန်လှည့်သွားခြင်း ဟု သူမက မှတ်ချက်ပေးသည်။
အာဆီယံ ခေါင်းဆောင်များ၏ အရပ်ဖက် လူမှုရေး အဖွဲ့အစည်းများအပေါ် ဆန့်ကျင်သည့် လုပ်ရပ်ကြောင့် စိတ်အနှောင့်အယှက်ဖြစ်ရပြီး၊ အာဆီယံသည် ရှေ့သို့ တလှမ်းတိုးပြီးတိုင်း နောက်သို့ နှစ်လှမ်းဆုတ်သည်ဟု ခင်ဥမ္မာကဆိုပါသည်။
လက်ရှိအာဆီယံ သဘာပတိ ထိုင်းနိုင်ငံက အရပ်ဖက် လူမူရေးအဖွဲ့အစည်း ကိုယ်စားလှယ်များ အာဆီယံ လုပ်ငန်းစဉ်များသို့ ပူးပေါင်းပါဝင်နိုင်စေရန် ၎င်း၏သက်တမ်းအတွင်း ၂ကြိမ်တိုင် ကြိုးစားခဲ့သော်လည်း ၂ ကြိမ်စလုံး ငြင်းပယ်ခံရပါသည်။ ပြီးခဲ့သော ဖေဖေါ်ဝါရီလ ၁၄ကြိမ်မြောက် အာဆီယံညီလာခံတွင်လည်း ခင်ဥမ္မာနှင့် ကမ္ဘောဒီးယားကိုယ်စားလှယ်တို့ တားမြစ်ခံခဲ့ရသည်။ ယခုအကြိမ်တွင် ကိုယ်စားလှယ် ၅ ယောက် တားမြစ်ခံရသဖြင့် အာဆီယံ၏ လေးစားယုံကြည် စိတ်ချရမှုများမှာ ပိုမိုဆိုးဝါး လာပါသည်။
လာအိုနိုင်ငံမှ ရှေ့နေ Manichunh Philaphanh က သူမအနေနှင့် အမျိုးသမီးနှင့်ကလေး များ၏ ရပိုင်ခွင့်ဆိုင်ရာကိစ္စများနှင့် ပတ်သက်သောမေးခွန်းများ ပြင်ဆင်ထားခဲ့သည်ဟုဆိုပါသည်။ အကယ်၍ အမျိုးသမီးတစ်ယောက်သည် လူ့အခွင့်အရေးချိုးဖောက်မှုများ ရင်ဆိုင်ခံစားရပါက ACWC (အမျိုးသမီးနှင့် ကလေးသူငယ်အခွင့်အရေးများ ကာကွယ်ရေးနှင့်မြှင့်တင်ရေးဆိုင်ရာ အာဆီယံကော်မစ်ရှင်)က မည်သည့်အခန်းကဏ္ဍမှပါဝင်ဆောင်ရွက်မည်နည်း အစရှိသဖြင့် နိုင်ငံတော်ကိုယ်စားလှယ်များကို မေးမြန်းဆွေးနွေးလိုသည်ဟု သူမကပြောပါသည်။
ယခုအစည်းအဝေးကို တက်ရောက်ရန် ငြင်းပယ်ခံရသည့်အတွက် အလွန်ပင် စိတ်ပျက်မိ ကြောင်း သူမက ဆက်လက်ပြောကြားခဲ့သည်။
ကမ္ဘောဒီးယားမှ Nay Vanda ကလည်း အာဆီယံအစည်းအဝေးမှ ငြင်းပယ်ခံရသည့် အတွက် အလွန်ဝမ်းနည်းမိကြောင်းပြောကြားခဲ့ပြီး ယနေ့တက်ရောက်ရန် ရွေးချယ်ခွင့်ပြုလိုက် သော ကိုယ်စားလှယ်အများစုမှာ အစိုးရကျောထောက်နောက်ခံပြုထားသူ၊ အစိုးရထောက်ခံသူ များသာ ဖြစ်သည်ဟုဆိုပါသည်။
အဆိုပါ အရပ်ဖက်ကိုယ်စားလှယ်ငါးဦးကို ပယ်ချလိုက်သည့်အတွက် တက်ရောက်ခွင့်ရ ထားသော အင်ဒိုနီးရှား၊ မလေးရှားနှင့် ထိုင်းနိုင်ငံမှ ကိုယ်စားလှယ် ၃ဦးက အစည်းအဝေးမှ ထွက်ခွာခြင်းဖြင့် ကန့်ကွက်မှုကို ပြသခဲ့ပါသည်။ သို့ဖြစ်၍ လွတ်လပ်သော အရပ်ဖက် လူမှုအဖွဲ့အစည်း ကိုယ်စားလှယ်တဦးမှ တက်ရောက်နိုင်ခြင်းမရှိခဲ့ပါ။
လွတ်လပ်သော အရပ်ဖက်လူမှုအဖွဲ့အစည်း ကိုယ်စားလှယ်များကို ပယ်ချခြင်းသည် ဒေသ တွင်း ဒီမိုကရေစီဖြစ်ထွန်းရေးကို ပယ်ချခြင်းနှင့်အတူတူပင် ဖြစ်သည်ဟု ဖိလစ်ပိုင်မှ Sr. Cres Lucero က ပြောပါသည်။ မိမိတို့ (Civil Society) က အာဆီယံအစိုးရများနှင့် တွေ့ဆုံဆွေးနွေး လိုသော်လည်း ၎င်းတို့က အခွင့်အရေးမပေးခဲ့ပါဟု Lucero က ဆက်လက်ပြောကြားပါသည်။
ယခုနှစ်များအတွင်း အာဆီယံသည် ပဋိညာဉ်အသစ် (New Asean Charter) ၏ လမ်းညွှန် မှုအောက်တွင် လုပ်ငန်းစဉ်များ ဆောင်ရွက်သွားရန် စီစဉ်ခဲ့ပြီး အာဆီယံလူ့အခွင့်အရေးဆိုင်ရာ အဖွဲ့လည်းပါဝင်ပါသည်။ အာဆီယံလူ့အခွင့်အရေးအဖွဲ့အောက်တွင် ဒေသတွင်း လူဦးရေ ၅၇၇ သန်း၏ လူ့အခွင့်အရေးများကိုကာကွယ်ခြင်း မြှင့်တင်ခြင်းများဆောင်ရွက်ရန် အသင့်ရှိသည်ဟု ဆိုပါသည်။
လွတ်လပ်သော လူမှုအဖွဲ့အစည်းများ၏ ကဏ္ဍကို လျစ်လျူရှုခြင်းသည် အာဆီယံပဋိညာဉ် နှင့် အာဆီယံလူ့အခွင့်အရေးအဖွဲ့၏ ဂုဏ်သိက္ခာကိုကျဆင်းစေသည်ဟု ယူဆကြောင်း စင်္ကာပူမှ Sinapan Samydorai က ပြောကြားခဲ့ပါသည်။
--
Posted By icypress to Sensible Rumour at 10/29/2009 07:27:00 PM