Posts
 | yangonchronicle 2011 |
၁၅.၈.၂၀၁၁
ပြည်တွင်းသတင်းများ
ပြည်ပပို့ကုန်ခုနစ်မျိုး ပို့ကုန်ခွန် ခြောက်လ ကင်းလွတ်ခွင့်ရ
မြန်မာနိုင်ငံမှ ပြည်ပသို့တင်ပို့နေသော အဓိက ပို့ကုန် ၇ မျိုးကို သြဂုတ်လ ၁၅ ရက်နေ့မှစတင်ကာ ၆ လကြာ အခွန်ကင်းလွတ်ခွင့် ပြုမည် ဖြစ်ကြောင်း ပြည်ထောင်စု အစိုးရအဖွဲ့မှ အတွင်းရေးမှူး ဦးတင်မျိုးကြည်မှ လက်မှတ်ရေးထိုးကာ သြဂုတ်လ ၁၁ ရက်နေ့ ရက်စွဲဖြင့် ထုတ်ပြန်ကြေညာ လိုက်ကြောင်း သတင်းရရှိသည်။
မြန်မာနိုင်ငံမှ ပြည်ပသို့တင်ပို့နေသော အဓိကပို့ကုန်များဖြစ်သော ဆန်၊ ပဲ၊ ပြောင်း၊ နှမ်း၊ ရော်ဘာ၊ ရေထွက်ကုန်နှင့် တိရိစ္ဆာန်ထွက်ကုန်ပစ္စည်းများ (ကန့်သတ်ကုန် ပစ္စည်းမှအပ) ခုနစ်မျိုးကို ၂၀၁၂ ခုနှစ် ဖေဖော်ဝါရီလ ၁၄ ရက်နေ့အထိ အခွန်ကင်းလွတ်ခွင့် အကျိုးသက်ရောက်စေမည် ဖြစ်ကြောင်း အမိန့် ကြေညာစာ အမှတ် ၃၂/၂၀၁၁ ဖြင့် ထုတ်ပြန်လိုက် ကြောင်း သိရသည်။
မြန်မာနိုင်ငံတွင် နိုင်ငံခြား ပို့ကုန်လုပ်ငန်း လုပ်ကိုင်နေသူများ ယခု ကြုံတွေ့နေရသော အဓိကပြဿနာမှာ နိုင်ငံခြားငွေလဲနှုန်းများ ကျဆင်း နေသည့် အတွက် နိုင်ငံခြား ပို့ကုန်လုပ်ငန်းရှင်များ အရှုံးပေါ်ကာ စက်ရုံများ လုပ်ငန်းရပ်နားရသည်အထိ အခက်အခဲများ ဖြစ်ပေါ်ခဲ့ကြောင်း သိရသည်။
ယခင်က ပို့ကုန်တင်ပို့ရာတွင် ကုန်သွယ်ခွန် ၈ ရာခိုင်နှုန်း ပေးဆောင်ရသော်လည်း ဇူလိုင်လ ၁ ရက်နေ့မှ စတင်ကာ ပို့ကုန်အပေါ် စည်းကြပ်သည့် ကုန်သွယ်ခွန်ကို ၅ ရာခိုင်နှုန်းသို့ လျော့ချပေးခဲ့ကြောင်း သိရသည်။ ယခုအခါ ပို့ကုန် ရောင်းရငွေပေါ် စည်းကြပ်ကောက်ခံသည့် ကုန်သွယ်ခွန်ကို ခြောက်လ ကင်းလွတ်ခွင့် ပြုလိုက်သောကြောင့် ဝင်ငွေခွန် ၂ ရာခိုင်နှုန်းသာ ပေးဆောင်ရတော့မည်ဖြစ်ကြောင်း နိုင်ငံခြားပို့ကုန် လုပ်ငန်းလုပ်ကိုင်နေသူ တစ်ဦးထံမှ သိရသည်။
YC
-----------------------------------------------------------------------------------------------------------------------------------
ကားအပိုပစ္စည်းဆိုပြီး ကားများ ခိုသွင်းမှု လုပ်ငန်း ဖွံ့ဖြိုး
တင်းကြပ်သည် ကားတင်သွင်းမှု မူဝါဒကြောင့် ကော့သောင်ဆိပ်ကမ်းမှ ကားကို အစိတ်အပိုင်းလိုက်ဖြုတ်ပြီး ကားအပိုပစ္စည်း ခေါင်းစဉ်ဖြင့် ကား အစီးလိုက် တင်သွင်းမှု လုပ်ငန်းသိသိသာသာ ဖွံ့ဖြိုးလာကြောင်း ရန်ကုန်- ကော့သောင်း ကမ်းရိုးတန်း ရေယာဉ်မှ ဆလင်တစ်ဦးက ပြောကြားသည်။
ကွန်တိန်နာနှင့် ကားခိုးသွင်းမှုများ ဆက်တိုက် ဖော်ထုတ်နိုင်ပြီးနောက် ကားတစ်စီးစာ ကားအင်ဂျင်များ၊ ကား ဘော်ဒီများ၊ အစိတ်အပိုင်းများကို တစ်မျိုးချင်းစီ စက်လှေနှစ်စီးသုံးစီးခန့် ခွဲတင်နေရကြောင်း အကောက်ခွန် ပေးသွင်းရာတွင် ကားအစိတ်အပိုင်း အပိုပစ္စည်းအဖြစ်သာ စာရင်းပေးပြီးမှု ပြန်ဆင်ကြောင်း အဆိုပါဆလင်က ရှင်းပြသည်။
“ကား အစိတ်အပိုင်းလိုက်သွင်းတာ မြ၀တီကစတာ အခု မြ၀တီဘက်က အခြေအနေမကောင်းလို့ ကော့သောင်းဘက်ကို ချဲ့လာတာ ”ဟု ၎င်းက သုံးသပ်ပြောဆိုသည်။
ယခုရက်ပိုင်း ကြံခိုင်ရေးမှ ကားအစီးငါးထောင်းတင်သွင်းမည့် သတင်း ကားဝယ်ရောင်းလောကတွင် ပျံနှံနေကြောင်း ရောင်တော်ပြန်နှင့်ရောပြီး လိုင်စင်ဝင် စာရင်းသွင်းရန် တဖက်မှ ကားမှောင်ခိုသွင်းခြင်းဖြစ်နိင်ကြောင်း ဟံသာဝတီ ကားရောင်းဝယ်ရေးစခန်း အခြေစိုက် ၀ယ်ရောင်းတစ်ဦးက ပြောကြားသည်။
“ကားမှောင်သုံးခေါက်သွင်းလို့ နှစ်ခေါက်မိပြီး တခေါက်လွတ်ရင်ကို တွက်ခြေကိုက်တော့ ရတဲ့နည်းနဲ့ သွင်းဖို့ လုပ်နေမှာပဲ ဖမ်းလဲ ဖမ်းတာပဲရှိမယ်” ဟု ၎င်းက ပြောကြားသည်။
မြန်မာနိုင်ငံ၏ ကားဈေးနှုန်းများသည် ကားတင်သွင်းခွင့် ပါမစ်ကြောင့် နိင်ငံတကာဈေးနှင့် နှိုင်းယှဉ်လျှင် အဆများစွာ ဈေးမြင့်နေကြောင်း မြန်မာ့ စီးပွားရေး ဖွံ့ဖြိုးတိုးတက်ရန်အတွက် ပြုပြင်မှုများလုပ်လိုလျှင် မူမှန်သည့် ကားဈေးနှုန်းများ ပုံမှန်ဖြစ်ရန်လိုသဖြင့် ကားတင်သွင်းခွင့်မူဝါဒကို ပထမ ပြင်ဆင်ရန် လိုကြောင်း စီးပွားရေး ပညာရှင်တစ်ဦးက သုံးသပ်ပြောဆိုသည်။
“မှောင်ခိုသွင်းတယ်ဆိုတာ ဈေးကွက်ရှိပြီး မြတ်လို့လုပ်တာ တရားဝင်လုပ်လို့ မရလို့ အကြံအဖန်လုပ်တာ တိုင်းပြည်အခွန်က ရသင့်သလောက်မှ မရတောဘူး” ဟု ၎င်းက ဆိုသည်။
မိဖြူ
-----------------------------------------------------------------------------------------------------------------------------------
ဆရာ၊ ဆရာမများ လောင်းကစားခြင်း မပြုလုပ်ရန် ဝန်ခံကတိလက်မှတ်များရေးထိုးခိုင်း
ဆင်းရဲနွမ်းပါးမှု လျှော့ချရေး အစီအစဉ်အရ ပညာရေးဝန်ထမ်းများ လောင်းကစားခြင်းမပြုလုပ်ရန် တာဝန်ရှိသူများက ယခုနှစ်မှ စတင်ကာ ကျောင်းဆရာ/ဆရာမများကို ခံဝန်ကတိ လက်မှတ်ရေးထိုးခိုင်းကြောင်း မြောက်ဥက္ကလာပမြို့နယ် အခြေခံပညာ အထက်တန်းကျောင်းတွင် ပညာသင်ကြား နေသော ဆရာမ ဒေါ်အေးမော်ထံမှ သိရသည်။
ပညာရေးဝန်ထမ်းများအဖြစ် တာဝန်ထမ်းဆောင်နေသူများကို လောင်းကစားခြင်းများမပြုလုပ်ရန် ခံဝန်ကတိများကို ယခုနှစ်မှစတင်ကာ လက်မှတ် ရေးထိုးခိုင်းပြီး နှစ်လုံး၊ သုံးလုံး လောင်းကစားခြင်းများ ကိုအဓိကထား၍ လက်မှတ်ထိုး ခိုင်းကြောင်း တောင်ဒဂုံမြို့နယ် အခြေခံပညာ မူလတန်းကျောင်း အ.မ.က(၄) တွင် တတိယတန်းကို သင်ကြားနေသော ဆရာမတစ်ဦးမှ ပြောကြားသည်။
မင်္ဂလာဒုံမြို့နယ် ပညာရေးမှူးရုံးတွင် တာဝန်ထမ်းဆောင်နေသူတစ်ဦးမှ ယခုကဲ့သို့ ဆင်းရဲနွမ်းပါမှု လျှော့ချရေး အစီအစဉ်အရ လောင်းကစား ခြင်းများ အပြုလုပ်ရန် ဝန်ခံကတိ လက်မှတ်ရေးထိုးခိုင်းခြင်းတွင် ဆရာ၊ ဆရာမများအပြင် ပညာရေးဝန်ထမ်းများလည်း ပါဝင်ကြောင်း ပြောကြားသည်။
ရန်ကုန်မြို့တွင်း နေထိုင်သူကျောင်းသား မိဘတစ်ဦးမှ “ယခုကဲ့သို့ လောင်းကစားခြင်းများ မပြုလုပ်ရန်တားမြစ်သည့် ကိစ္စရပ်များမှာ ပညာရေး ဝန်ထမ်းများသာမကဘဲ နိုင်ငံသားတိုင်း လောင်းကစားခြင်းများ မပြုလုပ်ရန် တားမြစ်သင့် တယ်” ဟုပြောကြားသည်။
ယခုကဲ့သို့ ဆင်းရဲနွမ်းပါးမှု လျှော့ချရေး စီမံကိန်းအရ လောင်းကစားခြင်းများ မပြုလုပ်ရန်တားမြစ်သည့် ကိစ္စရပ်များကို အစိုးရမှ ပြုလုပ်နေသည့် နည်းတူ ပြည်တွင်း ပုဂ္ဂလိကလုပ်ငန်းအချို့တွင်လည်း ပြုလုပ်နေမှုများရှိကြောင်း ပုဂ္ဂလိကကုမ္ပဏီတစ်ခုတွင် အလုပ်လုပ်နေသော တောင်ဥက္ကလာပ မြို့နယ်မှ ဦးစိုးသိန်းမှ ပြောကြားသည်။
Ref : Myanmar Post
-----------------------------------------------------------------------------------------------------------------------------------
သြဂုတ် ၂၂ ရက်နေ့မှစ၍ ယာဉ်များ Smart Card ဖြင့် ဆီထုတ်ရမည်
၂၀၁၁ ခုနှစ် သြဂုတ်လ ၂၂ ရက်နေ့စတင်၍ ရန်ကုန်မြို့တော် စည်ပင်သာယာရေး နယ်နိမိတ်အတွင်းရှိ မော်တော်ယာဉ်များ စက်သုံးဆီ ထုတ်ယူရာတွင် Smart Card အသုံးပြု၍ ဆီထုတ်ခွင့် ရရှိတော့မည်ဖြစ်ကြောင်း သိရသည်။
ယခင်က မော်တော်ယာဉ်များ စက်သုံးဆီ ထုတ်ယူရာတွင် စက်သုံးဆီဝယ်ယူခွင့် စာအုပ်အသုံးပြု၍ ဆီထုတ် ယူ ခွင့် ပြုထားရာမှ ယခုလ ၂၂ ရက် နေ့မှ စတင်၍ ကနဦးအနေနှင့် မော်တော်ယာဉ် အစီး ၅၀၀ ကို Smart Card များ ထုတ်ပေး၍ စက်သုံးဆီ ထုတ်ယူခွင့်ပြုတော့မည်ဖြစ်ကြောင်း သိရသည်။
ယခုကဲ့သို့ မော်တော်ယာဉ်များ စက်သုံးဆီ ထုတ်ယူရာတွင် Smart Card အသုံးပြုရခြင်းမှာ ပြင်ပမှောင်ခို စက်သုံးဆီဈေးကွက် ပပျောက်သွား စေရန် ရည်ရွယ်၍ လုပ်ဆောင်လိုက်ခြင်းပင်ဖြစ်ကြောင်း သိရသည်။
Smart Card တစ်ကဒ်လျှင် ၁၅၀၀ ကျပ်နှုန်းဖြင့် ယာဉ်တစ်စီးလျှင် တစ်ကဒ်ဝယ်ယူရမည်ဖြစ်ပြီး ၎င်း ဝယ်ယူလိုက်သည့် ကဒ်အတွင်း၌ ဝယ်ယူ လိုက်သည့် ယာဉ်နံပါတ်နဲ့ ယာဉ်နှင့် ပတ်သက်သည့် အချက်အလက်များ ပါဝင်မည်ဖြစ်ကြောင်း သိရသည်။
လက်ရှိ အသုံးပြုလျက်ရှိသည့် စက်သုံးဆီထုတ်ယူခွင့် စာအုပ်စနစ်သည် အားနည်းချက်အများအပြားရှိနေပြီး အွန်လိုင်းစနစ်နှင့် ထိန်းချုပ် ထားသော်လည်း ဆီဆိုင်ဝန်ထမ်းတစ်ချို့၏ အကျင့်ဖောက်ဖျက်မှုများကြောင့် ပြင်ပဆီဈေးကွက်မှာ ပိုမိုကြီးထွားလာလျက်ရှိကြောင်း သိရသည်။
သြဂုတ်လ ၂၂ ရက်နေ့မှ စတင်၍ အသုံးပြုမည့် Smart Card စနစ်တွင် ရက်လွန် ဆီထုတ်ယူမှုများကို လုံးဝခွင့်ပြုသွားမည် မပာုတ်ဘဲ ကဒ်အတွင်း၌ ထည့်သွင်းထားသည့် ဆော့ဝဲလ်နှင့် အွန်လိုင်းစနစ်မှ ထိန်းချုပ်၍ စက်သုံးဆီထုတ်ယူမှုများကို ထိန်းချုပ်သွားမည်ဖြစ်ကြောင်း သိရသည်။
ရန်ကုန်တိုင်းဒေသကြီးအတွင်းရှိ ယာဉ်ပိုင်ရှင်များ Smart Card ရယူနိုင်ရန် မော်တော်ယာဉ်အသင်းရုံးတွင် လျှောက်လွှာတောင်းခံရမည်ဖြစ်ပြီး ယာဉ်အချက်အလက်များ စစ်ဆေးအတည်ပြုပြီးပါက စက်သုံးဆီစာအုပ်အား ပြန်လည် သိမ်းယူ၍ Smart Card များ ပြောင်းလဲပေးအပ်အသုံးပြုသွားစေ မည်ဖြစ်ကြောင်း သိရသည်။
၂၀၁၁ ခုနှစ် အစိုးရသစ်လက်ထက်မှ စတင်၍ စက်သုံးဆီလုပ်ငန်းအား နိုင်ငံတော်မှ ပုဂ္ဂလိကကဏ္ဍသို့ လွှဲပြောင်းလိုက်ပြီး နောက်ပိုင်းတွင် စက်သုံးဆီ ဝယ်ယူခွင့် ကန့်သတ်စာအုပ်စနစ် ပယ်ဖျက်၍ လွတ်လပ်စွာ ဝယ်ယူခွင့်ပြုခဲ့ခြင်း ဖြစ်ကြောင်း သိရသည်။
Ref: Messenger
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
ဦးအောင်ကြည်နှင့် ဆွေးနွေးသည့်ကိစ္စများ အသေးစိတ် ထုတ်ပြန်ရန် အချိန်မတန်သေးကြောင်း ဒေါ်စုပြောကြား
အမျိုးသားဒီမိုကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်သည် နေအိမ်အကျယ်ချုပ်မှ လွတ်မြောက် လာပြီးနောက် ပထမဆုံး နိုင်ငံရေး ခရီးစဉ်အဖြစ် ပဲခူးမြို့နှင့် သနပ်ပင်မြို့များသို့သွားရောက်စဉ် အစိုးရဝန်ကြီး ဦးအောင်ကြည်နှင့် ဆွေးနွေးခဲ့သည့် ကိစ္စရပ်များကို အသေးစိတ် ထုတ်ပြန်ရန် အချိန်မတန်သေးကြောင်း သြဂုတ် ၁၄ ရက်နေ့က ပြောကြားခဲ့သည်ဟု သိရသည်။
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်သည် နေအိမ်အကျယ်ချုပ်မှလွတ်ပြီး ပထမဆုံးနိုင်ငံရေး ခရီးစဉ်အဖြစ် NLD ဒုဥက္ကဋ္ဌ ဦးတင်ဦးနှင့်အတူ ပဲခူးမြို့နှင့် သနပ်ပင်မြို့များသို့ စည်းရုံးရေးခရီးစဉ်တစ်ခု သွားရောက်ခဲ့ရာ တွင် အစိုးရဝန်ကြီး ဦးအောင်ကြည်နှင့် ဒေါ်အောင်ဆန်း စုကြည်တို့ တွေ့ဆုံဆွေးနွေးခဲ့သည့် အကြောင်းအရာများနှင့် ပတ်သက်၍ အသေးစိတ် ထုတ်ပြန်ကြေညာရန် အချိန်အတန်သေးဟု ဒေါ်အောင်ဆန်း စုကြည်မှ ထုတ်ဖော်ပြောကြားခဲ့သည်။
ထို့နောက် ဒေါ်အောင်ဆန်းစုကြည်၏ ပြောကြားချက်တွင် နိုင်ငံရေးလုပ်ခြင်းဆိုသော အဓိကရည်ရွယ်ချက်မှာ ပြည်သူများကိုယ်စားပြုသော ပြည်သူလူထု မျှော်လင့်ချက်များကို အကောင်အထည်ဖေါ်ရန် လိုအပ်ကြောင်းပြောကြားပြီး နိုင်ငံရေးလုပ်ခြင်းဟာ အလုပ်နှင့် တာဝန်ကိုတွဲရမည်ဖြစ်ကာ ပြည်သူလူထုတွင်လည်း တာဝန်ရှိကြောင်း ပြောကြားခဲ့သည်။
နိုင်ငံရေးဆိုတာ ကိုယ့်နိုင်ငံကို တိုးတက်ပြီး အေးအေးချမ်းချမ်း၊ တည်တည်ငြိမ်ငြိမ်နှင့် ညီညီညွတ်ညွတ်ဖြစ်အောင် ဆောင်ရွက်ခြင်းကိုသာ နိုင်ငံရေးလုပ်တယ်ဟုခေါ်ဆိုကြောင်း ထို့ကြောင့် နိုင်ငံရေးဟာ နိုင်ငံရေးပဲ နိုင်ငံရေးကိုရှေ့ထားပြီး လုပ်နိုင်ရမည်ဟု ပြောကြားကာ နိုင်ငံသူ နိုင်ငံသား အားလုံးတစ်ယောက်ချင်း၊ တယောက်ချင်း ဘဝပေးကာ နိုင်ငံရေး လုပ်နိုင်ရမည်ဟု ပြောကြားသည်။
ထို့နောက် ပဲခူးမြို့ခံ ပြည်သူများအား စိတ်ဓါတ်ကြံ့ခိုင်ကြရန်နှင့် ဒီမိုကရေစီရေးအတွက် အမြဲအားမွေးနေကြရန် တိုက်တွန်းပြောကြားခဲ့ကြောင်း သိရသည်။
YC
-----------------------------------------------------------------------------------------------------------------------------------
နိုင်ငံတော် သမ္မတအကြံပေးအဖွဲ့ ရန်ကုန်ရုံးခန်းဖွင့်မည်
နိုင်ငံတော်သမ္မတ အကြံပေးအဖွဲ့များ ရန်ကုန်မြို့၌ ရှိနေစဉ် ရုံးထိုင်နိုင်ရန် ဝင်ဒါမီယာတွင် ရုံးခန်းဖွင့်သွားမည် ဖြစ်ကြောင်း သမ္မတ အကြံပေး အဖွဲ့ဝင်များမှ ပြောကြားသည်။
နိုင်ငံတော်သမ္မတ အကြံပေးအဖွဲ့များဖြစ်သော နိုင်ငံရေး၊ စီးပွားရေးနှင့် ဥပဒေအကြံပေးအဖွဲ့အားလုံး ရန်ကုန်မြို့တွင် ရှိနေစဉ် ရုံးထိုင်နိုင်ရန် ရန်ကုန်မြို့ ဝင်ဒါမီယာတွင် ရုံးခန်းဖွင့်လှစ်ကာ တစ်စုတစ်စည်းတည်း ရုံးထိုင်သွားမည်ဖြစ်ကြောင်း နိုင်ငံတော်သမ္မတ စီးပွားရေးအကြံပေးအဖွဲ့ခေါင်းဆောင် ဦးမြင့်မှ ပြောကြားသည်။
နိုင်ငံတော်သမ္မတ အကြံပေးအဖွဲ့ကို ၂၀၁၁ ဧပြီလတွင် စတင်ဖွဲ့စည်းခဲ့ပြီး အလုပ်ကိစ္စ ဆွေးနွေးမှုများကို ယခင်က နေပြည်တော်တွင်သာ သွားရောက်ဆွေးနွေးခဲ့ရပြီး ယခုအခါ ရန်ကုန်မြို့တွင် ရုံးခန်းဖွင့်လှစ်မည်ဆိုပါက တချို့ကိစ္စများကို ရန်ကုန်မြို့ရုံးတွင်သာ ဆွေးနွေးမှုများ ပြုလုပ်နိုင်တော့ မည်ဖြစ်ကြောင်း နိုင်ငံတော်သမ္မတ အကြံပေးအဖွဲ့ဝင်တစ်ဦးမှ ပြောကြားသည်။
သမ္မတ အကြံပေးအဖွဲ့ရန်ကုန်ရုံးကို တတိယပတ်လောက်တွင် စတင်ဖွင့်လှစ်သွားမည်ဖြစ်ပြီး သမ္မတအကြံပေးအဖွဲ့ နေပြည်တော်သို့ မသွား ရောက်မီ ကြိုတင်ဆွေးနွေးမှုများ ပြုလုပ်နိုင်မည်ဖြစ်ကြောင်း နိုင်ငံတော်သမ္မတ ဥပဒေအကြံ ပေးအဖွဲ့ဝင်တစ်ဦးက ပြောကြားသည်။
Ref : Weekly Eleven News
-----------------------------------------------------------------------------------------------------------------------------------
နိုင်ငံတော်မှ အလုပ်အကိုင်ဖန်တီးပေးလျှင် လမ်းဘေးဈေးရောင်းမှု စွန့်လွှတ်မည်
ရန်ကုန်မြို့တော် စည်ပင်သာယာရေးကော်မတီမှ လမ်းဘေးဈေးသည်များ ဈေးရောင်းချရာတွင် လိုက်နာရမည့် စည်းကမ်းချက်များ ထုတ်ပြန် ကြေညာခဲ့ရာတွင် လမ်းဘေး ဈေးသည်များဘက်မှ နိုင်ငံတော်မှ အလုပ်အကိုင် အခွင့်အလမ်းများ ဖန်တီးပေးပါက လမ်းဘေး ဈေးရောင်းချနေမှုများကို ဝမ်းမြောက်ဝမ်းသာ စွန့်လွှတ်မည်ပာု နိုင်ငံတော်သမ္မတထံသို့ အသနားခံစာ ပြန်လည်ပေးပို့ခဲ့ကြောင်း သိရသည်။
လမ်းဘေးဈေးသည်များ နိုင်ငံတော်သမ္မတထံသို့ အသနားခံစာ တင်ပြထားရာတွင် ပါဝင်သည့်အချက်များမှာ ၎င်းတို့သည် မြန်မာနိုင်ငံတွင် မွေးဖွား သော မြန်မာနိုင်ငံသားစစ်စစ်များပင်ဖြစ်ကြောင်း၊ သားသမီးများ၊ မိဘ၊ ဘိုးဘွားများ၏ ကျန်းမာရေး၊ ပညာရေးနှင့် အထွေထွေ ကုန်ကျ စရိတ်များအား စောင့်ရှောက် တာဝန်ယူရန် လမ်းပေါ်ထွက်၍ ဈေးရောင်းနေ ရသော ပြည်သူများပင်ဖြစ်ကြောင်း အသနားခံစာ၌ ပါရှိသည်။
ထို့ပြင် ဈေးသည်တစ်ဦး ဈေးရောင်းချခွင့်မရှိခြင်းသည် နောက်ကွယ်တွင် မှီခိုနေသူများကိုလည်း ထိခိုက်စေနိုင်ကြောင်း၊ လက်ရှိဈေးရောင်းချ နေရသော ဝင်ငွေနှင့် တူညီသော အခြားအလုပ်အကိုင်အခွင့်အလမ်းများကို နိုင်ငံတော်မှ ဖန်တီးပေးလျှင် ပင်ပန်းကြီးစွာ ဈေးရောင်းချနေခြင်းအား ဝမ်းမြောက် ဝမ်းသာစွန့်လွှတ်မည်ဖြစ်ကြောင်း နိုင်ငံတော်သမ္မတထံ သို့ ပေးပို့သည့် အသနားခံစာ၌ ပါရှိသည်။
ထို့ပြင် ရန်ကုန်မြို့တော်စည်ပင်သာယာရေးကော်မတီမှ ထုတ်ပြန်ထားသည့် လမ်းဘေးဈေးရောင်းချခွင့် စည်းကမ်းချက်များထဲမှ မြို့နယ်တွင် နေထိုင်ကြောင်း ပုံစံ-၁၀ မိတ္တူ အမြဲယူဆောင်လာရမည် ဆိုသည့်အချက်မှာ သဘာဝမကျကြောင်းနှင့် ဇာတိမြို့ရွာတွင် စားဝတ်နေရေး မပြေလည်၍ ယခုကဲ့သို့ ဈေးရောင်းချနေရခြင်းဖြစ်သည့်အတွက် မြို့နယ်တွင် နေထိုင်ကြောင်း ပုံစံ-၁၀ ယူဆောင်လာရန်ဆိုသည်မှာ မိမိတို့အနေနှင့် လုံးဝမဖြစ်နိုင် ကြောင်း လမ်းဘေးဈေးသည် တစ်ဦးကလည်း ပြောကြားခဲ့သည်။
လမ်းဘေးဈေးသည်များ ဈေးရောင်းချခွင့်နှင့် ပတ်သက်၍ နိုင်ငံတော်သမ္မတထံသို့ အသနားခံစာ ပေးပို့ရာ၌ အသနားခံစာနှင့်အတူ အခြား တောင်းဆိုချက်များလည်း ပါဝင်ကြောင်း သိရသည်။
Ref: Weekly Eleven
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
“စီးပွားရေးလုပ်ငန်းတွေရဲ့ စီးပွားရေးအခြေအနေအရပ်ရပ်ကို စိတ်ဝင်စားလာတာ ကောင်းတဲ့လက္ခဏာပါ။ ဒါပေမယ့် ဒီလို လုပ်ငန်းတွေကလည်း ကုန်ထုတ် လုပ်ငန်းတွေ၊ ပို့ကုန်အခြေပြုလုပ်ငန်းတွေ များပါတယ်။ မြန်မာပြည်မှာ အခုထိ ပုံမှန် စီးပွားရေးလုပ်လို့ မကောင်းသေးတဲ့ ပတ်ဝန်းကျင်ကို ပြောင်းလဲနိုင်ဖို့ အားထုတ်ရမယ်။ တခြားနိုင်ငံတွေထက် ထူးခြားတဲ့ ကာလတိုဈေးကွက်တွေရှိနေတယ်။ ဈေးမကစားသင့်တာကို ကစားပြီး အမြတ်ထုတ်တယ်။ လုပ်ငန်း တိုင်းမှာလည်း အပိုကုန်ကျစရိတ်တွေ များနေတယ်။ စားပွဲအောက်က စီးဆင်းမှုတွေကို လျှောချနိုင်ရမယ်။ တစ်ဖက်မှာကလည်း မှန်မှန်ကန်ကန် လုပ်ချင်တဲ့ လုပ်ငန်းရှင်တွေလည်းရှိနေတယ်။ သူတို့ကို အားပေးသွားရမှာပါ။ မှန်မှန်ကန်ကန် အလုပ်လုပ်တဲ့ ပတ်ဝန်းကျင်တစ်ရပ်ကို ထူထောင်နိုင်ဖို့ အစိုးရရဲ့ စွမ်းရည်က ပိုအရေးကြီးပါတယ်”
သြဂုတ် ၁၇ ထုတ် Weekly ELEVEN အတွဲ (၁၆) အမှတ် (၄၆) တွင်ပါသည့် “ပြည်တွင်းလုပ်ငန်းရှင်ကြီးအချို့ အစိုးရအဖွဲ့၏ ဘဏ္ဍရေး၊ ငွေရေး ကြေးရေး၊ အခြေခံအဆောက်အအုံနှင့် စီးပွားရေးပတ်ဝန်းကျင် တည်ငြိမ်မှု ဆိုင်ရာမူဝါဒများကို အကဲဖြတ်နိုင်ရန် စီးပွားရေး ပညာရှင်များ ဖိတ်ခေါ်ဆွေးနွေး” သတင်းဆောင်းပါးမှ ပါမောက္ခ ချုပ်(ငြိမ်း) ဦးမော်သန်း၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“ရပ်ကွက်ထဲက လမ်းတွေက ရွေးကောက်ပွဲမတိုင်ခင်ကတည်းက ကွန်ကရစ်ခင်းထားတာဆိုတော့ ဆိုင်ကယ်စီးတဲ့သူတွေ ပိုပြီးပေါလာတယ်။ ဆိုင်ကယ် စီးခွင့်ပိတ်ထားအချိန်မှာ ဆိုင်ကယ်စီးနေတဲ့လူတန်းစားက ပိုကြောက်ရတယ်။ သူတို့လာရင် လွတ်အောင်ရှောင်ပေးရတယ်။ မရှောင်ရင် လှမ်းဆဲသွား သေးတယ်။ တစ်ခါက ကောင်လေးတစ်ယောက်ဆို ဆိုင်ကယ်နဲ့ သူ့စက်ဘီးတိုက်မိတာဆိုင်ကယ်သမားက ပါးဆင်းရိုက်သွားတာ ခံရဖူးတယ်။ ဆိုင်ကယ်က နံပါတ်မပါတော့ ဘာကိုမှတ်ပြီး တိုင်ရမှန်းမသိဘူး”
သြဂုတ် ၁၅ ထုတ် The Messenger အတွဲ (၂) အမှတ် (၁၃) တွင်ပါသည့် “ရန်ကုန်မြို့တော်စည်ပင်သာယာ နယ်နိမိတ်အတွင်း ဆိုင်ကယ် စီးနင်းမှု ပပျောက်ခြင်းမရှိသေး” သတင်းမှ တောင်ဒဂုံမြို့နယ်တွင် နေထိုင်သူတစ်ဦး ၏ ပြောကြားချက် အပေါ် ကောက်နှုတ်ချက်
-----------------------------------------------------------------------------------------------------------------------------------
“အဓိက လုပ်သင့်တာကတော့ အလုပ်အကိုင် မယ်မယ်ရရ မရှိကြတဲ့လူတွေ အတွက်ပေါ့။ အခုက ရပ်ကွက်ထဲမှာ ကြည့်ရင်လည်း နေ့ပြန်တိုးနဲ့ နစ်နေကြ တာမျိုးတွေ တွေ့ရတယ်။ ဒီနေ့ပြန်တိုးပေးရဖို့ အတွက်ကိုပဲ ကြုံရာကျပန်း အလုပ်လုပ်ရှာ ဖွေနေကြရတာမျိုးတွေ အများကြီးရှိနေတယ်။ အဲဒီအတွက် ကြောင့် ဆင်းရဲတွင်းကလဲ နက်သထက်နက်လာတာပဲ။ တစ်နေ့လုပ်မှ တစ်နေ့စားရတဲ့လယ်ယာလုပ်သားတွေ၊ အောက်ခြေလူတန်းစားတွေအတွက် စဉ်းစား ပြီးတော့ စေတနာထား လုပ်ကြရမှာပေါ့။ (Micro Finance) လုပ်ငန်းတွေက လက်နက်တစ်ခုလိုပါပဲ။ အသုံးဝင်တယ်။ ဒီလုပ်ငန်းက အဓိက ဆင်းရဲသားဘဝ မြှင့်တင်ရေးဖြစ် လို့အကျိုးအမြတ်ကိုကြည့်လို့မရဘူး။ (Micro Finance) လုပ်ငန်းတွေရဲ့ အတိုးနှုန်းက ဘဏ်တိုးထက် စာရင်များပေမယ့် လက်ရှိ ကြုံတွေ့ နေကြရတဲ့ နေပြန်တိုးပေးနေကြရတာထက်စာရင် တော်ပါ သေးတယ်။ နာမည်ပျက် မရှိအောင်လုပ်ကြဖို့ပဲ လိုပါတယ်”
သြဂုတ် ၁၆ ထုတ် The Flower New အတွဲ (၇) အမှတ် (၃၁) တွင်ပါသည့် “အသေးစားချေးငွေလုပ်ငန်းများ ပိုမို ပေါ်ပေါက်လာအောင် အစိုးရသစ် ဖော်ဆောင်ဖို့လို” သတင်းဆောင်းပါးမှ ဥိးသိန်းလွင်၏ ပြောကြားချက်အ ပေါ် ကောက် နှုတ်ချက်
-----------------------------------------------------------------------------------------------------------------------------------
ကားပစ္စည်းဆိုပေမယ့် ကားတစ်စီးစာ အစိတ်အပိုင်းတွေကို ဖြုတ်ပြီးကို တင်လာတာ။ ကားပစ္စည်း တင်သွင်းတယ်ဆိုတာက အင်ဂျင် တင်သွင်းမယ်ဆိုရင် အင်ဂျင်လုံးတွေချည်းပဲ တင်သွင်းရတာ။ အခုက ကားတစ်စီးစာ အစိတ်အပိုင်းတွေ တစ်စစီပြန်ဖြုတ်ပြီးတော့ သွင်းတာက ကားပစ္စည်း တင်သွင်းတယ်ဆိုတဲ့ လိုင်စင်ပါအချက်နဲ့ မညီလို့ ဒဏ်ရိုက်ခံလိုက် ရတာလို့ သိရတယ်။ ဘာပဲပြောပြော ဒီလိုဒဏ်ရိုက်အရေးယူတာကလည်း နောက်မဖြစ်အောင် အရေးယူ တာမျိုးဖြစ်လို့ ကောင်းတဲ့အလားအလာပဲ။ နောက်လူတွေဒီလိုသွင်းရင် ဒီလို ဒဏ်ကြေးဆောင်ရမယ်ဆိုတာ ဥပမာစံပြရသွားတာပေါ့။ ဒဏ်ကြေးဆောင်ပြီးမှ သွင်းခွင့်ပြုတာဖြစ်တဲ့အ တွက် မျှတပါတယ်”
သြဂုတ် ၁၅ ထုတ် The Voice Weekly အတွဲ (၇) အမှတ် (၃၅) တွင်ပါသည့် “ကားများတစ်စစီဖြုတ်တင်သွင်း သောကုမ္ပဏိ ဒဏ်ကြေးသုံးဆ အရိုက်ခံရ” သတင်းမှ အကောက်ခွန်ဝန်ဆောင်မှုလုပ်ငန်းကျွမ်းကျင်သူတစ်ဦး ၏ ပြောကြားချက်အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
ဗျူရေကရေစီ၏ အရည်အသွေး
ဗြူရိုကရေစီ၏ အဓိကအလုပ်မှာ ဖြစ်ပေါ်လာသည့် အစိုးရအဖွဲ့၏ မူဝါဒများကို စွမ်းရည်အပြည့်ဆုံးနှင့် ထိရောက်မှု အရှိဆုံး အကောင်အထည် ဖော်ရသည့် အုပ်ချုပ်ရေး ယန္တရားကြီးဖြစ်သည်။ မြန်မာစကားပုံတစ်ခုနှင့် ခိုင်းနှိုင်းရလျှင်မူ နည်းနည်းနှင့် ကျဲကျဲဝိုင်းရမည့် သဘောပင် ဖြစ်လေသည်။ ဗျူရိုကရေစီ၏ စွမ်းဆောင်မှု ပြည့်ဝလျှင် ပြည့်ဝသလောက်၊ လုပ်ထုံးလုပ်နည်းများ တိကျပြတ်သားမှု ရှိသလောက် နိုင်ငံ၏ အရပ်ရပ်အခြေအနေမှာ အကျပ် အတည်း ဆိုက်သွားနိုင်မည် မဟုတ်ပါ။ စွမ်းဆောင်ရည်ရှိသော ဗျူရိုကရေစီတစ်ရပ်ဖြစ်ရန်မှာ ယင်းတာဝန်ကိုယူမည့် ဗျူရိုက်ကရက်များ၏ အရည် အချင်း၊ တာဝန်ယူမှု၊ တာဝန်ခံမှုပေါ်တွင် မူတည်နေလေသည်။
ဖွံ့ဖြိုးတိုးတက်ပြီး နိုင်ငံများတွင် ဗျူရိုကရေစီမှာ နိုင်ငံရေးသြဇာသက်ရောက်မှုမှ ကင်းလွတ်ပြီး Professional ဆန်ကြသော်လည်း ဖွံဖြိုးဆဲ နိုင်ငံများမှာမူ ယင်းနှင့် ဆန့်ကျင်ဘက်အနေအထားများတွင် ရှိပါသည်။ ဖွံ့ဖြိုးဆဲနိုင်ငံများ၏ ဗျူရိုကရေစီမှာ နိုင်ငံရေးသြဇာသက်ရောက်မှုကြီးမားပြီး အရှင်မွေးသူကောင်းပြုမှုများ၊ သားတူညီမျှ ကောင်းစားရေး အစရှိ သည့်တို့သာ ကြီးစိုးနေခြင်းကြောင့် ထိရောက်ထက်မြောက်မှု အလွန်နည်းပါးလေသည်။ ထို့အပြင် လက်ဝါးကြီးအုပ် စီးပွားရေးလုပ်ကွက်ရှာသူများ (Rent- seeker) များဖြင့် လက်ဝါးချင်းရိုက် သဘောတူညီမှုယူကာ စီးပွားရေး လုပ်ကိုင် ခွင့်များ ပေးစေခြင်းဖြင့် အကျင့်ပျက်လာဘ်စားမှုများကိုလည်း ကြီးကြီးမားမား ဖြစ်ပေါ်စေပါသည်။
ဒီမိုကရေစီ ရင့်ကျင်မှု မရှိသေးသည့် နိုင်ငံများတွင် ဗျူရိုကရေစီမှာ အလွန်အကျူး နိုင်ငံရေးဇတ်သွင်းခြင်း ခံထားရသည်ကို လေ့လာတွေ့ရှိ လာလေသည်။ စစ်တပ်အာဏာသိမ်းမှုဖြင့် တက်လာခဲ့သည့် တောင်ကိုရီးယား သမ္မတဟောင်း ပတ်ဂျောင်ဟီးနှင့် ဖိလစ်ပိုင်သမ္မတ မားကို့စ်ကို နှိုင်းယှဉ် ကြည့်လျှင် ၎င်းတို့အုပ်ချုပ်ရေးစနစ်မှာ ဗျူရိုကရေစီကို နိုင်ငံရေး သြဇာမှ ကင်းလွတ်ခွင့်မပေးပဲ ၎င်းတို့၏ အာဏာတည်မြဲရေးအတွက် ဗျူရိုကရေစီကို နိုင်ငံရေးဇတ် အလွန်အကျွံ သွင်းထားကြောင်း တွေ့ရလေသည်။ သို့သော် ပတ်ဂျောင်ဟီးမှာ မားကိုစ်လို ဗျူရိုကရေစီယန္တရားတစ်ခုလုံးကို သူ၏ လူများနှင့် သာ ဝန်းရံထားခြင်း မဟုတ်၊ နိုင်ငံတကာဖိအားများမှကင်းလွတ်အောင် ဟန်ဆောင်ပြုပြင်မှုများ ပြုလုပ်ခြင်း မဟုတ်ဘဲ၊ နိုင်ငံ၏ စီးပွားရေးတိုးတက်မှုကို ဦးတည်သွားစေသည့် အုပ်ချုပ် ရေးယန္တရားမျိုးဖြစ်အောင် သတိကြီးစွာ ကြိုးစား အကောင်အထည် ဖော်သွားကြောင်း သိရလေသည်။ KCIA( Korea Central Intelligence Agency) မှာ နိုင်ငံ၏ နေရာအနှံများတွင် စိမ့်ဝင်ပျံ့နှံ့နေပြီး တောင်ကိုရီးယား သမ္မတ နေထိုင်ရာ အိမ်ပြာတော်သို့ နေ့စဉ်သတင်း ပေးပို့မှုများ၊ စီးပွားရေးဗျူဟာများ ချမှတ်ရာတွင် ဌာနဆိုင်ရာ ဆုံးဖြတ်ချက်မှတ်မှုများထက် သမ္မတ၏ အနီးကပ် အမျိုးသား စီးပွားရေး စီမံကိန်းကော်မတီအား လုပ်ပိုင်ခွင့်ပို၍ ပေထားခြင်းအစရှိသည့် ထိန်းချုပ်မှုများရှိပေသည်။ သို့သော် ပတ်ဂျောင်ဟီး အာဏာသိမ်းပြီး တပ်အရာရှိများကို ၎င်း အာဏာတည်မြဲရေး အတွက် အုပ်ချုပ်ရေးဌာနတော်တော်များများတွင် ထည့်သွင်းထားသည့်တိုင် စီးပွားရေးနှင့်သက်ဆိုင်သည့် ကုန်သွယ်ရေးဌာန၊ ဘဏ္ဍရေးဌာနနှင့် စီးပွားရေး စီမံကိန်း ဌာနတို့တွင် ကျွမ်းကျင်သည့် ပညာရှင်များကို ထည့်သွင်းနေရာပေးခြင်းမျိုး ရှိလာခဲ့သည်။ ထိုအတွက်ကြောင့် စီးပွားရေး သက်ဆိုင်သည့် ဆုံးဖြတ် ချက်များကို နှိုင်းနှိုင်းချိန်ချိန် လုပ်ဆောင်နိုင်ခဲ့လေသည်။ မားကို့စ်မှာမူ သူနှင့်နီးစပ်ရာ technocrat များကို အုပ်ချုပ်ရေးယန္တရားတွင်ထည့်သွင်းထားခြင်း၊ စီးပွားရေးလုပ်ပိုင်ခွင့်များကို ၎င်း၏ အုပ်ချုပ်ရေးစနစ် အကျိုးစီးပွားကို ဖြစ်စေသည့် သူများကိုသာပေးခြင်း အစရှိတို့ကြောင့် ဖိလစ်ပိုင်နိုင်ငံစီးပွားရေးမှာ တိုးတက်သင့်သလောက် မတိုးတက် ဘဲ ရှိနေလေသည်။
ပြည်ထောင်စုသမ္မတမြန်မာနိုင်ငံ၏ ယခုလက်ရှိ ဗျူရိုကရေစီမှာ ထိရောက်ထက်မြက်မှုရှိအောင် မည်သို့ အကောင်အထည်ဖော် ဆောင်ရွက် သွားနိုင်မည်လော ဆိုသည်ကို စောင့်ကြည့်ရမှာဖြစ်သော်လည်း လက်ရှိလုပ် ဆောင်ချက်များကို ကြည့်ရသလောက်တော့ ဖြည့်ဆည်းဖို့ အများကြီး လိုအပ် နေသေးကြောင်းတွေ့ရှိရလေသည်။ အဖွဲ့အစည်းများကို စွမ်းဆောင်ရည် မြင့်များစေရန် ပြောင်းလဲပြင်ဆင်မှုများပြုလုပ်ရာတွင် ရေတိုအတွက် လုပ်ထုံးလုပ် နည်းများ ဝေဝါးမှု မရှိစေရန် reengineering လုပ်ဆောင်ရလေသည်။ နိုင်ငံ၏ ဖြစ်ပေါ်လာမည့် ဖွံ့ဖြိုးရေး လားရာများအတွက်ကိုမူ ရေရှည်ရည်ရွယ်၍ ဖွဲ့စည်းပုံဆိုင်ရာ ပြုပြင်ပြောင်းလဲမှု restructuring လုပ်ဆောင်ရလေသည်။ ယခုလက်ရှိ မြန်မာနိုင်ငံ၏ ဗျူရိုကရေစီမှာ reenginnering ရော၊ restructuring ရော ပြုလုပ်ရမှာဖြစ်လေသည်။ ရေတို ထိရောက်မှု အာရုံစိုက်ရမှာဖြစ်သလို ရေရှည်တွင် ဖြစ်ပေါ်လာမည့်လားရာများနှင့် လိုက်ရောညီထွေရှိမည့် ဖွဲ့စည်းပုံဆိုင်ရာ အပြောင်းအလဲများကို ရယူနိုင်မှာဖြစ်ပေသည်။ သို့မဟုတ်ပါက နိုင်ငံတော်မှ မည်သို့သော ကောင်းမွန်သည့် မူဝါဒများချမှတ်စေကာမူ အကောင်အထည်ဖော်သည့် ဗျူရိုကရေစီမှာ ထိရောက်ထက်မြက်မှုနည်းပါးခြင်း၊ အဂတိလိုက်စားမှုများကြောင့် ရလဒ်များ မှာ ထင်မှတ်ထားသလောက် ကောင်းမွန်မည်မဟုတ်ပါကြောင်း…….။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
