Posts
Asia Times Online, By Haseenah Koyakutty, 22nd December 2010
မြန်မာ နိုင်ငံနှင့် ပတ်သက်၍ ကမ္ဘာလုံး ဆိုင်ရာ လှုပ်ရှားမှု အနေဖြင့် အစပြု လုပ်ဆောင်ကြရန် ၁၉၉၈ ခုနှစ်က စီးပွားရေး ဆိုင်ရာ နိုဘယ်ဆုရ ပညာရှင် Amartya Sen က စတင် တောင်းဆိုလိုက်သည်။ ယခုနှစ် အစောပိုင်းက လန်ဒန်တွင် အာဖကန် နစ္စတန် ကွန်ဖရင့် အပြီးတွင် နိုင်ငံတကာ အသိုင်း အဝိုင်းသည် စစ်ဘေးဒဏ် ခံရသော နိုင်ငံအား ထောက်ပံ့ ကူညီရန် အတူတကွ ပြုလုပ်ခဲ့ကြသည့် အတိုင်း လုပ်ဆောင်ရန် ဆိုလိုခြင်း ဖြစ်သည်။
ငယ်စဉ်က မြန်မာနိုင်ငံတွင် နေထိုင်ခဲ့ဖူးသော Sen သည် ဘန်ကောက်ရှိ အင်တာဗျူး တစ်ခုတွင် ပြောကြားခဲ့ရာ၌ အမျိုးသား ပြန်လည် ပေါင်းစည်းရေး နှင့်ပတ်သက်၍ ဒေါ်အောင်ဆန်းစုကြည်၏ လုပ်ဆာင်နိုင်စွမ်းသည် အခြား တိုင်းပြည်များမှ လုပ်ဆောင်မှု အပေါ်တွင် မူတည်နေသည် ဆိုခြင်းကို ငြင်းချက် ထုတ်ခဲ့သည်။
"ကျွန်တော် စိုးရိမ်တာက သူတို့ ဘာမှ သိပ်မလုပ်ကြဘူးဗျ" ဟု Sen က ပြောသည်။ အိန္ဒိယ ပညာရှင် တစ်ဦး ဖြစ်သော Sen က အကယ်၍ ကမ္ဘာကြီး တစ်ခုလုံးက ဘာမျှ မလုပ်ခဲ့လျှင် ဒေါ်အောင်ဆန်းစုကြည်သည် ယခင် ပုံစံအတိုင်း ပြန်၍ အဖမ်းခံရနိုင်သော အန္တရာယ် ရှိကြောင်း ညွှန်းဆို ပြောပြခဲ့သည်။
စစ်အစိုးရ၏ မဟာဗျူဟာသည် နိုင်ငံရေးနှင့် ပတ်သက်၍ ထိန်းထိန်း သိမ်းသိမ်းနှင့် အစွန်း မရောက်သည့် ပုံသဏ္ဍာန်ကို ပြသနေသော်လည်း အမှန်တကယ်တွင် ထိုသို့ မဟုတ်ကြောင်း Sen က ဆိုသည်။ မြန်မာ ပြည်သူများက စစ်အစိုးရသည် ဆူဒန်နှင့် မြောက်ကိုရီးယားတို့မှ စစ်အာဏာရှင်များနှင့် မယုံကြည် နိုင်လောက်အောင် ခြားနားသည်ဟု လျော့တွက် နေကြပုံ ရကြောင်း Sen က ယုံကြည်နေသည်။
"သာမန်လူတွေ အနေနဲ့ကတော့ စစ်အစိုးရဟာ ရွေးကောက်ပွဲလည်း လုပ်ပေးတယ်။ ဒေါ်အောင်ဆန်းစုကြည်ကိုလည်း လွှတ်ပေးတယ် ဆိုတော့ သူတို့ကို အစွန်း ရောက်တယ်လို့ ဘယ်လိုလုပ် ပြောမလဲလို့ မေးကြလိမ့်မယ်" ဟု Sen က ပြောသည်။
Sen က ၎င်းယုံကြည်သည်မှာ ဗိုလ်ချုပ်မှူးကြီး သန်းရွှေ ဦးဆောင်သော စစ်အစိုးရသည် မြောက်ကိုရီးယားကဲ့သို့ နျူကလီယာဗုံး ပိုင်ဆိုင်ရန် မနီးစပ် သေးသော်လည်း မြောက်ကိုရီးယားနှင့် တူအောင် ကျင့်ကြံလျက် ရှိကြောင်း ဆိုသည်။ သို့သော် အစိုးရသည် ၎င်းတို့ ဖြစ်စေချင်သကဲ့သို့ မဖြစ်သေးကြောင်း၊ ပြည်သူများသည် ခုခံအား ပိုကောင်းပြီး၊ မကြာသေးမီ ကာလများ အတွင်း တော်လှန်ခဲ့ ကြသောကြောင့် ဖြစ်ကြောင်း ဆိုသည်။ နောက်တစ်ချက်မှာ မြောက်ကိုရီးယားတွင် ဒေါ်အောင်ဆန်းစုကြည် ကဲ့သို့သော အတိုက်အခံ မရှိခြင်း ဖြစ်သည်ဟု Sen က ဆိုသည်။
မြန်မာနိုင်ငံ ရှေ့သို့ တက်လှမ်းနိုင်မည့် နည်းလမ်း အချို့ကို Sen က အဆိုပြုခဲ့သည်။ ပထမဦးဆုံး အနေဖြင့် နိုင်ငံတကာ ဦးဆောင်သော စုံစမ်းရေး ကော်မရှင်သည် စစ်အစိုးရ၏ ပြည်တွင်းတွင် ဖိနှိပ်မှုများ၊ သွေးထွက်သံယို နှိပ်ကွပ်မှုများ၏ အဖြစ်မှန်ကို ဖော်ထုတ်နိုင်လိမ့်ဟု ယုံကြည်ပြီး ထိုသို့ ပြုလုပ်ခြင်းဖြင့် အိမ်နီးချင်းများ ဖြစ်သော တရုတ်၊ အိန္ဒိယနှင့် ထိုင်းနိုင်ငံ တို့သည် မြန်မာ နိုင်ငံအပေါ် ၎င်းတို့၏ ကိုယ်ကျိုး စီးပွားကြည့်၍ ရပ်တည်နေမှုကို ပြန်လည် စဉ်းစားလာ ကြလိမ့်မည်ဟု ယုံကြည်ကြောင်း ၎င်းက ဆိုသည်။
Sen က ယခု လက်ရှိ စီးပွားရေးနှင့် ငွေကြေးဆိုင်ရာ အရေးယူ ပိတ်ဆို့မှုများသည် ပြည်သူများထက် စာလျှင် ဗိုလ်ချုပ်များကို ပိုမို ထိသင့်ကြောင်း ပြောသည်။ ထို့အပြင် အနောက် နိုင်ငံများ အားလည်း ရေနံနှင့် ကျောက်မျက်ရတနာ ရောင်းဝယ်နေမှု များအား လုံးဝ စွန့်လွှတ်၍ ဟန်ဆောင်နေမှုများ ရပ်ဆိုင်းရန် တောင်းဆိုခဲ့သည်။ အနောက် အနေဖြင့် မြန်မာနိုင်ငံသို့ လက်နက် ရောင်းဝယ်မှု ပိတ်ပင်ရေးကိုလည်း ဦးဆောင် ပြုလုပ်သင့်ကြောင်း ၎င်းက ဆိုသည်။
"အကယ်၍ တရုတ်၊ ထိုင်းနဲ့ အိန္ဒိယ အပါအဝင် EU နဲ့ အမေရိကန် တို့လို ပါဝါ ရှိတဲ့ နိုင်ငံတကာ ပလေယာများက စစ်အစိုးရ အသက် မဆက်နိုင်အောင် လုပ်နိုင်မှသာ စစ်အစိုးရနဲ့ အလုပ်ဖြစ်မယ့် တွေ့ဆုံ စကား ပြောဖို့ အခွင့်အရေး ရနိုင်မှာ ဖြစ်ပါတယ်။ ဒီလို စဉ်းစားရာမှာ ဗိုလ်ချုပ်တွေ အတွက် ထွက်ပေါက် ကောင်းကောင်း စဉ်းစားပေးရပါမယ်။ နိုင်ငံခြား ထွက်သွား နိုင်ရေးကိုပါ စဉ်းစား ပေးရပါမယ်" ဟု ၎င်းက ဆိုသည်။ မြန်မာနိုင်ငံတွင် ပြောင်းလဲမှုများ ဖြစ်နိုင်ရန် Sen ၏ အမြင်များကို Asia Time Online မှ Haseenah Koyakutty နှင့် အင်တာဗျူးတွင် အကြမ်းဖျင်း ပြောပြခဲ့သည်။ ကောက်နုတ်ချက် အချို့မှာ အောက်ပါ အတိုင်း ဖြစ်သည်။
Asia Time Online : မြန်မာနိုင်ငံရဲ့ အိမ်နီးချင်းတွေဟာ ဘာကြောင့် စစ်အစိုးရအပေါ် မူဝါဒ ပြောင်းဖို့ စဉ်းစား သင့်တာလဲ။
Amartya Sen : အကြောင်းက ဒီလိုပါ။ အာဏာရှင် ဆိုတာ နောက်ဆုံးတော့ ကျဆုံးရမှာပဲ။ တစ်ချိန်မှာ စစ်အစိုးရနဲ့ တွဲပြီး လုပ်ကိုင်ခဲ့ တာတွေဟာ မှတ်တမ်းအဖြစ် ကျန်ခဲ့မှာပါပဲ။ ချီလီမှာ အမေရိကန်က Allende ကို ဖြုတ်ချချင်တော့ Pinochet အစိုးရကို ထောက်ခံ ကူညီခဲ့တယ်။ အဲဒီတုန်းက Pinochet အစိုးရ ဘယ်တော့ ပြုတ်မယ် ဆိုတာ ခန့်မှန်းလို့ မရတဲ့ အထိ ဖြစ်ခဲ့တယ်။ အဲဒီ အချိန်က အမေရိကန်က လက်တင် အမေရိကမှာ Pinochet နဲ့ အခြား စစ်အာဏာရှင်တွေကို ထောက်ခံ ကူညီခဲ့တော့၊ ပြောလို့ရတာက ဒီနေ့ လက်တင် အမေရိကမှာ အမေရိကန် ဆန့်ကျင်ရေး စိတ်ဓာတ်တွေ အားကောင်း လာတော့တာပေါ့။ တရုတ်၊ အိန္ဒိယနဲ့ ထိုင်းနိုင်ငံ တွေဟာ ဒါကို သင်ခန်းစာ ယူသင့်ပါတယ်။
Asia Time Online : ပြည်တွင်း ပြောင်းလဲမှုတွေ အတွက် ဖြစ်နိုင်ခြေတွေက ဘာလဲ။
Amartya Sen : ဒီနေ့ တိုင်းပြည် အခြေအနေ အရ လွတ်လပ်ခွင့် အနည်းငယ်ပဲ ရှိပါတယ်။ ဒီတော့ ခင်ဗျား ဘာလုပ်ပေးမလဲ။ ဘုန်းတော်ကြီးတွေကို ရိုက်နှက် ခံရအောင် ဆန္ဒပြ ခိုင်းဦးမှာလား။ ကျောင်းသားတွေကိုရော လွန်ခဲ့တဲ့ ၁၅ နှစ်ကလို သွေးထွက်သံယို နှိပ်ကွပ်ခံရအောင် လမ်းပေါ်ထွက် ခိုင်းဦးမှာလား။ အဲဒီလို လုပ်လို့ အကြောင်း မထူးဘူးလို့ ကျွန်တော် ထင်ပါတယ်။
မြောက်ကိုရီးယားမှာလိုပဲ မြန်မာနိုင်ငံတွင်းမှာ လွတ်လပ်စွာ လှုပ်ရှားဖို့ အကန့်အသတ်တွေ အများကြီး ရှိပါတယ်။ ဒီလို အခြေအနေမျိုးမှာ ကမ္ဘာပေါ်က နိုင်ငံတွေ ဘာလုပ် ပေးသလဲဆိုတဲ့ ပေါ်မှာ အများကြီး မူတည်နေပါတယ်။ ဒါ့ကြောင့် တခြား နိုင်ငံတွေထက် EU၊ အမေရိကန်၊ အိန္ဒိယ၊ ထိုင်း၊ တရုတ်တို့ရဲ့ တာဝန်ဟာ အရမ်းကြီးပါတယ်။
Asia Time Online : ရွေးကောက်ပွဲ အပြီးမှာ ဗိုလ်ချုပ်မှူးကြီး သန်းရွှေရဲ့ ကဏ္ဍကရော ဘယ်လို ရှိမှာလဲ။
Amartya Sen : အဲဒါက စောင့်ကြည့်ရမှာပါ။ ဒီကိစ္စကို ပြည်သူတွေရဲ့ စိတ်ဝင်စားမှုမှာ ရှိနေစေ ချင်ပါတယ်။ အခု လတ်တလောတော့ ကမ္ဘာတစ်ဝှမ်း လူတွေရဲ့ စကားဝိုင်းတွေမှာ ရေပန်းစား နေတဲ့ ကိစ္စပါပဲ။
Asia Time Online : ဒေါ်အောင်ဆန်းစုကြည်ရဲ့ အနာဂတ် အခန်းကဏ္ဍကိုရော ခင်ဗျား ဘယ်လို မြင်ပါသလဲ။
Amartya Sen : တကယ်လို့ နိုင်ငံတကာ အသိုင်းအဝိုင်းက တညီတညွတ်တည်း လုပ်ပေးနိုင်မယ် ဆိုရင် စစ်အစိုးရနဲ့ ညှိနှိုင်းတဲ့ အချိန်မှာ သူမ အနေနဲ့ ပြောရေး ဆိုခွင့် နေရာ ကြီးကြီး ရနိုင်ပါလိမ့်မယ်။ တောင်ဖရိကမှာ မင်ဒဲလားနဲ့ ဘုန်းတော်ကြီး တူးတူးတို့ လူမျိုးရေး ခွဲခြားမှု လုပ်ခဲ့တဲ့ လူတွေကို ခွင့်လွှတ်ခဲ့ သလိုမျိုး သူမအနေနဲ့ စစ်တပ်က သားသတ် သမားတွေကို လွတ်မြောက်ဖို့ လမ်းဖွင့်ပေးပြီး သနား ကြင်နာမှုကို ပြနိုင်ပါတယ်။
လက်စားချေဖို့ ပြစ်ဒဏ် ခတ်တယ် ဆိုတာ နိုင်ငံရေး မူဝါဒ ချမှတ်ရာမှာ ပညာရှိ တွေရဲ့ လုပ်ရပ် မဟုတ်ပါဘူး။ ဒီစစ်တပ်က သားသတ်သမားတွေကို လွတ်မြောက်ခွင့် ပေးရပါမယ်။ သူတို့ သွားလိုရာ သွားလို့ ရတယ် ဆိုတာ သူတို့လည်း သိစေသင့်တယ်။ ကျားစားမှာ ကြောက်လို့ ကျားကို ကျောမခိုင်းရဲတဲ့ အဖြစ်မျိုး မဖြစ်သင့်ပါဘူး။
Asia Time Online : မြန်မာပြည်က စစ်ဗိုလ်ချုပ်တွေဟာ ဘယ်နေရာတွေမှာ အိန္ဒိယက မဟာရာဂျာတွေနဲ့ တူသလဲ။
Amartya Sen : မြန်မာနိုင်ငံက စစ်အာဏာရှင်တွေနဲ့ ဘယ်သူနဲ့မှ မတူပါဘူး။ မဟာရာဂျာတွေ အကြောင်းကတော့ ရှင်းပြရမှာတွေ အများကြီးပါပဲ။ ဒါပေမယ့် ပြောနိုင်တာ တစ်ခုက မဟာရာဂျာတွေဟာ စနစ်တကျ လုပ်တဲ့ လူသတ်ကောင်၊ မုဒိမ်းကောင်တွေ မဟုတ်ကြပါဘူး။ သူတို့ဟာ တိုင်းရင်းသားတွေကို သူတို့ နေအိမ်တွေက မောင်းထုတ်တဲ့ လူတွေ မဟုတ်ကြပါဘူး။ ဆန့်ကျင်သူတိုင်းကို စနစ်တကျ ထောင်သွင်း အကျဉ်းချ တာမျိုးလည်း မလုပ်ကြပါဘူး။
ကျွန်တော့် အထင်ကတော့ အိန္ဒိယ မဟာရာဂျာတွေဟာ ကောင်းမွန်တဲ့ စနစ်တွေကိုတော့ လုပ်ဆောင် မပေးနိုင်ခဲ့ပါဘူး။ ဒါပေမယ့် သူတို့ကို မြန်မာနိုင်ငံက စစ်အစိုးရနဲ့ နှိုင်းယှဉ်မယ် ဆိုရင်တော့ သူတို့ဟာ စစ်အစိုးရကို မဟုတ်တာ လုပ်ခဲ့သူများလို့ အထင်မှား နိုင်ပါတယ်။
--Yangon Chronicle သည် မြန်မာနိုင်ငံ အတွင်းရှိ ဖတ်သူများ ဒေါင့်စုံ သတင်းရအောင် ဖော်ပြခြင်းသာ ဖြစ်ပြီး ဘာသာပြန် ဆိုဖော်ပြချက် အားလုံးသည် မူရင်းမီဒီယာ များ၏ အာဘော်သာ ဖြစ်၍ Yangon Chronicle ၏ သဘောထား မဟုတ်ပါကြောင်း။
The information from this group yangonchronicle2010 were allowed to be reposted on the website named http://transparencymyanmar2010.blogspot.com/ upon their request.