Posts
 | yangonchronicle 2013 |
|
|
၂၄.၁.၂၀၁၃
နေ့စဉ်ထုတ်သတင်းလွှာ
- အထည်ချုပ်ပို့ကုန်များ အမေရိကန်သို့တင်ပိုရန် နည်းပညာပိုင်းပြည့်စုံသော်လည်း အခြေခံအလုပ်သမားအခွင့်အရေးရရှိမှသာ လက်ခံမည်
- ဘဏ်အတိုးနှုန်းနှင့်ပတ်သက်သည့် ကောလဟာလ သတင်းများကိုဗဟိုဘဏ်မှ ညွှန်ကြားခြင်းမရှိ
- ဆက်သွယ်ရေးဝန်ကြီးအပါအဝင် ဆက်သွယ်ရေးဌာန အရာရှိ ၅၀ ကျော်ကို စစ်ဆေး
- အမေရိကန်သံရုံးမှ ကချင်ပဋိပက္ခအရေးအား ကန့်ကွက်ရှုံချကြောင်း သတင်းထုတ်ပြန်
*************************************************************************************
(၂၃.၁.၂၀၁၃ ရက်နေ့ထုတ် Yangon Chronicle နေ့စဉ်ထုတ်သတင်းလွှာတွင် ပါရှိသော “ပြည်ခိုင်ဖြိုးပါတီ၌ သမ္မတဦးသိန်းစိန် ဥက္ကဋ္ဌအဖြစ် ဆက်လက် တာဝန်ယူမှု လွှတ်တော်တွင်မေးမြန်းမည်” သတင်း၌ သမ္မတ ဦးသိန်းစိန်ကို ဦးသန်းစိန်ဟု နာမည်မှားယွင်စွာ ဖော်ပြမိသည့်အတွက် စာဖတ်သူပြည်သူ အပေါင်းအား ပြင်ဆင်ဖတ်ရှုပေးပါရန် ပန်ကြားအပ်ပါသည်။)
-------------------------------------------------------------------------------------
နေ့စဉ်ထုတ်သတင်းလွှာ
အထည်ချုပ်ပို့ကုန်များ အမေရိကန်သို့တင်ပို့ရန် နည်းပညာပိုင်းပြည့်စုံသော်လည်း အခြေခံအလုပ်သမား အခွင့်အရေးရရှိမှသာ လက်ခံမည်
မြန်မာနိုင်ငံမှအထည်ချုပ်လုပ်ငန်းပို့ကုန်များကို အမေရိကန်နိုင်ငံသို့တင်ပို့ရာတွင် နည်းပညာပိုင်းတွင်အခက်အခဲများမရှိသော်လည်း အခြေခံအလုပ်သမားဆိုင်ရာ အခွင့်အရေးများတွင်လိုအပ်ချက်များရှိနေသဖြင့် စံချိန်စံညွှန်းများနှင့်အညီတင်ပို့နိုင်ရန်ညှိနှိုင်းရန် ဆောင်ရွက်လျက် ရှိကြောင်းကို အထည်ချုပ်လုပ်ငန်းရှင်များက ပြောကြားသည်။
အထည်ချုပ်လုပ်ငန်းပို့ကုန်များကို အမေရိကန်နိုင်ငံသို့တင်ပို့ရာတွင် ယခင်တင်ပို့နေသာ ဂျပန်နှင့်ထိုင်ဝမ်နိုင်ငံများကဲ့သို့မဟုတ်ဘဲ ဝယ်သူများနှင့် ချိတ်ဆက်ထားသည့်တိုင်အောင် အဆိုပါပုဂ္ဂိုလ်များက ချိတ်ဆက်ထားသောစက်ရုံများသို့ ကိုယ်တိုင်ကွင်းဆင်းလေ့လာပြီး အလုပ်သမားများ၏ လစာနှင့်လုပ်ငန်းခွင်အခြေအနေ၊ လုပ်ငန်းကျွမ်းကျင်မှု၊ နည်းပညာအရည်အသွေးစသည်တို့ကို လေ့လာကြောင်းကို Myanmar Glogon အထည်ချုပ် လုပ်ငန်းကုမ္ပဏီမှ ဒါရိုက်တာ ဒေါ်မိမိခိုင်ဝင်းက ပြောကြားကြောင်းသိရသည်။
အစိုးရသစ်၏ စီးပွားရေးမှုဝါဒပြောင်းလဲမှုနှင့် နိုင်ငံတကာမှစီးပွားရေးပိတ်ဆို့မှုတချိုကို ဖွင့်ပေးမှုကြောင့် အမေရိကန်အပါအဝင် ဥရောပနိုင်ငံများမှ စိတ်ဝင်စားမှုကြောင့် လာရောက်လေ့လာရာတွင် အလုပ်သမားများ၏ကျွမ်းကျင်မှုနှင့် ဈေးကွက်အခြေအနေ၊ စက်ရုံများတွင် လျှပ်စစ်ဓာတ်အား ရရှိမှုအခြေအနေ စသည်တို့ကိုအဓိကလေ့လာကြောင်း သိရသည်။
လက်ရှိအထည်ချုပ်ပို့ကုန်များကို အမေရိကန်ဈေးကွက်သို့တင်ပို့ရာတွင် ထိုင်းနှင့်ထိုင်ဝမ်နိုင်ငံများမှတဆင့် တင်ပို့ရကြောင်း၊ အမေရိကန်နိုင်ငံ များသို့တင်ပို့ရာတွင် တရားဝင်တင်ပို့နိုင်ရန်စာမထွက်သေးကြောင်း၊ နောက်နှစ်လလောက် ကြာမှသာစာထုတ်မည်ဖြစ်ကြောင်းကို ဒေါ်မိမိခိုင်က ဆက်လက်ပြောကြားသည်။
မြန်မာနိုင်ငံတွင်အထည်ချုပ်လုပ်ငန်းများသည် ရန်ကုန်မြှို့တွင် ၂၈၀ ခန့်ရှိပြီး တနိုင်ငံလုံးအတိုင်းအတာဖြင့် ၃၀၀ ကျော်ခန့် ရှိကြောင်း မြန်မာနိုင်ငံအထည်ချုပ်လုပ်ငန်းရှင်များအသင်း၏ တရားဝင်ထုတ်ပြန်ချက်များအရသိရသည်။ ထို့အပြင် အထည်ချုပ်လုပ်ငန်းကဏ္ဍသစ် ဖွင့်လှစ်နိုင်ရန် အတွက် ရန်ကုန်တိုင်းဒေသကြီးအပါအဝင် ပြည်နယ်နှင့်တိုင်းဒေသကြီးများတွင်ပါ အထည်ချုပ်စက်ရုံများ ဖွင့်လှစ်သွားမည် ဖြစ်ကြောင်းသိရသည်။
YC
--------------------------------------------------------------------------------------------------------------
ဘဏ်အတိုးနှုန်းနှင့်ပတ်သက်သည့် ကောလဟာလ သတင်းများကိုဗဟိုဘဏ်မှ ညွှန်ကြားခြင်းမရှိ
လာမည့်ဘဏ္ဍာရေးနှစ်တွင် ဘဏ်အတိုးနှုန်းနှင့်ပတ်သက်၍ လက်ရှိဘဏ်ချေးငွေအတိုးနှုန်း လက်ရှိ ၁၃ ရာခိုင်နှုန်းမှ ၈ ဒသမ ၅ ရာခိုင်နှုန်းနှင့် ဘဏ်အပ်ငွေအတိုးနှုန်း လက်ရှိ ၈ ရာခိုင်နှုန်းမှ ၃ ဒသမ ၅ ရာခိုင်နှုန်းသို့ တစ်နှစ်ခန့်လျှော့ချမည်ဟု ပြင်ပတွင်သတင်းများ ထွက်ပေါ်နေမှုများအပေါ် မြန်မာနိုင်ငံတော်ဗဟိုမှ ဇန်နဝါရီလ ၂၂ ရက်နေ့အထိ တရားဝင်ညွှန်ကြားစာများရောက်ရှိလာခြင်း မရှိသေးကြောင်းကို ပုဂ္ဂလိကဘဏ်များမှ ပြောာကြားကြောင်းသိရသည်။
အင်တာနက်စာမျက်နှာများတွင် ဘဏ်အတိုးနှုန်းနှင့်ပတ်သက်၍ ကောလဟာလသတင်းများ ထွက်ပေါ်နေသော်လည်း အာရှစိမ်းလန်း ဖွံ့ဖြိုးရေးဘဏ်သို့ နိုင်ငံတော်ဗဟိုဘဏ်မှ မည်ညွှန်ကြားချက်တစ်စုံတစ်ရာမှ ရောက်ရှိမလာသေးကြောင်း၊ တစ်စုံတစ်ရာထူးခြားမှုများရှိပါက ၎င်းတို့ အနေဖြင့် ပြည်သူလူထုများသိရှိနိုင်ရန်အတွက် အချိန်နှင့်တပြေးညီကြေညာသွားမည်ဖြစ်ကြောင်းကို ၎င်း၏ဖေ့ဘုတ်စာမျက်နှာတွင် ဖော်ပြထားကြောင်း သိရသည်။
သမဝါယမဘဏ်မှ တာဝန်ရှိသူတစ်ဦးကလည်း ၎င်းတို့ဆီသို့ တရားဝင်ညွှန်ကြားစာများ မရောက်ရှိလာသေးကြောင်း ထွက်ပေါ်နေသော ကောလဟာလအတိုင်းဆိုလျှင် အပ်ငွေရရှိဖို့ခက်ခဲသွားနိုင်ကြောင်း၊ မိမိသဘောကိုပြောရမည်ဆိုလျှင် အပ်ငွေအတိုးကို ၆ ရာခိုင်နှုန်းနှင့် ချေးငွေအတိုးကို ၁၁ ရာခိုင်နှုန်းသာဖြစ်သင့်ကြောင်း ၎င်း၏ အမြင်ကိုပါ ထည့်သွင်းပြောကြားသည်။
လက်ရှိအစိုးရသစ်လက်ထက်တွင် ၂၀၁၁ ခုနှစ် စက်တင်ဘာလ ၁ ရက်နေ့တွင် ဘဏ်အတိုးနှုန်းအပ်ငွေနှင့် ချေးငွေများကို ယခင်ထက် ၂ ရာခိုင်နှုန်းအထိ လျှော့ချခဲ့ပြီး ၂၀၁၂ ခုနှစ် ဇန်နဝါရီလ ၁ ရက်နေ့တွင် ထပ်မံ၍ ၂ ရာခိုင်နှုန်းလျှော့ချခဲ့ကြောင်းသိရသည်။
လွှတ်တော်တွင်း၌လည်း သီပေါမဲဆန္ဒနယ်မှ ဦးရဲထွန်းတင်သွင်းသော ဝန်ထမ်းများလစာတိုးပြီးပါက ငွေကြေးဖောင်းပွမှုမဖြစ်စေရန် မည်သည့် အစီအမံများချမှတ်ဆောင်ရွက်နေသည်ကို သိရှိလိုကြောင်းမေးခွန်းနှင့်စပ်လျဉ်း၍ ဘဏ္ဍာရေးနှင့်အခွန်ဝန်ကြီးဌာနဒုဝန်ကြီး ဒေါက်တာမောင်မောင်သိန်း၏ ဖြေကြားချက်တွင်လည်း ဘဏ်အတိုးနှုန်းနှင့်ပတ်သက်၍ စီးပွားရေးတိုးတက်မှုနှင့် တုံ့ဆိုင်းမှုများကို အခြေခံကာ ညှိနှိုင်းဆောင်ရွက် ပေးလျက်ရှိပါကြောင်း၊ အခြေခံငွေကြေးပမာဏကိုသက်မှတ်ရန်အတွက် အရန်ရန်ပုံငွေရည်မှန်းချက်နှင့် ငွေဖြစ်လွယ်မှုခန့်မှန်းခြင်းနည်းလမ်းများကို အသုံးပြုလျက်ရှိကြောင်း သိရသည်။
YC
-------------------------------------------------------------------------------
ဆက်သွယ်ရေးဝန်ကြီးအပါအဝင် ဆက်သွယ်ရေးဌာန အရာရှိ ၅၀ ကျော်ကို စစ်ဆေး
နှုတ်ထွက်ခဲ့သော ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသိန်းထွန်းအပါအဝင် ဆက်သွယ်ရေး ဝန်ကြီးဌာနမှ အရာရှိ ၅၀ ကျော်ကို ပြည်ထောင်စုစာရင်းစစ်ချုပ်က ဦးဆောင်ပြီး ပြည်ထဲရေးဝန်ကြီးဌာန လက်အောက်ရှိ မှုခင်းစုံစမ်းရေးအဖွဲ့ CID ၊ အထူးစုံစမ်းစစ်ဆေးရေးအဖွဲ့ BSI အဖွဲ့များက စုံစမ်းစစ်ဆေးလျက်ရှိကြောင်း သိရသည်။
ဆက်သွယ်ရေးဝန်ကြီးကို နေပြည်တော်ရှိ၎င်း၏နေအိမ်တွင် အကျယ်ချုပ်ထားကာ စစ်ဆေးမေးမြန်းလျှက်ရှိပြီး၊ ကျန်ဝန်ထမ်း ၅၀ ကျော်ကို နေပြည်တော်ရှိ ရဲတပ်ရင်းများတွင် ပူးပေါင်းအဖွဲ့မှ စစ်ဆေးမေးမြန်းမှုများ ပြုလုပ်လျက်ရှိကြောင်း သိရသည်။
ဆက်သွယ်ရေးဝန်ကြီးဌာနနှင့် အကျိုးတူပူးပေါင်းလုပ်ကိုင်လျှက်ရှိသော တရုတ်နိုင်ငံမှဆက်သွယ်ရေး ကုမ္ပဏီများ ဖြစ်သည့် ZTE နှင့် Huawei ကုမ္ပဏီများအပါအဝင် ပြည်တွင်းကုမ္ပဏီများဖြစ်သည့် Elite ၊ တာမိုးညဲ စသောကုမ္ပဏီ ၁၃ ခုရှိ တာဝန်ရှိသူများကိုပါ စစ်ဆေးနေကြောင်းသိရသည်။
နိုင်ငံတော်အနေဖြင့် ဆက်သွယ်ရေးကဏ္ဍတွင် အရှိန်အဟုန်ဖြင့်ဆောင်ရွက်နေချိန်တွင် ဝန်ကြီးများနှုတ်ထွက်ခြင်းသည် ယခင်အစိုးရ လက်ထက်ကကဲ့သို့ပင် မည်သည့်အကြောင်းကြောင့်နှုတ်ထွက်ခွင့်ပြုသည်ကို ပြည်သူများသိရှိရန်အတွက်အစိုးရက ရှင်းလင်းစွာပြောကြားမှုမရှိဘဲ ပွင့်လင်းမြင်သာမှုမရှိကြောင်းကို အမျိုးသားလွှတ်တော်ကိုယ်စားလှယ် ဦးဖုန်းမြင့်အောင်က ပြောကြားကြောင်းသိရသည်။
ဇန်နဝါရီလ ၁၆ ရက်တွင် ပြည်ထောင်စုဝန်ကြီးများဖြစ်သည် ဆက်သွယ်ရေးဝန်ကြီး ဦးသိန်းထွန်းနှင့် သာသနာရေးဝန်ကြီး သူရ ဦးမြင့်မောင်တို့ကို ၎င်းတို့၏ သဘောဆန္ဒအရ နှုတ်ထွက်ခွင့်ကို နိုင်ငံတော်သမ္မတက လက်မှတ်ရေးထိုးပေးခဲ့သည်။
ဆက်သွယ်ရေး စာတိုက်နှင့်ကြေးနန်းဝန်ကြီးဌာန ပြည်ထောင်စုဝန်ကြီး ဦးသိန်းထွန်းသည် ယခင်အစိုးရ လက်ထက်ကပင် အဆိုပါဌာနတွင် ဒုဝန်ကြီးအဖြစ် တာဝန်ထမ်ဆောင်ခဲ့ပြီး ယခုအစိုးရသစ်လက်ထက်တွင် ပြည်ထောင်စုဝန်ကြီးအဖြစ်ခန့်အပ်တာဝန်ပေးခဲ့ခြင်းဖြစ်သည်။
YC
------------------------------------------------------------------------------------------------------
အမေရိကန်သံရုံးမှ ကချင်ပဋိပက္ခအရေးအား ကန့်ကွက်ရှုံချကြောင်း သတင်းထုတ်ပြန်
မြန်မာနိုင်ငံ ကချင်ပြည်နယ်အတွင်း တပ်မတော်နှင့် ကချင်လွတ်မြောက်ရေးအဖွဲ့(KIO)တို့အကြား ဖြစ်ပွားနေသော ပဋိပက္ခဖြစ်စဉ်များနှင့် ပတ်သက်၍ ပြင်းထန်စွာဆန့်ကျင်ရှုံချကြောင်း အမေရိကန်နိုင်ငံခြားရေးဌာန ရန်ကုန်သံရုံးပြောခွင့်ရပုဂ္ဂိုလ်မှ ဇန်နဝါရီလ ၂၄ ရက်နေ့တွင် ထုတ်ပြန်ကြေညာခဲ့သည်။
ယင်းထုတ်ပြန်ချက်မှာ ကချင်ပြည်နယ်အတွင်း တိုက်ခိုက်မှုများ ဆက်လက်ဖြစ်ပွားနေမှုများအတွက် အမေရိကန်နိုင်ငံအနေဖြင့် စိုးရိမ်ပူပန်လျက် ရှိကြောင်း ဖော်ပြထားသည်။
ထို့ပြင် ဇန်နဝါရီလ ၁၉ ရက်နေ့မှစတင်၍ အပစ်အခတ်ရပ်စဲထားကြောင်း မြန်မာအစိုးရမှ ထုတ်ပြန်ကြေညာခဲ့သော်လည်း တပ်မတော်မှ KIO ဌာနချုပ်တည်ရှိရာ လိုင်ဇာအနီးဝန်းကျင်ကို စစ်ရေးအရဆက်လက်ထိုးစစ်ဆင်တိုက်ခိုက်မှုများ ပြုလုပ်ခဲ့သည့်အတွက် အရပ်သားများ ထိခိုက်သေဆုံး ခဲ့သည့်အပြင် အမျိုးသားပြန်လည်သင့်မြတ်ရေးကို အားယုတ်စေသည့်အတွက် အဆိုပါထိုးစစ်ဆင်တိုက်ခိုက်နေသည့်ကိစ္စအား အမေရိကန်နိုင်ငံမှ ပြင်းထန်စွာ ကန့်ကွက်ရှုံချကြောင်း ကြေညာခဲ့သည်။
ထို့ကြောင့် အဆိုပါဒေသရှိ ဒေသခံအရပ်သားများ၏ ဘေးကင်းလုံခြုံရေးနှင့် နေထိုင်စားသောက်ရေးအတွက် ကုလသမဂ္ဂနှင့် နိုင်ငံတကာ လူသားချင်းစာနာထောက်ထားသော အကူအညီပေးရေးအေဂျင်စီများ၏ အကူအညီလိုအပ်နေသောနေရာများသို့ မြန်မာအစိုးရက အတားအဆီးမရှီ ဝင်ခွင့်ပြုပါရန်နှင့် ကချင်ပြည်နယ်အတွင်း ရေရှည်တည်တံ့သော ငြိမ်းချမ်းရေးရရှိနိုင်စေရန် နှစ်ဖက်တာဝန်ရှိသူများမှ တွေ့ဆုံဆွေးနွေးရေး အခြေအနေ တစ်ရပ်ဖန်တီးသင့်ကြောင်း တိုက်တွန်းခဲ့သည်။
YC
*************************************************************************
| Google Drive: create, share, and keep all your stuff in one place. |  |