Posts
Express India, 19th November 2010
လူ့အခွင့်အရေး ကိစ္စများကို ဆွေးနွေး ကိုင်တွယ်ရသော ကုလသမဂ္ဂ အထွေထွေ ညီလာခံ လူ့အခွင့်အရေး ကော်မတီက နိုင်ငံ အများစု၏ ထောက်ခံမဲဖြင့် သီးခြား ဆုံးဖြတ်ချက်များ ချမှတ်ကာ အီရန်၊ မြန်မာနှင့် မြောက်ကိုးရီးယားမှ လူ့အခွင့်အရေး ချိုးဖောက်မှုများကို ပြစ်တင် ရှုတ်ချလိုက်သည်။
အထက်ပါ ၃ နိုင်ငံ စလုံးကို ပြစ်တင် ရှုတ်ချသည့် ဆုံးဖြတ်ချက် အသီးသီးကို အမေရိကန် ပြည်ထောင်စုက ထောက်ခံမဲ ပေးခဲ့ပြီး အိန္ဒိယ နိုင်ငံကမူ မြန်မာနိုင်ငံ အတွက် ကန့်ကွက်ကာ အီရန်နှင့် မြောက်ကိုးရီးယား အတွက် မဲမပေးဘဲ ကြားနေခဲ့သည်။
တရုတ်ကမူ မြန်မာနှင့် မြောက်ကိုးရီးယား အတွက် ကန့်ကွက် ပေးခဲ့ပြီး အီရန်အပေါ် ရှုတ်ချမှုကို ထောက်ခံ လိုက်သည်။
အဆိုပါ ဆုံးဖြတ်ချက်များ ချမှတ်ရေး ကိစ္စသည် ကမ္ဘာ့ နိုင်ငံများ၏ သံတမန်များထံမှ ပြင်းထန်သော တုန့်ပြန်မှုများကို ဖိတ်ခေါ်သလို ဖြစ်ခဲ့သည်။
အီရန် လူ့အခွင့်အရေး ကောင်စီ အကြီးအကဲ မိုဟာမက် ဂျာဖက်လာရီဂျာနီက ယမန်နေ့က မဲပေးပွဲ၏ နောက်ကွယ်မှ ကြိုးကိုင်သူမှာ အမေရိကန် ပြည်ထောင်စု ဖြစ်သည်ဟု ပြောကြားခဲ့ပြီး မထုတ်ပြန် ရသေးသော ဆုံးဖြတ်ချက်ကို သိက္ခာ ချရန် တွန်းအား ပေးလိုက်သည်။
"လူ့အခွင့်အရေး မြှင့်တင်ရေးကို ဒီကြေညာချက်က ဘာမှ လုပ်ပေးနိုင်မှာ မဟုတ်ပါဘူး"ဟု ယင်းက ပြောကြားသည်။
"ဒီဆုံးဖြတ်ချက်ဟာ အမေရိကန်ရဲ့ ရန်လိုတဲ့ မူဝါဒနဲ့ အီရန် အစ္စလာမ် သမ္မတနိုင်ငံကို ဆန့်ကျင်မှု တစ်စိတ် တစ်ပိုင်း အဖြစ် ဒုက္ခပေးဖို့ ရည်ရွယ်ခဲ့တာပါ" ဟု ပြောကြားလိုက်သော လာရီဂျာနီက ပါလက်စတိုင်း လူမျိုးများအပေါ် အစ္စရေး၏ လူ့အခွင့်အရေး ချိုးဖောက်မှုများကို ပြစ်တင် ရှုတ်ချခြင်း မပြုသည့် အတွက် အမေရိကန်နှင့် အခြား အနောက် နိုင်ငံများကို ပြင်းထန်စွာ ဆက်လက် ဝေဖန်လိုက်သည်။
"ဂါဇာမှာ အသတ်ခံရတဲ့ ယောက်ျားတွေ၊ မိန်းမတွေ၊ ကလေးတွေကို သူတို့ မမြင်ကြဘူးလား၊ ဒီကိစ္စက ၂ ဆလောက် ပိုပြီး သိသာ ထင်ရှားပါတယ်" ဟု ယင်းက ဆိုသည်။
လက်ရှိ လပိုင်းများ အတွင်း အီရန်နိုင်ငံသည် အိမ်ထောင်ရေး ဖောက်ပြန်သည်ဟု စွပ်စွဲခံရသော ဆာကီနီ မိုဟာမက် အက်ရ်ှတီယာခိုကို ကျောက်ခဲဖြင့် ပစ်ပေါက် သေဒဏ် ပေးရန် ဆုံးဖြတ်ခဲ့သည့် အတွက် များစွာ ပြစ်တင် ဝေဖန်ခြင်း ခံနေရပြီး သူမ အသက်ရေးမှာလည်း မရေမရာ ဖြစ်နေဆဲ ဖြစ်သည်။
မြန်မာ နိုင်ငံအပေါ် ချမှတ်သော ဆုံးဖြတ်ချက်တွင် လတ်တလော ပြီးစီးခဲ့သည့် ရွေးကောက်ပွဲ များကို ကန့်ကွက်ခဲ့ပြီး အဆိုပါ ရွေးကောက်ပွဲ လုပ်ငန်းစဉ် လွတ်လပ်ခြင်း၊ မျှတခြင်း၊ ပွင့်လင်း မြင်သာခြင်း မရှိသည့် အပေါ် ကုလသမဂ္ဂ အဖွဲ့ဝင် နိုင်ငံများ အနေဖြင့် အလွန်အမင်း စိတ်မကောင်း ဖြစ်ရသည်ဟု ဖော်ပြထားသည်။
ဗင်နီဇွဲလားနှင့် ဆီးရီးယားတို့က အီရန် နိုင်ငံကို ကာကွယ် ပြောကြားခဲ့ကြပြီး ယင်းဆုံးဖြတ်ချက်သည် နိုင်ငံရေး ဆက်နွယ်မှုများ၏ ရလဒ် တစ်ခုသာ ဖြစ်သည်ဟု ပြောဆိုကာ အရေး မယူရန် တောင်းဆို ခဲ့ကြသည်။
တရုတ် နိုင်ငံကလည်း မြန်မာနိုင်ငံကို ကာကွယ် ပြောဆိုခဲ့သည်။ ကုလသမဂ္ဂ ဆိုင်ရာ မြန်မာ ကိုယ်စားလှယ် ဦးသန်းဆွေက ယခု ဆုံးဖြတ်ချက်သည် အမှားအယွင်းများ မကင်းကြောင်းနှင့် မြန်မာ အစိုးရကို ဆန့်ကျင်သော ပြည်ပ အုပ်စုများထံမှ စွပ်စွဲချက်များနှင့် တစ်ဖက်သတ် ပြောဆိုမှုများကို အခြေခံ ထားခြင်းသာ ဖြစ်ကြောင်း ပြောကြားလိုက်သည်။
ကုလသမဂ္ဂ ဆိုင်ရာ အမေရိကန် သံအမတ်ကြီး Susan Rice က သီးခြား ဆုံးဖြတ်ချက် ၃ ခု ထွက်ပေါ်လာခြင်းကို ကြိုဆိုလိုက်ပြီး "အီရန် အစိုးရသည် ဖိအားပေး ချုပ်ကိုင်ခြင်း၊ ဥပဒေမဲ့ ဖမ်းဆီးခြင်း၊ အရပ်ဖက် အဖွဲ့အစည်းများ အပါအ၀င် ယင်း၏ နိုင်ငံသားများကို ကြမ်းတမ်းစွာ ဖိနှိပ်ခြင်း တို့ကို ဆက်လက် လုပ်ဆောင်နေသည်"ဟု ပြောကြားခဲ့သည်။
"မြန်မာ အစိုးရသည်လည်း ဆိုးဝါးသော လူ့အခွင့်အရေး ချိုးဖောက်မှုများကို ကျူးလွန်ရာတွင် ယင်း၏ နိုင်ငံသားများကို ဥပဒေမဲ့ ကြာရှည်စွာ ဖမ်းဆီးထားခြင်း၊ မုဒိမ်းမှု၊ လိင်အကြမ်းဖက်မှုများ ကျူးလွန်ခြင်း၊ တိုင်းရင်းသား လူမျိုးစုများ အပေါ် ကြမ်းတမ်းစွာ ခွဲခြား ဖိနှိပ်ခြင်းများကို ဆက်လက် လုပ်ဆောင်နေသည်"ဟု သူမက ဆက်လက် ပြောကြားသည်။
UN Women ဟု ခေါ်သော ကုလသမဂ္ဂ၏ အဖွဲ့သစ်တွင် အီရန် နိုင်ငံ အဖွဲ့ဝင်အဖြစ် ပါဝင်လိုမှုကို အမေရိကန် ပြည်ထောင်စုက လတ်တလော တားဆီးလျက် ရှိသည်။
"UN Women အဖွဲ့သစ်မှာ အီရန် နိုင်ငံ ပါဝင်မှုဟာ အဖွဲ့အတွက် မင်္ဂလာ မရှိတဲ့ စတင်မှု ဖြစ်စေ နိုင်တယ် ဆိုတဲ့ ကျွန်မတို့ရဲ့ စိုးရိမ် ပူပန်မှုကို ဖုံးကွယ် မထားနိုင်ပါဘူး" ဟု Susan Rice က သတင်းထောက်များကို ယခင် အပတ်က ပြောကြားခဲ့သည်။
"အီရန်နဲ့ ဆော်ဒီ အာရေးဗီးယား အစရှိတဲ့ နိုင်ငံတွေ အဖွဲ့ဝင် ဖြစ်လာမယ် ဆိုရင် ရယ်စရာ ဖြစ်သွားမှာပေါ့"ဟု နိုဘယ်ဆုရှင်၊ ထင်ရှားသော အီရန် လူ့အခွင့်အရေး ရှေ့နေ ရီရင်အီဘာဒီက ရွေးကောက်မှု မတိုင်မီ တစ်ရက် အလိုတွင် ပြောကြားလိုက်သည်။
သို့ရာတွင် အမျိုးသမီးများ၏ အခွင့်အရေးကို ဆောင်ရွက်မည့် အဆိုပါ အဖွဲ့သစ်တွင် ဆော်ဒီ အာရေဗီယား နိုင်ငံမှာ အဖွဲ့ဝင် အဖြစ် ရွေးချယ်ခံရကြောင်း သိရသည်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.