Posts
www.examiner.com, 28th May 2010
မြောက်ကိုးရီးယား နိုင်ငံသည် အီရန်၊ ဆီးရီးယားနှင့် မြန်မာနိုင်ငံများသို့ နျူကလီယာနှင့် ဒုံးပျံ နည်းပညာများ တင်ပို့နေခြင်းကြောင့် ကုလသမဂ္ဂအဖွဲ့၏ စွပ်စွဲမှုကို ခံနေရသည်။ ကုလသမဂ္ဂက ချမှတ်ထားသော အရေးယူ ပိတ်ဆို့မှုများကို တိုက်ရိုက် အာခံငြင်းဆန်သည့် လှုပ်ရှားမှုများကို ဖုံးကွယ် ရှောင်လွဲရာတွင် DPRK (မြောက်ကိုးရီးယား) က အသုံးပြုနေသည့် ဥာဏ်နီ ဥာဏ်နက် နည်းလမ်း ပေါင်းစုံကို စာမျက်နှာ ၄၇ မျက်နှာပါ အစီရင်ခံစာတွင် ဖော်ပြထားသည်။
တရုတ် ဝန်ကြီးချုပ် ဝမ်ကျားပေါင်က တောင်ကိုးရီးယားအပေါ် ထောက်ခံသည့် တရုတ်၏ သဘောထားကို လူသိရှင်ကြား ထုတ်ဖော်သည့် အနေဖြင့် "သင်္ဘောသား ၄၆ ဦး သေဆုံးခဲ့ရသည့် ချိုနန် နစ်မြုပ်မှုအတွက် တာဝန် ရှိသည်ဟု သတ်မှတ်ခံရသော မည်သူကိုမဆို တရုတ်က ကာကွယ်ပေးမည် မဟုတ်" ဟု ကြေညာခဲ့ပြီးနောက် အထက်ပါ ကုလသမဂ္ဂ ကြေညာချက် ထွက်ပေါ်လာခြင်း ဖြစ်သည်။ သို့ရာတွင် ချိုနန် နစ်မြုပ်မှု အတွက် DPRK တွင် တာဝန်ရှိသည်ဟု အမေရိကန်၊ တောင်ကိုးရီးယား၊ ဂျပန်၊ ဆွီဒင်၊ သြစတြေးလျနိုင်ငံတို့ ဖွဲ့စည်းထားသည့် စုံစမ်းရေး ကော်မရှင်က ဆုံးဖြတ်ခဲ့သော်လည်း DPRK က ငြင်းဆိုခဲ့ပြီး လူသိရှင်ကြား အတည်ပြုရန် တောင်းဆိုခဲ့ကာ လုပ်ကြံ ဖန်တီးသည့် အစီရင်ခံစာဟုလည်း စွပ်စွဲလိုက်သည်။
ကုလလုံခြုံရေး ကောင်စီမှ ဗီတိုအာဏာ သုံးစွဲခွင့်ရှိသူ ရုရှားကလည်း ၁၀၀ % အတည်ပြုချက်ကို တွေ့မြင်လိုသည်ဟု ယမန်နေ့က တောင်းဆိုခဲ့သည်။ ယနေ့တရုတ်၏ ကြေညာချက်ကလည်း သင်္ဘော နစ်မြှုပ်မှု အတွက် မြောက်ကိုးရီးယားကို စွပ်စွဲထားသည့် ကော်မရှင်၏ တွေ့ရှိချက်များကို သံသယရှိသည့် လက္ခဏာ ပြသနေသည်။ တောက်ကိုးရီးယား အရာရှိ လီဒေါင်ကွမ်၏ အဆိုအရ "မည်သူတွင် အပြစ်ရှိသည် ဆိုသည့် ကိစ္စကို တရုတ်နိုင်ငံက မျှတ၍ ဘက်မလိုက်သော ကိုယ်ပိုင် ဆုံးဖြတ်ချက် ပြုလုပ်မည်'' ဟု သိရှိရသည်။
ဂျပန်ကလည်း သင်္ဘော နစ်မြှုပ်မှုနှင့် ပတ်သက်၍ မြောက်ကိုးရီးယားအပေါ် အရေးယူ ပိတ်ဆို့မှုများ ထပ်မံ ချမှတ်မည်ဟု ပြောကြားခဲ့သည်။ တရားဝင် ကုန်သွယ်ရေးကို ပိတ်ပင်ထားပြီး ဖြစ်သော်လည်း ဂျပန်တွင် မြောက်ကိုးရီးယား လိုလားသူ များစွာ ရှိနေပြီး၊ ဂျပန်ကျွန်းမှ ငွေများ ကိုးရီးယား ကျွန်းဆွယ် မြောက်ပိုင်းသို့ မကြာခဏ ရောက်ရှိသွားသည်။ ဤကိစ္စများကို ကောင်းစွာ သိရှိရန် ဂျပန်က တိုးမြှင့် လုပ်ဆောင်လာသည့် အတွက် မြောက်ကိုးရီးယား DPRK ၏ ဒေါသကို ဆွပေးသကဲ့သို့ ဖြစ်မည်မှာ လုံးဝ သေချာနေသည်။
တင်းမာမှု အနေအထား ပိုမိုကြီးထွားလာသော်လည်း မြောက်ကိုးရီးယားက ခေါင်းမာနေဆဲပင်ဖြစ်သည်။ စကားလုံး အသစ်များဖြင့် ထပ်မံ ပစ်ပေါက်ခြင်းမရှိဘဲ ယခင်ခြိမ်းခြောက်မှု များသာ အင်တာနက်တွင် ထပ်မံပေါ်ထွက်နေသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.