Posts
 | yangonchronicle2011 |
၂၃.၉.၂၀၁၂
ပြည်တွင်းသတင်း
- အရေးယူပိတ်ဆို့မှုထပ်မံဖြေလျော့ရေး EU ပြင်ဆင်
- လာမည့် ၂၀၁၃ ခုနှစ်တွင် မုန်တိုင်းစောင့်ကြည့်ရေးရေဒါနှစ်ခု တပ်ဆင်မည်
ပြည်တွင်းပါတီ၊ နိုင်ငံရေးသတင်း
- ငြိမ်းချမ်းရေးဆွေးနွေးမည့် ဌာန KIO ဖွင့်လှစ်
- လွှတ်တော်အမတ်ဦးမြင့်အောင်အား ကိုယ်စားလှယ်အဖြစ်မှရုတ်သိမ်းရေး မဲဆန္ဒရှင်များကြိုးပမ်း
သတင်းနှင့် ဆောင်းပါးများမှ ကောက်နှုတ်ချက်များ
******************************
ပြည်တွင်းသတင်း
အရေးယူပိတ်ဆို့မှုထပ်မံဖြေလျော့ရေး EU ပြင်ဆင်
မြန်မာနိုင်ငံအတွင်း နိုင်ငံတော်အစိုးရ၏ သိသာထင်ရှားသော ပြောင်းလဲမှုများနှင့် မြန်မာအလုပ်သမားများအပေါ် ဖိနှိပ်မှုများ အနည်းငယ် လျော့ပါးသွားသည့်အတွက် မြန်မာနိုင်ငံအပေါ် ဥရောပသမဂ္ဂ(EU)မှနှစ်ပေါင်းများစွာ ချမှတ်ထားသော စီးပွားရေးပိတ်ဆို့ အရေးယူမှုများကို ထပ်မံဖြေလျော့ နိုင်ရန် ပြင်ဆင်နေပြီဖြစ်ကြောင်း ပြည်ပသတင်းမီဒီယာ တစ်ခုတွင် ဖော်ပြထားသည်။
“လက်ရှိ EU ကမြန်မာနိုင်ငံအပေါ် ချမှတ်ထားတဲ့ အရေးယူမှုတွေကို ဖြေလျော့နိုင်ရေး ပြင်ဆင်နေပြီလို့ သတင်းတစ်ခုမှာ ဖတ်လိုက်ရပါတယ်။ အစိုးရအနေနဲ့ ပြုပြင်ပြောင်းလဲမှုတွေ လုပ်တယ်ဆိုပေမယ့် ဒီ့ထက်ပိုပြီး သိသာထင်ရှားဖို့ လိုအပ်နေပါသေးတယ်။ EU အနေနဲ့ အရေးယူပိတ်ဆို့မှုတွေကို အကုန်လုံးဖယ်လို့ မရသေးပါဘူး”ပာု မြန်မာ့အရေးလှုပ်ရှားနေသူတစ်ဦးက ပြောကြားသည်။
ထို့ပြင် ဥရောပသမဂ္ဂ၏ အထွေထွေကင်းလွတ်ခွင့် အစီအစဉ်အရ မြန်မာနိုင်ငံမှ ဥရောပသမဂ္ဂသို့ လက်နက်ခဲယမ်း မီးကျောက်များမှလွဲ၍ ကျန် ကုန်ပစ္စည်း တင်ပို့မှုများအပေါ် အခွန်နှင့် ကန့်သတ်မှုများ ကင်းလွတ်ခွင့်ရရှိပြီး ယခုကဲ့သို့ ဥရောပသမဂ္ဂမှ အခွန်ကင်းလွတ်ခွင့်ပေးရခြင်းမှာ မြန်မာအစိုးရ သစ်၏ နိုင်ငံရေး၊ လူမှုရေးနှင့် အလုပ်သမားဆိုင်ရာ နယ်ပယ်များအတွင်း လတ်တလော ဆောင်ရွက်ခဲ့သည့် ပြုပြင်ပြောင်းလဲမှုများအပေါ် နိုင်ငံတကာက အသိအမှတ်ပြု လာခဲ့ခြင်းကြောင့်ဖြစ်ကြောင်း နိုင်ငံပိုင်သတင်းစာများတွင် ဖော်ပြပါရှိသည်။
“အီးယူနိုင်ငံတွေက ခုလိုဖြေလျော့မှုတွေ ပြုလုပ်ပေးနေသလို နိုင်ငံတော်အစိုးရအနေနဲ့လည်း ပြုပြင်ပြောင်းလဲမှုတွေကို ဒီ့ထက် ပိုလုပ်သင့်ပါတယ်။ ပြီးတော့ ပြည်တွင်းငြိမ်းချမ်းရေးအတွက် စစ်ပွဲတွေကို ရပ်တန့်ဖို့သင့်ပါပြီ။ ပြုပြင်ပြောင်းလဲမှုတွေ လုပ်နေပေမယ့် ပြည်တွင်းစစ် ကတော့ ရှိနေဦးမယ်ဆိုရင် နိုင်ငံတကာမှ ရှက်ဖို့ကောင်းပါတယ်”ပာု ငြိမ်းချမ်းရေး အကျိုးဆောင်တစ်ဦးက ပြောကြားသည်။
မြန်မာနိုင်ငံသည် အစိုးရသစ်လက်ထက်မှစတင်၍ နိုင်ငံရေး၊ စီးပွားရေး ပြုပြင်ပြောင်းလဲမှုများကို လုပ်ဆောင်ပြသခဲ့သည့်အတွက် မြန်မာနိုင်ငံ အပေါ် နှစ်ပေါင်းများစွာ စီးပွားရေးပိတ်ဆို့အရေးယူမှု ပြုလုပ်ထားသည့် အမေရိကန် နိုင်ငံနှင့် အီးယူနိုင်ငံတို့မှ အရေးယူမှုများဖြေလျော့ပေးခဲ့သည်။
YC
-----------------------------------------------------------------------------------------------------------------------------------
လာမည့် ၂၀၁၃ ခုနှစ်တွင် မုန်တိုင်းစောင့်ကြည့်ရေးရေဒါနှစ်ခု တပ်ဆင်မည်
လာမည့် ၂၀၁၃ ခုနှစ်တွင် မြန်မာနိုင်ငံ၌ တစ်ခုလျှင်ဒေါ်လာခြောက်သန်းတန် မုန်တိုင်းစောင့်ကြည့်ရေး ရေဒါနှစ်ခုကို ဂျပန်အစိုးရ၏ အကူအညီဖြင့် တပ်ဆင်သွားမည်ဖြစ်ကြောင်း မိုးလေဝသနှင့် ဇလဗေဒညွှန်ကြားမှု ဦးစီးဌာနမှ ညွှန်ကြားရေးမှူး ဦးချစ်ကျော်က ပြောကြားကြောင်း ပြည်တွင်း အပတ်စဉ် ထုတ် The Voice ဂျာနယ်တွင် ဖော်ပြပါရှိသည်။
ယင်း ရေဒါများကို ရန်ကုန်မြို့နှင့် ရခိုင်ပြည်နယ် ကျောက်ဖြူမြို့တို့တွင် တပ်ဆင်အသုံးပြုသွားမည်ဖြစ်ပြီး ယင်းရေဒါများတပ်ဆင်ခြင်းဖြင့် မုန်တိုင်း သတိပေးချက်များကို ကြိုတင်သိရှိနိုင်မည့်အပြင် တိုက်ခတ်မည့် မုန်တိုင်းအင်အား၊ တိုက်ခတ်မည့်မိုင်နှုန်ှုး၊ နေရာနှင့် အကျယ်အဝန်းတို့ကို ကြိုတင်သိရှိ နိုင်မည်ဖြစ်ကြောင်း သိရသည်။
“နာဂစ်တန်းကတည်းက မုန်တိုင်းကိစ္စတွေကို သင်ခန်းစာယူသင့်ပါပြီ။ ဒါကြောင့် လာမယ့် ၂၀၁၃တွင် မြန်မာနိုင်ငံမှာ မုန်တိုင်းစောင့်ကြည့်ရေး ရေဒါနှစ်ခုကို တပ်ဆင်အသုံးပြုသွားမှာပါ။ ဒီကိရိယာ တပ်ဆင်လိုက်မယ်ဆိုရင် မုန်တိုင်းအန္တရာယ် ကြိုတင်သိရှိပြီးတော့ ကာကွယ်နိုင်သွားမှာပါ။ ဒါဆို ပြည်သူတွေလည်ူ အသေအပျောက် အပျက်အစီး နည်းပါးသွားနိုင်ပါတယ်”ပာု မိုးလေဝသဌာနမှ တာဝန်ရှိသူတစ်ဦးက ပြောကြားသည်။
လက်ရှိတွင် မိုးလေဝသနှင့် ဇလဗေဒဌာန၌ အသုံးပြုလျက်ရှိသော တိုင်းတာရေးကိရိယာများမှာ သက်တမ်းကြာမြင့်နေပြီး တွက်ချက်မှုပြုရာတွင် တိကျသောအဖြေများကို တိုင်းတာမှုမပြုလုပ်နိုင်သည့်အတွက် သဘာဝဘေးထွက် ဆိုးကျိုးများကို ပြည်သူများခံစားနေရပြီး ယခုကဲ့သို့ အရည်အသွေးမြင့် စက်ကိရိယာများဖြင့် ဒေတာများကို တိုင်းတာတွက်ချက်မှု ပြုလုပ်နိုင်မည်ဆိုပါက ပြည်သူလူထုအတွက် သဘာဝပတ်ဝန်းကျင် ဘေးထွက်ဆိုးကျိုးများ လျော့ပါးသွားနိုင်မည်ဖြစ်ကြောင်း မိုးလေဝသ ကျွမ်းကျင်ပညာရှင်တစ်ဦးက ပြောကြားသည်။
Ref:The Voice
******************************
ပြည်တွင်းပါတီ၊ နိုင်ငံရေးသတင်း
ငြိမ်းချမ်းရေးဆွေးနွေးမည့် ဌာန KIO ဖွင့်လှစ်
လက်ရှိတပ်မတော်နှင့် ရင်ဆိုင်တိုက်ပွဲများ ဖြစ်ပွားလျက်ရှိသည့် ကချင်လွတ်မြောက်ရေးအဖွဲ့(KIO)မှ ငြိမ်းချမ်းရေး ဆွေးနွေးရေးဌာန(Justice & Negotiation Center)ကို မိုင်ဂျာယန်နှင့် လွယ်ဂျယ်မြို့ကြားရှိ ပရန်ငေါကျေးရွာတွင် စက်တင်ဘာလ ၁၈ ရက်နေ့၌ စတင်ဖွင့်လှစ်ခဲ့ကြောင်း သိရသည်။
“တပ်မတော်နဲ့ ငြိမ်းချမ်းရေးဆွေးနွေးဖို့အတွက် KIO ရဲ့ ငြိမ်းချမ်းရေး ဆွေးနွေးရေးဌာနတစ်ခုကို ဖွင့်လှစ်လိုက်ပါပြီ။ ပြီးတော့ အဲ့ဒီနေရာမှာ အရင်ကရှိခဲ့တဲ့ KIA ရဲ့တပ်ရင်း ၁၆ ရဲ့အခွဲကိုလည်း တခြားကိုရွှေ့လိုက်ပါပြီ။ အဓိကတော့ ဒီနေရာကို စစ်မဲ့ဇုန်အဖြစ် သဘောထားပြီးတော့ ငြိမ်းချမ်းရေး ကိစ္စတွေအတွက် ဆွေးနွေးပွဲတွေပြုလုပ်ဖို့ ရည်ရွယ်ပါ တယ်”ပာု ငြိမ်းချမ်းရေး အကျိုးဆောင်တစ်ဦးက ပြောကြားသည်။
လက်ရှိအချိန်တွင် အစိုးရနှင့် KIO တပ်ဖွဲ့ဝင်များ စတုတ္ထအကြိမ်မြောက် ငြိမ်းချမ်းရေးဆွေးနွေးနိုင်ရန် အစိုးရဘက်မှ KIO တာဝန်ရှိသူများ နေပြည်တော်သို့ လာရောက်ရေးအတွက် ကမ်းလှမ်းခဲ့သော်လည်း KIO မှ သဘောမတူသည့်အတွက် ငြိမ်းချမ်းရေးဆွေးနွေးမှုများ လုပ်ဆောင်နိုင်ခြင်း မရှိ သေးဘဲ အစိုးရနှင့် KIO တပ်များရင်ဆိုင်တိုက်ပွဲများ ဖြစ်ပွားလျက် ရှိသည်။
ထို့ပြင် မြန်မာနိုင်ငံ၌ ကျင်းပပြီးစီးခဲ့သည့် လွှတ်တော်အစည်းအဝေးများတွင် ပြည်တွင်းငြိမ်းချမ်းရေး ကိစ္စရပ်များနှင့်ပတ်သက်၍ သီးသန့် ဆွေးနွေးခြင်းမျိုး မရှိသေးဘဲ တိုင်းရင်းသားအရေးကိစ္စ အကြောင်းအရာမျိုးဖြင့်သာ ဆွေးနွေးလျက်ရှိသည့်အတွက် လွှတ်တော်ကိုယ်စားလှယ်များအနေဖြင့် ငြိမ်းချမ်းရေးကိစ္စရပ်များနှင့်ပတ်သက်၍ ဆွေးနွေးရန် လိုအပ်ကြောင်း လွှတ်တော်ကိုယ်စားလှယ်တစ်ဦးက ပြောကြားသည်။
“လွှတ်တော်ထဲမှ ငြိမ်းချမ်းရေးနဲ့ပတ်သက်ပြီးဘာမှ ဆွေးနွေးတာမျိုး မရှိသေးပါဘူး။ တိုင်းရင်းသား အရေးကိစ္စကိုပဲ ဆွေးနွေးတာများပါတယ်။ ဒါကြောင့် ငြိမ်းချမ်းရေးဆွေးနွေးဖို့ကိစ္စအတွက် သီးသန့်အဆို တင်သွင်းတာတွေ၊ မေးခွန်းမေးမြန်းတာတွေ လုပ်ဆောင်ဖို့ လိုပါတယ်။ ငြိမ်းချမ်းရေးကိစ္စနဲ့ ပတ်သက်ပြီး လွှတ်တော်ထဲမှာ ကန့်သတ်ထားတာမျိုးလည်း မရှိပါ ဘူး”ပာု အထက်ပါပုဂ္ဂိုလ်က ဆက်လက်ပြောကြားသည်။
စက်တင်ဘာလ ၂၁ ရက်နေ့တွင် ကျရောက်သည့် အပြည်ပြည်ဆိုင်ရာ ငြိမ်းချမ်းရေးနေ့တွင် ရန်ကုန်မြို့၌ ငြိမ်းချမ်းရေး ဆုတောင်းပွဲများ၊ ဆန္ဒထုတ်ဖော်ပွဲများ၊ ကချင်ဒေသရှိဒုက္ခသည်များအတွက် ရန်ပုံငွေရှာဖွေပွဲများကို ပြုလုပ် ကျင်းပခဲ့သည်။
NT
-----------------------------------------------------------------------------------------------------------------------------------
လွှတ်တော်အမတ်ဦးမြင့်အောင်အား ကိုယ်စားလှယ်အဖြစ်မှရုတ်သိမ်းရေး မဲဆန္ဒရှင်များကြိုးပမ်း
ရန်ကုန်တိုင်းဒေသကြီး မြောက်ပိုင်းခရိုင်တိုက်ကြီးမြို့နယ် ဥက္ကံမြို့အမှတ်(၂)မဲဆန္ဒနယ်မြေမှ လွှတ်တော်အမတ် ဦးမြင့်အောင်အား လွှတ်တော် ကိုယ်စားလှယ်အဖြစ်မှ ပြန်လည်ရုတ်သိမ်းရေးအတွက် ယင်းမဲဆန္ဒနယ်ရှိ ဒေသခံများက ကြိုးပမ်းလျက်ရှိကြောင်း သိရသည်။
“ကျွန်တော်တို့မဲဆန္ဒနယ်က လွှတ်တော်အမတ်တစ်ဦးက ကိုယ်စားလှယ်အဖြစ်က ရုတ်သိမ်းရေးအတွက် တောင်းဆိုသွားမှာပါ။ ပုဂ္ဂိုလ်ရေး မုန်းတီးမှုတွေ ပါတာမျိုး မပာုတ်ပေမယ့် ပြည်သူတွေအတွက် ဘာမှလုပ်ဆောင်နိုင်မှု မရှိဘူး။ ဒီတော့ ပြည်သူတွေ နစ်နာတယ်။ ဒါကြောင့် ကိုယ်စားလှယ် အဖြစ်က ရုတ်သိမ်းနိုင်ရေး လုပ်ဆောင်ရတာပါ”ပာု မဲဆန္ဒရှင်တစ်ဦးက ပြောကြားသည်။
ထိုသို့ ဦးမြင့်အောင်အား လွှတ်တော်ကိုယ်စားလှယ်အဖြစ်မှ ရုတ်သိမ်းရေး ကိစ္စရပ်များ လုပ်ဆောင်ရာတွင် လိုအပ်ပါက အခြားပါတီများနှင့် တိုင်ပင် အကြံဉာဏ်များ ရယူ၍ လုပ်ဆောင်သွားမည်ဖြစ်ပြီး ပြည်သူလူထုနစ်နာခဲ့ရသည့် နစ်နာမှုများအား ဖော်ထုတ်၍ လွှတ်တော်ကိုယ်စားလှယ်အဖြစ်မှ ရုတ်သိမ်းရေး တောင်းဆိုသွားမည်ဖြစ်ကြောင်း ၎င်းက ဆက် လက်ပြောကြားသည်။
“ကျွန်တော်တို့အနေနဲ့ လွှတ်တော်ကိုယ်စားလှယ် ဦးမြင့်အောင်ကို ကိုယ်စားလှယ်အဖြစ်က ရုတ်သိမ်းရေးအတွက် လုပ်ဆောင်ရာမှာ တခြားပါတီ တွေရဲ့ အကူအညီကိုလည်း ရယူသွားမှာပါ။ ဒီအမတ်က ၂၀၁၀ အငြင်းပွားဖွယ် ရွေးကောက်ပွဲတုန်းက တက်လာတဲ့အမတ်ပါ။ ပြည်သူတွေရဲ့ ဆန္ဒ သဘောထား တစ်ခုမှ မပါဝင်ပါဘူး”ပာု ဥက္ကံမြို့နယ်မှ တာဝန်ရှိသူတစ်ဦးက ပြောကြားသည်။
လွှတ်တော်ကိုယ်စားလှယ်တစ်ဦးအား တာဝန်မှ ပြန်လည်ရုတ်သိမ်းခြင်းနှင့်ပတ်သက်၍ ၂၀၀၈ ဖွဲ့စည်းပုံအခြေခံဥပဒေ၌ ဖော်ပြထားသည်မှာ ဖွဲ့စည်းပုံအခြေခံဥပဒေပုဒ်မ ၃၉၆(ခ)အရ လွှတ်တော်ကိုယ်စားလှယ်တဦးကို တာဝန်မှ ပြန်လည်ရုပ်သိမ်းလိုပါက သက်ဆိုင်ရာ မဲဆန္ဒနယ်မှ မဲဆန္ဒရှင် ၁ ရာခိုင်နှုန်းက လက်မှတ်ရေးထိုးရမည် ဖြစ်ကြောင်း ဖော်ပြ ထားသည်။
YC
******************************
သတင်းနှင့် ဆောင်းပါးမှ ကောင်နှုတ်ချက်များ
“စီတန်းလှည့်လည်ရင် ဖြတ်သန်းမယ့်မြို့များတယ်၊ လမ်းကြောင်းလည်းရှည်တယ်၊ လူဦးရေများတော့ လမ်းပိတ်ဆုိ့မှုတွေ ဖြစ်နိုင်တဲ့အတွက် ကျွန်တော်တို့ အနေနဲ့ ငြင်းပယ်ခဲ့ပါတယ်။ ငြိမ်းချမ်းရေးဆိုတာ တစ်ကမ္ဘာလုံးမှာရှိတဲ့ လူအားလုံး လိုလားပါတယ်။ နိုင်ငံတော်ကလည်း ငြိမ်းချမ်းရေးကို လိုလားပါတယ်။ ကျွန်တော်တို့ရဲတပ်ဖွဲ့အနေနဲ့လည်း ပြည်သူတွေကို ငြိမ်းချမ်းစွာ ရှိနေစေဖို့အတွက် ဥပဒေဘောင်ထဲကနေ စောင့်ရှောက်နေတဲ့ အဖွဲ့တစ်ဖွဲ့ပါ။ သူတို့အနေနဲ့ ကျွန်တော်တို့ ငြင်းပယ်တာကို အယူခံဝင်လို့ ရပါတယ်”
စက်တင်ဘာ၂၃ထုတ် Open News ဂျာနယ်အတွဲ(၄)အမှတ်(၄၉)တွင်ပါရှိသည့် “ဆန္ဒပြပွဲ ဦးဆောင်သူများနှင့် ပါဝင်သူများအား ပုဒ်မ၁၈အရ အရေးယူမည်ဟုဆို” သတင်းမှ ရဲမှူး မြင့်ထွေး၏ ပြောကြားချက်အပေါ် ကောက်နှုတ်ချက်။
-----------------------------------------------------------------------------------------------------------------------------------
မြန်မာနိုင်ငံဟာ လက်ရှိအချိန်မှာ စပ်ကူးမတ်ကူး အခြေအနေကို ရောက်ရှိနေပါတယ်။ ဒါပေမယ့် မြန်မာနိုင်ငံဟာ တရုတ်နိုင်ငံနဲ့ ချစ်ကြည် ဖွံ့ဖြိုး တိုးတက်မှုကို အထူအလေးထားပါတယ်။ မူဝါဒအားဖြင့် တရုတ်နိုင်ငံအပေါ် စစ်မှန်တဲ့ မိတ်ဆွေအဖြစ် ရှုမြင်မှုဟာ ပြောင်းလဲသွားမှာ မဟုတ်ပါဘူး။
စက်တင်ဘာ၂၃ရက်ထုတ် newsday news ဂျာနယ်အတွဲ(၁)အမှတ်(၂၉)တွင်ပါရှိသည့် “ဒီမိုကရေစီ အသွင်ပြောင်းခြင်းသည် တရုတ်နိုင်ငံနှင့် ချစ်ကြည်ရင်းနှီးမှုကို ပြောင်းလဲစေမည်မဟုတ်ဟု သမ္မတဦးသိန်းစိန်ပြောကြား”သတင်းမှ ဦးသိန်းစိန်၏ ပြောကြားချက်အပေါ် ကောက်နှုတ် ချက်။
-----------------------------------------------------------------------------------------------------------------------------------
ကချင်ပြည်နယ်မှာ ကြီးပြင်းလာတဲ့အတွက် စစ်ပွဲတွေကြားမှာပဲ ကြီးလာရတာပါ။ အခုအချိန်က ဘယ်လိုမှ လုပ်ကိုင်စားသောက်လို့ကို မရဘူး။ စစ်ပွဲတွေ ဖြစ်နေတဲ့အတွက် ကုမ္ပဏီတွေကလည်း လုပ်ကွက်တွေ ပိတ်ထားရတယ်။ စာသောက်ဆိုင်တွေ၊ ကုန်စုံဆိုင်တွေ၊ အဓိကတော့ ကျောက်အရောင်းအဝယ်တွေ လုပ်ကိုင်ရခက်နေတယ်။ စားဝတ်နေရေးကြပ် တည်းလာတော့ ခိုးမှုတွေ၊ လုယက်မှုတွေအပြင် အခြားအမှုတွေလဲ ဖြစ်လာတယ်။
စက်တင်ဘာ၂၃ရက်ထုတ် Flower News ဂျာနယ်အတွဲ(၈)အမှတ်(၃၇)တွင်ပါရှိသည့် “ကချင်စစ်ပွဲများကြောင့် နယ်မြေခံ လူထု စားဝတ်နေရေး ကျပ်တည်းလျက်ရှိပြီင်္း ရာဇဝတ်မှုများ တိုးပွားလာ” သတင်းမှ ဦးအောင်ထွန်း၏ ပြောကြားချက်အပေါ် ကောက်နှုတ်ချက်။
******************************
Google Drive: create, share, and keep all your stuff in one place.
