Posts
Asia News Network, 30th September 2010
ကမ္ဘာကြီး သိရန် အချက်မှာ တရုတ် ပြည်သူ့ သမ္မတနိုင်ငံ (PRC) သုံးခု ရှိသည် ဆိုသော အချက် ဖြစ်သည်။ ပထမ တစ်ခုမှာ ကွန်မြူနစ် အာဏာရှင် နိုင်ငံ ဖြစ်သည်။ ၎င်းသည် ကမ္ဘာပေါ်တွင် နာမည်ဆိုးဖြင့် ကျော်ကြားသော အာဏာရှင် နိုင်ငံများ ဖြစ်သည့် မြောက်ကိုရီးယား၊ မြန်မာ၊ အီရန်နှင့် ဆူဒန် အစရှိသော နိုင်ငံများကို ထောက်ပံ့ ကူညီထားသည်။ ၎င်းသည် တံခါးပိတ်ထားသောကြောင့် စာအုပ်နီလေး (Little Red Book) ကျင့်သုံးသော ခေတ်နောက်ပြန်ဆွဲသည့် နိုင်ငံ ဖြစ်သည်။ အရပ်သား တော်လှန်ရေး၊ Tiananmen နှိမ်နင်းမှု၊ Great Firewall ၊ ၁ဝဝ ကီလိုမီတာ ရှည်လျားသော ကားပိတ်ဆို့မှု၊ Christian Louboutins အတု၊ အဆိပ်နို့မှုန့်များ ရှိသော တိုင်းပြည် ဖြစ်သည်။
ဒုတိယတစ်ခုမှာ ငြိမ်းချမ်းစွာ နိုးထလာသော တရုတ်ပြည် ဖြစ်သည်။ ၎င်းသည် နှစ်ပေါင်း သုံးဆယ်အတွင်း အင်အားချိနဲ့သော တိုင်းပြည်အဖြစ်မှ ကမ္ဘာပေါ်တွင် ဒုတိယ အကြီးဆုံး စီးပွားရေး နိုင်ငံအဖြစ် ပြုပြင် ပြောင်းလဲခဲ့သည်။ ၎င်း၏ ကြီးထွားလာသော အင်ဂျင်သည် ၂ဝဝ၈ ခုနှစ် ကမ္ဘာ့စီးပွား ပျက်ကပ်ကို ပြန်လည် ထူထောင်ရေး အတွက် ဦးတည်နိုင်သည်။ Beijing အိုလံပစ်အတွက်လည်း ဂုဏ်ယူနိုင်သော နိုင်ငံ ဖြစ်ခဲ့သည်။ ရှန်ဟိုင်း ကမ္ဘာ့ကုန်စည်ပြပွဲ အတွက်လည်း ဂုဏ်ယူနိုင်သေးသည်။ New York Times မှ ကော်လံစား သတင်းထောက် Thomas Friedman ၏ စကားလုံး အတိုင်း ပြောရလျှင် ကြီးမားသော အရာများကို အာရုံပြုနိုင်စွမ်း၊ တရားဝင်အောင် လုပ်နိုင်စွမ်း၊ စုစည်းနိုင်စွမ်း၊ အချိန်ကာလ တစ်ခုအတွင်း လုပ်နိုင်စွမ်း ရှိနေသည်။
နောက်ဆုံး တစ်ခုမှာ တရုတ်ပြည်မကြီး ဖြစ်သည်။ ၎င်းသည် သူ၏ နိုင်ငံခြားရေး မူဝါဒများကို လူအများ လက်ခံလာအောင် တိုးချဲ့ ဩဇာ ရှိလာသည်။ ဘေဂျင်းသည် အာဏာကို လိုက်လံ ဝယ်ယူနေမှုအား ပထဝီ နိုင်ငံရေး အင်အား အဖြစ် အမည် တပ်လိုသည်။ တောင်တရုတ်ပင်လယ်အား ၎င်းကိုယ်ပိုင်အဖြစ် တောင်းဆိုနေသူလည်း ဖြစ်သည်။ String of Pearls ကို ထူထောင်နေသူ ဖြစ်သည်။ (String of Pearls ဆိုသည်မှာ ဟောင်ကောင်မှ ဆူဒန် ဆိပ်ကမ်းကြားကို တရုတ်က ၎င်း၏ ပင်လယ်ပြင် ဆက်သွယ်ရေး လမ်းကြောင်း ထူထောင်လိုခြင်းကို ဆိုလိုသည်။ ထိုလမ်းကြောင်းတွင် မဟာဗျူဟာအရ အရေးပါသော ရေလက်ကြားများ၊ ရေတပ်ဆိုင်ရာ နေရာများ ပါဝင်သည်) အိန္ဒိယ သမုဒ္ဒရာပတ်လည်တွင် စစ်စခန်းများ ဆောက်၍ နှစ်အတန်ကြာ အမေရိကန်တို့၏ ပင်လယ်ပြင်ကို စိုးမိုးထားမှုအား ပြိုင်ဆိုင်ရန်နှင့် နောက်ထပ် အိန္ဒိယ၏ ထွက်ပေါ်လာမှုကို တန်ပြန်ရန် ပြုလုပ်နေသည်။ တရုတ်က နောက်ဆုံး Tiaoyutai အငြင်းပွားမှုအရ ဖမ်းဆီးထားသော တရုတ် ငါးဖမ်းသင်္ဘော ကပ္ပတိန်ကို လွှတ်ပေးရန် တောင်းဆိုထားသည်။
ပထမဆုံး အမျိုးအစား တရုတ်ကို ကမ္ဘာက ကြိုက်နှစ်သက်ခြင်း မရှိပေ။ ဒုတိယ အမျိုးအစားကိုမူ သဘောကျ နှစ်သက်ပြီး ၎င်းအပေါ်တွင်သာ မူတည်နေသည်။ တတိယ အမျိုးအစားကိုမူ ကြောက်ရွံ့ကြသည်။
ယခု ဖော်ပြခဲ့သော ကမ္ဘာပေါ်တွင် လူဦးရေ အများဆုံး တရုတ်နှင့် ပတ်သက်သော ဖော်ပြချက် သုံးမျိုးသည် အတိုင်းအတာ တစ်ခုထိသာ အမှန် ဖြစ်သည်။ များသော အားဖြင့် တရုတ်နှင့် ပတ်သက်၍ ဖော်ပြနေမှုများမှာ အစွန်းရောက်ပြီး တိုင်းပြည်၏ သဘာဝအမှန်ကို မထင်ဟပ်နိုင်ပေ။ တရုတ်တို့၏ ကြီးကျယ်မှုများကို အနောက် ကမ္ဘာက သိရှိပြီး ရာစုနှစ်များစွာ ကြာသည့်တိုင် တရုတ် ကိုယ်တိုင်က နိုင်ငံခြား ရင်းနှီးမြှုပ်နှံမှုများ အတွက် တံခါး ဖွင့်ပေးခဲ့သည်မှာ နှစ်ပေါင်း သုံးဆယ်ခန့် ကြာသည့်တိုင် တရုတ်ပြည်မကြီးမှာမူ ကောင်းသည့် အရာများရော အန္တရာယ်များပါ ရောပြွန်းနေသည့် ထူးခြားနေသည့် တိုင်းပြည်တစ်ခု ဖြစ်နေဆဲ ဖြစ်သည်။ အာရှ ဘီလူကြီး၏ သဘာဝ အမှန်ကို နားမလည်ဘဲ မှားယွင်း အကဲဖြတ်မိသည့် ကမ္ဘာတလွှားမှ တိုင်းပြည်များသည် စိုးရိမ်ဖွယ် အကျိုးဆက်များကို ကြုံတွေ့ရမည် ဖြစ်သည်။
တရုတ်၏ အသွင်သဏ္ဍာန်ကို အကောင်းဆုံး ဖော်ပြရလျှင် ကော်ပိုရေးရှင်း တစ်ခုကဲ့သို့ လည်ပတ်နေသော တိုင်းပြည်ဟု ဆိုရမည် ဖြစ်သည်။ အဓိပ္ပာယ် ရှင်းလင်းရသော် တိုင်းပြည်ကို ရွေးချယ် တင်မြှောက်ထားသူများက အုပ်ချုပ်နေခြင်း မဟုတ်သော်လည်း အမျိုးသား အကျိုးစီးပွားကို အာရုံပြုနိုင်သော အထူး ကျွမ်းကျင်သူ ပညာတတ်များ ဖြစ်နေခြင်းပင် ဖြစ်သည်။ ၎င်းတို့သည် အာရုံ နောက်နိုင်သော ဒီမိုကရေစီ တာဝန်များ၊ နိုင်ငံရေး ယုံကြည်မှုများကို ထည့်သွင်း စဉ်းစားခြင်း မပြုပေ။ သို့သော် ထိုအမြင်ကို ရှိသော ဝေဖန်သူများကသာ အကောင်းဖက်က ရေးသား ပြောဆိုနိုင်ကြသည်။ တိုင်းပြည်မှာ ကုမ္ပဏီ တစ်ခုကဲ့သို့ လည်ပတ်နေပြီး ထိုသို့ မလုပ်မဖြစ်၍ လုပ်နေရခြင်း ဖြစ်သည်။
မကြာသေးမီက Tiaoyutai ကျွန်း၊ ဂျပန်အခေါ် Senkaku အနီးတွင် ဂျပန် ကင်းလှည့် ရေယာဉ်များအား ဝင်တိုက်သော တရုတ် ငါးဖမ်းသင်္ဘောမှ ကပ္ပတိန် Zhan Qixiong (၄၁ နှစ်) အား တိုကျိုတွင် ဖမ်းဆီးထားသော အခါ Beijing က ပြန်လည် လွှတ်ပေးရန် တောင်းဆိုခဲ့ပြီး တိုင်ပေ၊ တိုကျိုနှင့် တရုတ်မြို့ကြီးများတွင် ဂျပန် ဆန့်ကျင်ရေး ဆန္ဒပြခဲ့ကြသည်။
တရုတ်ပြည်မကြီးသည် ဂျပန်နှင့် လိပ်ခဲတည်းလည်း အခြေအနေကို ပိုမို ဆိုးစေခဲ့သည်။ တရုတ် သင်္ဘော ကပ္ပတိန်အား ပြန်လွှတ်ပေးရန် ဂျပန် သံအမတ်အား အကြိမ်ကြိမ် ပြောဆိုခြင်း၊ နှစ်နိုင်ငံအကြား အဆင့်မြင့်ဝန်ကြီးများကြား ဆွေးနွေးမှုများ ရပ်ဆိုင်းခြင်း၊ ဂျပန်တွင် ကားနှင့် လျှပ်စစ်ပစ္စည်းများ အတွက် သုံးသော ရှားပါး သတ္တုများ တင်ပို့ခြင်းကို ရပ်ဆိုင်းခြင်း၊ စစ်တပ် ဧရိယာအတွင်း ဖြတ်သန်းသွားသည်ဟု ဆိုကာ တရုတ်ပြည်တွင် အလုပ်လုပ်နေသော ဂျပန် လေးဦးအား ဖမ်းဆီးခြင်းများ ပြုလုပ်ခဲ့သည်။ ဂျပန် အာဏာပိုင်များက တရုတ် သင်္ဘော ကပ္ပတိန်အား ပြန်လွှတ်ပေးခဲ့သော်လည်း တရုတ်က ရှေ့တိုး၍ ဂျပန် အစိုးရ၏ တောင်းပန်မှုကို တောင်းဆိုခြင်းများ ပြုခဲ့သည်။
ဝေဖန်သူ အများက ယခု ကိစ္စတွင် တရုတ်ကို အနိုင်ရသူ၊ ပြောသလို ဖြစ်အောင် လုပ်နိုင်သူ အဖြစ် မှတ်ယူနေကြသော်လည်း ၎င်းတို့ လစ်လျူရှူထားသော အချက်တစ်ခုမှာ တရုတ်သည် ၎င်း၏ နယ်နိမိတ် အတွင်း လူမျိုးကြီး ဝါဒကို ချုပ်ကိုင်ထားနိုင်ရန် များစွာ ကြိုးစားနေရခြင်းနှင့် ပြည်သူတို့၏ တောင်းဆိုမှုများနှင့် လုံးဝ နီးစပ်မှု မရှိ ဆိုသည့် အချက် ဖြစ်သည်။ ၎င်းသည် ကျွန်းများသို့ စစ်တပ်များ စေလွှတ်ခဲ့သေးသည်။
ဘေဂျင်းသည် ယင်းအကြောက်ဆုံး အရာမှာ လူမှုရေး မတည်ငြိမ်မှု (Social Instability) ဖြစ်သည် ဆိုသည်ကိုမူ လျှို့ဝှက် မထားပေ။ လက်ရှိ ကွန်မြူနစ်ပါတီသည် ရွေးချယ် တင်မြှောက်ခြင်းဖြင့် တရားဝင် မဟုတ်သော်လည်း စီးပွားရေးနှင့် လူမှုရေး တည်ငြိမ်မှု အတွက် တရားဝင် လုပ်ဆောင်နေပေသည်။ ကော်ပိုရေးရှင်းနှင့် သူ၏ ထောက်ခံသူများ၏ ဆက်ဆံရေးကို ဆွဲစေ့ထားသော အရာမှာ အကျိုးစီးပွား ပေါ်တွင် အခြေခံသည်။ တရုတ်ပြည်သူ့ သမ္မတ နိုင်ငံ၏ အုပ်ချုပ်ရေးမှာ ပြည်သူလူထုအပေါ် ကောင်းသော အရာများ ဆောင်ကြဉ်းပေးနိုင်သမျှ ကောင်းနေမည်သာ ဖြစ်သည်။ ၎င်းမှာ တရုတ်ပြည်၏ အောင်မြင်မှု သော့ချက် ဖြစ်သည်။ ၎င်း၏ သက်ဆိုးရှည်မှုမှာ ထိုအချက်ပေါ်တွင် တည်မှီနေသည်။
တရုတ်သည် လွန်ခဲ့သော နှစ်များက Tiaoyutai အငြင်းပွားမှုတွင် ဂျပန် ဆန့်ကျင်ရေး ဆန္ဒပြမှုများသည် ထိန်းမနိုင် သိမ်းမရ ဖြစ်ပြီး အခြား အကြောင်းများသို့ပါ ကူးစက်ပြီး ပြင်းထန်သော ဆန္ဒပြမှု အသွင် ရောက်နိုင်သည်ကို ကြုံတွေ့ခဲ့ရသည်။ ယခု တစ်ခေါက် သံတမန်ရေးအရ ရပ်တည်မှုမှာ ၎င်းပြည်သူများ၏ ဂျပန် ဆန့်ကျင်ရေးကိုလည်း ထိန်းချုပ်ထားပြီး ဂျပန်ကို ကြောက်လန့်စေရုံမျှသာ ဖြစ်သည်။ တရုတ်သည် စစ်ရေးအရ ရင်ဆိုင်ရန် လုံးဝ ဆန္ဒမရှိဘဲ ၎င်း၏ ခိုင်မာသော သံတမန်ရေးအရ ရပ်တည်မှုမှာ ယင်း၏ ပြည်သူများအား Tiaoyutai ကျွန်းများကို တရုတ်က မပိုင်မချင်း မည်သည့်အကြောင်းမျှ မထူး ဟူဟည့် အချက်ကို သိစေလိုခြင်းသာ ဖြစ်သည်။ ထိုကျွန်းများကို ဂျပန်က ပိုင်ဆိုင်နေဆဲ ဖြစ်သော်လည်း အရှေ့အာရှ သုံးနိုင်ငံ စလုံးက ရယူလိုကြသည်။
တစ်နည်း ပြောရလျှင် တရုတ်ပြည်သူ့ သမ္မတ နိုင်ငံ၏ အင်အားသည် အမှန်တကယ် ယင်း အားနည်းချက်များ၏ သင်္ကေတပင် ဖြစ်သည်။ တရုတ်နှင့် ညှိနှိုင်းမည့် တိုင်းပြည်များသည် ထိုအချက်ကို ခေါင်းထဲ ထည့်ထားရမည် ဖြစ်သည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.