Posts
 | yangonchronicle 2011 |
၃၁.၇.၂၀၁၁
ပြည်တွင်းသတင်းများ
ထောက်လှမ်းရေးလက်ဟောင်းများအား နိုင်လုံ ညွှန်ကြားမှုဖြင့် စောင့်ကြည်မှုများရှိလာ
၂၀၀၃ ခုနှစ်က အာဏာအလွှဲသုံးစားလုပ်မှု၊အဂတိလိုက်စားမှုတို့ဖြင့် နေအိမ်အကျယ်ချုပ် ချထားခြင်းခံရသော ဗိုလ်ချုပ်ကြီးဟောင်း ခင်ညွှန့်၏ ထောက်လှမ်းရေး တပ်ဖွဲ့ဝင်ဟောင်းများအား နိုင်ငံတော်လုံခြုံရေးအဖွဲ့၏ ညွှန်ကြားချက်ဖြင့် စစ်ဖက်ရေးရာတပ်ဖွဲ့ဝင်များက စောင့်ကြည့်မှုများ ရှိလာ ကြောင်း သိရသည်။
ယင်းသို့ စောင့်ကြည့်မှုများမှာ ၂၀၀၃ ခုနှစ်မှ ယခုအချိန်ကာလအတွင်းတွင် ပထမဆုံးအကြိမ် ဖြစ်ကာ ဗိုလ်မှူး ကြီးဟောင်းစန်းပွင့်နှင့် အပေါင်းပါ ၅ ဦးအား အကျဉ်းကျနေရာမှ လွှတ်ပေးလိုက်ပြီးနောက်တွင် ဖြစ်ပေါ်လာခြင်းဖြစ်ကြောင်း သိရသည်။
စစ်မဟာဗျူဟာလေ့လာရေးဌာနမှ အရာခံဗိုလ်အဆင့်ဖြင့် အငြိမ်းစားယူထားသူတစ်ဦးက “ဒီလိုဖြစ်ရတာက ဦးစန်းပွင့်နဲ့ အဆက်ပြန်ရမှာစိုးလို့ ထင်ပါတယ်။ စောင့်ကြည့်ခံရသူ အများစုကလည်း ဦးစန်းပွင့်နဲ့ ထဲထဲဝင်ဝင် Deal လုပ်ဖူးတဲ့သူ များပါတယ်။ အခုအချိန်ထိတော့ စောင့်ကြည့်ခံရတာပဲ ကြား သေးတယ်။ ဖမ်းတာ၊ ဆီးတာ၊ လာခေါ်သွားတာတော့ မရှိသေးပါဘူး”ဟု ပြည်တွင်းသို့ ဖုန်းဆက်မေးမြန်းခြင်းအား ပြန်လည် ဖြေကြားသည်။
NLD ပါတီဝင်များ လှုပ်ရှားမှုရှိသည့် ဒေသများတွင် နေထိုင်သော ထောက်လှမ်းရေးတပ်ဖွဲ့ဝင်ဟောင်းများအား သတိထားစောင့်ကြည့်ကြောင်း ယင်းက ဆက်လက်ပြောကြားသည်။
“ကျွန်တော့်ကိုတော့ ပေါ်ပေါ်တင်တင် စောင့်ကြည့်တာ မရှိဘူး။ လက်ရှိက ဒီလိုဖြစ်တော့ ကလေးတွေ အနေရအထိုင်ရ ကျပ်မှာစိုးလို့ မိဘအိမ် ပြောင်းနေတာ သူတို့က နှစ်အိမ်လုံးကို စောင့်ကြည့်နေကြတယ်”ဟု ဆိုသည်။
၂၀၁၃၊ သြဂုတ်မှစ၍ မြန်မာတစ်နိုင်ငံလုံးတွင် တာဝန်ထမ်းဆောင်နေသော တပ်မတော် ထောက်လှမ်းရေး တပ်ဖွဲ့ဝင်များ၊ စစ်မဟာဗျူဟာ လေ့လာရေးဌာနကြီးမှ ဝန်ထမ်းများနှင့် အခြားသက်ဆိုင်သော ဝန်ထမ်းများအား ပြစ်မှုအမျိုးမျိုးဖြင့် စွဲချက်တင်ကာ ထောင်ဒဏ် နှစ် ၂၀ မှ နှစ် ၁၀၀ အထိ ထောင်ချခဲ့သည်။
YC(KS)
-------------------------------------------------------------------------------------------------------------
ပုဂ္ဂလိကရခိုင်ရေကြောင်းသင်္ဘောခ ၆ ဆ တိုးမြှင့်ကောက်ခံ
ရခိုင်ပြည်နယ်အတွင်း အရေးပါသည့် ရေကြောင်းလိုင်းများကို ပုဂ္ဂလိကသို့ ငှားရမ်းလိုက်ပြီး နောက်ပိုင်း သင်္ဘောခများကို ၆ ဆထိ တိုးမြှင့် ကောက်ခံနေသဖြင့် ခရီးသွားပြည်သူများ ကြုံတွေ့နေကြရကြောင်း ဒေသခံမျာဒ၏ ပြောကြားချက်အရ သိရသည်။
ရခိုင်ပြည်နယ်အတွင်း လူသွားလူလာ အများဆုံး ရေကြောင်းလိုင်းတစ်ခုဖြစ်သည့် စစ်တွေ- ဘူးသီးတောင် သင်္ဘောလိုင်းကို ပြည်ခိုင်ဖြိုးပါတီမှ ပိုင်ဆိုင်သော သီဟရာဇာ ကုမ္ပဏီက ရရှိပြီးနောက် သင်္ဘောခကို ထိုသို့ ၆ ဆထိ တိုးမြှင့် ကောက်ခံလိုက်ခြင်းဖြစ်ကြောင်း သိရသည်။
ထို့အတူ စစ်တွေ- မြောက်ဦး ရေကြောင်းလိုင်းနှင့် စစ်တွေ-တောင်ကုတ် သင်္ဘောလိုင်းများတွင်လည်း သင်္ဘောခများကို တိုးမြှင့်လိုက်ကြောင်း သိရ သည်။
ထိုင်ခုံဖြင့် ထိုင်လိုလျှင် ထိုင်ခုံတစ်လုံးကို ခရီးစဉ်အလိုက် ကျပ် ၁၀၀၀ မှ ၃၀၀၀ ထိပေးဆောင်ကြရပြီး၊ သီးသန့်အခန်းဖြင့် သွားလိုလျှင် အခန်းငှါးခ အဖြစ် ကျပ် ၃၀၀၀ မှ ၆၀၀၀ အထိ အသီးသီးပေးဆောင်ကြရကြောင်း ဒေသခံများက ပြောကြားသည်။
ဒေသခံ သတင်းရပ်ကွက်များ၏ အဆိုအရ ရခိုင်ပြည်နယ်အတွင်း အဓိက အရေးပါသည့် ရေကြောင်းလိုင်း ၃ ခုတွင် ခရီးသည်သာမက ကုန်ပါ တင်ဆောင် ပြေးဆွဲနေသည့် သင်္ဘော (၉)စီးကို ပြည်တွင်းရေကြောင်းဦးစီး ဌာနမှ ပုဂ္ဂလိက ကုမ္ပဏီများသို့ ယခုလ (၁၂)ရက်နေ့တွင် ခြောက်လစာချုပ်ဖြင့် လွှဲပြောင်း ငှားရမ်းလိုက်ကြောင်း သိရှိရသည်။
၎င်းရေကြောင်းလိုင်းသုံးခုတွင် (၂၂၄)မိုင် အကွာအဝေးရှိသည့် စစ်တွေ-တောင်ဂုတ် ရေကြောင်းတွင် ဆွဲနေသည့် သင်္ဘော (၃)စီးကို ဦးကျောက် တောင်ကုမ္ပဏီ၊ မိုင် ၈၀ အကွာအဝေးရှိသည့် စစ်တွေ - ဘူးသီးတောင် ရေကြောင်းတွင် ဆွဲနေသည့် တခြားသင်္ဘော ၃ စီးကို သီဟရာဇာကုမ္ပဏီနှင့် မိုင် (၄၀) ကွာဝေးသည့် စစ်တွေ-မြောက်ဦး ရေကြောင်းတွင် ဆွဲနေသည့် ကျန်သင်္ဘော (၃)စီးကို ဦးသိန်းစိုး ကုမ္ပဏီသို့ အသီးသီး လွှဲပြောင်း ငှားရမ်း လုပ်ပိုင်ခွင့် ပေးထားခြင်းဖြစ်ကြောင်း သိရှိရသည်။
-------------------------------------------------------------------------------------------------------------
ချယ်ရီဝက်ဂွန် တစ်လလျှင် အစီးရေ ၁၀၀ ဝန်းကျင်နှုန်းဖြင့် ရောင်းချသွားမည်
မြန်မာ မီနီဆလွန်း(ချယ်ရီဝက်ဂွန်) မော်တော်ယာဉ်အစီးရေ ၃၀၀ ကျော် ရောင်းချပြီးဖြစ်ကြောင်းနှင့် ဆက်လက်၍ တစ်လလျှင် အစီးရေ ၁၀၀ ၀န်းကျင်နှုန်းဖြင့် ဆက်လက် ရောင်းချသွားမည် ဖြစ်ကြောင်း အမှတ်(၂) စက်မှုဝန်ကြီးဌာနမှ တာဝန်ရှိသူတစ်ဦး၏ ပြောကြားချက်အရ သိရသည်။
လက်ရှိအချိန်တွင် ငွေကျပ် ၅၅ သိန်းတန် မြန်မာမီနီဆလွန်း မော်တော်ယာဉ်များကို ထုတ်လုပ်နိုင်မှု ပမာဏ နည်းနေသေးသည့်အတွက် ဝယ်ယူ လိုသူများထံ စိစစ်ရောင်းချပေးလျက်ရှိကြောင်း၊ နောက်ပိုင်းတွင် သုံးစွဲလိုသူများ လွတ်လပ်စွာ ဝယ်ယူနိုင်ရန်အတွက် မော်တော်ယာဉ်များကို တိုးမြှင့် ထုတ်လုပ်သွားနိုင်ရန် စီစဉ်လျက်ရှိကြောင်း ယင်းက ဆိုသည်။
ယခုအခါ မြန်မာမီနီ ဆလွန်းမော်တော်ယာဉ် လျှောက်ထားသူ အရေအတွက် ၄၀၀၀၀ ကျော် ရှိနေပြီဖြစ်ကြောင်း၊ အဆိုပါ လျှောက်ထားသူများ အနက် အမှန်တကယ် စီးနင်းမည့် လျှောက်ထားသူများကို ရွေးချယ်ချထားပေးမှုများ ပြုလုပ်သွားမည်ဖြစ်ကြောင်း၊ ဝယ်ယူခွင့်ရရှိသူများကိုလည်း ပြန်လည် ရောင်းချမှုများ မပြုလုပ်ကြရန် အသိပေးမှုများ ပြုလုပ်ထားကြောင်း သိရသည်။
အဆိုပါ မော်တော်ယာဉ်များကို အမှတ်(၂)စက်မှုဝန်ကြီးဌာနသို့ လျှောက်ထားနိုင်ပြီး ဝန်ကြီးရုံးမှ စိစစ်ချထား ပေးလျက်ရှိကြောင်းနှင့် အဆိုပါ မော်တော်ယာဉ်များကို ၂၀၁၀ ပြည့် နှစ်အတွင်း စတင်ထုတ်လုပ်ခဲ့ခြင်းဖြစ်ပြီး တရုတ်ကုမ္ပဏီတစ်ခုနှင့် ပူးပေါင်း ထုတ်လုပ်နေခြင်းဖြစ်ကြောင်း သိရသည်။
Ref; popular News
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
အာဆီယံပေါင်းစည်းဗီဇာ မြန်မာ အသံတိတ်
အရှေ့တောင်အာရှ ၁၀ နိုင်ငံကို ဗီဇာတစ်ခုတည်းဖြင့် သွားလာနိုင်မည့် အာဆီယံ ပေါင်းစည်းဗီဇာနှင့် ပတ်သက်၍ အခြားအာဆီယံနိုင်ငံများ အကြား ဆွေးနွေးမှုများရှိနေသော်လည်း မြန်မာနိုင်ငံဘက်မှ မည်သည့်တုံပြန်မှုမျှ မရရှိသေးကြောင်း အာဆီယံ အထွေထွေအတွင်းရေးမှုး ဒေါက်တာ ဆူရင် ပစ်ဆူဝမ်က ပြောကြားသည်။
အင်ဒိုနီးရှားနိုင်ငံ ဘာလီကျွန်းတွင် ဇူလိုင် ဒုတိယအပတ်အတွင်း အာဆီယံ ဒေသတွင်း အစည်းအဝေး ကျင်းပနေစဉ်အတွင်း အရှေ့တောင်အာရှ နိုင်ငံအချို့နှင့် တွေ့ဆုံသော သီးသန့်အင်တာဗျူးတစ်ခုတွင် ထိုသို့ပြောကြားခဲ့ခြင်း ဖြစ်သည်။
ယင်းဗီဇာနှင့် ပတ်သက်၍ အထက်ပါအစည်းအဝေးတွင် အနည်းငယ်မျှဆွေးနွေးခဲ့သော်လည်း မြန်မာနိုင်ငံသည် ပေါင်းစည်းဗီဇာတွင် ပါဝင်ရန် အဆင်သင့်မဖြစ်နိုင်သေးကြောင်း ခရီးသွားဆိုင်ရာ လေ့လာသုံးသပ်သူများက ဆိုကြသည်။
အာဆီယံနိုင်ငံအတွင်းတွင် စင်ကာပူ၊ ထိုင်း၊ အင်ဒိုနီးရှား၊ မလေးရှား၊ ဗီယက်နမ်၊ ဘရူနိုင်း စသည့်နိုင်ငံများ အချင်းချင်းသာ ဗီဇာမလိုဘဲ သွား ရောက်ခွင့်ရှိနေပြီး ကျန်နိုင်ငံများနှင့်မူ ဗီဇာဖြင့်သာ သွားရောက်ရသဖြင့် ဗီဇာမလိုဘဲ သွားလာခွင့်ကို အာဆီယံနိုင်ငံများအချင်းချင်း ဦးစွာစဉ်းစားသင့် ကြောင်း ဆူရင်ကဆိုသည်။
“အခုက ထိုင်းနဲ့ မြန်မာနဲ့တောင် ဗီဇာ မပါဘဲသွားလို့ရလို့လား”ဟု ၎င်းက ပြောသည်။
မြန်မာနိုင်ငံတွင် ယမန်နှစ်က ကမ္ဘာ့လှည့်ခရီးသွားများကို ဆိုက်ရောက်ဗီဇာထုတ်ပေးခဲ့သော်လည်း ၂၀၁၀ နိုဝင်ဘာရွေးကောက်ပွဲ မတိုင်မီ ပြန်လည်ဖျက်သိမ်းသည်။
မြန်မာနိုင်ငံသည် အာဆီယံနိုင်ငံများတွင် ကမ္ဘာလှည့်ခရီးသွား အနည်းဆုံးလာရောက်သော နိုင်ငံများအနက်တစ်ခုဖြစ်ပြီး ဗီဇာထုတ်ပေးမှု တင်းကျပ်ခြင်း၊ ခရီးသွားလုပ်ငန်းဆိုင်ရာ ကြော်ငြာအား၊ အရောင်းမြှင့်တင်အားနည်းခြင်း၊ နိုင်ငံရေး မတည်ငြိမ်မှုကြောင့် မလုံခြုံဟု ယူဆခြင်းတို့ကြောင့် ခရီးသွားများ လာရောက်ခြင်းနည်းပါးကြောင်း လေ့လာသုံးသပ်သူ အချို့က ဆိုသည်။
“မြန်မာက ခရီးသွားများများလာဖို့ထက် လုံခြုံရေးဘက်ကို ပေါ်လစီကဇောင်းပေးတဲ့အတွက် ဗီဇာကျပ်တယ်။ ခရီးသွားဝန်ကြီးဌာနက ဘယ် လောက်လုပ်ချင်ချင် ပြည်ထဲရေးက ဗီဇာကျပ်ရင် ဘာမှ လုပ်လို့မရဘူး”ဟု ပြည်တွင်း ခရီးသွားလုပ်ငန်းတစ်ခုမှ ဒါရိုက်တာတစ်ဦးက ဆိုသည်။
မြန်မာ့ ခရီးသွားလုပ်ငန်းတိုးတက်ရေးအတွက် ပုဂံတွင် ခရီးသွားလုပ်ငန်းကွန်ဖရင့်တစ်ခုကို နိုဝင်ဘာလအတွင်း ကျင်းပသွားရန်ရှိကြောင်း ပြီးခဲ့သော ရက်သတ္တပတ်ထုတ် မြန်မာတိုင်းမ် သတင်း အင်္ဂလိပ်ပိုင်းတွင် ရေးသားထားသည်။
TH
-------------------------------------------------------------------------------------------------------------
တိုင်းရင်းသားရေးရာ ကျွမ်းကျင်သူမရှိသဖြင့် ဗိုလ်မှူးကြီးစန်းပွင့်အား ခေါ်ဆောင်ရခြင်းဟုဆို
မြန်မာအစိုးရနှင့် တိုက်ပွဲများဖြစ်ပွားနေသော တိုင်းရင်းသား လက်နက်ကိုင်တပ်ဖွဲ့တို့အကြား ကျွမ်းကျင်စွာညှိနှိုင်းပေးမည့်သူ မရှိသောကြောင့် ဗိုလ်မှူးကြီးစန်းပွင့်အား သရက်ထောင်တွင် အကျဉ်းကျနေရာမှ ခေါ်ဆောင်ရခြင်းဖြစ်သည်ဟု ထောက်လှမ်းရေးနှင့်နီးစပ်သည့် အသိုင်းအဝိုင်းမှ သိရသည်။
ဦးခင်ညွှန့်လက်ထက်က တိုင်းရင်းသားရေးရာတာဝန်ခံအဖြစ် တာဝန်ယူခဲ့သော ဗိုလ်ချုပ်ကျော်သိန်းမှာ အကျဉ်းကျနေရင်း ဆုံးပါးသွားခဲ့သော ကြောင့် ဒု-တိုင်းရင်းသားရေးရာ တာဝန်ခံဖြစ်သည့် ဗိုလ်မှူးကြီးစန်းပွင့်ဦးဆောင်၍ တိုင်းရင်းသားရေးရာကိစ္စများကို ညှိနှိုင်းရခြင်းဖြစ်ကြောင်း သိရသည်။
“လက်နက်ကိုင်တပ်ဖွဲ့တွေနဲ့ စေ့စပ်ဖို့ ဦးစန်းပွင့်က သူ့ရဲ့တွဲဘက်တွေကိုအရ ပြန်ခေါ်သွားတာပဲ။ ဒီလိုခေါ်ဖို့အတွက် တော်တော်လေး ညှိလိုက် ရမယ်။ ဒါပေမယ့် သူတို့ ငါးယောက်ကို အိမ်ပြန်မပို့သေးဘူးလို့ ကြားတယ်”ဟု သတင်းရင်းမြစ်က ဆိုသည်။
ဗိုလ်မှူးကြီးစန်းပွင့်တို့ အကျဉ်းကျနေရာမှ ခေါ်ဆောင်ခံရပြီးနောက်တွင် ရှမ်းပြည်နယ်တောင်ပိုင်း၊ ကျေးသီးမြို့နယ် အခြေစိုက် SSA/SSPP ဌာနချုပ်အား လေးလတာ အစိုးရတပ်မှ ထိုးစစ်ဆင်မှုအား လျော့ချလိုက်ပြီး တပ်ရင်းအချို့အား နောက်တန်းပြန်ခေါ်လိုက်ကာ SSA အားစေ့စပ်ညှိနှိုင်းရန် ပြင်ဆင်နေကြောင်း သိရသည်။
ဒေါ်အောင်ဆန်းစုကြည်မှလည်း ပြည်ထောင်စုဝန်ကြီး ဦးအောင်ကြည်နှင့် တွေ့ဆုံပြီးနောက် တိုင်းရင်းသားရေးရာ ပဋိပက္ခကိစ္စရပ်များအား ဝင်ရောက်ညှိနှိုင်းရန် စိတ်ဆန္ဒရှိကြောင်း ဇူလိုင် ၂၈ ရက်နေ့စွဲဖြင့် နိုင်ငံတော်သမ္မတ ဦးသိန်းစိန်၊ ကရင်အမျိုးသား အစည်းအရုံး၊ မွန်ပြည်သစ်ပါတီ၊ ကချင် အမျိုးသားလွတ်လပ်ရေးအဖွဲ့နှင့် ရှမ်းပြည်တပ်မတော်အား အိတ်ဖွင့်ပေးစာ ပေးပို့ထားကြောင်း သိရှိရသည်။
YC(KS)
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
"တောင်သူတွေအနေနဲ့ လယ်ယာထွက်ကုန်ဈေးနှုန်းတွေ မငြိမ်တဲ့အပြင် လယ်ယာလုပ်ငန်းခွင်ရဲ့ မက်လုံးတွေ နည်းပါးလာတော့ အခုလို လယ်ယာမြေတွေ ရောင်းချပြီး လုပ်ငန်းပြောင်းကုန်ကြတယ်လို့ထင်တယ်။ လယ်ထဲမှာ နေပူမိုးရွာ လေးလလောက်လုပ်တာ လေးသိန်းလောက်ရဖို့ မလွယ်ဘူး။ ရာသီဥတု ပြောင်းလဲလာတဲ့အတွက် လယ်ယာလုပ်ငန်းခွင်မှာ ပူပန်မှုတွေ ရှိနေရတယ်။ စိုက်ပျိုးစရိတ်ကများပြီး စပါးဈေးကကျတော့ တချို့တောင်သူတွေဆိုရင် ရှိသလောက်လယ်ကို မစိုက်တော့ဘဲ လယ်ဧကလျှော့ပြီး စိုက်လာကြတယ်"
ဇူလိုင် ၂၉ ထုတ် BiWeeklyELEVEN အတွဲ (၄) အမှတ် (၁၇) တွင်ပါသည့် "ဝမ်းရေးအတွက် မသေချာတော့သော လယ်ယာလုပ်ငန်းခွင်ကို စိတ်ဝင်စားမှု လျော့နည်းလာကြ မြန်မာနိုင်ငံအလယ်ပိုင်းဒေသရှိ လယ်ယာလုပ်ငန်းများတွင် လုပ်သားရှားပါးမှု အခက်အခဲများနှင့်အတူ လယ်ယာမြေရောင်းချကာ လုပ်ငန်းပြောင်းလဲလုပ်ကိုင်" သတင်းမှ ပုသိမ်ကြီးမြို့နယ် ကျောက်မီးကျေးရွာအုပ်စုမှ တောင်သူတစ်ဦး၏ ပြော ကြားချက်အပေါ် ကောက်နှုတ်ချက်
-------------------------------------------------------------------------------------------------------------
"လွန်ခဲ့တဲ့ နှစ် ၂၀ ကျော်က ရန်ကုန်မြို့လယ်ရဲ့ အနေအထားက ဒီလိုမဟုတ်ပါဘူး။ ဒီလောက်လည်း အထပ်မြင့် အဆောက်အအုံတွေ မရှိသေးသလို ဒီလောက်လည်း ကားတွေ မများသေးပါဘူး။ ဒါပေမယ့် လူဦးရေ တိုးပွားလာမှုမှာ ကန်ထရိုက်တွေ၊ အထပ်မြင့်တိုက်တွေကို အပြိုင်အဆိုင် ဆောက်လာကြ ပေမယ့် ကားရပ်ဖို့ နေရာမပါဝင်ပါဘူး။ အထပ်မြင့် အဆောက်အအုံတွေမှာ သူ့အထပ်နဲ့ လျောညီတဲ့ကားရပ်နားဖို့ နေရာမရှိရင် ဆောက်လုပ်ခွင့် မပြုသင့် ပါဘူး။ ကားရပ်နားဖို့ နေရာရှိကိုရှိနေရပါမယ်။ ရန်ကုန်မြို့ထဲက အထပ်မြင့်တော်တော် များများမှာ ကားရပ်ဖို့ရှိပါတယ်။ အရင်က ဆောက်လုပ်ခဲ့တာတွေ ကနေ ဖြစ်လာတဲ့ပြဿနာတွေအပေါ် အနာဂတ်မှာ ဘယ်လိုဖြေရှင်းမလဲ၊ အဆောက်အအုံတွေ ဘယ်လိုဆောက်လုပ်ခွင့်ပြုမလဲ အရေးကြီးပါတယ်။ ဆောက်ပြီးသားတွေ ပြန်ဖျက်ဖို့ မဖြစ်နိုင်ပေမယ့် နောက်ဆောက်မယ့် ဟာတွေ ကိုတော့ သေချာသုံးသပ်သင့်ပါ တယ်"
ဇူလိုင် ၂၉ ထုတ် BiWeeklyELEVEN အတွဲ (၄) အမှတ် (၁၇) တွင်ပါသည့် "ရန်ကုန်မြို့တွင် ကားပါကင်ပြဿနာကို ပိုမိုရင်ဆိုင်လာရ" သတင်းမှ အငြိမ်းစားမြို့ပြအင်ဂျင်နီယာမှူးကြီး ဦးအေးမင်း၏ ပြောကြားချက်အပေါ် ကောက်နှုတ်ချက်
-------------------------------------------------------------------------------------------------------------
"နိုင်ငံသားစိစစ်ရေးကတ်ပြားအတုမှာ အမျိုးအစားကွဲပြားတယ် တချို့က ကွန်ပျူတာနဲ့ အတုလုပ်တာရှိသလို တချို့က ကတ်ပြားကောက်ရထားပြီး ဓာတ်ပုံကပ်သုံးတာတွေရှိတယ်။ စစ်ဆေးရေးအဖွဲ့က စစ်ဆေးလို့အတု ဖြစ်နေရင် ဥပဒေအရထောင်ချလို့ရပါတယ်"
ဇူလိုင် ၂၉ ထုတ် မြန်မာပို့စ် ဂလိုဘယ် အမှတ် (၁၉) တွင်ပါသည့် "နိုင်ငံသားစိစစ်ရေးကတ်အတု စစ်ဆေးခြင်း အရှိန်အဟုန်မြှင့် ဆောင်ရွက်" သတင်းမှ ကောက်နှုတ်ချက်
-------------------------------------------------------------------------------------------------------------
"နိုင်ငံခြားတိုက်ရိုက်ရင်းနှီးမြုပ်နှံတဲ့ စီမံကိန်းကြီးတွေမှာ သဘာဝပတ်ဝန်းကျင် ဥပဒေက ပြည့်စုံဖို့လိုတယ်၊ လေထုညစ်ညမ်းမှုများတဲ့ ကျောက်မီးသွေး စက်ရုံ၊ ရေနံဓာတု စက်ရုံ၊ သံမဏိစက်ရုံ၊ စတီးလ်စက်ရုံတွေ လာဆောက်မယ်ဆိုရင် စိုးရိမ်စရာကောင်းတယ်၊ သဘာဝပတ်ဝန်းကျင်ဥပဒေမှာ စံတစ်ခုသတ်မှတ်ပြီး ဘယ်အတိုင်း အတာဆိုရင် ပျက်စီးတယ်လို့ သတ်မှတ်ထားရင် ညစ်ညမ်းအောင် လုပ်တဲ့သူက လျော်ကြေးပေးရမယ်၊ စံသတ်မှတ်မထားရင် အငြင်းပွားမှု တွေ ရှိနိုင်ပြီး ရေရှည်အကျိုးဆက်တွေခံစားရမယ်"
ဇူလိုင် ၂၉ ထုတ် မော်ဒန်ဂျာနယ် အမှတ် (၂၆၈) တွင်ပါသည့် "ပြည်ပရင်းနှီးမြုပ်နှံမှု ဥပဒေပြည့်စုံဖို့လို" သတင်း မှ သဘာဝပတ်ဝန်းကျင် ပညာ ရှင်တစ်ဦး၏ ပြောကြားချက်အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
ဒေါ်အောင်ဆန်းစုကြည်နှင့် အစိုးရသစ်တွေ့ဆုံခြင်း၊ အတွေးအမြင်များနှင့် မျှော်လင့်ချက်များ
ဇူလိုင်လ ၂၅ရက်နေ့က အမျိုးသားဒီိမိုကရေစီအဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်နှင့် မြန်မာအစိုးရ၏ ဆက်ဆံရေး အရာရှိ ပြည်ထောင်စုဝန်ကြီး ဦးအောင်ကြည်တို့သည် အစိုးရသစ်လက်ထက်တွင် ပထမဆုံးအကြိမ်အဖြစ် တွေ့ဆုံဆွေးနွေးခဲ့ကြသည်။ ဆွေးနွေးပွဲ ရလဒ်ကို အောက်ပါအတိုင်း ထုတ်ပြန်ခဲ့သည်။
“နှစ်ဖက်စလုံးက အပြုသဘောရှုမြင်ကြပြီး ကျေနပ်အားရမှုရှိကြပါသည်။ ပြည်သူလူထု ကိုယ်စိတ်နှစ်ပါးချမ်းသာရေးအတွက် ပူးပေါင်းဆောင်ရွက် နိုင်မည့် အခွင့်အလမ်းများကို ဆွေးနွေးခဲ့ကြပါသည်၊ ထိုသို့ဆွေးနွေးရာတွင် တရားဥပဒေစိုးမိုးရေး၊ စိတ်ဝမ်းကွဲပြားမှု ပပျောက်ရေးနှင့် အများပြည်သူ အကျိုး ဖြစ်ထွန်းစေမည့် ကိစ္စရပ်များကို ထည်သွင်းဆွေးနွေးခဲ့ကြပါသည်။ သင့်လျော်သော ရက်တွင် ထပ်မံတွေ့ဆုံ ဆွေးနွေးရန် သဘောတူညီ ကြပါသည်”
လူထုခေါင်းဆောင်၊ နိုဗယ်ဆုရှင်နှင့် အခြားဂုဏ်ထူးဆောင်ဘွဲ့ အမြောက်အများရရှိထားသူ ဒေါ်အောင်ဆန်းစုကြည်၏ ဘုန်းတော်ဘွဲ့ကို တခမ်း တနားရေးပြရန် မလိုအပ်တော့သော်လည်း ဦးအောင်ကြည်ကိုမူ စစ်အစိုးရအရာရှိ၊ အလုပ်သမားဝန်ကြီးထက် ပိုမိုသိရှိကြသူနည်းပါးသည့် ၎င်း၏ အကြောင်းကို ခြေရာခံကြည့်လျှင်
ဦးအောင်ကြည်သည် ယခင်စစ်အစိုးရလက်ထက် အလုပ်သမားဝန်ကြီးအဖြစ် တာဝန်ယူစဉ်တည်းက စစ်အစိုးရနှင့် ဒေါ်အောင်ဆန်းစုကြည် အကြား ကြားလူအဖြစ် တာဝန်ယူစေ့စပ်ညှိနှိုင်းပေးခဲ့သူလည်း ဖြစ်သည်။ ကျောင်းဆရာဟောင်း၊ သူရဲကောင်းမှတ်တမ်းဝင် ဗိုလ်မှူး၊ အမေရိကန်တွင် စစ်ပညာသင်ကြားခဲ့သူ ဗိုလ်ချုပ်အောင်ကြည်သည် စာအရေးအသားကောင်းသူတစ်ဦးဖြစ်ကာ မူရင်းအမည် ဗိုလ်ချုပ်အောင်ကြည်အပါအဝင် အခြား ကလောင်ခွဲပေါင်းများစွာဖြင့် စာပေများစွာရေးသားခဲ့ဖူးသူ ဖြစ်သည်။ ဤသို့ ကြားဝင်စေ့စပ်သူတစ်ဦး၏ အရည်အချင်းများ မည်မျှပင် ပြည့်စုံနေစေကာမူ ဗဟိုမှ တစ်ခါတည်း သတ်မှတ်ပေးလိုက်သော ညွှန်ကြားချက်ကြောင့် ၎င်းအနေဖြင့် ဒေါ်အောင်ဆန်းစုကြည်နှင့်တွေ့ဆုံဆွေးနွေးရာတွင် အထက်မှ မှာကြား လိုက်သည်ကိုသာ ဖတ်ပြနိုင်သည့် အဆင့်ထက်မပိုခဲ့ပေ။ တနည်း အားဖြင့် ယခင်အစိုးရလက်ထက်က၎င်း၏ အရည်အချင်းကို အပြည့်အဝ အသုံးချခွင့် မရ ခဲ့ရာ ယခုအစိုးရသစ်လက်ထက်တွင် ပြည်သူ့ ဆက်ဆံရေး(PR)ကျွမ်းကျင်သော ၎င်းကို လုပ်ပိုင်ခွင့် လွှဲအပ်ခံရခြင်း ရှိမရှိ စောင့်ကြည့် ရမည့်ပုံစံရှိ သည်။ ယခုအကြိမ်သည် အစိုးရသစ်၏ ပြည်ထောင်စုဝန်ကြီးအဖြစ်နှင့် တွေ့ဆုံခြင်းဖြစ်ကာ ဦးအောင်ကြည်နှင့် ဒေါ်အောင်ဆန်းစုကြည်သည် ယခင် စစ်အစိုးရ လက်ထက် အောက်ပါအတိုင်း ကိုးကြိမ်တိတိ တွေ့ဆုံခဲ့ပြီးဖြစ်သည်။
၁။ ၂၀၀၇ အောက်တိုဘာ ၂၅၊
၂။ ၂၀၀၇ နိုဝင်ဘာ ၉၊
၃။ ၂၀၀၇ နိဝင်ဘာ ၁၉၊
၎။ ၂၀၀၈ ခုနှစ် ဇန်န၀ါရီလ ၁၁၊
၅။ ၂၀၀၈ ခုနှစ် ဇန်န၀ါရီလ ၃၀၊
၆။ ၂၀၀၉ ခုနှစ် အောက်တိုဘာလ ၃၊
၇။ ၂၀၀၉ ခုနှစ် အောက်တိုဘာလ ၇ ရက်၊
၈။ ၂၀၀၉ ခုနှစ် ဒီဇင်ဘာလ ၉ ရက်၊
၉။ ၂၀၁၀ ခုနှစ် ဇန်န၀ါရီလ ၁၅ ရက်၊
အထက်ပါကိုးကြိမ်စလုံးတွင် သဘောတူညီချက်တစ်စုံတစ်ရာမရရှိခဲ့ဘဲ ဒေါ်အောင်ဆန်းစုကြည်လည်း နေအိမ်အကျယ်ချုပ်ဖြင့်သာ နေထိုင်ခဲ့ရ သည်။ ယခုအစိုးရသစ်လက်ထက်တွင် မည်သို့ရှိမည်ဆိုသည်ကို စောင့်ကြည့်ရပေလိမ့်မည်။
ဒေါ်အောင်ဆန်းစုကြည်နှင့် ဦးအောင်ကြည်တွေ့ဆုံဆွေးနွေးမှုတွင် အစိုးရဆန့်ကျင်သူများက လက်ရှိအစိုးရသစ်သည် စစ်အစိုးရကို ဆက်ခံသည့် အားလျော်စွာ ဒေါ်အောင်ဆန်းစုကြည်ကို တွေ့ဆုံဆွေးနွေးလိုခြင်းမရှိ။ နိုင်ငံရေး အကျပ်အတည်းပေါ်တိုင်း သူမကိုအသုံးချကာ နိုင်ငံတကာ၏ ဖိအားကို ရှောင်လွှဲလေ့ရှိသည်ဟု သုံးသပ်ကြသည်။ ၂၀၀၃ခုနှစ် ခန့်က ဗိုလ်ချုပ်ကြီးခင်ညွှန့်နှင့် ဒေါ်အောင်ဆန်းစုကြည် မိသားစုသဖွယ် ရင်းရင်းနှီးနှီး အတူတကွ သွားလာကာ နိုင်ငံတော် စီမံကိန်းများကို ကြည့်ရှုစစ်ဆေးခဲ့ကြသည်ကို နိုင်ငံပိုင်သတင်းစာများတွင် တခမ်းတနားဖော်ပြခဲ့သည်အထိ အခြေအနေ တိုးတက် မှုများ ရှိခဲ့သော်လည်း မကြာမီပင် ဒီပဲယင်းအရေးအခင်းကြီးဖြစ်ကာ ဒေါ်အောင်ဆန်းစုကြည်လည်း ကံကောင်းထောက်မစွာ အသက်ဘေးမှ လွတ်မြောက်ခဲ့ ရသည်။ ထိုဖြစ်ရပ်အပြီး မြန်မာစစ်အစိုးရကို အတိုက်အခံနှင့် နိုင်ငံတကာက အယုံအကြည်မရှိတော့ဘဲ နောက်ပိုင်းတွေ့ဆုံမှုများသည်လည်း အနှုတ် လက္ခဏာဖြင့်သာ အဆုံးသတ်ခဲ့သောကြောင့် ပို၍ ပြစ်တင်ရှုံ့ချစရာ ဖြစ်ခဲ့ရသည်။
ယခု အစိုးရသစ်လက်ထက် သမ္မတပြောကြားခဲ့သည့် မိန့်ခွန်းပါအတိုင်း ဖွဲ့စည်းပုံအခြေခံဥပဒေကို လက်မခံလိုသော အုပ်စုများကို အမျိုးသား ပြန်လည်သင့်မြတ်ရေးအတွက် စေ့စပ်ဆွေးနွေးခြင်းဟု မျှော်လင့်နိုင်သော်လည်း အတိုက်အခံအုပ်စုများကမူ မြန်မာအစိုးရသည် အမေရိကန် နိုင်ငံခြားရေး ဝန်ကြီး ဟီလာရီကလင်တန်၏ ဖိအားပေးမှု၊ အာဆီယံဥက္ကဋ္ဌနေရာအတွက် နိုင်ငံတကာတွင် တရားဝင်မှု၊ စသည်တို့အတွက် ဒေါ်အောင်ဆန်းစုကြည်ကို အသုံးချခြင်းဖြစ်သည်ဟု ဆိုကြသည်။ အစိုးရသစ်ကို ယုံကြည်မှုမရှိကြောင်း ပြတ်ပြတ်သားသား ထုတ်ဖော်ပြောကြားခဲ့ကြပြီး ဒေါ်အောင်ဆန်းစုကြည်ကို အလွန်အမင်း ဘုန်းတော်ဖွဲ့ကြသူများကမူ ယခုတစ်ကြိမ် ဦးအောင်ကြည်နှင့် ဆွေးနွေးအပြီး သတင်းထုတ်ပြန်ရာတွင် အမေစုမျက်နှာ ခက်ထန်နေသည်၊ တစ်စုံတစ်ရာ သဘောတူညီမှုမရခဲ့ဟူ၍ပင် သူမ မပြောမီ ကြိုတင် နိမိတ်ဖတ်ပြကြသည်။
နိုင်ငံရေး လေ့လာသူတို့ကမူ ယခုတစ်ကြိမ်တွေ့ဆုံမှုကို အကောင်းဘက်က မျှော်လင့်ခဲ့ကြပြီး အစိုးရသစ်တွင် သမ္မတ၊ ပြည်သူ့လွှတ်တော် ဥက္ကဋ္ဌ အပါအဝင် နိုင်ငံရေးပြုပြင်ပြောင်းလဲမှု လုပ်လိုသူများ ပါနေ၍ အလုပ်ဖြစ်နိုင်ပါသည်ဟု မှတ်ချက်ပေးခဲ့ကြသည်။ သို့ရာတွင် ယခုကဲ့သို့ တိုင်းပြည်ကို ပြန် လည်တည်ဆောက်နေသည့် အချိန်၌ အကြိမ်များများတွေ့ဆုံရန် လိုအပ်ပြီး တွေ့ဆုံခြင်းသက်သက်ထက် လူထုထောက်ခံသော ခေါင်းဆောင်တစ်ဦး၏ အကြံဥာဏ်ကို အစိုးရသစ်အနေဖြင့် ရယူရန် ကြိုးစားသင့်ကြောင့်လည်း ဆိုကြသည်။ ယခုတစ်ကြိမ်တွေ့ဆုံပွဲတွင် ဦးအောင်ကြည်က NLD ကို ပြန်လည် မှတ်ပုံတင်ရန် ကမ်းလှမ်းသကဲ့သို့၊ ဒေါ်အောင်ဆန်းစုကြည်ကလည်း သူမ၏ပါတီမှာ တရားဝင်ပြီးဖြစ်ကြောင်း အပြန်အလှန်တင်းခံနေကြသဖြင့် စက တည်းက ယဉ်သကိုဆိုသလို မလိုလားအပ်သည့် ကိစ္စတစ်ခုကို ရေးကြီးခွင်ကျယ် မလုပ်သင့်ကြောင်း ထောက်ပြကြသည်။ အစိုးရသစ်အနေဖြင့် တရားဝင် အရ NLD ကို အသိအမှတ်မပြု စေကာမူ ယခုကဲ့သို့ လာရောက်တွေ့ဆုံခြင်းကပင် တရားဝင်မှုကို ပေးထားပြီးဖြစ်ကာ NLD ကလည်း အစိုးရနှင့် တွေ့ဆုံ ဆွေးနွေးခြင်း၊ သမ္မတထံ စာတင်ခြင်းတို့ဖြင့် အစိုးရကို တရားဝင်မှုပေးထားသည်ဖြစ်ရာ နှစ်ဦးနှစ်ဖက်သည် တရားဝင် အသိအမှတ်မပြုစေကာမူ တစ်ဖက်နှင့်တစ်ဖက် အပြန်အလှန် လေးစားသမှုရှိပြီးဖြစ်သည်ဟု ထောက်ပြကြသည်။
ယခုကဲ့သို့ ဒေါ်အောင်ဆန်းစုကြည်နှင့် အစိုးရသစ်တို့တွေ့ဆုံမှုတွင် ဗီလိန်ဖြစ်ခဲ့ရသူမှာ ဒုတိယသမ္မတ ဦးတင်အောင်မြင့်ဦးပင် ဖြစ်သည်။ ၎င်းက အမေရိကန် အထက်လွှတ်တော်အမတ် ဂျွန်မက်ကိန်းနှင့်တွေ့ဆုံစဉ်က ဒေါ်အောင်ဆန်းစုကြည်သည် သာမန်အရပ်သား တစ်ဦးသာဖြစ်ပြီး ဥပဒေအတိုင်း နေထိုင်ပါက မည်သို့မျှ ပြဿနာမရှိပါဟု ပြောကြားခဲ့သည်။ တနည်းအားဖြင့် သူမသည် သာမန်ပြည်သူ တစ်ဦးသာဖြစ်၍ အစိုးရသစ်အနေဖြင့် မည်သို့မျှ အလေးအနက်ထားရန် မလိုဟုဆိုလိုက်ခြင်း ဖြစ်သည်။ သို့ရာတွင် ၎င်းပြောပြီးမကြာမီမှာပင် ဒေါ်အောင်ဆန်းစုကြည်က ပုဂံသို့ မိသားစု ဘုရားဖူးခရီး သွားမည့်အကြောင်းကို အာဏာပိုင်တို့ထံ စာတင်ခဲ့ပြီး အစိုးရကလည်း လုံခြုံရေး စီစဉ်ပေးခဲ့သည်။ လမ်းခရီးတွင်လည်း အစိုးရ အထိမခံသည့် နိုင်ငံရေးကိစ္စ တစ်ခုမျှမလုပ်ခဲ့ပေ။ အစိုးရကလည်း အပြန်အလှန်လေးစားသမှုကို ပြသည့်အနေဖြင့် အာဇာနည်နေ့တွင် ဒေါ်အောင်ဆန်းစုကြည်ကို တရားဝင် ဖိတ်ကြား ခြင်း၊ ကားစီစဉ်ပေးခြင်းဖြင့် တုံ့ပြန်ခဲ့သည်။ မကြာမီပင် သမ္မတအမိန့်ဖြင့် ဒေါ်အောင်ဆန်းစုကြည်ကို နိုင်ငံတော် ဧည့်ဂေဟာသို့ ဖိတ်ကြားကာ စေ့စပ် ဆွေးနွေးရေး ပြန်လည်စတင်စေခဲ့သည့်အတွက် မိမိသာ အာဏာရှိသူဟု အစွဲမကျွတ်သေးသည့် ဒုတိယသမ္မတအတွက် အရှက်ရစရာဖြစ်စေခဲ့သည်။ သီဟသူရဘွဲ့သည် လက်ရုံးရည်သမားအတွက် လုံလောက်သော်လည်း နှလုံးရည်သမား ဖြစ်သည့် ဦးသိန်းစိန်က ဒုသမ္မတကို ၎င်းသာ နံပါတ်တစ် ဖြစ် ကြောင်း၊ နိုင်ငံရေးဆိုသည်မှာ စစ်သားစိတ်ဖြင့် တစ်သံတည်းပြော၍ ရသည့် အလုပ်မဟုတ်ကြောင်း ပြသလိုက်သည့်ပွဲ ဖြစ်သည်။
အထက်ပါအတိုင်း အကောင်းမြင်အုပ်စု၊ အဆိုးမြင်အုပ်စုနှင့် ပညာရှင်အုပ်စုတို့၏အမြင် အမျိုးမျိုးရှိနေကြစေကာမူ ဦးအောင်ကြည်နှင့် ဒေါ်အောင်ဆန်းစုကြည်တို့က သတင်းစာရှင်းလင်းပွဲ၌ သံတမန်ဆန်ဆန်ပင် အောက်ပါအတိုင်းပြောကြားသွားခဲ့သည်။
“ ကိုယ်စားပြုတဲ့ အဖွဲ့ကတော့ ပြောင်းသွားပါပြီ၊ အရင်တွေ့ဆုံမှုတွေကလည်း လက်ဆုပ်လက်ကိုင်ပြလို့ရတဲ့ ရလဒ်မရှိဘူးလို့ ပြောလို့မရပါဘူး။ အဲ့ဒီကနေ အထိုက်အလျောက် အကျိုးဖြစ်ထွန်းခဲ့တာတွေရှိခဲ့ပါတယ်။ အခုတွေ့ဆုံမှုကတော့ အဲ့ဒီရလဒ်တွေထက် ပိုပြီးကောင်းမွန်တဲ့ရလဒ် ဖြစ်မယ်လို့ ကျွန်တော်မျှော်လင့်မိပါတယ်။ ရှေ့ဆက်သွားမယ့် ကိစ္စတွေ အများကြီးအတွက် ဒီကိစ္စက ခြေလှမ်းအစလို့ ဆိုရမှာပါ”
“ကျွန်မကတော့ တိုင်းပြည်အတွက် အကျိုးရှိမယ့် ရလဒ်ကိုပဲ မျှော်လင့်ပါတယ်၊ ဘာပဲလုပ်လုပ်ပေါ့၊ ဘာစကားပဲပြောပြော၊ ဘယ်သူနဲ့ပဲတွဲတွဲ ကျွန်မ တို့ရဲ့ ရည်ရွယ်ချက်ကတော့ နိုင်ငံနဲ့ တိုင်းပြည်အတွက် ပြည်သူပြည်သားတွေ အကျိုးရှိဖို့ပါပဲ၊ အဲ့ဒါပဲ မျှော်လင့်လို့ ရပါတယ်”
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
