Posts
 | yangonchronicle 2011 |
၃၁.၇.၂၀၁၁
ဘာသာပြန်သတင်းများ
မြန်မာအစိုးရက ဒီမိုကရေစီအတွက် ခြေလှမ်းများ မကြာမီလုပ်ဆောင်မည်ဟု ဘန်ကီမွန်းမျှော်လင့်
(UN Source မှ 30 July 2011 ရက်စွဲပါ "Ban 'Hopes' Government will soon take steps forwards greater democracy" ကို ဘာသာ ပြန်ဆိုသည်)
ကျန်ရှိသော နိုင်ငံရေးအကျဉ်းသားများအား အကုန်လွှတ်ပေးရေးသည် မြန်မာအာဏာပိုင်များ ပြုလုပ်နိုင်သည့် တစ်ခုတည်းသော အရေး အကြီးဆုံးခြေလှမ်းတစ်ရပ် ဖြစ်ကြောင်း ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်းက မနေ့က ပြောကြားလိုက်သည်။ ထို့အပြင် မြန်မာနိုင်ငံ အစိုးရအနေဖြင့် မကြာမီ ဒီမိုကရေစီပိုမိုဖြစ်ထွန်းလာရေး ခြေလှမ်းများ လှမ်းနိုင်လိမ့်မည်ဟု မျှော်လင့်ကြောင်း ဖော်ပြခဲ့သည်။
ဘန်ကီမွန်းသည် မြန်မာနိုင်ငံခြားရေးဝန်ကြီး ဦးဝဏမောင်လွင်နှင့် မနေ့က အစောပိုင်းက စကားပြောခဲ့ခြင်း ဖြစ်သည်။ ယခုကဲ့သို့ ပြောဆိုခြင်း မှာ မြန်မာအစိုးရဝန်ကြီးနှင့် နိုဘယ်ဆုရှင်၊ ထင်ရှားသော အတိုက်အခံ ဒေါ်အောင်ဆန်းစုကြည်တို့အကြား တွေ့ဆုံမှုကို ကြိုဆိုခဲ့ပြီး ရက်မကြာမီတွင် ဖြစ် သည်။
နိုင်ငံခြားရေးဝန်ကြီးနှင့် စကားပြောဆိုရာတွင် အထွေထွေအတွင်းရေးမှူးချုပ်က ယင်းသည် အစိုးရသစ်၏ ပြုပြင် ပြောင်းလဲရေးဆိုင်ရာ ကြေညာချက်များကို လူသိရှင်ကြားကြိုဆိုခဲ့ကြောင်း ပြောကြားခဲ့သည်ဟု ၎င်းပြောခွင့်ရ ပုဂ္ဂိုလ်၏ သတင်းထုတ်ပြန်ချက်အရ သိရှိရသည်။
ယင်းက အစိုးရသစ်သည် ခိုင်မာသော လုပ်ရပ်များစတင်နေပြီဟု မျှော်လင့်ကြောင်း၊ တိုင်းပြည်ကို ငြိမ်းချမ်းသော၊ ချမ်းသာကြွယ်ဝသော ဒီမိုကရေစီနိုင်ငံဆီသို့ ဖော်ဆောင်သွားမည်ဟု မျှော်လင့်ကြောင်း ပြောကြားခဲ့သည်။
ဘန်က နိုင်ငံရေးအကျဉ်းသားများ လွှတ်ပေးရေးကို စောစောစီးစီး ဆောင်ရွက်ရန် ဖိအားပေးခဲ့ပြီး နိုင်ငံတကာ အသိုင်းအဝိုင်းက မျှော်လင့်နေ သည့် တစ်ခုတည်းသော အရေးကြီးသည့်ခြေလှမ်းဖြစ်ကြောင်း ဖော်ပြခဲ့သည်။ ဆက်လက်ပြီး ဘန်က လက်ရှိလက်နက်ကိုင် တိုင်းရင်းသားများနှင့် တိုက်ခိုက်နေမှုများနှင့် ယင်း၏ သက်ရောက်မှု များအပေါ် စိုးရိမ်ပူပန်ကြောင်း နိုင်ငံခြားရေးဝန်ကြီးအား ပြောကြားခဲ့သည်။
*************************************************
မြန်မာပြည်တွင်းစစ် အပစ်အခတ်ရပ်စဲရန် ဒေါ်အောင်ဆန်းစုကြည်တောင်းဆို
(Bangkok post မှ 28 July 2011 ရက်စွဲပါ "Suu Kyi calls for Burma Ceasefire" ကို ဘာသာပြန်ဆိုသည်)
မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်က နိုင်ငံ၏ သမ္မတသစ်ထံ ပထမဆုံးတိုက်ရိုက် ပေးပို့သောစာတွင် "မြန်မာနိုင်ငံတွင် ဆယ်စုနှစ်များစွာ ကြာနေပြီဖြစ်သောပြည်တွင်းစစ်ကို အဆုံးသတ်ကြရန်" တပ်မတော်နှင့် တိုင်းရင်းသားလက်နက်ကိုင်များကို ကြာသပတေးနေ့က တောင်းဆို လိုက်သည်။
တနင်္လာနေ့က အစိုးရအဖွဲ့သစ်ဝန်ကြီးတစ်ဦးနှင့် ပထမဆုံးတွေ့ဆုံဆွေးနွေးခဲ့သူ ဒေါ်အောင်ဆန်းစုကြည်က အစိုးရတပ်များနှင့် တိုင်းရင်းသား လက်နက်ကိုင် အုပ်စုများအကြား ပြန်လည် စေ့စပ်ရေးကိစ္စကို စစ်ရေးနည်းလမ်းဖြင့် ရရှိနိုင်မည်မဟုတ်ဟု ပြောကြားလိုက်သည်။
တိုင်းရင်းသားပြည်သူများထံသို့လည်း လိပ်မူထားသော အဆိုပါပေးစာတွင် "ပြည်ထောင်စုမြန်မာနိုင်ငံ အတွင်းရှိ တိုင်းရင်းသားလူမျိုးများ အားလုံး၏ အကျိုးအတွက် အချိန်မဆိုင်း အပစ်အခတ်ရပ်ကာ ပဋိပက္ခများကို ငြိမ်းချမ်းစွာအဖြေရှာ ဖြေရှင်းကြရန် ဖြောင့်မတ်စွာ တောင်းဆိုသည်" ဟု သူမက ပြောကြားထားသည်။
စစ်အုပ်ချုပ်ရေးအနှစ် ၅၀ ခန့် ကျင့်သုံးခဲ့ပြီးနောက် ပြီးခဲ့သော မတ်လက နာမည်ခံ အရပ်ဖက် အစိုးရထံ အာဏာလွှဲပြောင်းပေးခဲ့သည့် မြန်မာ နိုင်ငံသည် ဆယ်စုနှစ်များစွာ ကြာနေသော ပြည်တွင်းစစ်၏ဒုက္ခများကို ခံစားရလျက် ရှိသည်။ ယခုလပိုင်းများအတွင်း နိုင်ငံ၏ အရှေ့ပိုင်းနှင့် မြောက်ပိုင်း တို့တွင် တိုက်ပွဲများ ပိုမိုပြင်းထန်လာခဲ့သည်။
ပြီးခဲ့သော နိုဝင်ဘာလက နိုင်ငံတကာ၏ ဝိုင်းဝန်းပြစ်တင်ခြင်း ခံခဲ့ရသော အငြင်းပွားဖွယ်ရွေးကောက်ပွဲများ အပြီး တစ်ပတ်ခန့်အကြာတွင် နေအိမ် အကျယ်ချုပ်မှ လွတ်မြောက်လာခဲ့သော ဒေါ်အောင်ဆန်းစုကြည်ကို နိုင်ငံရေးနှင့် ကင်းကင်းနေရန် မြန်မာအစိုးရက ပြောင်ပြောင်တင်းတင်း သတိပေး ထားသည်။
သူမအနေဖြင့် ပြည်တွင်းစစ် အဆုံးသတ်ရေးကိစ္စတွင် ပါဝင်ဆောင်ရွက်ရန် ဆန္ဒရှိနေကြောင်း၊ အပစ်အခတ် ရပ်စဲရေးနှင့် ငြိမ်းချမ်းရေး လုပ်ငန်းစဉ်တို့ကို ကူညီပံ့ပိုးရန်အတွက် တတ်နိုင်သမျှ အစွမ်းကုန်လုပ်ဆောင်ပေးရန် အဆင်သင့် ရှိနေကြောင်း ဒေါ်အောင်ဆန်းစုကြည်က သူမ၏ ပေးစာ တွင် ပြောကြားထားသည်။
"ဒေါ်အောင်ဆန်းစုကြည်က ရန်ကုန်မြို့က ဘုန်းကြီးကျောင်းတစ်ကျောင်းမှာ သုံးရက်လောက် တရားစခန်းဝင်ပြီး ရင် ပဲခူးကို သွားဖို့ ရှိပါတယ်" ဟု အဆိုပါသတင်းရပ်ကွက်က ဆိုသော်လည်း NLD ပါတီကမူ မည်သည့်အသေးစိတ် အချက်အလက်ကိုမျှ အတည်ပြုပေးနိုင်ခြင်း မရှိပေ။
ဒေါ်အောင်ဆန်းစုကြည်သည် လွန်ခဲ့သော အနှစ် ၂၀ အတွင်း အချိန်များစွာ အကျယ်ချုပ်ကျခံခဲ့ရသူဖြစ်ပြီး အကယ်၍ အစိုးရက ယင်းတို့အပေါ် ခြိမ်းခြောက်မှုတစ်ခုအဖြစ်သာ ယူဆပါက သူမ၏ လွတ်လပ်ခွင့်ကို ထပ်မံကန့်သတ်ရန် ဝန်လေးတုန့်ဆိုင်းနေမည်မဟုတ်ဟု အကဲခတ်လေ့လာသူများက ယုံကြည်နေကြသည်။
အကယ်၍သာ သူမအနေဖြင့် နိုင်ငံရေးစည်းရုံးသည့်ခရီးစဉ်ကို ဆက်လက် စီစဉ်မည်ဆိုပါက ပရမ်းပတာ အဓိကရုဏ်းများ ဖြစ်လာနိုင်သည်ဟု အစိုးရ အာဘော်သတင်းစာမှ သတိပေးပြီးနောက် ပုဂံမြို့သို့ ၄ ရက်ကြာ ဘုရားဖူးထွက်ရာတွင် အစိုးရကို ဆန့်ကျင်ဝေဖန်သည့် လှုပ်ရှားမှုများကို ဒေါ်အောင်ဆန်းစုကြည်က ရှောင်ရှားခဲ့သည်။
သူမသည် ပြီးခဲ့သော တနင်္လာနေ့က အလုပ်သမားဝန်ကြီးဦးအောင်ကြည်နှင့် တစ်နာရီကျော်ကြာအောင် တွေ့ဆုံဆွေးနွေးခဲ့ပြီး ဦးအောင်ကြည် က ယခုတွေ့ဆုံဆွေးနွေးမှုသည် အနာဂတ်တွင် လုပ်ဆောင်စရာ ကိစ္စများစွာအတွက် ပထမအဆင့်ဟု မှတ်ချက်ပေးခဲ့သည်။
ဒီမိုကရေစီသို့ ဦးတည်သည့် ထင်သာမြင်သာ ပြောင်းလဲတိုးတက်မှုများ လုပ်ဆောင်ပြရန် အမေရိကန် ပြည်ထောင်စုက တောင်းဆိုပြီး ရက်ပိုင်း အတွင်း ထိုသို့ တွေ့ဆုံမှု ပေါ်ပေါက်လာခြင်း ဖြစ်သည်။
*****************************************
မြန်မာနိုင်ငံမှ နိုင်ငံရေးအကျဉ်းသားဟောင်းအား ကုလသမဂ္ဂဒုက္ခသည် ကွန်ဂရက်တက်ရန် ရွေးချယ်
(The News-Sentinel မှ 30 July 2011 ရက်စွဲပါ Ellie Bogue ရေးသားသော “Former Burmese Political Prisoner Chosen for U.N. Input” ကို ဘာသာ ပြန်ဆိုသည်)
ယခု Fort Wayne တွင် နေထိုင်နေသော မြန်မာနိုင်ငံမှ နိုင်ငံရေးဒုက္ခသည်ဟောင်း မျိုးမြင့်အား လာမည့်အပတ် ဝါရှင်တန်ဒီစီတွင် ကျင်းပမည့် ကုလသမဂ္ဂဒုက္ခသည် ကွန်ဂရက်သို့ တက်ရောက်ရန် ရွေးချယ်ထားသည်။
ယခုအကြိမ်သည် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) မှ ကြီးမှူးကျင်းပသော ပထမဆုံးဒုက္ခသည် ကွန်ဂရက် ဖြစ်သည်။ ယခုကွန်ဂရက်သည် လွန်ခဲ့သော နှစ်ပေါင်း (၆၀) ကပင် အမေရိကန် ပြည်ထောင်စ်ုတွင် အကာအကွယ်ပေးလာခဲ့သော ဒုက္ခသည် (၃) သန်း ၏ အသံကို ကြားကြစေရန်ဖြစ်ပြီး ၁၉၅၁ ခုနှစ်ဒုက္ခသည် ကွန်ဗင်းရှင်းကိုလည်း ပြန်လည် အမှတ်ရစေမည်ဖြစ်သည်။
နှစ်ရက်တာကျင်းပမည့် ကွန်ဂရက်တွင် ဒုက္ခသည်အရေးကိစ္စမျိုးစုံကို ဆွေးနွေး အဖြေရှာမည်ဖြစ်ပြီး UNHCR ဝန်ကြီးအဆင့် အစည်းအဝေး၊ အမေရိကန် အစိုးရနှင့် ကွန်ဂရက်၊ နှင့်အခြားသော ဒုက္ခသည်အစီအစဉ် လုပ်ဆောင်နေသူများထံ တင်ပြမည်ဖြစ်ပြီး တိုင်းပြည် (၅၀) မှ ကိုယ်စားလှယ် တစ်ဦးစီနှင့် အများသိရှိသော ဒုက္ခသည် (၁၀) ဦးတက်ရောက်ကြမည်ဖြစ်သည်။
ကွန်ဂရက်တွင် အလုပ်ရုံဆွေးနွေးပွဲ လေးခု ကျင်းပမည်ဖြစ်ပြီး ဒုက္ခသည်များ ပြန်လည် နေရာချထားခြင်း၊ အကြိုထွက်ခွာခြင်း၊ ကနဦး ပြန်လည် နေရာချထားခြင်း၊ စီးပွားရေး၊ လူမှုရေးနှင့် ယဉ်ကျေးမှုများ ပေါင်းစည်းရေး၊ အမေရိကန်ပြင်ပမှ ဒုက္ခသည်များကို အကူအညီပေးရေး၊ အကာအကွယ် ပေးရေးနှင့် အမေရိကန်နိုင်ငံတွင်းနှင့် ကွန်ဂရက်ပြင်ပမှ ဒုက္ခသည်များ၏ အသံကို နားထောင်ခြင်းများ ပါဝင်သည်။
မျိုးမြင့်ကပြောကြားရာတွင် ယင်းသည် အမေရိကန်ပြင်ပမှ ဒုက္ခသည်များအား ထောက်ပံ့ခြင်း၊ အကူအညီပေးခြင်း များနှင့် ပတ်သက်၍ ဆွေးနွေး ရန် စိတ်ဝင်စားသည်ဟု ဆိုသည်။ မြန်မာနိုင်ငံမှ ဒုက္ခသည်များသည် ကမ္ဘာအနှံ့တွင် ရှိနေပြီး တရုတ်နှင့် မလေးရှားတွင် အများအပြားရှိနေကာ ဘင်္ဂလားဒေ့ရ်ှတွင်လည်း အချို့ ရှိနေသည်။
မကြာသေးမီက ဘင်္ဂလားဒေ့ရှ် ရှိ အချို့ဒုက္ခသည်များသည် အကြောင်းပြချက် ခိုင်ခိုင်လုံလုံ မရှိဘဲ ပစ်သတ်ခံရသည်ဟု မျိုးမြင့်၏ အဆိုအရ သိရသည်။ ပြီးခဲ့သည့် အောက်တိုဘာလက နယူးယောက်တိုင်းမ် သတင်းစာတွင် ဘင်္ဂလားဒေ့ရ်ှရှိ ဒုက္ခသည်စခန်းတွင် ကျူးကျော်တဲများဖြင့် နေထိုင် ကြသော ဒုက္ခသည်များကို ရိုက်နှက်ခြင်းများ၊ ပြန်ပို့ခြင်းများ ရှိခဲ့သည်ဟု ဖော်ပြထားသည်။ မျိုးမြင့်က ပြောကြားရာတွင် မလေးရှားနိုင်ငံ၌ မြန်မာ ရွှေ့ပြောင်းလုပ်သား တစ်သန်းခန့် နေထိုင်ကြပြီး အချို့မှာ တရားမဝင်ဖြစ်သည်ဟု ဆိုသည်။
ယင်းသည် ကြိုတင်ထွက်ခွာလာပြီးမှ ပြန်လည်နေရာချထားခြင်းကိစ္စကိုလည်း ဆွေးနွေးရန် စိတ်ဝင်စားသည်။ ၎င်းသည် အမေရိကန် ပြည်ထောင်စုသို့ မရောက်မီက လျှောက်ထားရသော လုပ်ငန်းအဆင့်ဆင့်နှင့် ပြည်တွင်းလုံခြုံရေး ဌာန(Department of Homeland Security) ၏ အင်တာဗျူးခြင်းကို ခံရသည်ဟု ဆိုသည်။ ကံကောင်းထောက်မစွာပင် အင်တာဗျူးစဉ်က ကြားမှ ဘာသာပြန်သူက အရေးကြီးသော ကိစ္စတွင် မှားယွင်း ဘာသာပြန်သည်ကို ယင်းက အင်္ဂလိပ်လို နားလည်သဖြင့် ချက်ချင်းသိရှိခဲ့သည်ဟု ဆိုသည်။ ၎င်းအား ဤတိုင်းပြည်သို့ အဘယ်ကြောင့် လာရောက် သနည်းဟု မေးမြန်းရာ မြန်မာနိုင်ငံတွင် နိုင်ငံရေးအကျဉ်းသားဖြစ်ခဲ့သည်ဟု ပြန်လည် ဖြေကြားခဲ့သည်ဟု ဆိုသည်။
ဘာသာပြန်သူက မျိုးမြင့်သည် အကျဉ်းသားဖြစ်သည်ဟု မေးမြန်းသူကို ပြောခဲ့ရာ နိုင်ငံရေးဆိုသည့် စကားလုံး မပါဝင်သည်ကို မျိုးမြင့်က သိရှိခဲ့သည်ဟု ပြောသည်။ အကယ်၍ မသိရှိခဲ့ပါက ယင်း၏ လျှောက်ထားမှုအတွက် အန္တရာယ် ရှိနိုင်သည်ဟု ပြောသည်။ ဆက်လက်ပြောကြားရာတွင် မြန်မာများနှင့် မြန်မာစကားပင် မပြောနိုင်သော တိုင်းရင်းသားများသည် အင်္ဂလိပ်စာတွင် အားနည်းကြကြောင်း၊ ဘာသာပြန်မှု၏ ဆိုးရွားမှုကြောင့် အကျုံးဝင်သော လျှောက်လွှာများ အပယ်ခံရနိုင်သည်ဟု ဆိုသည်။
ပြန်လည်နေရာချထားမှုအတွက် လျှောက်လွှာတင်ခြင်းလုပ်ငန်း အဆင့်ဆင့်ကို ဖြတ်သန်းရသော ဒုက္ခသည်များသည် အမေရိကန်သို့ မထွက်ခွာမီ ရှေးဦးယဉ်ကျေးမှုသင်တန်း ငါးရက် တက်ရောက်ရသည်။
မျိုးမြင့်က ယင်းအနေဖြင့် Fort Wayne သို့ ရောက်ပြီးနောက် သင်တန်း ငါးနာရီ ထပ်တက်ရကြောင်း ၊ ၎င်းအတွက်မူ အမေရိကန်ယဉ်ကျေးမှုကို လေ့လာခဲ့ပြီးဖြစ်၍ လုံလောက်သော်လည်း မလေ့လာထားသူများ အတွက်မူ မလုံလောက်ကြောင်း ပြောသည်။
မျိုးမြင့်သည် ကွန်ဂရက်သို့ တက်ရောက်မည့်အပြင် ဒုက္ခသည်ပြန်လည် နေရာချထားရေးရုံး၏ ၂၀၁၁ နှစ်ပတ်လည် National Consultation အစည်းအဝေးသို့ တနင်္လာနေ့နှင့် အင်္ဂါနေ့တွင် တက်ရောက်မည်ဖြစ်သည်။ ထိုအစည်းအဝေးတွင် ယင်းသည် အင်္ဂလိပ်အား ဒုတိယဘာသာအဖြစ် ပို့ချသော သင်တန်းများသည် ဒုက္ခသည်များအတွက် အရေးကြီးပုံကို ဆွေးနွေးမည် ဖြစ်သည်။
မျိုးမြင့်က ပြောကြားရာတွင် ဒုက္ခသည်စခန်းတွင် မျိုးဆက်နှစ်ခုသုံးခုခန့် နေထိုင်ခဲ့သူများသည် အလကား စားနေကျ ဖြစ်သည်။ ယင်းတို့ အမေရိကန်သို့ ရောက်လာရာတွင် ဖက်ဒရယ်မှ ထောက်ပံ့မှုကို ရက် (၉၀) သာရပြီး သက်ဆိုင်ရာမြို့နယ်သို့ အကူအညီအတွက် လျှောက်ထားရသည်။ နော်ဝေတွင် မြန်မာဒုက္ခသည်များသည် မတက်မနေရ နော်ဝေဘာသာ အတန်းတက်နေရချိန်တွင် နှစ်နှစ် ထောက်ပံ့ကြေး ရရှိကြသည်။ တက်ရန် ငြင်းဆိုသူများသည် တိုင်းပြည်မှ ထွက်ပေးရမည်ဖြစ်သည်။
“တချို့က ထင်နေကြတယ်၊ ဒီမှာ အလုပ်လုပ်စရာ မလိုဘူးလို့၊ အလုပ်လုပ်စရာ လိုပါတယ်၊ အလုပ်ရဖို့အတွက် တော့ အင်္ဂလိပ်လို ပြောရပါလိမ့်မယ်” ဟု မျိုးမြင့်က ဆက်လက်ပြောခဲ့သည်။
****************************************************
မြောက်ကိုရီးယားအတွက် သူလျှိုလုပ်မှုဖြင့် တောင်ကိုရီးယား ၅ ဦးကို ဖမ်းဆီး
(AFP News မှ 29 July 2011 ရက်စွဲပါ “Fire S.Koreans arrested for spying for N.Korea”ကို ဘာသာပြန်ဆိုသည်)
တောင်ကိုရီးယားအမှုလိုက်အရာရှိများက မြောက်ကိုရီးယားအတွက် သူလျှိုလုပ်ပေးနေသော လူ ၅ ဦးကို ဖမ်းဆီးလိုက်သည်ဟု သောကြာနေ့ သတင်းများက ဖော်ပြလိုက်သည်။
ကင်ဟုသာ အမည်ဖော်ပြထားသည့် အိုင်အီကုမ္ပဏီအကြီးအကဲတစ်ဦး ခေါင်းဆောင်သည့် လူငါးဦးကို တောင်ကိုရီးယားလုံခြုံရေးဥပဒေ ချိုးဖောက် မှုဖြင့် တရားစွဲဆိုထားသည်ဟု ယွန်ဟတ်သတင်းဌာနက ပြောကြားသည်။
ယင်းတို့ငါးဦးသည် မြောက်ကိုရီးယားအာဏာရ အလုပ်သမားပါတီမှ စပိုင်ယူနစ်၏ ညွှန်ကြားမှုအရ ကွန်မြူနစ် မြေအောက်လှုပ်ရှားမှု အဖွဲ့ကို ဖွဲ့စည်းသည်ဟု စွပ်စွဲခံထားရကြောင်း သိရှိရသည်။
အမှုလိုက်အရာရှိများမှာ အဆိုပါကိစ္စအတွက် မှတ်ချက်ပေးပြောဆိုခြင်းမရှိသေးပေ။ တောင်ကိုရီးယားတွင် သူလျှိုမှုဖြင့် ပြစ်ဒဏ်ပေးခံရပါက အမြင့်ဆုံး သေဒဏ်အထိ ကျခံနိုင်ကြောင်း သိရသည်။
မြောက်ကိုရီးယားအေးဂျင့်များနှင့် ဆက်သွယ်မှုကြောင့် တရားစွဲဆိုခြင်းခံရသော ကင် (အသက် ၄၈ နှစ်) သည် ၁၉၉၄ ခုနှစ် ဧပြီလမှစ၍ တရုတ်၊ ဂျပန်နှင့် အခြားနိုင်ငံများသို့ ခရီးထွက်စဉ် ၁၀ ကြိမ်ထက်မနည်း တွေ့ဆုံခဲ့ခြင်းဖြစ်ပြီး အခြားဖမ်းဆီးထားသူများထဲတွင် အတိုက်အခံ ပါတီ ဝင်ဟောင်း တစ်ဦး ပါဝင်သည်ဟု ယွန်ဟတ်သတင်းဌာနက ကြေညာသည်။
ပေါင်းစည်းရေးလှုပ်ရှားမှုများ၊ အတိုက်အခံပါတီဝင်များ အပါအဝင် လူပေါင်း ၂၀ ခန့်ကို ကင်၏ သူလျှိုမှုတွင် ပါဝင် ပတ်သက်မှုရှိ မရှိ အာဏာပိုင် များက စုံစမ်းဖော်ထုတ်နေသည်ဟု ယွန်ဟတ်သတင်းဌာနက သတင်းထုတ်ပြန်သည်။
**************************************************
အိန္ဒိယကားဈေးကွက်ရှယ်ယာတိုးမြှင့်ရရှိရန် စက်ရုံသစ်ထပ်မံဖွင့်လှစ်မည်ဟု ဖို့ဒ်ကုမ္ပဏီကြေညာ
(BBC သတင်းကို ဘာသာ ပြန်ဆိုသည်)
အိန္ဒိယနိုင်ငံ မော်တော်ကားဈေးကွက်၏ ကြီးမားသော အစုရှယ်ယာ ရယူနိုင်ကြိုးပမ်းသည့်အနေဖြင့် မော်တော်ကား ထုတ်လုပ်ရေးစက်ရုံသစ် တစ်ခု ထပ်မံ တည်ဆောက်ရန် အမေရိကန်နာမည်ကျော် Ford မော်တော်ကုမ္ပဏီက စီစဉ်လျက်ရှိကြောင်း သိရသည်။
Ford ကုမ္ပဏီအဆိုအရ ဂူဂျာရက်ပြည်နယ် အနောက်ပိုင်းဒေသတွင် ဒေါ်လာ ၁ ဘီလီယံ ရင်းနှီးမြှုပ်နှံကာ စက်ရုံသစ်တစ်ခု တည်ဆောက်မည် ဖြစ်ပြီး ယင်းစက်ရုံသည် အိန္ဒိယနိုင်ငံတွင်း ဒုတိယမြောက် မော်တော်ကား ထုတ်လုပ်ရေး စက်ရုံဖြစ်သည်။
Ford မော်တော်ကားကုမ္ပဏီသည် လာမည့်လေးနှစ်အတွင်း ကမ္ဘာ့ဈေးကွက်သို့ တင်ပို့ရောင်းချမှု ၅၀ ရာခိုင်နှုန်းကျော်အထိ မြှင့်တင် သွားရန် ကြိုးစားနေစဉ် အိန္ဒိယ၌ စက်ရုံသစ်တစ်ခု တည်ဆောက်မည်ဟု ကြေညာလိုက်ခြင်း ဖြစ်သည်။ အိန္ဒိယသည် ကမ္ဘာပေါ်တွင် မော်တောကား ဈေးကွက် လျင်မြန်စွာကြီးမားလျက်ရှိသော နိုင်ငံတစ်ခု ဖြစ်သည်။
“နောက်ဆုံးပေါ်အဆင့်မြင့်နည်းပညာသုံးပစ္စည်းတွေက ကမ္ဘာ့လုံးချီဈေးကွက်မှာ ငါးနှစ်ခန့်ကာလအတွင်း ၅၀ ရာခိုင်နှုန်းထိ တိုးမြှင့် ရောင်းချ ရေး ဆိုတဲ့ ရည်မှန်းချက်ပန်းတိုင်ကို ရောက်အောင်အကူအညီပေးပါလိမ့်မယ်။ တစ်နှစ်ကို မော်တော်ယာဉ်စီးရေ ရှစ်သန်းခန့်တင်ပို့ရောင်းချနိုင်ဖို့ ဦးတည်ထားတာပါ” ဟု Ford India ၏ ဥက္ကဋ္ဌနှင့် မန်နေးဂျင်းဒါရိုက်တာ Michael Boneham က ပြောကြားသည်။
အိန္ဒိယနိုင်ငံ၏ စီးပွားရေး အဆမတန်ကြီးထွားလာမှုကြောင့် တန်ဖိုးမြင့်ပစ္စည်းများ (အဓိကအားဖြင့် မော်တော်ကားများ) အပေါ်ဝယ်လိုအား လည်း မြင့်တက်လာသည်ကိုတွေ့ရသည်။ ပြီးခဲ့သည့် ၂၀၁၀ ပြည့်နှစ်အတွင်း အိန္ဒိယနိုင်ငံတွင်းမော်တော်ကားရောင်းချမှုမှာ ၃၀ ရာခိုင်နှုန်းထိမြင့်တက်ခဲ့ သည်။ သို့အတွက်ကြောင့် အိန္ဒိယသည် မော်တော်ကားထုတ်လုပ်သူ ကုမ္ပဏီများအတွက် ဆွဲဆောင်မှုရှိသော ဈေးကွက်တစ်ခုဖြစ်လာသည်။ ဇူလိုင် ၂၇ ရက်နေ့တွင်မူ ကမ္ဘာ့အကြီးဆုံး မော်တော်ကားကုမ္ပဏီဖြစ်သည့် တိုယိုတာက အမေရိကန်ဒေါ်လာ သန်း ၂၂၀ ခန့် ရင်းနှီးမြှုပ်နှံပြီး ၂၀၁၃ ခုနှစ်မှစ၍ အိန္ဒိယနိုင်ငံတွင်း မော်တော်ကားထုတ်လုပ်မှု နှစ်ဆခန့်မြင့်တက်အောင် စီစဉ်ထားကြောင်း ထုတ်ဖော်ပြောကြားသည်။
Ford မော်တော်ကားကုမ္ပဏီသည် အိန္ဒိယနိုင်ငံသို့ဝင်ရောက်ပြီး မော်တော်ကားထုတ်လုပ်မှုများပြုလုပ်ခဲ့သည်မှာ ၁၀ နှစ်ကျော်ခန့်ရှိပြီဖြစ်သည်။ Ford က နောက်ဆုံးထုတ်လုပ်လိုက်သည့် မော်ဒယ်မြင့်ကားများမှာ ယခုနှစ် ပထမခြောက်လအတွင်း ရောင်းအားအဆမတန်မြင့်တက်ခဲ့သည်။
**********************************************
ရဟတ်ယာဉ်များ ပစ်ချခံရသည်ဆိုခြင်းကို ထိုင်းတပ်မှူးငြင်း
(Bangkok Posts မှ 29 July 2011 ရက်စွဲပါ "1st army commander denies choppers were shot down" ကို ဘာသာပြန်ဆိုသည်)
ထိုင်း-မြန်မာ နယ်စပ်အနီး ပျက်ကျခဲ့သောရဟတ်ယာဉ် ၃ စင်းမှာ ပစ်ချခံရခြင်းဖြစ်သည်ဟူသော သတင်းကို ထိုင်းစစ်တပ် တပ်မှူးတစ်ဦးက ၂၈ ရက်နေ့က ငြင်းဆိုလိုက်သည်။
ပက်ချာဘူရီပြည်နယ်မှ ကိန်ကရာချန်သစ်တောကြိုးဝိုင်းအတွင်းရဟတ်ယာဉ် ပျက်ကျသည့်နေရာများတွင် ပစ်ခတ်ထားသည့် ခဲယမ်းမီး ကျောက် အစအနများမတွေ့ရဟုဒုတိယဗိုလ်ချုပ်ကြီး အူဒုံဒက် ဆီတာဘွတ်က ပြောကြားသည်။
ပထမရဟတ်ယာဉ်နှစ်စင်းမှာ ဇူလိုင် ၁၆ ရက်နှင့် ၁၉ ရက်များတွင် အသီးသီး ပျက်ကျခဲ့ပြီး တတိယမြောက် ရဟတ်ယာဉ်မှာ တနင်္ဂနွေနေ့တွင် ပျက်ကျခဲ့ခြင်းဖြစ်သည်။
"ကျွန်တော်တို့ရဲ့ ရဟတ်ယာဉ်တွေကို ဒီနယ်မြေမှာ ဘယ်သူကမှ ပစ်ချလို့မရနိုင်ဘူးလို့ ကျွန်တော် အသေအချာ ပြောနိုင်ပါတယ်။ မြန်မာ စစ်တပ်နဲ့ ဆက်ဆံရေးကလည်း ကောင်းနေပါတယ်။ သူတို့က အကူအညီလည်း ပေးကြပါတယ်။ တိုင်းရင်းသားလက်နက်ကိုင်တွေကို ပြောမယ်ဆိုရင် လည်း သူတို့က ဒီနယ်မြေထဲမှာ ရှိတောင် မရှိကြပါဘူး" ဟု ဒုတိယ ဗိုလ်ချုပ်ကြီးအူဒုံဒက်က ဆိုသည်။
"ဒီလိုမှန်းဆပြောဆိုမှုတွေ ရှိလာတာဟာ ဒုတိယရဟတ်ယာဉ် ပျက်ကျအပြီးမှာ မြန်မာဖက်ခြမ်းက သေနတ်သံတွေကို ရွာသားအချို့ကြားခဲ့ တာကြောင့်ပါ" ဟုယင်းက ဆက်လက်ပြောသည်။
အဆိုပါနယ်စပ် သစ်တောကြိုးဝိုင်းအတွင်း ကယ်ဆယ်ရေးတာဝန် ထမ်းဆောင်နေစဉ် ပထမအကြိမ်တွင် Huey ရဟတ်ယာဉ်၊ ဒုတိယ အကြိမ် တွင် Black Hauk ရဟတ်ယာဉ်၊ တတိယအကြိမ်တွင် Bell 212 ရဟတ်ယာဉ် အားလုံး ပျက်ကျခဲ့ရာစစ်သား ၁၆ ဦး၊ ဓာတ်ပုံဆရာတစ်ဦး အသက် ဆုံးရှုံးခဲ့ရပြီး စစ်သားတစ်ဦး ဒဏ်ရာရရှိခဲ့သည်။
ရဟတ်ယာဉ်ပဲ့ပိုင်းပန်ကာချို့ယွင်းမှုကြောင့် နောက်ဆုံး Bell 212 ရဟတ်ယာဉ်ပျက်ကျမှုတွင် အသက်ရှင်ကျန်ရစ်ခဲ့သူ စက်ပြင်တပ်ကြပ်ကြီး ဆာဂျင် ပါသာနာဖွန် တုန်ချန်က ငှက်နှင့် တိုက်မိခြင်းကိုအကြောင်းရင်းဟု မထင်ကြောင်းပြောကြားခဲ့သည်။
ပဲ့ပိုင်းပန်ကာချို့ယွင်းသွားပြီး စက္ကန့် ၃၀ အတွင်း ပျက်ကျခဲ့ခြင်းဖြစ်ကာ မီးလောင်နေသော ရဟတ်ယာဉ်ပျက် အတွင်းမှ ဆွဲထုတ်ကယ်ဆယ် ခဲ့ကြသူ ဒေသခံများ၏ ရဲရင့်မှုကြောင့်သာ မိမိအသက်ရှင်ခဲ့ရခြင်း ဖြစ်သည်ဟု ဆာဂျင် ပါသာနာဖွန်က ဆက်လက် ပြောကြားသည်။
ပါသာနာဖွန်၏ ကျောရိုးဒဏ်ရာကို ၃ လခန့် အချိန်ယူ ကုသရမည်ဟု ဆရာဝန်များက ပြောကြားထားပြီး ယင်းကမူ ၆ လအတွင်းအလုပ် ပြန်ဝင်ရန် မျှော်လင့်လျက် ရှိသည်။
*****************************************
တောင်တရုတ်ပင်လယ်ကိစ္စ အာဆီယံ၏ ညီညွတ်မှု ဖိလစ်ပိုင်လိုလား
(AP သတင်းမှ 30 July 2011 ရက်စွဲပါ "Philippines Wants SE Asian Unity on Sea row" ကို ဘာသာ ပြန်ဆိုသည်)
အငြင်းပွားနေသော တောင်တရုတ်ပင်လယ်တွင် တရုတ်က နယ်မြေပိုင်ဆိုင်မှုအတွက် တိုး၍ အင်အားသုံးရန်စ လာရာ အဆိုပါကိစ္စပူးတွဲ ဖြေရှင်းနိုင်ရေးအတွက် ဒေသတွင်းအာဆီယံ၏ ကျောထောက်နောက်ခံရရှိရေးကို ကြိုးစားသွားမည်ဟု ဖိလစ်ပိုင်က သောကြာနေ့က ပြောကြားလိုက် သည်။
အာဆီယံနိုင်ငံများမှ ဥပဒေပညာရှင်များသည် မနီလာတွင် စက်တင်ဘာလက အဆိုပြုချက်အား ဆွေးနွေးမည်ဟု နိုင်ငံခြားရေးဌာနမှ ပြောခွင့်ရ ပုဂ္ဂိုလ် Raul Hernandez က သတင်းထောက်များအား ပြောကြားခဲ့သည်။
ရည်ရွယ်ချက်မှာ တဖြည်းဖြည်းနှင့် အာဆီယံ ၁၀ နိုင်ငံ၏ ထောက်ခံမှုကို ရရှိနိုင်ရန်နှင့် ထို့နောက်တွင် တရုတ်ကပါ သဘောတူရန်ဟု ယင်းက ဆိုသည်။ သယံဇာတကြွယ်ဝပြီး အငြင်းပွားနေသော နယ်မြေအတွက် အဆိုပြုချက်ကို အသေးစိတ်ရှင်းပြ၍ ထောက်ခံမှုရရန် ရည်ရွယ်သည်ဟု ၎င်းက ပြောသည်။
"တကယ်လို့ ကျွန်တော်တို့က အငြင်းပွားနေမှုရဲ့ သရုပ်သဏ္ဍာန်ကို အဓိပာယ် ဖွင့်ဆိုနိုင်ခဲ့မယ်ဆိုရင် ဒီဧရိယာအတွက် နှစ်ဖက်ပူးတွဲ အဖြေရှာ လို့ ရမှာပါ" ဟု Hernandez က ပြောသည်။
အငြင်းပွားမှုတွင် မပါဝင်သော ဧရိယာများကိုမူ ပိုင်ဆိုင်သော သက်ဆိုင်ရာနိုင်ငံများက သီးသန့်ထိန်းသိမ်းခွင့် ရသင့်သည်ဟုလည်း ယင်းက ဆက်လက် ပြောသည်။
တောင်တရုတ်ပင်လယ်အတွင်းရှိ ရေနံရှိသည်ဟု ယူဆရသော ပါရာဆယ်နှင့် စပရက်တလေကျွန်းအုပ်စုများကို ပြိုင်ဆိုင်တောင်းဆိုခဲ့ကြ ခြင်းကြောင့် ပြီးခဲ့သည့်လများအတွင်း တင်းမာမှုများ မြင့်တက်ခဲ့ပြီး ဒေသတွင်းအိမ်နီးချင်းများက တရုတ်၏ ရန်လိုသော အပြုအမူများအပေါ် စွပ်စွဲမှုများ ပြုလုပ်ခဲ့ကြသည်။
အဆိုပါဒေသများသည် ကူးသန်းရောင်းဝယ်ရေးသင်္ဘောများ၏ အရေးကြီးသောလမ်းကြောင်းလည်း ဖြစ်၍ တရုတ်၊ တိုင်ဝမ်နှင့် အာဆီယံ အဖွဲ့ဝင်များ ဖြစ်သော ဘရူနိုင်း၊ မလေးရှား၊ ဖိလစ်ပိုင်နှင့် ဗီယက်နမ်တို့က ဝိုင်းဝန်း တောင်းဆိုလျက်ရှိသည်။
သို့သော် တောင်တရုတ်ပင်လယ်တစ်ခုလုံး ပိုင်ဆိုင်မှုကို တရုတ်က ထိန်းသိမ်းထားလျက်ရှိပြီး အရှေ့တောင် အာရှနိုင်ငံများ၏ ကမ်းရိုးတန်း သို့ပင် ချဉ်းကပ်လာသည်။
ပြီးခဲ့သည့်အပတ်က ဝန်ကြီးအဆင့် အစည်းအဝေးတွင် အဆိုပါပင်လယ်နှင့်ပတ်သက်သော ဥပဒေရေးဆွဲရေး အတွက် မူချမှတ်နိုင်ရန် လမ်းညွှန်ချက်များ ရေးဆွဲရန် တရုတ်နှင့် အခြားအာဆီယံအဖွဲ့ဝင်များကလည်း သဘောတူ ခဲ့ကြသည်။ သို့သော်တရုတ်က အငြင်းပွားမှုကို နိုင်ငံစုံ ဝိုင်းဝန်း အဖြေရှာရေး ကြိုးပမ်းမှုကိုအစဉ်တစိုက် ပယ်ချခဲ့သည်။
တရုတ်သည် နှစ်နိုင်ငံ ညှိနှိုင်းခြင်းကိုသာ ပို၍ နှစ်သက်ပြီး အခြားနိုင်ငံများက နှစ်နိုင်ငံဆွေးနွေးပါက တရုတ်သည် သွေးခွဲ၍ အနိုင်ယူချဉ်းကပ်မှု ပြုလုပ်ရုံမက ယင်းတို့၏ ညှိနှိုင်းမှုတွင် အပေးအယူလုပ်နိုင်စွမ်းကို လျော့နည်းစေကြောင်း စိုးရိမ်နေလျက် ရှိသည်။
အကယ်၍ ဖိလစ်ပိုင်၏ အဆိုပြုချက်ကို အကျယ်ချဲ့ခဲ့လျှင် အာဆီယံ၏ အကြီးတန်းတာဝန်ရှိသူများ ပထမဦးစွာ ဆွေးနွေးပြီး တဖြည်းဖြည်း နိုင်ငံခြားရေး ဝန်ကြီးများအထိ ဆွေးနွေးမည်ဟု Hernandez က ဆိုသည်။ ထို့နောက် နောက်ထပ် စိန်ခေါ်မှုမှာ တရုတ်ကို အားလုံးအားနှင့် နှင်ထုတ်ခြင်း ဖြစ်သည်ဟု ယင်းကပင် ဆက်လက် ဖြည့်စွက်ပြောသည်။
"တရုတ်ဟာ အာဆီယံရဲ့ အသံရော၊ နိုင်ငံတကာအသိုင်းအဝိုင်းရဲ့ အသံကိုပါ နားထောင်လိမ့်မယ်လို့ ကျွန်တော် မျှော်လင့်ပါတယ်" ဟု ယင်းက ပြောကြားသွားသည်။
*******************************************
Google Docs makes it easy to create, store and share online documents, spreadsheets and presentations.
