Posts
 | yangonchronicle 2011- (1) |
၈.၃.၂ဝ၁၂
ဘာသာပြန်သတင်းများ အပိုင်း(၁)
- အာဆီယံ အကြမ်းဖက်မှုဆိုင်ရာ စာချုပ် မြန်မာလက်မှတ်ထိုး
(Bernama News မှ 8 March 2012 ရက်စွဲပါ Myanmar ratifies Asean Terror Pact ကို ဘာသာ ပြန်ဆိုသည်)
- မြန်မာသို့ အမေရိကန်အထူးကိုယ်စားလှယ် ထပ်မံ လာမည်
(AFP News မှ 7 March 2012 ရက်စွဲပါ US special envoy to return to Myanmar ကို ဘာသာ ပြန်ဆိုသည်)
- ပိတ်ဆို့အရေးယူမှုခေတ် ပြီးဆုံးခဲ့ပြီ
(New York Times မှ 5 March 2012 ရက်စွဲပါ Louise Arbour ရေးသားသော In Myanmar, sanctions have had their days ကို ဘာသာ ပြန်ဆိုသည်)
********************************************************************************
အာဆီယံ အကြမ်းဖက်မှုဆိုင်ရာ စာချုပ် မြန်မာလက်မှတ်ထိုး
(Bernama News မှ 8 March 2012 ရက်စွဲပါ Myanmar ratifies Asean Terror Pact ကို ဘာသာ ပြန်ဆိုသည်)
မြန်မာနိုင်ငံသည် အာဆီယံ အကြမ်းဖက်မှုဆိုင်ရာ စာချုပ် ASEAN Terror Pact ကို သဘောတူ လက်မှတ် ရေးထိုးကြောင်း အာဆီယံ အထွေထွေ အတွင်းရေးမှူးချုပ် ဆူရင်ပစ်ဆာဝမ်ထံ အကြောင်းကြားခြင်းဖြင့် စာချုပ်အား ထောက်ခံသော သတ္တမမြောက် အာဆီယံ အဖွဲ့ဝင်နိုင်ငံ ဖြစ်လာသည်ဟု သိရသည်။
အဆိုပါစာချုပ်ကို ယခင်ကပင် သဘောတူ လက်မှတ် ရေးထိုးထားသော နိုင်ငံများမှာ စင်ကာပူ၊ ထိုင်း၊ ဗီယက်နမ်၊ ဖိလစ်ပိုင်၊ ကမ္ဘောဒီယားနှင့် ဘရူနိုင်းတို့ ဖြစ်သည်။ ACCT အခန်း(၂) စည်းမျဉ်းများအရ အဖွဲ့ဝင် ၆ နိုင်ငံ သဘောတူ အတည်ပြုပါက စာချုပ် စတင် အကြုံးဝင် သက်ရောက်မည် ဖြစ်ရာ ဘရူနိုင်း နိုင်ငံသည် ဆဋ္ဌမမြောက် အဖွဲ့ဝင် ဖြစ်လာသော ၂ဝ၁၁ မေလ ၂၈ မှစ၍ ACCT စာချုပ် အသက်ဝင်ခဲ့သည်ဟု ဗီယက်နမ် သတင်းဌာနက ကြေညာချက် ထုတ်ပြန်ထားသည်။
*********************************************************************
မြန်မာသို့ အမေရိကန်အထူးကိုယ်စားလှယ် ထပ်မံ လာမည်
(AFP News မှ 7 March 2012 ရက်စွဲပါ US special envoy to return to Myanmar ကို ဘာသာ ပြန်ဆိုသည်)
အမေရိကန်အထူးကိုယ်စားလှယ် ဒဲရက်မစ်ချယ် (Derek Mitchell) သည် လာမည့်ဧပြီလ ကြားဖြတ် ရွေးကောက်ပွဲများ၊ မြန်မာအစိုးရသစ်၏ ပြုပြင်ပြောင်းလဲမှုများအပေါ် အမေရိကန်က တုံ့ပြန်ချီးမြှောက်ရန် ဆွေးနွေးလို၍ ယခုလနှောင်းပိုင်းတွင် မြန်မာနိုင်ငံသို့ ထပ်မံလာရောက်ရန် စီစဉ်နေသည်ဟု သိရသည်။
အမေရိကန်၏ ပထမဆုံး မြန်မာနိုင်ငံဆိုင်ရာ မူဝါဒ ညှိနှိုင်းရေး အထူးကိုယ်စားလှယ် ဖြစ်သော ဒဲရက်မစ်ချယ်သည် မတ်လ ၁၁-၁၇ ရက်အတွင်း နေပြည်တော်နှင့် ရန်ကုန်တို့အပြင် မန္တလေးသို့လည်း သွားလိမ့်မည်ဟု အမေရိကန် နိုင်ငံခြားရေးဌာနက ကြေညာချက်ထုတ်ပြန်သည်။ ဒဲရက်မစ်ချယ်သည် မြန်မာအစိုးရ၏ ပြုပြင်ပြောင်းလဲမှုများကို အသိအမှတ်ပြုရန်၊ ဆက်လက် ပြောင်းလဲ တိုးတက်မှုများကို အားပေးရန် ဆောင်ရွက်နေသော အမေရိကန်မူဝါဒနှင့် ဧပြီ ကြားဖြတ်ရွေးကောက်ပွဲများကို ဆွေးနွေးရန် အတွက် နေပြည်တော်တွင် အစိုးရတာဝန်ရှိသူများနှင့် တွေ့ဆုံရန် စီစဉ်ထားသည်ဟု သိရှိရသည်။
သမ္မတဦးသိန်းစိန်သည် ဒေါ်အောင်ဆန်းစုကြည်နှင့် တိုင်းရင်းသားလက်နက်ကိုင်အုပ်စုများအား ငြိမ်းချမ်းရေး ဆွေးနွေးမှု စတင်ခြင်းအပါအဝင် ပြုပြင်ပြောင်းလဲမှုများ ဆက်တိုက် ပြုလုပ်ပြသကာ ပြည်တွင်း၊ ပြည်ပ ဝေဖန် ဆန်းစစ်သူ များစွာကို အံ့အားသင့်အောင် ပြုလုပ်လျက် ရှိသည်။
နှစ်ပေါင်းများစွာ တံခါးပိတ်ထားကာ နိုင်ငံတွင်း ပြည်သူများကို အဆုံးစွန် ဖိနှိပ် အုပ်ချုပ်ခဲ့သော မြန်မာအာဏာပိုင်များသည် ပြီးခဲ့သော ဇန်နဝါရီက နိုင်ငံရေး အကျဉ်းသားများ အရေအတွက် ရာနှင့်ချီ၍ လွှတ်ပေးခဲ့ခြင်းကြောင့် နိုင်ငံတကာက ဝိုင်းဝန်ကြိုဆို ချီးကျူးခဲ့သော်လည်း ပြီးခဲ့သောမေလတွင် အမေရိကန်က မြန်မာ အစိုးရအား နိုင်ငံရေး အကျဉ်းသားဟောင်းများအပေါ် ဟန့်တားထားသော စည်းကမ်းများ အားလုံး ရုတ်သိမ်းပေးရန် တိုက်တွန်းခဲ့သည်။
ဇန်နဝါရီလက နိုင်ငံရေး အကျဉ်းသားများ လွှတ်ပေးပြီးနောက်တွင် ဝါရှင်တန်က မြန်မာအစိုးရအပေါ် နှစ်ပေါင်းများစွာ အဆင့်နှိမ့်ချ ဆက်ဆံခဲ့သော သံတမန် ဆက်ဆံရေးကို အပြည့်အဝ ပြန်လည် ထူထောင်တော့မည်ဟု တရားဝင် ကြေညာချက် ထုတ်ပြန်ခဲ့သည်။
မြန်မာနိုင်ငံသို့ မကြာခဏ ရောက်ရှိနေသော အထူးကိုယ်စားလှယ် မစ်ချယ်သည် ရန်ကုန်နှင့် မန္တလေးမြို့များသို့ သွားရောက်ကာ အရပ်ဖက် လူ့အဖွဲ့အစည်းများ၊ ပုဂ္ဂလိကကဏ္ဍ အင်အားစုများနှင့် ကျယ်ကျယ်ပြန့်ပြန့် တွေ့ဆုံလိမ့်မည်ဟု အမေရိကန် နိုင်ငံခြားရေး ဌာနက ထုတ်ပြန် ကြေညာထားသည်။
**********************************************************************
ပိတ်ဆို့အရေးယူမှုခေတ် ပြီးဆုံးခဲ့ပြီ
(New York Times မှ 5 March 2012 ရက်စွဲပါ Louise Arbour ရေးသားသော In Myanmar, sanctions have had their days ကို ဘာသာ ပြန်ဆိုသည်)
(Louise Arbour သည် International Crisis Group ၏ ဥက္ကဋ္ဌ ဖြစ်သည်)
မြန်မာအစိုးသည် ပြုပြင်ပြောင်းလဲရေးများကို ရည်ရွယ်ချက် ကြီးကြီး လုပ်ဆောင်လျက် ရှိပြီး အတွေးအခေါ်ဟောင်းများကို စွန့်ပစ်လျက် ရှိသည်။ ထို့ကြောင့် အနောက်နိုင်ငံများကလည်း အတွေးအခေါ်ကို ပြင်ရန် လိုအပ်ပြီး ငြင်သာသော ချဉ်းကပ်မှုများကို လုပ်ဆောင်ရမည် ဖြစ်သည်။
ဆယ်စုနှစ်ပေါင်းများစွာ အရေးယူမှုများနှင့် အထီးကျန်ပစ်ပယ်ခံထားရမှုများ ပြီးနောက်တွင် မြန်မာနိုင်ငံသည် အာဏာရှင်စနစ်မှ ငြိမ်းချမ်းစွာ အသွင် ကူးပြောင်းလျက် ရှိသည်။ အဆိုပါကူးပြောင်းမှုမှာ ပြည်သူများနှင့် နိုင်ငံတကာက လိုလားသော လမ်းကြောင်းဆီသို့ ဦးတည်လျက်လည်း ရှိနေသည်။
သမ္မတဦးသိန်းစိန်၏ အံ့ဩဖွယ် ပြောင်းလဲမှုများကို အတိုက်အခံခေါင်းဆောင် ဒေါ်အောင်ဆန်းစုကြည် ကလည်း ထောက်ခံခဲ့ပြီး သမ္မတကြီးသည် ရိုးသားကြောင်း ထုတ်ဖော် ပြောကြားခဲ့သည်။
နိုင်ငံရေးရုံးများ ဖွင့်လှစ်ခြင်း၊ အဖွဲ့အစည်းများ ဖွဲ့ခြင်း၊ စုဝေးခြင်း၊ ဟောပြောခြင်းများ စသော အဓိက နိုင်ငံရေး လွတ်လပ်ခွင့်များမှာ လွန်ခဲ့သော တစ်နှစ်ခန့်က စဉ်းပင် မစဉ်းစားနိုင်ခဲ့သော်လည်း ယနေ့အခါ လုပ်ဆောင်နိုင်ခဲ့ပြီ ဖြစ်သည်။
အစိုးရသည် ထိပ်တိုက်တွေ့ရေး မူဝါဒကို စွန့်လွှတ်ခဲ့ပြီး တိုင်းရင်းသားများနှင့် ငြိမ်းချမ်းရေးဆွေးနွေးမှု အသစ်များ ပြုလုပ်ခဲ့ရာ ကချင်မှလွဲ၍ အခြား (၁၁)ဖွဲ့နှင့် အပစ်အခတ်ရပ်စဲရေး သဘောတူညီမှုများ လက်မှတ် ရေးထိုးနိုင်ခဲ့သည်။ အဆိုပါ သဘောတူညီမှုမှာ နှစ်ပေါင်း ခြောက်ဆယ်ကျော် ကြာမြင့်ခဲ့ပြီ ဖြစ်သော ပြည်တွင်းစစ်မီးကို ပြန်လည်သုံးသပ် လုပ်ဆောင်ရေး ကြိုးပမ်းမှု ပထမအဆင့် ဖြစ်ပြီး အားတက်ဖွယ်လည်း ဖြစ်သည်။
ဒေါ်အောင်ဆန်းစုကြည်သည် ဧပြီလ ရွေးကောက်ပွဲအတွက် စည်းရုံးရေးဆင်းလျက်ရှိပြီး ယခင်က ပိတ်ပင် ထားခဲ့သော သူမ၏ရုပ်ပုံများသည် မြို့တော်လမ်းများပေါ်တွင် ပလူပျံနေပေသည်။
စည်းရုံးရေးခရီးစဉ်များတွင် ထောင်ပေါင်းများစွာသော လူများက သူမအား နှုတ်ဆက်ခဲ့ကြပြီး မီဒီယာများကလည်း သူမ၏လှုပ်ရှားမှုများကို လွတ်လပ်စွာ သတင်းယူခဲ့ကြသည်။ ၄၈ နေရာသော ကြားဖြတ် ရွေးကောက်ပွဲကို လွတ်လပ်၍ တရားမျှတရန်လည်း မျှော်လင့်လျက် ရှိကြသည်။
တကယ်တမ်းတွင်မူ ပြောင်းလဲမှု များစွာ လုပ်ဆောင်ရဦးမည် ဖြစ်သည်။ မြန်မာနိုင်ငံတွင် ဆယ်စုနှစ်ပေါင်း များစွာ ဥပဒေမရှိဘဲ ဗြိတိသျှ ကိုလိုနီခေတ်က ဥပဒေများအပေါ်တွင်သာ အလွန်အကျွံ မှီခိုခဲ့ရသည်။ "ခင်ဗျား ပြောတာတွေ ကျွန်တော်တို့ ပြုပြင်ပြောင်းလဲဖို့ လိုအပ်နေပါတယ်" ဟု အစိုးရအကြံပေး ပုဂ္ဂိုလ်တစ်ဦးက စာရေးသူအား ပြီးခဲ့သည့် အပတ်က ရန်ကုန်တွင် ပြောကြားခဲ့သည်။ ခေတ်နောက်ပြန်နေသော စိုက်ပျိုးရေးလုပ်ငန်း၊ ခေတ်မမီတော့သော အခြေခံအဆောက်အဦးနှင့် အရိုးစွဲနေသော အရပ်ဖက်ဝန်ထမ်းများ၊ ဆယ်စုနှစ် များစွာ အပယ်ခံ ဖြစ်ခဲ့ရခြင်းကြောင့် ဖြစ်ပေါ်ခဲ့သော စိတ်နေ စိတ်ထားများကို နေ့ချင်းညချင်း ပြင်ဆင်ရန်မှာ မလွယ်ကူလှပေ။
အကောင်းဖက်မှ အချက်တစ်ချက်မှာမူ အကြီးတန်း အစိုးရတာဝန်ရှီသူ အတော်များများကမူ ထိုကိစ္စကို နားလည်ပြီး ပြင်ပအကူအညီကို တံခါးဖွင့်ခဲ့ကြခြင်း ဖြစ်သည်။ အထီးကျန်ပြုခံရခြင်းသည် တိုင်းပြည်ကို အားနည်းစေကြောင်း သမ္မတမှစ၍ အောက်ထိ သဘောပေါက်ကြသည်။ အရင်းအနှီး၊ နည်းပညာနှင့် အကြံဉာဏ်သစ်များ နယ်ပယ်မျိုးစုံတွင် အပြေးအလွှား ဝင်ရောက်လာနိုင်သော်လည်း ရည်ရွယ်ချက် ကောင်းကောင်း၊ စီမံချက် ကောင်းကောင်း အခါခပ်သိမ်း မဖြစ်နိုင်သေးပေ။ အနောက်နိုင်ငံများအတွက် စိန်ခေါ်မှုမှာ ပြုပြင်ပြောင်းလဲမှုများအပေါ် တုံ့ပြန်မှုအား ပြန်လည် တိုင်းတာရန် ဖြစ်သည်။
လက်ရှိအရေးယူမှုများသည် ပြောင်းလဲမှုအတွက် တစ်စုံတစ်ရာ စွမ်းဆောင်ပေးနိုင်သည်ဖြစ်စေ၊ မပေးနိုင်သည် ဖြစ်စေ ယခုပြုပြင်ပြောင်းလဲရေး အတွက်မူ အင်အားဖြစ်ရန် အထောက်အကူ မဖြစ်ပေ။ အရေးယူမှု ဖယ်ရှားမှသာ ပြုပြင်ပြောင်းလဲမှုအတွက် အထောက်အကူ ဖြစ်လိမ့်မည် ဖြစ်သည်။ မြန်မာပြည်သူများ၏ တောင်းဆိုမှု၊ ၂ဝ၁၃ တွင် အရှေ့တောင်အာရှ အားကစားပြိုင်ပွဲ အိမ်ရှင်အဖြစ် လက်ခံခြင်း၊ ၂ဝ၁၄ တွင် အာဆီယံ ဥက္ကဋ္ဌနေရာ ရယူထားမှု တို့ကြောင့် အဓိက ပြောင်းလဲမှုများကို လုပ်ဆောင်နေလျက် ရှိသည်။ အစိုးရသည် ဒီမိုကရေစီစိတ်ဓာတ် အသစ်ဖြင့် ၂ဝ၁၅ ရွေးကောက်ပွဲ ကိုလည်း ထည့်သွင်း စဉ်းစားလျက် ရှိသည်။
အစီအစဉ်များ ချမှတ်ရာတွင် ခြိမ်းခြောက်မှုများ၊ ကတိများမှာ မလိုအပ်လှပေ။ သံသယကြီးခြင်း၊ မလိုအပ်သော အကဲဖြတ်မှုများ ပြုလုပ်ခြင်းတို့သည် ပြုပြင်ပြောင်းလဲရေး လုပ်ငန်းစဉ်များကို နှေးကွေးစေခြင်းသာ ဖြစ်မည် ဖြစ်၍ မအောင်မြင်မှုကို ကြိုတင်ပြောထားပြီး ဖြစ်နိုင်မည့် အန္တရာယ်လည်း ရှိနေသည်။ ယခုအချိန်သည် မြန်မာ တံခါးဖွင့်ရေးနှင့် ဆင်းရဲနေသော လူထု၏ဘဝ မြင့်တက်လာရေးအတွက် အားပေးထောက်ပံ့ ကူညီရမည့် အချိန် ဖြစ်သည်။ ထိုသို့ လုပ်ဆောင်ရာတွင် အနောက်နိုင်ငံ အစိုးရများအဖို့ မူဝါဒပိုင်းဆိုင်ရာ ကျွမ်းကျင် ငြင်သာရန် လိုအပ်ပေသည်။ မြန်မာ အာဏာပိုင်များ လုပ်ဆောင်သော နိုင်ငံရေးကြိုးပမ်းမှုများနှင့် ညီမျှသော မူဝါဒများ ထွက်ပေါ်လာရန် လိုပါသည်။
ပထမအချက်အားဖြင့် ကန့်သတ်ချက်များ ယခင်အတိုင်း ဆက်ထားရေးသည် မှားယွင်းသော ချဉ်းကပ်မှု ဖြစ်သည်ကို သိရှိရေးဖြစ်သည်။ ကချင် အပါအဝင် အရေးပါသော တိုင်းရင်းသား ပဋိပက္ခများ၏ အဖြေရရှိရေးအတွက် အရေးယူမှုများဖြင့် ဖိအားပေးရေး ဟူသည့် ချဉ်းကပ်မှုသည် ကျွမ်းကျင်မှု မရှိသည့် နည်းဗျူဟာ ဖြစ်ပြီး အစိုးရကို ဖိအားပေးကာ အခြားတစ်ဖက်ကို ဆက်လက်တိုက်ပွဲဝင်စေရန် အားပေးသည့် သဘောလည်း သက်ရောက်နေသည်။
ဒုတိယအချက်အနေဖြင့် ကုန်သွယ်ရေး၊ ငွေရေးကြေးရေး သို့မဟုတ် ဖွံ့ဖြိုးတိုးတက်မှု အကူအညီများအပေါ် ကန့်သတ်မှုများ ချမှတ်ထားခြင်းသည် ပြည်သူများ မှောင်ခိုလုပ်နေရခြင်း ကဲ့သို့သော နှစ်နိုင်ငံကိစ္စကိုပင် ဖြေရှင်းပေးနိုင်ခြင်း မရှိဟု ဆိုရမည် ဖြစ်သည်။
နောက်ဆုံးအချက်မှာ အရေးယူမှုများနှင့် ကန့်သတ်မှုများ မည်သည့်အချိန်တွင် ရုတ်သိမ်းမည် ဆိုသည်ကို ဒေါ်အောင်ဆန်းစုကြည်၏ သဘောထား အပေါ်တွင်သာ ဦးစားပေးထားခြင်းမှာ လွှတ်တော်တွင် ပါတီခေါင်းဆောင်အဖြစ် ကဏ္ဍသစ်ရယူမည့် အချိန်အခါနှင့် သင့်တော်ခြင်း မရှိသော အချက် ဖြစ်သည်။
နိုင်ငံတကာ အသိုင်းအဝိုင်းသည် မြန်မာနိုင်ငံတွင် တံခါးဖွင့်ရန် တွန်းအားပေးလျက် ရှိရာ အခက်အခဲမှာ သဘောတူထားသော ရည်မှန်းချက်များ အောင်မြင်ရေး အတွက် အစပြု လုပ်ဆောင်ရေး ကာလကို ဖြတ်သန်းခြင်းပင် ဖြစ်သည်။ အရေးယူမှုများသည်လည်းကောင်း၊ အကူအညီပေးရန် ကြောက်လန့်ခြင်း တို့သည်လည်းကောင်း အဆိုပါ အခက်အခဲကို ကူညီဖြေရှင်းပေးနိုင်လိမ့်မည် မဟုတ်ပေ။
ယခုအချိန်သည် ပြည်တွင်းကိစ္စရပ်များကို နားလည်၍ လေးစားသော သိမ်မွေ့သည့်ချဉ်းကပ်မှုပါသော ဆက်ဆံရေးများ လိုအပ်နေသည်။ ရှိရင်းစွဲ သံသယများ၊ ပုံစံဟောင်းများကို ဘေးဖယ်ထားခဲ့ရတော့မည် ဖြစ်သည်။ နိုင်ငံရေးနှင့် စီးပွားရေး ပြုပြင်ပြောင်းလဲမှုများကို အရှိန်မြှင့်နိုင်ရန် ထောက်ခံ ကူညီမှုများ လိုအပ်နေသည်။
ထိုသို့ ဆိုရခြင်းမှာ မြန်မာနိုင်ငံတွင် နှစ်ပေါင်းများစွာ ခံစားခဲ့ကြရသော ပြည်သူများအတွက် အရေးကြီးဆုံး ဖြစ်သောကြောင့် ဖြစ်သည်။ အမြဲတမ်း ဖြစ်နိုင်သော မျှော်လင့်ချက်များအတွက် မဟုတ်ဘဲ နားလည်မှု ရှိသော မျှော်လင့်ချက်များ ရရှိနိုင်ရေးပင် ဖြစ်သည်။
******************************************************************
Google Docs makes it easy to create, store and share online documents, spreadsheets and presentations.
