Posts
 | yangonchronicle 2011 - (2) |
၉.၃.၂ဝ၁၂
ဘာသာပြန်သတင်းများ အပိုင်း(၂)
- ရွေးကောက်ပွဲကို ရရာနည်းလမ်းဖြင့် အနိုင်ယူရန် တင်းမာသော ပြည်ခိုင်ဖြိုးခေါင်းဆောင်များ လုံးပမ်း
(Bangkok Post မှ 9 March 2012 ရက်စွဲပါ Larry Jagan ရေးသားသော Ruling Party's hardliners seek to win poll at any cost ကို ဘာသာ ပြန်ဆိုသည်)
****************************************************************************************
ရွေးကောက်ပွဲကို ရရာနည်းလမ်းဖြင့် အနိုင်ယူရန် တင်းမာသော ပြည်ခိုင်ဖြိုးခေါင်းဆောင်များ လုံးပမ်း
(Bangkok Post မှ 9 March 2012 ရက်စွဲပါ Larry Jagan ရေးသားသော Ruling Party's hardliners seek to win poll at any cost ကို ဘာသာ ပြန်ဆိုသည်)
မြန်မာ့နိုင်ငံရေး အနာဂတ်ကို ပုံအော လောင်းကြေးထပ်ထားရသော ဧပြီလ ကြားဖြတ် ရွေးကောက်ပွဲများသည် အမှန်စင်စစ် လစ်လပ် လွှတ်တော်အမတ် နေရာ ၅ဝ အတွက်ကိုသာ ကျင်းပပြုလုပ်ခြင်း ဖြစ်သည်။ သို့သော် ၂ဝ၁ဝ နိုဝင်ဘာ ရွေးကောက်ပွဲနှင့်မတူသော အချက်မှာ အဓိက အတိုက်အခံပါတီ NLD နှင့် ပါတီခေါင်းဆောင် ဒေါ်အောင်ဆန်းစုကြည်တို့ ယခုတစ်ကြိမ် ပါဝင်ယှဉ်ပြိုင်ကြခြင်း ဖြစ်သည်။
ယခုအခါ ကြားဖြတ်ရွေးကောက်ပွဲ ကျင်းပရန် ၃ ပတ်မျှသာ လိုတော့သည့်အတွက် မဲဆွယ်စည်းရုံးမှုမှာလည်း အရှိန်အမြင့်ဆုံးတင်နေကြပြီ ဖြစ်သော်လည်း ရွေးကောက်ပွဲများမှာ လွတ်လပ်မျှတမည်လားဆိုသည်မှာ မေးစရာ ဖြစ်နေသည်။ ယခုရွေးကောက်ပွဲတွင် ဤသို့မဖြစ်နိုင်ပါဟု ခိုင်ခိုင်မာမာ ပြောဆိုမှု အချို့လည်း ရှိနေသည်။ သို့သော် အာဏာရပါတီအတွင်း ကန့်သတ်အဆင့်ဖြင့် ထုတ်ပြန်သော မဟာဗျူဟာအစီရင်ခံစာတွင် ၄၈ နေရာစလုံး မည်သည့်နည်းနှင့်မဆို အနိုင်ယူရန် အစီအစဉ်များကို ဖော်ထုတ်ထားသည်။
ယခုရွေးကောက်ပွဲများအပေါ် အားပြုထားသော၊ မူတည်နေသော ကိစ္စများစွာမှာ ပတ်သက်ဆက်နွယ်လျက် ရှိကြသည်။ အီးယူနှင့် အမေရိကန် တို့ကလည်း ယင်းရွေးကောက်ပွဲများ နိုင်ငံတကာ စံညွှန်းမီပါက အရေးယူမှုများ ပြန်ရုတ်သိမ်းပေးရန် စီစဉ်ပြင်ဆင်ထားကြသည်။ ရွေးကောက်ပွဲများကို လွတ်လပ်မျှတစွာ သိက္ခာရှိရှိ ကျင်းပရန် သမ္မတဦးသိန်းစိန်နှင့် လွှတ်တော်ဥက္ကဋ္ဌ ဦးရွှေမန်းတို့က တာဝန်ခံထားကြခြင်း အပေါ် သံသယမရှိသော်လည်း အာဏာရ ပြည်ခိုင်ဖြိုး (USDP)ပါတီဝင် အများစုက အလိမ်အကောက်နည်းမျိုးစုံဖြင့် အနိုင်ယူရန် ကြံစည်နေကြခြင်းကို ဖုံးကွယ်၍ မရနိုင်ပေ။
ပြီးခဲ့သော နိုဝင်ဘာလက သမ္မတကြီး၊ အောက်လွှတ်တော် ဥက္ကဋ္ဌနှင့် ရွေးကောက်ပွဲ ကော်မရှင်ဥက္ကဋ္ဌတို့ တွေ့ဆုံကာ လာမည့် ကြားဖြတ် ရွေးကောက်ပွဲများကို လွတ်လပ်မျှတစွာ ကျင်းပရန် အချက်ကို သဘောတူခဲ့ကြသည်။ ဒေါ်အောင်ဆန်းစုကြည်နှင့် NLD ပါတီတို့ ပါဝင်ရန် ဆုံးဖြတ်ခြင်း မပြုမီကပင် ယင်းသို့ သဘောတူခဲ့ကြခြင်း ဖြစ်သည်။
ဤကိစ္စကို အစိုးရက အကြိမ်ကြိမ် ကတိပြုထားပြီး ပြည်ခိုင်ဖြိုးပါတီခေါင်းဆောင် ဦးရွှေမန်းကလည်း လာမည့် ရွေးကောက်ပွဲနှင့် ပတ်သက်သော အရာမှန်သမျှ မြင်သာထင်သာ ရှိရမည်ဟု အမိန့်ထုတ်ပြန်ထားသည်။ ပြီးခဲ့သော ဇန်နဝါရီလက ပြည်ခိုင်ဖြိုးပါတီ အထူးအစည်းအဝေးတွင် ဦးရွှေမန်းက "ပြည်သူကို အနိုင်ကျင့်သော၊ ပါတီမူဝါဒကို ချိုးဖောက်သော၊ ပါတီတွင်း ဒီမိုကရေစီကျင့်သုံးမှုကို နှောင့်ယှက် ဟန့်တားနေသော ပါတီဝင်များအတွက် ပါတီတွင် နေရာမရှိ" ဟု သတိပေး ပြောကြားခဲ့သည်။
သို့သော် ထိုဩဝါဒကို ပါတီဝင်တိုင်းက နာယူခြင်းမရှိကြပါ။ ယခင်အစိုးရ အကြီးအကဲ ဗိုလ်ချုပ်မှူးကြီး သန်းရွှေနှင့် နီးစပ်ပြီး ယခုအစိုးရအဖွဲ့တွင် ဝန်ကြီးရာထူးနှင့် ဝေးခဲ့သော အကြီးတန်းပါတီဝင် အများစုက NLD ပါတီကို ထိုးစစ်ဆင်ရန် စီစဉ်လျက် ရှိသည်။
ရွေးကောက်ပွဲ မဟာဗျူဟာ အစီရင်ခံစာအရ မည်သည့်အခွင့်အရေးမျှ မရှိဟု ဆိုသည်။ သို့ဖြစ်၍ ဧပရယ်ဖူးလ် (ဧပြီ ၁ ရက်)တွင် ကျင်းပမည့် ရွေးကောက်ပွဲအတွက် အောင်နိုင်ရေးအစီအစဉ်တွင် တန်စိုးလက်ဆောင် ပေးခြင်း၊ မဲဝယ်ခြင်း၊ ခြိမ်းခြောက်ခြင်း၊ မဲလိမ်ခြင်း စသည့်နည်းလမ်းများအပြည့် ထည့်သွင်းထားသည်။ ပြည်ခိုင်ဖြိုး အောင်နိုင်ရေး မဟာဗျူဟာတွင် NLD အမတ်လောင်းများအား ကိုယ်ကျင့်သိက္ခာ လုပ်ကြံ အပုပ်ချခြင်း၊ တန်စိုး လက်ဆောင် ပေးခြင်း၊ မဲရလဒ် ပြင်ဆင်ခြင်း စသည့် အစီအစဉ်များ ပါဝင်သည်။
ပြည်ခိုင်ဖြိုး ပါတီခေါင်းဆောင်များက ယင်းတို့၏အနာဂတ်သည် အစိုးရနှင့် မပတ်သက်ဘဲ လတ်တလော ကြားဖြတ်ရွေးကောက်ပွဲနှင့် လုံးဝ ဆက်နွယ်နေသည်ကို သိရှိနားလည်နေကြပြီ ဖြစ်သည်။ ထို့ကြောင့် လုံးဝ အရှုံးမခံနိုင်ကြဘဲ လက်ရှိအခြေအနေများအရဆိုလျှင် ရွေးကောက်ပွဲ ရလဒ်များသည် ပြည်ခိုင်ဖြိုး ဇာတ်သိမ်းကို ညွှန်ပြနေပြီး သဘောထား တင်းမာသော ခေါင်းဆောင်များအနေဖြင့် ဘေးသို့ရောက်သွားရန် အလား အလာများ ရှိနေပေသည်။
ဗိုလ်ချုပ်မှူးကြီးသန်းရွှေနှင့် ရင်းနှီးသော အတွင်းလူတစ်ဦး ဖြစ်သူ စက်မှုဝန်ကြီးဟောင်း ဦးအောင်သောင်းသည် ဦးသိန်းစိန်၏ ပြုပြင်ပြောင်းလဲရေး အစီအစဉ်များကို ဆန့်ကျင်သော ခေါင်းမာသူ တစ်ဦးအဖြစ် လူသိများသည်။ ၂ဝ၁ဝ ကာလကဲ့သို့ပင် ပြည်ခိုင်ဖြိုးပါတီ၏ မဲဆွယ်စည်းရုံးမှုကို ဦးဆောင်နေသူ ဦးအောင်သောင်းသည် ဗိုလ်ချုပ်မှူးကြီးသန်းရွှေ၏ အမိန့်ကို နာခံသူတစ်ဦးလည်း ဖြစ်သည်။
မြန်မာနိုင်ငံ၏ ဆက်လက် ဖြစ်ထွန်းနေသော လုံခြုံမှု၊ အေးချမ်းမှုနှင့် ဖွံ့ဖြိုးမှုများသည် ယခု ရွေးကောက်ပွဲ၌ ပြည်ခိုင်ဖြိုးပါတီ အနိုင်ရရှိမှုအပေါ် မူတည်နေသည်ဟု ဦးအောင်သောင်းက ဆိုသည်။ မဲဆွယ်ခြင်းဟူသည် အပြောနှင့် သာမက လက်တွေ့ပါရန်လည်း လိုသည်။ "ဝမ်းဝရန်" မှာ အဓိက ကိစ္စဖြစ်သည်ဟု ပြည်ခိုင်ဖြိုး မဟာဗျူဟာက ဆိုသည်။ ထို့ကြောင့် လမ်းခင်းခြင်း၊ လမ်းပြင်ခြင်း၊ စာသင်ကျောင်းနှင့် ဆေးပေးခန်းများ လှူဒါန်းခြင်း၊ အလုပ်အကိုင် အခွင့်အလမ်းများ ကတိပေးခြင်း တို့ဖြင့် ပြည်ခိုင်ဖြိုးပါတီကို မဲပေးရန် မက်လုံးပေးလျက် ရှိသည်။ ရွေးကောက်ပွဲ အောင်နိုင်ရေး ကော်မတီ များကိုလည်း တိုင်းနှင့်ပြည်နယ်အဆင့်၊ ခရိုင်အဆင့်၊ မြို့နယ်အဆင့်၊ ကျေးရွာရပ်ကွက် အဆင့်အထိ ဖွဲ့စည်းထားသည်။ ထို့ပြင် တစ်မြို့နယ်လျှင် ကျပ်သိန်း ၅ဝ စီ သုံးစွဲခွင့်ပြုထားသော အထူးဖွံ့ဖြိုးရေး ကော်မတီများကိုလည်း ဖွဲ့စည်းပေးထားသည်။ လိုအပ်ပါက ရံပုံငွေ တိုးမြှင့် သုံးစွဲမည်ဟုလည်း မဲဆွယ်ကြသည်။ ပြီးခဲ့သောလ အနည်းငယ်အတွင်း ယခင်အစိုးရပိုင် လုပ်ငန်းများစွာကို ရောင်းချစုဆောင်းထားခြင်းကြောင့် ရံပုံငွေ မလုံလောက်စရာ မရှိပေ။
ပြည်ခိုင်ဖြိုးပါတီ၏ မဲဆွယ်မှုများမှာ ကြိုတင် လုပ်ဆောင်ထားသည်ဟုပင် ဆိုနိုင်သည်။ ဒေါ်အောင်ဆန်းစုကြည်၏ ကော့မှူးမဲဆန္ဒနယ်သို့ သွားရာ လမ်းတစ်လျှောက်တွင် လမ်းများကို ပြည်ခိုင်ဖြိုးပါတီက ပြုပြင်နေကြောင်း ရောင်စုံဆိုင်းဘုတ်များ စိုက်ထူထားသည်။ နိုင်ငံတစ်ဝှမ်း ဒေသများတွင်လည်း ဆောက်လုပ်နေသော အခြေခံအဆောက်အဦး စီမံကိန်းများ၊ ဆေးပေးခန်းများ၊ စာသင်ကျောင်းများအတွက် ပြည်ခိုင်ဖြိုးပါတီက ဝင်၍ အမှတ်ယူလျက် ရှိသည်။
ယခုကဲ့သို့ သိသာထင်ရှားသော ရွေးကောက်ပွဲဆိုင်ရာ အကြံအဖန်ကိစ္စများကို စိုးရိမ်ပူပန်သည်ဟု NLD က ထုတ်ဖော် ပြောဆိုထားသည်။ မကြာမီက ရန်ကုန်မြို့တွင် ပြုလုပ်သော NLD သတင်းစာရှင်းလင်းပွဲတွင် ပါတီ ပြောရေးဆိုခွင့်ရှိသူ ဦးဉာဏ်ဝင်းက "ပြည်ခိုင်ဖြိုးပါတီ အမတ်လောင်း များသည် အခြေခံ အဆောက်အဦနှင့် လျှပ်စစ်မီး ဖြန့်ဝေမှုကို အဆင့်မြှင့်တင်ပေးမည်ဟု ကတိပေးနေကြောင်း" ထောက်ပြ ပြောကြားခဲ့သည်။ ယင်း ကတိကဝတ်များကို ဖြည့်ဆည်းပေးမည့် ပြည်ခိုင်ဖြိုး ရံပုံငွေ မည်သည့်နေရာမှ ရသနည်းဟု NLD က မေးခွန်းထုတ်သည်။ ထိုကဲ့သို့ ကတိများ ပေးခြင်းသည် မဲဝယ်ခြင်းနှင့် အတူတူပင် ဖြစ်ပြီး မလျှော်ကန်သော ဩဇာသုံးခြင်းလည်း ဖြစ်သည်ဟု ဦးဉာဏ်ဝင်းက မှတ်ချက်ပေးသည်။
ပြည်ခိုင်ဖြိုး ရွေူးကောက်ပွဲ မဟာဗျူဟာ စာတမ်းအထောက်အထားအရ မဲဆွယ် စည်းရုံးရေး အစီအစဉ် များတွင် NLD အမတ်လောင်းများ၏ ကိုယ်ရေးအချက်အလက်များကို လေ့လာစုဆောင်းကာ အားနည်းချက်များ ဖော်ထုတ် အပုပ်ချခြင်းလည်း ပါဝင်သည်ကို တွေ့ရသည်။ ဤကိစ္စကို NLD အမတ်လောင်းများ၏ အကျင့်စရိုက်ဆိုးကို ဖော်ထုတ်ကာ ကြောက်ရွံ့မုန်းတီးစိတ်ကို ဖန်တီးရန်ဟု မသဲမကွဲ၊ ဝေဝေဝါးဝါး ရေးသားတင်ပြထားသည်။
ယခင်လက ထားဝယ်စက်မှုဇုန်တွင် မဲဆွယ်စည်းရုံးရာ၌ ထိုဒေသတွင် ကိုယ်ကျိုးစီးပွား မြောက်များစွာ ရှိနေသော ယခင်မွေး/ရေ ဝန်ကြီးဟောင်း ဦးမောင်မောင်သိမ်းက "ပြည်ခိုင်ဖြိုးပါတီကို မဲမပေးပါက အလုပ်အကိုင်များ ဆုံးရှုံးသွားလိမ့်မည်" ဟု ဒေသခံများကို သတိပေး ခြိမ်းခြောက် ပြောဆိုခဲ့သည်။
ပြည်ခိုင်ဖြိုး မဟာဗျူဟာစာတမ်းတွင် ရွေးကောက်ပွဲရလဒ်ကို နောက်ဆုံးနည်းလမ်းအဖြစ် အခွင့်အရေးယူရန် အတိအလင်း ဆိုထားသည်။ အကယ်၍ မဲရေတွက်မှု အားလုံး ရှုံးသွားပါက နောက်ဆုံးမဲစာရင်းကို ပြင်ရန် စီစဉ်ရမည်ဟု ပြည်ခိုင်ဖြိုးပါတီ တိုင်းဒေသကြီးနှင့် ခရိုင်အဆင့် အကြီးအကဲများထံသို့ ပေးပို့သော သီးသန့် (ကန့်သတ်အဆင့်) ညွှန်ကြားလွှာတွင် ပါရှိသည်။ ယင်းညွှန်ကြားလွှာတွင် "၂ဝ၁ဝ ရွေးကောက်ပွဲ၌ ပြည်ခိုင်ဖြိုး အမတ်လောင်းများ ရှုံးနိမ့်ထားသော မဲရုံများကို ဖိအားပေးရမည်။ မဲရုံအရာရှိနှင့် မဲရုံတာဝန်ရှိသူများ အပေါ် ဩဇာရှိအောင် မိတ်ဆွေဖွဲ့ထားရမည်။ ယင်းတို့၏ စီးပွားရေး၊ လူမှုရေး လိုအပ်ချက်များကို လုံလောက်အောင် အကူအညီ ပေးရမည်" ဟု ဖော်ပြထားသည်။ အဆိုပါ ညွှန်ကြားချက်များကို သွယ်ဝိုက် ရေးသားထားသော်လည်း ဖြစ်နိုင်သမျှ မဲလိမ်ရန် ရည်ရွယ်ကြောင်း သိသာ ထင်ရှားနေသည်။
၂ဝ၁ဝ နိုဝင်ဘာလ ရွေးကောက်ပွဲများသည် ကြိုတင်မဲများ အပြည့်ဖြည့်ထားသော မဲပုံးများကြောင့် အဖတ် ဆယ်မရအောင် လုံးဝ နာမည် ပျက်ခဲ့သည်။ ယခုတစ်ကြိမ်တွင်လည်း အလားတူ ထပ်မံဖြစ်ပွားမည်ကို စိုးရိမ်လျက် ရှိကြသည်။
ဦးမောင်မောင်သိမ်းနှင့် ရင်းနှီးသော လက်ရှိရေလုပ်ငန်းဝန်ကြီးသည် ဒေသတွင်း ငါးဖမ်းလှေ သုံးထောင်ခန့်နှင့် ရေလုပ်သား တစ်သိန်းခန့်အား ရက် ၉ဝ ငါးဖမ်းခွင့် ပိတ်ပင်ထားသည်။ ဤကိစ္စသည် ပြည်ခိုင်ဖြိုးအတွက် မဲလိမ်ရန် အသုံးပြုနိုင်မည့် ကြိုတင်မဲများ ထည့်ဝင်ရန် ခြိမ်းခြောက် လုပ်ဆောင်ခြင်းပင် ဖြစ်သည်။
အမတ်လောင်းများအားလုံး အနှောင့်အယှက်ကင်းစွာ ယှဉ်ပြိုင်မှု သေချာစေရန် ရွေးကောက်ပွဲ မဲဆွယ်ခြင်း လုပ်ငန်းစဉ်အစအဆုံးကို နိုင်ငံတကာ အသိုင်းအဝိုင်းအနေဖြင့် လေ့လာစောင့်ကြည့်ရမည်ဟု ရန်ကုန်အခြေစိုက် အနောက်နိုင်ငံ သံတမန်တစ်ဦးက ဆိုသည်။ "အရင်တစ်ကြိမ်က ပြဿနာ ပေါင်းစုံ ပေးခဲ့တဲ့ ကြိုတင်မဲတွေဟာ ဒီတစ်ကြိမ်မှာလည်း အရေးတကြီး စောင့်ကြည့်ရမယ့် ကိစ္စတစ်ခုပါ" ဟု ယင်းက ပြောသည်။
ရွေးကောက်ပွဲတွင် နိုင်ငံတကာ လေ့လာစောင့်ကြည့်သူများကို ခွင့်မပြုပါက NLD အမတ်လောင်းများ အရေအတွက် သိသာစွာ အနိုင်မရခဲ့လျှင် ရလဒ်များ တရားမျှတမှုရှိသည်ဟု လက်ခံပေးရန် ခက်ခဲပါလိမ့်မည်။ သို့သော် ပြည်ခိုင်ဖြိုးပါတီ၏ တင်းမာသော ခေါင်းဆောင်များက ယခု ရွေးကောက်ပွဲတွင် ယင်းတို့အား ဘက်လိုက်ပေးရန် အရေးကြီးသူအဖြစ် တပ်မတော်ကို မျက်စိကျနေပေသည်။
သို့သော် တပ်မတော်သည် ယခုအခါ ပါတီနှင့် ကင်းလွတ်သွားပြီ ဖြစ်၍ ပြည်ခိုင်ဖြိုးပါတီကို မနှစ်သက်ဟု သိရှိသည်။ ဒေါ်အောင်ဆန်းစုကြည် အနေဖြင့် တပ်မတော်ဘက်မှ ဆန္ဒမဲများကိုပါ ရရှိနိုင်သည်ဟု အကြီးတန်း တပ်မတော်အရာရှိ တစ်ဦးက သုံးသပ်ပြောကြားသည်။
*********************************************************************
Google Docs makes it easy to create, store and share online documents, spreadsheets and presentations.
