Posts
 | yangonchronicle 2011 |
၁၃.၉.၂၀၁၁
ပြည်တွင်းသတင်းများ
- လမ်းတံတားကြေးပိုမိုကောက်ခံမှု ထိရောက်စွာတိုင်ကြားပါက အရေးယူမည်
- ပြည်ပထွက်ခွာ အလုပ်သမားများ အသက်အာမခံထားရှိရမည်ဆိုသည်မှာ မပာုတ်မှန်
- ပြည်ပ လုပ်ငန်းရှင်များအဆင်ပြေမည့် ရင်းနှီးမြှုပ်နှံမှုဆိုင်ရာ ဥပဒေရေးဆွဲပြီးဖြစ်
- ရေဂါလန် ဆုံးရှုံးမှု သုံးလစီမံချက်ဖြင့် စည်ပင်ကာကွယ်မည်
ပြည်တွင်းပါတီ၊ နိုင်ငံရေးသတင်းများ
- ဝံသာနု NLD ပါတီ အမည်ပြောင်းလဲမှု ကန့်ကွက်နိုင်ကြောင်းကြေညာ
- ပြည်တွင်းနှင့်ပြည်ပ ဟန်ချက်ညီညီ လုပ်ဆောင်ကြရန် ဒေါ်အောင်ဆန်းစုကြည်ပြောကြား
သတင်းနှင့် ဆောင်းပါးများမှ ကောက်နှုတ်ချက်များ
ဆောင်းပါးကဏ္ဍ
- ဘယ်လိုလူစားမျိုးတွေလဲ
×××××××××××××××××××××××××××××××××××××××××××××××××××××××××××××××××
ပြည်တွင်းသတင်းများ
လမ်းတံတားကြေးပိုမိုကောက်ခံမှု ထိရောက်စွာတိုင်ကြားပါက အရေးယူမည်
ရှမ်းပြည်နယ်ဒေသအတွင်းရှိ လမ်းတံတားကြေးပိုမိုကောက်ခံလျက်ရှိသည့် ဂိတ်များကို ပြည်သူများမှ ထိရောက်စွာတိုင်ကြားပါက ရှမ်းပြည်နယ် အစိုးရအဖွဲ့မှ ထိရောက်စွာအရေးယူဆောင်ရွက်သွားမည်ဖြစ်ကြောင်း လမ်းပန်းဆက်သွယ်ရေးဝန်ကြီးဌာနမှ တာဝန်ရှိသူတစ်ဦးက ပြောကြားခဲ့သည်။
ရှမ်းပြည်နယ်ဒေသအတွင်း လမ်းတံတားကြေး ပိုမိုကောက်ခံနေမှုများကို ဖုန်းနှင့်ဆက်၍ ရှမ်းပြည်နယ်အစိုးရအဖွဲ့သို့ တိုင်ကြားမည့်အစား အမှန်တကယ် လမ်းတံတားကြေး ပိုမိုပေးခဲ့ရသည့် သူများမှ လူကိုယ်တိုင်လာရောက်၍ သက်သေအပြည့်အစုံဖြင့် ထိထိရောက်ရောက်တိုင်ကြားပါက ၎င်း လမ်းတံတားကြေးပိုမိုကောက်ခံသည့် ဂိတ်များကို အရေးယူသွားမည်ဖြစ်ကြောင်း ၎င်းကဆက်လက်ပြောကြားခဲ့သည်။
ထို့ပြင် ပြီးခဲ့သည့် သြဂုတ်လအတွင်းကလည်း ရှမ်းပြည်နယ်ဒေသအတွင်း လမ်းတံတားကြေးကောက်ခံခွင့် လေလံရထားသည့် ကုမ္ပဏီတစ်ခုမှ လမ်းတံတားကြေး ပိုမိုကောက်ခံခဲ့သည့်အတွက် ပထမတစ်ကြိမ်တွင် ခံဝန်လက်မှတ်ရေးထိုးခိုင်းပြီး ဒုတိယအကြိမ် ဆက်လက်ကျုးလွန်ခဲ့သည့်အတွက် လေလံယူထားသည့် လမ်းတံတားကြေးကောက်ခံခွင့် တစ်လ ပိတ်သိမ်းခဲ့ကြောင်း သိရသည်။
ထိုသို့ လမ်းတံတားကြေးကောက်ခံခွင့် လေလံရရှိထားသည့်ကုမ္ပဏီများအနေနှင့်လည်း လမ်းတံတားကြေးပိုမိုကောက်ခံမှုကို နှစ်ကြိမ်နှင့်အထက် ဆက်လက်ကျုးလွန်ပါက လမ်းတံတားကြေးကောက်ခံခွင့် တစ်နှစ်လေလံရထားမှု ကိုအပြီးပိတ်သိမ်းမှာဖြစ်ကြောင်း ရှမ်းပြည်နယ်အစိုးရအဖွဲ့မှ တာဝန်ရှိသူတစ်ဦးက ပြောကြားခဲ့သည်။
ရှမ်းပြည်နယ်ဒေသအတွင်းရှိ လမ်းတံတားကြေးကောက်ခံသည့် ဂိတ်များအား ဆောက်လုပ်ရေးဝန်ကြီးဌာနမှ လမ်းတံတားကြေးကောက်ခံရန် သတ်မှတ်နှုန်းထားများကို ဗီနိုင်းနှင့်ထောင်၍ ထောင်ခိုင်းထားသော်လည်း လမ်းတံတားကြေးပိုမိုကောက်ခံသည့် ဖြစ်ရပ်များမှာမူ ရှိနေဆဲပင်ဖြစ်ကြောင်း သိရသည်။
Ref: ပြည်သူ့ခေတ်
-----------------------------------------------------------------------------------------------------------------------------------
ပြည်ပထွက်ခွာ အလုပ်သမားများ အသက်အာမခံထားရှိရမည်ဆိုသည်မှာ မပာုတ်မှန်
မြန်မာနိုင်ငံမှ ပြည်ပသို့ထွက်ခွာမည့် အလုပ်သမားများအနေနှင့် မြန်မာ့အာမခံလုပ်ငန်းတွင် အသက်နှင့် ခန္ဓာအာမခံထားရှိရမည် ပာူသော သတင်းမှာ ပာုတ်မှန်ခြင်းမရှိကြောင်း မြန်မာ့အာမခံလုပ်ငန်းမှ တာဝန်ရှိသူတစ်ဦးက ပြောကြားခဲ့သည်။
လက်ရှိ အချိန်တွင် မြန်မာ့အာမခံလုပ်ငန်းမှ ဝန်ဆောင်မှုပေးလျက်ရှိသော အာမခံအမျိုးအစားများအနက် ပြည်ပတွင် သွားရောက် အလုပ်လုပ်ကိုင်မည့် သူများအတွက် အသက်အာမခံဆောင်ရွက်ပေးခြင်းကို ယခင်နှစ်များနည်းတူ လုပ်ဆောင်ပေးလျက်ရှိပြီး မြန်မာနိုင်ငံ၌ အမျိုးမျိုးသော ကိစ္စရပ်များအတွက် အာမခံထားရှိသူဦးရေမှာ နည်းပါးလျက်ပင်ရှိကြောင်း သိရသည်။
ပြည်ပသို့ထွက်ခွာမည့် မြန်မာနိုင်ငံသားများအား အသက်အာမခံထားရှိမှသာ ဗီဇာ ထုတ်ပေးမည်ဆိုသည့် သတင်းမှာ ပာုတ်မှန်ခြင်းမရှိကြောင်း၊ လက်ရှိအချိန်တွင်လည်း ၎င်း ကိစ္စရပ်နှင့် ပတ်သက်၍ သက်ဆိုင်ရာတာဝန်ရှိသူများနှင့်လည်း ဆွေးနွေးထားခြင်းမရှိကြောင်း ၎င်းက ဆက်လက် ပြောကြားခဲ့သည်။
Ref:Venus
-----------------------------------------------------------------------------------------------------------------------------------
ပြည်ပ လုပ်ငန်းရှင်များအဆင်ပြေမည့် ရင်းနှီးမြှုပ်နှံမှုဆိုင်ရာ ဥပဒေရေးဆွဲပြီးဖြစ်
မြန်မာနိုင်ငံသို့ ပြည်ပနိုင်ငံများမှ လာရောက်ရင်းနှီးမြှုပ်နှံမည့် လုပ်ငန်းရှင်များ အဆင်ပြေနိုင်စေရန် ရင်းနှီးမြှုပ်နှံမှု မြေယာဆိုင်ရာ ဥပဒေနှင့် နိုင်ငံခြားငွေလဲလှယ်နှုန်း ဥပဒေများကို ပြင်ဆင်ရေးဆွဲ ပြီးသွားပြီဖြစ်ကြောင်း အမျိုးသားစီမံကိန်းနှင့် စီးပွားရေးဖွံ့ဖြိုးတိုးတက်မှု ဝန်ကြီးဌာနမှ တာဝန်ရှိသူတစ်ဦးက ပြောကြားခဲ့သည်။
ယခုကဲ့သို့ မြန်မာနိုင်ငံ၏ ရင်းနှီးမြှုပ်နှံမှုဆိုင်ရာ ဥပဒေနှင့် နိုင်ငံခြားငွေလဲလှယ်နှုန်း ဥပဒေများကို ပြင်ဆင်ရေးဆွဲရခြင်းမှာ ပြည်တွင်းစက်မှုလုပ်ငန်း ပိုမိုဖွံ့ဖြိုးရေး၊ ပြည်ပမှ လာရောက်ရင်းနှီးမြှုပ်နှံသူများ လုပ်သာကိုင်သာ ရှိရေးနှင့် အလုပ်အကိုင်အခွင့်အလမ်းများ ပေါ်ပေါက်လာစေရေးအတွက် ရည်ရွယ်ခြင်းဖြစ်ကြောင်းသိရသည်။
ယခု ပြင်ဆင်ရေးဆွဲလိုက်သည့် မြန်မာနိုင်ငံ ရင်းနှီးမြှုပ်နှံမှု မြေယာဆိုင်ရာ ဥပဒေသစ်အရ မြန်မာနိုင်ငံတွင် ပြည်ပနိုင်ငံမှ လာရောက်ရင်းနှီးမြှုပ်နှံမည့် လုပ်ငန်းရှင်များအနေနှင့် နိုင်ငံရှိ မြေယာများဌားရမ်းအသုံးပြုရာတွင် သာသနာ့မြေနှင့် တားမြစ်မြေများမှ အပ ကျန် ပုဂ္ဂလိကပိုင်မြေများအားလုံးကို ဌားရမ်းအသုံးပြုဆောင်ရွက်ခွင့်ရရှိတော့မှာ ဖြစ်ကြောင်းသိရသည်။
ထို့ပြင် အစိုးရသစ်လက်ထက်မှ စတင်၍ ပြန်လည်ဖွဲ့စည်းခဲ့သည့် မြန်မာနိုင်ငံ၏ ရင်းနှီးမြှုပ်နှံမှုကော်မရှင်ကိုလည်း အလုပ်ကိစ္စတစ်ခုလျှင် နှစ်ပတ်အတွင်းဆောင်ရွက်ပေးရန် နိုင်ငံတော်သမ္မတက ညွှန်ကြားထားကြောင်း သိရသည်။
မြန်မာနိုင်ငံရင်းနှီးမြှုပ်နှံမှုကော်မရှင်အား အသစ်ပြန်လည် ဖွဲ့စည်းရခြင်းမှာ ပြည်တွင်းပြည်ပ ဖက်စပ်၊ ပုဂ္ဂလိကနှင့် နောင်ပေါ်ပေါက်လာမည့် အများပိုင်ကုမ္ပဏီများ သွက်သွက်လက်လက် အကောင်အထည်ဖော်ဆောင်ရွက်နိုင်ရန်နှင့်One Stop Service ကို ပီပြင်အောင် အကောင်အထည်ဖော် ဆောင်ရွက်လျက်ရှိကြောင်း ရင်းနှီးမြှုပ်နှံမှုကော်မရှင် ဥက္ကဋ္ဌ ပြည်ထောင်စုဝန်ကြီး ဦးစိန်ုးသိန်းက ပြောကြားခဲ့သည်။
အစိုးရသစ်လက်ထက်ပြန်လည်ဖွဲ့စည်းလိုက်သည့် ရင်းနှီးမြှုပ်နှံမှုကော်မရှင်၌ ဥက္ကဋ္ဌအဖြစ် အမှတ်(၁)၊ အမှတ်(၂) စက်မှုဝန်ကြီးဌာန ပြည်ထောင်စုဝန်ကြီး ဦးစိုးသိန်းက တာဝန်ယူဆောင်ရွက်လျက်ရှိပြီး အဖွဲ့ဝင်များအဖြစ် ပြည်ထောင်စုဝန်ကြီးများဖြစ်သည့် ဦးအောင်မင်း၊ ဦးဇော်မင်း၊ ဦးလှထွန်း၊ ဦးတင်နိုင်သိန်း နှင့် ပြည်ထောင်စုရှေ့နေချုပ် ဒေါက်တာထွန်းရှင်တို့မှ တာဝန်ယူဆောင်ရွက်လျက်ရှိကြောင်း သိရသည်။
Ref: Venus၊ Popular
-----------------------------------------------------------------------------------------------------------------------------------
ရေဂါလန် ဆုံးရှုံးမှု သုံးလစီမံချက်ဖြင့် စည်ပင်ကာကွယ်မည်
ရန်ကုန်မြို့တော်စည်ပင်သာယာနယ်နိမိတ်အတွင်း ရေပြုန်းတီးမှုများနှင့် ရေဖြုန်းတီးမှုများ လျော့ကျသွားနိုင်စေရန် ရန်ကုန်မြို့တော် စည်ပင်သာယာရေး ကော်မတီမှ သုံးလစီမံချက်ဖြင့် ကာကွယ်သွားမည်ဖြစ်ကြောင်း သိရသည်။
ရန်ကုန်မြို့တော်စည်ပင်သာယာရေးနယ်နိမိတ်အတွင်း နေ့စဉ် ရေဂါလန် သန်း၁၆၀ ခန့် ဖြန့်ဝေလျက်ရှိရာ နေ့စဉ် ရေပေးဝေမှု၏ ၄၀ ရာခိုင်နှုန်းမှာ လေလွင့်ဆုံးရှုံးလျက်ရှိသည့်အတွက် ယခုကဲ့သို့ လေလွင့်ဆုံးရှုံးမှုများကို ကာကွယ်နိုင်ရန် စီစဉ်ဆောင်ရွက်ရခြင်းဖြစ်ကြောင်း သိရသည်။
အခြားနိုင်ငံများတွင် နေ့စဉ် ရေပေးဝေမှု၏ ရာခိုင်နှုန်းအနည်းငယ်သာ လေလွင့်ဆုံးရှုံးမှုဖြစ်ပေါ်ခဲ့သော်လည်း မြန်မာနိုင်ငံတွင်မူ ရေပေးဝေမှု ၄၀ ရာခိုင်နှုန်းမှာ လေလွင့်ဆုံးရှုံးမှု ဖြစ်ပေါ်လျက်ပင်ရှိနေသေးကြောင်း သိရသည်။
၎င်း ကိစ္စရပ်အား ကာကွယ်နိုင်ရန် ရန်ကုန်မြို့တော်စည်ပင်သာယာရေးကော်မတီမှ သုံးလစီမံချက်ဖြင့် လုပ်ဆောင်သွားမည်ဖြစ်ကြောင်း သိရသည်။
ပြီးခဲ့သည့် သြဂုတ်လ ပိုင်းအတွင်းတွင်လည်း ရန်ကုန်မြို့တော်စည်ပင်သာယာရေးကော်မတီမှ ရေဖြုန်းတီးမှုများကို ကာကွယ်နိုင်ရန် ရန်ကုန်မြို့တော်စည်ပင်သာယာရေးနယ်နိမိတ်အတွင်းတွင် ရေပိုင်များပြင်ဆင်ခြင်း၊ ရေယိုခြင်းများ ပြုပြင်ဆောင်ရွက်ပေးခြင်း၊ ရေဘုံပိုင်ခေါင်းများ အသစ်လဲလှယ်ပေးခြင်း စသည့် ကိစ္စရပ်များဆောင်ရွက်ခဲ့သည့်အတွက် ရေလေလွင့်ဆုံးရှုံးမှု တစ်နေ့လျှင် ဂါလန် တစ်သိန်းရှစ်သောင်းကျော် ထိန်းနိုင်ခဲ့ကြောင်း သိရသည်။
Ref: ကုမုဒြာ
××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
ဝံသာနု NLD ပါတီ အမည်ပြောင်းလဲမှု ကန့်ကွက်နိုင်ကြောင်းကြေညာ
၂၀၁၀ ရွေးကောက်ပွဲဝင် ဝံသာနုNLD (ပြည်ထောင်စုမြန်မာနိုင်ငံ) ပါတီအား ဝံသာနုဒီမိုကရက်တစ်ပါတီအဖြစ် အမည်ပြောင်းလဲခွင့်ပြုရန် လျှောက်ထားမှုအား ကန့်ကွက်နိုင်ကြောင်း ကြေညာချက်အား နိုင်ငံပိုင်သတင်းစာများတွင် ဖော်ပြပါရှိသည်။
နိုင်ငံရေးမှတ်ပုံတင်ခြင်း ဥပဒေပုဒ်မ ၅ အရ နိုင်ငံရေးပါတီအဖြစ် မှတ်ပုံတင် ခွင့်ပြုချက်ရရှိထားသည့် ဝံသာနုNLD(ပြည်ထောင်စုမြန်မာနိုင်ငံ) ပါတီသည် ၂၀၁၁ စက်တာဘာလ ၈ ရက်နေ့တွင် ဝံသာနုဒီမိုကရက်တစ်ပါတီအဖြစ် အမည်ပြောင်းလဲခွင့်ပြုရန် ပြည်ထောင်စုရွေးကောက်ပွဲကော်မရှင်သို့ လျှောက်ထားခဲ့ခြင်း ဖြစ်ကြောင်း သိရသည်။
ထိုသို့ ဝံသာနုNLD ပါတီသည် ဝံသာနုဒီမိုကရက်တစ်ပါတီအဖြစ် အမည်ပြောင်းလဲခွင့် လျှောက်ထားခဲ့သည့်အတွက် ပါတီအမည်သစ် ပြောင်းလဲခြင်း ကိစ္စရပ်နှင့် ပတ်သက်၍ ကန့်ကွက်လိုပါက နိုင်ငံရေးပါတီများ မှတ်ပုံတင်ခြင်း နည်းဥပဒေများ ၁၄ (ဃ) အရ ယခုကြေညာသည့်နေ့မှ (၇) ရက်အတွင်း ခိုင်လုံသောအထောက်အထားဖြင့် ပြည်ထောင်စုရွေးကောက်ပွဲကော်မရှင်သို့ လာရောက်ကန့်ကွက်နိုင်ကြောင်း ကြေညာချက်အား နိုင်ငံပိုင် သတင်းစာများတွင် ဖော်ပြပါရှိသည်။
ဝံသာနု ဒီမိုကရက်တစ်ပါတီအဖြစ် အမည်ပြောင်းလဲခွင့် လျှောက်ထားခဲ့သည့် ဝံသာနု(NLD) ပါတီ၏ ပါတီရုံးချုပ်အား မန္တလေးတိုင်းဒေသကြီး၊ ပုသိမ်ကြီးမြို့နယ်၊ နန်းဦးလွင်ကျေးရွာအုပ်စုတွင် ဖွင့်လှစ်ထားကြောင်း သိရသည်။
၂၀၁၀ ရွေးကောက်ပွဲတွင် ဝံသာနုNLD(ပြည်ထောင်စုမြန်မာနိုင်ငံ) ပါတီမှ ကိုယ်စားလှယ်လောင်း ၄ ဦး ဝင်ရောက်ယှဉ်ပြိုင်ခဲ့ပြီး အနိုင်ရရှိခဲ့ခြင်းမရှိကြောင်း သိရသည်။
Y.C
-----------------------------------------------------------------------------------------------------------------------------------
ပြည်တွင်းနှင့်ပြည်ပ ဟန်ချက်ညီညီ လုပ်ဆောင်ကြရန် ဒေါ်အောင်ဆန်းစုကြည်ပြောကြား
ပြည်ပရောက်မြန်မာ့နိုင်ငံရေးအင်အားစုများနှင့်ပြည်တွင်းရှိအင်အားစုများသည် ဟန်ချက်ညီညီဖြစ်လုပ်ဆောင် ကြရန်လိုအပ်ကြောင်း စက်တင်ဘာ ၁၂ရက်နေ့တွင်ဒေါ်အောင်ဆန်းစုကြည်က ပြောကြားလိုက်သည်။
“ပြည်ပကတစ်မျိုးလုပ် ပြည်တွင်းကတစ်မျိုးလုပ်ဆိုရင် ဘယ်အဆင်ပြေမလဲ အားလုံးကတူတူပဲလေ ညီညီညွှတ်ညွှတ်နဲ့လုပ်မှပေါ့”ဟု ဒေါ်အောင်ဆန်းစုကြည်ကဆိုသည်။
ပြည်ပသို့ရောက်ရှိနေသော်လည်း မြန်မာများသာဖြစ်ကြသည့်အတွက် မိမိတိုင်းပြည်အရေးကို စိတ်ဝင်စားရမည်ဖြစ်ပြီး ပြည်ပရောက်သူများ ကလည်းခြေလှမ်းညီညီလုပ်ဆောင်နိုင်မှသာ အောင်မြင်မည်ဖြစ်ကြောင်း ဒေါ်အောင်ဆန်းစုကြည်ကပြောကြားသည်။
လက်ရှိအခြေအနေတွင် ဒေါ်အောင်ဆန်းစုကြည်သည် အစိုးရအသစ်နှင့်လည်း စတင်ညှိနှိုင်း ဆောင်ရွက်နေပြီဖြစ်ကြောင်းသိရသည်။
ပြည်တွင်းနိုင်ငံရေးအင်အားစုများသည် ပြည်ပအင်အားစုအပြင် တိုင်းရင်းသားလက်နက်ကိုင်များနှင့် လည်းညှိနှိုင်းဆောင်ရွက် သွားကြရမည်ဖြစ်ကြောင်း NLD ၏ cec အဖွဲ့ဝင် ဦးဝင်းတင်ကပြောသည်။
ပြည်တွင်းနိုင်ငံရေးအင်အားစုများဖြစ်ကြသည့် အတိုက်ခံပါတီများသည် ဒေါ်အောင်ဆန်းစုကြည် လွတ်မြောက်ခါစအချိန်ကပင် လူမှုရေးအရ သွားရောက်တွေ့ဆုံမှုမျိုးရှိခဲ့ပြီး လက်တွေ့ပူးပေါင်းဆောင်ရွက် မှုများမှာအကောင်ထည်ဖော်ရန်မလွယ်ကူကြောင်း NDF ပါတီဥက္ကဌ ဒေါက်တာသန်းငြိမ်းက ပြောသည်။
တိုင်းရင်းသား လက်နက်ကိုင်အဖွဲ့စည်းများဖြစ်ကြသည့် ကချင်၊ ရှမ်း၊ ကရင်နှင့် မွန် လက်နက်ကိုင်များသည် လက်နက်ကိုင်များ တညီတညွှတ်တည်း လုပ်ဆောင်နိုင်ရန် လက်နက်ကိုင်အဖွဲ့စည်းများပူးပေါင်းထားသည့် ဖရယ်ဒယ်ကောင်စီကို ဖွဲ့စည်းလုပ်ဆောင်နေကြကြောင်း သိရသည်။
Peace Press
××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
“ပြည်သူရဲ့ဝန်ကိုထမ်းတာကို ပြည်သူ့ဝန်ထမ်းလို့ခေါ်တယ်။ အလုပ်တော်ရုံနဲ့တော့ ဝန်ထမ်းကောင်းမဖြစ်ဘူးလို့ ပြောရမယ်။ လူတစ်ယောက်က သူ့လုပ်ငန်းပိုင်းနဲ့ ပတ်သက်ပြီး ကျွမ်းကျင်တယ်။ Technical ပိုင်းကျွမ်းတယ်။ အသိပညာ Knowledge ပိုင်း အရမ်းအားနည်းရင်လည်း မဖြစ်ဘူး။ အကျင့်ကောင်းဖို့လည်းလိုတယ်။ ဝန်ထမ်း ကောင်းဆိုတာ ပေးတဲ့တာဝန်ကို ချမှတ်ထားတဲ့ Policy၊ ချမှတ်ထားတဲ့ လုပ်ထုံးလုပ်နည်းနဲ့အညီ တာဝန်ကျေရုံ မဟုတ်ဘဲ တာဝန်ကို စေတနာပါပါနဲ့ တာဝန်ထမ်းဆောင်တာလို့ သတ်မှတ်တယ်။ ပြည်သူ့အပေါ် မချေမငံဆက် ဆံတာ ဟိုးကတည်းကရှိတယ်။ ခန့်ထားကတည်းက ဝန်ထမ်းအရေအတွက် မလုံလောက်တဲ့ဌာနတွေမှာ နားချိန်မရဘဲ တောက်လျှောက် ပြည်သူလူထုနဲ့ ဆက်ဆံနေရတော့ စိတ်မရှည်တာတွေရှိမယ်။ ဒါကို ဝန်ထမ်းအ ပြစ်လို့ ပြောလို့မရဘူး။ နိုင်ငံတော်ဘတ်ဂျက်အရ အပြည့်အဝမခန့်ထားဘူး။ တစ်ဝက်ပဲခန့်ထားတာ။ နားချိန်မရ ဘူး။ တချို့က ပင်ကိုယ်ကကို ဆက်ဆံရေးညံ့တာရှိတယ်။ ဒီဘက်ပိုင်းမှာတွေ့ရတာ အလုပ်လုပ်လိုက်လို့ ဘာမှ အခွင့်အရေးမရှိဘူး။ တချို့က အဆင့်အတန်းကို ကြည့်ပြီးတော့ ချေချေငံငံ ဆက်ဆံတာရှိတယ်။ မချေမငံ ဆက်ဆံတာရှိတယ်။ ဝန်ထမ်းကောင်းက ဒါမျိုးမလုပ်ဘူး။ ကိုယ်ကိုယ်တိုင် အစိုးရဝန်ထမ်း လုပ်နေချိန်က ပြည်သူ့အပေါ် ဘယ်သောအခါမှ ဝန်ထုတ်ဝန်ပိုး မဖြစ်စေ ရဘူး”
စက်တင်ဘာ ၁၃ ထုတ် Ture News အတွဲ (၃) အမှတ် (၅၁) တွင်ပါသည့် “ပြည်သူ့ဝန်ထမ်းဆိုတာ…” သတင်း ဆောင်းပါးတွင်ပါသည့် ဦးရဲမြင့်(ရဲမြင့်၊ စွန့်ဦးတီတွင်)၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“မြစ်ဆုံကိစ္စနဲ့ ပတ်သက်လို့ အစိုးရက ပြန်လည် သုံးသပ်မယ်လို့ ဆိုထားပါတယ်။ ပြန်လှန် သုံးသပ်နေတဲ့ ကာလမှာ ဆက်လက် ဆောက်လုပ်နေတာမျိုး မဖြစ်သင့်ပါဘူး။ တည်ဆောက်ရေး လုပ်ငန်းတွေ ရပ်ထားသင့်ပါတယ်”
စက်တင်ဘာ ၁၄ ထုတ် Weekly ELEVEN အတွဲ (၆) အမှတ် (၅၀) တွင်ပါသည့် “ဧရာဝတီမြစ်ရှိ အကြီးဆုံး ရေအားလျှပ်စစ်စီမံကိန်း မြစ်ဆုံကို ဆက်လက်လုပ်ဆောင်နေ” သတင်းမှ Eleven Media Group ၏ CEO ဒေါက်တာ သန်းထွဋ်အောင်၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“ကျွန်မက မိသားစုပင်စင်စားပါ။ အရင်က ရှစ်ထောင်ရတယ်။ အခုတော့ ဘယ်လောက်ရမလဲမသိသေးဘူး။ တင်ထားတာတော့ ကြာပြီ။ ရပြီလားလို့ ခဏခဏသွားမေးရတာကြာတော့ မေးရတာ ရှက်လာပြီ။ ကျွန်မ နောက်မှတင်တဲ့သူတွေတောင် ရကုန်ကြပြီ”
စက်တင်ဘာ ၁၂ ထုတ် The Messenger အတွဲ (၂) အမှတ် (၁၇) တွင်ပါသည့် “သြဂုတ်လကုန်သည်အထိ တိုးမြှင့်ပင်စင်လစာ မရရှိသေးသော ပင်စင်စားများရှိနေ” သတင်းမှ တောင်ဒဂုံမြို့နယ်မှ မိသားစုပင်စင်စား ဒေါ် ရီရီသန့်၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“အခု MFTB နဲ့ MICB တို့ရဲ့ ဝန်ဆောင်မှုကလည်း လိုပါသေးတယ်။ စင်ကာပူမှာဆိုရင် ဒေါ်လာတစ်သိန်း၊ တစ်သိန်းခွဲလောက် အသွင်း၊ အထုတ်ပို့နေတဲ့သူဆိုရင် premier customer (ဖောက်သည်ကြီးများ) ဆိုပြီး ဝန် ဆောင်မှုကို စပယ်ရှယ်ပေးတယ်။ လုံးဝတန်းစီစရာမလိုဘူး။ ပြည်တွင်းမှာကတော့ တစ်လကို ဒေါ်လာ ငါးသန်း၊ ၁၀ သန်းလောက်ပို့နေ၊ လွှဲနေတဲ့သူတွေတောင်တန်းစီနေရတယ်။ ပြီးတော့ ဒီဘဏ်နှစ်ဘဏ်ရဲ့ လုပ်ထုံးလုပ် နည်းတွေကလည်း မတူဘူး”
စက်တင်ဘာ ၁၅ ထုတ် ရန်က်ုတိုင်းမ် အတွဲ (၇)၊ အမှတ် (၃၅) တွင်ပါသည့် “ပုဂ္ဂလိကဘဏ်များကို နိုင်ငံခြားငွေဝန်ဆောင် ခွင့်ပေးတော့မည်ဟု ဘဏ္ဍအခွန်ဒုတိယဝန်ကြီးပြောကြား” သတင်းမှ ပို့ကုန်လုပ်ငန်းရှင်ကြီး ဒေါက်တာ စိုးထွန်း ၏ပြောကြားချက်အပေါ် ကောက်နှုတ်ချက်
××××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
ဘယ်လိုလူစားမျိုးတွေလဲ
ယခုတစ်ပတ် အလှုပ်ခတ်ဆုံး သတင်းအဖြစ် လျှပ်စစ်ဝန်ကြီး ဦးဇော်မင်း၏ ဧရာဝတီမြစ်ဆုံစီမံကိန်းနှင့် ပတ်သက်သည့် သတင်းစာ ရှင်းလင်းပွဲကို တွေ့ရသည်။ ဧရာဝတီမြစ်ဆုံ စီမံကိန်းနှင့် ပတ်သက်၍ မြန်မာတမျိုး သားလုံးသာမက ကမ္ဘာ့သဘာဝပတ်ဝန်းကျင် ချစ်သူများကပါ အရေးတယူ ပြောဆိုကန့်ကွက်နေကြချိန်၌ ထိုစီမံကိန်းကို အဓိက အကောင်အထည်ဖော်ဆောင်ရွက်နေသည့် ဝန်ကြီးက အားလုံးကို ဂရုမစိုက်သည့်၊ အထင်သေးသည့် ဟန်ဖြင့် စော်ကားပြောဆိုခဲ့ရာ မြန်မာ့နိုင်ငံရေးနယ်ပယ်တွင် ဂယက်ရိုက်သွားခဲ့သည်။
အဆိုပါစာမျက်နှာတွင်ပင် နိုင်ငံရေး၊ လူမှုရေး၊ စာနယ်ဇင်းနှင့် သဘာဝပတ်ဝန်းကျင်ထိန်းသိမ်းရေး လှုပ်ရှားသူ များထံမှ ပြင်းထန်သည့် မှတ်ချက်များကို ဖော်ပြထားသည်ကို တွေ့ရပြန်သည်။ ဂျာနယ်ထွက်အပြီး နာရီအနည်း ငယ်အတွင်း၌ပင် အင်တာနက် စာမျက်နှာများပေါ်တွင်လည်း ဝန်ကြီး ဦးဇော်မင်းကို ဝေဖန်သည့် ၊ ရှုံ့ချသည့် ၊ ဆဲဆိုသည့် အကြောင်းအရာများ ထောင်ချီ၍ တက်လာခဲ့သည်။ စာနယ်ဇင်းလောကတွင် သြဇာရှိသော လူထုစိန်ဝင်းကဲ့သို့ ပုဂ္ဂိုလ်မျိုးကပင် ဧရာဝတီကို မဖြစ်ဖြစ်သည့်နည်းနှင့် ကာကွယ်ကြရတော့မည်ဟု လှုံဆော် ရေးသားခဲ့သည်။ ဆက်လက်၍လည်း ဧရာဝတီအတွက် လှုပ်ရှားမှုများ ထပ်မံမြင့်တက်လာဖွယ်ရှိပြီး အခန့်မသင့်လျှင် လူထုအုံကြွမှုကြီးများနှင့်ပင် ရင်ဆိုင်ရနိုင်သည်။ ယခင်က စစ်အစိုးရ ခေါင်းဆောင်များ၏ မှားယွင်းမှု မှန်သမျှကို ရင်ကော့ကာကွယ်ပေးခဲ့သော ပြန်ကြားရေးဝန်ကြီး ဦးကျော်ဆန်းကိုယ်တိုင်ပင် ဦးဇော်မင်း၏ ရင့်သီးသော စကားလုံးများကို တစ်လုံးမကျန် ပုံနှိပ်ခွင့်ပြုခဲ့ရာ စာနယ် ဇင်းများ၏ ရေဝဲဂယက်တွင် မျောသွားသူ လျှပ်စစ်ဝန်ကြီးအဖို့ ရေနစ်သူဝါးကူထိုးသည့် အခြေအနေဆိုက်သွားခဲ့ ရခြင်းပင်ဖြစ်သည်။ ထိုကဲ့သို့ အခြေအနေမျိုးကို ဦးဇော်မင်းအနေဖြင့် မသိ၍ လား၊ သို့တည်းမဟုတ် ဂရုမစိုက်၍ပဲလား၊ သို့တည်းမဟုတ် စဉ်းစားဆင်ခြင်နိုင်စွမ်း မရှိ၍ပဲလားဟု ဆိုရလောက် အောင်ပင် ကြမ်းတမ်းရင့်သီးသော အသုံးအနှုန်းမျိုးဖြင့် စာနယ်ဇင်းများကို ပြောဆိုခဲ့ခြင်းဖြစ်သည်။ ထို့ကြောင့် လျှပ်စစ်ဝန်ကြီး ဦးဇော်မင်း မည်ကဲ့သို့ လူစားမျိုးဖြစ် သည်ကို သုံးသပ်ကြည့်ရန် လိုမည်ဖြစ်သည်။
“အဲ့ဒီအမိန့်ကို ပြန်ပြီးတော့ ပြင်လို့ မရခဲ့ဘူး။ မရခဲ့တဲ့အခါကျတော့၊ အဓိကက အဲ့ဒီနယ်မြေရဲ့ တာဝန်ခံက ဗိုလ်ချုပ်သူရမြင့်အောင်။ သူက စကခ(၁၃)(စကခ= စစ်ဆင်ရေးကွပ်ကဲမှုဌာနချုပ် ဟု အမည်ပေး ထားသော ခြေမြန်တပ်မများ) ရဲ့ တပ်မမှူးပါ။ ဗိုလ်မှူးကြီးဇော်မင်းက သူ့လက်အောက်ကမှ ဗျူဟာမှူးပါ။ ဆက်ပြီးတော့ ရှင်းရှင်း ပြောရရင် တော့၊ အမိန့်ပေးလိုက်တယ်။ အမိန့်ပေးတဲ့အတိုင်းပဲ အဲ့ဒီ့နေ့မှာပဲ အဲ့ဒီ့ အရပ်သူအရပ်သားတွေကို သောင်ပြင်မှာပဲ အကုန်လုံးက သေနတ်နဲ့ပစ်သတ်ပြီးတော့မှ သောင်ပြင်မှာ မြှုပ် လိုက်တယ်လို့ ကျနော်တို့ သိရပါတယ်။ အခု သွားပြီး အဲ့ဒီ့အရိုးတွေကို တူးကြည့်ရင် မြင်ရပါဦးမယ်။ ဗိုလ်မှူးကြီးဇော်မင်း (ယခုအမှတ်(၁)လျှပ်စစ်ဝန်ကြီဌာန ၀န်ကြီး နှင့် ပြည်ထောင်စု ကြံခိုင်ဖွံ့ဖြိုးရေးပါတီ တွဲဘက်အတွင်းရေးမှူး) နဲ့ သူ့တပ်ရင်းမှူး နှစ်ယောက်ပေါ့လေ။ ဗိုလ်မှူးကြီးဇော်မင်းကလည်း တပ်ရင်းမှူးနှစ်ယောက်ကို ဆက်အမိန့်ပေးပြီးတော့မှ အကုန်လုံးကို လုပ်ပစ်လိုက် ကြတယ်လို့ သိရပါတယ်။”
VOA သတင်းဋ္ဌာနနှင့် ပြုလုပ်သော အင်တာဗျူးတစ်ခုတွင် အမေရိကန်၌ နိုင်ငံရေးခိုလှုံခွင့်ဖြင့် နေထိုင်သော ဗိုလ်မှူးဟောင်း အောင်လင်းထွဋ်က ၁၉၉၈ က ဖြစ်ပွားခဲ့သော ခရစ္စတီးကျွန်း လူသတ်ပွဲ ကိစ္စကို ပြန်ပြောင်း ပြောဆိုခဲ့ခြင်းဖြစ်သည်။ အဆိုပါ ဖြစ်စဉ်တွင် လက်နက်မဲ့ အရပ်သား ကလေးနှင့်အမျိုးသမီးများ အပါအဝင် စုစုပေါင်း ၅၈ယောက်ကို ဗိုလ်ချုပ်မှူးကြီး အမိန့်ဖြင့် ထိုကျွန်းပေါ်တွင်ပင် သတ်ဖြတ်၍ မြေမြှပ်ခဲ့ခြင်း ဖြစ်သည်။ ထိုစဉ်က အရပ်သားများကို သတ်ဖြတ်ရန် ယခု လျှပ်စစ်ဝန်ကြီးဖြစ်သူ ထိုအချိန်က ဗိုလ်မှူးကြီး ဖြစ်သူ ဦးဇော်မင်းက အကောင်အထည်ဖော်ခဲ့ခြင်းဖြစ်သည်။ ထို့ကြောင့် ဦးဇော်မင်းသည် လက်မရွံ့ လူသတ် သမားဟုပင် ဆိုနိုင်သည်။ စစ်ရေးအရ ရန်သူကို ချေမှုန်းရခြင်းဖြစ်သော်လည်း အပြစ်မဲ့ ပြည်သူကို သွေးအေးစွာ သတ်ဖြတ်ခဲ့သူဖြစ်ရာ ဧရာဝတီကဲ့သို့ သက်မဲ့မြစ်တစ်စင်းကို ကိစ္စတုံး လုပ်ရန်မှာ ၎င်းအတွက် ငှက်ပျောသီး အခွံ နွှာစားရသည်ထက်ပင် လွယ်ကူမည်ဖြစ်သည်။ ထို့ပြင် ကြမ်းကြုတ်သော စိတ်ဓာတ်အခံက ကုလသမဂ္ဂကိုပင် ဂရုမစိုက်ကြောင်းထည့်သွင်းပြောဆိုခဲ့ခြင်းဖြင့် မည်သူကိုမျှ ဂရုစိုက် လိမ့်မည်မဟုတ်ကြောင်း ပေါ်လွင်နေသည်။
“ကျွန်တော်တို့ ဘီလူးချောင်းရေအားလျှပ်စစ် စီမံကိန်းတည်ဆောက်ပြီး လျှပ်စစ်ထုတ်ပေးခဲ့အခါ ဒီနေ့အထိ going strong ဖြစ်ပါတယ်။ သူသည် ၅၂ နှစ် ရှိပါပြီ။ ဘီလူးချောင်းစီမံကိန်းကြောင့် ဘီလူးချောင်းကြီး ပျက်စီးသွားပြီလို့ ဒီလိုမျိုးတွေ ညီအစ်ကို မောင်နှမတွေ ကြားဖူးသလား။ မကြားဖူးပါဘူး။ ဒီတော့ ပေါင်းလောင်းစီမံကိန်း မဂ္ဂါဝပ် ၂၈၀ ရှိပါတယ်။ ပေါင်းလောင်းစီမံကိန်းကြီးကြောင့် ပေါင်းလောင်းချောင်းကြီး ပေါင်းလောင်းမြစ်ကြီး ပျက်စီးသွားပြီလား။ မပျက်စီးပါဘူး။ ရဲရွာစီမံကိန်း မြန်မာနိုင်ငံမှာ လက်ရှိမှာ အကြီးဆုံးစီမံကန်း ရဲရွာစီမံကိန်းပါပဲ။ လျှပ်စစ်ဓာတ်အားလည်း ပေးနေပါတယ်။”
လျှပ်စစ်ဝန်ကြီးဟုဆိုသော်လည်း ဘီလူးချောင်း၊ ဒုဌဝတီမြစ်၊ မြစ်ငယ်မြစ်တို့နှင့် ဧရာဝတီမြစ်ကို နှိုင်းယှဉ်ပြောကြားသွားသည်။ အဆိုပါ ဘီလူးချောင်းနှင့် ဒုဌဝတီမြစ်တို့မှာ ပင်ရင်းမြစ်ကြီးများမှ ခွဲဖြာနေသော မြစ်များဖြစ်ပြီး ဧရာဝတီမြစ်ကဲ့သို့ ပင်မ မြစ်ကြီးနှင့် မတူပေ။ ထို့ပြင် ယခုဆည်မှာ ဧရာဝတီမြစ်ကို အစပြုပေး သော မေခနှင့်မေလိခ မြစ်ပေါ်တွင် တည်ဆောက်ခြင်းဖြစ်ရာ ပင်မမြစ်ကြီးပျောက်ကွယ်ခြင်းဖြစ်သည်။ အဓိကအားဖြင့် ရေအရင်းအမြစ်ကို ဖြတ်တောက်လိုက်ခြင်းဖြစ်ရာ မည်သည့် ရေစီးမှုမျှရှိလာတော့မည်မဟုတ် ပေ။ ထို့ကြောင့် ဧရာဝတီမြစ်နှင့် အခြားမြစ်ငယ်များကို အတူတူထင်နေသော ဝန်ကြီးကမြန်မာနိုင်ငံတွင် သူ့လောက် လျှပ်စစ်နှင့်ပတ်သက်၍ နားလည်သူမရှိတော့ဟု ဆိုခြင်းမှာ ဦးနှောက်မရှိခြင်းကို ပြသနေရာရောက် သည်။
မြန်မာနိုင်ငံတွင် လျှပ်စစ်ဓာတ်အားများ ပိုလျှံနေ၍ တရုတ်သို့ရောင်းချခြင်းဖြစ်ပြီး စီမံကိန်းကာလ ပြီးဆုံးပါက မြန်မာနိုင်ငံက အပိုင်ရမည်ဟု တွက်ပြသည်။ ဆည်တို့၏ သက်တမ်းမှာ နှစ်ကာလ ကြာသည်နှင့် အမျှ နုန်းပို့ချမှုများလာပြီး ရေသိုလှောင်နိုင်သည့် ပမာဏကျဆင်းကာ လျှပ်စစ်ဓာတ်အား ထွက်ရှိမှု လည်း လျော့နည်းသွားသည်။ တရုတ်ပြည်နှင့် စာချုပ်သက်တမ်းပြည့်ချိန်တွင် မြန်မာနိုင်ငံရရှိမည်မှာ ထိုဆည်အခွံကြီး သာဖြစ်မည်။ ထို့ပြင် ဝန်ကြီးပြောသကဲ့သို့ ရေ ၇ ရာခိုင်နှုန်းသာ ဖမ်းသည်ဆိုသည့် ကိစ္စတွင် ရေသိုလှောင်ချိန်တွင် မြစ်ရေစီးမှုတန့်နေမည်ဖြစ်ကာ ရေပိုထုတ်ချိန် မိုးတွင်းကာလတွင် မြစ်ကြီးဘေးတစ်လျောက်မြို့ရွာများ ရေကြီးမှုမှာ ယခုထက်ပိုမိုဆိုးရွားနိုင်ဖွယ်ရှိသည်ကို သာမန် အရပ်သားတစ်ဦးပင်သိနိုင်ရာ ဝန်ကြီးသည် ပြည်သူများအား မသိနားမလည်သည့် နလဗိန်းတုံး ပြည်သူများဟု ယူဆထားဖွယ်ရှိသည်။ ထို့ပြင်မြန်မာနိုင်ငံတွင် လျှပ်စစ်ဓာတ်အား မရသေးသည့် မြို့များရှိသလို စက်မှုလုပ်ငန်းများ တိုးတက်လာသည်နှင့်အမျှ လျှပ်စစ်ဓာတ်အားပိုမို လိုအပ်လာမည့်ကိုလည်း မတွေးနိုင်သည့် အမြော်အမြင်မရှိသူ ဖြစ်သည်။
“နောက် ဒုတိယအချက် ခင်ဗျားတို့ မီဒီယာတွေက ပြောနေကြတဲ့ အချက်ပေါ့။ အင်တာနက်မှာ တင်ထားတဲ့ report က စာမျက်နှာ ၅၀၀ လောက်ရှိတယ်။ အဲဒီထဲမှာ ရေးထားတာ မြန်မာအစိုးရက မလိုက်နာဘူးလို့ ပြောကြတယ်။BANCA က ဒီ report ကို တင်လို့ မရဘူး။ BANCA ကို ကျွန်တော်တို့က စာချုပ်နဲ့ ငှားထားတာ၊ မင်းတို့ ဒါလုပ်၊ ပြီးရင် အဲဒီ report ငါ့ပေး။ ဒါက Trade Secret ဖြစ်တယ် ပြောလို့မရဘူး။ ဒါခုနက စီးပွားရေးအကြောင်း နည်းနည်းပါးပါး ပြောပြလိုက်တယ်။ ဒါက trade secret ဖြစ်တယ် ပြောလို့မရဘူး။ ဒါပေမယ့် ကျွန်တော်တို့ ကိုယ့်နိုင်ငံသားတွေ ဖြစ်တယ်ဆိုတော့လည်း ပါးစပ်ပိတ်ပြီး မနေနိုင်ဘူး ပြောတာပေါ့လေ။ ဒါ Trade Secret ဖြစ်တယ်။ ပြောလို့ မရဘူး။ ကျွန်တော်တို့က လျှို့ဝှက်ထားတာ” ဟု စာမျက်နှာငါးရာပါ အချက်ကို လျှို့ဝှက်ထားခြင်းဖြစ်ကြောင်း သွယ်ဝိုက် ဝန်ခံလိုက်သကဲ့သို့ရှိသည်။ ထို BANCA အဖွဲ့အစည်းတင်မဟုတ်ဘဲ တရုတ်ပညာရှင်များကပါ မြစ်ဆုံစီမံကိန်းကို ရပ်တန့်ရန် အကြံပြုထားသည့် စာတမ်း များအကြောင်းကို ထည့်သွင်းပြောကြားသွားခြင်းမရှိပေ။ ထို့ကြောင့် မြစ်ဆုံစီမံကိန်းနောက်ကွယ်တွင် လျှို့ဝှက် ချက်များစွာရှိနေသည်ကို သွယ်ဝိုက်ဝန်ခံသွားခြင်းဖြစ်သည်။
နိဂုံးချုပ်ဆိုရလျှင် အထက်ပါအချက်များထက် မြစ်ဆုံစီမံကိန်းမှ နေ၍ မြန်မာ့လျှပ်စစ်လုပ်ငန်းအတွက် အကျိုးအမြတ် များစွာရရှိနေခြင်းဖြစ်ရာ ထိုဝန်ကြီး ရရှိသော အကျိုးအမြတ်မှာလည်း တွက်ဆ၍ မရနိုင်အောင်ပင် များပြားလိမ့်မည်ဖြစ်သည်။ ထို့ပြင် ဤဆည်ကြီးရှိနေသမျှ အကျိုးအမြတ်ခွဲဝေမှုတိုင်း လျှပ်စစ်ဝန်ကြီးအတွက် အကျိုးကျေးဇူးပြုနေ ဦးမည်ဖြစ်ရာ ဝန်ကြီးဦးဇော်မင်း ဦးနှောက်မရှိခြင်း၊ မောက်မာခြင်း၊ အမြော်အမြင်နည်းခြင်းတို့ကို ဘေးဖယ်၍ မိမိကိုယ်ကျိုး အတွက် နိုင်ငံ့အမွေအနှစ်၊ နိုင်ငံ့အသက်သွေးကြောကိုပင် ရောင်းစားလိုသူ ၊ ကိုယ်ကျိုးအတွက် တိုင်းတပါး ထံ မိမိနိုင်ငံနှင့် ပြည်သူလူထုကို ရောင်းစားရန် ဝန်မလေးသူ ၊ ဘနဖူး သိုက်တူးမည့် လူစားမျိုးပင်ဖြစ်တော့ သည်။
ထိုကဲ့သို့ ဦးဇော်မင်း ချောက်ကျ မှုကို အခွင့်ကောင်းယူ၍ ကယ်တင်ရှင်လုပ်ရန်၊ နိုင်ငံရေးအာဏာနှင့် နိုင်ငံရေး သြဇာထူထောင်ရန် ကြိုးပမ်းသူများလည်း နောက်ကွယ်တွင်ရှိနေပြန်သည်။ ဦးဇော်မင်း၏ သတင်းကို ပထမဆုံး ဖော်ပြသသည့် ဂျာနယ်မှာ Weekly Eleven ဖြစ်သည်။ ထို့ပြင် ဦးဇော်မင်း၏ စကားရပ်ကို တုံ့ပြန်သည့် မှတ်ချက်များကို ဦးဇော်မင်း သတင်းနှင့် ကပ်လျှက်ဖော်ပြခဲ့သည်။ စကားလုံးများ လွန်စွာပြင်းထန်သော်လည်း ဆင်ဆာလွတ်ခဲ့သည်။ ထိုသို့ မှတ်ချက်ပေးသည့် Quote များတွင် Weekly Eleven ၏ CEO ဖြစ်သူ ဒေါက်တာ သန်းထွဋ်အောင်က ထိပ်ဆုံးတွင်ရှိနေခဲ့သည်။ ဤကိစ္စများ၏ နောက်ကွယ်တွင် တစ်စုံတစ်ခုရှိနေနိုင်ပါသည်။ မည်သို့ပင်ဖြစ်စေကာမူ Weekly Eleven ကား လူထုသည်းခြေကြိုက် သတင်းကို ရဲရဲတောက်ဖော်ပြရဲသော ဂျာနယ်အဖြစ် အမှတ်တစ်မှတ်တိုးသွားပြီဖြစ်ကာ တမင်တကာပင် ထိုကဲ့သို့ အကွက်ကျကျ စီစဉ်ခဲ့ခြင်းဖြစ်သည်။ လူထုသည်းခြေကြိုက်ဖြစ်သော ဧရာဝတီမြစ်ကြီးကို ခုတုံးလုပ်၍ အမှတ်တစ်မှတ်ရယူသွားခဲ့ ခြင်းဖြစ်ကာ လူထုကြီးကို လမ်းပေါ်တင်၍ ဆူပူမှုဖြစ်စေပြီး နိုင်ငံ့အာဏာကို ဖြတ်လမ်းနည်းဖြင့် ရယူရန် ဒေါက်တာသန်းထွဋ်အောင် အကွက်ကျကျ ကြိုးပမ်းခဲ့ခြင်းဖြစ်ပါသည်။ အဘယ့်ကြောင့်ဆိုသော် သတင်းများ၊ မှတ်ချက်များတွင် လူထုကို သွေးဆူပြီး လမ်းပေါ်တက်စေ မည့် စကားလုံးများသာဖြစ်ပြီး ဧရာဝတီမြစ်ဆုံနှင့် ပတ်သက်သည့် နည်းပညာရပ်များ၊ ဝေဖန်ချက်များကို အချက်အလက်ကျကျ ချေပခြင်း မရှိခဲ့သလို ဝန်ကြီး၏ ပြောကြားချက်များသည် ဒီမိုကရေစီ စံနှုန်းကို မည်သို့ချိုးဖောက်သည်၊ ဖွဲ့စည်းပုံကို မည်သို့ကျော်လွန်လုပ်ဆောင်ခြင်း ဖြစ်သည်ဆိုသော မှတ်ချက်များ မတွေ့ရပါ။ ထို့ကြောင့် ဦးနှောက်မရှိသူ ဦးဇော်မင်းကို ဦးနှောက်ရှိပြီး ရိုးသားမှုမရှိသော ဒေါက်တာသန်းထွဋ် အောင်က အသုံးချကာ နိုင်ငံရေးအာဏာကို ဖြတ်လမ်းမှ ရယူရန် ကြိုးပမ်းခြင်းသာဖြစ်သည်။
ဧရာဝတီမြစ်ဆုံနှင့် ပတ်သက်၍ ရဲရဲတောက် မိန့်ခွန်းပြောကြားခဲ့သူမှာ လူထုစိန်ဝင်းပင်ဖြစ်သည်။ စာနယ်ဇင်းတွင် သြဇာကြီးလှသ လို နိုင်ငံရေး သြဇာလည်း ကြီးမားလိုသူဖြစ်သည်။ ထို့ကြောင့် ဟောပြောပွဲများ၊ ဆောင်းပါးများတွင် လူထုသည်းခြေကြိုက်မည့် ကိစ္စရပ်များကို ဟောပြောရေးသားလေ့ရှိသည်။ အထူးသဖြင့် တရုတ်လူမျိုးများ ပြဿနာကို လက်ညှိုးထိုးလေ့ရှိသည်။ တရုတ်လူမျိုးများ လွှမ်းမိုးလာခြင်းကို ပြဿနာကြီးတစ်ရပ်အဖြစ် ပုံဖော်လေ့ရှိသည်။ဇာတိမာန်နှင့်အမျိုးသားရေးဆိုသည်မှာ ပြည်သူများ သည်းခြေကြိုက်ဖြစ်ပြီး အကဲဆတ်မခံသော ကိစ္စရပ်များဖြစ်ကာ ထိုအချက်များကို အခွင့်ကောင်းယူ၍ လူထုအုံကြွမှုများကို ဖန်တီးရန် ကြိုးပမ်းနေသည်။ ဧရာဝတီကို မဖြစ်ဖြစ်သည့်နည်းနှင့် ကာကွယ်ရတော့မည်။ ထိုသို့ကာကွယ်လျှင် ပြည်သူလူထုတွင် အပြစ်မရှိဟူ သောစကားရပ်သည် နားထောင်ကောင်းသော်လည်း လူထုကို လမ်းပေါ်တင်သည့် စကားရပ်ပင်ဖြစ်သည်။ လူထုကြီးလမ်းပေါ်တက်လျှင် အဓိကနစ်နာမည်မှာ လူထုကြီးသာဖြစ်သည်။ အာဏာရှင်အတွက် အာဏာဆိုသည်မှာ သေနတ်ပြောင်းဝကပင်ထွက်ခြင်းမဟုတ်ပါလား။ ထို့ကြောင့် ဧရာဝတီမြစ်ကိစ္စ၊ တရုတ်လူမျိုးများကိစ္စကို လက်နက်သဖွယ် အသုံးပြု၍ နိုင်ငံရေး သြဇာထူထောင်လိုသည့် လူထုစိန်ဝင်းမှာ ပို၍ ဦးနှောက်ကြီးသည်ဟုဆိုရမည်ဖြစ်သည်။
ဧရာဝတီ မြစ်ကြီးနှင့် ပတ်သက်၍ ကာကွယ်ရမည်မှာ နိုင်ငံသားတိုင်းတွင် တာဝန်ရှိပါသည်။ ထို့အတူ တရုတ်လူမျိုးများ လွှမ်းမိုးလာ ခြင်းကို ကာကွယ်ရန်မှာလည်း အမျိုးသားရေးကိစ္စပင်ဖြစ်ပါသည်။ ထိုအချက်နှစ်ချက်သည် အမြဲတမ်းမှန်ကန်နေသောအချက်များ ဖြစ်ပြီး ယင်း အပေါ် အခွင့်ကောင်းယူ၍ နိုင်ငံရေးတောကြောင်များ၏ အကွက်အတွင်းသို့ ပြည်သူလူထုကြီး ကျရောက်မသွားစေရန် ဂရုပြုရပါမည်။ ဧရာဝတီနှင့် ပတ်သက်၍ အမှန်တကယ်ပင် ဥပဒေကြောင်းအရ၊ နည်းပညာရှုထောင့်အရ ၊ ဖွဲ့စည်းပုံအခြေခံဥပဒေအရ ကာကွယ်ရပါမည်။ လမ်းပေါ်တက်ဆန္ဒပြခြင်းသည် မြန်မာနိုင်ငံတွင် အထိနာစေသည့် ရွေးချယ်မှုဖြစ်သည်ကို သတိပြုရမည်။ ထိုသို့ ဖွဲ့စည်းပုံအရ ကာကွယ်ရန် ကြိုးပမ်းနေသူများလည်း ရှိပြီး ၎င်းတို့၏ လုပ်ရပ်သည်သာ လက်ရှိအခြေအနေဖြင့် အကိုက်ညီဆုံးဖြစ်ပါလိမ့်မည်။ လျှပ်စစ်ဝန်ကြီးကို ၂၀၀၈ ဖွဲ့စည်းပုံအခြေခံဥပဒေအရ တရားဝင်ပင် တရားစွဲဆိုရန် စိန်ခေါ်လာသော ပုဂ္ဂိုလ် ဦးဝင်းချိုကဲ့သို့ လုပ်ရပ်ဖြစ်သည်။ ထိုကဲ့သို့ နည်းလမ်းမှန် တုံ့ပြန်ရန် လိုအပ်ပါသည်။ တရုတ်လူမျိုးများ အရေးသည်လည်း ထိုသို့ပင်ဖြစ်သည်။ မြန်မာတွင်သာမက ကမ္ဘာတွင်ပါ တရုတ်လွှမ်းမိုးမှု အမြစ်တွယ်နေပြီဖြစ်ရာ လူထု အဓိကရုဏ်းများဖြင့် တရုတ်လူမျိုးများကို ဖယ်ရှားရန် မဖြစ်နိုင်တော့ပေ။ ထို့ပြင် တရုတ်ဟုဆိုသော်လည်း အကြောင်းအမျိုးမျိုးဖြင့် နိုင်ငံသား မှတ်ပုံတင်လည်း ရပြီးဖြစ်နေသည်။ ထို့ကြောင့် တရုတ်လူမျိုးများ ပြဿနာကို သိမ်မွေ့စွာ ကိုင်တွယ်နိုင်ရမည်ဖြစ်သည်။ တရားမဝင် ရောက်ရှိကာ ပိုင်ဆိုင်မှုများ အကြီးအကျယ်ရှိနေကြသော တရုတ်လူမျိုးများကို တားဆီးရန် ဥပဒေများ ချမှတ်ရပါမည်။ မြန်မာနိုင်ငံသားဖြစ်ရန် လိုအပ်သော ဥပဒေများဖြင့် ထိန်းသိမ်းရပါမည်။ ယခု နိုင်ငံခြားသားများကို မြေယာငှားရမ်းခွင့်ပြုခြင်းသည် တရားမဝင် ပိုင်ဆိုင်ထားကြသော တရုတ်များကို သိမ်မွေ့စွာ ကိုင်တွယ်လိုက်ခြင်းဖြစ်သည်။ တရားမဝင် ပိုင်ဆိုင်မှုများကို စိစစ်တော့မည်ဖြစ်သည်။ ထို့ကြောင့် တရုတ်လူမျိုးများကို မြန်မာနိုင်ငံသားများနှင့် တန်းတူ ရည်တူ လုပ်ကိုင်စီးပွားရှာစေရန် ၊ ပိုင်ဆိုင်မှု တရားဝင်ဖြစ်စေရန် ဥပဒေများဖြင့် စည်းကျပ်ရမည်ဖြစ်သည်။ မြန်မာနိုင်ငံသားများနှင့် တန်းတူ မနေနိုင်လျှင်၊ မြန်မာနိုင်ငံသားဖြစ်ရန် လုံလောက်သော အကြောင်းအရာမရှိလျှင် တရုတ်ပြည်သို့ ပြန်ခွင့်ပေးခြင်း၊ ဧည့်နိုင်ငံသားအဖြစ်သာ သတ်မှတ်ပေးခြင်းများကို ပြုလုပ်ပေးရမည်ဖြစ်သည်။ နိုင်ငံတကာ ဆက်ဆံရေးအရ အိမ်နီးချင်းတရုတ်နှင့် ဆက်ဆံရေး တည်ငြိမ်ရန်လည်း အရေးကြီးသည်။ အိမ်နီးချင်းနိုင်ငံဖြစ်၍ တရုတ်နှင့် မခင်ချင်သော် မြင်နေရမည်ဖြစ်သောကြောင့် မဆက်ဆံ၍ မရပေ။ မန္တလေးကဲ့သို့ မြို့ကြီးများတွင် လူမှု အသင်းအဖွဲ့များမှလည်း မြန်မာ့ယဉ်ကျေးမှု ရိုးရာများ မပျောက်ပျက်စေရန် ဝိုင်းဝန်းလုပ်ဆောင်ကြရမည်ဖြစ်သည်။ သွေးချာင်းစီး အဓိကရုဏ်း များဖြစ်ပေါ်စေခြင်းဖြင့် တရုတ်လွှမ်းမိုးမှုကို ကာကွယ်နိုင်လိမ့်မည်မဟုတ်ပါ။ ဤအချက်သည် လွန်စွာ အရေးကြီးပါသည်။
မည်သို့ပင် ဆိုစေကာမူ နိုင်ငံရေးဆိုသည်မှာ ခက်ခဲနက်နဲ၍ ကျယ်ပြန့်သည်။ နိုင်ငံရေးတွင် ပါဝင်ကစားနေသူများ၏ အဓိက ဦးတည်ချက်မှာ အာဏာရရေးနှင့် နိုင်ငံရေးသြဇာထူထောင်ရေးပင်ဖြစ်သည်။ အမျိုးသားရေး၊ ဇာတိမာန်၊ လူမျိုးရေးနှင့် ယဉ်ကျေးမှု အမွေအနှစ်များသည် ပြည်သူလူထု၏ အင်အားကို ရယူရန် အကောင်းဆုံးလက်နက်များဖြစ်သည်။ ထို့ကြောင့်လည်း မြန်မာလူမျိုးများ၏ နှလုံး သည်းပွတ်ဖြစ်သော ဧရာဝတီမြစ်ကြီးကို ခုတုံးလုပ်၍လည်းကောင်း၊ တရုတ်လူမျိုးများ ပြဿနာကို အကြောင်းပြု၍ လည်းကောင်း လူထုအုံကြွ မှုကြီးများဖြစ်ပေါ်ရန် နိုင်ငံရေး တောကြောင်များက ကြိုးပမ်းဦးမည်သာဖြစ်သည်။ တစ်ချိန်ချိန်တွင် တရုတ်-ဗမာ အရေးအခင်းများလည်း ဖြစ်ကိုဖြစ်လာဦးမည်ဖြစ်ပါသည်။ နိုင်ငံရေးတောကြောင်များက ယင်းတို့၏ နိုင်ငံရေးသြဇာထူထောင်ရန်နှင့် နိုင်ငံရေးအာဏာရယူရန်ဟူ သော ရည်ရွယ်ချက်ဖြင့် လူထုအုံကြွမှုကြီးများ ဖြစ်ပေါ်ရန် လှုံဆော်နေချိန်တွင် ပြည်သူလူထုကြီးအနေဖြင့် မြေဇာပင် အဖြစ်မခံရန် သတိရှိနေရမည် ဖြစ်သည်။ ဧရာဝတီကို ကယ်တင်ရန် နည်းလမ်းများစွာ ရှိနေပါသေးသည်။ သို့သော် လူထုအုံကြွမှုဖြင့် မြန်မာနိုင်ငံတွင် မည်သည့် ထူးခြား မှုများမှ မရှိခဲ့ခြင်းကို သတိရှိကြရန် လိုအပ်ပါသည်။ နိုင်ငံရေးထဲက လူအမျိုးအမျိုး အထွေထွေအကြားတွင် ပြည်သူလူထုကြီးကို မြေဇာပင် မဖြစ်စေလို၍ သတိပေးတင်ပြခြင်းသာဖြစ်ပါသည်။
××××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
