Posts
ပစိဖိတ်တိုင်ဖွန်းများ စုပြုံရောက်ရှိလာခြင်း၏ နောက်ကွယ်တွင်
အယ်နီနို ရှိနေသလား
By Brandon Miler
CNN Meteorologist
ယခုတလော ကြားသိနေရသော အသေအပျောက်များပြားသည့် မုန်တိုင်း သတင်းများကြောင့် ယခုနှစ်သည် သာမန်နှစ်တနှစ်ထက်ပို၍ ခြားနားပြောင်းလဲမှုများ မြင်တွေ့ရသည်ဟု ဆိုရပါမည်။
စက်တင်ဘာ ၁ရက်နေ့မှစ၍ ဖြစ်ပွားခဲ့သော အပူပိုင်း ဆိုင်ကလုန်းမုန်တိုင်း ၈ ခု အနက် ၅ ခု မှာ တိုက်ဖုန်းအဆင့်သို့ ရောက်ရှိခဲ့ပြီး ၂ ခု မှာ စူပါတိုက်ဖုန်း အဆင့်သို့ ရောက်ရှိခဲ့ကြောင်း ပစိဖိတ်သမုဒ္ဒရာ အနောက်ပိုင်း အပူပိုင်းမုန်တိုင်းများအဆင့် သတ်မှတ်ချက်အရ သိရှိရပါသည်။
သို့ရာတွင် အရေအတွက်အားဖြင့် ၂၀၀၉ ခုနှစ်သည် ပျမ်းမျှနှုန်းထားထက် အနည်းငယ် လျော့နည်းကြောင်း တွေ့ရှိရပါသည်။ ယခုအချိန်အထိ ပစိဖိတ်သမုဒ္ဒရာ အနောက်ပိုင်းတွင် အပူပိုင်းမုန်တိုင်း ၁၉ ခု ဖြစ်ပေါ်ခဲ့ပြီး၊ နှစ်စဉ်ဖြစ်ပွားမှု ပျမ်းမျှနှုန်း ၂၇ ကို မမှီသေးကြောင်း တွေ့ရှိရပါသည်။
အပူပိုင်းဒေသ ရာသီဥတု၏ ဖောက်ပြန်ရက်စက်မှုများကို နာမည်ဆိုး ကျော်ကြားမှုဖြင့် တိုင်းထွာ၍ မုန်တိုင်းများအား နာမည်ပေးလေ့ရှိပါသည်။
ယခုနှစ် အတ္တလန်တိတ် သမုဒ္ဒရာမြောက်ပိုင်းကို ဥပမာပြရလျှင် ယမန်နေ့က အပူပိုင်း မုန်တိုင်း ဟင်နရီသည် ၈ ခု မြောက် နာမည်ပေးခံရသော မုန်တိုင်း ဖြစ်လာပါသည်။ National Hurricanc Center မှ ပျမ်းမျှ တစ်နှစ်အတွင်း ၈ ကြိမ်မြောက်အဖြစ် ပုံမှန်အမည်ပေးခဲ့ပြီး၊ တပတ် အကြာတွင် ဖြစ်ပါသည်။
၂၀၀၉ ခုနှစ်သည် ပုံမှန်ပျမ်းမျှ နှုန်းထားအတိုင်း မုန်တိုင်းများ ဖြစ်ပေါ်ခဲ့သောကြောင့် အတ္တလန်တိတ်သမုဒ္ဒရာ၏ ယခုနှစ် ဟာရီကိန်းရာသီသည် စိတ်ပျက်ဖွယ်ရာဖြစ်ကြောင်း အငြင်းပွားမည့်သူ မရှိနိုင်ပါ။ သို့ရာတွင် ယခုရာသီ၏ မုန်တိုင်းအများစုသည် အားနည်းခြင်း၊ အချိန် တိုတောင်းခြင်းတို့ကြောင့် ပျက်စီးဆုံးရှုံးမှုများ မရှိခဲ့ပါ။ (အပူပိုင်းမုန်တိုင်း ဂရေ့စ်သည် ယမန်နေ့ကအထိ အင်အားကောင်းလာခြင်းမရှိသေးပါ။)
ဟာရီကိန်းနှင့် တိုင်ဖွန်းရာသီများကို တိုင်းထွာတွက်ချက်ရာတွင် Accumulated Cyclone Energy (ACE) သည် အကောင်းဆုံး နည်းလမ်းဖြစ်ပြီး၊ အံ့သြဖွယ်ရိုးစင်းသော သင်္ချာတွက်နည်း တစ်ခုသာဖြစ်ပါသည်။
သမုဒ္ဒရာနှင့် လေထုပတ်ဝန်းကျင်ကို လေ့လာနေသော အမေရိကန်သုတေသနအဖွဲ့ The National Oceanic and Atmospheric Administration သည် ACE နည်းပညာကို အသုံးပြု၍ ဆိုင်ကလုန်းမုန်တိုင်း တစ်ခုချင်း၏ ပါဝင်သောစွမ်းအင်ကို ခန့်မှန်း တွက်ချက်ပါသည်။
Florida State University မှ PhD ကျောင်းသား Ryan Maue က ACE ကိုအသုံးပြု၍ တကမ္ဘာလုံးအနှံ့ လေ့လာစောင့်ကြည့်ခဲ့ပြီး၊ 'Maue' ၏ ကိန်းဂဏန်းများအရ ပစိဖိတ်သမုဒ္ဒရာ အနောက်ပိုင်းတွင် ပုံမှန်အောက် ၂၀ ရာခိုင်နှုန်းလျော့နည်းခဲ့ကြောင်း၊ အတ္တလန်တိတ် သမုဒ္ဒရာ မြောက်ပိုင်းတွင် ပုံမှန်အောက် ၅၀% လျော့နည်းခဲ့ကြောင်း သိရပါသည်။
၂၀၀၉ ခုနှစ်ရာသီ မုန်တိုင်းများသည် ပျမ်းမျှအောက် လျော့နည်းခဲ့သော်လည်း ယခင်လက ဖြစ်ပေါ်ခဲ့သောမုန်တိုင်း ၈ ခု အနက် ၅ ခု မှာ အာရှဒေသသို့ တိုက်ရိုက် ၀င်ရောက် တိုက်ခိုက်ခဲ့သဖြင့် ထူးခြားသော စက်တင်ဘာလဖြစ်ခဲ့ပါသည်။
တိုင်ဖွန်းမီယာသည် ကြာသပတေးနေ့အစောပိုင်းက ဂျပန်သို့ ၀င်ရောက်ခဲ့သည်။ ဖိလစ်ပိုင် တွင်လည်း ၂ ပတ်အတွင်း တိုင်ဖုန်း ၂ ကြိမ် ၀င်ရောက်ခဲ့သဖြင့် ဆုံးရှုံးမှုများ ခံစားနေရဆဲ ဖြစ်သည်။ တိုင်ဖွန်းပါးမားသည် ယခင်အပတ်က ၀င်ရောက်ခဲ့ပြီး၊ လူ ၁၈ ဦး အနည်းဆုံး သေဆုံးခဲ့သည်။ စက်တင်ဘာလကုန်ပိုင်းက ဖိလစ်ပိုင်နှင့်ဗီယက်နမ်သို့ ၀င်ရောက်ခဲ့သော တိုင်ဖွန်းကက်ဆာနာကြောင့် လူရာပေါင်းများစွာ သေဆုံးခဲ့ပြီး ဖိလစ်ပိုင်တွင် ပြန်လည်ထူထောင် နေရဆဲဖြစ်ပါသည်။
သြဂုတ်လက တိုင်ဖွန်းမိုရာကော့ ထိုင်ဝမ်သို့ တိုက်ခိုက်ခဲ့ပြီး၊ လူ ၆၀၀ ကျော် သေဆုံးခဲ့ ပါသည်။ ၎င်းသြဂုတ်လတွင်းမှာပင် တိုင်ဖွန်းအီတောင် ၀င်ရောက်မှုကြောင့် ထိုင်ဝမ်တွင် ရေလျှံမှု၊ မြေပြိုမှုများ ဖြစ်ပွားခဲ့ပြီး၊ လူတစ်ဒါဇင်ကျော် သေဆုံးခဲ့ပါသည်။
အထက်ပါ ဖြစ်ရပ်များ၏ နောက်ကွယ်တွင် မည်သည့် အကြောင်းအရာများ ရှိနေပါသနည်း။
အဘယ်ကြောင့် မုန်တိုင်းအားလုံးသည် ရာသီနှောင်းပိုင်းတွင် တချိန်ထဲဝင်ရောက်ခဲ့ ပါသနည်း။
အထက်ပါ မေးခွန်းများ၏အဖြေမှာ အယ်နီနို (EL Nino) ပင်ဖြစ်ပါသည်။ အယ်နီနိုကြောင့် ပစိဖိတ်သမုဒ္ဒရာနှင့် ၎င်း၏လေထုဝန်းကျင်တွင် ရာသီသဘာဝများ အချိန်ပြောင်းလဲသွားပြီး၊ ပစိဖိတ်သမုဒ္ဒရာ အလယ်ပိုင်းနှင့် အရှေ့ပိုင်းရေထုမှာ ပုံမှန်ထက် ပိုနွေးလာသောကြောင့် ကမ္ဘာလုံး ဆိုင်ရာ ရာသီဥတုအပေါ်တွင် လွန်ကဲသော အကျိုးသက်ရောက်မှုများ ဖြစ်ပေါ်ခဲ့ခြင်းဖြစ်ပါသည်။
Ryan Maue ၏ အဆိုအရ ပစိဖိတ်သမုဒ္ဒရာ အနောက်ပိုင်း၏ အယ်နီနို နှစ်များအတွင်း ရာသီနှောင်းပိုင်းတွင် ဆိုင်ကလုန်းမုန်တိုင်းများကို ပိုမိုတွေ့ကြုံရဖွယ်ရှိပြီး၊ အယ်နီနိုသည် ပစိဖိတ်၏ အရှေ့ဖက်သို့ နယ်ချဲ့လျက်ရှိသည်ဟု ဆိုပါသည်။ အယ်နီနိုဖြစ်စဉ်အတွင်း ပင်လယ်ရေ မျက်နှာပြင် အပူချိန် ပိုနွေးလာမှုသည် ရေပြင်အထက်တွင် ဖွဲ့တည်နေသော မုန်တိုင်းများအား ကြီးမား၍ အင်အားပြင်းထန်သော တိုင်ဖွန်း မုန်တိုင်းအဆင့်သို့ ကြီးထွား ပြောင်းလဲ သွားစေခဲ့ခြင်း ဖြစ်ပါသည်။
အယ်နီနိုနှစ်များအတွင်း စူပါတိုင်ဖွန်းမုန်တိုင်းများကို ပိုမိုတွေ့ရမည်ဖြစ်ပြီး၊ ချွိုင်ဝမ်နှင့် မီလာမုန်တိုင်းများ စူပါတိုင်ဖွန်းအဆင့်သို့ ရောက်ရှိခဲ့သည်ကို ကြည့်ခြင်းအားဖြင့် ယခုနှစ်တွင်လည်း ၎င်းအဆိုမှန်ကန်ကြောင်း သိရှိနိုင်ပါသည်။
အယ်နီနိုသည် ကမ္ဘာ့လေထုအထက်ပိုင်းတွင် လေထုအလွှာများ ပိုမိုဖြစ်ပေါ်စေပြီး၊ ၎င်းအနေအထားသည် အပူပိုင်းဆိုင်ကလုန်း မုန်တိုင်းများကို ရှင်သန်အားကောင်းစေရန် အားသစ် လောင်းပေလိုက်ခြင်းပင် ဖြစ်သည်။ သို့ဖြစ်၍ အတ္တလန်တိတ်သမုဒ္ဒရာ မြောက်ပိုင်းရှိ ဖြစ်ပေါ်ပြောင်းလဲမှုများ၏ တရားခံလက်သည် အယ်နီနိုပင်ဖြစ်သည် ဟု ဆိုနိုင်ပါကြောင်း တင်ပြလိုက်ရပါသည်။
--~--~---------~--~----~------------~-------~--~----~
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.
-~----------~----~----~----~------~----~------~--~---