Posts
 | yangonchronicle 2011- (1) |
၈.၉.၂၀၁၂
ဘာသာပြန်သတင်းများ
- ပိုမိုပွင့်လင်းသော အနာဂတ်သို့ တဖြည်းဖြည်းချင်း သွားနေသည့် မြန်မာ
(VOA သတင်းဌာနမှ 5 September 2012 ရက်စွဲပါ ခေါင်းကြီးပိုင်းဖြစ်သော “Burma Creeping Toward More Open Society” ကိုဘာသာ ပြန်ဆိုသည်)
- ရင်းနှီးမြှုပ်နှံမှု ဥပဒေသစ်ကြောင့် ကုမ္ပဏီလုပ်ငန်းငယ်များ ဘေးရောက်သွားနိုင်
(AFP သတင်းဌာနမှ 4August 2012ရက်စွဲပါ “Myanmar Investment law could soildires small firms” သတင်းကို ဘာသာပြန်ဆိုသည်)
- မြန်မာသို့တိုးရစ်ဝင်ရောက်မှုတိုးမြင့်လာခြင်းကြောင့် ပြဿနာသစ်များနှင့်ကြုံတွေ့ရ
(VOA သတင်းဌာနမှ 7 September 2012 ရက်စွဲပါ “Tourism Surge Presents New Problems for Burma”ကို ဘာသာပြန်ဆိုသည်)
****************************************
ဘာသာပြန်သတင်းများ
ပိုမိုပွင့်လင်းသော အနာဂတ်သို့ တဖြည်းဖြည်းချင်းသွားနေသည့် မြန်မာ
(VOA သတင်းဌာနမှ 5 September 2012 ရက်စွဲပါ ခေါင်းကြီးပိုင်းဖြစ်သော “Burma Creeping Toward More Open Society”ကို ဘာသာပြန်ဆိုသည်)
ပြီးခဲ့သည့် ရက်သတ္တပတ် အနည်းငယ်အတွင်း မြန်မာအစိုးရက လုပ်ဆောင်ခဲ့သော ပြုပြင်ပြောင်းလဲမှုများအနက် အချို့မှာ တိုင်းပြည် အနာဂတ် အတွက် လွန်စွာအရေးကြီးပါသည်။ အထူးသဖြင့် အစိုးရက လတ်တလော ထုတ်ဖော်ပြောဆိုထားသည့် သတင်းစာ လွတ်လပ်ခွင့်နှင့် လွတ်လပ်စွာ လှုပ်ရှား ခွင့် အစရှိသည့် အရေးကိစ္စ နှစ်ရပ်မှာ မြန်မာနိုင်ငံအတွက် လွန်စွာအရေးကြီးလှသည်။
ပြန်ကြားရေး ဝန်ကြီးဌာနက ပြီးခဲ့သည့် သြဂုတ်လ လယ်ခန့်တွင် မြန်မာ့မီဒီယာလောကအတွက် လွန်စွာတင်းကြပ်လှသည့် ဆင်ဆာ တည်းဖြတ်မှု လုပ်ငန်းစဉ်ကို ဖျက်သိမ်းပစ်လိုက်သည်။ သို့အတွက်ကြောင့် သတင်းမီဒီယာများမှ အယ်ဒီတာများ အနေဖြင့် ပုံနှိပ်ထုတ်ဝေမှု မပြုမီ ၎င်းတို့ရေးသားသော သတင်း၊ ဆောင်းပါးနှင့် အခြားသော အကြောင်းအရာများကို အစိုးရ ခွင့်ပြုချက် ရယူစရာ မလိုတော့ပေ။ ထိုသို့ အစိုးရ ဆင်ဆာအဖွဲ့သို့ ကြိုတင် တင်ပြစရာ မလိုဘဲ ပုံနှိပ်ထုတ်ဝေခွင့် ပြုမှုကို ပြီးခဲ့သည့် ၂၀၁၁ခုနှစ်အတွင်း အားကစား၊ ဖျော်ဖြေရေး၊ ကျန်းမာရေးနှင့် ကလေးသူငယ်ဆိုင်ရာ မီဒီယာများကို ခွင့်ပြုခဲ့ သည်။
အမှန်စင်စစ် မြန်မာအစိုးရသည် ပြီးခဲ့သည့် ဇွန်လကတည်းက မှုခင်းသတင်းများနှင့် စီးပွားရေးသတင်းများ အသားပေး ဖော်ပြသည့် ဂျာနယ်နှင့် စာစောင်များကို ဆင်ဆာတည်းဖြတ်မှု ရပ်ဆိုင်းခဲ့သလို ဗွီအိုအေ အမေရိကန်အသံ အပါအဝင် အင်တာနက်ဝက်ဘ်ဆိုက် အတော်များများကိုလည်း ဖွင့်ပေးခဲ့ သည်။ နိုင်ငံခြားသတင်းစာဆရာများကိုလည်း မြန်မာပြည်တွင်းသို့ ဝင်ရောက်ခွင့် ပြုခဲ့သည်။ သြဂုတ်လ ကုန်ပိုင်းတွင်မူ ယခင်စစ်အစိုးရ လက်ထက်က နာမည်ပျက်စာရင်း သွင်းထားသော အစိုးရ အတိုက်အခံများနှင့် သတင်းစာဆရာ အချို့ကို ယင်းစာရင်းမှ ပယ်ဖျက်ပေးလိုက်ပြီး မြန်မာနိုင်ငံသို့ ဝင်ရောက်ခွင့် သို့မဟုတ် ပြည်ပသို့ ထွက်ခွာခွင့် ပြုခဲ့သည်။ ထိုသို့လုပ်ဆောင်ရခြင်းမှာ တိုင်းပြည်၏ အမျိုးသား အကျိုးစီးပွားအတွက် ဖြစ်သည်ဟု အစိုးရက ကြေညာ သည်။ သို့သော်လက်ရှိ လုပ်ဆောင်နေသော ပြုပြင်ပြောင်းလဲမှုများနှင့် တစ်သားတည်း ပြောရမည်ဆိုပါက အဆိုပါ နာမည်ပျက်စာရင်းမှာ တိုတောင်းလာ သည်ဟုပင် ဆိုရမည်။
ကန့်သတ်ပိတ်ပင်မှုများ ဖယ်ရှားပေးလိုက်မှုမှာလည်း မြန်မာ့အမျိုးသား အကျိုးစီးပွားအတွက်သာ လုံးလုံးလျားလျားဖြစ်သည်။ နာမည်ပျက် စာရင်းတွင် ပါဝင်သူများကို ကြည့်မည်ဆိုလျှင် ၎င်းတို့သည် မြန်မာ့လူ့အဖွဲ့အစည်း တိုးတက်အောင်မြင်မှု မရှိအောင်၊ ဈေးကွက်စီးပွားရေးစနစ် ကျယ်ပြန့်နိုင်မှု မရှိအောင်၊ အစိုးရအနေဖြင့် လိုအပ်သော ပြုပြင်ပြောင်းလဲမှုများ မပြုလုပ်နိုင်အောင် ပြုလုပ်ထားသည့် အဟန့်အတားများ၊ တစ်နည်းအားဖြင့် တိုင်းပြည်၏ ချွတ်ယွင်းချက်များအား ထောက်ပြဝေဖန် ခဲ့ကြသူများပင် ဖြစ်သည်။
လွတ်လပ်စွာ ထုတ်ဖော်ပြောဆိုမှု ဟူသည်မှာ အပြုသဘောဆောင်သော အငြင်းအခုန်များအတွက် ခွင့်ပြုခြင်းဖြစ်ပြီး မီဒီယာ လွတ်လပ်ခွင့် ဟူသည်မှာ အဆိုပါ အငြင်းအခုန်များအတွက် အိုင်ဒီယာများ ဖြန့်ဝေပေးရန်၊ ပြည်သူများအနေဖြင့် စစ်မှန်သော အခြေအနေကို သိရှိထားလည်ပြီး မိမိတို့၏ ကိုယ်ပိုင် အိုင်ဒီယာများ ထုတ်ဖော်ရန်ဖြစ်သည်။
အမှန်စင်စစ် မြန်မာနိုင်ငံတွင် လွတ်လပ်စွာ ထုတ်ဖော်ခွင့်ရော လွတ်လပ်စွာ ရေးသားခွင့်ပါ မရရှိသေးပေ။ နာမည်ပျက် စာရင်းသွင်းခံရသူများ စာရင်းတွင် လူပေါင်း ၄၀၀၀ခန့် ဆက်လက်ကျန်ရှိ နေဆဲပင်ဖြစ်သည်။ ဝေဖန်ရေး ဆရာများနှင့် သတင်းစာဆရာများ အနေဖြင့် ကန့်သတ်ချက်များ၊ အဟန့် အတားများ ကြားတွင် သတိကြီးစွာဖြင့် လုပ်ကိုင်ပြောဆို ကြရမည်သာပင်ဖြစ်သည်။ အစိုးရကို ဝေဖန်လျှင်လည်းများစွာ သတိထား ရမည်ဖြစ်၏။ လတ်တလော အနေအထားတွင် ပုဂ္ဂလိက နေ့စဉ်သတင်းစာများ ထုတ်ဝေနိုင်ခြင်း မရှိသေးပေ။ အစိုးရကသာ အရာရာကို ထိန်းချုပ်ထားဆဲသာ ဖြစ်လေသည်။ သတင်းစာဆရာများနှင့် မီဒီယာ သမားများမှာလည်း နည်းပါးလျက်ရှိပြီး လွတ်လပ်သော မီဒီယာ ကွန်ယက်ကြီး တစ်ခု ပေါ်ပေါက်နိုင်ရေး အတွက် အခြေခံ အဆောက်အဦမှာလည်း အနည်းငယ်မျှသာရှိသည်။
မြန်မာနိုင်ငံအနေဖြင့် ရှေ့ဆက်လုပ်ဆောင်ရမည့် အရေးကိစ္စများစွာ ကျန်ရှိနေပါသေးသည်ဟု ဆိုနိုင်သော်လည်း ပို၍လွတ်လပ်ပွင့်လင်းမှု ရှိသော လူ့အဖွဲ့အစည်းမျိုး ဖြစ်ပေါ်မည့် လမ်းကြောင်းပေါ်၌ ပထမဆုံးခြေလှမ်းကို တည့်တည့်မတ်မတ် လှမ်းယူလိုက်နိုင်ပြီ ဖြစ်သည်ဟု ဆိုရပါမည်။ ယခုလို ပိုမို ပွင့်လင်းသော၊ ချမ်းသာကြွယ်ဝမှုရှိသော အနာဂတ်ကို ရောက်ရှိနိုင်မည့် လမ်းကြောင်းပေါ်သုိ့ တက်ရောက်ခဲ့သော မြန်မာနိုင်ငံကို အမေရိကန် ပြည်ထောင်စု က များစွာအသိအမှတ် ပြုလိုက်သည်။
--------------------------------------------------------------------------------------------------------------------------------
ရင်းနှီးမြှုပ်နှံမှု ဥပဒေသစ်ကြောင့် ကုမ္ပဏီလုပ်ငန်းငယ်များ ဘေးရောက်သွားနိုင်
(AFP သတင်းဌာနမှ 4August 2012ရက်စွဲပါ “Myanmar Investment law could soildires small firms” သတင်းကို ဘာသာပြန်ဆိုသည်)
စိတ်ဝင်တစား စောင့်ကြည့်နေကြသော မြန်မာနိုင်ငံ၏ နိုင်ငံခြားရင်းနှီးမြှုပ်နှံမှု ဥပဒေသည် ပြည်တွင်း ကုမ္ပဏီငယ်လေးများကို ဘေးသို့ကန်ထုတ်ပြီး စီးပွားရေး ပြန်နှိုးရန် ရည်ရွယ်သော အဆိုပြုချက်များ၏ ရည်မှန်းချက်များကို နှောင့်နှေး သွားစေလိမ့်မည်ဟု စီးပွားရေး အသိုင်းအဝိုင်း ဦးဆောင်ပုဂ္ဂိုလ်များက အင်္ဂါနေ့က သတိပေးပြောကြားခဲ့သည်။
ယင်းဥပဒေမူကြမ်းသည် ခဲယဉ်းသော ပိုင်ဆိုင်မှု စည်းမျဉ်းများ ချမှတ်ခြင်းဖြင့် အသေးစားနှင့် အလတ်စား စီးပွားရေး လုပ်ငန်းများကို အညွန့်ချိုး ပစ်မည့် အန္တရာယ်ရှိသည်ဟု ပြည်ထောင်စု မြန်မာနိုင်ငံ ကုန်သည်ကြီးများနှင့် စက်မှုလက်မှု လုပ်ငန်းရှင်များ အဖွဲ့ချုပ်(UMFCCI)က ဝေဖန်ထောက်ပြသည်။
နိုင်ငံခြား ကုမ္ပဏီများ အနေဖြင့် အနည်းဆုံး ဒေါ်လာငါးသန်း ရင်းနှီးမြှုပ်နှံကာ ရှယ်ယာ ၄၉ရာခိုင်နှုန်း ပိုင်ဆိုင်ရမည်ဟူသော အဆိုပြု စည်းမျဉ်းသည် လက်တွဲမည့် ပြည်တွင်းကုမ္ပဏီ တစ်ခုအနေဖြင့် အများစုရှယ်ယာ (၅၁ရာခိုင်နှုန်း) ဝင်ဖြစ်ရန် ဒေါ်လာငါးသန်းထက် မနည်းသော ပိုက်ဆံများ ကို ထည့်ဝင်ရမည်ဟု ဆိုလိုရာရောက်ကြောင်း UMFCCIဥက္ကဋ္ဌ ဦးဝင်းအောင်က ရန်ကုန်မြို့တွင် ပြုလုပ်သော သတင်းစာ ရှင်းလင်းပွဲတွင် ပြောကြားသည်။
“ဒီလိုသာဆိုရင် လာမယ့်စီးပွာရေး အခင်းအကျင်းသစ်မှာ အသေးစားနှင့် အလတ်စား လုပ်ငန်းတွေအတွက် နေရာပျောက်သွား ပါလိမ့်မယ်။ များ ပြားတဲ့ မတည်ငွေ သတ်မှတ်ချက်ဟာ နိုင်ငံခြား ကုမ္ပဏီတွေကိုလည်း ဟန့်တားရာ ရောက်ပါတယ်”ဟု ၎င်းက မှတ်ချက်ပေးသည်။
မြန်မာနိုင်ငံ၏ အပြောင်းအလဲကို နိုင်ငံတကာ အသိုင်းအဝိုင်းက အသိအမှတ်ပြု တုန့်ပြန်ကာ sanctionများကို ဖြေလျှော့ဆိုင်းငံ့ပေး ပြီးနောက်တွင် သံယံဇာတ ကြွယ်ဝသော ဈေးကွက်ကို လေ့လာနေသည့် နိုင်ငံခြား ကုမ္ပဏီများ၏ စိတ်ဝင်စားမှု လျှံတက်လာခြင်းကို ကိုင်တွယ်ရန် ယခုရင်းနှီးမြှုပ်နှံမှု ဥပဒေ က ရည်မှန်းထားခြင်း ဖြစ်သည်။
“နိုင်ငံခြား ကုမ္ပဏီတွေ ဝင်ရောက်လာတဲ့ အချိန်မှာ နည်းပညာ၊ ဈေးကွက်တွေကို ထိတွေ့ခွင့် စသဖြင့် ရရှိနိုင်မှာပါ”ဟု ဦးဝင်းအောင်က ဆိုသည်။ “ကျွန်တော်တို့ရဲ့ အသေးစားနှင့် အလတ်စားလုပ်ငန်း (SMEs)တွေမှာ အားနည်းချက် ရှိတယ်ဆိုတာကို ကျွန်တော်တို့အားလုံး သိကြပြီးသား ပါ”ဟု ၎င်းက ဆက်လက် ပြောကြားသည်။
လက်ရှိလွှတ်တော်တွင် ဆွေးနွေးနေပြီး မကြာမီ ထုတ်ပြန်မည်ဟု ယူဆရသော နိုင်ငံခြား ရင်းနှီးမြှုပ်နှံမှု ဥပဒေ မူကြမ်းသည် အိမ်နီးချင်း အာဆီယံ နိုင်ငံများနှင့်လည်း မယှဉ်နိုင်သောကြောင့် အပြစ်တင် ဝေဖန် ခံနေရသည်။
“ဗဟု”အဖွဲ့မှ ဦးဇော်ဦးက “မြန်မာနိုင်ငံ၏ ယခုဥပဒေသည် တင်းကြပ်သော ပိုင်ဆိုင်မှု စည်းကမ်းများ မသတ်မှတ်ကြသော အိမ်နီးချင်း အာဆီယံ နိုင်ငံများ၏ ဥပဒေများနှင့် မကိုက်ညီပါက များစွာဒုက္ခ တွေ့လိမ့်မည်”ဟု ပြောကြားသည်။
နှစ်ပေါင်းများစွာ တံခါးပိတ် သံချေးတက် ဆွေးမြေ့သွားပြီးမှ တံခါးပြန်ပိတ်လိုက်သော မြန်မာနိုင်ငံသည် သံယံဇာတ ကြွယ်ဝကာ အိန္ဒိယ၊ တရုတ်၊အာဆီယံ သုံးပွင်ဆိုင် အကြားပထဝီဗျူဟာမြောက် တည်ရှိမှုကြောင့် နိုင်ငံခြားကုမ္ပဏီများ အတွက် အလားအလာကောင်းသော ဈေးကွက်ဟု ရှုမြင်ကြသည်။
စစ်အုပ်ချုပ်ရေး မနှစ်က ပြည်ဖုံးကား ချပြီးနောက်တွင် ထင်ရှားသော အပြောင်းအလဲများကို တစ်သီတစ်တန်း ဆက်တိုက်ပြုလုပ်ခဲ့သော သမ္မတ ဦးသိန်းစိန်သည် ပြုပြင်ပြောင်းလဲမှု ဒုတိယအချီတွင် စီးပွားရေးကို အဓိက ဦးစားပေးရန် ဆုံးဖြတ်ထားသည်ဟု သိရှိရသည်။
ယခုအချိန်အထိ အစိုးရ၏ အထင်ရှားဆုံး စီးပွားရေး ပြင်ဆင်မှုတစ်ခုမှာ ကုန်သွယ်မှု၊ ရင်နှီးမြှုပ်နှံမှု ချောမွေ့စေရန် ယခင်ရှုပ်ထွေးသော ငွေလဲနှုန်း စနစ်ကို ဖျက်သိမ်း၍ ကျပ်ငွေနှုန်းရှင်မျှောခြင်းကို ဧပြီလတွင် စတင်ခဲ့ခြင်းပင်ဖြစ်သည်။
ထို့နောက်တွင် သတ္ထုတွင်းနှင့် ရေနံဓာတ်ငွေ့ ကဏ္ဍများ၌ လာရောက် ရင်းနှီးမြှုပ်နှံကြရန် နိုင်ငံခြား ကုမ္ပဏီများကို အစိုးရက ဖိတ်ခေါ်ခဲ့သည်။ ယခု အချိန်အထိ မြန်မာ့စွမ်းအင် ကဏ္ဍ၏ အသီးအပွင့်များကို ဆင်ရဲနွမ်းပါးသော မြန်မာပြည်သူများထက် နိုင်ငံခြား ရင်းနှီးမြှုပ်နှံသူများနှင့် အာဏာပိုင်းများကသာ ခွဲဝေခံစား နေကြသည်ဟု ဝေဖန်ဆန်းစစ် သူများက မှတ်ချက်ပေး ပြောဆိုထားသည်။
--------------------------------------------------------------------------------------------------------------------
မြန်မာသို့ တိုးရစ်ဝင်ရောက်မှု တိုးမြင့်လာခြင်းကြောင့် ပြဿနာသစ်များနှင့် ကြုံတွေ့ရ
(VOA သတင်းဌာနမှ 7 September 2012 ရက်စွဲပါ “Tourism Surge Presents New Problems for Burma”ကို ဘာသာပြန်ဆိုသည်)
မြန်မာနိုင်ငံသို့ ကမ္ဘာ့လှည့် ခရီးသွား တိုးရစ်နှင့် စီးပွားရေးလုပ်ငန်း လုပ်ကိုင်ရန် ရောက်ရှိလာသူ နိုင်ငံခြားသား ဦးရေမှာ ၃၀ ရာခိုင်နှုန်းကျော် မြင့်တက်လာသလို ကမ္ဘာလှည့် ခရီးသွား လုပ်ငန်းမှာလည်း နိုင်ငံတွင်း အပြောင်းအလဲ ဖြစ်မှုများကို ဖော်ကျူးသည့် ညွှန်းကိန်းတစ်ခု ဖြစ်လာသည်။
ယခုနှစ် ၇လတာ ကာလအတွင်း မြန်မာနိုင်ငံသို့ ဆိုက်ရောက်လာသော တိုးရစ်ဦးရေမှာ သုံးသိန်းဖြစ်ပြီး အဆိုပါ ပမာဏသည် ပြီးခဲ့သည့် ၂၀၁၁ ခုနှစ်အတွင်း ဝင်ရောက်ခဲ့သော ပမာဏ နီးပါးရှိကြောင်း သိရသည်။ မြန်မာနိုင်ငံသို့ ဝင်ရောက်လည်ပတ် သူများထဲတွင် ထိုင်းနိုင်ငံမှ အများဆုံးဖြစ်သည်။ ထိုင်းနိုင်ငံပြီးလျှင် ဂျပန်၊ တရုတ်နှင့် တောင်ကိုရီးယားတို့ရှိသည်။ ဥရောပ တိုက်သားများမှာမူ မြန်မာနိုင်ငံသို့ ဝင်ရောက်သည့် တိုးရစ်စုစုပေါင်း၏ လေးပုံ တစ်ပုံခန့် ရှိသည်။
လာမည့် ၂၀၁၄ခုနှစ်တွင် မြန်မာနိုင်ငံက အာဆီယံထိပ်သီး ဆွေးနွေးပွဲ လက်ခံကျင်းပချိန်တွင် နိုင်ငံခြားသား တိုးရစ် တစ်သန်းနီးပါးခန့် ဝင်ရောက်မည်ဟု ခန့်မှန်းထားသည်။ လက်ရှိအနေအထားတွင် နိုင်ငံတစ်ဝန်း၌ ဟိုတယ်အခန်းပေါင်း ၂၅၀၀၀ရှိသည်။ စီးပွားရေးမြို့တော်ဟု ဆိုသော ရန်ကုန် တွင်မူ ဟိုတယ်ခန်း စုစုပေါင်း ၈၀၀၀ရှိသည်။
သို့သော် နိုင်ငံခြား တိုးရစ်ဝင်ရောက်မှု အဆမတန် မြင့်တက်လာခြင်းကြောင့် ကမ္ဘာလှည့် ခရီးသွား လုပ်ငန်းများတွင် လုပ်ငန်းကြန့်ကြာမှုနှင့် အခက်အခဲများ တွေ့ကြုံလာရသလို တိုးရစ်နှင့် စီးပွားရေး ခရီးသွားများ အကြား ဟိုတယ်အခန်း ရရှိရေး ယှဉ်ပြိုင်မှုမှာလည်း မြင့်တက်လာသည်။
ထိုင်းနိုင်ငံ၊ ဘန်ကောက်မြို့ အခြေစိုက် Asian Trailsမှ အမှုဆောင် အရာရှိချုပ် Luzi Matzigက မြန်မာနိုင်ငံတွင်း ကမ္ဘာလှည့် ခရီးသွား လုပ်ငန်း အဆမတန် ကြီးထွားလာခြင်းမှာ မကြုံစဖူးပင် ဖြစ်ကြောင်းပြောဆိုသည်။
"ယခုလို တိုးရစ်ဝင်ရောက်မှု အဆမတန် မြင့်တက်လာတာမျိုးကို ကျွန်တော်တို့ ဘယ်နိုင်ငံမှာမှ မကြုံဖူးပါဘူး။ ဘယ်တုန်းကမှလည်း ဒီလိုမျိုး မဖြစ် ဖူးပါဘူး။ ယခု မြန်မာနိုင်ငံကို သွားချင်တဲ့ ခရီးသည်တွေ များပြားနေချိန်မှာ ကျွန်တော်တို့ ကြုံတွေ့နေရတဲ့ ပြဿနာက အတော့်ကို ကိုင်တွယ်ဖြေရှင်းရ ခက်ပါတယ်။ ဘာဖြစ်လို့လဲဆိုတော့ မြန်မာပြည်မှာ ဟိုတယ်ခန်းတွေ ဒါမှမဟုတ် သယ်ယူပို့ဆောင်ရေး လုပ်ငန်းတွေ လုံလုံလောက်လောက် မရှိတာပါပဲ" ဟု ပြောကြားသည်။
ဟိုတယ်ခန်း ငှားရမ်းမှု နှုန်းထားများ ဈေးအဆမတန် မြင့်တက်ခြင်း၊ အခန်းငှားရမ်းမှုအတွက် အဆင့်မြင့် ကန်ထရိုက်ချုပ်ဆို ပေးနိုင်မှု မရှိခြင်း အစ ရှိသည်တို့ကြောင့် ကမ္ဘာလှည့် ခရီးသွား လုပ်ငန်းများက မကျေမနပ် ဖြစ်လျက်ရှိသည်ဟု ၎င်းကဆိုသည်။
မြန်မာနိုင်ငံတွင်း လူ့အခွင့်အရေး မှတ်တမ်းများ တိုးတက်ကောင်းမွန် လာခြင်းကြောင့် အနောက်နိုင်ငံများက သတ်မှတ်ပြဋ္ဌာန်းခဲ့သော ပိတ်ဆို့ အရေးယူမှုများ ဆိုင်းငံ့သွားရာ စီးပွားရေးလုပ်ငန်း လုပ်ကိုင်နိုင်ရေးအတွက် လာရောက်သူ နိုင်ငံခြားသား ခရီးသွားဦးရေမှာလည်း မြင့်တက်လာကြောင်း ၎င်းက ဆက်လက်ပြောဆိုသည်။ ယခင်တိုးရစ်များ ပုံမှန်ငှားရမ်းလေ့ရှိသော အခန်းများကို အချို့သော ကုမ္ပဏီကြီးများက ကြိုတင်ဘွတ်ကင် လုပ်ထား ကြသည်။
မြန်မာ့ဟိုတယ်နှင့် ခရီးသွားလာရေး ဝန်ကြီး ဦးဌေးအောင်က တိုးရစ်ဝင်ရောက်မှုနှုန်း မြင့်တက်လာမှုမှာ ကြိုဆိုရမည့် ကိစ္စဖြစ်သော်လည်း စိန်ခေါ်မှု အသစ်များကို ဖန်တီးလာကြောင်း၊ အထူးသဖြင့် လူသားအရင်းမြစ်နှင့် အခြေခံအဆောက်အဦး လိုအပ်ချက်ပင် ဖြစ်ကြောင်း ပြောကြားသည်။
"ကျွန်တော်တို့ အနေနဲ့ အဆင့်အတန်းတွေ၊ ဝန်ဆောင်မှု အဆင့်အတန်းတွေ မြှင့်တင်ရပါမယ်။ အဲဒီကိစ္စဟာ အင်မတန် အရေးကြီးပါတယ်။ နောက် တစ်ချက်က သယ်ယူပို့ဆောင်ရေးပါ၊ ပြည်တွင်းသယ်ယူပို့ဆောင်ရေး လုပ်ငန်းတွေပေါ့။ နောက်ပြီးတော့ ဟိုတယ်တွေ၊ ရှိပြီးသား ဟိုတယ်တွေရဲ့ အဆင့်အတန်းကိုလည်း မြှင့်တင်ရပါမယ်။ ကမ္ဘာလှည့် ခရီးသွားတွေ သွားရောက်ကြည့်ရှုတဲ့ နေရာတွေ ကိုလည်းပဲ အလားတူ အဆင့်မြှင့်တင် ရမှာဖြစ်သလို တိုးရစ်တွေအတွက် နေရာသစ်တွေကိုလည်း ထပ်မံဖွင့်လှစ် ရမှာဖြစ်ပါတယ်"ဟု ဦးဌေးအောင်က ပြောကြားသည်။
မြန်မာနိုင်ငံတွင် ယခုအခါ ရန်ကုန်မြို့အနီး၌ နိုင်ငံတကာ လေဆိပ်သစ်ကြီးတစ်ခု တည်ဆောက်ရန် စီစဉ်လျက် ရှိသလို ရန်ကုန်ရှိ တိုက်ခန်းများကို ဟိုတယ်ခန်းအဖြစ် ပြောင်းလဲလျက်ရှိရာ ယခုနှစ်အတွင်း ဟိုတယ်ခန်းပေါင်း ၅၀၀အထိ တိုးမြင့်လာသည်။
အာရှဖွံ့ဖြိုးရေးဘဏ် (ADB)ကမူ မြန်မာနိုင်ငံအတွက် တိုရစ်ဇင်လုပ်ငန်းဆိုင်ရာ မဟာစီမံကိန်းကြီး တစ်ရပ်ကို ပြင်ဆင်ပေးလျက်ရှိပြီး အာရှဒေသ တွင်း လေကြောင်းလိုင်း များကလည်း မြန်မာနှင့် ချိတ်ဆက်ကာ ခရီးစဉ်သစ်များ ပြေးဆွဲပျံသန်း ပေးလျက်ရှိသည်။
ADBမှ စီးပွားရေးပညာရှင် Alfredo Perdigueroက တိုင်းပြည်စီးပွားရေးအတွက် လူသားအရင်းအမြစ် ဖွံ့ဖြိုးရေးနှင့် အခြေခံ အဆောက်အဦ ဖွံ့ဖြိုးတိုးတက်ရေးသည် လွန်စွာအခရာကျကြောင်း ပြောကြားသည်။
"ဆိပ်ကမ်းတွေမှာရော နယ်စပ်ဒေသတစ်လျှောက်မှာပါ သယ်ယူပို့ဆောင်ရေးကိစ္စနဲ့ပတ်သက်တဲ့ အဟန့်အတားတွေရှိနေဆဲဖြစ်ပါတယ်။ လုပ်ကိုင်နိုင်မှု စွမ်းအားကို ကြည့်မယ်ဆိုရင် အလုပ်သမားတွေ လိုအပ်လာပါတယ်။ ကျွန်တော်တို့မှာ လုပ်ကိုင်ပေးနိုင်စွမ်းတွေ အသေအချာ ရှိနေပေမယ့် လည်း မြန်မာနိုင်ငံရဲ့ အသက်မွေး ဝမ်းကျောင်းပညာနဲ့ တက္ကသိုလ်ပညာရေးစနစ် ဆိုးရွားညံ့ဖျင်းမှုကြောင့် ဘာမှလုပ်လို့မရပဲ ဖြစ်နေပါတယ်" ဟု ၎င်းက ဆိုသည်။ မြန်မာအစိုးရကမူ ကမ္ဘာလှည့် ခရီးသွား လုပ်ငန်းဆိုင်ရာ မူဝါဒများသည် ဆင်းရဲနွမ်းပါးမှု လျှော့ချရေးအတွက် အထောက်အကူဖြစ်ကြောင်း၊ အမျိုးသမီးများ အတွက်လည်း အခွင့်အလမ်းများ ရရှိစေမည်ဖြစ်ကြောင်း၊ ပုံမှန်အနေအထားဖြင့် တိုးရစ်ဝင်ရောက်မှု တိုးတက်လာခြင်းကြောင့် ပြည်တွင်းမှ လူ့အဖွဲ့အစည်းများနှင့် မြန်မာနိုင်ငံ ရေရှည်ဖွံ့ဖြိုး တိုးတက်ရေးအတွက် အကျိုးအမြတ် ဖြစ်ထွန်းစေမည် ဖြစ်ကြောင်း ပြောဆိုထားသည်။
************************************************************
Google Drive: create, share, and keep all your stuff in one place.
