Posts
၃၁.၈.၂၀၁၁
ပြည်တွင်းသတင်းများ
- ငွေကြေးလဲလှယ်နှုန်း သတ်မှတ်ပြီးပါက တစ်ဒေါ်လာလျှင် ၉၀၀ ကျော်ရှိရန်သာ မျှော်လင့်
- ပို့ကုန်သွင်းကုန်လုပ်ငန်းရှင် ၁၀၀ ကားတင်သွင်းရနိုင်ဖွယ်ရှိ
- MRTV-4 ပညာရေးသင်ခန်းစာ ထုတ်လွှင့်မှု ရပ်ဆိုင်း
ပြည်တွင်းပါတီ၊ နိုင်ငံရေးသတင်းများ
- နိုင်ငံရေးအကျဉ်းသားလွှတ်မှသာ ဒီမိုကရေစီနိုင်ငံအဖြစ် နိုင်ငံတကာက အသိအမှတ်ပြုမည်
- ပြည်ပရောက်နိုင်ငံရေးသမားများအား အရေးယူမည်မပာုတ်
သတင်းနှင့် ဆောင်းပါးများမှ ကောက်နှုတ်ချက်များ
ဆောင်းပါးကဏ္ဍ
- မော်တော်ယာဉ် တင်သွင်းခွင့်ပြုသင့်မသင့် အကြောင်းအရင်း
×××××××××××××××××××××××××××××××××××××××××××××××××××××××××××××××××
ပြည်တွင်းသတင်းများ
ငွေကြေးလဲလှယ်နှုန်း သတ်မှတ်ပြီးပါက တစ်ဒေါ်လာလျှင် ၉၀၀ ကျော်ရှိရန်သာ မျှော်လင့်
နိုင်ငံတော်မှ လုပ်ဆောင်လျက်ရှိသော နိုင်ငံခြားငွေလဲလှယ်မှု နှုန်းထား ပုံသေသတ်မှတ်ရာတွင် တစ်ဒေါ်လာလျှင် ကျပ် ၉၀၀ ကျော်ထားရှိရေး အတွက်သာ ပြည်တွင်းပို့ကုန် လုပ်ငန်းရှင်များက မျှော်လင့်လျက်ရှိကြောင်း သိရသည်။
ထိုသို့ နိုင်ငံခြားငွေ လဲလှယ်နှုန်းထားကို တစ်ဒေါ်လာ ၉၀၀ ကျော်ထားရှိမှသာ ပို့ကုန်လုပ်ငန်းရှင်များ လုပ်ငန်းလုပ်ဆောင်ရာတွင် ပိုမို တွက်ခြေကိုက်မည် ဖြစ်ပြီး ၎င်း တစ်ဒေါ်လာကျပ် ၉၀၀ ကျော်ထားရှိရေးအတွက် နိုင်ငံတော်မှလည်း လုပ်ဆောင်လျက်ရှိကြောင်း သိရသည်။
ထိုသို့ နိုင်ငံအတွင်း နိုင်ငံခြားငွေလဲလှယ်နှုန်းထား သတ်မှတ်ရာတွင် ပြည်ပပို့ကုန်၊ သွင်းကုန်လုပ်ငန်း ဆောင်ရွက်နေသည့် လုပ်ငန်းရှင် Exporter Importer များထိပါးမှုမရှိစေရန်နှင့် စားသုံးသူများလည်း ထိခိုက်မှု မရှိနိုင်စေရန် နိုင်ငံတော်မှ ဘက်စုံထောင့်စုံ စိစစ်ညှိနှိုင်း၍ ဆောင်ရွက်သွားမည် ဖြစ်သည့်အတွက် စီးပွားရေးလုပ်ငန်းရှင်များမှာ Unification of Exchange Rate ပြောင်းလဲကျင့်သုံးမည့် ကိစ္စရပ်အား စိတ်ဝင်စားရန် မလိုအပ်ဘဲ မိမိတို့ လုပ်ကိုင်ဆောင်ရွက်နေသည့် စီးပွားရေးလုပ်ငန်းများကိုသာ အရုံစိုက်ထားရန်သာ လိုအပ်မည်ဖြစ်သည်။
မြန်မာနိုင်ငံတွင် မကြာသေးမီအချိန်ကာလအတွင်းက နိုင်ငံခြားငွေလဲလှယ်မှုနှုန်းထား ကျဆင်းခဲ့သည့်အတွက် ပြည်တွင်းပို့ကုန်လုပ်ငန်း အများစုမှာ အရှုံးနှင့် ရင်ဆိုင်ခဲ့ကြရကြောင်း သိရသည်။ ထိုသို့ ပြည်တွင်းပို့ကုန်လုပ်ငန်းများ ဆုံးရှုံး မှုများပြားခဲ့သည့်အတွက် နိုင်ငံခြားငွေလဲလှယ်မှုနှုန်းကို နှုန်းသေနှင့် နှုန်းရှင် သတ်မှတ်ရန် ကမ္ဘာ့ငွေကြေး ရန်ပုံငွေအဖွဲ့ (IMF) နှင့် ဆွေးနွေးညှိနှိုင်းခဲ့ကြကြောင်း သိရသည်။
နိုင်ငံအတွင်း ကန်ဒေါ်လာနှင့် ကျပ်ငွေ လဲလှယ်မှုနှုန်းထားအား ၉၀၀ ကျော်နှင့် သတ်မှတ်မည်ဆိုပါက ပြည်တွင်းလုပ်ငန်းရှင်များအားလုံး လုပ်ငန်းများတွင် လုပ်သာကိုင်သာ ရှိလာနိုင်မည်ဖြစ်ကြောင်း မြန်မာနိုင်ငံ ငါးလုပ်ငန်းအဖွဲ့ချုပ်မှ တာဝန်ရှိသူတစ်ဦးက ပြောကြားခဲ့သည်။
Ref: Yangon Times
-----------------------------------------------------------------------------------------------------------------------------------
ပို့ကုန်သွင်းကုန်လုပ်ငန်းရှင် ၁၀၀ ကားတင်သွင်းရနိုင်ဖွယ်ရှိ
ပြည်တွင်းမှ ပို့ကုန်သွင်းကုန် အများဆုံးလုပ်ကိုင်ဆောင်ရွက်ခဲ့သည့် လုပ်ငန်းရှင် ၁၀၀ အားရွေးချယ်၍ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ ကားတင်သွင်းခွင့်လိုင်စင် ချထားပေးနိုင်ဖွယ်ရှိကြောင်း ပို့ကုန်သွင်းကုန် လုပ်ငန်း ရှင်တစ်ဦးက ပြောကြားခဲ့သည်။
၎င်း ပို့ကုန်သွင်းကုန် အများဆုံးပြုလုပ်သည့် လုပ်ငန်းရှင်များ၏ အမည်စာရင်းတွင် အစိုးရအား အခွန်အများဆုံး ပေးဆောင်ထားသည့် သင်္ဘောသားများ၏ အမည်စာရင်းများပါ ရောနှောပါဝင်လျက်ရှိကြောင်း သိရသည်။
ပို့ကုန်သွင်းကုန် အများဆုံးပြုလုပ်သည့် လုပ်ငန်းရှင် (၁၀၀) ဦးအား ကားတင်သွင်းခွင့်ချထားပေးခဲ့ပါက အခွန် အများဆုံးပေးဆောင်ထားသည့် ပထမလုပ်ငန်းရှင် ၂၀ ဦးကို ထပ်မံရွေးချယ်ကာ Show Room ပါ ဖွင့်လှစ်ခွင့်များကိုပါ ပေးသွားမည်ဖြစ်ကြောင်း ပြင်ပ၌ သတင်းများ ထွက်ပေါ်လျက် ရှိသည်။
မြန်မာနိုင်ငံ၏ အိမ်နီးချင်းနိုင်ငံများတွင် ၎င်းနိုင်ငံ ပြည်တွင်းထုတ်ကားများကို ဈေးနှုန်းချိုသာစွာဖြင့် ဝယ်ယူစီးနင်း နေရသော်လည်း မြန်မာနိုင်ငံမှ ထုတ်လုပ်သည့် ပြည်တွင်းစက်မှု ဇုန်ထုတ်ကားများကိုမူ ပြည်တွင်းနေနိုင်ငံသားတို့မှာ ဈေးနှုန်းကြီးမားစွာဖြင့် ဝယ်ယူစီးနင်းရလျက်ရှိနေသေးကြောင်း သိရသည်။
ပထမအကြိမ်ပြည်သူ့လွှတ်တော်ဒုတိယပုံမှန်အစည်းအဝေးတွင်လည်း ပြည်ထောင်စုဝန်ကြီး ဦးဝင်းမြင့်မှ ပြည်ပမှ ကားတင်သွင်းခွင့် ပါမစ် ရရှိထားသည့် နိုင်ငံခြားသင်္ဘောသားများနှင့် တရားဝင်စုဆောင်းရရှိထားသည့် နိုင်ငံခြားငွေရှိသူတိုင်းကို ပို့ကုန်သွင်းကုန်လုပ်ငန်းရှင် မှတ်ပုံတင်၍ ကုမ္ပဏီအစုအဖွဲ့များကို တည်ထောင်ကာ မော်တော်ယာဉ် တင်သွင်းခွင့် လျှောက်ထားနိုင်ကြောင်း ပြောကြားခဲ့သည်။
ထိုသို့ ပြင်ပ၌ ပို့ကုန်သွင်းကုန်လုပ်ငန်းရှင်များထဲမှ လုပ်ငန်းရှင် ၁၀၀ ဦးအား ရွေးချယ်၍ ပြည်ပမှ ကားတင်သွင်း ခွင့်ပြုသွားမည်ဆိုသည့် သတင်းပြင်ပ၌ ထွက်ပေါ်နေခဲ့သော်လည်း စီးပွားရေးနှင့် ကူးသန်းရောင်းဝယ်ရေးဌာနမှ အတည်ပြု ချက်တစ်စုံတစ်ရာ ထုတ်ပြန်ထားခြင်းမရှိသေးကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ တာဝန်ရှိသူ တစ်ဦးက ပြောကြားခဲ့သည်။
Ref: Popular News
----------------------------------------------------------------------------------------------------------------------------------
MRTV-4 ပညာရေးသင်ခန်းစာ ထုတ်လွှင့်မှု ရပ်ဆိုင်း
ဇူလိုင် လဆန်းပိုင်းအတွင်းမှ စတင်၍ MRTV-4 မှ ထုတ်လွှင့်ပေးလျက်ရှိသော အခြေခံပညာအထက်တန်း တက္ကသိုလ်ဝင်တန်း သင်ခန်းစာ ထုတ်လွှင့်နေမှု အစီအစဉ်များကို ရပ်ဆိုင်းလိုက်ပြီဖြစ်ကြောင်း သိရသည်။
MRTV-4 မှ ထုတ်လွှင့်နေသော ပညာရေးသင်ခန်းစာ ပို့ချမှုအစီအစဉ်များသည် ပညာရေးဝန်ကြီးဌာနမှ ပို့ချရန် သတ်မှတ်ထားသည့် သင်ခန်းစာများ မပာုတ်ဘဲ နာမည်ကြီး ကျုရှင်ဆရာများ၏ အာဘော် သင်ခန်းစာများသာ ဖြစ်သည့်အတွက် ယခုကဲ့သို့ ရပ်ဆိုင်းလိုက်ရခြင်းဖြစ်ကြောင်း ပညာရေးဝန်ကြီးဌာန က တာဝန်ရှိသူတစ်ဦးက ပြောကြားခဲ့သည်။
ပြည်သူများထံသို့ ရသစုံ ပို့လွှတ်လျက်ရှိသော ရုပ်မြင်သံကြားဌာနများ အနေနှင့်လည်း ပညာရေးအစီအစဉ်များကို ထုတ်လွှင့်လိုပါက ပညာရေးဝန်ကြီးဌာနမှ သတ်မှတ်ပြဋ္ဌာန်းထားသည့် သင်ခန်းစာများကိုသာ ပို့ချပေးသင့်ကြောင်း ၎င်း ကဆက်လက်ပြောကြားခဲ့သည်။
ထိုသို့ ရုပ်မြင်သံကြားအစီအစဉ်များတွင် ယခုကဲ့သို့ ပညာရေး ဆိုင်ရာကိစ္စရပ်မျိုးပါ ရှိလာခဲ့သည့်အတွက် ပြန်ကြားရေးဝန်ကြီးဌာနနှင့် ပညာရေးဝန်ကြီးဌာန တို့နှစ်ခုမှ ပူးပေါင်း၍ ပြန်လည်ညှိနှိုင်းသတ်မှတ်၍ ဆောင်ရွက်သွားမည် ဖြစ်ကြောင်း သိရသည်။
ယခု MRTV-4 မှ ပညာရေးကဏ္ဍအဖြစ် နာမည်ကြီးကျုရှင်ဆရာများ၏ အာဘော်ဖြင့် အခြေခံပညာအထက်တန်း တက္ကသိုလ်ဝင်တန်း ကျောင်းသား၊ ကျောင်းသူများအတွက် သင်ခန်းစာပို့ချနေမှုများမှာ ကျောင်းသားများအတွက် အလွန်အကျိုးရှိခဲ့ကြောင်း သိရသည်။ ကျောင်း၌ သင်ကြားသည့်ပုံစံမှာ သင်ရိုးညွှန်းတမ်းအတိုင်း သွားသည့်အတွက် ကျောင်းသားများ၏ စိတ်ပါဝင်စားမှုမှာ နည်းပါးပြီး အတွေ့အကြုံ ရင့်ကျက်သည့် နာမည်ကြီး ကျုရှင်ဆရာကြီးများ၏ သင်ခန်းစာများအပေါ် ချဉ်းကပ်ပုံမှာ ကောင်းမွန်လှသည့်အတွက် ကျောင်းသားများ အထူးစိတ်ပါဝင်စားခဲ့ကြကြောင်း သိရသည်။
MRTV-4 ပညာရေးသင်ခန်းစာ ထုတ်လွှင့်မှုအစီအစဉ်အား ဇူလိုင်လ ၄ ရက်နေ့တွင် စတင်ထုတ်လွှင့်ခဲ့ပြီး ဇူ လိုင်လ ၆ ရက်နေ့ထိတိုင် ဘာသာရပ် ၃ မျိုးကို ထုတ်လွှင့်နိုင်ခဲ့ပြီး ဇူလိုင်လ ၇ ရက်နေ့တွင် ဓာတုဗေဒဘာသာရပ်အား ထုတ်လွှင့်ရန် ကြေညာထားသည့် ရက်မှ စတင်၍ MRTV-4 မှ ပညာရေးသင်ခန်းစာ ထုတ်လွှင့်မှုအစီအစဉ်အား ရပ်ဆိုင်း လိုက်ရခြင်းဖြစ်ကြောင်း သိရသည်။
Ref: ပြည်သူ့ခေတ်၊ Popular News
×××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
နိုင်ငံရေးအကျဉ်းသားလွှတ်မှသာ ဒီမိုကရေစီနိုင်ငံအဖြစ် နိုင်ငံတကာက အသိအမှတ်ပြုမည်
မြန်မာနိုင်ငံ၌ နိုင်ငံရေးမှုဖြင့် အကျဉ်းကျခံနေရသည့် နိုင်ငံရေး အကျဉ်းသားများအား အစိုးရမှ လွတ်မြောက်ခွင့်ပြုမှသာ နိုင်ငံတကာ အသိုင်းအဝန်းမှ ဒီမိုကရေစီနိုင်ငံအဖြစ် အသိအမှတ်ပြုမှာဖြစ်ကြောင်း ကုလသမဂ္ဂ အတွင်းရေးမှူးချုပ်အဖြစ် (လက်ရှိလုပ်ကိုင်ဆဲ) နှစ်ကြိမ်တိုင် အရွေးချယ်ခံရသူ မစ္စတာ ဘန်ကီမွန်းက ပြောကြားခဲ့သည်။
ထို့ပြင် မြန်မာနိုင်ငံ၌ ၂၀၁၀ ရွေးကောက်ပွဲအပြီး ပေါ်ပေါက်လာသည့် အစိုးရသစ် နိုင်ငံတော်သမ္မတ ဦးသိန်းစိန်နှင့် လူထုခေါင်းဆောင် ဒေါ်အောင်ဆန်းစုကြည်တို့ တွေ့ဆုံစကားပြောမှုအပေါ် ဝမ်းမြောက်ကြောင်း ဘန်ကီမွန်းက ပြောကြား ခဲ့သည်။
ထိုသို့ တွေ့ဆုံဆွေးနွေးမှုမှတစ်ဆင့် အမျိုးသားပြန်လည်သင့်မြတ်ရေးအတွက် အားလုံးပါဝင်လုပ်ဆောင်ကြရန် တိုက်တွန်းထားပြီး ပြောင်းလဲ လာသည့် အပြောင်းအလဲနှင့် အခွင့်အရေးကို ပြည်သူများ အမိအရဆုပ်ကိုင်ကြရန် လိုအပ်ကြောင်း မစ္စတာဘန်ကီမွန်း၏ ပြောကြားချက်များအား ကုလသမဂ္ဂမှ ထုတ်ပြန်ကြေညာခဲ့သည်။
မြန်မာနိုင်ငံ၌ နှစ်ပေါင်းများစွာ တွေ့ကြုံခဲ့ရပြီး လက်ရှိအချိန်ထိတိုင် ရင်ဆိုင်နေရဆဲဖြစ်သည့် အတွေ့အကြုံများ၊ စိန်ခေါ်မှုများကို ကျော်လွှားသွား နိုင်ရန် ကုလသမဂ္ဂအဖွဲ့က မျှော်လင့်မိကြောင်း အတွင်းရေးမှူးချုပ် ဘန်ကီမွန်းက ပြော ကြားခဲ့သည်။
မြန်မာနိုင်ငံ ဖွံ့ဖြိုးတိုးတက်နိုင်ရန်ဆိုသည်မှာ အစိုးရနှင့် ပြည်သူများအကြား မည်မျှ ပူးပေါင်းဆောင်ရွက် လိုသည်ပာူသည့် စိတ်အပေါ်၌ မူတည်ပြီး ရရှိလာသည့် အခွင့်အရေးကို အမိအရ အသုံးချတက်ရန် လိုအပ်ကြောင်း သိရ သည်။
Ref: ပြည်သူ့ခေတ်
----------------------------------------------------------------------------------------------------------------------------------
ပြည်ပရောက်နိုင်ငံရေးသမားများအား အရေးယူမည်မပာုတ်
ပြင်ပနိုင်ငံများ၌ နိုင်ငံရေးခိုလှုံခွင့်တောင်းခံ၍ သွားရောက်နေထိုင်ကြသော နေထိုင်ကြသော ပြည်ပရောက် နိုင်ငံရေးသမားများအား အမိမြန်မာ နိုင်ငံသို့ ပြန်လာမည်ဆိုပါက လွတ်ငြိမ်းချမ်းသာခွင့်ပြုမည်ဖြစ်ကြောင်း နိုင်ငံတော်သမ္မတ အကြံပေးအဖွဲ့မှ တာဝန်ရှိသူတစ်ဦးက ပြောကြားခဲ့သည်။
ထိုသို့ ပြည်ပနိုင်ငံသို့ ရောက်ရှိသွားသည့် မြန်မာနိုင်ငံသားများသည် နိုင်ငံရေးပြစ်မှုမျိုးကဲ့သို့မပာုတ်ဘဲ ပြည်သူများ ထိခိုက်နစ်နာစေသည့် ခိုးမှု၊ လုယက်မှု၊ လူသတ်မှု ကဲ့သို့သော ပြစ်မှုမျိုးကျုးလွန်သွားသူ ဖြစ်ပါက အမိမြန်မာနိုင်ငံသို့ ပြန်လာချိန်တွင် တည်ဆဲဥပဒေအရ အရေးယူသွားမည် ဖြစ်ကြောင်း သိရသည်။
ထို့ပြင် မြန်မာ့တပ်မတော်နှင့် ဖြစ်ပွားခဲ့သည့် တိုက်ပွဲများတွင် အခြားတစ်ဘက်မှနေ၍ ဝင်ရောက်တိုက်ခိုက်ပေးခဲ့ရသည့် မြန်မာနိုင်ငံသား များကိုလည်း မိခင်မြန်မာနိုင်ငံသို့ ပြန်လာစဉ် အရေးယူမည်မပာုတ်ဘဲ မြန်မာ့တပ်မတော်နှင့် တိုက်ပွဲတစ်ခု၊ ပဋိပက္ခအသွင်ဖြစ်ပွားသည့် လက်နက်ကိုင် နေစဉ်အချိန်အတွင်း တိုင်းရင်းသားညီအကိုမောင်နှမများကို လက်နက်အားကိုးဖြင့် အနိုင်ကျင့်ခဲ့သည့် ဖြစ်ရပ်များကိုသာ အရေးယူ ဆောင်ရွက်သွားမည် ဖြစ်ကြောင်း နိုင်ငံတော်သမ္မတ အကြံပေး အဖွဲ့မှ တာဝန်ရှိသူတစ်ဦးက ပြောကြားခဲ့သည်။
ထို့ပြင် ပြည်ပရောက် မြန်မာနိုင်ငံသားများ ပြန်တော်ပြန်လာနိုင်ရေးအတွက် တိကျသည့် ဥပဒေ၊ နည်းဥပဒေ(သို့) အမိန့်ကြေငြာစာများ ထွက်ရှိလာနိုင်ရန် စီစဉ်ဆောင်ရွက်လျက်ရှိကြောင်း သိရသည်။
လက်ရှိအချိန်၌ နိုင်ငံတော်သမ္မတကြီး ဦးသိန်းစိန် မိန့်ခွန်းတွင် ပြောကြားသွားခဲ့သည့် ပြည်ပရောက်နိုင်ငံသားများ မိခင်နိုင်ငံပြန်လာရေး ကိစ္စရပ်အား သက်ဆိုင်ရာမှ မူအရသာ အကောင်အထည်ဖော်ဆောင်ရွက်လျက်ကြောင်း သိရသည်။
Ref: Yangon Times
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
“လက်ရှိဖြစ်နေတာက ကုန်ပစ္စည်းသည် အရည်အသွေးမမီလို့။ မကောင်းလို့ မရောင်းနိုင်တာမဟုတ်ဘဲ။ ဈေးချင်းယှဉ်လိုက်တဲ့အခါမှာ သွင်းကုန်က အရမ်းသက်သာနေလို့ သူ့လောက်ကြီး ဈေးမလျှော့နိုင်တဲ့အတွက် မရောင်းရတာတွေ ဖြစ်နေပါတယ်။ သူတို့ဈေးနဲ့လိုက်ညှိပြီးတော့ ပြည်တွင်း ထုတ်ကုန်တွေက လိုက်ရောင်းဖို့ ဆိုတာမဖြစ်ဘူး။ Production Cost တွေကလည်း ဈေးကြီးတဲ့အပြင် အခြား Cost တွေလည်းရှိသေးတယ်။ ဘယ်လိုဆက် ပြီးရပ်တည်ဖို့ဆိုတာ တော်တော်ခက် သွားပြီ”
စက်တင်ဘာ ၁ ထုတ် 7DAY NEWS အတွဲ (၁၀) အမှတ် (၂၄) တွင်ပါသည့် “သွင်းကုန်များနှင့် ဈေးမယှဉ်နိုင်တော့သဖြင့် ပြည်တွင်း စားသောက်ကုန် လုပ်ငန်းများ အခက်တွေ့လာ” သတင်းမှ စားသောက်ကုန်ထုတ်လုပ်ငန်းရှင်တစ်ဦး ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“ပြည်ပမှာ တင်သွင်းသည့် ကုန်ချောပစ္စည်းနှင့် ကုန်ကြမ်းတင်သွင်းပြီး ပြည်တွင်း၌ ထုတ်လုပ်ရောင်းချသည့် ကုန်ချော ပစ္စည်းတို့၏ ရောင်းဈေးနှုန်းသည် ဈေးကွက်တွက် မယှဉ်ပြိုင်နိုင်သဖြင့် အများစုသည် ကုန်ချောတင် သွင်းမှုကိုသာ နည်းလမ်းအမျိုးမျိုးဖြင့် ဆောင်ရွက်ရန် ကြိုးစားလျက်ရှိကြောင်း တွေ့နိုင်ပါသည်။ သို့ဖြစ်၍ ကုန်ကြမ်းတင်သွင်းသူများ အတွက် အခွန်ကင်းလွတ်ခွင့်နှင့်သက်သာခွင့် စဉ်းစားပေးသင့်သည်”
စက်တင်ဘာ ၁ ထုတ် 7DAY NEWS အတွဲ (၁၀) အမှတ် (၂၄) တွင်ပါသည့် “ကုန်ကြမ်းတင်သွင်းသူများ အခွန်ကင်း လွတ်ခွင့်နှင့် သက်သာခွင့် ပေးသင့်ကြောင်း ဦးစိန်းသိန်းပြောကြား” သတင်းမှ စက်မှုလုပ်ငန်း ဖွံ့ဖြိုးတိုးတက်ရေး ကော်မတီဥက္ကဋ္ဌ ဦးစိုးသိန်းက နေပြည်တော်၌ ကျင်းပသော အမျိုးသားအဆင့် အလုပ်ရုံဆွေးနွေးပွဲတွင် “စက်မှုလုပ်ငန်းများ ဖွံ့ဖြိုးတိုးတက်ရေးနှင့် စီးပွားရေးမူဝါဒ” ခေါင်းစဉ် စာတမ်း ဖတ်ကြားမှုအပေါ် ကောက်နှုတ်ချက်
-----------------------------------------------------------------------------------------------------------------------------------
မေး- ဒါဆိုဆရာ ကျွန်တော်တို့နိုင်ငံ လက်ရှိပုံစံအတိုင်းကို ပူးပေါင်းဆောင်ရွက်ပြီး နိုင်ငံဖွံ့ဖြိုးတိုးတက်ရေးအတွက် ဦးတည် ပြီးဆောင်ရွက်မယ်ဆိုရင် ဘယ်နှစ်အပိုင်းအခြားလောက်မှာ တိုင်းပြည်ဖွံ့ဖြိုးလာနိုင်မယ်လို့ ဆရာ ယူဆပါသလဲ။
ဖြေ- ဒီပုံစံအတိုင်းသွားရင် တိုင်းပြည်တကယ်ဖွံ့ဖြိုး တိုးတက်လာတာမှန်ပေမယ့် ဘယ်နှစ်အပိုင်းအခြားလောက် ဖြစ်မလဲ ဆိုတာကတော့ ပြောရခက်တယ်။ ဘာဖြစ်လို့လဲဆိုတော့ တိုင်းပြည်ရဲ့ လူ့စွမ်းအားအရင်းအမြစ်ပါ။ တိုင်းပြည်ရဲ့ ပညာရေးစနစ်မှာ အားနည်းချက်တွေကရှိတယ်။ ကျွန်တော်တို့မှာက လမ်းစဉ်ပါတီခေတ်ကနေ ဒီဘက်ခေတ်ကို ပြောင်းလာပြီး ပညာရေးပြုပြင်ပြောင်းလဲမှုတွေ လုပ်တယ်ဆိုသော်လည်း လုပ်ဖို့တွေအများကြီး ကျန်သေးတယ်။ ဒါတွေနဲ့ပတ်သက်ပြီး ပြုပြင်ပြောင်းလဲမှုတွေလုပ်ပြီး တိုင်းပြည်ရဲ့ လိုအပ်တဲ့ လူ့စွမ်းအားအရင်း အမြစ်ကို နံပါတ် (၁) ထုတ်နိုင်ရမယ်။ ဒါက အဲဒီ့ အခြေအနေမှာ ကျွန်တော်တို့ မရှိသေးဘူး။ နောက်စည်းမျဉ်း စည်းကမ်းတွေကို သေချာအလုပ်ဖြစ်အောင်လုပ်ရမယ်။ နောက် Transparency ဖြစ်ရမယ်ဆိုတာတွေက ပြောရလွယ်တယ်။ လုပ်ရခက်တယ်။ လူကိုက အရိုးကစွဲနေပြီ။ ကျွန်တော်တို့က ဖြစ်နေတာဘလဲဆိုတော့ Business Culture ပြောင်းရမယ်။ နောက်အစိုးရနဲ့ စီးပွားရေးသမားတွေရဲ့ ဆက်ဆံရေး Culture ကိုလဲ ပြောင်းရမယ်။ ပြောင်းရမယ်ဆိုတဲ့အခါမှာ လူတွေက ပါးစပ်ကနေ လုပ်မယ် လုပ်မယ် ပြောနေပေမယ့် မလုပ်ကြဘူး။ ဒီ Culture ကြီးကို ပြောင်းသွားဖို့ဆိုတာ အချိန်ယူရမယ်။ အဲဒါကလဲ အားလုံးဝိုင်းပြီးကြိုးစားမှ။ တစ်ခါလာလဲ Culture အကြောင်းပြ၊ တစ်ခါလာလဲ Culture အကြောင်းပြဆိုရင်တော့ ဘယ်မှရောက်မှာမဟုတ်ဘူး။ တိုင်းပြည်က ဒီထဲမှာပဲ သံသရာ လည်နေမှာပဲနော်။
စက်တင်ဘာ ၁ ထုတ် ရန်ကုန်တိုင်းမ် အတွဲ (၇) အမှတ် (၃၃) တွင်ပါသည့် သုတေသနနှင့် ဖွံ့ဖြိုးရေးပညာရှင် ဒေါက်တာ ကျော်ရင်လှိုင်နှင့် အင်တာဗျူးကောက်နှုတ်ချက်
-----------------------------------------------------------------------------------------------------------------------------------
မေး- ဒါဆိုအလုပ်အမှုဆောင်အဖွဲ့ကို ဘယ်လိုစနစ်နဲ့ ရွေးချယ်သွားမလဲဆိုတာ သိပါရစေ။
ဖြေ- ဒါကရွေးမှာပဲ။ ကိုယ့်ဘာသာကိုယ်ပြန်ရွေးရမှာပဲ။ ဘယ်သူလုပ်တယ် မလုပ်ဘူးဆိုတာတို့သိတယ်။ ဘယ်သူက “ကကြီးကနေအအထိ” လုပ်တယ်။ ဘယ်သူက “ကကြီးကနေအထိမလုပ်ဘူးဆိုတာ အကုန်သိတယ်။ ပြန်ဖွဲ့ရမှာပဲ။ နာရေးကူညီမှုအသင်းကို ရာသက်ပန်လည်း မလုပ်ပါဘူး။ လွှဲပေးမယ်။ လွှဲပေးမယ်ဆိုတာက အချိန်ကပြော လို့မရသေးဘူး။ ရွေးနေပြီ ကြည့်နေပြီဒါကတစ်နေ့ဖြစ်မှာပဲ ရာသက်ပန်လုပ်မှာလည်း မဟုတ်ဘူး။ “မသာဥက္ကဋ္ဌ တစ်သက်လုံး မလုပ်ဘူး”
စက်တင်ဘာ ၁ ထုတ် Envoy အတွဲ (၂) အမှတ် (၁၉) တွင်ပါသည့် ဦးကျော်သူ (နာရေးကူညီမှုအသင်း ဥက္ကဋ္ဌ)နှင့် အင်တာဗျူးကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
မော်တော်ယာဉ် တင်သွင်းခွင့်ပြုသင့်မသင့် အကြောင်းအရင်း
“အလိုလေး ကားတွေက အတော်ဟောင်းနေပြီပဲ၊ မြို့တော်ကြီးမှာ ဒီလိုကားတွေရှိတာ အံသြစရာပဲ” ဟု မှတ်ချက်ပေးသူများ ဥရောပ တိုက်သားတစ်ဦး ဖြစ်သည်။ ရန်ကုန်မြို့တွင် ကျပ်တည်းစွာ သွားလာနေကြသော တက္ကစီယာဉ်များကို ကြည့်၍ ၎င်းက မှတ်ချက်ပေးခြင်းဖြစ်သည်။
ယနေ့ကမ္ဘာ့ဈေးကွက်စီးပွားရေးအရ ပစ္စည်းအသစ်တွေ စက္ကန့်ပိုင်းအတွင်း အဟောင်းဖြစ်သွားကြသည်။ သို့သော် ဒီနိုင်ငံမှာ သုံးစွဲနေရသည့် ကားတွေက အဟောင်းသံသရာမှ မလွတ်မြောက်နိုင်သေး။ သို့သော် ထိုကားစုတ်တစ်စီး၏ တန်ဖိုးသည် ယနေ့ခေတ်ပေါ် ကားတစ်စီး၏ တန်ဖိုးနှင့် မတိမ်းမယိမ်းရှိနေသည်။ မြန်မာနိုင်ငံသားများ လွန်စွာချမ်းသာကြသည်။ ကားအသစ်၊ မိုဒယ်လ်အသစ်တစ်စီးဖိုးငွေ အကုန်ခံ၍ ကားအိုကားစုတ်တစ်စင်းကို အဆမတန်ပေး၍ စီးနင်း နေကြ ခြင်းဖြစ်သည်။
“ဒီကားလေးတွေက ဒေါ်လာနှစ်ထောင်လောက် တန်တာဗျာ၊ တိုယိုတာ ဆလွန်းလေးတွေပေါ့၊ ဒါပေမယ့် မိုဒယ်လ်တွေက 88 နဲ့ 90 က မတက်နိုင်ဘူး၊ 2003 လောက်တောင်မှ ဒေါ်လာသုံးလေးထောင်ဆိုရနေပြီ၊ အခု မြန်မာငွေ နဲ့တွက်ရင် သုံးဆယ့်ငါးသိန်းပေါ့၊ ဒါပေမယ့် ဒီမှာက နှစ်ရာကျော်နေတယ်၊ လိုက်ထရပ်တွေလဲ ဒီလိုပဲ စက်မှုဇုန်တွေကို အားပေးနေရတဲ့အတွက် ဂျပန်ကားလောက် မကောင်းတဲ့ ဇုန်ထုတ်ကားကို ဂျပန်ကားထက် ဈေးကြီးပေးစီးနေရတယ်ဗျာ” ဟု ဆိုသူမှာ မြန်မာနိုင်ငံ၏ နာမည်ကြီး စီးပွားရေးလုပ်ငန်းရှင်ကြီးတစ်ဦး ဖြစ်သည်။
နိုင်ငံတော်မှ ဇိမ်ခံပစ္စည်းများကို အခွန် ၂၀၀ ရာခိုင်နှုန်းကောက်ခံသည်ဟု စီးပွားရေးနှင့် ကူးသန်းရောင်းဝယ်ရေး ဝန်ကြီးက ပထမအကြိမ် လွှတ်တော် အစည်းအဝေးတွင် ရှင်းလင်းသွားခဲ့သည်။ ထိုသို့ဆိုလျှင် ဒေါ်လာနှစ်ထောင်တန် မိုဒယ်2000 ရှိ တိုယိုတာစလွန်းတစ်စီးသည် အခွန် ၂၀၀ရာခိုင်နှုန်း ဆောင်ရစေဦးတော့ ဒေါ်လာခြောက်ထောင် မြန်မာငွေ လေးဆယ့်ငါးသိန်းထက်မပိုပေ။ သို့သော် ပေါက်ဈေးမှာ သိန်းနှစ်ရာကျော် သုံးရာနီးပါး ရှိနေသည်။ မည်သည့်နေရာတွင် လွဲမှားနေသနည်းဟူသော မေးခွန်းကိုရှာလျှင် ကာတင်သွင်းခွင့် ပါစမစ်ဟူသည့် အဖြေကိုတွေ့ရမည် ဖြစ်သည်။ ကမ္ဘာ့မည် သည့်နိုင်ငံမှာမှ မရှိသော ထိုကားတင်သွင်းခွင့်ပါမစ်ကို မြန်မာနိုင်ငံတွင်သာ တွေ့ရသည်။ ယခင် စစ်အစိုးရဟောင်း လက်ထက်က နိုင်ငံတော်တွင် နိုင်ငံခြားငွေနည်းနေ၍ ကျန်းမာရေး၊ တည်ဆောက်ရေး ပစ္စည်းများတင်သွင်းနေရသဖြင့် ကားတင်သွင်းခွင့်ကို ကန့်သတ်ထားရခြင်း ဖြစ်ကြောင်း အကြောင်းပြချက်ပေးခဲ့သည်။ သို့သော် ထိုပါမစ်များကား ဗိုလ်ချုပ်များ လက်ထဲတွင်သာရှိသည်။ ဗိုလ်ချုပ်များ၏ သားသမီးများ ကားတင်သွင်း ခွင့်ပါမစ်ကို ကိုင်၍ ကားအသစ် ဝယ်စီးသည်။ မစီးလိုတော့လျှင် အရပ်သားလက်ထဲသို့ ဈေးကြီးကြီး ဖြင့်ရောင်းချလိုက်ကြသည်။ အချို့ဆိုလျှင် ကားတွေ များလွန်း၍ ကား ပါမစ် သက်သက်ချည်း ရောင်းစားကြသည်။ ထိုသို့ဖြင့် ကားပါမစ်ဖိုးမှာ ကားသုံးလေးစီးစာ ရှိသွားတော့သည်။ ထို့ ကြောင့် မြန်မာပြည်တွင် ကားကောင်းရှားသည်။ ဈေးကြီးသည်။ သာမန်လူလတ်တန်းစားတစ်ရပ်ပင် စီးနင်းနိုင်ရမည့် ကိစ္စတစ်ရပ်ကို ထိုပါမစ်ပြဿနာက ပိတ်ဆို့ထားသည်။
“ကားတွေ တင်သွင်းခွင့်ပေးလိုက်ရင် ရန်ကုန်မြို့ထဲ ယာဉ်ကြောတွေ ကျပ်ကုန်မှာပေါ့၊ ပြီးတော့ စက်မှုဇုန်တွေ နစ် နာမယ်၊ အဲ့ဒီ စက်မှုဇုန်တွေက အလုပ်သမားတွေ ဒုက္ခရောက်ကုန်မယ်” ဟု လူငယ်တစ်ဦးက စောဒကတက်သည်။ အမျိုး သားအကျိုးစီးပွားကာကွယ်ရေး ဆိုသည့် စကားလုံးကြီးနှင့် ကိုင်စွဲ အကြောင်းပြသည်။
အမျိုးသားအကျိုးစီးပွား ကာကွယ်နေရခြင်းကြောင့် ပြည်သူများမှာ တစ်ကျပ်တန်ကို တစ်ရာပေး၍ သုံးစွဲနေရခြင်းမှာ လုံးဝ ဆီလျော်ခြင်းမရှိသည့် ပြဿနာဖြစ်သည်။ ပြည်သူ့ရေးရာမူဝါဒဆိုသည်မှာ ဘေးထွက်သက်ရောက်မှု တစ်ခုမဟုတ်၊ တစ်ခုရှိသည်။ သို့သော် ပြည်သူအတွက် ဝန်ထုပ်ဝန်ပိုး အနည်းဆုံးဖြစ်စေမည့် မူဝါဒကို ချမှတ်ရခြင်းဖြစ်ရာ ကားစီးဖို့အတွက် မတန်မရာကြီး အခွန်ဆောင်နေရခြင်းက လုံးဝအဓိပ္ပါယ်မရှိလှပေ။ ထိုဇုန်ထုတ်ကား များသည်ကား ဂျပန်ကားကိုပင် အမြီးဖြတ်ခေါင်းဖြတ်၊ ဂျပန်အင်ဂျင်ကိုပင် အသုံးပြုထားရခြင်း မဟုတ်ပါလား။ ကိုယ်တိုင်ထုတ်နိုင်စေဦး၊ ဂျပန်ကား လောက်တော့ မကောင်းပေ။ ဂျပန်လိုက်ထရပ် တစ်စင်း ဒေါ်လာ သုံးထောင်၊ အခွန်နှင့် ဒေါ်လာကိုးထောင်၊ သိန်းကိုးဆယ်ဟု များများစားစား ပိုတွက်လိုက်လျှင်ပင် မြန်မာလိုက်ထရပ် ခနော်နီခနော်နဲ့မှာ သိန်းတစ်ရာ့ ငါးဆယ်အထက်တွင် ရှိနေရာ အဆိုတော်မျိုးကြီး၏ စာသားနှင့် ဆိုရပါမူ တစ်ခုခုတော့မှားနေပြီဟူ၍သာ။ အမှန်တကယ်လည်း ကားမထုတ်နိုင်၊ ဟိုဖြတ်ဒီဆက်ကို စက်မှုဖွံ့ဖြိုးသော နိုင်ငံတော်ကြီးဖြစ်ရမည်ဟု မိမိကိုယ်ကို မိမိ ပြန်လိမ်နေခြင်းမှာ ရှက်ဖွယ်လိလိ ဖြစ်သည်။ ရိုင်းစိုင်းစွာ သုံးရလျှင် ဖင်မနိုင်ဘဲ ပဲကြီးဟင်း မစားသင့်။ မိမိတွင်ရှိသည့် အရင်းအနှီးကို ကြည့်သင့်သည်။ စက်မှု နည်းပညာအရင်းအနှီး မိမိတွင် မရှိသေး၊ ထို့ကြောင့် အရင်းအနှီးနှင့် အတတ်ပညာများ ဖိတ်ခေါ်ရမည်ဟူသော စီးပွားရေး ဦးတည်ချက်လေးရပ်မှ တစ်ရပ်သည်လည်း မြန်မာနိုင်ငံက သတ်မှတ်ထားသော မြေယာ၊ လုပ်အား၊ ရင်းနှီးမြုပ်နှံမှု အခွန်များထက် အစိုးရထိပ်တန်းအရာရှိကြီးများကို လာဘ်ထိုးရ သဖြင့် အပိုကုန်ကျ စားရိတ်များသွားပြီး တရုတ်နှင့် ဖက်စပ် လုပ်သည့်ကားများသည်ပင် ဂျပန်ကားထက် ဈေးကြီးသေးသည်။ ဈေးတူလျှင်ပင် ဂျပန်ကားသာ ဝယ်စီးကြမည် မဟုတ် ပါလား။ ဒီတစ်ချက်လဲ လွဲပြန်ပြီ။
လွန်ခဲ့သည့်နှစ်က အာဆီယံ လမ်းမကြီးများ ဥပဒေအရ မြန်မာနိုင်ငံတစ်ဝှမ်းရှိ လမ်းမကြီးများတွင် သွားလာကူးသန်းနေကြသော ကုန်တင်ယာဉ် ကြီးများကို တန်ပိုတင်ပါက ဖမ်းဆီးအရေးယူသည်။ အကျိုးဆက်မှာ သယ်ယူပို့ဆောင်စားရိတ် တိုးမြှင့်လာခြင်းကြောင့် ကုန်ဈေးနှုန်းများ ကြီးမြင့်သွားသည်။ ထို့ကြောင့် နားလည်မှုယူ၍ တန်ပိုတင်ခွင့်ကို ခွင့်ပြုပေးရသည်။ တန်ပိုတင်သဖြင့် လမ်းတွေပျက်စီးသည်ဟု အကြောင်းပြသည်။ ခင်းသည့်လမ်းကိုက တန်၆၀ဟု ဆိုသော်လည်း ခြစားမှုတွေကြောင့် တန်၄၀ပင်မခံနိုင်၊ ဒီကြားထဲ တန်ပိုကိစ္စကို လမ်းကြေးကောက်ခံသည့်ဂိတ်မှ ဝန်ထမ်းများနှင့် ကားသမားများ အကြား နားလည်မှုယူ၍ တန်ပိုတင်ချင်သလို တင်သောကြောင့် လမ်းတွေပျက်စီးရသည်။ လမ်းတွေပျက်တော့ လမ်းပြင်ခ အခွန်ပိုကောက်၊ အခွန်ပိုကောက်တော့ သယ်ယူစရိတ်တက်၊ ကုန်ဈေးနှုန်းတက် ဂျာအေး သူ့အမေရိုက်၊ လုံးချာလည် လိုက်နေတော့သည်။ အဓိက ဘာကြောင့် တန်ပို တင်ရသနည်း။“ ဘယ်သူက တန်ပိုတင်ချင်မှာတုံးဗျ၊ အန္တရာယ်လည်းများ၊ ကားလဲနာတယ်၊ မတတ်သာလို့ ကိုက်အောင် တင်ကြရတာပေါ့’’ ဟု ကားအုံနာတစ်ဦးက ဆိုသည်။ သူပြောသလိုပင် ကားဈေးတွေက အထက်ပါ ပြဿနာတွေနှင့် ရင်ဆိုင်နေရပြီး ကုန်တင်ယာဉ် အလုံအလောက် မရှိသည့် ပြဿနာကို ရင်ဆိုင်နေရခြင်းဖြစ်သည်။ ကုန်တင်ယာဉ်ကြီးတွေလဲ တင်သွင်းမှ မရကြရှာသည်ကိုး။
အထက်ပါ ပြဿနာများသည် မော်တော်ယာဉ် မလုံလောက်မှုကြောင့် သယ်ယူစရိတ်မြင့်ပြီး ကုန်ဈေးနှုန်းများ ကြီး မြင့်နေရခြင်းဟု ရိုးရှင်းစွာ သဘောပေါက်နိုင်မည်ဖြစ်သည်။ မော်တော်ယာဉ်သာ တင်သွင်းခွင့်ပြုလျှင် လက်ရှိ ရင်ဆိုင်နေရသော ဒေါ်လာဈေးကျဆင်းမှုကို ကုစားနိုင်လိမ့်မည်ဟု ထင်သည်။ အပြိုင်အဆိုင် တင်သွင်းကြလျှင် ဒေါ်လာဈေးလည်းတက်၊ ပြည်သူတွေလဲ ဈေးသက်သက်သာသာနှင့် ကားစီးနိုင်ကြမည်။ သိန်းတစ်ထောင်တန် ကုန်တင်ယာဉ်ကြီးကို သိန်းငါးရာနှင့် ရကြလျှင် သယ်ယူစရိတ် တစ်ဝက်လောက် လျော့ချနိုင်ပေ လိမ့်မည်။ မလိုအပ်သော ကားအဟောင်းများကို ကား သင်္ချိုင်းပို့ရလောက်အောင် နိုင်ငံက မချမ်းသာသေး၍ ဖွံ့ဖြိုးမှုနည်းသေးသော နယ်များသို့ နယ်နှင်ဒဏ် ပေးလိုက်နိုင်ပါသေးသည်။ လမ်းမရှိလျှင် လမ်းဖောက်သော ကုမ္ပဏီများ ပေါ်လာပါလိမ့်မည်၊ ထိုဒေသမှ လူတွေလည်း အလုပ်အကိုင် အခွင့်အလမ်းတွေ ရလာဦးမည်။ ယခုကဲ့သို့ မော်တော်ယာဉ် တင်သွင်းခွင့် ပြုလိုက်သည့် ကိစ္စတစ်ရပ်တည်းနှင့်ပင် တိုင်းပြည်တွင် ကြုံတွေ့နေရသော ကုန်ဈေးနှုန်းကြီးမြင့်မှု၊ လမ်းပန်းဆက်သွယ်ရေး ခက်ခဲမှု၊ အပိုကုန်ကျစရိတ်မြင့်မားမှု၊ အလုပ် လက်မဲ့များ ပြားမှု၊ ဆင်းရဲမွဲတေမှု၊ ဒေသဖွံ့ဖြိုးရေး နောက်ကျမှု စသည့်ပြဿနာတွေ အတော်အသင့် ပြေလည်သွားမည် ဖြစ်သည်။ ထိုမျှ လွယ်ကူနေသည့် ကိစ္စရပ်တစ်ခုကို ပျက်ပြယ်စေသော အကြောင်းတရားများရှိနေပါလျှင် ထိုအကြောင်း တရားများသည် ကြိုးနီစနစ်များနှင့် ခြစားမှုများကြောင့်သာ ဖြစ်ပါလိမ့်မည်။
×××××××××××××××××××××××××××××××××××××××××××××××××××××××××××××××
 | Attached: yangonchronicle 2011 |
