Posts
 | yangonchronicle2011 |
၂၅.၁၀.၂၀၁၁
ပြည်တွင်းသတင်းများ
- သီလဝါအထူးစီးပွားရေးဇုန်အတွက် ဒေါ်လာ ၅ ဘီလီယံကျော် မြှုပ်နှံမည်
- ပြည်တွင်းနှင့် အာဆီယံစက်မှုဇုန်များ ချိတ်ဆက်ရန် အင်တာနက်ဝက်ဘ်ဆိုက်လွှင့်မည်
- မြန်မာနိုင်ငံလုံးဆိုင်ရာ သတင်းဖြေကြားရေးစင်တာ နိုဝင်ဘာတွင် ဖွင့်လှစ်မည်
ပြည်တွင်းပါတီ၊ နိုင်ငံရေးသတင်းများ
- အမေရိကန် အထူးကိုယ်စားလှယ်နှင့်ဒေါ်အောင်ဆန်းစုကြည်တို့ ဒုတိယအကြိမ်တွေ့ဆုံ
- ပြည်ပရောက် မြန်မာ့အတိုက်အခံ နှစ်ဦး ခေတ္တပြန်လာမည်
သတင်းနှင့် ဆောင်းပါးများမှ ကောက်နှုတ်ချက်များ
ဆောင်းပါးကဏ္ဍ
- ရှေးသရောအခါ ကြပ်ပြေးနေပြည်တော်ဝယ် အပိုင်း(၄)
*************************************************************************************
ပြည်တွင်းသတင်းများ
သီလဝါအထူးစီးပွားရေးဇုန်အတွက် ဒေါ်လာ ၅ ဘီလီယံကျော် မြှုပ်နှံမည်
သီလဝါ ရေနက်ဆိပ်ကမ်း အထူးစီးပွားရေးဇုန်အတွက် ခေတ်မီနည်းပညာများအသုံးပြု၍ အမေရိကန်ဒေါ်လာ ၅ ဘီလီယံကျော် ရင်းနှီးမြှုပ်နှံ တည်ဆောက်သွားမည်ဖြစ်ကြောင်း သိရသည်။
၎င်း သီလဝါရေနက်ဆိပ်ကမ်း တည်ဆောက်နိုင်ရန် ကိုရီးယားသမ္မတနိုင်ငံမှ HANA INTERNATIONAL IND သည် ခေတ်မီ စီမံကိန်း အဆိုပြုချက် Project Proposal တစ်ရပ်ကို ရေးဆွဲ၍ တည်ဆောက်သွားမည်ဖြစ်ကြောင်း သိရသည်။
၎င်းရေးဆွဲ၍ တည်ဆောက်မည့် စီမံကိန်းအမည်ကို မြန်မာ-ကိုရီးယား ဆက်လက်ချစ်ကြည်မှုအား အစွဲပြု၍ Myanko မြို့တော်ပာု အမည်ပေး ထားကြောင်း သိရသည်။
မြန်မာနိုင်ငံရှိ သီလဝါဆိပ်ကမ်းဒေသသည် နိုင်ငံတကာအဆင့်မီ အထူးစီးပွားရေးဇုန်နှင့် မြို့ပြအဆောက်အအုံများ ပါဝင်တည်ဆောက်နိုင်ရန် အသင့်တော်ဆုံးနေရာဖြစ်ပြီး ခေတ်မီနည်းပညာများ အသုံးပြု၍ တည်ဆောက်သွားမည်ဖြစ်ကာ ပြည်တွင်းအလုပ်သမားများ အလုပ်အကိုင် တိုးတက် ရရှိရေး၊ သဘာဝပတ်ဝန်းကျင် ထိန်းသိမ်းစောင့်ရှောက်ရေး၊ စီမံကိန်းဒေသ၌ မြို့ပြအဆောက်အအုံများ စနစ်တကျ တည်ဆောက်နိုင်ရေးအတွက် စီမံကိန်း ရေးဆွဲထားခြင်း ဖြစ်ကြောင်း သိရ သည်။
သီလဝါဆိပ်ကမ်း အထူးစီးပွားရေးဇုန်စီမံကိန်း တည်ဆောက်ပြီးစီးပါက နိုင်ငံတကာအဆင့်မီ ပင်လယ်ကူးသင်္ဘောကြီးများ ဆိုက်ကပ်နိုင်မည် ဖြစ်သည့်အပြင် ၎င်း သီလဝါဆိပ်ကမ်း အထူးစီးပွားရေးဇုန်အတွင်း စက်မှုဇုန်များ၊ မြို့ပြ အဆောက်အအုံများ၊ ပာိုတယ်များ၊ စာသင်ကျောင်းများ၊ အားကစား ခန်းမများ၊ ဆိပ်ကမ်းနှင့် ပို့ကုန်၊ သွင်းကုန်ဆိုင်ရာ အစိုးရုံးများကိုပါ နိုင်ငံတကာအဆင့်မီထည့်သွင်း၍ တည်ဆောက်သွားမည်ဖြစ်ကြောင်း သိရသည်။
Ref: Envoy
-----------------------------------------------------------------------------------------------------------------------------------
ပြည်တွင်းနှင့် အာဆီယံစက်မှုဇုန်များ ချိတ်ဆက်ရန် အင်တာနက်ဝက်ဘ်ဆိုက်လွှင့်မည်
မြန်မာနိုင်ငံအတွင်းရှိ ပြည်တွင်းစက်မှုဇုန်များနှင့် အဆီယံနိုင်ငံအသီးသီးရှိ ပြည်ပစက်မှုဇုန်များ ချိတ်ဆက် လုပ်ဆောင်နိုင်ရန် အင်တာနက် ဝက်ဆိုက်များကို MCC ကုမ္ပဏီမှ တာဝန်ယူ၍ လွှင့်တင်ပေးသွားမည်ဖြစ်ကြောင်း လှိုင်သာယာ စက်မှုဇုန်တစ်ခုမှ တာဝန်ရှိသူတစ်ဦးက ပြောကြားခဲ့သည်။
ယခုကဲ့သို့ ပြည်တွင်း၊ ပြည်ပ စက်မှုဇုန်များလုပ်ဆောင်ရန် ဝက်ဆိုက်များလွှင့်တင်ခြင်းဖြင့် စက်မှုဇုန်အသီးသီး အပြန်အလှန် ချိတ်ဆက် လုပ်ဆောင်ခြင်းများကို လုပ်ဆောင်နိုင်မည်ဖြစ်သည့်အပြင် ပြည်တွင်းရှိ စက်မှုဇုန်များ၏ လိုအပ်ချက်များကို လေ့လာနိုင်လိမ့်မည်ဖြစ်ကြောင်း ၎င်းက ဆက်လက်ပြောကြားခဲ့သည်။
ထို့ပြင် မြန်မာနိုင်ငံရှိ ထုတ်ကုန်များတွင် အခြားအာဆီယံနိုင်ငံများနှင့် တစ်ပြေးညီဆောင်ရွက်နိုင်ရန်မှာ စံချိန်စံ ညွှန်းမှီသည့် ပြည်တွင်း ထုတ်ကုန် ပမာဏကို တိုးမြှင့်ပေးရမည်ဖြစ်ကြောင်း သိရသည်။
မြန်မာနိုင်ငံရှိ စက်မှုဇုန်များရှိ ပစ္စည်းအရည်အသွေး စံချိန်မှီ၊ မမှီဆိုသည်ကို ၎င်းဝက်ဆိုက်မှတစ်ဆင့် သိရှိနိုင်မည်ဖြစ်ပြီး ပြည်တွင်း ထွက်ကုန်များ၏ အရည်အသွေးပစ္စည်းမှန်များကိုလည်း ပြည်သူများထံသို့ အချိန်နှင့်တစ်ပြေးညီ သတင်းပေးပို့နိုင်တော့မည်ဖြစ်ကြောင်း သိရသည်။
လက်ရှိအချိန်တွင် မြန်မာနိုင်ငံ၏ စက်မှုကဏ္ဍ ကောင်းမွန်နိုင်ရန် အင်တာနက်ဝက်ဆိုက်များ လွှင့်တင်မည်ဖြစ်သော်လည်း ပြည်တွင်းရှိ အင်တာနက် မြန်နှုန်းများမှာမူ ယနေ့ချိန်ထိတိုင် နှေးကွေးနေဆဲဖြစ်ကြောင်း စီးပွားရေးအတွက် အင်တာနက်သုံးစွဲနေသူတစ်ဦးက ပြောကြားခဲ့သည်။
Ref: Messenger
-----------------------------------------------------------------------------------------------------------------------------------
မြန်မာနိုင်ငံလုံးဆိုင်ရာ သတင်းဖြေကြားရေးစင်တာ နိုဝင်ဘာတွင် ဖွင့်လှစ်မည်
မြန်မာတစ်နိုင်ငံလုံးရှိ သတင်းအချက်အလက်နှင့် ဆိုင်သော ကိစ္စရပ်များကို တစ်နေရာတည်းမှာပင် ပြန်လည်ဖြေကြားပေးမည့် One Stop Information Call Center ကောင်တာအား နိုဝင်ဘာလဆန်းပိုင်းတွင် ဖွင့်လှစ်တော့မည် ဖြစ်ကြောင်း မြန်မာ့ဆက်သွယ်ရေးလုပ်ငန်းမှ တာဝန်ရှိသူ တစ်ဦးက ပြောကြားခဲ့သည်။
၎င်း စင်တာအား ကောင်တာ ၁၅ ခုဖြင့် ဖွင့်လှစ်သွားမည်ဖြစ်ပြီး မြန်မာတစ်နိုင်ငံလုံးရှိ မိမိသိလိုသည့် သတင်းအချက်အလက်များကို ဖုန်း တစ်ချက်ဆက်ရုံဖြင့် တစ်ထိုင်တည်းဖြေကြားပေးနိုင်မည့် ဝန်ဆောင်မှုများကိုပါ လုပ် ဆောင်ပေးသွားမည်ဖြစ်ကြောင်း သိရသည်။
ယခုဖွင့်လှစ်မည့် သတင်းအချက်အလက် ဖြေကြားရေးစင်တာကို ပာံသာဝတီ ဆက်သွယ်ရေးစခန်းဝင်းအတွင်း အမြန်စာပို့လုပ်ငန်းအနီး ဖွင့်လှစ် သွားမည်ဖြစ်ပြီး မြန်မာနိုင်ငံရှိ ပြည်သူများ၏ ပညာရေး၊ ကျန်းမာရေး၊ လူမှုရေးနှင့် ဆက်သွယ်ရေးအစရှိသည့် နယ်ပယ်စုံမှ သတင်း အချက်အလက်များကို ဖြေကြားပေး သွားမှာ ဖြစ်ကြောင်း ၎င်းက ဆက်လက်ပြောကြားခဲ့သည်။
တစ်စုံတစ်ဦးထံမှ ဖုန်းဖြင့် ဆက်သွယ်မေးမြန်းမည်ဆိုပါက မေးမြန်းသည့်ကျသင့်ငွေအား ကွန်ပျူတာဆော့ဝဲလ်စနစ်ကို အခြေခံကာ ဖုန်းကျသင့် ငွေဘေလ်ထဲမှ ကျပ် ၁၀၀ နှုတ်ယူသွားမည်ဖြစ်ကြောင်း သိရသည်။
ယခုကဲ့သို့ Call Center များပေါ်ပေါက်လာသည့်အတွက် ပြည်သူများသိလိုသည့် သတင်းအချက်အလက်များကို မြန်ဆန်စွာသိရှိနိုင်မည်ဖြစ်ပြီး နည်းပညာကို အခြေခံထားသည့်အတွက် ပိုက်ဆံအရှုပ်အရှင်း ကိစ္စရပ်များ ပြေလည်သွားနိုင်မည်ဖြစ်ကြောင်း သတင်းထောက်တစ်ဦးက ပြောကြား ခဲ့သည်။
ယခုဖွင့်လှစ်မည့် Call Center ကို ရတနာပုံတယ်လီပို့စ်နှင့် Blue Ocean ကုမ္ပဏီတို့မှ ပူးပေါင်းဖွင့်လှစ်ခြင်း ဖြစ်ကြောင်း သိရသည်။
Ref:ရန်ကုန်တိုင်းမ်
*************************************************************************************
ပြည်တွင်းပါတီ၊ နိုင်ငံရေးသတင်းများ
အမေရိကန် အထူးကိုယ်စားလှယ်နှင့် ဒေါ်အောင်ဆန်းစုကြည်တို့ ဒုတိယအကြိမ် တွေ့ဆုံ
အမေရိကန်သမ္မတ၏ မြန်မာနိုင်ငံဆိုင်ရာ အထူးကိုယ်စားလှယ် မစ္စတာဒဲရစ်မစ်ချယ်သည် အောက်တိုဘာ ၂၄ ရက်နေ့က မြန်မာပြည်သို့ နှစ်ရက်ကြာ ခရီးစဉ်အဖြစ် ရုတ်တရက်ရောက်ရှိလာပြီး အောက်တိုဘာ ၂၅ ရက်နေ့တွင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် တွေ့ဆုံခဲ့ကြောင်း သိရှိရသည်။
မစ္စတာဒဲရစ်မစ်ချယ်နှင့် ဒေါ်အောင်ဆန်းစုကြည်တို့သည် ပြည်လမ်းမပေါ်ရှိ အမေရိကန် ဒုတိယသံမှူးကြီး နေအိမ်တွင် တစ်နာရီ လေးဆယ့်ငါးမိနစ်ကြာ တွေ့ဆုံခဲ့ပြီး မည်သည့်အကြောင်းခြင်းရာများ ဆွေးနွေးခဲ့သည်ကို ထုတ်ပြောဖွယ်ရာ မရှိကြောင်း မြန်မာနိုင်ငံဆိုင်ရာ အမေရိကန် သံရုံးမှ ပြန်ကြားရေး တာဝန်ရှိသူတစ်ဦးက ဆိုသည်။
“ဘာတွေဆွေးနွေးဖြစ်တယ်ဆိုတာ ကျွန်တော်တို့မသိရပါဘူး။ လက်ရှိတော့ ဒီလောက်ပဲ ထုတ်ပြန်နိုင်ပါတယ်”ဟု ယင်းက ဆိုသည်။
အမျိုးသားဒီမိုကရေစီအဖွဲ့ချုပ်မှ ပြန်ကြားရေးတာဝန်ခံ ဦးအုန်းကြိုင်က မစ္စတာဒဲရစ်မစ်ချယ်နှင့် တွေ့ဆုံမှုအပေါ် မည်သည့်မှတ်ချက်မှ ထုတ်ပြန်ရန် မရှိကြောင်း ဆိုသည်။
အဆိုပါတွေ့ဆုံမှုကို သတင်းမီဒီယာများအား ထုတ်ဖော်ပြောကြားခြင်း မရှိကြောင်း သတင်းအယ်ဒီတာတစ်ဦးက ပြောကြားသည်။
“အရင်တုန်းကဆို ဒေါ်အောင်ဆန်းစုကြည်နဲ့ တစ်ယောက်ယောက် တွေ့ပြီးပြီဆို သတင်းမီဒီယာတွေကို ထုတ်ပြန်တယ်။ ဒါပေမယ့် ဒီတစ်ခါတော့ ထုတ်ပြန်တာ မရှိဘူး။ ထူးဆန်းတယ်”ဟု ဆိုသည်။
မစ္စတာဒဲရစ်မစ်ချယ်သည် နိုင်ငံရေး အကျဉ်းသားအားလုံး လွတ်မြောက်ရေး၊ တိုင်းရင်းသားများ အတိုက်အခံ ဒီမိုကရေစီ အင်အားစုများနှင့် တွေ့ဆုံ ဆွေးနွေးရေး၊ တိုင်ရင်းသားများ အပေါ် အကြမ်းဖက်မှု ရပ်တံ့ရေး စသည့်ကိစ္စရပ်များ အကောင်အထည် ပေါ်လာစေရန်အတွက် တိုက်တွန်းပြောဆိုဖို့ မြန်မာနိုင်ငံကို ရောက်ရှိလာခြင်း ဖြစ်ကြောင်း သတင်းဌာနတစ်ခု၏ ဖော်ပြချက်တွင် ပါရှိသည်။
မစ္စတာဒဲရစ်မစ်ချယ်သည် အောက်တိုဘာ ၂၄ ရက်က မြန်မာနိုင်ငံသို့ ရောက်ရှိခဲ့ခြင်းဖြစ်ကာ ယင်းနေ့တွင်ပင် နေပြည်တော်ရှိ ထိပ်တန်း ခေါင်းဆောင်များနှင့် တွေ့ဆုံခဲ့ကြောင်း သိရသည်။
ပြီးခဲ့သည့် စက်တင်ဘာကလည်း မြန်မာနိုင်ငံသို့ ငါးရက်ကြာရောက်ရှိခဲ့ပြီး၊ အစိုးရအရာရှိများ၊ NLD အပါအ၀င် အတိုက်အခံ နိုင်ငံရေး အင်အား စုများ၊ ရွေးကောက်ပွဲဝင် နိုင်ငံရေးပါတီများနှင့်လူမှုရေး အသင်းအဖွဲ့များနှင့် တွေ့ဆုံခဲ့သည်။
YC(KS)
-----------------------------------------------------------------------------------------------------------------------------------
ပြည်ပရောက် မြန်မာ့အတိုက်အခံ နှစ်ဦး ခေတ္တပြန်လာမည်
ပြည်ပရောက် မြန်မာနိုင်ငံရေး လှုပ်ရှားသူများအကြားထင်ရှားသည့် ဦးညိုအုန်းမြင့်နှင့် ဦးဘိုဘိုကျော်ငြိမ်းတို့သည် လာမည့် နိုဝင်ဘာလတွင် မြန်မာ နိုင်ငံသို့ ခေတ္တပြန်လာမည် ဖြစ်ကြောင်း သိရသည်။
“နိုဝင်ဘာလလယ်လောက် ဖြစ်မှာပါ။ သူတို့နှစ်ဦး အတူပြန်လာမယ်ထင်ပါတယ။”ဟု ယင်းတို့နှင့် နီးစပ်သူ တစ်ဦးက ဆိုသည်။
ဦးညိုအုန်းမြင့်သည် အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ)၏ နိုင်ငံခြားရေး တာဝန်ခံအဖြစ် လည်းကောင်း၊ အမျိုးသား ကောင်စီ (NCUB)တွင် တွဲဖက်နိုင်ငံခြားရေး တာဝန်ခံအဖြစ် တာဝန်ယူထားသူဖြစ်ကာ သတင်းမီဒီယာများတွင် မြန်မာနိုင်ငံနှင့် အိမ်နီးချင်းနိုင်ငံများ၏ နိုင်ငံရေးရာ သုံးသပ်ချက်များကို ထုတ်ဖော်ပြောဆိုသူတစ်ယောက် ဖြစ်သည်။
ဦးဘိုဘိုကျော်ငြိမ်းသည် ပါလီမန်ခေတ်က ပြည်ထဲရေးဝန်ကြီးအဖြစ် တာဝန်ယူထားသည့် ဦးကျော်ငြိမ်း၏ သားဖြစ်ကာ မြန်မာ့နိုင်ငံရေး လေ့လာ သုံးသပ်ချက်များကို ထုတ်ဖော်ရေးသားနေသူ တစ်ယောက်ဖြစ်သည်။
ပြည်ပရောက်မြန်မာနိုင်ငံသားများကို မိခင်နိုင်ငံသို့ ပြန်လာခွင့်ပေးထားသော်လည်း တိကျသည့် အမိန့်ကြော်ငြာချက်များ မရှိသေးသည့်အတွက် အခက်အခဲတွေ့နေကြောင်း သိရသည်။
ပြည်ပရောက် အဖွဲ့အစည်းများတွင် Capacity Building လုပ်ငန်းများ၊ နိုင်ငံရေး၊ စီးပွားရေး၊ လူမှုရေးဆိုင်ရာ လေ့လာသုံးသပ်မှုများ ပြုလုပ် နေသည့် ထိုင်းနိုင်ငံအခြေစိုက် ဗဟုဖွံဖြိုးရေးအဖွဲ့မှ သုတေသနမှူးများအဖြစ် တာဝန်ယူထားသည့် ဦးတင်မောင်သန်းသည် ယခုလအတွင်း မြန်မာနိုင်ငံသို့ ရောက်ရှိလာပြီး ဗဟုဖွံဖြိုးရေးအဖွဲ့မှ လုပ်ဆောင်နိုင်သည်များကို လာရောက်လေ့လာခဲ့ ကြောင်းသိရသည်။
YC(KS)
*************************************************************************************
သတင်းနှင့် ဆောင်းပါးများမှ ကောက်နှုတ်ချက်များ
အားရမိပါတယ်။ ဆေးရုံတွေမှာ သတင်းယူတဲ့အခါမှာ တချို့ဆေးရုံတွေက လွယ်လွယ်ကူကူ သတင်းပေးလိုက်ပေမယ့် တချို့ဆေးရုံတွေကျတော့ စာတင်မှ သတင်းရမယ်။ ဆေးရုံအုပ်က ဘယ်သတင်းထောက်မှ အတွေ့ မခံဘူးဆိုတာတွေကြောင့် သတင်းက မရတာများတယ်လေ။ အစိုးရ ဆေးရုံပဲဖြစ်ဖြစ်၊ ပုဂ္ဂလိက ဆေးရုံပဲဖြစ်ဖြစ် သတင်းရယူလိုတဲ့အခါမှာ ပြန်လည်ဖြေကြားပေးသင့်တယ်”
အောက်တိုဘာ ၂၅ ထုတ် The Flower News အတွဲ (၇) အမှတ် (၄၁) တွင်ပါသည့် “ပုဂ္ဂလိကဆေးရုံများအသင်း ဖွဲ့မည်” သတင်းမှ ပြည်တွင်း သတင်းထောက်တစ်ဦး၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
မေး- လက်ရှိ မြန်မာအစိုးရသစ်ရဲ့ ပြုပြင်ပြောင်းလဲမှုအပေါ်မှာရော ဘယ်လိုမြင်ပါသလဲ။
ဖြေ- ကျွန်တော်တစ်ယောက်တည်းအရ အပြောကတော့ ကောင်းတယ်။ ဘာကြောင့်လဲဆိုရင် သမ္မတဦးသိန်းစိန်က သူ့အစိုးရ စပြီးအုပ်ချုပ်လာတဲ့ ကာလက စပြီး အပြောင်းအလဲ လုပ်လာတယ်လို့ မြင်ရတယ်။ တချို့ကတော့ အကောင်အထည် မဖော်သေးဘူး။ တချို့ကတော့ ကြိုးစားနေတုန်းပါ။ ဒါပေမယ့် သူလုပ်ချင်တဲ့ ဆန္ဒရှိတယ်ဆိုတာက သူပြနေတယ်လို့ ကျွန်တော်မြင်တယ်။ ဒီဟာက ဒီလမ်းအတိုင်းသွားမယ်ဆိုရင် ဒီမိုကရေစီဘက် ရောက်သွားဖို့ များတယ်။ ကျွန်တော်တို့ တိုင်းသူပြည်သားတွေအတွက် အကျိုးရှိနိုင်မယ်လို့ထင်ပါတယ်”
အောက်တိုဘာ ၂၅ ထုတ် True News အတွဲ (၄) အမှတ် (၅) တွင်ပါသည့် “ပထမဆုံး မြန်မာနိုင်ငံ သမ္မတ စပ်ရွှေသိုက်၏ သားဖြစ်သူ ဦးဟန် ညောင်ဝေ” နှင့် အင်တာဗျူး ကောက်နှုတ်ချက်
-----------------------------------------------------------------------------------------------------------------------------------
“လက်ရှိနိုင်ငံ့အကြီးအကဲခေါင်းဆောင်ရဲ့ ဓာတ်ပုံကိုသာ ချိတ်ဆွဲရမယ်ဆိုတာကိုတော့ လက်ခံပါတယ်။ ဒါပေမဲ့ လွတ်လပ်ရေး ဗိသုကာကြီးတွေ ဖြစ်တဲ့ ဗိုလ်ချုပ်အောင်ဆန်းအပါအဝင် အာဇာနည် ခေါင်းဆောင်ကြီးတွေရဲ့ ဓာတ်ပုံကိုလည်း မေ့လို့မရပါဘူး။ ဒီတော့ အမြဲတမ်းလိုလို လေ့လာသွားလို့ရမယ့် နေရာ တစ်ခုမှာ လွတ်လပ်ရေး ဗိသုကာတို့ရဲ့ ဓာတ်ပုံတွေ၊ အကြောင်းအရာတွေကို လေ့လာနိုင်အောင် ထိန်းသိမ်းထားတဲ့ နေရာလေးရှိမယ်ဆိုရင် ပိုကောင်း ပါလိမ့်မယ်”
အောက်တိုဘာ ၂၇ ထုတ် ENVOY News အတွဲ (၂) အမှတ် (၂၇) တွင်ပါသည့် “ဌာနဆိုင်ရာရုံး၊ အုပ်ချုပ်ရေးမှူးရုံး၊ အစည်းအဝေးခန်း၊ အရာထမ်းများ၏ အခန်းများတွင် လက်ရှိနိုင်ငံ့အကြီးအကဲခေါင်းဆောင်၏ ဓာတ်ပုံကိုသာ ချိတ်ဆွဲရန် သတ်မှတ်ထား” သတင်းမှ လက်ရှိ မော်ကွန်းဝင်ကြီးတစ်ဦး၏ ပြောကြားချက်အပေါ် ကောက်နှုတ်ချက်
-----------------------------------------------------------------------------------------------------------------------------------
“နောက်တစ်ခုက ဒေါ်စုကြည်နဲ့ ပတ်သက်ပြီး လွှတ်တော်က လက်ခံနိုင်ပါသလားလို့မေးပါတယ်။ တိုတိုပဲ ဖြေပါတယ်။ လက်ခံနိုင်ပါတယ်လို့ ဖြေခဲ့ပါတယ်။ ထပ်ဆင့်မေးတာက ဘယ်အချိန်၊ ဘယ်အခြေအနေတွေမှာ လက်ခံနိုင်ပါသလဲလို့ မေးပါတယ်။ အဖြေကတော့ သက်ဆိုင်ရာပြည်သူများက သူ့ကို ရွေးချယ်ပေးတဲ့အချိန်မှာ လွှတ်တော်က လက်ခံနိုင်ပါတယ်လို့ ဖြေခဲ့ပါတယ်”
အောက်တိုဘာ ၂၆ ထုတ် Weekly Eleven အတွဲ (၇) အမှတ် (၄) တွင်ပါသည့် “ဒေါ်အောင်ဆန်းစုကြည်အား ပြည်သူများမှ ရွေးချယ် ပေးသည့် အချိန်တွင် လွှတ်တော်မှ လက်ခံသွားမည်ဟု ပြည်သူ့လွှတ်တော်ဥက္ကဋ္ဌ ထည့်သွင်းပြောကြား” သတင်းမှ နော်ဝေးမီဒီယာများ၏ မေးမြန်ချက် အပေါ် ပြည်သူ့လွှတ်တော်ဥက္ကဋ္ဌ သူရဦးရွှေမန်း၏ ပြောကြားချက်အပေါ် ကောက်နှုတ် ချက်
*************************************************************************************
ဆောင်းပါးကဏ္ဍ
ရှေးသရောအခါ ကြပ်ပြေးနေပြည်တော်ဝယ် အပိုင်း(၄)
“ဟုတ်ပြီ၊ ဒါဆိုမောင်တို့ဆိုသလိုပေါ့ မောင်တို့ အကန့်အသတ်မရှိချမ်းသာမယ်၊ ဘယ်သူကမှလဲ လာပြီး မစစ်ဆေးတော့ဘူး၊ ပြဿနာ မရှာဘူးဆိုရင် မောင်ရင်တို့အာဏာက ဆင်းပေးမလား”
“ဆင်းလှပြီပေါ့ ဆရာကြီးရယ်၊ တကယ်တော့ ကိုယ့်ပိုင်ဆိုင်ထားတာတွေက အာဏာမရှိတဲ့တနေ့ ပြန်ဆုံးရှုံးမှာ ကြောက်လို့ အာဏာကို ဖက်တွယ် ထားရတာပါ၊ ကိုယ့်ဟာကိုယ် လိုချင်တာရနေရလို့ကတော့ နိုင်ငံအုပ်ချုပ်ရတဲ့ အလုပ်က ပင်ပန်းလွန်းပါတယ်၊ အေးရာအေးကြောင်းပဲ နေချင်ပါတယ်” ဟု ဆာလေးက ပြန်ဖြေလိုက်ရာ အာဆတ်ကလည်း ခေါင်းညိတ်ထောက်ခံလိုက်လေသည်။
“ဒါကြောင့်မို့လည်း မောင်တို့ကို ကျုပ်ရဲ့ ၂၀၀၈ ဖွဲ့စည်းပုံအခြေခံ ဥပဒေကျမ်းကို Reference လုပ်တာပေါ့၊ ဒါကို ကျေညက်အောင် ဖတ်ပါ၊ Analyze လုပ်ပါ၊ ဒီကျမ်းဟာ မောင်ရင်တို့ လိုချင်တာကို ပေးထားတဲ့ကျမ်းပဲ၊ ကိုင်းပြောရရင် မောင်တို့ အာဏာမရှိတော့တဲ့အချိန်မှာ မောင်တို့ရဲ့ ဥစ္စာဓနတွေကို ထိပါးမယ့်သူ ပေါ်လာမှာ ကြောက်တယ်မလား၊ ဒီတော့ ရှင်းရှင်းလေးပဲ၊ မပေါ်အောင်လုပ်ပေါ့၊ ဆိုလိုတာက လူစွမ်းကောင်းမထားနဲ့၊ မောင်ရင်တို့ ကျုပ်ရဲ့ ၂၀၀၈ ကျမ်းကို ကြည့်လိုက် ဘာထူးခြားတာတွေ့လဲ”
“၂၀၀၈ကျမ်းကြီးမှာက အာဏာသုံးရပ် ကွဲသွားတယ်၊ သမ္မတမှာ အာဏာမရှိဘူး၊ လွှတ်တော်နဲ့ တရားစီရင်ရေး မှာလဲ သီးခြားစီ ရှိတယ်၊ ဒါကြောင့် အပြန်အလှန် ထိန်းကျောင်းနေရတဲ့အတွက် ဘယ်သူ့မှာမှ အာဏာမရှိဘူး၊ ဆရာကြီးပြောတဲ့ လူစွမ်းကောင်းမပေါ်ဘူးလို့ ဆိုချင်တာလား ခင်ဗျာ” ဟု ယီမင်သမ္မတ ဆာလေးက မေးလိုက်သည်။
ဆရာကြီးက ခေါင်းတဆတ်ဆတ်ငြိမ့်ရင်း “ ကဲ အမောင်အာဆတ်က ရော ဘယ်လိုမြင်သလဲ “ ဟု တဆက်တည်းမေးလိုက်သည်။
“မှန်ပါ့ ဆရာကြီးခင်ဗျာ၊ လွှတ်တော်မှာက ကြံ့ဖွတ်တွေ အများစုဖြစ်တယ်၊ ဒီတော့ အုပ်ချုပ်ရေးက သမ္မတက ကိုယ့်လူပဲ ဒါဆို တရားစီရင်ရေးလဲ ကိုယ်ပိုင်နေပြီ၊ ဒီတော့ အာဏာကို ထိန်းကျောင်းပေးရုံပဲရှိတော့တယ်၊ ကိုယ့်ကို မထိခိုက်နိုင်တော့ဘူးလို့ ဆိုလိုတာလား ခင်ဗျာ” ဟု အာဆတ်က အဖြေပေးသည်။
ဆရာကြီးက ကွမ်းသွေးထွေးပြန်သည်။ အာဆတ်က ထွေးခံကိုယူပေးလိုက်သည်။ နှစ်ယောက်လုံး ဆရာကြီး၏ အဖြေကို စိတ်လှုပ်ရှားစွာ စောင့်နေကြသည်။ ဆရာကြီးက ကွမ်းသွေးထွေးအာလုတ်ကျင်းရင်းမှ ခေါင်းငြိမ့်၍ စကားပြောရန် ခံတွင်းတစ်ချက်ရှင်းလိုက် ပြန်သည်။
“မောင်ရင်တို့ ပြောတာက ယေဘုယျနည်းပဲ၊ ဒီလိုဆိုရင် နောက်တက်တဲ့အစိုးရထဲမှာ အာဏာရှိတဲ့ကောင်က ကျုပ်ကို ဆော်တော့မှာပေါ့၊ ကျုပ် ပြောတာ လူစွမ်းကောင်း မပေါ်စေချင်တာ၊ ဒီတော့ အာဏာသုံးရပ်ကို ခွဲထားတာ ဟုတ်တယ်၊ ဆိုတော့ ဘယ်သူ့လက်ထဲမှာ အာဏာရှိမှန်း မသိရတော့ ဘူးပေါ့၊ ဒါက ရိုးရှင်းပါတယ်။ တကယ်တော့ ဒီကြံ့ဖွတ်ထဲမှာကို ကျုပ်နေရာ ဆက်ခံချင်တဲ့ကောင်တွေက အများသားမလား၊ ကျုပ်ကလဲ အစတည်းက ဘယ်သူက မင်းလောင်း ဖြစ်တယ်ဆိုတာ ရှင်းရှင်းလင်းလင်း ပြောမထားဘူး၊ ပြောထားရင် အိမ်ရှေ့စံက ကျုပ်ကိုသတ်ပြီး ဘုရင်လုပ်တော့မှာပေါ့၊ ဒီတော့ ဘယ်သူ့မှ အိမ်ရှေ့အရာ မထားဘူး၊ ကျုပ်တို့ဆီမှာက မင်းလောင်းပေါ်ရင်တောင် သတ်ရတာမလား၊ ဒီတော့ မင်းလောင်းဖြစ်ချင်တဲ့ မောင်ခင်ညွန့်ကိုလဲ ဖယ်ရှားလိုက်ရတယ်၊ ဒီတော့ မင်းလောင်းဘယ်သူမှန်းမသိ၊ အိမ်ရှေ့စံ ဘယ်သူမှန်းမသိနဲ့ သူတို့အချင်းချင်း အိမ်ရှေ့အရာအတွက် တစ်ယောက်နဲ့ တစ်ယောက် ရန်ဆောင်လာကြတယ်၊ ခုပဲကြည့်လိုက် သမ္မတ၊ ဒုသမ္မတ၊ လွှတ်တော်ဥက္ကဋ္ဌနဲ့ ပါတီဥက္ကဋ္ဌတွေဟာ နံပါတ် ၁ နေရာအတွက် အချင်းချင်း ပြိုင်နေရပြီ၊ တစ်ယောက် ကဖြူရင်၊ တစ်ယောက်က မည်းနေကြပြီ၊ အကယ်၍ သူတို့သာ ညီညွတ်ပြီး တစ်ယောက်ယောက်က ခေါင်းဆောင်ဖြစ်လာရင် ကျုပ်အတွက် အန္တရာယ်ပဲ၊ ဦးနေဝင်းကို ဦးစောမောင်က ဖြိုတယ်၊ ဦးစောမောင်ကို ကျုပ်ကဖြိုတယ်၊ ဒီတော့ နောက်တက်မယ့်ကောင်က ကျုပ်ကိုဖြိုမှာပေါ့၊ ဒီတော့မဖြိုအောင် နောက်တက်မယ့်သူကို နေရာသတ်မှတ်မပေးဘဲ ပြိုင်ခိုင်းထားလိုက်တာပဲ၊ အထက်ကပြောခဲ့တဲ့ သပ်လျှိုသွေးခွဲသီအိုရီကို တပည့်တွေ ကြားမှာ ချသုံး လိုက်ရတာပဲ၊ အခုဆို ကွဲတာမှ သူတို့ ကြံ့ဖွတ်ချင်းတင်မကဘူး ကြံ့ဖွတ်နဲ့ စစ်တပ်လဲ မတည့်ပြန်ဘူး၊ ဒီတော့ ကြံ့ဖွတ်အမိန့်ကို သူ့ပါတီဝင် ကလည်း မနာခံဘူး၊ စစ်တပ်ကလည်း မနာခံဘူး၊ ဘယ်လောက် သိမ်မွေ့သလဲ၊ သူတို့တင်မကဘူး ကြပ်ပြေးနိုင်ငံရေး အင်အားစုတွေထဲမှာပါ ဒီက၂၀၀၈ ထဲသွားရေး မသွားရေး ကွဲကုန်ကြတယ်၊ ဝင်လာတဲ့အကောင်တွေတောင် သူတို့ကိုယ် သူတို့ခေါင်းဆောင်ဖြစ်မယ် ထင်နေကြတာကိုး၊ မဖြစ်နိုင်ဘူး၊ ဖြစ်နိုင်ရင်တောင် လူစွမ်းကောင်း လုပ်လို့မရဘူး ဒါကို ဒင်းတို့မသိဘူး” ဟုရှည်လျားစွာ ရှင်းပြလိုက်သည်။
ထိုအခါကျမှ ကျောင်းသားနှစ်ယောက်မှာ သူတို့ဆရာကြီး၏ သိမ်မွေ့နက်နဲသော ၂၀၀၈ ဖွဲ့စည်းပုံ အခြေခံ ဥပဒေကျမ်းကြီးကို အံသြဘနန်းဖြစ် သွားရလေသည်။
“ကောင်းပါပြီ ဆရာကြီးခင်ဗျာ။ ဒီလိုဆိုရင် အခုခေါင်းဆောင်မရှိဘူးပေါ့နော်၊ ခေါင်းဆောင်ဖြစ်ဖို့အတွက် ကြပ်ပြေး ပြည်သူတွေက သဘောတူမှ ဖြစ်မယ့်အလားအလာပေါ့ခင်ဗျာ၊ ပြည်သူကြိုက်တာကို လုပ်ရင်းကနေ ဒီမိုကရေစီဆိုတဲ့ စနစ်ကြီးကလဲဖြစ်သွားရော၊ ပြည်သူတွေက ဆရာကြီးကို အရေးယူ ပေးပါလို့ တောင်းဆိုလာရင် ပြည်သူကြိုက်တာလုပ်ပြီး ခေါင်းဆောင်ဖြစ်မယ့်သူက ဆရာကြီးကို အန္တရာယ်မပြု နိုင်ဘူးလားခင်ဗျာ၊ ဥပမာ ဆရာကြီး သန်းရွှေကို ခုံရုံးတင်နိုင်မယ့်သူဟာ ပြည်သူ့ခေါင်းဆောင် ဖြစ်မယ်ဆိုပါတော့၊ ဆရာကြီးအတွက် ရန်သူတွေ များမလာဘူးလား” ဟု အတွေး ကောင်းသည့် အာဆတ်က မေးပြန်လေသည်။
“ဒီလိုမဖြစ်ပါဘူး၊ အကယ်၍ ဖြစ်ခဲ့ရင်လည်း ကျုပ်မှာ ဒုတိယလမ်းကြောင်းရှိပါတယ်၊ ဒါကတော့ ကိုယ့်ရဲ့ပိုင်ဆိုင် မှုတွေကို ပေါက်ဖော်ပြည်မှာ ရွှေ့ထားလိုက်တာပဲ၊ မိုးမပြိုဘူး၊ ပြိုခဲ့သည်ရှိသော် ကျုပ်သည် ပေါက်ဖော်နိုင်ငံမှာ ဇောတိကသူဌေးဘွဲ့ခံပြီး နေဦးမှာပဲ၊ ပေါက်ဖော် နန်းတွင်းမှာတောင် သက်တော်ရှည်ပညာရှိ ဖြစ်နိုင်တာပဲ၊ ဒါက လက်တွေ့ စမ်းသပ်ပြီးပါပြီ၊ ကျုပ်တပည့်ဟောင်း အမောင်တို့ စီနီယာ ပါဗက်မူရှာရက် သိတယ်မလား၊ ပါကစ္စတန်က ဘုရင်ပေါက်စပေါ့၊ သူ့ကို စစ်သေနာပတိကဘဝကနေ သံချပ်ကာချွတ်ပြီး တောင်ရှည် ခေါင်းပေါင်းဝတ်ခိုင်းကြည့်တယ်၊ နောက် တစ်ချက် မူရှာရက်နဲ့ ကျုပ်နဲ့တူတာက သူ့မှာလဲ တိုင်းရေးပြည်ရာကျွမ်းတဲ့ အမျိုးသမီး ရန်သူတစ်ဦး ရှိတယ်၊ ကျုပ်မှာလည်း အဲလို အမျိုးသမီး ရန်သူရှိတယ်၊ ဒီတော့ မူရှာရက်ကို တောင်ရှည်ခေါင်းပေါင်း လဲခိုင်းတယ်၊ အဲ့ဒီအမျိုးသမီးကို အစဖျောက်ဖို့ တိုက်တွန်း လိုက်တယ်၊ ဘယ်လိုတုံ့ပြန်မှုတွေ ရှိနိုင်မလဲလို့၊ မူရှာရက်ဟာ အာဏာကို အချိန်အတိုင်းအတာတစ်ခုထိ ဆက်မြဲခဲ့တယ်၊ အမျိုးသမီးကိုလဲ ရှင်းနိုင်ခဲ့တယ်၊ ဒါပေမယ့် တိုင်းပြည်မတည်မငြိမ်ဖြစ်လာတော့ အထုပ်ပိုက်ပြီး အင်္ဂလန်ကျွန်းကို ထွက်ပြေးသွားတယ်၊ ဒီမှာ ကျုပ်အနေနဲ့ မူရှာရက်ကို ပေးတဲ့အကြံတွေထဲမှာ ဘာတွေမှားသွားလဲဆိုတာ ကြည့်ပြီး ဗျူဟာတွေကို အပြောင်းအလဲလုပ်ခဲ့ရတယ်၊ သင်ခန်းစာအချို့ ရလိုက်တယ်ဆိုရမယ်” ဟု ဆရာကြီးက အဖြေ ပေးလေသည်။
“ဘယ်လိုအပြောင်းအလဲ လုပ်တာလဲ ဆရာကြီးခင်ဗျာ” ဟု နားထောင်သူ ဆာလေးက မေးလိုက်သည်။
“အမျိုးသမီးကို ရှင်းမယ့် အကြံအစည်စွန့်လွှတ်လိုက်တယ်၊ မူလက ကျုပ်လဲကျုပ်ရန်သူ အမျိုးသမီးကို ရှင်းဖို့ ကြံသေးတယ်၊ ဒီပဲယင်းမှာ၊ ဒါပေမယ့် ဘနာဇီယာဘူတို ကိစ္စပြီးတော့၊ ဒါကိုပြောင်းလိုက်တယ်၊ ပြီးတော့ မူရှာရက် လိုမနေဘဲ မပြုတ်ခင်တည်းက အခြေမပျက်ဆင်းလို့ရအောင် ကြံတယ်၊ ပြည်ပလဲ ပြေးစရာမလိုအောင်ပေါ့၊ ဒီအကြံအစည်ကို အင်ဒိုနီးရှားက တပည့်တစ်ယောက်ကိုပေးပြီး စမ်းသပ်ကြည့်တယ်” ဟု ဆရာကြီးက အဖြေပေး လိုက်ရာ ဆာလေးက မျက်လုံးပြူးသွားပြီး
“အလိုလေး၊ ဒီလိုဆို အင်ဒိုနီးရှားကို ကြပ်ပြေးက အတုယူရမယ်ဆိုတာ မဟုတ်ဘူးပေါ့၊ အင်ဒိုနီးရှားကို ဆရာကြီးက အကြံပေးခဲ့တာဆိုတော့”
“ဟားဟား၊ အ,ရန်ကော အမောင်ရယ်၊ ကျုပ်က မသေချာရင် ဘာမှမလုပ်ဘူး၊ ဒါကြောင့် အင်ဒိုနီးရှားကို အရင် စမ်းခိုင်းလိုက်တာ၊ သူတို့ဆီမှာ မဆိုးဘူးဆိုမှ ကျုပ်ဆီမှာ ကျင့်သုံးတာ၊ ကြည့်လေ ကျုပ်လုပ်ထားသလိုပဲ တစ်ပုံစံတည်းပဲ၊ အစက သူတို့ဆိုရင် လွှတ်တော်မှာ စစ်သူကြီး ၆၀ရာခိုင်နှုန်း လောက် ပါတယ်၊ ဂိုကာပါတီက အများစုနိုင်တယ်၊ ကျုပ်ကတော့ လိုတိုးပိုလျော့လုပ်ပြီး စစ်တပ်က ၂၅ရာခိုင်နှုန်းနဲ့၊ ကြံ့ဖွတ်ကို ပိုယူထားတယ်၊ ဗျူဟာနည်းနည်းလေး ပြောင်းလိုက်တာပါ။ သူတို့ထက်တောင် ခေတ်မှီသေးတယ်မဟုတ်လား”ဟု ဆရာကြီးက ပြန်ဖြေလိုက်ရာ ကျောင်းသားနှစ်ဦးမှာ ဆရာ ကြီး၏ အကွက်ရွှေ့မှော်ပညာများကို ကြက်သီးဖျန်းဖျန်း ထသွားလေတော့သည်။
ဆရာကြီးမှာ ပတ္တမြားစီထားသော ကွမ်းအစ်ထဲမှ ကွမ်းကိုယာနေစဉ် တပည့်နှစ်ယောက်မှာလည်း ယနေ့ပေးသော သင်ခန်းစာအကြောင်းကို ဥာဏ်ဖြန့်ကျက် တွေးတောနေလေသည်။ ထိုစဉ်မှာပင် ဗဟိုရ်စည်မှ နေ့မွန်းတည့် ၁၂ချက် တီးသံကို ကြားလိုက်ရလေသည်။
ဆရာကြီးက ကွမ်းကို ပါးစပ်ထဲထည့်ဝါးလိုက်ပြီး “ကဲ မောင်တို့လဲ ဒီနေ့ လေယာဉ်တော်အမှီ ပြန်ရမှာဆိုတော့ ထမင်းစားပြီးမှ ပြန်ကြတော့၊ ထမင်းစားချိန်လဲနီးပြီ ဒီနေ့သင်ခန်းစာကနေ မောင်တို့ဘာရလိုက်သလဲ ကျုပ်ကို အနှစ်ချုပ် ပြောကြည့်ပါဦး၊ ကျုပ်ကလိုတာ ဖြည့်ပေးမယ်။ ဒါပြီးရင်တော့ ဆရာတပည့်သုံးယောက် ထမင်းလက်ဆုံစားကြတာပေါ့၊ မောင်တို့ကို ကျုပ်နဲ့ စားပွဲတစ်ဝိုင်းတည်း စားခွင့်ပြုမယ်” ဟု ဖြေးဖြေးချင်းပြောလိုက်ရာ ကျောင်းသားနှစ်ယောက်မှာ ဒိသာပါမောက္ခကြီးနှင့် တစ်ဝိုင်းတည်း ပွဲတော်တည်ခွင့်ရခြင်းသည်ပင် သေရကျိုးနပ်ပြီဟု အပျော်လုံးတွေ ဆို့သွားကြ လေသည်။
စာတော်သော မောင်အာဆတ်က “မှန်ပါ့ဆရာကြီးခင်ဗျာ ဒီနေ့ ဆရာကြီးပေးတဲ့ လက်ချာထဲမှာ အာဏာကို ချုပ်ကိုင်ခဲ့ပုံတွေ ပါပါတယ်၊ အခြေအနေအရ အပြောင်းအလဲ လုပ်ရမယ့်အချိန်မှ အာဏာကို နောက်ကနေ ထိန်းကျောင်းတဲ့ အဆင့်မှာ ဝင်နေလိုက်တယ်၊ အာဏာခုံကနေ စနစ်တကျ ဆုတ်ခွာရာမှာ ပြည်တွင်းမှာ အခြေမပျက်နေရန်နဲ့ ပြည်ပကို ထွက်ပေါက်ရမယ့် အခြေအနေကိုလည်း ဖန်တီးထားပါတယ်၊ နောက်ထပ် ကိုယ့်ကို အန္တရာယ် ပေးမယ့် လူစွမ်းကောင်း မပေါ်အောင် အကြမ်းနည်းသီအိုရီဖြစ်တဲ့ ဗြောင်လိမ်ဗြောင်စားသီအိုရီ၊ အနုနည်းဖြစ်တဲ့ သပ်သျှိုသွေးခွဲသီအိုရီ စသည်ဖြင့် ဝေဝေဆာဆာ သုံးထားတယ်၊ အခင်းအကျင်းတွေ ကောင်းဖို့ ၂၀၀၈ ဖွဲ့စည်းပုံအခြေခံ ဥပဒေကျမ်းကြီးကို ပြုစုပြီး အခြားနိုင်ငံတွေမှာ လက်တွေ့ စမ်းသပ်ပြီးမှ လိုတိုးပိုလျော့လုပ်ပြီး ဗျူဟာကို အပြောင်းအလဲလုပ် ကျင့်သုံးသွားတာကို တွေ့ရပါတယ်။ ဒါကြောင့် အခုအချိန်ထိ ဆရာကြီးသည် အာဏာ မရှိ သည့်တိုင် ကိုယ့်ရဲ့ဥစ္စာဓနနဲ့ အသက်စည်းစိမ်အိုးအိမ်ကို ထိပါးမယ့်သူ မရှိဘဲ အေးချမ်းစွာနေနိုင်တယ်လို့ ကောက်ချက်ချရမှာဖြစ်ပါတယ်” ဟု အနှစ်ချုပ် သုံးသပ်ပြလိုက်လေသည်။
“ကောင်းလှပြီ အမောင်အာဆတ် တော်ပေတယ်၊ ကျုပ်မှာထပ်ဖြည့်ပြောစရာက အခုလို အခင်းအကျင်း ကနေ တဆင့် ယုန်ထောင် ကြောင်မိဆိုသလို လက်ရှိအစိုးရဟာ ဒီမိုကရေစီအစိုးရဖြစ်အောင် ကြိုးပမ်းနေကြတယ်၊ ဖြစ်ရင်လည်း ကျုပ်သေပြီး ဆယ်နှစ်လောက်မှ ဖြစ်လိမ့်မယ်၊ ဘာပဲပြောပြော ကျုပ်ဟာ ကြပ်ပြေးမှာ ဒီမိုကရေစီထွန်းကားဖို့ လုပ်ဆောင် ခဲ့တဲ့သူကြီးဆိုတဲ့ ဂုဏ်သတင်း ဟာလဲ ဥဒါန်းတွင်ရစ် တော့မယ်၊ ဒါကြောင့်မောင်တို့လဲ မောင်တို့အနေနဲ့ ဘာလုပ်ရမယ် ဆိုတာ သိပြီးဖြစ်မယ်၊ ဒီတော့ ကိုယ့်အရပ်နဲ့ ကိုယ့်ဇာတ်နဲ့ကိုက်အောင် ကျုပ်ရဲ့သင်ခန်းစာတွေကို ရေလဲသုံးကြပေတော့၊ ကိုင်းမွန်းလဲတည့်ပြီ ထမင်းဆောင်ကို သွားကြစို့ရဲ့” ဟု ဆရာကြီးက ပြောပြောဆိုဆို နိဂုံးချုပ်လိုက်ပြီး ထမင်းစားဆောင်သို့ ကြွဟန် ပြင်လေသည်။ တပည့်နှစ်ယောက်ဖြစ်သော အာဆတ်နှင့် ဆာလေးတို့မှာ ဆရာကြီး သလွန်မှမထမီ ခြေအစုံကို ထိခြင်းငါးပါးဖြင့် ကန်တော့ လိုက်ကြလေသည်။
“အိမ်းသာဓု၊ သာဓု၊ သာဓုကွယ် သွားလေရာ၊ လာလေရာ လမ်းတလျှောက် ခလုတ်မထိ၊ ဆူးမငြိ၊ ဘေးကင်းပါစေကွယ်၊ ဆရာ့ထက် လက်စောင်း ထက်သော အကွက်ရွှေ့တော်သူများ ဖြစ်ကြပါစေကွယ်” ဟု ဆရာကြီးက ဆုပေးလိုက်ရာ တပည့်နှစ်ဦးမှာ ခန္ဓာကိုယ် တစ်ကိုယ်လုံးရှိ သွေးကြောများမှ သွေးတွေ ဆူပွက်သွားသည်အထိ နှစ်ထောင်းအားရ ဖြစ်သွားလေတော့သည်။
ကြပ်ပြေးတက္ကသိုလ်၏ ထမင်းစားဆောင်သို့ ဒိသာပါမောက္ခကြီး ဦးသန်းရွှေ ကြွချီလာရာ အနောက်က တပည့်နှစ်ဦးဖြစ်သည့် အာဆတ်နှင့် ဆာလေးတို့က ရိုရိုကျိုးကျိုး လိုက်ပါလာကြလေသည်။ ထမင်းစားဆောင်သို့ သွားရာ လမ်းတလျှောက်တွင် ဆရာကြီး၏ ခေါင်းထဲတွင် တွေးနေသော အတွေးစအချို့ ရှိနေပေသည်။ ထိုအတွေးစများမှာကား
“အိမ်းမောင်တို့ရေ၊ ဆရာစားချန်တယ်လို့တော့ မထင်နဲ့၊ မောင်တို့ အရှေ့အလယ်ပိုင်းရပ်ဝန်းမှာ လုံးဝငြိမ်သက် နေလို့လဲ မဖြစ်နိုင်ပြန်ဘူး၊ ဒီတော့ တချို့ကိစ္စတွေမှာ မောင်တို့အတွက် စင်းလုံးချောဖြစ်မယ့် အကွက်တွေကို ချန်ထားခဲ့ရတယ်၊ မောင်တို့ဒေသမှာ အေးချမ်းနေရင် အနောက်က ကမ္ဘာ့ ပုလိပ်များအဖွဲ့ဟာ ကျုပ်ကို ရန်ရှာကြဦးမှာမလား၊ ဒီတော့ မောင်တို့နဲ့သူတို့ ဘယ်သူမှ အနိုင်မရအောင် ပေါက်ဖော်တွေကို မောင်တို့ဒေသမှာ ပါဝင် ပတ်သက်ခိုင်းထားရတယ်၊ ဒါကကျုပ်ထွင်ထားတဲ့ အရှေ့အလယ်ပိုင်း ဂျာအေးသူ့ အမေရိုက် သီအိုရီနဲ့ အာရပ်အခက်၊ ကြပ်ပြေးအချက် ဆိုတဲ့ သီအိုရီ ပ၊ဲ မောင်တို့ကို ဒီအကြောင်း မပြောခဲ့တာတော့ ခွင့်လွှတ်ကြပေတော့ မောင်ရင်တို့”
(ပြီးပါပြီ)
*************************************************************************************
Google Docs makes it easy to create, store and share online documents, spreadsheets and presentations.
