Posts
 | yangonchronicle2011 |
၁၇.၂.၂၀၁၂
ပြည်တွင်းသတင်းများ
- ရွှေညဝါဆရာတော် ဆွမ်းခံကြွရာ၌ ဝတ္ထုငွေသိန်းချီရသော်လည်း လှိုင်သာယာမီးဘေးသို့ လှူဒါန်း
- ကုန်စည်စီးဆင်းမှု ပိတ်ဆို့သည့် (NTBs) ဖယ်ရှားရေး မြန်မာသုံးနှစ်အချိန်ယူမည်
- အာဏာပိုင်အဖွဲ့အစည်းများမှ ရှမ်းလယ်မြေများ သိမ်းယူရန် ကျောက်တိုင်စိုက်ထူ
ပြည်တွင်းပါတီ၊ နိုင်ငံရေးသတင်းများ
- လွတ်လပ်စွာစည်းရုံးမဲဆွယ်ခွင့်ကို ထိခိုက်နေဟု ဒေါ်အောင်ဆန်းစုကြည် ပြောပြီ
- တိုင်းလိုင်(ရှမ်းနီ) ပါတီတည်ထောင်ခွင့်ရရှိ
သတင်းနှင့် ဆောင်းပါးများမှ ကောက်နှုတ်ချက်များ
*****************************************
ပြည်တွင်းသတင်းများ
ရွှေညဝါဆရာတော် ဆွမ်းခံကြွရာ၌ ဝတ္ထုငွေသိန်းချီရသော်လည်း လှိုင်သာယာမီးဘေးသို့ လှူဒါန်း
ဖေဖော်ဝါရီ ၁၉ရက်နေ့တွင် သာဓုကျောင်းတိုက်မှ ထွက်ခွာပေးရမည့် ရွှေညဝါဆရာတော် ဦးပညာသီဟသည် ကျောင်းတိုက်မှ မထွက်ခွာမီ အချိန်အတွင်း ၎င်း၏ ဒကာ/မများအား နှုတ်ဆက်သည့်အနေဖြင့် ကျောင်းတိုက်မှ အရပ်လေးမျက်နှာအား လှည့်လည်၍ ရာနှင့်ချီသော သံဃာများနှင့် အတူ ဆွမ်းခံကြွခဲ့သည်ဟု သိရသည်။
“ဆရာတော်က ၁၅၊ ၁၆၊ ၁၇၊ ၁၈ရက်တွေမှာ ဆွမ်းခံကြွခဲ့တာဖြစ်တယ်။ အဲဒီလို ဆွမ်းခံကြွရောက်တဲ့အခါမှာ ဆွမ်းတွေ၊ ဝတ္ထုတွေ၊ ဘုန်းကြီး အသုံးအဆောင်တွေလည်း လှူကြတယ်။ ဒကာ၊ဒကာမတွေလည်း တော်တော်ကြီးကို စိတ်မကောင်းဖြစ်နေကြတယ်။ တစ်ချို့ဆိုရင် ဆွမ်းလှူရင်းနဲ့ ငိုတောင်ငိုတယ်”ဟု ကမာရွတ်မြို့နယ်မှ မိန်းမတစ်ဦးမှ ပြောကြားသည်။
ရွှေညဝါဆရာတော်သည် ဒကာ/မများမှ လှူဒါန်းသည့် ဝတ္ထုငွေစုစုပေါင်း သိန်းချီရရှိခဲ့သော်လည်း ထိုဝတ္ထုငွေများနှင့် ဆွမ်းနှင့် ဆွမ်းဟင်း များအား လှိုင်သာယာ မီးဘေးဒုက္ခသည်များသို့ ပြန်လည်ဝေငှလှူဒါန်းခဲ့သည်ဟုလည်း သိရသည်။
ထို့နောက် ဖေဖော်ဝါရီလ ၁၆ရက်နေ့တွင် ရွှေညဝါဆရာတော်ထံသို့ ရန်ကုန်တိုင်းအစိုးရအဖွဲ့မှ ဝန်ကြီးတစ်ဦးနှင့် ခရိုင်အုပ်ချုပ်ရေးမှူးတို့မှ လာရောက်၍ ဆရာတော်အနေဖြင့် နိုင်ငံရေးသမားများ၏ အသုံးချခံမဖြစ်စေရန် တိုင်းဝန်ကြီးချုပ်မှ လာရောက်လျှောက်ထားခိုင်းခြင်းဖြစ်ကြောင်းနှင့် ဆရာတော်မှလည်း ၎င်းအနေဖြင့် နိုင်ငံရေးလုပ်ခြင်းမဟုတ်ဘဲ လှိုင်သာယာ မီးဘေးဒုက္ခသည်များအား ကူညီရန်အတွက် ဆွမ်းခံကြွရခြင်းဖြစ်ကြောင်း လည်း ဆရာတော်မှ မိန့်ကြားသည်။
ထိုသို့ ဆွမ်းခံထွက်ရာတွင် နိုင်ငံရေးအကျဉ်းသားဟောင်းများဖြစ်ကြသည့် ၈၈မျိုးဆက်ကျောင်းသားများ၊ ဗမာ နိုင်ငံလုံးဆိုင်ရာ ကျောင်းသား သမဂ္ဂများအဖွဲ့ချုပ်မှ အဖွဲ့ဝင်များ၊ GWမှ မျိုးဆက်သစ်လူငယ်အချို့နှင့် သံလျင်မှ ကရုဏာ အဖွဲ့လူငယ်များမှလည်း ဆွမ်းခံကြွသည့် သံဃာများအတွက် ဝေယျာဝစ္စနှင့် ပတ်သက်၍ ပါဝင်ကူညီမှုများ ပြုလုပ်ခဲ့သေး သည်ဟုလည်း သိရသည်။
ရွှေညဝါဆရာတော်သည် လောလောဆယ်အချိန်တွင် သီတင်းသုံးရန်အတွက် ပြင်ဆင်မှုများ မလုပ်ရသေးသည့်အတွက် မှော်ဘီမှ ဒကာများ လှူထားသည့် ခြံထဲတွင်ရှိသော သစ်ပင်တစ်ပင်အောက်တွင် သီတင်းသုံးမည်ဖြစ်ပြီး ဆရာတော်နှင့်အတူ စာသင်သားသံဃာ အပါး ၁၀၀ကိုလည်း ခေါ်ဆောင်သွားမည်ဟုလည်း သိရသည်။
“စာသင်သားသံဃာတွေအကုန်လုံးကို ခေါ်သွားမှာ။ မခေါ်သွားရင်လည်း သူတို့တွေနေဖို့အတွက် အခက်အခဲ ဖြစ်လိမ့်မယ်။ ကျုပ်ကတော့ အမြန်ဆုံး သီတင်းသုံးနိုင်ဖို့အတွက် အဆောက်အဦးကို ချက်ချင်း ပိုက်ဆံပေးပြီး ဆောက်ခိုင်းရမှာပဲ။ ဆောက်နေတဲ့အချိန် လောလောဆယ်မှာတော့ သစ်ပင်အောက်မှာပဲ နေရမယ်”ဟု ၎င်းမှ မိန့်ကြားသည်။
ရွှေညဝါဆရာတော် အရှင်ပညာသီဟအား၂၀၁၁ခုနှစ် ဖေဖော်ဝါရီလထဲတွင် တရားဟောခွင့် တစ်နှစ်ပိတ်ခံထားရ ပြီးနောက် ယင်းနှစ် နိုဝင်ဘာလထဲတွင် တရားဟောခွင့်အား တစ်နှစ်ထပ်မံပိတ်ပင်ခံခဲ့ရသည်ဟုလည်း သတင်းဖော်ပြချက် များအရ သိရသည်။
ATM
-----------------------------------------------------------------------------------------------------------------------------------
ကုန်စည်စီးဆင်းမှု ပိတ်ဆို့သည့် (NTBs) ဖယ်ရှားရေး မြန်မာသုံးနှစ်အချိန်ယူမည်
မြန်မာနိုင်ငံ၏ စီးပွားရေးဖွံ့ဖြိုးတိုးတက်ရေးအတွက် ပြည်ပနိုင်ငံသို့ ကုန်စည်များ ပို့ဆောင်ရာတွင် ပိတ်ဆို့လျက်ရှိသည့် အကောက်အခွန် မပာုတ်သော အတားအဆီး (NTBs) များကို ဖယ်ရှားနိုင်ရန် သုံးနှစ်အချိန်ယူ၍ ဆောင်ရွက်သွားမည်ဖြစ်ကြောင်း နိုင်ငံခြား စီးပွားရေးနှင့် ဆက်သွယ်ရေး ဦးစီးဌာနမှ တာဝန်ရှိသူတစ်ဦးက ပြောကြားသည်။
ထိုသို့ အကောက်အခွန်မပာုတ်သော အတားအဆီး(NTBs)များ ဖယ်ရှားရခြင်းမှာ မြန်မာနိုင်ငံ၏ နိုင်ငံခြားပို့ကုန် ကဏ္ဍများတွင် ကုန်စည် လျင်မြန်စွာ စီးဆင်းနိုင်စေရေးအတွက် ၎င်းကိစ္စရပ်များမှာ အခက်အခဲတစ်ခု ဖြစ်နေသည့်အတွက်ကြောင့်ဖြစ်ပြီး မကြာမီ အာဆီယံ နိုင်ငံများအတွင်း ဖြစ်ပေါ်လာမည့် အာဆီယံဒေသတွင်း လွတ်လပ်စွာကုန်သွယ်ခွင့် (AFTA)၌ မြန်မာလုပ်ငန်းရှင်များမှ နိုင်ငံခြားကုန်သွယ်မှုများကို ယှဉ်ပြိုင်နိုင်စေရေး အတွက်ဖြစ်ကြောင်း သိရသည်။
အကောက်အခွန်မပာုတ်သော အတားအဆီး(NTBs)များ ဖယ်ရှားရေး အတွက် လာမည့် ၂၀၁၅ မှ ၂၀၁၈ ခုနှစ်အတွင်း မြန်မာနိုင်ငံနည်းတူ ကမ္ဘောဒီးယား၊ လာအို၊ ဗီယက်နမ် နိုင်ငံများကလည်း လုပ်ဆောင်သွားမည်ဖြစ်ပြီး အာဆီယံနိုင်ငံအတွင်း ကုန်စည်များ လွတ်လပ်စွာ စီးဆင်းနိုင်ရေး အတွက် ဆောင်ရွက်သွားမည်ဖြစ်ကြောင်း သိရသည်။
၎င်း ကိစ္စရပ်နှင့် ပတ်သက်၍ စီးပွားရေးလေ့လာနေသူတစ်ဦးက “အခုလို အကောက်အခွန်မပာုတ်တဲ့ စီးပွားရေး ကုန်သွယ်မှုတွေကို ပိတ်ဆို့ နေတဲ့အရာတွေကို ဖယ်ရှားမယ်ဆိုတာ မြန်မာစီးပွားရေး ဖွံ့ဖြိုးဖို့အတွက် အလားအလာကောင်းတွေပါပဲ”ပာု ပြောကြားခဲ့သည်။
လာမည့် ၂၀၁၅ ခုနှစ်မှ စတင်၍ အာဆီယံဒေသတွင်းနိုင်ငံများအတွင်း အာဆီယံလွတ်လပ်စွာ ကုန်သွယ်မှုခွင့် (AFTA) ဆောင်ရွက်ရန် အာဆီယံနိုင်ငံများအားလုံးနှင့် သဘောတူညီမှုရရှိခဲ့သည်။
YC
-----------------------------------------------------------------------------------------------------------------------------------
အာဏာပိုင်အဖွဲ့အစည်းများမှ ရှမ်းလယ်မြေများ သိမ်းယူရန် ကျောက်တိုင်စိုက်ထူ
ရှမ်းပြည်နယ်အတွင်းရှိ တောင်ကြီးမြို့နှင့် ပိာုပုံးမြို့ကြားရှိ ပင်ငိုကျေးရွာနှင့် နောင်လေကျေးရွာများတွင် တောင်သူတို့၏ လယ်မြေများကို ဒေသခံ အာဏာပိုင်များမှ တပ်မြေကျောက်တိုင်နှင့် ရဲမြေအဖြစ် အလံနီများ စိုက်ထူထားခဲ့ကြောင်း သိရသည်။
ရှမ်းပြည်နယ်အတွင်းရှိ ဒေသခံ အာဏာပိုင်များ၏ ကျောက်တိုင်အစိုက်ခံခဲ့ရသည့် လယ်မြေပိုင်ရှင်များမှာ ပင်ငို ကျေးရွာမှ တောင်သူ ၁၀၇ ဦးနှင့် နောင်လေ ကျေးရွာမှ တောင်သူ ၄၄ ဦးတို့ပါဝင်ပြီး ဒေသခံအာဏာပိုင်များမှ ရှမ်းပြည်နယ်အတွင်း ကျောက်တိုင်စိုက်ထူခဲ့သည့် လယ်မြေများမှာ ၆၁၀ ဧက ရှိကြောင်း သိရသည်။
၎င်း ကိစ္စရပ်နှင့် ပတ်သက်၍ နိုင်ငံရေးလေ့လာနေသူတစ်ဦးက “အခုလို ဒေသခံအာဏာပိုင်တွေက အနိုင်အထက် ပြုကျင့်တဲ့ပုံစံနဲ့ တောင်သူတွေပိုင် လယ်ယာမြေတွေမှာ ကျောက်တိုင်တွေ၊ အလံတွေ စိုက်ထူသွားတယ်ဆိုတဲ့ကိစ္စက အတော်ကို အကျည်းတန်ပါတယ်။ ခွင့်ပြုမိန့် ရှိပုံလဲမရဘူး။ နိုင်ငံတော်အနေနဲ့ တောင်သူတွေဘက်က တစ်နည်းတစ်ဖုံ ကာ ကွယ်ပေးသင့်ပါတယ်” ပာု ပြောကြားသည်။
ထိုသို့ ပင်ငိုကျေးရွာနှင့် နောင်လေကျေးရွာများတွင် ဒေသခံအာဏာပိုင်များမှ တပ်မြေကျောက်တိုင်နှင့် ရဲမြေအဖြစ် အလံနီများ စိုက်ထူသွားသည့်အတွက် ၎င်းဒေသမှ တောင်သူများမှာ မကြာမီအချိန်ကာလအတွင်း လယ်မြေများ သိမ်းယူခံရမည်ကို စိုးရိမ်လျက်ရှိပြီး အချို့တောင်သူ များမှာ လယ်မြေများကို ပစ်၍ လယ်တွင်းသို့ မဆင်းသည့် အခြေအနေထိ ဖြစ်ပေါ်လျက်ရှိကြောင်း ဒေသခံတစ်ဦး ပြောကြားသည်။
ထို့ပြင် ဖေဖော်ဝါရီလ ၁၄ ရက်နေ့၌ ပြုလုပ်ခဲ့သည့် ရန်ကုန်တိုင်းဒေသကြီးလွှတ်တော်အစည်းအဝေးတွင် ဗပာန်းမြို့နယ် မဲဆန္ဒနယ် အမှတ်(၃)မှ ဒေါက်တာ ညိုညိုသင်းက ဒေသခံ၊ မြို့နယ် ရဲတပ်ဖွဲ့ဝင်များအား လူသားချင်း စာနာထောက်ထားမှု၊ လူ့အခွင့်အရေး လေးစားလိုက်နာမှု စံနှုန်းများ သိရှိနိုင်ရေး အတွက် အထူးသင်တန်းများ ပို့ချရန် အဆိုအား တင်သွင်းခဲ့ကြောင်း သိရသည်။
YC
*****************************************
ပြည်တွင်းပါတီ၊ နိုင်ငံရေးသတင်းများ
လွတ်လပ်စွာစည်းရုံးမဲဆွယ်ခွင့်ကို ထိခိုက်နေဟု ဒေါ်အောင်ဆန်းစုကြည် ပြောပြီ
လွတ်လပ်စွာ မဲဆွယ်စည်းရုံးခွင့်အား ကန့်သပ်ခြင်းသည် ညွတ်လပ်ပြီး တရားမျှတသော ရွေးကောက်ပွဲကို အနှောက်ယှက် ဖြစ်ကြောင်း ဒေါ်အောင်ဆန်းစုကြည်က ဖေဖော်ဝါရီ ၁၇ရက်နေ့ ဖျာပုံမြို့တွင် ပြောကြားလိုက်သည်။
“လွတ်လွတ်လပ်လပ် စည်းရုံးပိုင်ခွင့်ကို အနှောက်အယှက်ဖြစ်စေမဲ့ ကိစ္စမှန်သမျှဟာ ကျွန်မတို့ရဲ့ ဒီမိုကရေစီလမ်းကြောင်းကိုလည်း အနှောက် အယှက်ဖြစ်စေပါတယ်” ဟု ဒေါ်အောင်ဆန်းစုကြည်က ဆိုသည်။
ဖျာပုံမြို့တွင် ဒေါ်အောင်ဆန်းစုကြည်ဟောပြောရန်အတွက် ဖျာပုံမြို့အားကစားကွင်းတွင် ပြင်ဆင်ထားသော်လည်း သက်ဆိုင်ရာမှ တားမြစ် လိုက်သည့်အတွက် ဖျာပုံမြို့အဝင် လယ်တောထဲသို့ ပြောင်းရွှေ့စီစဉ်လိုက်ရကြောင်း NLD ဖျာပုံကိုယ်စားလှယ်လောင်း ဦးသိမ်းဆွေက ပြောကြားသည်။
အလားတူ မန္တလေးမြို့၌လည်း အားကစားကွင်း၌ ဒေါ်အောင်ဆန်းစုကြည် ဟောပြောခွင့်မရလိုက်သည့်အတွက် ဒေါ်အောင်ဆန်းစုကြည်၏ မန္တလေးစည်းရုံးရေးခရီးစဉ်ကို ယာယီရွှေ့ဆိုင်းလိုက်ရကြောင်း သိရသည်။ ယင်းအကြောင်းများကြောင့် အမျိုးသားဒီမိုကရေစီအဖွဲ့ချုပ် NLD မှ ရွေးကောက်ပွဲကော်မရှင်သို့ စာတင်ထားကြောင်း ဒေါ်အောင်ဆန်းစုကြည်က ပြောကြားသည်။
ဒေါ်အောင်ဆန်းစုကြည်၏ လှည်းကူးခရီးစဉ်၌လည်း ဟောပြောမည့်အားကစားကွင်းကို ဟောပြောခွင့်မပြုသည့်အတွက် ဒေါ်အောင်ဆန်း စုကြည်က ရွေးကောက်ပွဲကော်မရှင်ကို အသိပေးလိုက်ခြင်းကြောင့်သာ ဟောပြောခွင့် ပြန်လည်ရရှိကြောင်း NLD လှည်းကူးကိုယ်စားလှယ်လောင်း ဦးဖြိုးမင်းသိန်းက ပြောကြားသည်။
“ဥပဒေစိုးမိုးရေးကို ယုံကြည်တာနဲ့အလျောက် စည်းမျဉ်းစည်းကမ်းနဲ့အညီ ကျွန်မတို့ကလုပ်မှာပါ” ဟု ဒေါ်အောင်ဆန်းစုကြည်က ဆက်လက် ပြောဆိုခဲ့သည်။
၎င်းအပြင် ဒေါ်အောင်ဆန်းစုကြည်က မလိုအပ်သည့် ကန့်သပ်ချုပ်ချယ်မှုတွေကို ဖယ်ရှားပေးရန်နှင့် အထောက်အကူဖြစ်မည့် စည်းမျဉ်း စည်းကမ်းများကိုလည်း အကောင်အထည်ဖော်ပေးရမည်ဟု ပြောကြားခဲ့သည်။
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် Tomas Ojea Quintana ကလည်း လာမည့် ကြားဖြတ်ရွေးကောက်ပွဲတွင် လွတ်လပ်စွာ ထုတ်ဖော်ပြောဆိုခွင့်၊ လွတ်လပ်စွာ စည်းရုံးခွင့်စသည့် အခြေခံ လူ့အခွင့်အရေးများကို လေးစားလိုက်နာရမည် ဟု ဖေဖော်ဝါရီလ ၃ ရက် နေ့တွင် ပြောကြားခဲ့သည်။
“ရွေးကောက်ပွဲတိုင်းအတွက် အရေးကြီးတာကတော့ အခြေခံ လူ့အခွင့်အရေးတွေကို လေးစားလိုက်နာဖို့ပါပဲ။ အဲဒီမှာ လွတ်လပ်စွာ ထုတ်ဖော် ပြောဆိုခွင့်၊ လွတ်လပ်စွာ စည်းရုံးခွင့်တို့လည်း ပါပါတယ်။ ကျွန်တော် ပြည်ထောင်စု ရွေးကောက်ပွဲကော်မရှင်နဲ့ တွေ့ပြီး ဒီအကြောင်းတွေကို ဆွေးနွေးခဲ့သေးတယ်”ဟု Ojea Quintana က ဆိုသည်။
ဧပြီ ၁ ရက်နေ့တွင် ကျင်းပမည့် ကြားဖြတ်ရွေးကောက်ပွဲတွင် တရားမျှတသည့် ရွေးကောက်ပွဲတစ်ရပ် ဖြစ်ပေါ်စေရန်အတွက် မြန်မာနိုင်ငံ အနှံ့အပြားရှိ ကြံ့ခိုင်ရေးနှင့် ဖွံဖြိုးရေးပါတီဝင်များက ဝိုင်းဝန်း ကူညီရန်လိုအပ်ကြောင်း ပြည်သူ့လွှတ်တော် ဥက္ကဋ္ဌ သူရဦးရွှေမန်းက ပြောကြားခဲ့ဖူးသည်။
လာမည့်ကြားဖြတ်ရွေးကောက်ပွဲကို လွတ်လပ်ပြီးတရားမျှတရန် နိုင်ငံတကာကဖိအားပေးသည့်အပြင် အမေရိကန်နိုင်ငံနှင့် ဥရောပ နိုင်ငံများက ပိတ်ဆို့ထားမှုများဖြေလျှော့ရေးအတွက် ယင်းအချက်သည်လည်း အရေးပါကြောင်း ပြောကြားထားသည်။
Peace Press
-----------------------------------------------------------------------------------------------------------------------------------
တိုင်းလိုင်(ရှမ်းနီ) ပါတီတည်ထောင်ခွင့်ရရှိ
ပြည်ထောင်စု ရွေးကောက်ပွဲကော်မရှင်မှ နိုင်ငံရေးပါတီများ မှတ်ပုံတင်ခြင်း ဥပဒေနှင့်အညီ ဦးစောဝင်းထွန်းမှ ဦးဆောင်၍ ပါတီမှတ်ပုံတင် ခွင့်ပြုချက်လျှောက်ထားလာသည့် တိုင်းလိုင်(ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီ (TNDP) အား ၂၀၁၂ ဖေဖော်ဝါရီလ ၁၆ ရက်နေ့တွင် နိုင်ငံရေးပါတီအဖြစ် မှတ်ပုံတင်ခွင့်ပြုလိုက်ကြောင်း နိုင်ငံပိုင်သတင်းစာများတွင် ဖော်ပြပါရှိသည်။
တိုင်းလိုင်(ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီ တည်ထောင်ခွင့်လျှောက်ထားချက်သည် ဥပဒေ၊ နည်းဥပဒေတို့နှင့် ညီညွတ်ကြောင်း တွေ့ရှိရသည့်အတွက် ပြည်ထောင်စုရွေးကောက်ပွဲကော်မရှင်မှ ယခုကဲ့သို့ နိုင်ငံရေးပါတီ မှတ်ပုံတင်ခွင့်ပြုပေးခဲ့ခြင်းဖြစ်ကြောင်း သိရသည်။
တိုင်းလိုင်(ရှမ်းနီ) အမျိုးသားများ ဖွံ့ဖြိုးတိုးတက်ရေးပါတီ မှတ်ပုံတင်ခွင့်ပြုချက် ရရှိခဲ့သည့်အတွက် နိုင်ငံရေး လေ့လာနေသူတစ်ဦးက “အခုလို ပါတီသစ်တွေ ထပ်ပေါ်လာတာကောင်းပါတယ်။ ပြည်သူတွေအတွက် တကယ်ကို လုပ်ဆောင်ပေးမယ့် ဘယ်ပါတီမဆို ကျွန်တော်တို့က ကြိုဆိုရမှာပါ။ ပြည်သူတွေအနေနဲ့လည်း ရွေးချယ်စရာတွေ ပိုများ လာတာပေါ့ဗျာ။”ပာု ပြောကြားခဲ့သည်။
YC
****************************************
သတင်းနှင့် ဆောင်းပါးများမှ ကောက်နှုတ်ချက်များ
"မကြာမီ ကျင်းပတော့မယ့် ကြားဖြတ်ရွေးကောက်ပွဲမှာ အင်န်အယ်လ်ဒီပါတီဝင်တွေလည်း သူတို့မဲဆန္ဒနယ်တွေမှာ အောင်မြင်လာတယ်ဆိုရင် လွှတ်တော်ကို ရောက်ရှိလာမှာဖြစ်ပါတယ်။ ရောက်လာခဲ့ရင် ကျွန်တော်တို့က ကြိုဆိုပါတယ်။ ဒီမိုကရေစီနိုင်ငံ ထူထောင်ရေးမှာ နိုင်ငံရေး ပြုပြင် ပြောင်းလဲမှုနဲ့တင် မပြည့်စုံပါဘူး။ အခြားသော လူမှုစီးပွား ဖွံ့ဖြိုးရေး တွေပါ တစ်ပါတည်း ပါလာနိုင်ဖို့ လိုအပ်တဲ့အတွက် အဆွေတော်တို့က ကူညီစေလို ပါတယ်။ အခုလို အားပေးကူညီတဲ့ နေရာမှာ ဒီမိုကရေစီပြုပြင်ပြောင်းလဲမှုကို တကယ်လုပ်မှာလားဆိုရင် မိမိတို့တွေက တကယ်လုပ်မယ်၊ မဖြစ်၊ ဖြစ်အောင် လုပ်မယ်လို့ ပြောကြားလိုပါတယ်"
ဖေဖော်ဝါ၇ီ ၁၆ ထုတ် မြန်မာတိုင်း(မ်) အတွဲ (၂၈) အမှတ် (၅၅၇) တွင်ပါသည့် “ဒီမိုကရေစီပြောင်းလဲရေး တကယ်လုပ်မည်ဟု သူရဦးရွှေမန်းပြောကြား” သတင်းမှ ကောက်နှုတ်ချက်
-----------------------------------------------------------------------------------------------------------------------------------
"မိမိနိုင်ငံရဲ့ အားသာချက်၊ အားနည်းချက်တွေကို ပကတိအတိုင်း လက်ခံသုံးသပ်ပြီး ယှဉ်ပြိုင်နိုင်စွမ်း အားသာချက် (Comparative advantage) ရှိတဲ့ ကုန်ပစ္စည်းများကိုသာ ရွေးချယ်ကာ ထုတ်ပစ္စည်းမျိုးထုတ်လုပ်နိုင်မည့် စက်ရုံများ၊ စက်ကိရိယာများ ထုတ်ပေးနိုင်သော မဟာစက်ရုံထုတ်လုပ် စက်ကြီးများကိုသာ စဉ်းစားသင့်ပါတယ်။ နိုင်ငံမှာ လိုအပ်သမျှ ပစ္စည်းများ ထုတ်လုပ်နိုင်သည့် စက်ရုံ၊ စက်ကိရိယာအားလုံးကို မွေးဖွားပေးနိုင်မည့် မဟာစက်ရုံ ထုတ်လုပ်စက်ကြီးများ တည်မည်ဆိုသည်မှာ မဖြစ်နိုင်ပါ"
ဖေဖော်ဝါရီ ၁၆ ထုတ် မြန်မာတိုင်း(မ်) အတွဲ (၂၈) အမှတ် (၅၅၇) တွင်ပါသည့်“စက်မှုစီမံကိန်းများ၌ ယခင်အမှားမျိုး ထပ်မမှားသင့်၊ ငွေပုံမအောသင့်” စက်မှုစီမံကိန်းများ၌ ယခင်အမှားမျိုး ထပ်မမှားသင့်၊ ငွေပုံမအောသင့်” သတင်းမှ သာပေါင်းမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးဝင်းသန်း၏ ပြေကြားချက်အပေါ်ကောက်နှုတ်ချက်
-----------------------------------------------------------------------------------------------------------------------------------
”ကိုယ့်လုပ်ငန်း အခြေအနေကို ကိုယ်ပွင့်ပွင့်လင်းလင်းပြော၊ မှန်မှန်ကန်ကန် အခွန်ဆောင်၊ ဒါဆို ပြီးပြီပေါ့၊ ကျွန်တော်တို့လည်း စုံစမ်းရတာတွေ မလုပ်တော့ဘူး။ အခုက အမှန်ပြောကြားတဲ့သူ နည်းတယ်။ ကိုယ့်အခြေအနေက ဒီလောက်ရှိတယ်။ သတ်မှတ်ပမာဏကိုဆောင်၊ ဒါဆိုရင် လျှော့ပေးပါဦး၊ ဖြေလျှော့ပေးပါဦးဆိုတာ တောင်းဆိုစရာတောင် မလိုဘူး”
ဖေဖော်ဝါ၇ီ ၁၆ ထုတ် Popular News အတွဲ (၄) အမှတ် (၇) တွင်ပါသည့် “ပြည်သူများအပေါ် ကောက်ခံသည့် အခံ ၅ မျိုး တစ်ဆင့်ချင်း ဖြေလျှော့မည်” သတင်းမှ ပြည်တွင်းအခွန်မှ တာဝန်ရှိသူတစ်ဦး၏ ပြောကြားချက် အပေါ် ကောက်နှုတ်ချက်
**************************************
Google Docs makes it easy to create, store and share online documents, spreadsheets and presentations.
