Posts
1-Feb -2010, Bangkok Post Editorial
မြန်မာနိုင်ငံသည် အမေရိကန် ပြည်ထောင်စု၏ တွေ့ဆုံ ဆွေးနွေးရန် ကြိုးစားမှု၊ အာဆီယံ မိတ်ဆွေများ၏ မျှော်လင့်ချက် ပြည့်ဝသော ကြေငြာချက်များနှင့် ဥရောပနိုင်ငံများ၏ တစ်နှစ်ပတ်လုံး ဝေဖန် ပြစ်တင်မှုများကို ကျော်လွှားရန် ရှင်းလင်း ပြတ်သားစွာ တုန့်ပြန်ခဲ့ပြီ ဖြစ်သည်။
၎င်း တုန့်ပြန်မှုသည် အိမ်နီးခြင်းများနှင့် အခြားနိုင်ငံများကို ဂရုမစိုက်ရုံသာမကပါ၊ ပြည်သူတွေ အပေါ်တွင်လည်း နောက်ထပ် ပြင်းထန်၍ ကြောက်စရာကောင်းသည့် နှိပ်ကွပ်မှုများ ပြုလုပ်ခဲ့ပါသည်။ လတ်တလော သီတင်းပတ်များအတွင်း မြန်မာနိုင်ငံ အာဏာပိုင်များသည် နိုင်ငံအတွင်းရှိ အရာရာကို ပိုမိုဆိုးဝါးအောင် ပြုလုပ်နေသည့်အပြင် ကမ္ဘာ့သဘောထားကိုလည်း အရေးမစိုက်သည့် သဘောဖြင့် ရိုင်းပြစွာ ပုတ်ထုတ်ခဲ့ပါသည်။
စီစဉ်ထားသည့် ရွေးကောက်ပွဲများသည် ဒီမိုကရေစီ စနစ်သို့ ရှေ့ရှုပြောင်းလဲ၍ နိုင်ငံကို တိုးတက် စေလိမ့်မည် ဟူသော အခွင့်အရေးမှာ အမှန်တကယ် မရှိကြောင်း ယခုအခါ ရှင်းလင်း သဲကွဲ သွားပြီ ဖြစ်သည်။ မြန်မာနိုင်ငံသည် ဒီမိုကရေစီ စနစ်သို့ ဦးတည်ရည်ရွယ်နေခြင်း မဟုတ်ကြောင်းပြသသည့် ပထမလက္ခဏာမှာ ဇန်နဝါရီလဆန်း တရားစီရင်မှုတွင် ပေါ်ထွက်လာပါသည်။
နိုင်ငံတော်၏ လျှို့ဝှက်ချက်များဟု ၎င်းတို့ခေါ်ဆိုသော သတင်းများပေါက်ကြားမှုဖြင့် တပ်မတော် အရာရှိ တစ်ဦးကို သေဒဏ် ချမှတ်ခဲ့ခြင်း ဖြစ်သည်။ ပြုံယမ်း၏ အကူအညီဖြင့် တိတ်တခိုး ထည်ဆောက်နေသော ဥမင်လှိုဏ်ခေါင်း ကွန်ယက် အပါအဝင် မြောက်ကိုးရီးယား ဆက်ဆံရေးနှင့် ပတ်သက်သည့် သတင်းနှင့် ဓါတ်ပုံများကို ပြည်ပ မြန်မာသတင်းဋ္ဌာန များသို့ ပေးပို့သည်ဟု ၎င်းတို့အား စွပ်စွဲခဲ့ပါသည်။
လှိုဏ်ခေါင်းဓါတ်ပုံများကို အင်တာနက်ပေါ်တွင် တင်ထားသည့်တိုင်အောင် အဆိုပါလျှို့ဝှက်ချက် ဆိုသော သတင်းများသည် အမှန်တကယ် လျှို့ဝှက်ချက် ဟုတ်မဟုတ် မေးခွန်းထုတ်စရာရှိပါသည်။ ဗိုလ်မှူး ဝင်းနိုင်ကျော်နှင့် နိုင်ငံခြားရေး ဝန်ကြီးဋ္ဌာနမှ သူရကျော်တို့အား တရားစီရင်ခြင်းသည် ရည်ရွယ်ချက် ၂ခု ရှိကြောင်း ထင်ရှားပါသည်။
ပထမ တစ်ချက်မှာ နိုင်ငံခြားသားများ၊ အစိုးရ ဆန့်ကျင်သူများနှင့် ဆက်သွယ်ခြင်း မပြုရန် အတွက် မြန်မာပြည်သူ အားလုံးကို ခြောက်လှန့်ရန် ဖြစ်သည်။ ဒုတိယ အချက်မှာ စစ်အစိုးရသည် မေးခွန်း အထုတ်ခံမည် မဟုတ်သလို လုံးဝ အဝေဖန်ခံမည် မဟုတ်ကြောင်း ရှင်းလင်းစွာ အသိပေးခြင်း ဖြစ်သည်။
ကျော်ဇောလွင်၏ အမှုသည်လည်း စစ်ဖက် အစိုးရ၏ သံလက်သီးနှင့် နောက်ထပ် အချက်ပြမှုတစ်ခု ဖြစ်သည်။ ၎င်းသည် ၁၉၈၈ ခုနှစ် ဒီမိုကရေစီ ထောက်ခံသော လှုပ်ရှားမှုတွင် စည်းရုံး ဆောင်ရွက်သူများထဲမှ တစ်ဦး ဖြစ်သည်။
၎င်းသည် ပြည်ပသို့ ထွက်ပြေး တိမ်းရှောင်ခဲ့ရပြီး အမေရိကန် နိုင်ငံသားတစ်ဦး ဖြစ်လာခဲ့ပါသည်။ နိုင်ငံရေး ပြစ်မှုများကြောင့် ထောင်ဒဏ်ကျခံနေရသော မကျန်းမာသည့် မိခင်ကြီးထံသွားရောက် တွေ့ဆုံရန် အတွက် ယခင်နှစ်နှောင်းပိုင်းတွင် ဗီဇာ ရရှိခဲ့ပါသည်။ ၎င်း ရန်ကုန်လေဆိပ် အရောက်တွင် တရားမဝင် နိုင်ငံသားကဒ် ကိုင်ဆောင်မှုနှင့် နိုင်ငံခြားငွေ ကြေငြာရန် ပျက်ကွက်မှုတို့ဖြင့် ဖမ်းဆီးခြင်းခံရပါသည်။ ၎င်းအား နှိပ်စက် ညှင်းပန်းခဲ့ပြီး တိုက်ပိတ်နှောင်ထားသည် ဟု ကြားသိရပါသည်။
၎င်းအပေါ် နှိပ်ကွပ် ဆက်ဆံမှုများသည် လွန်ခဲ့သည့် အနှစ်၂၀ က ရွေးကောက်ပွဲတွင် အနိုင်ရရှိသူ ဒေါ်အောင်ဆန်းစုကြည်၏ ကိစ္စတွင် မြန်မာ အစိုးရ၏ ရက်စက် ကြမ်းကြုတ်မှုများကို ပြန်လည် သတိရစေပါသည်။
သူမ၏ အမျိုးသား ကွယ်လွန်စဉ်က သူမအား သွားရောက်ခွင့်ပြုရန် အစိုးရက ငြင်းပယ်ခဲ့ပါသည်။ သူမထံ လာရောက်ရန် သူမ၏ သားများတောင်းဆိုမှုကိုလည်း ပယ်ချခဲ့ပါသည်။ နိုင်ငံခြားသားတစ်ဦးကို လက်ထပ်မှုကြောင့် သူမသည် အဆက်မပြတ် သိက္ခာချ စွပ်စွဲခြင်း ခံနေရပါသည်။
ထို့အပြင် မြန်မာ အစိုးရသည် ၎င်းတို့၏ အာဏာပါဝါကို ပြသရန် နောက်ဆုံးစီမံချက် အတွက် ဒေါ်အောင်ဆန်းစုကြည်ကို ရွေးချယ် အသုံးပြုခဲ့ရပါသည်။ သူမသည် ပြည်သူများ လွတ်လပ်ခွင့်ရှိရမည်။ အစိုးရသည် ဝေဖန်ခံနိုင်ရမည် ဟူသော အချက်များအတွက် ငြိမ်းချမ်းစွာ ရပ်တည်နေသည့် ကမ္ဘာ့သင်္ကေတ တစ်ခု အဖြစ် အားလုံးက လက်ခံ ဆုံးဖြတ်ထားခြင်း ဖြစ်ရာ အဆိုပါ စံပြ သင်္ကေတများအတွက် သူမအား အရေးယူ အပြစ်ပေးရန် စီစဉ်ခဲ့ခြင်းပင် ဖြစ်သည်။
လွန်ခဲ့သော သီတင်းပတ်ကမူ တရားဥပဒေ ရှိလေဟန် ပါးပါးလေး ဟန်ဆောင် ဖုံးအုပ်ထားသော အစိုးရက အပေါ်စီးမှ သရော်သလို ဆက်ဆံခဲ့ပြန်ပါသည်။
ဗဟိုတရားရုံးက ချမှတ်ထားသော သူမ၏ နေအိမ် အကျယ်ချုပ် သက်တမ်း ကုန်ဆုံးရက် နီးလာခြင်းနှင့် ပတ်သက်၍ ပြည်ထဲရေးဝန်ကြီး ဗိုလ်ချုပ်မောင်ဦးက ပြောကြားရာတွင် မည့်သည့်ပြဿနာမှ မရှိပါဟု ဆိုပါသည်။ ဒေါ်အောင်ဆန်းစုကြည် နိုဝင်ဘာလတွင် လွတ်မြောက်နိုင်ဖွယ် ရှိခြင်းမှာ စစ်ဖက် ခေါင်းဆောင်များက ကြိုတင် ဆုံးဖြတ်ထားပြီး ဖြစ်ပုံရပါသည်။
အလွယ်တကူ ချမှတ်လိုက်သော ယခု ဆုံးဖြတ်ချက်သည် နိုင်ငံ၏ ဒီမိုကရေစီ ဦးဆောင် လှုပ်ရှားသူ၊ ထင်ရှားလှသော အတိုက်အခံ ခေါင်းဆောင်အား ရွေးကောက်ပွဲ အသစ်များတွင် ပါဝင်ခြင်းမပြုရန် တားဆီးထားမည် ဖြစ်ကြောင်း ဆိုလိုခြင်း ပင်ဖြစ်သည်။
စကားမစပ် ပြောရပါလျှင် ရွေးကောက်ပွဲ ကျင်းပမည့် အချိန်သည် နိုင်ငံတော် အဆင့် လျှို့ဝှက်ချက် တစ်ခု ဖြစ်နေဆဲ ဖြစ်သည်။ မည်သို့ပင် ဖြစ်စေ ယခုနှစ်နှောင်းပိုင်း တစ်ချိန်ချိန်တွင် ဖြစ်နိုင်ဖွယ်ရှိပြီး ရွေးကောက်ပွဲဝင်ခြင်း၊ မဲပေးခြင်း မပြုနိုင်အောင် ဒေါ်အောင်ဆန်းစုကြည်အား သော့ခတ် ထားပါလိမ့်ဦးမည်။
မြန်မာ အစိုးရက ဒီမိုကရေစီ လှုပ်ရှားသူများသည် ဥပဒေ ချိုးဖောက်မှုကြောင့် ၎င်းတို့၏ လွတ်မြောက်ခွင့် ဆုံးရှုံးရခြင်း ဖြစ်ကြောင်း အကြောင်းပြကာ ရွေးကောက်ပွဲသည် တရားဝင်ကြောင်း အခိုင်အမာ ခုခံ ကာကွယ်မည် ဖြစ်ပြီး ဒီမိုကရေစီကို ဘေးချိတ် ထားပါလိမ့်မည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.