Posts
 | yangonchronicle 2011 |
၁၈.၉.၂၀၁၁
ပြည်တွင်းသတင်းများ
- မြစ်ဆုံရေအားလျှပ်စစ်စီမံကိန်း တည်ဆောက်မှုအား ပြင်ပပညာရှင်များဖြင့် စစ်ဆေးသွားမည်
- သီးလေးသီးဆေးရောင်စုံအဖွဲ့ ပွင့်လင်းရာသီတွင် အငြိမ့်ပြန်ကမည်
- စက်သုံးဆီဆိုင် အမည်ခံသာဖွင့်ခွင့်ရှိ
- ဘဏ်ချေးငွေ အာမခံအပေါင်ပစ္စည်းအဖြစ် ဆန်စပါးကို ထားနိုင်
ပြည်တွင်းပါတီ၊ နိုင်ငံရေးသတင်းများ
- မြစ်ဆုံရေအားလျှပ်စစ်စီမံကိန်းရပ်တန့်ရန် ရန်ကုန်ရှိတရုတ်သံရုံးရှေ့တွင် ဆန္ဒပြမည်ဟု သတင်းထွက်ပေါ်
သတင်းနှင့် ဆောင်းပါးများမှ ကောက်နှုတ်ချက်များ
ဆောင်းပါးကဏ္ဍ
- ဧရာဝတီနှင့် ရယ်ဒီကယ်၊ လွှတ်တော်၊ ဒီပလိုမေစီ
×××××××××××××××××××××××××××××××××××××××××××××××××××××××××××××××××
ပြည်တွင်းသတင်းများ
မြစ်ဆုံရေအားလျှပ်စစ်စီမံကိန်း တည်ဆောက်မှုအား ပြင်ပပညာရှင်များဖြင့် စစ်ဆေးသွားမည်
မြစ်ဆုံရေအားလျှပ်စစ်စီမံကိန်း လုပ်ငန်းခွင်တွင် ဆောက်လုပ်ရေး ကုမ္မဏီတို့မှ သတ်မှတ်စည်းကမ်းချက်များနှင့်အညီ တည်ဆောက်နေခြင်း ရှိ/မရှိကို စစ်ဆေးရန် အင်ဂျင်နီယာပညာရှင်များ ပါဝင်သည့်အဖွဲ့ကို မကြာမီ ဖွဲ့စည်းသွားရန် ရှိကြောင်း အမှတ်(၂) လျှပ်စစ်စွမ်းအားဝန်ကြီးဌာန ပြည်ထောင်စု ဝန်ကြီး ဦးဇော်မင်းက စက်တင်ဘာ ၁၇ ရက်တွင် ထုတ်ဖော်ပြောဆိုသည်။
နေပြည်တော်ရှိအပြည်ပြည်ဆိုင်ရာ ကွန်ဗင်းရှင်းစင်တာတွင် ပြုလုပ်သော ဧရာဝတီမြစ်ဆုံ ရေအားလျှပ်စစ်စီမံကိန်းနှင့် ပတ်သက်သည့် အလုပ်ရုံ ဆွေးနွေးပွဲတွင် အထက်ပါအတိုင်း ထုတ်ဖော်ပြောဆိုခြင်း ဖြစ်သည်။
အဆိုပါစီမံကိန်းတွင် အဓိကပါဝင်သူဖြစ်သည့် China Power Investmsent (CPI)ကုမ္မဏီသည် မြစ်ဆုံစီမံကိန်း ဧရိယာတွင် ရစ်ချတ်တာ စကေး(၈)အထိ ပြင်းထန်သည့် ငလျင်ဒဏ်အား ခံနိုင်ရန်အဆောက်အဦးနှင့် တာတမံများကို တည်ဆောက်သွားမည်ဟု ကတိပြုထားသည့်အတွက် ယင်း စီမံကိန်းတည်ဆောက် နေစဉ်ကာလအတွင်း အရည်အသွေး ထိန်းသိမ်းရေးကိစ္စရပ်များကို မကြာမီဖွဲ့စည်းမည့် အင်ဂျင်နီယာအဖွဲ့များဖြင့် စစ်ဆေးမည် ဖြစ်ကြောင်း ဦးဇော်မင်းက ဆက်လက်ပြောကြားသည်။
“စီမံကိန်းလုပ်ဆောင်နေချိန်မှာရယ်၊စီမံကိန်းပြီးစီးတဲ့ အချိန်မှာရယ်၊ ပြောင်းလဲလာတဲ့ သဘာဝပတ်ဝန်းကျင်နဲ့ သက်ရောက်မှုတွေကို လေ့လာ မှာပါ”ဟု ပြည်ထောင်စုဝန်ကြီး ဦးဇော်မင်းက ဧရာဝတီမြစ်ဆုံစီမံကိန်းနှင့် ပတ်သက်၍ပြောကြားခဲ့ပြီး သဘာဝပတ်ဝန်းကျင် ထိန်းသိမ်းရေးကိုလည်း စဉ်ဆက်မပြတ် လေ့လာ သွားမည်ဖြစ်ကြောင်း ဆိုသည်။
ဧရာဝတီမြစ်ကြောင်းတစ်လျှောက် ဖြစ်ပေါ်နေသည့် သဘာဝပတ်ဝန်းကျင်ယိုယွင်း ပျက်စီးနေမှုများကို ပညာရှင်များ၏ အကြံပြုချက်ဖြင့် အမျိုးသားအဆင့် Action Plan ရေးဆွဲကာဆောင်ရွက်သွားရန် ရှိကြောင်း သိရသည်။
YC(KS)
-----------------------------------------------------------------------------------------------------------------------------------
သီးလေးသီးဆေးရောင်စုံအဖွဲ့ ပွင့်လင်းရာသီတွင် အငြိမ့်ပြန်ကမည်
ပြည်ပနိုင်ငံများသို့ လေးနှစ်ကြာသွားရောက်ခဲ့သည့် သီးလေးသီးဆေးရောင်စုံ အငြိမ့်အဖွဲ့သည် ပွင့်လင်းရာသီတွင် အငြိမ့်ပြန်ကမည် ဖြစ်ကြောင်း စက်တင်ဘာ ၁၁ ရက်နေ့က ရန်ကုန်မြို့သို့ ပြန်ရောက်ရှိခဲ့သည့် လူရွှင်တော် ဂေါ်ဇီလာက ဆိုသည်။
သီးလေးသီးဆေးရောင်စုံအဖွဲ့တွင် မင်းသမီးနှစ်ယောက်နှင့် လူရွှင်တော် ငါးယောက်ရှိသော်လည်း ယခုအချိန်တွင် မြန်မာနိုင်ငံသို့ လူရွှင်တော် သုံးဦးနှင့် မင်းသမီးတစ်ဦးတို့သာ ပြန်လည်ရောက်ရှိလာခဲ့ပြီး ကျန်ရှိသူများမှာ ထိုင်းနိုင်ငံ၊ ချင်းမိုင်တွင် အနုပညာကိစ္စရပ်များ ဆက်လက်လုပ်ကိုင် နေခြင်းကြောင့် ကျန်ရစ်နေခဲ့သည်။
“ကျွန်တော်တို့ အဖွဲ့သားတွေလည်း မကြာခင်ပြန်လာဖို့ ရှိတဲ့အတွက် သူတို့ပြန်လာတာနဲ့ အငြိမ့်ပြန်ကပါမယ်”ဟု လူရွှင်တော် ဂေါ်ဇီလာက ဆိုသည်။
သီးလေးသီးဆေးရောင်စုံအဖွဲ့သည် ရန်ကုန် အပြည်ပြည်ဆိုင်ရာလေဆိပ်တွင် တာဝန်ရှိသူများ ခွင့်ပြုပါက အငြိမ့်ပြန်ကမည် ဖြစ်ပါကြောင်း သတင်းမီဒီယာများအား ပြောကြားခဲ့သည်။
မြန်မာ့ရုပ်ရှင်အစည်းအရုံး တာဝန်ရှိသူတစ်ဦးကမူ “သီးလေးသီးက ပြည်ပကို အငြိမ့်ကစရာရှိလို့ ဆိုပြီး ထွက်သွားတာပါ။ သူတို့ကို အငြိမ့်မကရလို့ တားမြစ်ထားတာ မရှိပါဘူး။”ဟု ရုပ်ရှင်အစည်းအရုံးသို့ ဖုန်းဖြင့် ဆက်သွယ် မေးမြန်းခြင်းအား ပြန်လည်ဖြေကြားသည်။
ခေတ်စနစ်ပေါ်တွင် ဖြစ်ပေါ်နေသည့် လူမှုပြဿနာများကို အဓိကထားသည့် ပျက်လုံးများ၊ ဇာတ်ထုတ်များဖြင့် ဖျော်ဖြေရန် စဉ်းစားထားကြောင်း လူရွှင်တော် ဂေါ်ဇီလာက ပြောကြားသည်။
“နိုင်ငံရေးစနစ်လည်း ပြောင်းနေပြီဆိုတော့ အရင်လိုတော့ မဖြစ်တော့ပါဘူး။ ကျွန်တော်တို့လည်း ကိုယ့်နိုင်ငံထဲက ပြောင်းလဲသွားတဲ့ အခြေအနေ တွေကို ပြည်တွင်း၊ ပြည်ပက ပရိတ်သတ်တွေကို အနုပညာအစွမ်းနဲ့ တင်ပြသွားမှာပါ”ဟု ယင်းကဆက်လက် ပြောကြားသည်။
မြန်မာနိုင်ငံတွင် တပ်မတော်အစိုးရအား ဝေဖန်ခဲ့သည့် အနုပညာရှင်များအား မြန်မာနိုင်ငံရုပ်ရှင်အစည်းအရုံးမှ အနုပညာတင်ဆက်ခွင့်များ ပိတ်ပင်ခဲ့သည့်အတွက် အနုပညာရှင်များစွာ ပြည်ပနိုင်ငံများသို့ ထွက်ခွာသွားခဲ့ကြကြောင်း သိရသည်။
YC(KS)
-----------------------------------------------------------------------------------------------------------------------------------
စက်သုံးဆီဆိုင် အမည်ခံသာဖွင့်ခွင့်ရှိ
စက်သုံဆီရောင်းချခွင့် ပုဂ္ဂလိကသို့ လွဲပြောင်းထားသည်မှာ တနှစ်ကျော်ကြာမြင့်ခဲ့သော်လည် စက်သုံးဆီဆိုင် အသစ်ဖွင့်လိုလျှင် နဂိုလုပ်ကိုင်ခွင့် ရှိပြီးသာသူများ၏ အမည်ကိုသာ တဆင့်တောင်းခံပြီး ဖွင့်ရကြောင်း သွင်းကုန်ပို့ကုန် လုပ်ငန်းရှင်တစ်ဦးက ပြောကြားသည်။
ငွေရင်းရှိ၍ စက်သုံးဆီဆိုင်(ပန့်ဆိုင်)ဖွင့်ခွင့်အား သက်ဆိုင်ရာဝန်ကြီး ဌာနသို့တင်ပြရာ ယခင် ဖွင့်ခွင့်ရသူ တစ်ဦးဦး၏ ဆိုင်အမည်နှင့်သာ ဖွင့်ခွင့်ရကြောင်း ပြီးခဲ့လက စက်သုံးဆီအရောင်းဆိုင်ဖွင့်ရန် ကြိုးပမ်းခဲ့သူ ၎င်းက ဆိုသည်။
“ငွေရှိတဲ့လူချင်းအတူတူ ဦးဇော်ဇော်တို့ ဦးတေဇတို့ ဦးဝင်းအောင်တို့ လက်ဝေခံလိုမျိုး ဖြစ်နေတယ် အပြင်ကပြန်ပြီး စီးပွားရေး လာလုပ်ချင်တဲ့ လူတွေ ဘယ်လာချင်ပါမလဲ”ဟု ၎င်းက ဆက်လက်ပြောကြားသည်။
ပြီးခဲ့သည့်နှစ် ဇူလိုင်လက အစိုးရပိုင်စက်သုံဆီ ၁၆၀ ကျော်ကို ပုဂ္ဂလိကသို့ လွှဲပြောင်းပေးသည့်ဆိုပြီး ဦးတေဇ၊ ဦးဇော်ဇော်၊ အယ်လ်ပိုင်း ဒေါက်တာ စိုင်းဆမ်ထွန်း၊ အေဒင်ဦးချစ်ခိုင်၊ ဒဂုံဦးဝင်းအောင်၊ ဦးအောင်သက်မန်း၊ ကဲသို့စစ်အစိုးရနှင့် နီးစပ်သူများကိုသာ လက်သိပ်ထိုး လုပ်ကိုင်ခွင့် ပေးခဲ့သဖြင့် စက်သုံးဆီပုဂ္ဂလိလက်သို့ လွဲပြောင်းခြင်းသည် ဝေဖန်ခံခဲ့ ရသည်။
မိဖြူ
-----------------------------------------------------------------------------------------------------------------------------------
ဘဏ်ချေးငွေ အာမခံအပေါင်ပစ္စည်းအဖြစ် ဆန်စပါးကိုပါ ထားနိုင်
ဘဏ်များတွင် ပြည်သူများ ချေးငွေရရှိရေးအတွက်ဆောင်ရွက်ရာတွင် မြေနှင့် အဆောက်အအုံများကိုသာ အာမခံ ပစ္စည်းအဖြစ်ထားရှိရာမှ ယခုအခါ ဆန်၊ ပဲ၊ နှမ်း၊ သီးနှံများနှင့် ဘဏ်အပ်ငွေများကိုပါ အာမခံအပေါင်ပစ္စည်းအဖြစ် ထားရှိ နိုင်ရန် သက်ဆိုင်ရာက ခွင့်ပြုလိုက်ပင် ဖြစ်ကြောင်း သိရသည်။
ထိုသို့ ဘဏ်ချေးငွေရရှိရေးအတွက် အာမခံပစ္စည်း ဆန်စပါးကိုပါ အပေါင်ထားခွင့် ပြုလိုက်သည့်အတွက် ပြည်တွင်းဘဏ်များတွင် ငွေချေးသူ များပြားလာမည် ဖြစ်သည့်အတွက် ဘဏ်နှင့် ငွေချေးသူပါ အဆင်ပြေစေနိုင်တော့မည် ဖြစ်ကြောင်း သိရသည်။
ယခင် ဘဏ်များတွင် ချေးငွေရရှိရေး ဆောင်ရွက်ရာတွင် မြေနှင့် အဆောက်အအုံများကိုသာ အဓိက အပေါင်ပစ္စည်းများအဖြစ် လက်ခံ ဆောင်ရွက် ကြောင်း သိရသည်။
ဘဏ်များတွင် အပေါင်ပစ္စည်းထားရှိမှုမှာ ကျယ်ပြန့်လာပါက ချေးငွေရရှိနိုင်သည့် အလားအလာများမှာ ပို၍ကောင်းမွန်လာနိုင်မည်ဖြစ်ပြီး မြန်မာနိုင်ငံအတွင်းရှိ အသေးစားနဲ့ အလတ်စားစက်မှုလုပ်ငန်းများ ပိုမိုဖွံ့ဖြိုးလာနိုင်မည် ဖြစ် ကြောင်း သိရသည်။
အပေါင်ပစ္စည်း ကျယ်ပြန့်နိုင်စေရန် စီစဉ်ဆောင်ရွက်သကဲ့သို့ ချေးငွေလုပ်ငန်းကို နှစ်လတ်၊ နှစ်ရှည်ချေးနိုင်ရန် သုံးသပ်ဆောင်ရွက်လျက် ရှိကြောင်း ပြည်တွင်းပုဂ္ဂလိကဘဏ်တစ်ခုမှ တာဝန်ရှိသူတစ်ဦးက ပြောကြားခဲ့သည်။
Ref: မော်ဒန်
××××××××××××××××××××××××××××××××××××××××××××××××××××××××××××××××
ပြည်တွင်းပါတီ၊ နိုင်ငံရေးသတင်းများ
မြစ်ဆုံရေအားလျှပ်စစ်စီမံကိန်းရပ်တန့်ရန် ရန်ကုန်ရှိတရုတ်သံရုံးရှေ့တွင် ဆန္ဒပြမည်ဟု သတင်းထွက်ပေါ်
မြန်မာအစိုးရနှင့်တရုတ်ကုမ္မဏီဖြစ်သည့် CPI တို့ သဘောတူလက်မှတ်ရေးထိုးထားသည့် ဧရာဝတီမြစ်ဆုံ ရေအားလျှပ်စစ်တည်ဆောက်ရေး စီမံကိန်းအား ကန့်ကွက်ကြောင်း ဆန္ဒပြပွဲတစ်ရပ် ရန်ကုန်မြို့တွင် ပြုလုပ်မည် ဖြစ်ကြောင်း သတင်းရရှိသည်။
ရန်ကုန်မြို့၊ အမှတ်(၁) ပြည်ထောင်စုရိပ်သာလမ်း၊ ဒဂုံမြို့နယ်ရှိ မြန်မာနိုင်ငံဆိုင်ရာ တရုတ်သံရုံးရှေ့တွင် Save the Irrawaddy စာသားပါ တီရှပ်များ ဝတ်၍ ငြိမ်သက်စွာ ဆန္ဒပြရန် စီစဉ်ထားကြောင်း ဆန္ဒပြပွဲကို စီစဉ်သူများဆီမှ သတင်းစကား ရရှိထားသူတစ်ဦးက ပြောသည်။
“၁၁ နာရီ တရုတ်သံရုံးရှေ့ကို အကျီင်္ဝတ်ပြီး လာဖို့ ပြောထားတယ်။ ကျွန်တော်လို လာမယ့်လူတွေ များတယ်ဆိုတာလည်း ကြားတယ်။ ဒီမြစ်ဆုံ ကိစ္စကတော့ သဘောမတူကြောင်း ပညာရှင်တွေပြောသလို ကျွန်တော်တို့ လူငယ်တွေကလည်း သဘောမတူကြောင်း တစ်ခုခုလုပ်ပြသင့်တယ် ထင်တယ်”ဟု အသက် ၂၂ အရွယ်လူငယ်တစ်ဦးက ဆိုသည်။
နှစ်နိုင်ငံ ပူးတွဲ ဆောင်ရွက်သည့် မြစ်ဆုံစီမံကိန်းကြောင့် ဧရာဝတီမြစ်အစပိုင်း ကချင်ပြည်နယ် မြစ်ကြီးနားမြို့ အထက်ဘက်ရှိ မြစ်ဆုံဒေသတွင် ကျေးရွာ ၆၃ ရွာ နှင့် ဒေသခံ ပြည်သူ တစ်သောင်းကျော် နေရာပြောင်းရွှေ့ရမည် ဖြစ်ကြောင်း သိရှိရသည်။
မြစ်ဆုံဆည်တည်ဆောက်ရေး စီမံကိန်း ဧရိယာသည် စင်ကာပူနိုင်ငံခန့် အရွယ်အစားရှိပြီး ဒေါ်လာ ၃.၆ ဘီလျံ အကုန်ကျခံ တည်ဆောက်မည် ဖြစ်ကာ၂၀၀၉ ခုနှစ် မှ စတင်ဆောက်လုပ်နေသည်။ ရှစ်နှစ် ကြာမည့် ယင်းစီမံကိန်းကြောင့် သဘာဝ ပတ်ဝန်းကျင်၊ ယဉ်ကျေးမှု အမွေအနှစ်၊ စီးပွားရေး၊ လူမှုရေး စသည်များ ထိခိုက်ပျက်စီးနိုင်ကြောင်း ကျွမ်းကျင်သူ ပညာရှင်များက ထောက်ပြပြောဆိုထားသည်။
ယင်းစီမံကိန်းနှင့်ပတ်သက်၍ ၂၀၀၉ ခုနှစ်တွင် မြန်မာ (BANCA) ကျွမ်းကျင်ပညာရှင် ၉၀နှင့် တရုတ်ပညာရှင် ၁၀ ဦးပါဝင်သည့် လေ့လာရေး အဖွဲ့ကလည်း စာမျက်နှာ ၉၀၀ ကျော် ပါရှိသည့် အစီရင်ခံစာတစ်ရပ်အား သက်ဆိုင်ရာသို့ ပေးပို့ထားသည်။
လာမည့် စက်တင်ဘာ ၂၆ ရက်တွင်လည်း လန်ဒန်ရှိ တရုတ်သံရုံးရှေ့တွင် မြစ်ဆုံကိစ္စအား လုပ်ဆောင်နေခြင်းကို ဆန္ဒပြရန် လန်ဒန်ရောက် မြန်မာအသိုင်းအဝိုင်းအား နှိုးဆော်ထားကြောင်း သိရသည်။
YC(KS)
×××××××××××××××××××××××××××××××××××××××××××××××××××××××××××××××××
သတင်းနှင့် ဆောင်းပါးများမှ ကောက်နှုတ်ချက်များ
“အမျိုးသားပြန်လည်ရင်ကြားစေ့ရေးလမ်းကို လျှောက်ပါမယ်လို့ပြောနေတာ။ အမျိုးသား ပြန်လည်ရင်ကြားစေ့ရေးလမ်းကို လျှောက်ဖို့အတွက် ပထမ စပြီးတော့ ပူးတွဲဆောင်ရွက်ဖို့ ကြိုးစားရမှာပေ့ါ။ အမျိုးသားပြန်လည်ရင် ကြားစေ့ရေးအတွက် ရအောင်လုပ်ပါ။ ပူးတွဲဆောင်ရွက်ဖို့တော့ လုံးဝ မစဉ်းစားပါနဲ့ ဆိုတာ ဒါဘယ်လို အဓိပ္ပယ်လဲ။ အဲလိုတော့ ဘယ်ဖြစ်နိုင်မလဲ”
စက်တင်ဘာ ၁၆ ထုတ် BiWeekly ELEVEN အတွဲ (၄) အမှတ် (၂၄) တွင်ပါသည့် “အမျိုးသားပြန်လည်ရင်ကြားစေ့ရေးအတွက် ပထမအဆင့် အနေဖြင့် ပူးတွဲဆောင်ရွက်ရန် ကြိုးစားရမည်ဟု ဒေါ်အောင်ဆန်းစုကြည်ပြောကြား “ သတင်းမှ ကောက်နှုတ်ချက်
-----------------------------------------------------------------------------------------------------------------------------------
“အဝေးသင်နဲ့ နေ့တက် ဘာကွာလဲဆိုရင် နေ့တက်က ဆရာ၊ ဆရာမတွေနဲ့ထိတွေ့ပြီး သင်ကြားတာ။ အဲလိုသင် ကြားရလို့ မရှင်းလင်းတာရှိရင် သူတို့က ပြန်မေးပေါ့။ အပြန်အလှန်မေးခွင့်ရလို့ တစ်ခုကောင်းသလို မကောင်းတာလည်း ရှိတယ်။ အဲဒါ ဘာလဲဆိုရင် ဆရာ၊ ဆရာမတွေကပဲ ဒိုင်ခံပြောနေတဲ့ အခါ စဉ်းစားချင်တဲ့ စိတ်မရှိတော့ဘူး။ တစ်ခုခုမသိတာနဲ့ ဆရာမပဲ ကောက်မေးတော့ ကိုယ်ရဲ့စဉ်းစားအားထုတ်မှု၊ ဉာဏ်ရည်ဉာဏ်သွေး လျော့ကျ လာနိုင်တဲ့ အနေအထားမျိုး ရှိနိုင်တယ်။ ဒါကြောင့် သင်ကြားတဲ့ဆရာ၊ ဆရာမကိုယ်တိုင်ကလည်း ဒိုင်ခံပြောနေတဲ့ ပုံစံမဟုတ်ဘဲ ကျောင်းသူ ကျောင်းသားတွေနဲ့ အပြန်အလှန် ဆွေးနွေးတဲ့ ပုံစံနဲပသင်ရင် ပိုပြီးထိရောက်မှု ရှိနိုင်တယ်။ အဲဒီလိုမှမဟုတ်ရင် နေ့တက်လည်းမထူးဘူး။ ပညာရေး အောင်မြင်မှာ မဟုတ်ဘူး။ အဝေးသင်ကျတော့ ဆရာ၊ ဆရာမနဲ့ မထိတွေ့ရတဲ့အခါ Self Study ကို ဦးစားပေးကြရတယ်။ နိုင်ငံတကာမှာလည်း Self Study ကို အဓိကထားသွားတာ။ ဒါပေမဲ့ ဒီဘက်ခေတ် ကျောင်းသားတွေက Self Manangment မလုပ်နိုင်တဲ့အခါ အားထုတ်မှုလမ်းကြောင်း လွဲသွားတယ်။ ပညာရပ်၊ ဘာသာရပ်တွေမှာ ပေါက်ပေါက်မြောက်မြောက် မဖြစ်ကြတော့ဘူး”
စက်တင်ဘာ ၁၆ ထုတ် မြန်မာပို့စ် ဂလိုဘယ် အမှတ် (၂၆) တွင်ပါသည့် “တက္ကသိုလ်တန်းတွေကို လေးနှစ် ပညာသင်ခေတ်ကို ပြန်ပြောင်းရင် ဒါဟာ ကြိုဆိုရမယ့်အရာပါ” သတင်းဆောင်းပါးမှ ရန်ကုန်တက္ကသိုလ် ဆရာကြီးတစ်ဦး ပြောကြားချက်အပေါ်ကောက်နှုတ်ချက်
-----------------------------------------------------------------------------------------------------------------------------------
“အခုအချိန်မှာ အပြောင်းအလဲတွေက လိုက်မမီတဲ့အထိ မြန်ဆန်ပါတယ်။ ပထမဆုံးအချက်တစ်ချက်က ပန်းတိုင် အပြောင်းအလဲပါ။ အခြေခံ သဘောတရားတွေအရ ဒီမိုကရေစီ လူ့အဖွဲ့အစည်းအတွက် ပြောင်းလဲတဲ့အခါမှာ လွှတ်တော်ပေါ်လာတယ်။ ပြည်သူက ရွေးကောက်တင်မြှောက်တဲ့ အစိုးရ ပေါ်လာတယ်။ ဒါပေမဲ့ ဒီလိုပေါ် လာပေမယ့် လွှတ်တော်ထဲမှာ ဒီလူတွေပဲ၊ ဒီမျက်နှာတွေပဲလို့ ပြောကြပါတယ်။ မှန်ပါတယ်။ ဒီလူတွေပဲ ဘော်လီဘောပွဲ ရပ်ပြီး ဘောလုံးကန်မယ်။ Game ပြောင်းသွားပါပြီ။ ဘောလီဘောပုတ်တုန်းက လက်နဲ့ ကစားရတယ်။ ဘောလုံးကန်တော့ ခြေထောက်နဲ့ ကန်ရတယ်။ လက်နဲ့ကိုင်လို့မရဘူး။ ဂိုးသမားမှ လက်နဲ့ကိုင်လို့ရမယ်။ ဒီလို Game အပြောင်းအလဲမှာ လူတွေမပြောင်းဘူးဆိုပေမယ့် Player အသစ်တွေလည်း ဝင်လာပါပြီ”
စက်တင်ဘာ ၁၅ ထုတ် Popular News အတွဲ (၃) အမှတ် (၃၆) တွင်ပါသည့် “နိုင်ငံရေးအပြောင်းအလဲ စည်းလုံးညီညွတ်မှုလို” သတင်းမှ နိုင်ငံတော်သမ္မတရုံး နိုင်ငံရေးအကြံပေးအဖွဲ့ခေါင်းဆောင် ဦးကိုကိုလှိုင်၏ ပြောကြားချက်အပေါ် ကောက် နှုတ်ချက်
-----------------------------------------------------------------------------------------------------------------------------------
“အရင် တပ်မတော်အစိုးရလက်ထက်မှာ ဗိုလ်ချုပ်မှူးကြီးက ဒါတွေကို ငါစပေးခဲ့မယ်။ မင်းတို့ နောက်တာဝန်ဆက်ယူမယ့်သူတွေက မလုပ်လို့ မရတော့ဘူး။ ဒါကြောင့်မို့လို့ ဆက်ပြီးလုပ်ကြဆိုပြီး ချပေးခဲ့တယ်။ အခု ပြည်ထောင်စုအစိုးရ လက်ထက်မှာ နိုင်ငံတော်သမ္မတကြီးက မင်းတို့ လမ်းအသစ်တွေ ဖောက်နေတာတော့ ဟုတ်ပြီ။ ဒါပေမယ့် လမ်းဟောင်းတွေကျတော့လည်း မကောင်းဘူး။ မင်းတို့ကို ပိုက်ဆံလည်း ထပ်တိုးမပေးနိုင်တော့ဘူး။ အရေးကြီးတာ လူတွေအများဆုံး သွားနေတာ လမ်းဟောင်းတွေ ဖြစ်တယ်။ လမ်းဟောင်းတွေ ကောင်းအောင် ဦးစားပေးလုပ်လို့ ပြောတယ်။ အဲဒီတော့ ကျွန်တော်က ရတဲ့ပိုက်ဆံဘတ်ဂျက်ပေါ် မူတည်ပြီးတော့ လမ်းဟောင်းအတွက်ကို များများထည့်ပါမယ်။ ဒီတော့အရင်က မိုင်နှစ်ရာလောက် လမ်းသစ် ဖောက်တာကို မိုင်တစ်ရာလောက်ပဲ ဖောက်ပြီးတော့မှ အဲဒီက ပိုက်ဆံဘတ်ဂျက်တစ်ဝက်ကို လမ်းဟောင်းထဲ ယူလိုက်ပါတယ်။ ပြီးတော့ လမ်းဟောင်းတွေကို ကျွန်တော်ဆက်ပြီးပြင်ပါ့မယ်။ လွန်ခဲ့တဲ့ တပ်မတော်အစိုးရလက်ထက်က ချပေးခဲ့တဲ့ စီမံကိန်းတွေကို တစ်ခုမှမဖျက်ပါဘူး။ ဒါပေမယ့် အရှိန်လျော့ပြီးတော့ ထိန်းလုပ်သွားမယ်။ ရှိတဲ့ပိုက်ဆံကို လမ်းဟောင်းထဲ ပုံချမယ်။ လမ်းဟောင်းတွေအားလုံး ကောင်းစေရမယ်”
စက်တင်ဘာ ၁၆ ထုတ် The HOT NEWS အတွဲ (၂) အမှတ် (၅၇) တွင်ပါသည့် “မြန်မာ့မီးရထားလမ်းကွန်ရက် စီမံကိန်းများ ဘတ်ဂျက်အရ အရှိန်တစ်ဝက်လျော့ လုပ်ကိုင်သွားမည်” သတင်းမှ ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်း၏ ပြောကြားချက် အပေါ် ကောက်နှုတ်ချက်
×××××××××××××××××××××××××××××××××××××××××××××××××××××××××××××××
ဆောင်းပါးကဏ္ဍ
ဧရာဝတီနှင့် ရယ်ဒီကယ်၊ လွှတ်တော်၊ ဒီပလိုမေစီ
ဧရာဝတီကို ချစ်ကြသည်
မြန်မာနိုင်ငံသားမှန်လျှင် ဧရာဝတီကိုချစ်ကြသည်။ ဧရာဝတီဆိုသည်က မြန်မာလူမျိုးကို မွေးဖွားပေးခဲ့သည့် မြစ်ကြီး၊ မြန်မာနိုင်ငံ၏ အသက် သွေးကြော၊ ဒီမြစ်ရိုးကြီးတစ်လျောက်မှာ လူသားယဉ်ကျေးမှုတွေ စတင်ခဲ့သည်။ မြန်မာနိုင်ငံ၏ ခေါင်းမှ ခြေဖျားအဆုံး စီးဆင်းနေသောမြစ်ကြီး၊ တစ်နိုင်ငံလုံးကို စိုက်ပျိုးရေပေး၍ ရိက္ခာပေးနေသည့်မြစ်ကြီး၊ ထိုမြစ်ကြီးကို မှီခိုနေသော ဂေဟစနစ်တွေ၊ မျိုးစိတ်တွေ ထောင်သောင်းချီရှိ နေသည်။ မြန်မာသာမက ကမ္ဘာကျော်သည့် မြစ်ကြီးတစ်စင်း၊ ကဗျာတွေ၊ လင်္ကာတွေ၊ စာတွေဖွဲ့ကြသည်။ နိုင်ငံခြားသားများပင် ဧရာဝတီကို ဒဏ္ဍာရီလာ အမွန်မြတ် နေရာတစ်ခုကဲ့သို့ ပုံဖော်ကြသည်။ လာရောက် လည်ပတ် ကြသည်။ ဧရာဝတီမြစ်ကြီး၏ မူလဘူတ စတင်ရာ မြစ်ဆုံဒေသသည်ကား နေမင်းသားနှင့် နဂါးမင်းသမီးတို့ တွေ့ဆုံချစ်ကျွမ်းဝင်ရာမှ ကချင်လူမျိုးများ ပေါက်ဖွားလာသည်ဟု ယုံကြည် ကြသည့်နေရာ။
တရုတ်တွေမျက်စိကျကြသည်
ကမ္ဘာ့အင်အားအကြီးဆုံးနိုင်ငံအဖြစ် ရည်မှန်းထားသော တရုတ်ပြည်ကြီးအတွက် ပထဝီနိုင်ငံရေးအရ အိမ်နီးချင်း မြန်မာနိုင်ငံလေးကို မြင်လာသည်။ မြန်မာနိုင်ငံကို ယူနန်ပြည်နယ်၏ ထွက်ပေါက်အဖြစ် သဘောထား၍ ဧရာဝတီမြစ်ကြီးကို ချဲ့ထွင်ကာ ထိုမှတဆင့် အိန္ဒိယ သမုဒ္ဒရာကြီးထဲသို့ တရုတ်သင်္ဘောများ တိုက်ရိုက်သွားလာနိုင်ရန် တရုတ်ခေါင်းဆောင်တွေ မျက်စိကျကြသည်။ ဗိုလ်ချုပ်မှူးကြီး သန်းရွှေ လက်ထက်က တရုတ်သမ္မတကြီး ကျန်ဇီမင်းနှင့် ဧရာဝတီမြစ်ကြီးကို ချဲ့ထွင်၍ တရုတ်ပြည်၏ ပင်လယ်ထွက်ပေါက်အဖြစ် အသုံးပြုခွင့်ပေးရန် ဆွေးနွေးခဲ့ဖူးသည်။ ဆွေးနွေးပွဲ နောက်ဆုံး အချိန်မှ ဗိုလ်ချုပ်မှူးကြီး စိတ်ပြောင်းသွား၍ ကျန်ဇီမင်းကြီး ဒေါသပွား၍ ပြန်သွားခဲ့ရသည်။ ထိုစဉ်က တရုတ်တို့၏ တောင်းဆိုချက်မှာ ဧရာဝတီ မြစ်ကြောင်းကို ချဲ့ပေးမည်။ ဗန်းမော်တွင် ရေနက်ဆိပ်ကမ်းကြီးတစ်ခု ဆောက်ပေးမည်။ သို့ရာတွင် ဧရာဝတီမြစ်အတွင်း သွားလာနေသော တရုတ် အလံတင်သဘောင်္များကို စစ်ဆေးခြင်းမပြုရဆိုသည့်အချက် ဖြစ်သည်။ ထို့ကြောင့် ဗိုလ်ချုပ်မှူးကြီးက လုံခြုံရေးအမြင်အရကြည့်၍ သဘောမတူခဲ့ခြင်း ဖြစ်သည်။ ဗိုလ်ချုပ်မှူးကြီးကာ တရုတ်ကို မျက်နှာသာ ပေးဆက်ဆံသမျှ စစ်ရေးတွင် တတ်နိုင်သလောက် လွှမ်းမိုးခြင်းမခံရရန် ရှောင်တိမ်းခဲ့သည်ဟု တပ်မတော် အသိုင်းအဝိုင်းက ဆိုသည်။
တမျိုးကြံပြန်တဲ့တရုတ်
ကျန်ဇီမင်းကြီး ပြန်သွားပြီး မကြာပါ။ တရုတ်တို့က အဆိုတစ်ခု ပြုလာသည်။ မေခနှင့်မေလိခ မြစ်ဆုံပေါ်တွင် ရေကာတာကြီးတစ်ခု တည်ဆောက်၍ လျှပ်စစ်ဓာတ်အား ထုတ်လုပ်ရန် ဖြစ်သည်။ ထုတ်လုပ်သမျှ လျှပ်စစ်အား ၉၀ ရာခိုင်နှုန်းကျော်မှာ တရုတ်ပြည်မှ စက်မှုလက်မှု လုပ်ငန်းများအတွက် သုံးရန်ဖြစ်သည။် သို့ရာတွင် မြန်မာနိုင်ငံအတွက် မက်လုံးတချို့လည်း ပေးထားသည်။ တစ်နှစ်လျှင် ဒေါ်လာသန်းငါးရာခန့် မြန်မာ အစိုးရက ရရှိနေမည့်အပြင် တည်ဆောက်ရေးတွင် ပါဝင်သည့် ကုမ္ပဏီများ၊ ဝန်ကြီးဋ္ဌာနများလည်း အကျိုးစီးပွားတစုံတရာ ဖြစ်ထွန်းကြမည်ဖြစ်သည်။ လုံခြုံရေးအရ တရုတ်စစ်တပ်၊ တရုတ်စစ်သင်္ဘော ဝင်မလာလျှင်ပြီးရောဟု တွက်လေသလားမသိ၊ ထိုစီမံကိန်းကို မြန်မာခေါင်းဆောင်တွေက သဘောတူညီ လိုက်သည်။ ထိုသို့ဖြင့် စစ်ဆေးတိုင်းတာမှုများ ပြုလုပ်ပြီးသောအခါ ၂၀၀၉ ခုနှစ်ဒီဇင်ဘာ တွင် စီမံကိန်းစတင်ခဲ့သည်။ ထိုစဉ်တည်းက သဘာဝ ပတ်ဝန်းကျင်ထိန်းသိမ်းရေး ပညာရှင်များ၊ နိုင်ငံရေးအင်အားစုများနှင့် ဧရာဝတီချစ်သူများက အလန့်တကြားဖြစ်ခဲ့ရသည်။ သို့သော် စစ်အုပ်ချုပ်ရေး အောက်တွင် ရှိနေသေး၍ ယခုကဲ့သို့ အသံများ ကျယ်လောင်စွာ ထွက်ပေါ်မလာခဲ့ပေ။ ၂၀၁၀ ရွေးကောက်ပွဲနီးကပ်လာချိန်တွင် မြစ်ဆုံကိစ္စကို နိုင်ငံရေးအရ အသုံးချလို၍ လည်းကောင်း၊ သဘာဝပတ်ဝန်းကျင်ဆိုင်ရာ ရှုထောင့်မှ ရပ်တည်၍လည်းကောင်း အသံကျယ်ကျယ် ဝေဖန်ပြောဆိုလာကြသည်။ ထိုသို့ဖြင့် လျှပ်စစ်ဝန်ကြီး၏ မပါးနပ်မှု၊ မိုက်မဲမှုကြောင့် မီဒီယာများ၏ ထောင်ချောက်ထဲ ရောက်သွားပြီး မြစ်ဆုံကိစ္စကို ဆက်လုပ်မည်၊ မည်သူမျှ မတားဆီးနိုင်ဟု ဒေါနှင့်မောနှင့် ပြောတော့သည်။ ဤတွင် ပြည်သူလူထု၏ ဒေါသအထွဋ်အထိပ်ရောက်သွားပြီး ထိုအခြေအနေကို အသုံးချ၍ နိုင်ငံရေး သြဇာထူထောင်လို သူများ၊ နိုင်ငံရေးအာဏာရ ယူလိုသူများက ပြည်သူတွေ လမ်းပေါ်ထွက်လာစေရန် လှုံ့ဆော်စည်းရုံးကြသည်။ မည်သို့ပင်ဆိုစေကာမူ ပြည်သူတွေကတော့ နိုင်ငံ့အမွေအနှစ် မိခင်မြစ်ကြီးကို ကာကွယ်ရန် တက်ကြွနေကြပြီဖြစ်သည်။
အမှန်၊ အမှား မကွဲပြားသေး
ဧရာဝတီကိစ္စကို နည်းပညာရှုထောင့်က အငြင်းပွားခြင်းထက်၊ ဆောက်လုပ်သင့် မသင့်ဆိုသည်ကို ဆုံးဖြတ်ရာတွင် ပြည်သူ၏ သဘောထား မှတ်ချက်ကို ရယူသင့်လှသည်။ အစိုးရကလည်း ကောင်းပါသည်၊ မထိခိုက်ပါဟု တစ်ဖက်သတ်ဆိုသလို၊ ဧရာဝတီချစ်သူများကလည်း လုံးဝထိခိုက်သည် ချက်ချင်းရပ်ဟု ဆိုပြန်သည်။ ထိုနှစ်ဖက်ကြားတွင် ညီမျှခြင်းချ၍ မရကြသေး။ အစိုးရကလည်း တစ်ဖက်သတ်ရေးထားသော အစီရင်ခံစာကို ကိုးကား နေသလို၊ ဧရာဝတီကို ကယ်တင်လိုသည့် ပညာရှင်များဘက်ကလည်း တိတိကျကျ ရေးသားထားသော စာတမ်းတစ်စုံတစ်ရာမျှ အခိုင်အမာ တင်မပြ နိုင်သေးသည်ကို တွေ့ရသည်။
လိုရင်းကဘာလဲ
လိုရင်းက ထိုဧရာဝတီမြစ်ဆုံစီမံကိန်းကို ရပ်တန့်ပေးရန်သာဖြစ်သည်။ နည်းပညာရှုထောင့်မှ အငြင်းမပွားလို လျှင်ပင် မြန်မာ့အမွေအနှစ်ကို တရုတ်တွေ အကျိုးစီးပွားအတွက် အသုံးချမခံနိုင်၍ဖြစ်သည်။ ယန်စီမြစ်ကြီး ပျက်စီးသည့် ဒဏ်ကို ခံထားရသော တရုတ်များသည် အဘယ့်ကြောင့်များ ဧရာဝတီမြစ်ကို မပျက်စီးနိုင်ပါဟု အာမခံနေကြသနည်း။ သေချာသည်မှာ ထိုရေကာတာရှိနေသမျှကာလပတ်လုံး မြန်မာနိုင်ငံသည် တရုတ်ထိန်းချုပ်သမျှ ခံနေရတော့မည် ဖြစ်သည်။ တနည်းအားဖြင့်ဆိုရသော် မြန်မာတစ်မျိုးသားလုံး ရေနှစ်သတ်နိုင်မည့် စက်ခလုတ်ကို တရုတ်တွေလက်ထဲ အပ်လိုက်ရခြင်း ဖြစ်သည်။ ထို့ကြောင့် ဧရာဝတီကို တရုတ်တွေလက်ထဲ မရောက်အောင် တာဝန်သိနိုင်ငံသားများအနေဖြင့် ကြိုးပမ်းကြရတော့မည်ဖြစ်သည်။
ရယ်ဒီကယ်
လမ်းပေါ်တက် ဆန္ဒတွေပြ၊ တရုတ်သံရုံးတွေကို မီးရှို့၊ မန္တလေးက တရုတ်နွယ်ဖွားတွေကို တွေ့ရာသင်္ချိုင်း ဓားမဆိုင်း သတ်၊ ထိုအခါ အရပ်သား အစိုးရ အမည်ခံထားသဖြင့် ပြည်သူ့ဆန္ဒကို လေးစားပါသည်ဆိုသော အစိုးရက တရုတ်ပြည်နှင့် ညှိနှိုင်း၍ လျှပ်စစ်ဝန်ကြီးကို ရာထူးမှ ဖြုတ်၍ စတေး လိုက်မည်၊ စီမံကိန်းကြီးကို ရပ်တန့်လိုက်မည်။ စိတ်ကူးယဉ်မှု သက်သက်သာဖြစ်သည်။ မြန်မာနိုင်ငံတွင် ထိုမျှလောက် နိုင်ငံရေးကစားကွက် အဆင့်မမြင့် သေးပေ။ လမ်းပေါ်တက်သည်နှင့် ပစ်ခတ်မှုတွေ ပြန်ဖြစ်မည်။ ဒုံရင်းအတိုင်း စစ်ဖိနပ်အောက် ပြန်ရောက်မည်၊ ထိုအခါ ယခုအချိန်မျှလောက်ပင် အစိုးရကို ဝေဖန်ခွင့်မရတော့သလို မြစ်ဆုံကိစ္စ ပြောဆိုခြင်းသည် နိုင်ငံတော် ပုန်ကန်မှု ဖြစ်သွားနိုင်သည်။ ထို့ကြောင့် ရယ်ဒီကယ်နည်းမှာ အသုံးမဝင်ပေ။ အရှေ့အလယ်ပိုင်းက ပြည်သူတွေကို အားမကျကောင်းပေ။ သူတို့တွင် စစ်တပ်တဖွဲ့လုံးက ပြည်သူဘက်ပါသလို၊ တစ်တပ်လုံးမပါလျှင်ပင် တစ်စိတ် တစ်ဒေသ ပါသည်။ မြန်မာ့တပ်မတော်ကား ပြည်သူဘက်တွင် လုံးဝမရှိတော့ဆိုသည့် သင်ခန်းစာကို အကြိမ်ကြိမ်ပေးခဲ့ပြီးဖြစ်သည်။ ယခုမြစ်ဆုံကိစ္စကို အကြောင်းပြု၍ တရုတ်လူမျိုးတွေ အသတ်ခံရလျှင် တရုတ်အစိုးရက လက်ပိုက်ကြည့်နေမည်မဟုတ်၊ တရုတ်အစိုးရ အမုန်းဆုံးမှာ ဆန္ဒပြခြင်း၊ အကြမ်းဖက် ခြင်းပင် ဖြစ်သည်။ ထိုသို့သော ကိစ္စများကို ကိုင်တွယ်ရန် မြန်မာအစိုးရကို လက်နက်အပြည့်အစုံ တပ်ဆင်ပေးမည်။ နိုင်ငံတကာတွင် မြန်မာအစိုးရကို အကာအကွယ် ပေးမည်ဖြစ်သည်။ ထို့ကြောင့် ရယ်ဒီကယ်နည်းလမ်းသည် အသုံးဝင်သော နည်းတော့မဟုတ်ပေ။
ဒီပလိုမေစီ
တရုတ်ခေါင်းဆောင်တွေက မြန်မာခေါင်းဆောင်တွေကို ပြောဖူးသည်။ မြန်မာပြည်ရှိ တရုတ်နွယ်ဖွားများကို စောင့်ရှာက်ပါရန် ဖြစ်သည်။ သံတမန် နည်းအရ စောင့်ရှောက်လိုက်ပါဟု ပြောဆိုခြင်းသည် မြန်မာပြည်ရှိ တရုတ်များကို မထိပါနှင့်ဟု သတိပေးလိုက်ခြင်းဖြစ်သည်။ ဤတွင် မြန်မာ ခေါင်းဆောင်များ ပါးနပ်ရန်လိုသည်။ ဧရာဝတီသည် နည်းပညာအရ မည်သို့ပင် ကောင်းသည်ဖြစ်စေ၊ မြန်မာပြည်သူများအနေဖြင့် ထိုစီမံကိန်းကို ရပ်တန့်ရန်သာ ဆန္ဒရှိနေကြသည်။ ရပ်တန့်ခြင်းမပြုလျှင် မြန်မာပြည်သူတွေက တရုတ်နိုင်ငံကို အမုန်းပွားရာမှ မြန်မာနိုင်ငံရှိ တရုတ်လူမျိုးတွေကိုပါ မုန်းကြ တော့မည်။ ထိုအမုန်းသည် သံသရာဆုံးမည် မဟုတ်တော့။ မြစ်ဆုံရေကာတာကြီးရှိနေသမျှ၊ ထိုရေကာတာကြီးကို မြင်နေရ သမျှ ကာလပတ်လုံး တရုတ် လူမျိုးတွေကို မုန်းတီးစိတ်ပိုမိုလာမည်။ တနေ့နေ့တချိန်ချိန်တွင် ထိုမုန်းတီးမှုများက သွေးချောင်းစီး အဓိကရုဏ်းတွေ ဖြစ်လာနိုင်သည်။ တရုတ်အစိုးရ၏ ထောက်ပံ့မှုဖြင့် မိမိတို့ နှိမ်နှင်းလျှင်လည်း မြန်မာနိုင်ငံအတွင်းရှိ တရုတ်လူမျိုးများကို မုန်းတီးရာမှ တရုတ်အစိုးရအပေါ် မြန်မာပြည်သူတွေ အမုန်းကြီး မုန်းလာနိုင်သည်။ ထို့ကြောင့် မြန်မာနှင့်တရုတ် သံသရာထိအောင် အမုန်းပွားရမည့် စီမံကိန်းကိုရပ်တန့်လိုက်ရန် တရုတ်ခေါင်းဆောင်တွေကို သံတမန် နည်းအရ ဖိအားပေးနိုင်ရန်လိုသည်။
လွှတ်တော်ကလဲအဖြေ
နေပြည်တော်တွင် မြစ်ဆုံနှင့်ပတ်သက်သည့် အလုပ်ရုံဆွေးနွေးပွဲလုပ်သည်။ ဆွေးနွေးပဲတွင် လျှပ်စစ်ဝန်ကြီးမှာ ပြီးခဲ့သည့် တစ်ပတ်က သတင်းစာ ရှင်းလင်းပွဲလောက် လေသံမမာနိုင်တော့သော်လည်း ပြန်လည်သုံးသပ်ရပါတော့မည်ဟု တစ်ထစ်လျော့သွားသည်။ စက်မှုဝန်ကြီး ဦးစိုးသိန်း၏ ဦးဆောင်မှုဖြင့် မြစ်ဆုံစီမံကိန်းကို ဖျက်သိမ်း၍ အစားထိုးနိုင်မည့် အခြေအနေများကို လေ့လာရန် တိုက်တွန်းသည်။ အခြားသော ဗိုလ်ချုပ်ဟောင်းများ ကလည်း စီမံကိန်းဖျက်သိမ်းရေးကို အလေးကဲသော အကြံပြုချက်များကို တင်ပြကြသည်။ ထူးခြားချက်မှာ လွှတ်တော်မှ ပုဂ္ဂိုလ်အတော်များများ ထိုစီမံကိန်း ဖျက်သိမ်းရေးဘက်ကို အလေးသာနေကြခြင်း ဖြစ်သည်။ နောက်ဆုံးတွင် ထိုကိစ္စကို လွှတ်တော်တွင် အဆုံးအဖြတ်ရယူရန် ဆုံးဖြတ်နိုင်ခဲ့သည်။ လွှတ်တော်တွင် ပြည်ခိုင်ဖြိုးတွေ အင်အားများ၍ ထိုအဆို မအောင်မြင်နိုင်ဟုဆိုလျှင် မှားပါလိမ့်မည်။ ပြည်ခိုင်ဖြိုးလည်း မြန်မာလူမျိုးဖြစ်၍ ဧရာဝတီကို ချစ်ကြပါလိမ့်မည်။ မည်မျှပင်အတိုက်အခံနှင့် အာဏာရ ဟုဆိုစေကာမူ တစ်မျိုးသားလုံး ခေတ်သစ်ကိုလိုနီ မဖြစ်ရေးအတွက် ယခုတစ်ကြိမ်တွင်တော့ သဘောထား တူညီကြပါလိမ့်မည်။
ဖြစ်နေသာ ပြဿနာလဲသိရပြီဖြစ်သလို ဖြစ်လိုသောဆန္ဒများကိုလည်း သိရပြီဖြစ်ရာ မည်သည့်နည်းက အကောင်းဆုံးဖြစ်မည်ဆိုသည်ကို ရွေးချယ် တတ်ရန်သာ လိုသည်။ ဖြစ်နိုင်သည်ကတော့ ရယ်ဒီကယ်နည်းလမ်းများသည် အကျိုးထက် အပြစ်ပိုများသည်။ လွှတ်တော်ထဲတွင် အဖြေရှာ၍ ဒီပလိုမေစီကို ကျွမ်းကျင်ပိုင်နိုင်စွာ အသုံးချခြင်းကသာ အကောင်းဆုံးအဖြေဖြစ်မည်ဟု ထင်မိသည်။
××××××××××××××××××××××××××××××××××××××××××××××××××××××××××××××
Google Docs makes it easy to create, store and share online documents, spreadsheets and presentations.
