Posts
The Irrawaddy, By Wai Moe, 30th April 2010
တရုတ်နိုင်ငံသည် ၎င်း၏ အနောက်တောင်ဘက် မြန်မာနိုင်ငံနှင့် နယ်စပ်တွင် တရုတ်ပြည်သူ့ လွတ်မြောက်ရေး တပ်မတော် (PLA) မှ တပ်ဖွဲ့ အမြောက်အများကို နေရာချထားလျက် ရှိသည်။ အကြောင်းရင်းမှာ မြန်မာ အစိုးရ၏ နယ်ခြားစောင့်တပ် ဖွဲ့စည်းရေး အစီအစဉ်အား လက်မခံမှုကြောင့် မြန်မာ အစိုးရနှင့် ဝ တပ်တို့ အကြား တင်းမာမှုများ မြင့်တက်လာသောကြောင့် ဖြစ်သည်။
ဝ နှင့် နီးစပ်သော သတင်းများအရ တရုတ်တပ်များသည် နယ်စပ်တလျှောက် ဝ ထိန်းချုပ်ထားသော ဒေသများ အနီးတွင် နေရာချထားလျက် ရှိကြောင်း၊ တရုတ်တွင် လေကြောင်းရန် ကာကွယ်ရေး တပ်ဖွဲ့များပါ နေရာချထားကြောင်း သိရှိရသည်။
နယ်စပ် သတင်းတစ်ခုက ပြောကြားရာတွင် "ကျွန်တော်တို့ ခန့်မှန်းတာကတော့ အင်အား ၅၀၀၀ လောက် ရှိမယ့် တရုတ်တပ်မ ငါးခု လာချထားပါတယ်" ဟု ဆိုသည်။
ဖေဖော်ဝါရီလက အရေအတွက် မသိနိုင်သော တရုတ်တပ်များသည် ဝ ဧရိယာနှင့် နီးသော နယ်စပ်မြို့တွင် လာရောက် တပ်စွဲခဲ့သည်။ ဒေသခံများက ပြောကြားရာတွင် တရုတ် တပ်သားများ နံနက်တိုင်း လေ့ကျင့်ခန်း လုပ်နေသည်ကို တွေ့ရသည်ဟု ဆိုသည်။
ပြီးခဲ့သည့် သြဂုတ်လက ကိုးကန့်မြို့ လောက်ကိုင်ကို အစိုးရ တပ်များက သိမ်းပိုက်ခဲ့စဉ်က ကိုးကန့်နှင့် တရုတ် လူမျိုး ၃၇၀၀၀ ခန့် တရုတ်မြေထဲသို့ ထွက်ပြေးခဲ့သည့် ကိစ္စအပြီးတွင် တရုတ်တပ်များ နယ်စပ် တလျှောက် ချထားမှုများ စတင်ခဲ့ခြင်း ဖြစ်သည်။
ဝ တပ်၊ ကိုးကန့်တပ်နှင့် မိုင်းလား အခြေစိုက် NDAA တပ်များသည် တချိန်က မြန်မာပြည် ကွန်မြူနစ် ပါတီ၏ လက်အောက်ခံတပ်များ ဖြစ်ပြီး၊ တရုတ် တပ်မတော်က လေ့ကျင့်ပေးထားသော တရုတ်၏ မဟာမိတ်များ ဖြစ်သည်။ စစ်ရေး သုံးသပ်သူ တစ်ဦးက ပြောကြားရာတွင် ကွန်မြူနစ် သူပုန်ထစဉ် ကာလက တိုင်းရင်းသား တပ်များသည် တရုတ်တပ်များနှင့်အတူ မြန်မာ့တပ်များအား တိုက်ခိုက်ခဲ့သည်ဟု ဆိုသည်။
နေပြည်တော်သည် ယခုနှစ် ရွေးကောက်ပွဲ မတိုင်မီ တိုင်းရင်းသား လက်နက်ကိုင်များအား နယ်ခြားစောင့်တပ် အသွင်ပြောင်းရန် တိုက်တွန်းလျက် ရှိသည်။ ပြီးခဲ့သည့် ကြာသပတေးနေ့ နေ့လည်က အစိုးရ၏ လူထု အဖွဲ့အစည်း ဖြစ်သော ကြံ့ခိုင်ရေး အသင်း (USDA) မှ ခေါင်းဆောင်များ ဖြစ်သော စက်မှု (၁) ဝန်ကြီး ဦးအောင်သောင်းနှင့် ဆက်သွယ်ရေး ဝန်ကြီး ဦးသိန်းဇော် တို့သည် ကချင် ခေါင်းဆောင်များနှင့် မြစ်ကြီးနားတွင် တွေ့ဆုံခဲ့သည်။
အဆိုပါ တွေ့ဆုံရာတွင် USDA ခေါင်းဆောင်များသည် KIO အား အစိုးရ၏ နယ်ခြားစောင့်တပ် ပြောင်းလဲရေးနှင့် ပတ်သက်သော အချက်များကို လက်ခံစေလိုကြောင်း ပြောကြားခဲ့သည်ဟု လိုင်ဇာရှိ KIO နှင့် နီးစပ်သော သတင်းများက ဆိုသည်။
အစိုးရ ညှိနှိုင်းရေး ကိုယ်စားလှယ်များနှင့် KIO ခေါင်းဆောင်များသည် ဧပြီလ ၂၂ - ၂၃ ရက်များက နောက်ဆုံး တွေ့ဆုံခဲ့ပြီး၊ မည်သည့် သဘောတူညီချက်မျှ မရဘဲ ပြီးဆုံး သွားခဲ့သည်။ သို့သော် မြန်မာ အစိုးရ အာဏာပိုင်များက KIO အား အခြား နည်းလမ်းတစ်ခု အနေဖြင့် ပြည်ထောင်စု ကာကွယ်ရေးတပ် အဖြစ် ပြောင်းလဲ ဖွဲ့စည်းရေး ထည့်သွင်း စဉ်းစားရန် ပြောခဲ့သည်ဟု ဆိုသည်။
တရုတ် မြန်မာ နယ်စပ်တွင် တင်းမာမှုများ ရှိနေသည့် ကြားမှ မြန်မာ အစိုးရတပ်များသည် ရှမ်းပြည်နယ် နှင့် ကချင်ပြည်နယ် မြောက်ပိုင်းရှိ မြို့များမှ ဒေသခံများအား ပေါ်တာ အဖြစ် အတင်း ဖမ်းဆီးလျက် ရှိသည်။ ဗန်းမော်တွင် နေထိုင်သော ဒေသခံ တစ်ဦးက ပြောကြားရာတွင် "လွန်ခဲ့တဲ့ ရက်တွေက၊ စစ်တပ်က လူတွေကို ပေါ်တာလုပ်ဖို့ ဖမ်းတယ်။ အခု လူတွေ အပြင်ထွက်ရမှာ ကြောက်နေကြတယ်" ဟု ဆိုသည်။
တစ်ချိန်တည်းမှာပင် ရှမ်းပြည် မြောက်ပိုင်း SSA မြောက် ထိန်းချုပ်သော နယ်မြေတွင် မြန်မာ စစ်တပ် ကားတန်းအား အမည်မသိ လက်နက်ကိုင် အဖွဲ့တစ်ခုက ချုံခို တိုက်ခိုက်ခဲ့သည်ဟု ရှမ်းသံတော်ဆင့် သတင်းအရ သိရှိရသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.