Posts
 | yangonchronicle 2011 |
၂၅.၈.၂၀၁၁
ပြည်တွင်းသတင်းများ
- မြန်မာတိုင်းဂျာနယ်မှ အယ်ဒီတာနှင့် သတင်းထောက်များ ဆယ်ဦးထက်မနည်း အစုလိုက်နှုတ်ထွက်
- သတင်းဂျာနယ်နှစ်စောင် နောက်ဆက်တွဲတင်ခွင့်ပိတ်
- မီတာစနစ်မသုံးသည့် တက္ကစီများ CNG ထုတ်ယူခွင့် တစ်လပိတ်သိမ်းမည်
ပြည်တွင်းပါတီ၊ နိုင်ငံရေးသတင်းများ
- တပ်မတော် အစိုးရလက်ထက်ဝန်ကြီးဟောင်းများဖြင့် ရေးရာ ကော်မတီများဖွဲ့စည်း
- လွှတ်တော်နှင့် ပြည်သူ ဆက်သွယ်နိုင်ရေး ဒီမိုကရက်တစ်ပါတီ(မြန်မာ) ဆောင်ရွက်
- အမျိုးသားဒီမိုကရေစီပါတီသစ် တည်ထောင်ခွင့်ရ
- ကုန်ဈေးနှုန်း တည်ငြိမ်ရေးကော်မတီ ပြင်ဆင်ဖွဲ့စည်း
သတင်းနှင့် ဆောင်းပါးများမှ ကောက်နှုတ်ချက်များ
ဆောင်းပါးကဏ္ဍ
အစိုးရနှင့် စီးပွားရေးလုပ်ငန်းများ ဆက်ဆံရေး
×××××××××××××××××××××××××××××××××××××××××××××××××××××××××××××××××
ပြည်တွင်းသတင်းများ
မြန်မာတိုင်းဂျာနယ်မှ အယ်ဒီတာနှင့် သတင်းထောက်များ ဆယ်ဦးထက်မနည်း အစုလိုက်နှုတ်ထွက်
အပတ်စဉ်ထုတ် သတင်းဂျာနယ် တစ်စောင်ဖြစ်သော မြန်မာတိုင်းဂျာနယ်မှ အယ်ဒီတာများနှင့် သတင်းထောက် ၁၂ဦးခန့် ရုတ်တရက် တပြိုင်တည်း နှုတ်ထွက်မှုတစ်ရပ် ပြီးခဲ့သည့် အင်္ဂါနေ့က ဖြစ်ပွားခဲ့ကြောင်း အဆိုပါတိုက်မှ သတင်းထောက်တစ်ဦးက ပြောကြားသည်။
နှုတ်ထွက်ကြသူများသည် ယခင်စက်မှု ၁ ၀န်ကြီးဟောင်း ဦးအောင်သောင်းသား ပိုင်ဆိုင်သည့် IGE ကုမ္ပဏီမှ ထုတ်ဝေမည့် သတင်းစာစောင်တွင် သွားရောက် လုပ်ကိုင်မည့်သူများ ပါဝင်သလို များမကြာမီ ထုတ်ဝေမည့် သတင်းဂျာနယ် တစ်စောင်တွင် ကူးပြောင်း လုပ်ကိုင်မည့် သူများလည်း ပါဝင်ကြောင်း ၎င်းက ဆက်လက်ရှင်းပြသည်။
“သုံးပုံနှစ်ပုံလောက်က အိုင်ဂျီးအီးမှာ လုပ်မှာ လစာကောင်းကောင်း ပေးတာရယ် တခြားအကြောင်းတွေရယ် ရှိမှာပေါ့ သေချာချာတော့ မသိဘူး”ဟု ထွက်ရသည့် အကြောင်းအရင်းနှင့် ပတ်သက်လို့ အထက်ပါသတင်းထောက်က မှတ်ချက် ပြုပြောဆိုသည်။
မြန်မာတိုင်းဂျာနယ်ပိုင်ရှင် ဒေါက်တာ တင်ထွန်းဦးသည် မီဒီယာလုပ်ငန်းကို စိတ်ဝင်စားသော်လည်း ငွေရေးကြေးရေးနှင့် ပတ်သက်လျှင် စီးပိုးသူ တစ်ဦးဖြစ်ကြောင်း အထူးသဖြင့်စာမူခပေးရာတွင် ကပ်စီးနည်းလွန်းသူဖြစ်ကြောင်း လွန်ခဲ့သည့်ငါးနှစ်ခန့်က ဒေါက်တာတင်ထွန်းဦး စွယ်စုံ မီဒီယာဂရုမှ ပိုင်ဆိုင်သော ပြည်မြန်မာ ဂျာနယ်တွင် လုပ်ကိုင်ခဲ့သူတစ်ဦးက ဆိုသည်။
“ဘာသာပြန် စာမူတစ်ပုဒ်ချင်းကို ပေတံနဲ့ တိုင်းပြီးတော့ ဘယ်နှစ်လက်မအတွက်ဆို ဘယ်လောက်ဆိုပြီး ပေးတယ် တော်တော်ဆိုးတယ် ခံရတဲ့လူက အောင့်သက်သက်နဲ့”ဟု ၎င်းက ဝေဖန်ပြောဆိုသည်။
မြန်မာတိုင်း ဂျာနယ်ကို ပူးတွဲပိုင်ဆိုင်သည်ဆိုသော(စာတည်မှူးလည်းဖြစ်သူ) သြစတေးလျှလူမျိုး မစ္စတာ ရော့(စ်)ဒန်ကီလေသည် လူဝင်မှု ကြီးကြပ်ရေး ဥပဒေ၊ လူမူရေးပြဿနာများနှင့် အရေးယူခံရပြီးနောက် မြန်မာတိုင်းဂျာနယ်ကို ဒေါက်တာ တင်ထွန်ဦး တစ်ယောက်တည်းကသာ ပိုင်ဆိုင် တော့သည်ဟု မြန်မာစာနယ်ဇင်းလောကတွင် ပြောဆိုမှုများ ရှိသည်။
မြန်မာကွန်ဆိုလီဒိတ်တက် မီဒီယာမှထုတ်ဝေသည့် မြန်မာတိုင်း(မ်) သတင်းနှင့် စီးပွားရေးဂျာနယ်တွင် စာတည်းမှူး၊ ထုတ်ဝေရေး၊ ကြော်ငြာနှင့် သတင်းထောက်များအပါအ၀င် အယ်ဒီတာအဖွဲ့တွင် ၀န်ထမ်းအင်အား အယောက် ၄၀ ခန့် ရှိသည်။
မိဖြူ
-----------------------------------------------------------------------------------------------------------------------------------
သတင်းဂျာနယ်နှစ်စောင် နောက်ဆက်တွဲတင်ခွင့်ပိတ်
ဒုတိယဗိုလ်ချုပ်ကြီးဟောင်း ခင်မောင်သန်းသမီး ဒေါ်မမပိုင် Hot News Journal နှင့် ရွှေသံလွင် ဦးကျော်ဝင်း၏ ထောက်ပံ့မှုဖြင့် ရပ်တည် နေသော Envoy Journal တို့သည် စာပေစိစစ်နှင့် မှတ်ပုံတင်ဌာန၏ စည်းမျဉ်းစည်းကမ်းကို ဖောက်ဖျက်သဖြင့် နောက်ဆက်တွဲစာမူ တင်သွင်းခွင့်ကို ပိတ်ပင် လိုက်ကြောင်း သိရသည်။
စာပေစိစစ်ရေး၏ စီမံခန့်ခွဲမှု နည်းလမ်းအရ အရေးယူခြင်း ဖြစ်ကြောင်း စာပေစိစစ်ရေးမှ တာဝန်ရှိသူတစ်ဦးက ဆိုသည်။
သြဂုတ်လ ၁၅ ရက်ထုတ် Hot News Journal အတွဲ(၂)၊ အမှတ်(၅၃)နှင့် သြဂုတ်လ ၁၈ ရက်ထုတ် Envoy Journal အတွဲ(၂)၊ အမှတ်(၁၇) တို့သည် စာပေစိစစ်နှင့် မှတ်ပုံတင်ဌာန၏ စည်းကမ်းများကို ဖောက်ဖျက်ခဲ့ခြင်း ဖြစ်ကြောင်း သိရသည်။
“အဲဒီဂျာနယ်နှစ်စောင်ကို နောက်ဆက်တွဲစာမှုတင်ခွင့် ပိတ်တဲ့ကိစ္စကို ဂျာနယ်တိုင်းကို ထုတ်ပြန်ချက်တစ်စောင်စီ ပေးထားပါတယ်”ဟု အဆိုပါ တာဝန်ရှိသူက ဆက်လက်ပြောကြားသည်။
ယင်း ထုတ်ပြန်ချက်တွင် စည်းကမ်းချိုးဖောက်မှုများသည် စာပေစိစစ်နှင့်မှတ်ပုံတင်ဌာနမှ အဆင့်ဆင့် ပြောင်းလဲကျင့်သုံးလာသည့် စာပေစိစစ် ရေးမူများကို လိုက်နာလျက်ရှိသော စာစောင်များအတွက် မျှတမှု မရှိသည့်အတွက် ဤကဲ့သို့ အရေးယူခြင်း ဖြစ်ကြောင်း ဖော်ပြထားသည်။
Envoy Journal မှ သတင်းထောက်တစ်ဦးက “အန်တီစု ခရီးစဉ်သတင်း ဖော်ပြတဲ့နေရာမှာ ဓာတ်ပုံတစ်ပုံပဲ ခွင့်ပြုတာကို ကျွန်မတို့က သုံးပုံ တင်လိုက်တယ်လေ။ အဲဒီကိစ္စကြောင့် ကျွန်မတို့ အရေးယူခံရတာ”ဟု ဆိုသည်။
နောက်ဆက်တွဲစာမူ တင်ခွင့်အား သြဂုတ်လ ၁၈ ရက်မှစ၍ ပိတ်ပင်လိုက်ကာ၊ မည်သည့်အချိန်တွင် ပြန်လည်ခွင့်ပြုမည်ကို မသိရှိသေးကြောင်း ကာယကံရှင်ဂျာနယ်များမှ တာဝန်ရှိသူများက တစ်ညီတစ်ညွတ်တည်း ဆိုသည်။
အစိုးရသစ် တက်ပြီးကာလတွင် စာပေစိစစ်နှင့် မှတ်ပုံတင်ဌာနမှ သတင်းဂျာနယ်နှင့် အခြားဂျာနယ်များအား ကဏ္ဍအလိုက် အုပ်စုများခွဲကာ စည်းကြပ်ခဲ့ပြီး အချို့ဂျာနယ်များကို ကာလအနည်းငယ် ပိတ်ပင်ခဲ့သည့် ဖြစ်ရပ်များ ရှိကြောင်း သိရသည်။
YC(KS)
-----------------------------------------------------------------------------------------------------------------------------------
မီတာစနစ်မသုံးသည့် တက္ကစီများ CNG ထုတ်ယူခွင့် တစ်လပိတ်သိမ်းမည်
စက်တင်ဘာလ ၁ ရက်နေ့မှ စတင်၍ ရန်ကုန်တိုင်းဒေသကြီးအတွင်း ပြေးဆွဲလျက်ရှိသည့် တက္ကစီများတွင် မီတာစနစ် အသုံးပြုခြင်း မရှိပါက CNG ထုတ်ယူခွင့် တစ်လ ပိတ်သိမ်း၍ အရေးယူဆောင်ရွက်သွားမည်ဖြစ်ကြောင်း သိရသည်။
ယခုအခါ ရန်ကုန်မြို့တွင်း CNG တပ်ဆင်ထားသည့် City Taxi များတွင် မီတာတပ်ဆင်ထားသော်လည်း ခရီးသည် ပို့ဆောင်ရာတွင် ၎င်း မီတာ စနစ်အား အသုံးပြုခြင်းမရှိသည့်အတွက် ယခုကဲ့သို့ အရေးယူ ဆောင်ရွက်ရခြင်း ဖြစ်ကြောင်း သိရသည်။
ထိုသို့ အရေးယူဆောင်ရွက်နိုင်ရာတွင် ယာဉ်ထိန်းရဲတပ်ဖွဲ့ဝင်များအနေနှင့် မြို့တွင်းရှိ မီတာတပ်ဆင်ထားသည့် တက္ကစီများကို ရှောင်တခင် ဝင်ရောက်စစ်ဆေးမှုများ ပြုလုပ်သွားမည့်အပြင် လိုက်ပါစီးနင်းလာသည့် ခရီးသည်များနှင့်လည်း ပူးပေါင်းဆောင်ရွက်မှုများ ပြုလုပ်၍ အရေးယူ သွားမည် ဖြစ်ရာ ခရီးသည်များအနေနှင့်လည်း မိမိလိုက်ပါ စီးနင်းလာသည့် Taxi ပေါ်တွင် မီတာအသုံးပြုမှု ရှိ၊မရှိ ကို စောင့်ကြည့်ရမည်ဖြစ်ပြီး မီတာအသုံးပြုမှု မရှိပါက တိုင်ကြားနိုင်ကြောင်း သိရသည်။
ထို့အပြင် ရန်ကုန်မြို့တွင်း မောင်းနှင်လျက်ရှိသည့် ယာဉ်များကိုလည်း လူကူးမျဉ်းကြား အရှိန်လျှော့ မောင်းနှင်စေရန် ပညာပေး လုပ်ဆောင်မှု များကို ဆောင်ရွက်လျက်ရှိပြီး စည်းကမ်းလိုက်နာမှု မရှိသည့် ယာဉ်မောင်းများကို ထိရောက်စွာ အရေးယူဆောင်ရွက်သွားမည်ဖြစ်ကြောင်း မြန်မာနိုင်ငံ ယာဉ်ထိန်း ရဲတပ်ဖွဲ့မှ ထုတ်ပြန်ကြေညာထားသည်။
ရန်ကုန်မြို့တွင်း၌ မီတာတပ်ဆင်ထားသည့် တက္ကစီ အဌားယာဉ် အစီးရေမှာ ၁၁၉၇၃ စီး ရှိကြောင်း သိရသည်။
YC
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
တပ်မတော် အစိုးရလက်ထက်ဝန်ကြီးဟောင်းများဖြင့် ရေးရာ ကော်မတီများဖွဲ့စည်း
ဥပဒေပြုရေး၊ အုပ်ချုပ်ရေး၊ တိုင်းရင်းသား လူမျိုးများအရေး၊ စီပွားရေး၊ ဘဏ္ဍာရေး၊ လူမှုရေး၊ နိုင်ငံခြားရေးတို့အပြင် အခြားရေးရာကိစ္စများကို လေ့လာတင်ပြနိင်ရန် တိုးချဲ့ဖွဲ့စည်းသည့် ကော်မတီများနှင့် ကော်မတီဥက္ကဋ္ဌများမှာ ယခင် တပ်မတော်အစိုးရ လက်ထက်တွင် ၀န်ကြီးအဆင့် တာဝန်ယူခဲ့သူ အများစုဖြစ်ကြောင်း မြန်မာအရေး ခွဲခြားစိတ်ဖြာ လေ့လာသူများက ပြောကြားသည်။
ယခင်တပ်မတော် အစိုးရလက် ၀ါရင့်ထိပ်တန်း ၀န်ကြီးများဖြစ်ပြီး ကြံ့ခိုင်ရေးပါတီ၏ ထိပ်ပိုင်းခေါင်းဆောင်များဖြစ်သော ဦးဌေးဦး၊ ဦးအောင်သောင်း၊ ဦးသိန်းဇော်၊ ဦးတင်ထွတ်၊ ဦးစိုးသာ၊ ဒေါက်တာချမ်းငြိမ်း၊ ဦးလွန်းသီ၊ ရန်ကုန်မြို့တော်ဝန်ဟောင်း ဦးအောင်သိန်းလင်းတို့လို လူများ ပါဝင် နေကြောင်း တွေ့ရှိရသည်။
စစ်တပ်အတွင်း အာဏာလွန်ဆွဲပွဲများ ရှိနေပြီး၊ ဦးသိန်းစိန် ဦးဆောင်သည့် အစိုးရကို ဖွဲ့စည်းစဉ်က အရည်အချင်းရှိသော ဦးဌေးဦးတို့လို ပုဂ္ဂိုလ်မျိုး ဗိုလ်ချုပ်မှူးကြီးအမိန့်အရ ပါတီတွင် ကျန်ခဲ့ရသော်လည်း လာမည့်ရွေးကောက်ပွဲတွင် သမ္မတရာထူးကို ရည်မှန်းနိုင်သူဖြစ်ကြောင်း ဟင်္သာတမြို့မှ ထိပ်ပိုင်း ကြံ့ခိုင်ရေးပါတီဝင် တစ်ဦးက ဆိုသည်။
“အဘဌေးဦး ကက်ဘိနက်ထဲမှာ မပါတာကို မြို့ကလူတွေ မကျေလည်ကြဘူး အခု ချွေးသိပ်တာလားမသိဘူး
အဘ ဌေးဦးက တိုင်းပြည်နဲ့ လူမျိုးကို ချစ်တဲ့လူပါ ချောင်ထိုးထားရမယ့် လူမျိုးမဟုတ်ဘူး”ဟု ၎င်းက သုံးသပ်ပြောဆိုသည်။
ပြည်သူ့လွှတ်တော်ဆိုင်ရာ ဥပဒေပုဒ်မ ၂၄နှင့် နည်းဥပဒေ ၇၉အရ လွတ်တော်ကိုယ်စားလှယ်များဖြင့် ကာလသတ်မှတ်ပြီး ကော်မတီများ တိုးချဲ့ဖွဲ့စည်းခွင့်ရှိသည်။
မိဖြူ
-----------------------------------------------------------------------------------------------------------------------------------
လွှတ်တော်နှင့် ပြည်သူ ဆက်သွယ်နိုင်ရေး ဒီမိုကရက်တစ်ပါတီ(မြန်မာ) ဆောင်ရွက်
ပြည်ထောင်စုလွှတ်တော်အတွင်းမှ ကိုယ်စားလှယ်များနှင့် ပြည်သူများ ဆက်သွယ်နိုင်ရေးအတွက် ဒီမိုကရက်တစ်ပါတီ(မြန်မာ) မှ လွှတ်တော်နှင့် ပြည်သူ့ဆက်သွယ်ရေး ကော်မတီတစ်ရပ်အား ဖွဲ့စည်းလိုက်ကြောင်း သိရသည်။
၎င်း ဖွဲ့စည်းလိုက်သည့် လွှတ်တော်နှင့် ပြည်သူ့ဆက်သွယ်ရေးကော်မတီ၌ အဖွဲ့ခေါင်းဆောင်အဖြစ် ဦးအောင်သန်းမြင့်မှ ဆောင်ရွက်မည် ဖြစ်ပြီး အဖွဲ့ဝင်များအဖြစ် ဦးမြင့်ကြည်(တိုင်းဒေသကြီးလွှတ်တော် ကိုယ်စားလှယ်)၊ ဒေါက်တာ ညိုညိုသင်း(တိုင်းဒေသကြီးလွှတ်တော် ကိုယ်စားလှယ်)၊ ဦးသန့်ဇင်မြင့်၊ ဦးအုံးကြိုင်၊ ဦးအေး၊ ဒေါ်မီနီသင်းကျော်၊ ဦးသန်းဇော်အောင်တို့ ပါဝင်မည် ဖြစ်ကြောင်း သိရသည်။
မြန်မာနိုင်ငံလုံးရှိ ပြည်သူများ၏ စီးပွားရေး၊ ပညာရေး၊ ကျန်းမာရေးနှင့် လူမှုရေး စသည့်ကဏ္ဍများ၌ အကျိုးစီးပွား တစုံတရာ ထိခိုက်နစ်နာမှု ရှိခဲ့ပါက ကူညီဆောင်ရွက်ပေးသွားနိုင်ရန် ရည်ရွယ်၍ ၎င်းကော်မတီအား ဖွဲ့စည်းလိုက်ခြင်း ဖြစ်ကြောင်း သိရသည်။
ထို့ပြင် ၎င်းကော်မတီမှ ခေတ်နှင့်လျော်ညီမှု မရှိတော့သည့် ဥပဒေများ၊ လုပ်ထုံးလုပ်နည်းများကို ပြုပြင်နိုင်ရေး ဆောင်ရွက်သွားမည်ဖြစ်ပြီး အာဏာပိုင်အဖွဲ့အစည်းများနှင့် ငွေရှင်ကြေးရှင်တို့က ပြည်သူများအပေါ် အနိုင်အထက် ပြုကျင့်မှုများကို ရှာဖွေဖော်ထုတ်၍ ဥပဒေအရအရေးယူနိုင်ရေး အတွက် ဥပဒေပြဋ္ဌာန်းနိုင်ရန် ဆောင်ရွက်သွားမည် ဖြစ်ကြောင်း သိရသည်။
ပြီးခဲ့သည့် သြဂုတ်လ ၁၁ ရက်နေ့တွင် ဒီမိုကရက်တစ်ပါတီ(မြန်မာ)သည် ဧရာဝတီတိုင်း၊ ဝါးခယ်မမြို့နယ်၌ အလုပ်အမှုဆောင် အဖွဲ့ ဖွဲ့စည်း ခြင်းနှင့် ဆိုင်းဘုတ်တင်ခြင်းအခမ်းအနားကို ပြုလုပ်ခဲ့ကြောင်း သိရသည်။
၎င်း အလုပ်အမှုဆောင်ကော်မတီတွင် ဥက္ကဋ္ဌအဖြစ် ဦးမြသောင်းမှ ဆောင်ရွက်မည် ဖြစ်ပြီး ဒုဥက္ကဋ္ဌအဖြစ် ဦးမျိုးမြင့်နှင့် အထွေအတွင်းရေးမှူး အဖြစ် ဦးအုန်းကျော်တို့မှ ကော်မတီဝင် (၁၃) ဦးဖြင့် ဆောင်ရွက်သွားမည် ဖြစ်ကြောင်း သိရသည်။
Ref: Hot News
-----------------------------------------------------------------------------------------------------------------------------------
အမျိုးသားဒီမိုကရေစီပါတီသစ် တည်ထောင်ခွင့်ရ
ပြည်ထောင်စု ရွေးကောက်ပွဲကော်မရှင်မှ အမျိုးသားဒီမိုကရေစီပါတီသစ်(New National Democracy Party)ကို ဥပဒေ၊ နည်းဥပဒေများနှင့် ညီညွှတ်ကြောင်း တွေ့ရှိရသဖြင့် သြဂုတ်လ ၂၃ ရက်နေ့တွင် ပါတီတည်ထောင်ခွင့် ပြုလိုက်ကြောင်း နိုင်ငံပိုင်သတင်းစာ များတွင် ရေးသား ဖော်ပြခဲ့သည်။
ပြည်သူ့လွှတ်တော်ကိုယ်စားလှယ် ဦးသိန်းညွှန့်နှင့် အဖွဲ့ဝင်၂၀ ဦး ဦးဆောင်သော အမျိုးသားဒီမိုကရေစီ ပါတီသစ်သည် ပြည်ထောင်စု ရွေးကောက်ပွဲ ကော်မရှင်သို့ ပါတီတည်ထောင်ခွင့်လျှောက်ထားခဲ့ရာ ဥပဒေ၊ နည်းဥပဒေများနှင့် ညီညွှတ်ခြင်း ရှိ၊ မရှိ စိစစ်ခဲ့ပြီးနောက် ရွေးကောက်ပွဲ ကော်မရှင်မှ တရားဝင်ခွင့်ပြုလိုက်ကြောင်း သိရသည်။
“ကော်မရှင်ကပေးပို့လိုက်တဲ့ ပါတီတည်ထောင်ခွင့်စာတော့ မရောက်သေးဘူး ရောက်တာနဲ့ ပါတီမှတ်ပုံတင်ခွင့်ကို ဆက်လက်လျှောက်သွားမှာပါ ” ဟု ရန်ကုန်တိုင်း ဒေသကြီးလွှတ်တော် သင်္ယန်ကျွန်းမြို့နယ် မဲဆန္ဒနယ် အမှတ် ၁ မှ ဦးကျော် ပြောကြားသည်။
အမျိုးသား ဒီမိုကရေစီ ပါတီသစ်မှ ခေါင်းဆောင်များသည် ဂျူလိုင်လ ၄ ရက်နေ့တွင် ပါတီတည်ထောင်ခွင့်ကို ပြည်ထောင်စု ရွေးကောက်ပွဲ ကော်မရှင်သို့ လျှောက်ထားခဲ့ကြောင်း ၎င်းပါတီမှ ပြည်သူ့လွှတ်တော် ကိုယ်စားလှယ် (လသာမြို့နယ်) ဦးကြည်မြင့်မှ ပြောကြားသည်။
ဦးသိန်းညွှန့်သည် ၂၀၁၀ ရွေးကောက်ပွဲတွင် အမျိုးသားဒီမိုကရေစီအင်အားစုပါတီမှ သင်္ယန်ကျွန်းမြို့နယ် ပြည်သူ့လွှတ်တော်မဲဆန္ဒနယ်တွင် ဝင်ရောက်ယှဉ်ပြိုင် အနိုင်ရရှိခဲ့သည့် လွှတ်တော်ကိုယ်စားလှယ်ဖြစ်ပြီး ပါတီတွင်းကိစ္စနှင့် ဘဏ္ဍာရေးပြဿနာများကို မီဒီယာများအားပြောကြားခဲ့သဖြင့် အမျိုးသားဒီမိုကရေစီအင်အားစုပါတီမှ ၂၀၁၀ခုနှစ် နိုဝင်ဘာလ ၁၇ ရက်နေ့တွင် ထုတ်ပယ်ခံခဲ့ရပြီးနောက် အမျိုးသားဒီမိုကရေစီပါတီသစ်ကို ဦးဆောင် တည်ထောင်ခဲ့သူ ဖြစ်သည်။
အမျိုးသား ဒီမိုကရေစီအင်အားစုပါတီသစ်မှ အဖွဲ့ဝင် ၂၀ ဦးတွင် ၂၀၁၀ ရွေးကောက်ပွဲတွင် အနိုင်ရရှိခဲ့သည့် သင်္ယန်ကျွန်းမြို့နယ် ပြည်သူ့ လွှတ်တော်ကိုယ်စားလှယ် ဦးသိန်းညွန့်၊ လသာမြို့နယ် ပြည်သူ့လွှတ်တော်ကိုယ်စားလှယ် ဦးကြည်မြင့်၊ ရန်ကုန်တိုင်းမဲဆန္ဒနယ် အမှတ် ၃ မှ အမျိုးသား လွှတ်တော်ကိုယ်စားလှယ် ဦးဘုန်းမြင့်အောင်၊ ရန်ကုန်တိုင်း ဒေသကြီးလွှတ်တော် သင်္ယန်ကျွန်းမြို့နယ် မဲဆန္ဒနယ် အမှတ် ၁ မှ ဦးကျော် နှင့် ရန်ကုန်တိုင်း ဒေသကြီး လွှတ်တော် သင်္ယန်ကျွန်းမဲဆန္ဒနယ် အမှတ် ၂ မှ ဒေါ်စန်းစန်းမြင့်တို့ ပါဝင်ကြောင်း သိရသည်။
၎င်းလွှတ်တော်ကိုယ်စားလှယ် ၅ ဦးလုံးသည် ၂၀၁၀ ရွေးကောက်ပွဲတွင် အမျိုးသားဒီမိုကရေစီအင်အားစုပါတီ NDF မှဝင်ရောက်ယှဉ်ပြိုင်ခဲ့ပြီး အနိုင်ရရှိခဲ့သူများဖြစ်ကြောင်း သိရသည်။ ထို့အတူ လာမည့် ကြားဖြတ်ရွေးကောက်ပွဲတွင်လည်း အမျိုးသားဒီမိုကရေစီပါတီသစ်မှ ဒဂုံဆိပ်ကမ်း မြို့နယ်နှင့် မရမ်းကုန်းမြို့နယ်များတွင် ဝင်ရောက် ယှဉ်ပြိုင်သွားမည်ဖြစ်ကြောင်း သိရသည်။
YC
-----------------------------------------------------------------------------------------------------------------------------------
ကုန်ဈေးနှုန်း တည်ငြိမ်ရေးကော်မတီ ပြင်ဆင်ဖွဲ့စည်း
ရန်ကုန်မြို့တော်အတွင်း ပြည်သူများ၏ စားဝတ်နေရေးပြေလည်ရန် နှင့် အခြေခံစားကုန်ပစ္စည်းများ ဈေးနှုန်း တည်ငြိမ်ရေးကို ထိန်းသိမ်းရန် အတွက် ယခင် ရန်ကုန်မြို့တော် ကုန်ဈေးနှုန်းထိန်းသိမ်းရေး ကော်မတီကို သြဂုတ်လ တတိယပတ်မှ စတင်၍ “ရန်ကုန်တိုင်းဒေသကြီး ကုန်ဈေးနှုန်း တည်ငြိမ်ရေး ကော်မတီ” အဖြစ် ပြင်ဆင်ဖွဲ့စည်းကြောင်း သက်ဆိုင်ရာမှ သိရှိရသည်။
ရန်ကုန်မြို့တော်ဝန် ဥက္ကဋ္ဌအဖြစ် ပါဝင်သည့် ရန်ကုန်တိုင်းဒေသကြီး ကုန်ဈေးနှုန်း တည်ငြိမ်ရေး ကော်မတီကို စွမ်းအင်ဝန်ကြီးဌာန၊ မွေးမြူရေးနှင့် ရေလုပ်ငန်းဝန်ကြီးဌာန၊ ရထားပို့ဆောင်ရေးဝန်ကြီးဌာန၊ ပို့ဆောင်ရေးဝန်ကြီးဌာန၊ အမှတ်(၁) စက်မှုဝန်ကြီးဌာန၊ ရန်ကုန်တိုင်းဒေသကြီး အထွေထွေ အုပ်ချုပ်ရေးဦးစီးဌာန၊ ခရိုင်အထွေထွေ အုပ်ချုပ်ရေး ဦးစီးဌာနများ၊ အထူးစုံစမ်းစစ်ဆေးရေးဦးစီးဌာန၊ လယ်ယာစိုက်ပျိုးရေးနှင့် ဆည်မြောင်း ဝန်ကြီးဌာန၊ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန၊ မြန်မာနိုင်ငံ မွေးမြူရေးလုပ်ငန်းအဖွဲ့ချုပ်၊ မြန်မာနိုင်ငံ ငါးလုပ်ငန်းအဖွဲ့ချုပ်၊ ဆန်စပါးလုပ်ငန်းရှင် အသင်း၊ ပဲမျိုးစုံနှင့် နှမ်းကုန်သည်များအသင်း၊ ကြက်သွန်နီ၊ ကြက်သွန်ဖြူနှင့် စားဖိုဆောင်သုံးသီးနှံ စိုက်ပျိုးထုတ်လုပ် တင်ပို့ရောင်းချသူများအသင်း၊ သွားနှင့် ဆေး ပစ္စည်းကုန်သည်များနှင့် လုပ်ငန်းရှင်များအသင်း၊ ရွှေလုပ်ငန်းရှင်များအသင်း၊ သစ်သီးဝလံနှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ရောင်းချ သူများအသင်း၊ စိုက်ပျိုးရေးအခြေခံ စားသောက်ကုန် ထုတ်လုပ် တင်ပို့ရောင်းချသူများအသင်းနှင့် ရန်ကုန်မြို့တော် စည်ပင်သာယာရေး ကော်မတီ တာဝန်ရှိသူများဖြင့် ပြင်ဆင် ဖွဲ့စည်းခြင်း ဖြစ်သည်။
ရန်ကုန်တိုင်းဒေသကြီး ကုန်ဈေးနှုန်းတည်ငြိမ်ရေးကော်မတီမှ ဒေသအတွင်း အခြေခံစားသုံးကုန်များ ဖြစ်သည့် ဆန်၊ စားသုံးဆီနှင့် မီးဖိုချောင် သုံးပစ္စည်းများ ဈေးနှုန်းတည်ငြိမ်ရေးကို ဦးစားပေးဆောင်ရွက်ရန် ပြည်တွင်းထွက်ကုန်များ နယ်စပ်များမှတစ်ဆင့် တရားမဝင်ပြည်ပသို့ မထွက်ရှိစေရန် လုပ်ထုံးလုပ်နည်း စည်းကမ်းများနှင့် အညီဆောင်ရွက်ရေး ကြပ်မတ်၍ ရန်ကုန်နယ်နိမိတ်အတွင်းရှိ ခရိုင်၊ မြို့နယ်၏ အထွေထွေအုပ်ချုပ်ရေးဦးစီးဌာနများကို ကုန်ဈေးနှုန်း တည်ငြိမ်ရေးအတွက် ကြပ်မတ်စေရန်နှင့် အခြားလုပ်ငန်းတာဝန်များကို နေ့စဉ်စစ်ဆေးဆောင်ရွက်ရန် ဖွဲ့စည်းကြောင်း သိရှိရသည်။
Ref :Hot News
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
“နောက်ဆုံးပေါ်ကိစ္စကတော့ တားစားကိစ္စပါပဲ၊ မီးရထားဝန်ထမ်းတွေရထားကိစ္စနဲ့ အားမရလို့ ကားလမ်းပေါ်အထိ အတင့်ရဲလာတဲ့ ကိစ္စပါပဲ။ ဘုရင့်နောင် လမ်းဆုံ (အင်းစိန် G.T.I ကျောင်းဟောင်းရှေ့)မှာ မီးရထားလမ်းကူးဂိတ်ရှိပါတယ်။ များပြားပွေလီလှသော ဘုရင့်နောင်လမ်းမကြီးပေါ် ဖြတ်သွား ဖြတ်လာ ကားတွေအပေါ်မှာ မျက်စိကျပြီး တားစားလာတာ နှစ်နှစ်ကျော် သုံးနှစ်ထဲ ဝင်လာခဲ့ပါပြီ။
တခြားတော့ မဟုတ်ပါဘူး။ မီးရထားလာမှ ပိတ်ရမယ့် ဂိတ်တံခါး သံတန်းကို မီးရထားမလာဘဲ ပိတ်ချင်ယောင် ဆောင်ထားပါတယ်။ ကားသမားတွေက အရင်လိုလို့ ခေါင်းကလေးတွေ ပြူရာကလက်ထဲမှာ နှစ်ရာတန်စက္ကူလေးတွေ ဖြုတ်ကနဲ ပြစ်ချလိုက်တာနဲ့ ငယ်ငယ်က ကစားခဲ့ကြတဲ့ ရွှေတံခါးကြီး ဖွင့်ပါဦးဆိုတဲ့ ကစားနည်းအတိုင်းရထားသံတန်းတံခါးက လှုပ်ရှားပွင့်လာခဲ့ပါတော့တယ်။
သြဂုတ် ၂၅ ထုတ် The Hot News အတွဲ (၂) အမှတ် (၅၄) တွင်ပါသည့် “ဖမ်းစား၊ ရိုက်စား၊ တားစား” သတင်း ဆောင်းပါးမှ ကောက်နှုတ်ချက်
-----------------------------------------------------------------------------------------------------------------------------------
“လေဆိပ်ဝန်ဆောင်ခဆိုပြီး ၁၀၀၀ ကျပ်ကောက်ပါတယ်။ ဒါပေမဲ့ အဲဒီ ၁၀၀၀ ကျပ် ပေးရတာနဲ့တန်တဲ့ ဝန်ဆောင်မှုမျိုးတော့ မပေးကြဘူး” ဟု မန္တလေး တံတားဦးလေဆိပ်မှ ပြန်လာသော ပြည်တွင်းခရီးသည်တစ်ဦးက ပြောသည်။
လေဆိပ်များတွင် အဲကွန်းများ တပ်ဆင်ပေးရန် လိုအပ်နေပြီး၊ လေဆိပ်သန့်ရှင်းရေးများကိုပါ စနစ်တကျ ဆောင်ရွက်ရန်လိုအပ်ကြောင်း၊ နိုင်ငံတကာ လေဆိပ်များတွင် ကားပါကင်နှင့် လေဆိပ်အကူးတွင် အမိုးများ တပ်ဆင်ပေးထားကြောင်း၊ မြန်မာနိုင်ငံရှိ ပြည်တွင်းလေဆိပ်များကိုလည်း ထိုကဲ့သို့ ပြု လုပ်ရန် လိုအပ်နေသေးကြောင်း ၎င်းက ပြောသည်။
“နာရီကိုးလုံးနဲ့ အပြည်ပြည်ဆိုင်ရာ အချိန်တွေကို ပြသထားတာမှန်ကန်ဖို့လိုအပ်ပါတယ်။ အဲဒီအပြင် မြန်မာစံတော်ချိန်ကိုလည်း တိတိကျကျဖြစ်အောင် ပြသဖို့လိုအပ်တယ်။ အဲဒီအသေးအမွှားနာရီတွေကအစ အချိန်မမှန်ဘူး ဖြစ်နေတယ်” ဟု ၎င်းကဆက်လက်ပြောသည်။
သြဂုတ် ၂၅ ထုတ် Popular New အတွဲ (၃) အမှတ် (၃၃) တွင်ပါသည့် “ပြည်တွင်းလေဆိပ်အချို့တွင် ဝန်ဆောင်ခနှင့် ဝန်ဆောင်မှု ညီမျှရန် လိုအပ်နေသေး” သတင်းမှ ကောက်နှုတ်ချက်
-----------------------------------------------------------------------------------------------------------------------------------
“လက်ရှိ ကျွန်တော်တို့နိုင်ငံမှာ ကျင့်သုံးနေတဲ့ ဆန်စပါးစိုက်ပျိုး ထုတ်လုပ်မှုဆိုင်ရာ မူဝါဒတွေမှာ အားသာချက်၊ အားနည်းချက်တွေ ရှိနေပါတယ်။ ပြီးတော့ အိမ်နီးချင်းနိုင်ငံတွေမှာ လက်ရှိကျင့်သုံးနေတဲ့ ဆန်စပါး စိုက်ပျိုး ထုတ်လုပ်မှုဆိုင်ရာ မူဝါဒတွေက ဘယ်လိုရှိနေတယ်။ ဒီအချက်တွေကိုပါ ကြည့်ပြီးတော့ ပြန်လည်ပြင်ဆင် သွားမှာဖြစ်တဲ့အပြင် အခု ၂၁ ရာစုမှာဆိုရင်လည်း နိုင်ငံတကာမှာ ကမ္ဘာ့ရာသီဥတု ပြောင်းလဲဖောက်ပြန်မှုတွေကြောင့် လယ်ယာသီးနှံ တွေရဲ့အထွက်က ဆုတ်ယုတ်မှုတွေ ရှိလာပြီဖြစ်တယ်။ ဒါကြောင့် ဒီအချက်တွေကိုပါ ကျွန်တော်တို့ ထည့်သွင်းစဉ်းစားပြီးတော့ ကျွန်တော်တို့နိုင်ငံရဲ့ ဆန်စပါး စိုက်ပျိုးထုတ်လုပ်မှုဆိုင်ရာ မူဝါဒကို ပြန်လည်ပြင်ဆင် သွားမှာ ဖြစ်ပါတယ်”
သြဂုတ် ၂၆ ရက်ထုတ် မြန်မာတိုင်းမ် အတွဲ (၂၇) အမှတ် (၅၃၁) တွင်ပါသည့် “ပြည်တွင်း ဆန်စပါးမူဝါဒကို ပြန်လည်ပြင်ဆင်ရန် စီစဉ်နေ” သတင်းမှ မြန်မာနိုင်ငံ ဆန်စပါးလုပ်ငန်းရှင်အသင်းမှ ဦးရဲမင်းအောင်၏ ပြောကြား ချက်အပေါ် ကောက်နှုတ်ချက်
-----------------------------------------------------------------------------------------------------------------------------------
အများမျှော်လင့်နေတဲ့ စတော့ အိတ်ချိန်းတစ်ခုဖြစ်လာဖို့ဟာ ဒီဈေးကွက်ရဲ့ အဓိက ဇာတ်လိုက်ဖြစ်တဲ့ လုပ်ငန်းအစုရှယ်ယာတွေ၊ ငွေချေးစာချုပ် တွေဟာ အိတ်ချိန်းဒိုင်ဖွင့် ရောင်းဝယ်လောက်အောင် ဈေးကွက်မှာ များများရှိ နေရမှာဖြစ်ပါတယ်။ ဒီလို အစုရှယ်ယာတွေ၊ ငွေချေးစာချုပ်တွေကို အဓိက ထုတ်ရောင်း တာက အများပိုင်ကုမ္ပဏီတွေ ဖြစ်တဲ့အတွက် စတော့ အိတ်ချိန်းတစ်ခု ပေါ်ပေါက်လာဖို့ အများပိုင် ကုမ္ပဏီတွေများများ ရှိဖို့လိုအပ်တာ ဖြစ်ပါတယ်။ ဒီအများပိုင် ကုမ္ပဏီတစ်ခု ဖြစ်လာဖို့အတွက်ကတော့ ကုမ္ပဏီအခြေအနေ၊ စာရင်း ဇယား စသည်အားလုံးဖွင့်ချပြဖို့ လိုအပ်နေပြန်ပါတယ်။
ဒီအတွက် နိုင်ငံပိုင်လုပ်ငန်းများပုဂ္ဂလိက တစ်ဦးချင်းပိုင် ကုမ္ပဏီများနဲ့ အဓိက လည်ပတ်နေတဲ့ မြန်မာ့စီးပွားရေး လောက၊ မြန်မာစီးပွားရေးရပ်ဝန်းရဲ့ လက်ရှိ ရာသီဥတု အခြေအနေတွေအပေါ်ကနေ ဒီဈေးကွက် ဆက်ဖွံ့ဖြိုးမလာရတဲ့ အကြောင်းရင်းကို အလွယ်တကူ ခန့်မှန်းမိနိုင်မှာပါပဲ။
သြဂုတ် ၂၆ ရက်ထုတ် မြန်မာတိုင်းမ် အတွဲ (၂၇) အမှတ် (၅၃၁) တွင်ပါသည့် “မြန်မာ စတော့ရှယ်ယာဈေးကွက်အကြောင်း တစေ့တစောင်း” သတင်းမှ ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
အစိုးရနှင့် စီးပွားရေးလုပ်ငန်းများ ဆက်ဆံရေး
မြန်မာနိုင်ငံသည် ဈေးကွက်စီးပွားရေးစနစ်ကို နိုင်ငံတော်၏ စီးပွားရေးဆိုင်ရာ အိုင်ဒီအိုလိုဂျီအဖြစ် ရွေးချယ်ခဲ့သည်ကို သမ္မတကြီး နိုင်ငံတော် မူဝါဒဆိုင်ရာ အခြေပြမိန့်ခွန်းတွင် ထည့်သွင်းပြောကြားပြီး ဖြစ်လေသည်။ ဖွဲ့စည်းပုံ အခြေခံဥပဒေ၌လည်း ဥပဒေပုဒ်မ ၃၇၁ တွင် နိုင်ငံတော်သည် အမျိုးသားစီးပွားရေး ဖွံ့ဖြိုးတိုးတက်စေရေးအတွက် နည်းပညာ၊ အရင်းအနှီး၊ စက်မှုပစ္စည်း၊ ကုန်ကြမ်း အစရှိသည်တို့ကို ရရှိစေရန် ကူညီမည်ဟု ပြဋ္ဌာန်း ထားလေသည်။ ဤသည်ကို ကြည့်ခြင်းအားဖြင့် နိုင်ငံတော်သည် ဆန်စပါးမူဝါဒ၊ စက်မှုမူဝါဒတို့ကို ဖော်ဆောင်ရာ၌ စွန့်ဦးတီတွင်များ လိုအပ်သည့် အရင်းအနှီး၊ စက်မှုပစ္စည်း၊ ကုန်ကြမ်းအစ ရှိသည့် လိုအပ်သည့် သွင်းအားစုများကို ဖန်တီးဖော်ဆောင်ပေးမည်ဟု အဓိပ္ပါယ် ဖွင့်ဆို၍ ရရှိပေသည်။ လက်တွေ့တွင်လည်း လက်ရှိ အစိုးရသည် ယင်းဥပဒေပါ ပြဋ္ဌာန်းချက်ကို အကောင်အထည် ဖော်နေကြောင်း တွေ့ရလေသည်။ ရထားဝန်ကြီးဌာနမှ ပြည်တွင်းရှိ လုပ်ငန်းရှင်များ မီးရထားအပို ပစ္စည်းထုတ်လုပ်ရေးစက်ရုံ တည်ဆောက်ရေးအတွက် ဒေါ်လာသန်း ၉၀ ကျော်ကို တရုတ်နိုင်ငံမှ ချေးယူ ပေးခြင်းမျိုး ဖြစ်လေသည်။
ထို့အပြင် အစိုးရမှ နိုင်ငံသားများအတွက် ပုဂ္ဂလိကပစ္စည်းပိုင်ဆိုင်ခွင့်ကိုလည်း ကာကွယ်စောင့်ရှောက် ပေးရမည် ဖြစ်လေသည်။ အဘယ်ကြောင့် ဆိုသော် ဖွဲ့စည်းပုံအခြေခံ ပုဒ်မ ၃၇၂ အရ ဤဖွဲ့စည်းပုံပါ အခြေခံ ဥပဒေပါ ပြဋ္ဌာန်းချက်နှင့် လည်းကောင်း၊ တည်ဆဲဥပဒေများပါ ပြဋ္ဌာန်းချက်များနှင့် လည်းကောင်း မဆန့်ကျင်စေဘဲ စီးပွားရေးကိစ္စများကို ဆောင်ရွက်ရာတွင် ပစ္စည်းပိုင်ဆိုင်ခွင့်၊ သုံးစွဲခွင့်နှင့် ကိုယ်ပိုင်တီထွင်ခွင့်၊ မူပိုင်ခွင့်တို့ကို နိုင်ငံတော်က အာမခံသည်ဟု ပြဋ္ဌာန်းထား လေသည်။ ပုဂ္ဂလိကပစ္စည်း ပိုင်ဆိုင်ခွင့်မှာ နိုင်ငံသားတို့၏ အလုပ်လုပ် လိုစိတ်ကို နှိုးဆွပေးသည့် မူဝါဒလည်း ဖြစ်လေသည်။ တနည်းပြောရလျှင် နိုင်ငံတော်မှ နိုင်ငံသားတို့၏ ဥစ္စာဓနကို ခေါင်းပုံဖြတ် အမြတ်ထုတ်ခြင်း မရှိ၊ ပြည်သူပိုင်သိမ်းခြင်း မရှိဟု အာမခံထားသည့် သဘောပင် ဖြစ်လေသည်။
သို့သော် စီးပွားရေး အသင်းအဖွဲ့များမှ စည်းစည်းလုံးလုံးနှင့် အမျိုးအကျိုးစီးပွား တိုးတက်ရေးအတွက် ဆောင်ရွက်လျှင်လည်း နိုင်ငံတော် အနေဖြင့် ခုတစ်မျိုး တော်ကြာတစ်မျိုးလုပ်ယူ၍ မရနိုင်တော့ပါ။ ထိုအတွက်ကြောင့် စီးပွားရေး အသင်းအဖွဲ့များ၏ စည်းလုံးမှုသည်လည်း နိုင်ငံစီးပွားရေး ဖွံ့ဖြိုးအတွက် လွန်စွာ အရေးကြီးသည့် ကိစ္စရပ်ကြီး ဖြစ်လေသည်။ တနည်းအားဖြင့် စီးပွားရေးအသင်းအဖွဲ့များမှ ယင်းတို့ရင်ဆိုင်ရသည့် အခက် အခဲများကို အစိုးရနှင့် ညှိနှိုင်းဆွေးနွေးခြင်းသည် မူဝါဒဆိုင်ရာ သွင်းအားစုများအဖြစ် အသွင်ပြောင်းသွားပြီး အမျိုးသားစီးပွားရေး ဖွံ့ဖြိုးတိုးတက်မှု ဖြစ်စေခဲ့လေသည်။
ကုမ္ပဏီများ၊ မှတ်ပုံတင်ထားသည့် လုပ်ငန်းအဖွဲ့အစည်းများကိုလည်း နိုင်ငံသားအဖြစ် ကြည့်ရှု၍လည်း ရပါသည်။ နိုင်ငံသားတစ်ဦးသည် နိုင်ငံတော် ကောင်းကျိုးအတွက် လွတ်လပ်စွာထုတ်ဖော် ပြောဆိုခွင့်၊ လွတ်လပ်စွာ ရေးသား ထုတ်ဝေနိုင်ခွင့် ရှိသလို ကုမ္ပဏီများကို ယင်းကဲ့သို ရှုမြင်ပါက အမျိုးစီးပွားရေး ဖွံ့ဖြိုးတိုးတက်ဖွံ့အတွက် အစိုးရသို့ လွတ်လပ်စွာ ပြောဆို၊ ရေးသားခွင့်ရှိသည်ပင် ဖြစ်သည်။ ဖွဲ့စည်းပုံ အခြေခံပုဒ်မ ၃၅၄ အရ နိုင်ငံသား တိုင်းသည် နိုင်ငံတော် လုံခြုံရေး၊ တရားဥပဒေ စိုးမိုးရေး၊ ရပ်ရွာအေးချမ်း သာယာရေး သို့မဟုတ် ပြည်သူတို့၏ ကိုယ်ကျင့်တရား အကျိုးငှာ ပြဋ္ဌာန်း ထားသည့် ဥပဒေများနှင့် မဆန့်ကျင်လျှင် အောက်ပါ အခွင့်အရေးများကို ထင်မြင်ယူဆချက်များကို လွတ်လပ်စွာသုံးစွဲ ဆောင်ရွက်ခွင့် ရှိလေသည်။
(က) မိမိ၏ ယုံကြည်ချက်၊ ထင်မြင်ယူဆချက်များကို လွတ်လပ်စွာ ထုတ်ဖော်ပြောဆိုခွင့်၊ ရေးသား ဖြန့်ဝေခွင့်၊
(ခ) လက်နက်မပါဘဲ ငြိမ်းချမ်းစွာ စုဝေးခွင့်၊ စီတန်းလှည့်လည်ခွင့်၊
(ဂ) အသင်းအဖွဲ့ သို့မဟုတ် အစည်းအရုံးများ ဖွဲ့စည်းဆောင်ရွက်ခွင့်၊
(ဃ) တိုင်းရင်းသားလူမျိုး တစ်မျိုးနှင့် တစ်မျိုး သို့မဟုတ် တိုင်းရင်းသားလူမျိုး အချင်းချင်းကိုလည်းကောင်း၊ အခြားဘာသာ သာသနာ ကိုလည်းကောင်း၊ ထိခိုက်နစ်နာမှု မရှိစေဘဲ မိမိချစ်ခင်မြတ်နိုးသည့် စကား၊ စာပေ၊ ယဉ်ကျေးမှု၊ ကိုးကွယ်သည့် ဘာသာ သာသနာနှင့် ဓလေ့ထုံးတမ်း များကို လွတ်လပ်စွာ ဆောင်ရွက်ပိုင်ခွင့် ဟူ၍ ပြဋ္ဌာန်းထားလေသည်။
အစိုးရတစ်ရပ်အနေဖြင့် ဈေးကွက်၏ သတင်းအချက်အလက်များ၊ ကုမ္ပဏီများ၏ လုပ်ဆောင်ပုံများ၊ ဝယ်လိုအား၊ ရောင်းလိုအား ဖြစ်ပေါ် ပြောင်းလဲမှုများအပေါ် မည်သို့မျှ မသိနိုင်သည်မှာ အမှန်ပင်ဖြစ်လေသည်။ ဈေးကွက်တွင် အစိုးရ ပါဝင်ပတ်သက်မှု အနည်းဆုံးဖြစ်ပါက အကောင်းဆုံး ဖြစ်သည်၊ ဈေးကွက်မှာ သူ၏ မမြင်ရသောလက်ဖြင့် သူ့သဘော သူဆောင်၍ လည်ပတ်သွားလိမ့်မည်ဟု neo-classical economist တွေက စွဲစွဲမြဲမြဲ မှတ်ယူထားလေသည်။ သို့သော် ဈေးကွက်တွင် မြင်သာထင်သာသော လက်များက လွှမ်းမိုးချယ်လှယ်နိုင်သည့် အန္တရာယ်များလည်း အမြဲရှိသောကြောင့် အစိုးရမှ တစုံတရာ ပါဝင်ပတ်သက်လာရမည်ဟု kyanesian economist ဝေဖန်ထောက်ပြလေသည်။ ကိန်းဘောဂဗေဒဖြင့် စီးပွားရေးတည်ငြိမ်အောင် ဆောင်ရွက်မှုမှာ ကမ္ဘာ၏ လားရာလို ဖြစ်နေလေရာ အစိုးရမှာ စီးပွားရေးအသင်းအဖွဲ့များနှင့် စီးပွားရေး မူဝါဒဖော်ဆောင်ရာတွင် ယခင်ထက် ပိုမိုပူးပေါင်း ဆောင်ရွက်ရမည်ဖြစ်လေသည်။
နိုင်ငံတော်သမ္မတ ဦးသိန်းစိန်နှင့် ဘဏ္ဍရေးဝန်ကြီးဌာနမှ ဒုတိယညွန်ကြားရေးမှူးမှ ငွေကြေးလဲလှယ်နှုန်း ကိစ္စရပ်ပတ်သက်၍ အာမခံချက် တစ်ခုလို ပြောကြားသွားပြီးနောက်မှာ ဈေးကွက်၏ သဘောတရားအရ ဝယ်လိုအားမှာ ထိုးတက်သွားခဲ့လေသည်။ ယင်း၏ အကျိုးဆက်အဖြင့် ဒေါ်လာနှင့် အဓိက ဆက်စပ်နေသည့် လုပ်ငန်းများ ရုတ်တရက် အခြေအနေဆိုးကို ရင်ဆိုင်ရနေလေသည်။ အထူးသဖြင့် သွင်းကုန်ထုတ်ကုန်၊ အထည်ချုပ်၊ ခရီးသွား လုပ်ငန်းမှာ တော်တော်ပင် အထိနာလျက် ရှိလေသည်။ အစိုးရအနေဖြင့် စီးပွားရေးဖွံ့ဖြိုး တိုးတက်မှုကို ရေရှည်ရယူလိုလျှင် ကနေဦးအနေဖြင့် ယခု ရင်ဆိုင် နေရသော အခြေအနေဆိုးကို သက်ဆိုင်ရာ စီးပွားရေးအဖွဲ့ အစည်းများနှင့် ပူးပေါင်းဖြေရှင်းရန် လိုအပ်ပါကြောင်း………။
×××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
