Posts
BBC News, 28th May 2010
တောင်ကိုးရီးယားသည် တရုတ်နိုင်ငံအား ၎င်း၏ မဟာမိတ်နိုင်ငံ အပေါ် ပိုမို ဖိအားပေးရန် လိုလားလျက် ရှိနေသည်။
တရုတ်နိုင်ငံသည် မတ်လက တောင်ကိုးရီးယား စစ်သင်္ဘောအား နစ်မြှုပ်ပစ်ခဲ့သူ မည်သူကိုမဆို အကာအကွယ် ပေးလိမ့်မည် မဟုတ်ကြောင်း တရုတ်ဝန်ကြီးချုပ် ဝမ်ကျားပေါင်က ပြောကြားလိုက်သည်။
"တရုတ်နိုင်ငံအနေနဲ့ ကိုးရီးယား ကျွန်းဆွယ်မှ ငြိမ်းချမ်းရေးနဲ့ တည်ငြိမ်ရေးကို ဖျက်ဆီးတာ မှန်သမျှကို ကန့်ကွက် ရှုတ်ချပါတယ်'' ဟု ဝမ်ကျားပေါင်က ဆိုးလ်တွင် ပြောကြားခဲ့သည်။
တောင်ကိုရီးယား နိုင်ငံက ၎င်း၏ စစ်သင်္ဘော Cheonan အား တော်ပီဒိုဖြင့် နစ်မြှုပ်ပစ်ခြင်း အတွက် မြောက်ကိုးရီးယားအား အပြစ်တင်ထားသည်။
Bejing မှာလည်း မြောက်ကိုးရီးယားဖက်မှ ရပ်တည်ခြင်း မပြုရန် ဖိအားပေး ခံနေရသော်လည်း ယခုအချိန် အထိ လွတ်လပ်သော စစ်ဆေး တွေ့ရှိချက်များကို လက်ခံခြင်း မရှိသေးပေ။
"ကျွန်တော်တို့ အနေနဲ့ နိုင်ငံ တစ်ခုချင်းစီရဲ့ မေးမြန်းမှု တုန့်ပြန်မှုတွေ အပေါ်မှာ လေးစားပါတယ်။ ဒါပေမဲ့ အခု အဖြစ်အပျက်ရဲ့ အမှားနဲ့အမှန်ကို သေချာစွာ ချင့်ချိန်ပြီးမှ တရုတ် အစိုးရ အနေနဲ့ ဘယ်က ရပ်မလဲဆိုတာ ဆုံးဖြတ်ရပါလိမ့်မယ်'' ဟု ဝမ်က ပြောခဲ့သည်။
ယခင်က Bejing သည် အားလုံးအား ခေါင်းအေးအေးထားကြရန် ပြောဆိုခဲ့ပါသည်။
ဆိုးလ်ရှိ BBC သတင်းထောက် John Sudworth က ပြောကြားရာတွင် ယခု အထိ Bejing ၏ မဟာမိတ် အပေါ် ရှုတ်ချရန် ငြင်းပယ်နေမှုမှာ တောင်ကိုးရီးယားနှင့် သမ္မတ Lee Myung-bak ကို စိတ် အနှောင့်အယှက် ဖြစ်စေသည်ဟု ဆိုသည်။
BBC သတင်းထောက်က ပြောကြားရာတွင် တောင်ကိုးရီးယားရှိ အချို့လူများက ဝမ်ကျားပေါင်၏ မှတ်ချက်မှာ Bejing ရှိ အာဏာပိုင်များ၏ ရပ်တည်ချက် ဖြည်းဖြည်း ညင်သာစွာ ပြောင်းလဲလာသည့် လက္ခဏာ ဖြစ်သည်ဟု ဆိုသည်။
တောင်ကိုးရီးယား သမ္မတ၏ ပြောခွင့်ရ ပုဂ္ဂိုလ်က ပြောကြားရာတွင် ဆိုးလ် အနေဖြင့် သင်္ဘော နစ်မြုပ်မှု အတွက် မြောက်ကိုးရီးယား၏ တာဝန်ရှိမှု အပေါ် သံတမန်ရေးအရ ကြိုးပမ်းမှုများ အပေါ် အာရုံစူးစိုက် လုပ်ဆောင်နေကြောင်း ပြောခဲ့သည်။
သောကြာနေ့က ပြုလုပ်သော ရှားရှားပါးပါး သတင်းစာ ရှင်းလင်းပွဲတွင် သက်သေ အထောက်အထားများမှာ ဆင်လုံးများသာ ဖြစ်ကြောင်း မြောက်ကိုးရီးယားက တောင်ကိုးရီးယားအား စွပ်စွဲခဲ့သည်။ ထို့နောက် ကိုးရီးယား ကျွန်းဆွယ်တွင် အလွန်တရာ အရေးကြီးသော အခြေအနေ တစ်ရပ်ကို ဖန်တီးနေပြီး အချိန်မရွေး စစ်ဖြစ်နိုင်ကြောင်း သတိပေးခဲ့သည်။
တောက်ကိုးရီးယားက ပြောကြားရာတွင် နိုင်ငံတကာ စုံစမ်း စစ်ဆေးရေး အဖွဲ့သည် သင်္ဘောအား မြောက်ကိုးရီးယားက ပစ်ခတ်ခဲ့ခြင်း ဖြစ်ကြောင်း မငြင်းနိုင်သော သက်သေအား ဖော်ထုတ်ခဲ့ခြင်း ဖြစ်သည်ဟု ဆိုသည်။
စုံစမ်း စစ်ဆေးသူများက ပြောကြားရာတွင် မြောက်ကိုးရီးယား အက္ခရာများနှင့် တူသော စာများပါသော တော်ပီဒို အပိုင်းအစများကို ရေအောက် ကြမ်းပြင်တွင် တွေ့ရသည်ဟု ဆိုသည်။ ကုလသမဂ္ဂ လုံခြုံရေး ကောင်စီမှတဆင့် အရေးယူရန် ကြိုးစားနေခြင်းများ ပါဝင်သော လုပ်ဆောင်ချက်များကို တောင်ကိုးရီးယားက ထုတ်ပြန်ခဲ့သည်။
ပြုံးယမ်းသည် အဆိုပါ စွပ်စွဲချက်များကို ပြင်းထန်စွာ ငြင်းဆန်ခဲ့ပြီး၊ တောင်ကိုးရီးယားနှင့် ရေတပ်ချင်း မတော်တဆ အငြင်းပွားမှုများ ကာကွယ်ရန် ရည်ရွယ်သော သဘောတူညီချက်ကို ထိန်းသိမ်းရန်သာ ပြောခဲ့သည်။
တောင်ကိုးရီးယား ရေတပ်သည် အငြင်းပွားနေသော ပင်လယ်ဝါ နယ်စပ်မျဉ်းကို ကျူးကျော်လာပါက ချက်ချင်း တိုက်ခိုက်မည် ဖြစ်ကြောင်း မြောက်ကိုးရီးယားက သတိပေးခဲ့သည်။ အဆိုပါ ပင်လယ်ဝါ နယ်စပ်မျဉ်းတွင် ၁၉၉၉ နှင့် ၂၀၀၂ ခုနှစ်တို့၌ ရေတပ်တိုက်ပွဲ ကြီးမားစွာ ဖြစ်ခဲ့သေးသည်။
မြောက်ကိုးရီးယားက တောင်ကိုးရီးယားနှင့် အဆက်အသွယ် အားလုံးကို ဖြတ်တောက်မည် ဖြစ်ကြောင်း အင်္ဂါနေ့က ကြေညာခဲ့သည့်အပြင် တောင်ကိုးရီးယား သင်္ဘောများ၊ လေယာဉ်များကို ၎င်း၏ ပိုင်နက်တွင် မလာရန်လည်း တားဆီးခဲ့သည်။
သောကြာနေ့က ပြုံးယမ်းတွင် ပြုလုပ်သော သတင်းစာ ရှင်းလင်းပွဲ၌ မြောက်ကိုးရီးယား မူဝါဒ ရေးရာ အကြီးအကဲ ဗိုလ်ချုပ် Pak Rimsu က တောင်ကိုးရီးယားသည် ၎င်းတို့၏ ရေပိုင်နက်ကို ဖြတ်သွားပြီး ထိပ်တိုက် ရင်ဆိုင်မှု မဖြစ်ဖြစ်အောင် ပြုလုပ်ခြင်း ဖြစ်ကြောင်း စွပ်စွဲခဲ့သည်။
၎င်းက ဆက်လက် ပြောကြားရာတွင် သင်္ဘောနစ်မြုပ်မှုအတွက် မြောက်ကိုးရီးယားကို အပြစ်တင်ခြင်းမှာ စစ်ဖြစ်စေလိုကြောင်း ပြောင်ကြေညာ လိုက်သကဲ့သို့ ဖြစ်ပြီး၊ ကိုးရီးယားချင်း ဆက်နွယ်မှု အတွင်း စစ်ဖြစ်ရန် အခြေအနေသို့ တွန်းပို့သော ရာဇဝတ်မှု ကျူးလွန်ခြင်း ဖြစ်ကြောင်း ကိုယ့်သေတွင်း ကိုယ်တူးသည့် လုပ်ရပ်ဟု ပြောကြားခဲ့သည်။
တစ်ချိန်တည်းမှာပင် ဂျပန်ကလည်း မြောက်ကိုးရီးယား အပေါ် အရေးယူမှုများ ပိုမို တင်းကြပ်သွားမည်ဟု ဆိုသည်။
ဂျပန်နိုင်ငံ အနေဖြင့် ယခင်က တစ်ဦးချင်းသည် မြောက်ကိုးရီးယားသို့ ကြေညာခြင်း မရှိဘဲ ငွေ ယန်းသန်းပေါင်း (၁၀)သန်း (ပေါင် ၁၁၀၀၀၀) လွှဲပေးနိုင်သော်လည်း ယခုအခါ ယန်း (၃) သန်း (ပေါင် ၇၅၀၀၀) သာ လွှဲပေးခွင့် ပြုမည်ဟု ဆိုသည်။
တိုကျိုရှိ ပါလီမန်ကလည်း ၂၀၀၉ ခုနှစ် ကုလသမဂ္ဂ လုံခြုံရေး ကောင်စီ ဆုံးဖြတ်ချက်နှင့်အညီ မြောက်ကိုးရီးယား မြောက်ကိုးရီးယား လက်နက်များနှင့် နျူကလီယာ နည်းပညာများ တင်ဆောင်လာသည်ဟု သံသယ ရှိသော သင်္ဘောများကို ဂျပန် ကမ်းခြေစောင့်တပ်က စစ်ဆေး ပိုင်ခွင့်ပေးသော ဥပဒေ တစ်ရပ်ကို ခွင့်ပြုခဲ့သည်။
ဂျပန် ပြည်သူ့လုံခြုံရေးနှင့် ထောက်လှမ်းရေး အေဂျင်စီ အကြီးအကဲ၏ ပြောကြားချက်ကို AP သတင်းဋ္ဌာနက ကိုးကား ဖော်ပြရာတွင် ၎င်းက တာဝန်ရှိသူများအား ဂျပန်နိုင်ငံတွင် နေထိုင်လျက် ရှိသော မြောက်ကိုးရီးယား လူမျိုး တစ်သန်းခန့် အပေါ် ပိုမို စေ့စေ့စပ်စပ် စောင့်ကြည့်ရန် ညွှန်ကြားထားပြီး ဖြစ်ကြောင်း ဖော်ပြခဲ့သည်။
တောင်နှင့် မြောက်ကိုးရီးယားတို့သည် ၁၉၅၃ ခုနှစ် ကိုးရီးယား ပဋိပက္ခ၊ ငြိမ်းချမ်းရေး စာချုပ် မရှိဘဲ ပြီးဆုံးပြီးကတည်းက စစ်မဖြစ်ဘဲ ငြိမ်သက်နေခဲ့သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.