Posts
 | yangonchronicle2011 Op-Ed |
၂၇.၁.၂၀၁၂
ဆောင်းပါးကဏ္ဍ
- ဒီမိုကရေစီနှင့် ပြည်သူ့လွတ်လပ်ခွင့်
*************************************
ဆောင်းပါးကဏ္ဍ
ဒီမိုကရေစီနှင့် ပြည်သူ့လွတ်လပ်ခွင့်
ရဲကျော်ခေါင်
(ဇန်နဝါရီ ၂၆ ထုတ် ပြည်သူ့ခေတ်ဂျာနယ် အတွဲ(၂) အမှတ် (၇၉) မှ ထုတ်ယူဖော်ပြသည်)
မျက်မှောက်နိုင်ငံရေးလမ်းကြောင်းသည် ဒီမိုကရေစီကို ဦးတည်သည်။ ဒီမိုကရေစီဆိုသည်နှင့် လွတ်လပ်မှု အခွင့်ရေး ပါရှိလာစမြဲ။ ဒီမိုကရေစီ လမ်းကြောင်းတွင် ပြည်သူတို့ လွတ်လပ်စွာ ပြောဆို၊ ရေသား၊ စုဝေးနိုင်ကြရပေမည်။ မြန်မာ့သမိုင်း ခရီးစဉ်တွင် နှစ်ပေါင်း ၅၀ ကျော် လွတ်လပ်ခွင့်များကို ကန့်သတ်ခံခဲ့ရသည်။ နိုင်ငံရေး၊ စီးပွားရေးနှင့် လူမှုရေးအဝဝ၌ မလှုပ်သာရှိခဲ့သည်။ ယခုအခါ ဖြေလျှော့မှုများ၊ ပြောင်းလဲမှုများ တစ်တစ်စ တွေ့မြင်လာ ခဲ့ရပေပြီ။
ဒီမိုကရေစီစံနှုန်း
နှစ်ပေါင်းများစွာ ပုံစံခွင်အတွင်းကျခဲ့ရသော အနေအထားမှ အချိန်တိုအတွင်း အပြောင်းလဲများကို တွေ့လာခဲ့သည်။ သတင်းမီဒီယာကဏ္ဍတွင် ဒီမိုကရေစီနှုန်းမဟုတ်သည့်တိုင် ပြည်သူတို့အတွက် ကျေနပ်ဖွယ် အဆင့်တစ်ခု ပ်ိုရောက်ရှိလာခဲ့ပြီဟု ဆိုရပေမည်။
ယနေ့နိုင်ငံရေးလမ်းကြောင်းတွင် ပြည်သူတို့အား သတင်းမီဒီယာများက ဝန်းရံထားနိုင်သကဲ့သို့ ပြည်သူတို့၏ ခံစားမှု၊ နစ်နာမှု၊ ဆုံးရှုံးနေရမှု များကို မီးမောင်းထိုးပြနိုင်လာသည်ကို တွေ့ရသည်။
ထုတ်ဖော်လာကြ
ပြည်သူများအပိုင်းကလည်း ယခင်ကာလများကကဲ့သို့ တုဏိဘော မနေကြတော့ဘဲ ဖြစ်သင့်၊ ဖြစ်ထိုက်သည်များကို ဖွင့်ဟပြောကြား လာကြသည်။ စိုးရိမ်ကြောက်ရွံ့သော အတွင်းစိတ်ကို ပယ်ရှား၍ ရဲဝံ့စွာ ထုတ်ဖော်လာကြသည်ကို တွေ့ရသည်။ မိမိတို့ တွေ့အကြုံခံစားနေရသော အခက်အခဲ၊ အကျပ်အတည်းများကို ကျိုးကြောင်းသင့်စွာ ပြောဆိုလာကြသည်။
ဤနေရတွင် သတင်း မီဒီယာ၏ အခန်းကဏ္ဍကို ထင်ရှားစွာ တွေ့လာရသည်။ ပြည်သူတို့၏အသံကို မီဒီယာများက ဖော်ပြလာကြသည်။ တိုးတိုးတစ်ဖုံ၊ ကျယ်ကျယ်တစ်မျိုး ဖြစ်ပေါ်လာခဲ့သည်။
လူ့ဂုဏ်သိက္ခာ
ဒီမိုကရေစီ၏ အင်္ဂါရပ်ဖြစ်သော လူသားတစ်ဦး၏ ဂုဏ်သိက္ခာကို တန်ဖိုးထားမြှင့်တင်နိုင်ရန် သတင်းမီဒီယာတို့က ကြားခံပေါင်းကူးတံတား သဖွယ် ဖြစ်တည်လာသည်။ နိုင်ငံတော်၏ အုပ်ချုပ်မှု၊ တရားစီရင်မှုတို့ကို စောင့်ကြည့်ရသော မဏ္ဍိုင်ကြီးသည် အားကောင်းမောင်းသန်ပ်တည်လာခဲ့သည်။ စတုတ္ထ မဏ္ဍိုင်၏ ဘူမိ နက်သန် နေရာမှန်သို့ ရောက်ရှိခဲ့ပေပြီ။
ပြည်သူတစ်ဦးချင်းမှသည် လူ့အဖွဲ့အစည်းတစ်ရပ်၏ စည်ပစ်ဝပြောမှုသည် ဒီမိုကရေစီပေါ်တွင် အခြေပြုရပေရာ ပြည်သူ့အား၊ ပြည်သူ့ပါဝင်မှု၊ ပြည်သူတို့၏ ထောက်ခံမှုဖြင့်သာ လူ့ဘောင်ဘဝ ဖွံ့ဖြိုးဝေစည်လာနိုင်ပေလိမ့်မည်။
အတိတ်ကာလက ပြည်သူအများစုသည် နိုင်ငံရေးကို ကြောက်ရွံ့ကာ ရှောင်လွှဲလိုကြသည်။ နိုင်ငံရေးနှင့် အကျဉ်းထောင်ကို ယှဉ်တွဲ မြင်တက်ကြ စမြဲ၊ တစ်ဖက်တွင် ကြောက်တတ်ပါက ဝန်ကင်းသည်ဟူသော အယူလွဲက ရှိခဲ့ပြန်သည်။
တိုင်းရေးပြည်ရေး
ယနေ့ချိန်ခါတွင် ပွင့်လင်းလာသော နိုင်ငံရေးတွင် ပြည်သူများက တက်ကြွစွာ ပါဝင်လိုလာကြသည်။ နိုင်ငံရေးသည် တိုင်းရေးပြည်ရေး၊ လူဘောင် ဘဝကို ဖွံ့ဖြိုးစေသော လုပ်ငန်းစဉ်အဖြစ် သိမြင်လုပ်ကိုင်လာကြသည်။
အထူးသဖြင့် သတင်းမီဒီယာနယ်ပယ်မှ မျိုးဆက်သစ် လူငယ်များ၏ ကြိုးပမ်းဆောင်ရွက်မှုကား အံ့မခန်းပင်။ ထက်မြင် စူးရှသောအမြင်ဖြင့် ပုံနှိပ် စာလုံးများကို ဖော်ဆောင်လာကြသည်ကို အားရကျေနပ်ဖွယ် တွေ့မြင်ဖတ်ရှုနေရပေပြီ။ ရဲရဲတွေးကြသကဲ့သို့ ရဲရဲလည်း ရေးသားလာကြသည်။ စာပေ ဗဟုသုတ ဖတ်ရှုစေ့ငု ကြသည်နှင့်အမျှ တွေးခေါ်မြော်မြင်မှုအဝဝ ရင့်သန်တက်ကြွလာကြသည်ကို တွေ့ရသည်။
ပရဟိတလုပ်ငန်း
ပြည်သူများ၏ အသိဉာဏ်ပညာ တိုးပွားရင့်သန်လာသည်နှင့်အမျှ ဒီမိုကရေစီသည် ပွားစီးရှင်သန်လာမည်သာ ဖြစ်သည်။ ပြည်သူတစ်ဦးချင်း၏ ပေါင်းစည်းစွမ်းပကားဖြစ်သော ရင့်ကျက်သည်းခံ ဇွဲအားသန်မှု၊ စိတ်ဝင်တစား ဆောင်ရွက်လာမှုနှင့် အများအကျိုးဆောင်ကြဉ်းလိုသော ပရဟိတလုပ်ငန်း နယ်ပယ်၌ ရွက် ဆောင်နိုင်မှုတို့သည် ဒီမိုကရေစီအောင်မြင်ှုအတွက် အဓိက မဏ္ဍိုင်များဖြစ်ကြသည်။
ဒီမိုကရေစီ၏ ဆောင်ပုဒ်သည် ‘ပြည်သူ့ဆန္ဒသာ’ အစစ်အမှန်ဖြစ်သည်။ တနည်းဆိုရသော် ဒီမိုကရေစီ၏ ကြွေးကြော်သံသည် ပြည်သူတို့၏ လိုအင်ဆန္ဒအပေါ်၌သာ အခြေခံသည်။ အာဏာရှင်နိုင်ငံများတွင် အာဏာပိုင်တို့၏ ဖိနှိပ်ချယ်လှယ်မှုကို ပြည်သူတို့ခေါင်းငုံ့ခံကြရသည်။ ပါးစပ်ကိုပင် မဟဝံ့ကြ။ ထိုသို့သော နင်းပြား ခံဘဝတွင် ပြည်သူတို့၏ ဒီမိုကရေစီ ကြွေးကြော်သံများ ပဲ့တင် မြည်ဟည်း ဘဝဂ်ညံလာခဲ့ပြီ။
ဖြတ်သန်းခဲ့ရ၏
မိမိတို့ မြန်မာနိုင်ငံသည်လည်း လွတ်လပ်သော နိုင်ငံတစ်နိုင်ငံအဖြစ် ၆၄ နှစ်ကျော်ကာလတိုင်ခဲ့ပြီ ဖြစ်သော်လည်း ဖွံ့ဖြိုးတိုးတက်သော နိုင်ငံ တစ်နိုင်ငံအဖြစ် မရပ်တည်နိုင်သေး။ အတားအဆီးအနှောက်အယှက်၊ အကန့်အသတ်တို့ဖြင့် သံသရာလည်နေခဲ့သည်မှာ ဆယ်စုနှစ် ငါးစုမျှ ဖြတ်သန်းခဲ့ရသည်။
ယနေ့မူ ဒီမိုကရေစီ ရောင်ခြည်သမ်းလာခဲ့ပေပြီ။ အရပ်သား အစိုးရတစ်ရပ်ပေါ်ထွန်းလာခဲ့သည်။ အနှစ်နှစ်အလလက စောင့်မျှော်ခဲ့ကြရသော ခေတ်စနစ်သို့ ကူးပြောင်းလာနိုင်ခဲ့သည်။ လွတ်လပ်သော လူ့အဖွဲ့အစည်းတစ်ရပ်အတွင်း ဒီမိုကရေစီ အခွင့်အရေးများ တစ်စတစ်စ တွေ့မြင်လာရသည်။
အားမာန်ကိုယ်စီ
မလွတ်လပ်သော အကျဉ်းစံများ လွတ်မြောက်လာခဲ့ကြပါပြီ။ သတင်းမီဒီယာကလောင်းများကလည်း ပြည်သူ့ရှေ့မှ မားမားမတ်မတ် ကြံ့ကြံ့ခိုင်ခိုင် ရပ်တည်ရေးသား လာကြသည်။ ပြည်သူတို့ မျှော်လင့်တောင့်တနေကြသော ပြည်သူ့ခေတ်သို့ အရောက်လှမ်းနိုင်ရန် အားမာန်ကိုယ်စီ နိုးကြားလာခဲ့ကြပြီ မဟုတ်ပါလော။
*************************************************************************************
Google Docs makes it easy to create, store and share online documents, spreadsheets and presentations.
