Posts
(Reuters : 21 - 10 - 2009)
အမေရိကန်နိုင်ငံသည် တရုတ်နိုင်ငံက အိမ်နီးချင်း မြန်မာနိုင်ငံမှ ခိုးထုတ်လာသော တရား မ၀င်သစ်နှင့် သစ်ထွက်ပစ္စည်းတန်ဖိုး ဒေါ်လာ(၃.၈)ဘီလီယံခန့်ကို လွန်ခဲ့သည့်နှစ်က တင်သွင်းခဲ့ ကြောင်း REUTERS မှ ပြောကြားခဲ့သည်။
လန်ဒန်တွင် အခြေစိုက်သော သဘာဝပတ်ဝန်းကျင် ထိန်းသိမ်းမှု စောင့်ကြည့်ရေးအဖွဲ့ Global Witness က တရုတ်နှင့်မြန်မာတို့သည် တရားမ၀င်သစ်ထုတ်လုပ်မှု တားဆီးခြင်းကို တိုးတက် လုပ်ဆောင်နေသော်လည်း အဆိုပါရောင်းဝယ်မှုကို ဖြစ်စေသော လာဒ်စားမှုကို တိုက်ဖျက်ရန် လိုနေသေးကြောင်း ပြောခဲ့သည်။
တရုတ်နိုင်ငံသည် သစ်လုံးနှင့် သစ်ခွဲသားတင်သွင်းမှုကို (၂၀၀၅) ခုနှစ် နှင့် (၂၀၀၈) ခုနှစ် အကြားတွင် (၇၀)ရာခိုင်နှုန်းအထိ လျော့ချခဲ့သော်လည်း အဆိုပါ ရောင်းဝယ်မှုမှာ လာဒ်ပေး လာဒ်ယူကိစ္စ၊ စာရွက်စာတမ်းအတုများ သုံးစွဲခြင်းနှင့် ဥပဒေဖြင့်အရေးယူဆောင်ရွက်မှု အားနည်း သောကြောင့် ဆက်လက်ရှိနေခြင်း ဖြစ်သည်။
တရားမ၀င် သစ်ထုတ်လုပ်ခြင်းသည် မြန်မာနိုင်ငံ၏ အရှေ့မြောက်ပိုင်းရှိ သစ်တောများကို လျင်မြန်စွာ ပြုန်းတီးစေလျက်ရှိပါသည်။ လွန်ခဲ့သည့်နှစ်က တရုတ်နိုင်ငံ၊ ယူနန်ပြည်နယ်၊ ကူမင်းသို့ သစ်လုံးပမာဏ ၁၇၀၀၀၀ ကုဗမီတာ (၉.၅ မီလီယံကုဗပေ)နှင့် ခွဲသား ၁၇၀၀၀၀ ကုဗ မီတာ တင်ပို့ခဲ့ပြီး၊ အများစုမှာ တရားမ၀င် ခိုးသွင်းခြင်းဖြစ်ကြောင်း သိရှိရသည်။ အဆိုပါ သတင်း ပို့ချက်အရ အမေရိကန်၊ ဂျပန်၊ ဗြိတိန်၊ ပြင်သစ်၊ ဂျာမနီ၊ အီတလီ၊ ကနေဒါနှင့် ရုရှားနိုင်ငံများသို့ အဓိကထား တင်ပို့ကြောင်း သိရသည်။ သစ်အခြေခံ ပရိဘောဂပစ္စည်းများအဖြစ် တင်ပို့ခြင်း ဖြစ်ပါသည်။
အစိုးရ၏ ဖမ်းဆီးအရေးယူမှုသည် တရုတ်နိုင်ငံသို့ သစ်ဝင်ရောက်လာမှု အပေါ်တွင် အကျိုးရှိသည့် ဟန့်တားမှုကို ပြုလုပ်နိုင်ကြောင်း သိရှိရသည်။ အထက်ပါ ရောင်းဝယ်မှုသည် ကမ္ဘာ့တရားမ၀င် သစ်ရောင်းဝယ်မှု၏ (၁၀)ရာခိုင်နှုန်း ရှိကြောင်းလည်း သိရှိရသည်။ သို့သော် တရုတ်နှင့် မြန်မာတို့သည် မြန်မာနိုင်ငံ၏ တရားမ၀င်သစ် ပေးပို့မှုအပေါ် မှီခိုနေသော ကျန်ရှိနေသေးသည့် သစ်အခြေခံလုပ်ငန်းများကို ပိတ်ပစ်အောင် ပိုမိုလုပ်ဆောင်ရမည်ဖြစ်ပါသည်။
သဘာဝ အရင်းအမြစ်များကို တရားမ၀င် ရောင်းဝယ်ခြင်းနှင့် ထုတ်လုပ်ခြင်း ကိစ္စများကို လေ့လာနေသော Global Witness က (၂၀၀၅) ခုနှစ်အတွင်းက တရုတ်-မြန်မာ နယ်စပ်တွင် (၇)မိနစ်လျှင် တစ်စီးနှုန်းဖြင့် တရားမ၀င် သစ်လုံးသယ်ဆောင်သော ကားများသည် တရုတ်ပြည် အတွင်းသို့ ၀င်ရောက်ခဲ့ကြောင်း၊ ကားတစ်စီးတွင် သစ်လုံး(၁၅)တန် ပါရှိကြောင်း ပြောကြားခဲ့သည်။ (၂၀၀၆)ခုနှစ်တွင် အနည်းငယ်သာ တွေ့ရတော့ကြောင်း၊ သို့သော် နယ်စပ် စစ်ဆေးရေးစခန်းများကို ရှောင်လျက် ညအချိန်တွင် လူမသိအောင် သယ်ယူ ပို့ဆောင်နေဆဲ ဖြစ်ကြောင်း သိရပါသည်။
--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.
-~----------~----~----~----~------~----~------~--~---